سبک : کوچه ها را غم گرفته
خبر وئرین دونیا بیلسین
بو عزایه هامی گلسین
یومدو گؤز دونیادان گئتدی مؤلا
شيعه نی باغری قان ائتدی مؤلا
( جان علی جان علی ، جان علی جان )
دونیادان دای دؤیدو آقا
بیزی باشسیز قؤیدو آقا
قاپی سین باغلایار دای یتیم لر
بو گئجه آغلایار دای یتیم لر
( جان علی جان علی ، جان علی جان )
یئری گؤیی غملر آلدی
شیعه لری درده سالدی
یئر گؤی اهلی گره ک آغلاسین قان
باشه وورسون دئسین جان علی جان
( جان علی جان علی ، جان علی جان )
زینب قاره گئییب آغلار
بابا بابا دئییب آغلار
گاهدا باخیب حسین قارداشینا
غرق ائدر عالمی گؤز یاشینا
( جان علی جان علی ، جان علی جان
زینب آغلیر ، گلثوم آغلیر
حسن حسین سینه داغلیر
کوفه یکسر بوتون غم فضادی
جان علی یئرده گؤیده عزادی
( جان علی جان علی ، جان علی جان )
یانسان هر وقت نار غمده
سسله علی همان دمده
قؤی آدی قلبیوه صفا وئرسین
چاره سیز دردیوه دوا وئرسین
( جان علی جان علی ، جان علی جان )
هامی (نالان) سنی سسلر
مطلبینی سندن ایسلر
قیل عنایت شه مردان آقا
یتیملر آقاسی سن سن آقا
( جان علی جان علی ، جان علی جان )
- یکشنبه
- 15
- مرداد
- 1402
- ساعت
- 15:15
- نوشته شده توسط
- یوسف اکبری
ارسال دیدگاه