دگوبدی چوخ یارا گَر چه ، یارالیدی وطنیم
شهید ایدوبله امامین ، عزالیدی وطنیم
بو کِشورِ عَلَوی ، دشمنه باش اَگمیه جاق
صَلابتیله دوروبدی ، صفالیدی وطنیم
آچگوزون ای دشمن
قان توکَن اَهریمن
دورموشوخ میداندا
قوخماروخ بیز سندن
حیدر
یا علی حیدر
گورون کی هر گجه طبلِ جهادی بیز چالاروخ
بِنایِ کاخِ سفیدی تَزَلزُله سالاروخ
به حول و قُوّه ی پروردگارِ عالَمیان
امام و رهبریمین انتقامینی آلاروخ
چون بیزه آساندی
وعده ی قرآندی
گیتمه لی صَهیوندی
قالمالی ایراندی
جهانی بیربیرینه وورموشوخ شجاعتیله
غرورِ دشمنی سیندیرمیشوخ بو غیرتیله
اولار بیزی تانیموردی ولی قَشَح تانیدی
کی قوغموشوخ هامیسین دوره دن بو ذلّتیله
دشمنانِ جانی
تانیدیز ایرانی؟
آبراهام لینکُن یا
اِف سی و پَنچ هانی؟
فراقِ سیّد علی ده ، اگرچه دیده تَروخ
دوباره خیبری گوردوز یهوده تازه لروخ
خُدایه آند اولا دشمن، وطن شَرفدی بیزه
ایاقیزی بورا قویساز، اَیاقیزی کَسَروخ
آند اولا زهرایه
دخترِ طاهایه
بیز وطن توپراقین
ویرمه روخ اَعدایه
بورا دیارِ رضادی ، بورا فدادی جانیم
بو کِشورین عَلَمی آتدا خوشدی دالدالانیم
یازیبلا ا... آدین پرچَمِ سه رنگیمیزه
اَسنده پرچَمِ ایران ، جوشور داماردا قانیم
آیری بیر عالَمدی
دیلده گیزلین غَمدی
گوره م ایکاش آخر
کَفَنیم پرچمدی
- دوشنبه
- 21
- اردیبهشت
- 1405
- ساعت
- 1:30
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه