غم چكمه دليم كاخه دونر كلبه احزان
آزاد اولی دل بوش قالی بو گوشه زندان
وِرسه خبرين گلدی بهار نازلی بنفشه
بلبده گلر شوره اوخور اولسا گلستان
خشكيده اولان برگ ونهال جان بكف اولسا
گويدن توكولر قطرۀ مِهر قطرۀ باران
مَسخ اولسا بوافكار عموم دونسه زمانه
اولماز اوگونی تابع دين عامل قرآن
طغيانه گلوب ظلم چايی داغلاری آشسا
مظلوملارين آهيله دومان اولسا بوكيوان
دريا لری موجه گتوره كفر و خباثت
بيريللر اسرطوفان اولار ريشه قوپاردان
اوندا گَلی زهرا بالاسی ماه ِ هدايت
بير تابش ايدر چشم به راهان اولی شادان
ايكاش گله تيره شبيم تا اولا روشن
من منتظرم منتظره بادل سوزان
اشكيم توكرم بو رخ زرده دوزرم من
گل ايله منوّر گجه می ای مَهِ تابان
ای معرفت و بينش و علمون مَه و ماهی
سال نوروی ظلمت چكوله هادی دوران
آدینه گونی دلده امید گوزلری یولدا
عاشقلر اولار منتظرون لبلری خندان
(عدلی) قوشولوب اونلارا سسلر آقا تز گَل
فرمانده کُل سنسن اوزون حامی انسان
- پنج شنبه
- 18
- دی
- 1399
- ساعت
- 12:0
- نوشته شده توسط
- یوسف اکبری
- شاعر:
-
حاج اصغر فرشچی
ارسال دیدگاه