اشعار حضرت معصومه سلام الله علیها

هارداسان معصومه باجون جان ویرور غربتده قارداش

یاندی سن سیز جسم و جانیم آتش حسرتده قارداش

اورکده وار سوزوم

فراقه یوخ دوزوم

یولندا قالدی گل

منیم آغلار گوزوم

رضا جانم رضا_ سنه جانیم فدا

درد هجرانون ایدوبدی من غریبی زار و خسته

انتظارم جان ویرنده سن گلیدون باشیم اوسته

منه کیم آغلیار

سینه سین داغلیار

ئولنده کیم منیم

گوزومی باغلیار

رضا جانم رضا_سنه جانیم فدا

کنج غربتده نه حالدا یول تاپیم من ملک صبره

حمل ایدر کیم جسمیمی سن اولماسان بو یرده قبره

بلا آماجیم

وفالی باجیم

سنون بو لطفوون

اخا محتاجیم

رضا جانم رضا_سنه جانیم فدا

رسم عالمدور همیشه هر باجی هنگام رحلت

چوخ سویر قارداش کنارینده ایده قرآن تلاوت

گل ای آرام جان

منه روح و روان

گلوب قرآن اوخی

ویروم آسوده جان

رضا جانم رضا_ سنه جانیم فدا

• پنج شنبه
• 2
• اردیبهشت
• 1400
• ساعت
• 14:25
• نوشته شده توسط
• یوسف اکبری

السّلام السّلام معصومه
بِنت و اُخت الامام معصومه

سن اوزون نیّر درخشان سان
آبرودار ملک ایران سان
نورِ چشمِ شهِ خراسان سان
بیزه ور بارِ عام معصومه
السّلام السّلام معصومه

بارگاهوندی جنّت الاعلی
بِفَداها دیوب آتان موسی
سنی احسان ائدیب بیزه زهرا
ای که بدر تمام معصومه
السّلام السّلام معصومه

حرمون عرشیانه مأوادی
نَفسین پاک دی مسیحا دی
بیزه لطفین سنین مُطلّادی
لطفین اولسون مدام معصومه
السّلام السّلام معصومه

بویوروب قارداشون امام رضا
کیم زیارت سنی اده قم دا
منه زائر اولور خراسان دا
درده ای التیام معصومه
السّلام السّلام معصومه

سن تولد تاپاندا عرض و سماء
غرق نور اولدی عالم بالا
باسدی آغوشینه ئوپوبدی رضا
اولدولار شادکام معصومه
السّلام السّلام معصومه

ایکی گنبد اوجالیب ایراندا
ساخلیوب سایه سار قران دا
بیری قم دا بیری خراسان دا
آدی دارالسّلام معصومه
السّلام السّلام معصومه

• سه شنبه
• 21
• اردیبهشت
• 1400
• ساعت
• 15:03
• نوشته شده توسط
• یوسف اکبری

آیلار ایچره نه گوزل آیدی ربیع اول آیی
ائتمه ایراد دئسم گر بو آیین یوخدی تایی
اولدی بو آیدا قومون بانوی اسلام پایی
ائله کی ییرمی اوچی گلدی یتیشدی بو آیین
گوردیلر فاطمه نون قملولار ایراندا تایین

ساوه دن گوردیله بانوی کرامتدی گلور
اسوه حجب و حیا الگوی عفتدی گلور
آدی معصومه اوزی پیک جلالتدی گلور
باش ایوریولدا کی گوللر قره چادر شبینه
هامی ایستوردی جلودار اولا اول مرکبینه

شوق و ذوقیله چیخوب فوری قم اهلی قاباقا
گه کنارینده کچوردیله صولا گاهی ساقا
حکم قرآندی گرک حرمت اولونسون قوناقا
دئدیلر بیز سنه قربان ائدروک جانیمیزی
قدمون جنت ائدوب حسنیده ایرانیمیزی

گوزلر اوسته دئدیلر قوی قدمون قویما یره
شهپرین مقدموه وار یری جبریل سره
کیمدی گرد قدمون لعل بد اخشانه وئره
هم آتوندی بیزه هم دهریده قارداشون امام
بیز غلاموک سنه ای بانوی ارزنده مقام

هرکس اوز عشقینی اول حضرته اعلان ائلدی
خاک راهیندن ئوپوب خدمت شایان ایلدی
اشعری طایفه سی قوچ قوزی قربان ائلدی
موسی خزرج اونا اولدی جلودار اوزی
خدمتینده واریدی گونده گجیله گونوزی

موسی خزرجه اون یدی گجه اولدی قوناق
هی دولوب هی بوشالوردی خانیما خاطر اتاق
یاندیروردی اورگین لیک گنه نار فراق
آرزوسی بوئیدی دردی دوایه یتشه
گوزونون ایشیقی قارداشی رضایه یتشه

نگرانسان دئدیلر سن ندن ای محرم راز
ندو رعلت ائلییورسن بو قدر سوز و گداز
نیه حالون پوزولوب بانوی والای حجاز
دوتولوبدی اورگون غملی گلورسن نظره
گوزلرون لحظه به لحظه بویانور اشک تره

سن وفا محورینون جلوه لی بیر کوکبی سن
طی ائدوبسن بو اوزون یولاری روز و شبی سن
گر رضا اولسا حسین سنده اونون زینبی سن
سنده زینب کیمی باشلاره سعادت تاجی سان
عشقیده عالم آرا زینبه بنزر باجی سان

سنده زینب تک اوزون غرق محن ایلموسن
قارداش آردیجا دوشوب ترک وطن ایلموسن
بو کویر اولکه نی سن باغ عدن ایلموسن
ای حجازه ملکه سن هارا قم شهری هارا
برکت خلق ائلیوبدی قدمون قملولارا

#قم دیارین بیزه منت دیکی ترک ائتمییسن
طوسه گِتسون بودی قورخی هدفه یتمییسن
هارا گِتسون گِدَه سن کوفیه کاش گتمییسن
کوفه اهلی نین اولا یوزلری محشرده قرا
کوفه ده حرمت ائدن اولمادی یورقون قوناقا

قمون اهلین ائلمه کوفه نین اهلیله قیاس
کوفه لیلر کیمی بیزلر دگولوک حق نشناس
تسلیت عرض ائدروک گیسه قوناق قاره لباس
رسمیمیزدی قوناقین باشینه بیز گول سپروک
کوفه لیلر کیمی نه طعنه وئروب کول سپروک

آتماروق بیز قوناقین سمتینه طعنه داشینی
ویرماروق قارداشینون نیزیه قانلی باشینی
حالینه یانوق اورکدن توکروک گوز یاشینی
تیر طعنیله داخی داغلی دیلین داغلاماروق
کوچه لرده قولی باغلی قوناقی ساخلاماروق

• سه شنبه
• 4
• خرداد
• 1400
• ساعت
• 20:53
• نوشته شده توسط
• یوسف اکبری

گل آچوب گلزار ولا
آئینه دل تاپدی جلا
شاداولدی اورکلر

دیل آچوب تحسینه شرف
دلشادیدی چون شاه نجف
شاداولدی اورکلر

میلادوه قربان معصومه ی اطهر
دردانه ی زهرا زیباگل حیدر

سن عزیزمصطفاسن.قدمون مبارک اولسون
بلی.خواهررضاسن.قدمون.مبارک.اولسون

سنی سسلر شاه و گدا
ای دختر سلطان هد ی
سن جان رضاسن

حر میندور دار شفا
وارسنده.چتین.درده.دوا
سن جان رضا سن

دنیایه گوز اچدون.سن.بیت شرفده
زهراده سویندی سلطان نجفده

سن.عزیزمصطفاسن.قدمون.مبارک.اولسون
بلی.خواهررضاسم.قدمون.مبارک.اولسون

ای عزیز شاه نجف
قم سندن آلوب عزوشرف
رشگ اولدی جنا نه

کیم اولور زوارون آلور
تئزمطلبین عرشه اوجالور
ای در . یگانه

ای سرگل ایمان ایمانیوه قربان
جنتد سنیلن .سر تا سر ایران

سن.عزیزمصطفاسن.قدمون.مبارک.اولسون
بلی.خواهررضاسن.قدمون.مبارک.اولسون

• شنبه
• 5
• تیر
• 1400
• ساعت
• 12:00
• نوشته شده توسط
• یوسف اکبری

شوّال آیی یثربده چیخیب بیر مه تابان
درگاه امام کاظم اولوب نوریله رخشان
بیر قیز اونا احسان ائلیوب قادر سبحان
حورا سوؤنوب باشلادی گوگلرده ترانه
سسلندیله معصومه قدم قویدی جهانه
ای ذات خداوند تبارک
اولسون قدمون خانم مبارک

باخدی آناسی گل یوزینه اولدی خرامان
به به نه گوزلدی دئدی بو غنچه ی خندان
باخدیقجا دئدی جان بالا اولسون سنه قربان
حورا سوؤنوب باشلادی گوگلرده ترانه
سسلندیله معصومه قدم قویدی جهانه
ای ذات خداوند تبارک
اولسون قدمون خانم مبارک

گلدی بو خانم قُمدا ائدیب رحل اقامت
ایستوردی رضانی ائده مشهدده زیارت
هجران اودی سالدی ولی حیف ایلدی رحلت
حورا سوؤنوب باشلادی گوگلرده ترانه
سسلندیله معصومه قدم قویدی جهانه
ای ذات خداوند تبارک
اولسون قدمون خانم مبارک

بیر بیله خبر وار اولوب البته کتابت
زهرا بویوروب کیم بالامی ائتسه زیارت
زائردی منیم قبریمه ای اهل ارادت
حورا سوؤنوب باشلادی گوگلرده ترانه
سسلندیله معصومه قدم قویدی جهانه
ای ذات خداوند تبارک
اولسون قدمون خانم مبارک

• دوشنبه
• 4
• مرداد
• 1400
• ساعت
• 12:16
• نوشته شده توسط
• یوسف اکبری

نگین کشور ایراندی خانم معصومه
وجودی مظهر ایماندی خانم معصومه

مقام و رتبده برتردی بانوان ایچره
بو دخت افضل نسواندی خانم معصومه

وجودی ملک خراسانه اولدی زینت بخش
یایلدی نوری درخشاندی خانم معصومه

تفاخر ایلدی یر عرشه اول وجودوندان
ملک ده شأنینه حیراندی خانم معصومه

رضاسی نه فلکه گون کیمی سالوب نورین
قمرده قومدا نمایاندی خانم معصومه

بهشتی ایلمز عشاق آرزو دیلده
حرملروز بیزه رضواندی خانم معصومه

طبیبیلر قاپوسین آشنالروز دوگمز
دیلله دردلره درماندی خانم معصومه

سیزین قاپوزدا گدانین قییتمز اللری بوش
بو باب رحمت رحماندی خانم معصومه

گلله هیئته عشاق سیزلره خاطر
کرم بو یرده فراواندی خانم معصومه

قوناقه حرمت ائده لر بو رسم عالمدور
بورا گلن سنه مهماندی خانم معصومه

گلیبدی «صادقی» مین عذریله بقیع ایستور
الین بوش ایلمه احساندی خانم معصومه

• پنج شنبه
• 7
• مرداد
• 1400
• ساعت
• 11:43
• نوشته شده توسط
• یوسف اکبری

ای نجم سپهـرملـک ایـران
وی خواهر ضـامن غـریبان
کنجینه ی بی بدیـل ایمان
آینـه ی پـاک حی رحمــان
الگـوی کمال ذات سبحـان
تو مظـهر عشقی و صفایی
معصومیه حضرت رضـایی

در روز خجـسته ی ولادت
شدنام تو سـرفصل کرامت
ای دُّر گــرانبــهای خلــقت
دریای کمال وعلم ورحمت
از راه کـــرم نمــا عنــایت
‌ شـایسته ی لطفی و عطـایی
معصومیه حضرت رضــایی

هـرچنـد بـَدم غــلام زشتـم
دور از همه میکـده کنشتـم
عشق تونشسته درسرشتـم
بـرلــوح دلم چنـین نوشتـم
باتـو شده شهـر قـُم بهشتـم
دریـــای کـــرم بحـر سخـای
معصـومیه حضرت رضـایی

ذریـّـه ی خـاتم پیـامـــبر
زیبــا ثمــر ریـاض حیــدر
همنام شفیـع یوم محـشر
سالـک به ره خــدای اکـبر
از درگه تو فقـیرو مضـطر
نومیـد نشد بـرون گــدایی
مصومیه حضرت رضـایی

• دوشنبه
• 11
• مرداد
• 1400
• ساعت
• 11:01
• نوشته شده توسط
• یوسف اکبری