عالم ایچره مطلع انوار سنسن، یا علی!
چرخ عزّت ثابت و سیّار سنسن، یا علی!
کنتُ کنزاً مَخفیا اَحبَبتُ اَن اُعرَف دئدین،
کلمه ی حق، صاحب گفتار سنسن، یا علی!
ذات پاکیندیر مشیّت خلق قیلدین عالمی،
ائیلیه ن آفاقی یوخدان وار سنسن، یا علی!
عالمه معلول بیعت وجودوندور سنین،
علّت نُه گنبد دوّار سنسن، یا علی!
سن ظهور اولدون جهانا ظاهر اولدو ذات حق،
ذات حقّی ائیلیه ن اظهار سنسن، یا علی!
عالم و آدم طُفیل ذات پاکیندیر سنین،
صادر اوّل شهِ ابرار سنسن، یا علی!
توبه ی آدم سنیله اولدو عالمده قبول،
نقصی یوخدور سؤیله سَم غفّار سنسن، یا علی!
اولدو نوحا فُلک مشحون اوزره لطفون ناخدا،
حین طوفان ممطر امطار سنسن، یا علی!
صالحه قیلدین عطالار ناقه سنگ خاره دن،
قوم عاده صرصر قهّار سنسن، یا علی!
وئردی ایّوبِ تن افگاره شفا لطفون سنین،
یونسه بطن سمکده یار سنسن، یا علی!
ربّ اَرنی سؤیله دی موسا اگر چه طورده،
اُول تجلّادان اولان دیداری سنسن، یا علی!
دیده ی یعقوبه وئردی فیض دیدارین ضیاء،
یوسفه زندان آرا دلدار سنسن، یا علی!
زنده ی انفاس پاکیندیر مسیحالار سنین،
جنّت ایچره «تَجری الاَنهار» سنسن، یا علی!
نطق پاکیندیر سنین «عَیناً تسمّی سلسبیل»،
جنّت ایچره «تَجری الاَنهار» سنسن، یا علی!
کیمدی سندن غیری اسرار مگودان با خبر،
نفس احمد محرم اسرار سنسن، یا علی!
قویدون ای نور خدا! مهر نبوّت اوسته پا،
کعبه دن بُتلار یخان هشیار سنسن، یا علی!
قتل مرحبده سنه حقدن یتیشدی مرحبا!
«قاتل الکفّار و الاشرار» سنسن، یا علی!
جنّ و انسین طاعتیندن افضل اولدو ضربتین،
روز خندق قاتل کفّار سنسن، یا علی!
کیمدی کیم عَمر بن انتر ضربیوه تاب ائیله سین؟
شیر داور قدرت جبّار سنسن، یا علی!
ای شه خیبر گشا، سلطان اقلیم سخا،
وقت بخشش قلزم ذخّار سنسن، یا علی!
یار غار اولدی رسوله گر چه غیری ظاهراً،
باطناً اول شاهه یار غار سنسن، یا علی!
هم پیمبر باطنینده باطنیدی باطنین،
یار فاش احمدِ مختار سنسن، یا علی!
چوخ بلالر دفع قیلدین احمد محمود دن،
دافع درد و غم بسیار سنسن، یا علی!
ائیله دین صرح قواریری سلیمانه عطا،
لحن داود نکو اطوار سنسن، یا علی!
چرخ فضل قدر، برج کوکب احدی عشر،
بحر پاک لؤلؤ شهوار سنسن، یا علی!
اولمامیشدی قالب آدم مخمّر طیندن،
ذات حقّه ائیلیه ن اقرار سنسن، یا علی!
سن سن آدم، حضرت آدم سنه فرزند دیر،
نکته ی صلصال کالفَخّار سنسن، یا علی!
گلشن باغ رسالتده گولیدی فاطمه ، اولمازدی هئچ
اول گولون عطرین آلان عطّار سنسن، یا علی!
اولماسیدین کیمسه کفو فاطمه،
کفو اول صدّیقۀ اطهاره سنسن، یا علی!
حمله اوستن حمله اظهار ائیلین کافرلره،
خصم افکن حیدر کرّار سنسن، یا علی!
ناکثین و مارقین و قاسطینه جمله دور،
برق خاطف صاعقه کردار سنسن، یا علی!
فاضل شیروانیان کیم نسل پاکیندیر سنین،
ذات پاکیندا اولان آثار سنسن، یا علی!
لطف حق آقای آقایان آقا سیّد علی،
سانکی شیرواندا بیزه غمخوار سنسن، یا علی!
«سیّدین» نطقی کلامی فکر و ذکری روز و شب،
طبع مؤزونوندا کی اشعار سنسن، یا علی!
بیر کلافیله گلیر #سید سنین بازاریوا،
بو عجوزه، یوسف بازار سنسن، یا علی!
بیر یوزی قاره قولوندور، بی پناه و در به در،
قویما خوار اولسون، شه ابرار سنسن، یا علی!
- چهارشنبه
- 1
- اسفند
- 1397
- ساعت
- 20:36
- نوشته شده توسط
- ابوالفضل عابدی پور
- شاعر:
-
سید عظیم شیروانی
ارسال دیدگاه