سویولماقدان دیسم هر سنگدل انسانی یاندرام
دوئولماقدان حکایت ایلسم دنیانی یاندرام
قولومدا قمچی ردین گوسترم زهرانی یاندرام
آنام که سهلدور دشمن یانار بو حالمه قارداش
بلورسن یوخدی نامحرمله جنجال ایتمگه میلیم
منه ممکن دگل اصلا سنان و شمره عجز ایلیم
ورولار خردا قزلارون حسین بس دینمیوم نیلیم
اوزاقدور عصمتمدن یالوارام هر ظالمه قارداش
دولاندا خیمیه لشگر دیدیم محشر اولوب برپا
یخلدی فاطمه قاچدی سکینه قوپدی واویلا
صفیه غش ایدوب الان رقیم بلمورم هاردا
سویولسا قمچی دگسه وای منیم اقبالمه قارداش
بیزی بی خانمان قویدی حسین جان کوفه اشراری
بو جمعون وار پریشان خسته سی مجروحی بیماری
گئجه هئچ بلمورم هاردا یاتردام خردا قزلاری
یانان خیمون وروب اود خیمه آمالمه قارداش
سکینه باشه یغمشدی صحابه قزلارین الان
گیدوردی نهر علقم سمتینه با دیده گریان
عموسین آختاروردی شکوه ایتسون قوم عدواندان
منی گوردی قیتدی آغلادی احوالمه قارداش
حسین جان (منزوی) غارت غمندن دیده گریاندور
او غارت گورمیوب غارت گورنلر تک پریشاندور
منیم بو ساعتمدن دائما قلبی دولی قاندور
چوخ آغلار بر هم اولمش پوزقون استقلالمه قارداش
- جمعه
- 5
- دی
- 1399
- ساعت
- 23:31
- نوشته شده توسط
- یوسف اکبری
- شاعر:
-
مرحوم رحیم منزوی اردبیلی
ارسال دیدگاه