بقیع دن گل کوفه شهرینه گوز یاشیم دونوب قانه آی ننه
آتام ئولوب گل ننه بالا اوخشیاق یانه یانه آی ننه
ئولنده سن بش یاشیندا من باشیمه قرا سالموشام ننه
فلک سالوب آیری بیر قرا غم غم اوستونه آلمیشام ننه
سنه گیجه غسل ائدن ئولوب گل یامان گونه قالمیشام ننه
هایانداسان گل عم اوغلووا قورموشام عزاخانه آی ننه
یاناندا درگاهیمیز ننه قوللارین دشمن باغلیان ئولوب
سنون غمونده گجه گوندوز سینه سین ننه داغلیان ئولوب
بقیعده قبرون کنارونده هرگئجه سنه آغلیان ئولوب
اوگوزلر که آغلیوب سنه اولدی قانی پیمانه آی ننه
حسینون آغلور هایانداسان تسلیت ئوزون گل وئر اوغلووا
ئولوب سنی چوخ سوون علی گل ئوزون ننه اوخشا یارووا
بابام سنه چوخ عزا دوتوب سنده گل عزا دوت عم اوغلووا
سنه عزا ساخلیان ئولوب گل باتوبدی القانه آی ننه
اگر چه چاتمازدی دهریده بیر نفر اونا صبریده ننه
سنون غمون آلدی صبرینی یاندی آتش جبرده ننه
سنی گجه قبره تاپشوران یاتدی بو گجه قبریده ننه
بابامدا دویموشدی سن کیمی درد وغصه دن جانه آی ننه
بیر عمر غم غصه یورقونی بو گئجه ننه چاتدی ایمنه
قویولارا دردینی دیئن گلدی دردینی سویلیه سنه
یاراسین من باغلیانمادیم باغلا یاره سین سن ئوزون ننه
بو کوفه ده سن مدینه ده باتدوز هر ایکیز قانه آی ننه
کوفه شهر غفلت دی زینبه قیامتدی
بیرده من بورا گلسم ناقه لر ده محشر دی
دولاندی چون گردش زمان میندی ناقیه زینب
حسین جدا اوسته سسلنور صبر ایله هله زینب
رقیمدن چوخ مواظب اول آل قوجاقووه زینب
- چهارشنبه
- 18
- مرداد
- 1402
- ساعت
- 15:0
- نوشته شده توسط
- یوسف اکبری
ارسال دیدگاه