عاشقم قلبیم نجه معشوقه بی تاب اولماسین
ننگیدور هر عاشقه بی‌تاب ارباب اولماسین
یوسف زهرانین عشقیله اورکلر زنده دی
عشق مهدی حیفیدور کی قلبیده قاب اولماسین
صاحب عصرین حضوری واردی بیزلر گورموروک
گورمز اُول مولانی هرکس اهل محراب اولماسین
سو اولان یرده تمیز اهلی تیمّم ایلمز
گر چه واجب دی تیمّم اوردا کی آب اولماسین
بی بصیرت عاشقین عشق عالمینده نقصی وار
عشق یوخ حتماً هوس دور عشق کی ناب اولماسین
عجل اللهی اورکدن سسله اولسون مستجاب
اهل ایمان خوشدی گفتارینده کذاب اولماسین
مهدی موعودیلن چوخلار ملاقات ایلییب
وار امیدیم همچنان عشّاقی کمیاب اولماسین
(احسان) اشعارونده خلاقییتون اولسون گرگ
شاعریندن تئز ئولر شعری کی جذاب اولماسین
- یکشنبه
- 25
- آبان
- 1399
- ساعت
- 18:25
- نوشته شده توسط
- یوسف اکبری
- شاعر:
-
احسان بدرخانی
ارسال دیدگاه