آدیــوی اشعـاریمه مَشـق ایلدیم
یازدیقیـجا آدیـوی عشـق ایلدیم
ایستمــورم راه بطـالت گِئـدم
یازدیم علـی آدینی تا حَـظ ائـدم
دادیـم او گـون کی دادیوی یا علی
قلبیمـه یـازدیم آدیـوی یا علی
عشقیمـی معنـا ائلیین سن آقـا
نـامه می امضـا ائلییـن سـن آقـا
شمعیـوه یِـر گُوی اِئلـه پروانه دی
عشقیوه من یوخ هامی دیوانه دی
یکسـره مخلوقی لـره شاهی سن
هـم اَسـداللـه و یَـداللـهی سن
عِیـنُ و یَـدِ حَـقِ تعـالـی علـی
عشقون اگر واردی دئنـن یا علی
عشقیووی هر یِرده ملاک اتموشم
آدیوی بوینـومدا پلاک اتموشم
سینه ده چون بسلَمیشم یا علی
صبح مسا سسلَمیشـم یا علی
سوز و گـدازیمدی آدون یـا علی
ذکـر نمـازیمدی آدون یـا علی
آب حیــاتیمدی آدون یـا علی
سُوم صلاتیمدی آدون یـا علی
دِیر و کِنشتیمدی آدون یـا علی
بـاغ بهشتیمدی آدون یـا علی
من سنون عشقونده علی زنده ام
عشقیـوه خاطر بئله سر زنده ام
هر کیـم اولا عاشیقون آزاده دی
حقیـوی کیـم دانسا زنازاده دی
دانسا اگـر حَقوی قـوم ظُـلام
حق مسلـم سن علی وَ السَـلام
ذات عُبـودیّتــه مُلّحقــی سـن
آنـد اولا اللـه علـی حقـی سـن
هـرکیـم علی حَقینی انکـار ائده
آخ گوروم الله او کسی خـوار ائده
فکر ائلمه عشقیووی باشـدان آتام
آدیـوه قـربان هم آنام هـم آتام
دردیلــه بو قلبیمـی آلّاتمـارام
عشقیمـه آهنـگ ریـا قاتمارام
عشقیوی جنـت لرده سـاتمـارام
عشقیـوی باشدان ئولـرَم آتمارام
سـوز بئلـه گلدی هَـدره وئرمرم
بیر توکووی میـن عُمَـره وئرمرم
- چهارشنبه
- 22
- بهمن
- 1399
- ساعت
- 15:16
- نوشته شده توسط
- یوسف اکبری
- شاعر:
-
رامین محمد زاده
ارسال دیدگاه