ای امید آل هاشم شه با وفا ابالفضل
سنه گوزتیکوبدی عالم آدیوا فدا ابالفضل
ای با وفا ابالفضل / مشگل گشا ابالفضل
اولا نوکرین اورکده غم و درد و ابتلاسی
آقاسی اجازه ویرمز اوجالار گویه نواسی
منه گل عنایت ایله ای آقالارین آقاسی
غمیله دولوب بو قلبیم ویراوزون صفا ابالفضل
بو جهاندا هر کیم اولدی غم عشقوه گرفتار
آدیوی همیشه سسلر اورگی یانار گوز آغلار
گوره هر زمان سو مشکین یانا یانه هی سیزیلدار
دیر ای سو اوسته قانه بویانان آقا ابالفضل
ای عزیز آل حیدر سنه دیلده چوخ سوزوم وار
الی بوش خجالتم من اودی قاره بیر یوزوم وار
او قلم اولان الونده آقاجان گینه گوزوم وار
منی قووما درگهوندن سنی مرتضی ابالفضل
ای پناه دردمندان ای حسینه یارو یاور
ای وزیر جنگ مولا صاحب لوای لشگر
هر مریض و هر گرفتار سنی تا هرایه سسلر
اونی ایتمه سن پشیمان ویره سن شفا ابالفضل
آه اودمکی لشگر کین اوخی ووردی مشک آبه
سنی یاندریب یاخیبلار ایله سالدیلار عذابه
بولمورم نه حاله قالدون یخلاندا سن ترابه
دیدی فاطمه اوغول گل سینمه بالا ابالفضل
سنون آستانن آقا در رحمت و کَرَم دی
قاپوون گداسی مولا هامی یرده محترم دی
نولی بیر گوره بو (بیکَس)کی مدافع حرم دی
باجوون یولوندا ایتسون باشینی فدا ابالفضل
- جمعه
- 22
- اسفند
- 1399
- ساعت
- 22:11
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه