ای باجی موسیِ عشقی گتورور شوره بو یر
کربلادی آدی فخر ایلیه جاخ طوره بو یر
ایلمه فریاد و فغان - آغلاما صبر ایله دایان
من بو صحرایه باجی گلمه میشم اوز باشیما
دیرم نکته سینی هم سنه هم قارداشیما
آغلادور شوق منی ، باخماگلان گوز یاشیما
مژدهء وصل ویرور چون دلِ مهجوره بو یر
مِی وحدتله باجی مستیدی یتمیش ایکی جان
گلدی بو عالمه ، آلدی او مِئی بوردا نشان
بیر کسین گلمز او نشئه باشینا ایچمسه قان
ایچدیرور قان اودی هر نشئهء مَخموره بو یر
حکمِ قتلیم یازیلوب محضرِ جاناندا باجی
اولموشام راضی همان حکمه او میداندا باجی
باش و جانیله وارام من سرِ پیماندا باجی
چکدیرور قرمزی قاندان خط منشوره بو یر
ویرمیشم دل باجی باش ویرماقا عبّاسیمله
عونیله جعفریله اکبریله قاسمیله
گُلِ نسرینمیله نسترن و یاسیمیله
بیر گلستان اولی هر بلبلِ شوره بو یر
هوسِ وصلیله باجی دلِ شیدا خوش اولور
غم و درد اولماسا گر باشدا بو سودا خوش اولور
اکبرون قانه بویانماقینه لیلا خوش اولور
یتورور عاشقِ مهجوری او منظوره بو یر
الیم اوسته گرک اصغر باجی میدانه گله
تا که نمرودین اوخ آتماقینه عنوان دوزه له
تشنه اوخلانماسا گلمز هامی مقصودیم اله
بیر مُبیّندی همان قصّهء مشهوره بو یر
نقدِ جان الده باجی مجلسِ یاره گیدرم
چکسه جانان اوزی هر شهر و دیاره گیدرم
اوز کسوک باشیمیله من سرِ داره گیدرم
پایدار اولماقیمی بولدوری منصوره بو یر
آختاروردوم باجی نوراللّهیله فیضِ حضور
گتورن باشه بو شوری دگی جز جلوهء طور
گیدرم دیرِ نصاری' اولا یا کنجِ تنور
یتوروبدور منی صد شکر همان نوره بو یر
بو آی اولدوز که باجی دورهء مِهره دوزولوب
هامی روشندل و افروخته چهره دوزولوب
او لآلی که بو رشتهء مُهره دوزولوب
مخزن حاصل اولی هر بیر لؤلؤء منثوره بو یر
(صافیا) ایلمه بیجا یره تحقیق و بیان
کربلاده اولان اسرار دگل غیره عیان
بو شرافتده یر اولماز اونا لایقدی هر آن
توپراقین سرمه ایده گر بصرِ حوره بو یر
- سه شنبه
- 27
- تیر
- 1402
- ساعت
- 16:47
- نوشته شده توسط
- یوسف اکبری
ارسال دیدگاه