• پنج شنبه 9 فروردین 03


متن شعر ترکی ولادت حضرت علی (ع) -(یِئنه فکرِشاعرپراکَنده دیر)

9997
6

یِئنه فکرِشاعرپراکَنده دیر
اوره ک سوزِآهیله آکَنده دیر
خیال اِئیلیْرم آهْ آهنده دیر
ولی نامِ مولارباینده دیر
علینین آدیلان اوره ک زنده دیر
علی جان گؤزوم سنده دیرسنده دیر


گئینه چولقایب غم دوتوب دؤره می
قلم فاش ائدیرسینه م ایچرن غمی
قلم دیرفقط شاعرین همدمی
منه وئرسه لرهرایکی عالَمی
علیسیزخیال اِئتمه پاینده دیر
علیجان گؤزوم سنده دیرسنده دیر


گئچیب نصفِ شب چشمِ بیدارینم
گؤزل گؤلشنونده بیتن خارینم
اوزاق یولدان البته زوّارینم
قبول اِئیلسن من سنین یارینم
گؤزل نورون هریِئرده تابنده دیر
علیجان گؤزوم سنده دیرسنده دیر


جهان اهلینه رهنماسن علی
بوتون یوللاراآشناسن علی
چتین دردلره سن دواسن علی
گؤزللرده سن دلرباسن علی
یقینیمدی مشکل گشاسن علی
آقالیق سنه لطفِ اَرزنده دیر
علیجان گؤزم سنده دیرسنده دیر


جهانه ایشیقلی سحرسن علی
وجودیمده نورِبصرسن علی
نمایندهٔ بَحروبَرسن علی
بشرسنده کَیفَ بشرسن علی
سرافرازِتیغِ دوبَرسن علی
آتاگِئتسه اِرثیّه فرزنده دیر
علیجان گؤزوم سنده دیرسنده دیر


تانیرپاکدل قهرمانلارسنی
بیلیرپهلوان پهلوانلارسنی
دییرچؤلده یالقیزقالانلارسنی
بوگون سسلنیربوجوانلارسنی
چوخ ایستربوتون خسته جانلارسنی
بیرعده بوجمع ایچره شرمنده دیر
علیجان گؤزوم سنده دیرسنده دیر


علی شیریزدان یدالله دیر
علی آیهٔ فضّل الله دیر
علی نورِبی مثل آلله دیر
علی راه دیرمهردیرماه دیر
علیدن کیم اَلچکسه گمراه دیر
علی تک کیم آللآهینابنده دیر
علیجان گؤزوم سنده دیرسنده دیر


علیدیرشهنشاه ملکِ یقین
علیدیروصیّ بلافصلِ دین
علیدیرمسلمانه حَبلُ المتین
علیدیرولایتده حِصنِ حَصین
کیمین عشقی واردیرعلی سسله سین
علینین آدی هرزمان زنده دیر
علیجان گؤزوم سنده دیرسنده دیر


روایت ائدیبل سؤزون بیشمار
علینین آدین ثبت ائدیب آشکار
شمارش ده تعدادی بیش ازهزار
اونون اوچ یوزون صاحب اَنواریازار(1)
وَخوارزمی یازمیش ایکی یوزکرار
سؤزو دُرِّشهوارِغلطنده دیر
علیجان گؤزوم سنده دیرسنده دیر


علینین آدین خلق ائدنده خدا
اؤنونورِاَعلادَن ائتدی جدا
قلم ائیلسه حقّ عشقین اَدا
علی سسلرم تاگلینجک صدا
علینین آدی روحه وئردی جَلا
بودورقصّه جوینده یابنده دیر
علیجان گؤزوم سنده دی سنده دیر


سنی محترم حیِّ سبحان بیلیر
سنین حُبُّووی دینه میزان بیلیر
اوسرّی کی محبوبِ یزدان بیلیر
فقط،بیرسؤزون،شخصِ سلمان بیلیر
سنی شیعه اؤزجسمینه جان بیلیر
سنی تَرک اِئدنلرسرافکنده دیر
علیجان گؤزوم سنده دیرسنده دیر


گتیردیم دیله مرتضیٰ آدنی
گؤزتلیرقلم فیضِ اِمدادنی
یازام بلکه بیرشَمَّهْ میلادنی
ورق ووردوم اوراقِ اسنادنی
گل ایندی اِئشیت قلب فریادنی
دئییم ایندی گؤرهانسی پرونده دیر
علیجان گؤزوم سنده دیرسنده دیر


گزیب نظمیلن دورِچرخِ اَدب
گئچیب ماه وسال وئوتوب روزوشب
باخیرچشمِ عالَم عجب درعجب
گلیب سیزدهِ روزِمـاهِ رجب
نمایان اولوب پرتوِنورِرَب
کِاَنَّ قمرنوری خرمنده دیر
علیجان گؤزوم سنده دیرسنده دیر


گلیب بیتِ معموره بنتِ اَسد
دئدی باراِلهٰا ئوزون قیل مدد
به اَمرِ خداوندِحیِّ اَحَد
اولوب کعبه دیواری منشق بِحَد
دلیلیم کتابتده وارمستند
بوسؤزلرکتابلاردا پرونده دیر
علیجان گؤزوم سنده دیرسنده دیر


اولوب مولَدِمرتضیٰ بیتِ حق
تعجب ده قالدی بوتون مٰاخَلَق
ایشیقلاندی نورِعلیدن فَلَق
گلیب حق بوگون باطل اولدو زَهَق
علی بیتِ حق ده اولوب مُرْتَزَق
علی محورِچرخِ گردنده دیر
علیجان گؤزوم سنده دیرسنده دیر


جهانه قدم قؤیدوچون مرتضا
سئویندی تمام اهلِ اَرض وسما
اونامنزل اولمیشدی بیتِ خدا
قالیب اوچ گئجه اوچ گونوزمطلقا
علی آدیناجانیم اولسون فدا
علی عشقی سینه م ده جوشنده دیر
علیجان گؤزوم سنده دیرسنده دیر


علی علمِ پیغمبره باب دیر
علی جوهرِجانِ احباب دیر
اَحبّایه ایستکلی ارباب دیر
علی گوهرِنابیدی ناب دیر
یتیم آغلیان وقته بی تاب دیر
دییردی،سنین حاجتین منده دیر
علیجان گؤزوم سنده دیرسنده دیر


علی جمله اَیتامین آقاسی دیر
علی حِلم ده صبردریاسی دیر
علی هرسینیق قلبین احساسی دیر
علی خلقتین شیرِهیجاسی دیر
علی رهبرِخضروالیاسی دیر
علی عشقینه خلقت ایمنده دیر
علیجان گؤزوم سنده دیرسنده دیر


علی شیعه نین قلبینین بندی دیر
علی کعبه نین دوغمافرزندی دیر
علی شیعه نین آغزینین قندی دیر
علی حقّیدی حقّه پیوندی دیر
علی تک،کیم آللّهینه بنده دیر
علیجان گؤزوم سنده دیرسنده دیر


بوآی جمله شاداولدی اهلِ ولا
گلیب عالمه سرورِاولیا
آغیربیرمصیبتده وارمنتها
گئدک شام ده زینبه دوت عزا
گلیب کَفْنْ ودفنینده زین العبا
دئدی عمّه آهین نه سوزنده دیر


غریب ئولکه ده جان وئرنده خانم
آدامسیزیلیق احساس ائدنده خانم
یوزون قبله یه دؤندرنده خانم
حسین سسلنیردی ئولنده خانم
شماتت سؤزوتیغ برّنده دیر
حسین جان گؤزوم سنده دیرسنده دیر


یؤروب یاحسین زخمِ تیرِزبان 
شماتت ائدیب لرمنه شامیان
دمشق ایچره زینب اؤلورباغری قان
باجین جان وئریر یوخ گؤزون باغلییان
گلینلیک ده توتدون منه سایه بان
گَل  ایندی اوره ک آهی سوزنده دیر
حسین جان گؤزوم سنده دیرسنده دیر


علیجان بومخلوق دن اوزمنی
صفِ عشق ده آخره دوزمنی
سالیب سوزگشِ مِهرده سوزمنی
خجالت ائدیرنورِگوندوزمنی
قاپیزدان کنارائتمه یین سیزمنی
دئمه اوزلوسائلدی یک دنده دیر
علیجان گؤزوم سنده دیرسنده دیر


سریرِعدالتده سن شاه سن
سپهرِامامتده سن ماه سن
مسیرِهدایتده سن راه سن
ولیّ بلافصلِ آلله سن
نئجه عرض ا ئدیم سن کی آگاه سن
کی«ستاری»هریئرده شرمنده دیر
علیجان گؤزوم سنده دیرسنده دیر
ــــــــــــــــــ
۱:مناقب شیخ مفیدج۲ص۵۶

  • سه شنبه
  • 28
  • اسفند
  • 1397
  • ساعت
  • 13:54
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران