قویدی قدم بلا چولونه نا خدای عشق
ووردی منای عشق و وفایه لوای عشق
مصباح حَق سفینه عشقه سالوب گذر
غبطه ایدوب اودور که منایه منای عشق
هنگ عراقه شور سالوب نغمه حجاز
دم ویردی نای نغمه عشقه نوای عشق
میقات یاره دشت غمی انتخاب اولوب
تا حشره تک او دشتیده قالسین بقای عشق
همره ائدوب حرملری شه کاروانینه
محکم یقیناََ ایستیری اولسون بنای عشق
بیر آیری حاله قالدی ولیکن مخدرات
تا جلوه لندی دیده لرینده سرای عشق
عرض ایتدیلر نَدور آدی بو دشت پر غمین
دشت بلادی سویلدی اول مقتدای عشق
القصه منزل ایتدی او ماوانی قافله
بیر قافله که اولموشیدی مبتلای عشق
آچمشدی اَل دعایه تمامی او دشتیده
دیلردن اوج ایدوردی سمایه دعای عشق
اهل سمانی حیرته سالمشدی شور و شوق
آیری صفایه گلمیشیدی کربلای عشق
قان یاش اَلوردی عارضه اهل حرم تمام
تسخیر ایلمیشدی فضانی نوای عشق
زینب دایانمیشیدی حسینیله روبرو
عرض ایلیوردی سویله نَدور اقتضای عشق
قارداش آچوبدی سرٓین آنام مختصر منه
امٓا فزونیدور دئیسَن ماجرای عشق
ناگه گلوبدی نطقه بویوردی شه زمن
گویدن گَلر بو دشت بلایه ندای عشق
بوردا مقدرات خدانی تاپار قضا
عشاق اولار بو دشتیده یکسر فنای عشق
قربانلاریم بوچولده منیم ذبح اولار باجی
تعین اولوبدی حاجی عشقه منای عشق
پی در تاپار بو چولده باشون زینبا بلا
صبر ائت گیلَن مصیبته ای آشنای عشق
لازمدی که بو یرده باتا قانه لشکریم
تنها بو فعلیدور هدف منتهای عشق
اوز قانینه باتاندا ولی شبه مصطفی
اَلدن دوشَر بو وادی عشقه عصای عشق
( أحلَی مِنَ العَسَل ) اولاجاخ وردی قاسمین
تسخیر او وردیله اولاجاخدور سمای عشق
عباسه شمر امان آلاجاخ خصم دونیدن
عباس رد ایدر ولی بهرِ رضای عشق
سقا منی مین عالمیله ایلمز عوض
عشقی نه چون اورکده اولوب ماورای عشق
شمر امان گتیرسه ابوالفضله وار نه غم
خالص چیخار یقٓین او محکدن طلای عشق
حیران قالار بو دشتیده پیکارینه عدو
نهری آلاندا یک تنه اول کیمیای عشق
دگمز سوسوز دوداقینه نهرین سویی باجی
عطشان دئیر قالوبدی خِیَمده همای عشق
صد حیف اولا سو مشکی یول اوستونده اوخلانار
گلمزخیامه ساری دوباره فدای عشق
اصغر گیدوب سو اوسته او گون اوخلانار گلر
یکسر دوشر تزلزله بو نینوای عشق
بیگانیه عتیق اورکده نه حاجتون
قانلی گوزیله باخسا سَنه گر خدای عشق
- دوشنبه
- 26
- تیر
- 1402
- ساعت
- 23:59
- نوشته شده توسط
- یوسف اکبری
- شاعر:
-
استاد داود طهمورثی
ارسال دیدگاه