قهرمان، ایرانیم
جاوِدان، ایرانیم
عالمه وَلوَله
سالموسان ایرانیم
یوخ یئری غم یییَم
سینه می داغلییَم
افتخاریم بودی
منده ایرانلییَم
(آنا یوردوم وطن) = (ای گوزل ، ایرانیم)
آسِمانوندا وار
پارلاق اولدوزلارون
راهِ زینبده دی
با حیا قیزلارون
دولودی گُلشَنون
لاله دن یاسیدن
آلوب اوغلانلارون
درسین عبّاسیدن
ای صفا گُلشنی
غیرتین معدنی
جاندان آرتیق وطن
ایستیرَم من سنی
واردی لطفون منه
عاشقم من سنه
بیر وَجب تپراقون
وئرمره م دشمنه
چوخ گولون گر سولوب
قلبیوه غم دولوب
غیرتوندن وطن
دشمنون خوار اولوب
وار سنون ای وطن
سایسیز اَصلانلارون
عرصه دن قاچمادی
قیزلار، اوغلانلارون
اینجیدیب گر سنی
کینه لر شدّتی
سیندیریب دشمنی
ملّتین وَحدتی
قالدی حسرت گوره
دشمنون ذلّتون
ای وطن وار سنون
چوخ گوزل ملّتون
چون امامِ شهید
کاش اولام روسفید
من حسینی قالام
اولمیام با یزید
(بیکَسم) ای وطن
ایستیرم حَقّیدن
بو گوزل بایراقون
منه اولسون کفن
- دوشنبه
- 21
- اردیبهشت
- 1405
- ساعت
- 0:47
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه