قادر آلله یارادیب عالم امکانی گوزل
کهکشان و قمر و شمسیله کیهانی گوزل
گلون ای اهل بصر ثابت و سیاره باخین
نظم و ترتیبه سالیب زهره و میزانی گوزل
دلو و قوس و اسد و سنبله حمل و سرطان
ثور و حوت و جدی و عقرب و جوزانی گوزل
اون ایکی شهر آدینا بیر ئیلی کشور یارادیب
دورده تقسیم ائلییب کشوری استانی گوزل
واردی هر استانین اوچ شهریله دوخسان کندی
اوچ یوز آلتمیش بئش آرا سلطه ی فرمانی گوزل
تازه کوینک بیچیلیر یازدا طبیعت بویونا
گول چیچکدیر بزءییر صحن گولوستانی گوزل
جلگه و دشت و دمن جمله یاشیل دون گیینیر
جام جم ده گورونور کوه و بیابانی گوزل
یئتیشیر حدکماله نئجه قیرخ بئش گونده
میوه لر میل اولونور لذت دندانی گوزل
کوره ی داغ طبیعت گورونور یای دا عیان
گون شاخان ساعت ائدیرصورت دریانی گوزل
سویو تبخیر ائلییر گون جمع ائدیر گویده بولود
یوللییر لازم اولان وقتیده بارانی گوزل
بزءنیر یئر ئوزی سرسبز آل الوان گولولن
گول چیچک ایچره اوخور مرغ خوش الحانی گوزل
اویاشیل دون نئچه آیدان سورا رنگین دئییشیر
ساری یاپراق بورویور شاخه ی طوبانی گوزل
فصل پاییزطبیعت آلاجاق وئردیگینی
بلکه روئیت ائلییه فصل زمستانی گوزل
تندصرصر کی اسیر صوت اناالحق اوجالیر
ذکره وادار ائلییر برگ درختانی گوزل
یعنی عریاندی وجودیم منه رحمت ائت یارب
میزبانلیق اودو کی ساخلییا مهمانی گوزل
آق ایپکدن توخونور یئر اوزونه تازه لباس
آق گئییم ائیلیری هر پیریله برنانی گوزل
یاراداندان سورا آلله هامی مخلوقاتی
ایسته دی خلق ائلییه هیکل انسانی گوزل
وئردی دستور کی ات پالچیقی وزلنسین ازل
یارادیب حکمتیلن آدم و حوانی گوزل
فتبارک بویوروبدور متکبر خالق
احسن الخالق اوزو ساحت سبحانی گوزل
خلق ائدیب مختلف انسانلاری بی حدوحساب
هره بیرشکلیده بیررنگیده الحانی گوزل
انبیانی بوتون انسانلار رهبر بگنیب
شیث و ادریسیله الیاس و سلیمانی گوزل
یوسف و هود و شعیب و زکریا یحیی
صالح و حضرت ایوبیله لقمانی گوزل
انبیادن ده بئشین سئچدی اولوالعزم آدینا
نوح و ابراهیم و موسایله عیسانی گوزل
بئش نفردن بیرینه لفظیده لولاک دئدی
انتخاب ائیله دی آلله اوزی طاهانی گوزل
سنیده خلق ائلمزدیم کی علیدیرسببی
گوستریب عالم آرا حرمت مولانی گوزل
حسنینه گوره خلق ائتدیم علینین نورین
سالمیشام آدلارینا جنت الاعلانی گوزل
دورت وجودین سبب خلقتیده زهرادی
نوریدن خلق ائله دیم زهره ی زهرانی گوزل
خلقت فاطمه علت دی بوتون خلقتیمه
قدرت فاطمه وابسته دی اوزقدرتیمه
- جمعه
- 3
- اسفند
- 1397
- ساعت
- 15:56
- نوشته شده توسط
- ابوالفضل عابدی پور
- شاعر:
-
اکبر ستاری
ارسال دیدگاه