ایشیتمیشم امام رضا ، اورکلره صفا وئرر
ایشیتمیشم امام رضا ، مریضلره شِفا وئرر
مولا علی موسی الرضا
آقا علی موسی الرضا
زیارت ایستیرسن اگر ، یاپیش رضا دامنینی
ایشیتمیشم امام رضا ، برات کربلا وئرر
معصومیه قَسم ویریب ، حاجتیوی آل آقادان
چون اونی چوخ سووَر رضا ، حاجتی برمَلا وئرر
من بولورم امام رضا ، هیچ کیمی مأیوس ایلمز
چاره سی اولمییَن گَلر، چاره سینی رضا وئرر
اوزولسه هر یردن اَلون ، یتیر اوزون مشهدینه
ایشیتمیشم امام رضا ، چاره سیزه دوا وئرر
ایشیتمیشم هر کیم اونی آند ویره جوانینا
ایسته دیقین تِز ایسته سین ،چون آقا جابَجا وئرر
کیم اولا عاشقِ رضا ، غم گونی افسوس ایلمز
ضامن آهودی آقام ، یأسی آلار رَجا وئرر
نیازی یوخ یالواراسان ، تا سنه ده رضا باخا
اَز بَس آقادی بولورم ، دردی آلار شِفا وئرر
رئوفِ آلِ فاطمه گَدانی قووماز قاپیدان
سَسله آدین امام رضا ، سائلینه جَزا وئرر
دوزدی جهاندا هر غمه ، چاره خدا اَلینده دی
خدا نه ایسته سه ویره ، بخاطر رضا وئرر
(بیکَس) و دَرمانده لرین ، دردینه درماندی رضا
نوکر دوشَنده مُشکله ، حاجتینی آقا وئرر
- سه شنبه
- 22
- اردیبهشت
- 1405
- ساعت
- 23:16
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه