باشون آچ اولموشوق آواره باجی
بابامـا ووردو عدو یــــاره باجی
ألیم ألدن ئوزولوب،گؤزونه قان سوزولوب
مرتضی ضربیله محرابه دوشوب
آغلیان گؤزلری قانه بوروشوب
دوشدوغی لحظه آنامنان گوروشوب
دردینی عرض ائلیوب یاره باجی
بونو بیل گئتمه‌لی دی،بیزی ترک ائتمه‌لی دی
کوفه اهلی قوروب نقشه یقین
ییخالار حیدریوون تا ئورگین
ووردولار خاکه بئلین شیرِ حقین
یاری امت ساتیب اغیاره باجی
دشمنی یوردی اونی،سجده ده ووردی اونی
اول باجی قارداشیوا یاخشی دایاخ
چوخالان غم دی گرک گونده سایاخ
بو گئجه قال منیله سنده اویاخ
وقت ماتم دی عزاداره باجی
ایشینی گوردو یارا،گونوموز دوشدو تارا
بو گئجه گلشن زهرا سارالار
زهر آتامدان دل آلار طاقت آلار
ئولسه حیدر باش آچیق،اهلی قالار
نئدی درمان سرِ بیماره باجی
غم اونی گئتدی دیزه،وای بیزیم حالیمیزه
قورولوب شهریله مسجد ده عزا
ائدور اولدوزلار هامی آه و نوا
رو به قبله دایانیب شاه ولا
سر در منزله وور قاره باجی
قلبیم هردن داریخیر،آتامین جانی چیخیر
بو گئجه اولدوزی بختین باتاجاق
شهرین ایتامی هامی آج یاتاجاق
آنالار ناله سی عرشه چاتاجاق
گئدوب ألدن بیله‌لر چاره باجی
یار بی کس لریدی،هامیا حیدریدی
آتاسیز آغیلیاجاق گؤزلریمیز
دؤنجک آخشاما گوندوزلریمیز
یالان اولدی دانیشان سؤزلریمیز
دؤندی آیدین سحرین تاره باجی
یوخدی قارداش دا قرار،باجی آغلار یئری وار
باجی چوخ آغلا غریب وطنه
مخفیانه قویویا سؤز دئیَنه
آتاما قارداشیما هم ده منه
دوشموشوق جمله گرفتاره باجی
باشیمیز چکدی بلا،گؤرمدیک لحظه صفا
- چهارشنبه
- 4
- فروردین
- 1400
- ساعت
- 20:37
- نوشته شده توسط
- یوسف اکبری
- شاعر:
-
امین اسماعیل زاده ماکوئی
ارسال دیدگاه