وصی ختم رسل، رهبر احباب علی
مصطفادن صورا بو عالمه ارباب علی
معنی صوم و صلات و شرف ذکر و دعا
سجده وقتینده اولان زینت محراب علی
اسدالله لقبی بحر خروشان ظفر
در دریای ادب، گوهر نایاب علی
کعبه نی مقدمینون حرمتی عرشه یتورن
بیت حق، هر دم اولان عشقینه بی تاب علی
قاصدعدل و مساوات و عدالتخواهی
شاه اقلیم ظفر، اسوه ی پایاب علی
ساقی میکده ی خلقت رب الملکوت
پایلیان خیل احبایه می ناب علی
نوررخساری گونی واله و مبهوت الین
شام ظلمتده ایدن جلوه چومهتاب علی
نیمه شب عابدبیدار، دیلی غرق دعا
گجه لر،فیضینه حسرتده قالان خواب، علی
آج قالوب حصه سین همسایه سینه بذل الین
خیل ایتامی ایدن رحمته سیراب علی
اسدالله و یدالله و امیرالامرا
گاه باغلاردا اولان کسوتی میراب علی
"ناعمم"درگهوون سائل بی مقداری
سسلرم شام و سحر عجزیله، دریاب علی
- جمعه
- 10
- اسفند
- 1397
- ساعت
- 17:49
- نوشته شده توسط
- ابوالفضل عابدی پور
- شاعر:
-
محمدرضا محمدی (ناعم)
ارسال دیدگاه