گَلدِی زیارَت اِیتسُون قَبرِ حُسینی جابِر
گُوردی قالوب مَزاری بی زائر و مُجاوِر
اوُل مَرقَدِ شَریفِی شُوقِیلَه اِیتدی بیر دور
عَرض اِیلدی اِمامِین قالماز مَزاری بُو طُور
بِیر بِیلَه پادشاهَه آیا رَوادی بُو جُور
قَبرِی غُبار اِیچِندَه قالسُون بُو نُوع آخِر
سُویلُوبدی زار و گِریان جابِر بِحالِ رَنجُور
اوُلسُون سَلام، اِی جَلادِی شِمرِ مَنفُور
اِی جِسمِ زاری رَنجُور اِی نَحرِ پاکی مَنحُور
کَسدِیلَه تَشنه باشین آخِر بُو قُومِ کافِر
آغُوشَه چَکدِی جابِر اوُل اَکبَرِین مَزارِین
تُوکدی سِرِشگ چِشمِین آرتُوردی آهِ زارِین
عَرض اِیلدی فَداسی بُو قَبرِ پُر غبارِین
بُو تُوزلی قَبرَه قُربان رُوح و رَوانِ جابِر
باخجاق بُو قَبرَه آرتار غَم بُو دِل حَزینَه
نُولدی بَس اَهلِ بِیتین اِی یُوسُفِ مَدینُه
سَندَن نَنُوعی بُلمَم آیرِی دُوشُوب سَکینَه
شامَه اوُلوب پیادَه آخِر نِجَه مُسافِر
جابِر او مَرقَد اوُستَه مَشغُولِیدی نَوایَه
ناگاه دُوشدی بیر سَس اوُل دَشتِ نِینَوایَه
بُلدی که اَهلِبِیتی صَحرای کَربَلایَه
اَفغان و شُورِ و شِیلَه یِکسَر اوُلوبلا حاضِر
زِینِ اِلعبادِی گُورجاق اِیتدی سَلام تَقدِیم
اوُل سِیّدِ جَلِیلَه شُوقِیلَه اِیتدی تَعظِیم
وِیردی سَلامَه پاسُخ اِیلُوب زِیادَه تَکرِیم
قَد فُرتِ بالسَعادَه یا زایرِ المَقابِر
اوُل دَمدَه آلِ حِیدَر یُوز قُویدی اوُل مَزارَه
قَبرِ حُسینی جان تَک زِینَب چَکُوب کنارَه
لِیلی گلُوب مَزارِ اَکبَردَه آه و زارَه
هر بُلبُل اوُز گُلینَه شُوقِیلَه اوُلدی زایِر
- شنبه
- 22
- مهر
- 1402
- ساعت
- 20:13
- نوشته شده توسط
- یوسف اکبری
ارسال دیدگاه