گیدور معراج حق اوسته بابام قانه باتا قارداش
آخا محرابیده قانی فنا فی الله اولا قارداش
رضادور ظلمت آیرولسون اذان وقتی سحر اولسون
امامت باغونون اوّل گلی بیرضربته سولسون
نماز اوسته خدا قانی آخوب عین اللهَ دولسون
علاج دردین آختارمازعلی المرتضا قارداش
رضا دور قانی محرابین سالا اطرافینه هاله
یارولموش باش یاراسندان قالامین حالیدن حاله
حیاتی قورتولا امّا تاپا دین سیرهرساله
بابام دور راه قرآندا آلاردردی جانا قارداش
اولاخ آگه مرامیندن بابام ایستور سفر ایتسون
سُویور بوکوفه اهلین تا نمازه باخبر ایتسون
نمازقیلسون نمازاهلین نمازه مُفتَخَر ایتسون
گیدور قانیله قرآنه ویره عالی بها قارداش
فلک راضی اولوب قارداش توکه حیدر قانین اعدا
سالا بیرشورش اعظم بوگون محشر اولا بر پا
مزار ایچره ایده ناله یارالی سینه دن زهرا
سکینه زینب و کلثوم دیه ایوای بابا قارداش (*)
فلک ایستور جفائیله فضانی غم مِحَن آلسون
بابام ایوای صداسیلن فغان عرشِ حقه سالون
یتیم لربیوه لر گریان گوزی یول لاردا آج قالسون
عدالت گستراولدورسون عدالت قورتولا قارداش
زلال معرفتدن تا دل و جانه وضوآلدی
ثمر ویرموب درو مرغان رَهِ عشقه یولون سالدی
دیوب حوله ولا گیتدی گلوده سوزلری قالدی
داخی چاهه دیمز دردین تاپار روحی بقا قارداش
صبا مندن دِ زهرایه گلور دنیاده غمخوارون
باشیندا زخم شمشیری دیلینده فیض دیدارون
گلور کوی مَحبتده گینه اولسون خریدارون
جانیم قربان گوزل فِعلَه گیدن یول لارینا قارداش
صبا مندن دِ زهرایه گلور مولا سنه مهمان
مُصمّمدی قویا اوچ قیز ایکی اوغلی قالا نالان
تدارک قیل قوناقوندی دِنَه تزئین اولا رضوان
نه سن پهلولرون گورسد نه ده باخ باشینا قارداش
مه صوم وعبادتدور آچولموش سفرۀ احسان
سزادوراولسا هرکیمسه بغیشلر قادرو منّان
گنه کار(عدلینی) قویمازقالا تا گوزلری گریان
ویرر دریای رحمتدن برات کربلا قارداش
ــــــــــــــ
* بنا به نقل از برخی منابع ، از حضرت علی (ع) و فاطمه (س) دختری به نام سکینه هم بود که قبر شریفش در ده کیلومتری دمشق (داریای دمشق) زیارتگاه مسلمانان است و طبق روایت حضرت علی (ع) در وداع از فاطمه (س) اورا صدا زده و فرموده که بیائید با مادرتان وداع کنید.
- پنج شنبه
- 9
- خرداد
- 1398
- ساعت
- 14:13
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه