وجودی گلشن عشقه هزاره معصومه
صفاسی نازائلین نوبهاره معصومه
مقام ومرتبه سی کائناتی مات ائلین
همادی قلهٔ عزّ و وقاره معصومه
کریمه دور،کرمیندن فلک آلان بهره
کرمده گورنه چاتوب اشتهاره معصومه
وفاده آیینهٔ زینبِ وفا پرور
وئروبدی درس وفا،روزگاره معصومه
بهشته نازائلیور،قمداباصفاحـرمی
صفاوئرن،حرمی،اُل دیاره معصومه
وجودی وادی ایرانه آبرویارادان
بوکشوری یتورن اعتباره معصومه
قاپوسی شام وسحر،اهل درده باب رجا
وئرن قرار،دلِ بیقراره معصومه
جنانه طعنه ویرا،گلسِتانه ناز ائلیَر
گوزآلتی باخسااگرشوره زاره معصومه
مقامی شعره سیغیشمورآناسی فاطمه تک
سلاله بانوی عالی تباره معصومه
یازورسنون نظروندن،ثنای آل علی
چاتوبدی "ناعم"عجب افتخاره معصومه
- چهارشنبه
- ۱۳
- اسفند
- ۱۳۹۹
- ساعت
- ۱۷:۵۱
- نوشته شده توسط
- یوسف اکبری
- شاعر:
-
محمدرضا محمدی (ناعم)
ارسال دیدگاه