• سه شنبه 3 خرداد 01


اوغول صبر ائت قوجاقیمده بو نوعی پیچ و تاب ائتمه  -( اوغول صبر ائت قوجاقیمده بو نوعی پیچ و تاب ائتمه ع)

86
1

زبانحال خانم رباب با حضرت علی (ع) اصغر قبل از میدان



اوغول صبر ائت قوجاقیمده بو نوعی پیچ و تاب ائتمه 
آز آغلا سینه می داغلا آنان قلبین کباب ائتمه 

آنان مایلدی هر لحظه گوزنده عکسینی گورسون
گوزونده گوز یاشین اصغر آرامیزدا حجاب ائتمه

عطش دردی سنه بسدی ال ایاخ چالما آرام اول
آزآغلا ایستی اشکیله یوزون دائم خضاب ائتمه

دیلین یوخدی بو اشکیله تمنای محالین وار 
گوزون قربانیم بیله گوزونله آب و آب ائتمه

نه سو وار نه سوتوم واردی خجل ائتمه منی آرتیخ
بو داغلی سینه می اوغلوم خراشیله عذاب ائتمه

الیم سینسین آنان باغلور الین بند قماطیلن
الیمده چاره یوخ هرگز محبت سیز حساب ائتمه

دوداقون هی آچوب یومما هلاک اولدون سوسوزلوخدان
ربابی یاندیریب یاخما منی بی صبر و تاب ائتمه 

عجل سایله سالیب باشه بلا دشتی قیامتدی
دایان میدانه گئتماخدا بو شدتده شتاب ائتمه

تحمل ائت سووا گئتمه یاغیر گویدن بلا تیری 
تمام آرزومی سن علی نقش بر آب ائتمه 

دیمه من بولمورم دردین هامی دردین نمایاندور 
ولی بو حالیله رحم ائت منی هجره مجاب ایتمه 

منیم بخت اولدوزوم سنسن منیم دادیم دوزوم سنسن
سنیله خوشدی احوالیم بو احوالی خراب ائتمه 

اولومدن طائرا قوخما بالام باب الحوائجدی 
شفیع روز محشردی اماندی اضطراب ائتمه

تقریر ۲۲ اردیبهشت سال ۱۴۰۱ 
#طائراورنگی

  • پنج شنبه
  • 22
  • اردیبهشت
  • 1401
  • ساعت
  • 16:2
  • نوشته شده توسط
  • طائر

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران