سس گلور عرش خدادن عالمه مولا علی
شش جهات و نه سمادن گوهر والا علی
---------------------------------------------------
شیعییه غیر علی ماغیر ائدنمز سروری
واردی خلقت لر ایچینده خلقتینده برتری
گور نه زیبا خلق ائدوب خلاق رحمان حیدری
خلقتین گلزارینه همچون گل زیبا علی
---------------------------------------------------
یوسف پیغمبرین گرچه رخ زیباسی وار
حلم و تقواده یقینا رتبه ی والاسی وار
گر سوروشسان یوسفون عالمده بیر مولاسی وار
یوسفان عرش و فرشه سرور و آقا علی
--------------------------------------------------
یوسفی سویدی ذلیخا کی ازل ناپاکیدی
عشقینه سوز یوخدی عشقینده گریبان چاکیدی
حیدرین یاری یگانه گوهر افلاکیدی
بسدی شانینده دیولسون همسر زهرا علی
---------------------------------------------------
آیه تحسینه قطعا خلقتی زیبنده دور
حیدرین قلبینده عشق بنده گی آکنده دور
شیعیه شاه امامت حقه عالی بنده دور
بنده گان حق ایچینده بنده ی اعلا علی
-------------------------------------------------
--------------------------------------------------
خلقتی اسباب خلق کون و امکاندور یقین
متقی دور منبع تقوا امام المتقین
انبیالر اولیالر مجلسینده برترین
قطره دور جمله خلایق شانیده دریا علی
--------------------------------------------------
طائرا دامان حیدردن ال اوزمه هرزمان
لطف حیدر حالیوه شامل ائدر نطق و بیان
نا امید ائتمز گدانی رهبر و شاه جهان
بی سبب گویده دیولمز عالی و اعلا علی
۹۶/۶/۱۳
#طائر اورنگی
التماس دعا
- یکشنبه
- 15
- اسفند
- 1400
- ساعت
- 9:5
- نوشته شده توسط
- طائر
- شاعر:
-
طائر اورنگی
ارسال دیدگاه