ئوزون رحم ایتگلن یارب
منه بو کنج زنداندا
یریم نمناکیدور ایندی
گرفتارم بو طوفاندا
غریبم باغریقانم من
ایویمدن ناگرانم من
ایاقیمده منیم کنده
قولی باغلی اسیرم من
سینم داغلی جفاجولر
الینده دستگیرم من
مکانیم محبس و ظلمت
الهی چونکه پیرم من
وجودیم پایمال اولدی
الهی کنج زنداندا
غریبم باغریقانم من
ایویمدن ناگرانم من
ئوزوم سندن الهی من
مکان خلوت ایستردیم
ایدم چوخلی عبادت من
نگاه رحمت ایستردیم
ایدم صبح و مسا سجده
بیر عالی همّت ایستردیم
سینوب بال و پریم قوش تک
سیخلدیم کنج زنداندا
غریبم باغریقانم من
ایویمدن ناگرانم من
گلنده سند بی ایمان
اسیر یاپراق کیمی جانیم
اورکده طاقتیم قالماز
بدنده سست اولار قانیم
فراز عرشه سیر ایلور
گورورسن روح و پایانیم
یره یارب بو حالتده
یخلدیم کنج زنداندا
غریبم باغریقانم من
ایویمدن ناگرانم من
- یکشنبه
- 11
- فروردین
- 1398
- ساعت
- 15:23
- نوشته شده توسط
- ابوالفضل عابدی پور
ارسال دیدگاه