• جمعه 10 فروردین 03

 زعفر آزادمهر شیخ درآبادی

جريان جنگ بئرالئلم علي (ع)و گريز به ابوالفضل (ع) -(مکتب عشقه گرک شیعه نگهبان اولسون)

342

مکتب  عشقه گرك شيعه نگهبان اولسون
جلوه ي عشق او مکبتده نمايان اولسون
زينت  بزم  ولا  آیه ی قرآن اولسون
تا رضا بو عمله  خالق رحمان اولسون

عارف اول بلكه جهالت الي سندن اوزوله 
منطق زينبي ترويج ائله آغلار گوزيله 
بدحجابين صفينه قويما مسلمان دوزيله 
فاش ائله مطلبي قويما سوزي پنهان اولسون 

محنت و درده دچار ايلسه گر دور زمان 
يا علي دلده گئدوب وادی  ايماني دولان 
اورگون دردينی قیل حضرت زهرايه بيان 
کرمیندن خانیمین دردیوه درمان اولسون 
 
اقتدا ایله حسینه تاپاسان بلکه وقار  
 آل اله پرچم حريّتي وئر دلده شعار 
گوزيا شيلان ديگيلن زنده دي لر هشت و چهار
يار و ياور سنه قوي خالق سبحان اولسون
 
ايستسون راضي اولا پنج تن آل عبا 
اوخي قرآني ائله آيه لرين حقّين ادا 
قويما بير لحضه اولا دلده ولا حبّي فَنا 
سنه محشرده علی شافع عصیان اولسون 

گينه ده عشقِ علي قلبيمي سرشار ائلدي 
طوطی طبعیمی آماده ی گفتار ائلدي 
که یازام بیرجه حکایت منی وادار ائلدی 
یری وار بو جریان زینت دیوان اولسون 

غزوه دن عودت ائدن وقتیده سلطان امم
بیر مکاندا قیلوب  اتراق ائلسون رفع الم  
ذات بئرالعلم آدلیدی او یر وادی غم
قولاق آس تا او یرین قصه سی اعلان اولسون

او مکان غملی بیابانیدی بی آب و علف 
اوردا اسکان ائلمزدی زن و مردان سلف 
جنیان اوردا بنی آدمی ایلوردی تلف 
نجه داخل بو بلالی یره انسان اولسون 

او بیابان بلاده چوخیدی غصه و غم 
واریدی بیر قویی مشهور، آدی بئرالعلم
جنیان جمعیدی اول بئرده با خیل  حشم 
عجبا بیر قویی جن اهلینه اسکان اولسون 

گلدی اصحابیله گفتاره رسول مدنی 
کیمدی بو جنی لرین سرینی ایتسون علنی
اولارين ایلییه آئینینه آگاه منی 
دعوت حقیله اولاردا مسلمان اولسون 

ایاقا دوردی او ساعتده شهامتله  علی
اذن آلوب ایتماقا دعوت اولاری نور جلی
گر قبول ایتمسه لر باشلیا جنگ و جدلی 
بله بو جنگه سزادور قویی میدان اولسون 

گئتدي بئر الُعلَمه الده قلج شير خدا 
نچه گون ختم پيمبردن علي اولدي جدا 
آيريليق حضرت طاهادن ائدوب سلبِ قوا 
آزقالوب درد فراقيله اورك قان اولسون

بويوروب فرقته يوخ منده دوزوم اي انصار 
مژدگاني وئره رم كيم گتوره بير اخبار 
هر تقاضا اولا بذل ايلیرم هر مقدار
وعده مه شاهد اوزی خالق یزدان اولسون 

گلدي بئر العلمين سمتينه سلمانِ سليم
گوردي مولا ائليوب بئرده چوخ فتح عظيم 
جنّیان تابع اولوب حضرته، ايلور تعظيم 
 سعی قیلدی بو خبر حضرته اعلان اولسون 

قصد ائدوب تا که سلامت خبرين تئز گتوره
كوله بار اَلَمي دوش نبي دن گوتوره 
معرفتده اوزيني اوج علايه يتوره
صاحب منزلت و رتبه ی شایان اولسون 

ایستدی کسب اجازه ائلیه مولادن 
تا گله محضر پیغمبره اول ماوادن 
مژدگاني آلا بو خوش خبره طاهادن 
ائله بیر هدیه که شایسته ی سلمان اولسون

گلدی بو سوزده دیله حضرت سلمان او زمان 
عرض ائدوب حیدر کراره ایا فخر جهان 
نه تمنا ائلییوم بو خبره ایله بیان 
دل و جانیم او هدیه یله چراغان اولسون 
 
بويوروب مفخر ِايرانه او درياي كرم 
بير سوزوم واردي ايشيت سرور احرار عجم 
دقتيله قولاق آس لوحِ دله ايله رقم
ايسته بير مژده سنه رتبة ی ايمان اولسون 

شبِ معراجيده پيغمبره اسرار نهان 
قدرتِ حضرتِ داداريله اولموشدي عيان 
امر اولوب بعضي كلام اولميا خلق ايچره بيان 
اولارين ايسته بيرين مژده دو چندان اولسون 

خبري گئتدي او دلباخته ی شاهِ نجف 
قلبِ پيغمبره وئردي او خبر شوق شعف 
دئدي سلمانه ائله مژده وه ابراز هدف 
سويلدي سرّ مگودن بيري احسان اولسون
 
گلدي    پيغمبرِ   خاتم     بو    تمنّاده     ديله 
بويوروب سرّي سوال ايستمه آل آيري صله 
وحي اولوب احمده سويله بيريني تاكه بيله
قوی علی شوکتی سلمانه نمایان اولسون

چاتدي كه غيبي ندا حضرت خيرا لبشره 
گلدي گفتاره ديدي مفتخرم بو خبره 
گتورون سيز بويوروب حبّ ّ عليني نظره 
اولماسا كيمده گرك داخل نيران اولسون
 
بو خبر کشف ائلدی حجت یکتادی علی
حامی دین خدا نائب طاهادی علی 
ایکی دنیاده ولا اهلینه مولادی علی 
جان عالم بئله بیر سروره قربان اولسون 

گلدي   اثناي  سخن قلبيمه  بير  غملي   خبر 
كيمده وار عشقِ علي بو سوزه گوزياشي اَلَر 
مطلبه    دقت   ائله   تا   قويا    قلبونده    اثر
بلكه بو مجلسه لطف شهِ مردان اولسون
 
کعبه دن چیخدی حسین نصف شب  ظلمانی
طی راه ایلدی تبلیغ ایلسون قرآنی
چاتدی صحرای غمه باشدا هامی   اعوانی
امر اولوب تشنه گرک قانینه غلطان اولسون

عشق یاریله اولوب گوزیاشی رخساره روان
امر ائدوب خیمه و خرگاهی قورولدی او زمان
بیر چوخور یر  وئریلوب زینب  کبرایه  مکان
دور اخیامه ابوالفضلی نگهبان اولسون

هفتم ماه محرم گورونوب اوج جفا
کوفیان سو یولینی باغلادی بی شرم و حیا
دولانوب گونلر اولوبدی دهمِ ماهِ عزا
یازدی عباسی قضا ساقی عطشان  اولسون

اوچ گونون تشنه لری ایلدیلر آه و فغان
العطش  ناله سینه دوزمدی عبّاس جوان 
مشگی چگنینده  اولوب  خیمه ی  سلطانه روان
عرض ائدوب قویماحسین قلبیمی شان شان اولسون

وئر اجازه  دئدی  قوی  لشگری تاراج ائلییوم 
ابنِ سعدین   اورگین   نیزیه   آماج   ائلییوم
(روحِ  ناپاکینی  من جسمدن اخراج ائلییوم)
عبرت    سلسله ی دشمن  قرآن   اولسون

الغرض    ویردی   اجازه   خلف  میر   حنین  
یکّه   تاز  علوی  تلّی آشوب  فوری  او  حین
نظم   میدانی  پوزوب  سهم  علمدار  حسین
سو   یولین آچدیلا تا  قتلده   پایان   اولسون

عرصه نی خالی قویوب قورخودان اعدا قاشدی 
نهرین اوسته علم نصرتی سقاساشدی
ایچمدی سو بلی گوز چشمه سی اما داشدی
دئدی ای سو نه روا صاحبون عطشان اولسون 

مگر ای سو سنی حق ایلمیوب مهر بتول 
نه روادور ایچه اعدا یانا اولاد رسول 
بو جفانی ندن آیا ائلدون فوری قبول
عترت فاطمه نین سینه سی سوزان اولسون 

دگول انصاف بنات شه محشر یانالار
عطشیندن حرم ساقی کوثر یانالار 
سن فلاته آخاسان آل پیمبر یانالار
بو جفا ایله گرک عالمی ویران اولسون  

مشکی دولدوردی غرض چیخدی او سردار سودان
 نخلزارین  یولین عباسه  قضا ویردی نشان
یول سالوب جنگل و نی زاریدن اول شیر ژیان
 بلکه سو مشکینی حفظ ایتمگی آسان اولسون

قصد اخیام ائلدی  سرعتیلن  دل نگران
ناگهان لشگره فرمان   وئریلوبدی او زمان
نخلزار ایچره دولوب الده هامی تیر و کمان 
هره بیر سمته قاچوب فرصته پنهان اولسون

رزمگاهی   بورودی   اهل  ستم    غوغاسی
هدفِ    تیر  جفا  اولدی  هامی  اعضاسی 
مشگی  اوخلاندی  ائدوب  غرق الم  عبّاسی
وار یری بو محنه عالمی گریان اولسون

پیکرینده نه قولی نه جدله  طاقتی وار
نه  خیامه  گئده  صد پاره بدن فرصتی وار
او   هیاهوده   فقط پرچمینه   دقتی   وار
که   مبادا   علمی   نقشِ   بیابان  اولسون

گرچه وورمشدی عدو یاره دمادم باشینا 
ناگهان   آهن  عمود  اندی او پرغم  باشینا
نه  فقط  پرچمی  دور  ایلدی  عالم باشینا
وقت اووقت اولدی چوله مرکبی ویلان اولسون

بیر  طرفدن  قان  آخیر جسمده یارا آزالور
بیر   طرفدن  علمین  لنگری  آرامین  آلور
بئله   موقع  یخیلان  فکر ائله نه حاله قالور
او  باشین حایلی  هانسی   الی  الآن  اولسون

"زعفرا" یازما داخی اشکیله دولدور گوزیوی 
باب احسانینه درویش صفت سال اوزیوی 
اللری قطع اولان عباسه دی گیزلین سوزیوی
او کسیلمش الیلن دردوه درمان اولسون 

  • جمعه
  • 28
  • آذر
  • 1399
  • ساعت
  • 22:25
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران