کیم اولسا محترم دئییر رقیه نون غلامیم
انیس رنج و غم دئییر رقیه نون غلامیم
بو یولدا هم قسم،دئییر رقیه نون غلامیم
مدافع حرم دئییر،رقیه نون غلامیم
بو بزمه حقه شاکرم،که من دوباره گلمیشم
واریم ئورکده حاجتیم،برای چاره گلمیشم
رقیه نون عزاسینه،باشیمدا قاره گلمیشم
اگر چه لاابالیم،حضور یاره گلمیشم
نه دعبل و فرزدقم،نه شهریار و یحیوی
که بوردا محتشم دئییر رقیه نون غلامیم
نشانه ی چمن بودی،گل اولسا اوردا لاله وار
نشان مجتهد بودی،آدینا بیر رساله وار
نه ایسته سن،او بارده،کتابی وار مقاله وار
کیم ایلسه مطالعه،حواسی قیل و قاله وار
گورر که قهرمانلارین،صفینده بیر سه ساله وار
بو شور و بو ارادته،بو صاحب جلالته
که شیعه دم به دم دئییر رقیه نون غلامیم
بو اوچ یاشیندا دخترین،ئورکده باخما آهینه
کیم اولسا درده مبتلا،گلر اونون پناهینه
فدا اولوم مقامینه،بو عزتیله جاهینه
سند واریمدی معتبر،بو سوزلرین گواهینه
که عالمین گوزی باخور،سه ساله نین نگاهینه
ئوزوم رقیه نوکری،آنام کنیز فاطمه
آتام ئورکده غم دئییر رقیه نون غلامیم
زیادین اوغلی خنجر، جفانی تا آلوب اله
حسینه افترا دئدی،ئورگی بلکه دینجله
قوشون توکولدی خیمه یه،ائدوبله یکسر هلهله
سویولدی گوشواره لر،چاتوبدی کامه حرمله
ولی رقیه یکتنه،سالوبدی شامه ولوله
چکوبدی نعره شیرتک،یزیدی خوار ائدوب خانم
که ایندیده عجم دئییر رقیه نون غلامیم
اگر چه غارته گیدوب،او چولده گوشواره سی
اگر چه قلبی داغلییدی،ئورکده واردی یاره سی
اگر چه آغلادوب اونون،جهانی باشدا قاره سی
مس وجودی ایلیییر،طلا اونون اشاره سی
اولوبدی برج عصمتین،ایشیقلی بیر ستاره سی
علم دئییر حرم دئییر که صاحب کرم دئییر
یازار سوزی قلم دئییر رقیه نون غلامیم
- پنج شنبه
- 19
- مرداد
- 1402
- ساعت
- 0:23
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه