ای اولان گنج حیامعصومه
معدن مهر و وفا معصومه
شمع پرنور ولا معصومه
سنه جانلاردی فدا معصومه
چوخدی بیزلرده خطا معصومه
شیعیه ایله عطا معصومه
ای هامی درده دوا معصومه
نظرائت بیزلره یامعصومه
طاعت حقیده افتاده خانم
بیرنفریوخ سنه همپایه خانم
جان فداسنده کی ایمانه خانم
قارداش عشقونده کی ایثاره خانم
ای ادی عالمه سرمایه خانم
منم عشقونده کی دیوانه خانم
ای هامی درده دوا معصومه
نظر ائت بیزلره یامعصومه
زینت عرش معلا سن سن
لنگرچرخ ثریا سن سن
افتخارایکی دنیا سن سن
مفخر هاجر وسارا سن سن
شانیده مریمه علیا سن سن
عزت وشوکتی اولا سن سن
ای هامی درده دوا معصومه
نظرائت بیزلره یا معصومه
ای اولان شهر قما سرمایه
شانیده عرش حقه پیرایه
غیرتین مصحفینه شیرازه
مدح ائدم یوخدی نظر اغراقه
زينت اولدی قدمون ایرانه
اودی کی ناز ائدروخ دنیایه
ای هامی درده دوا معصومه
نظر ائت بیزلره یا معصومه
صورتی خورشيد درخشاندی بو
ادی ئورک دردینه درماندی بو
منبع بخشایش واحساندی بو
مرقدی چون جلوه ایراندی بو
ماخلقون پیکرینه جاندی بو
هم یئره هم گویلره سلطاندی بو
ای هامی درده دوا معصومه
نظرائت بیزلره یامعصومه
قارداشی تک روح حقیقت بودور
فخر تمام بشریت بودور
مصدر ایثار وفتوت بودور
چشمه ی پرجوش شرافت بودور
مست ولا معنی عزت بودور
پیکری باشدان باشا غیرت بودور
ای هامی درده دوا معصومه
نظر ائت بیزلره بامعصومه
- پنج شنبه
- 26
- فروردین
- 1400
- ساعت
- 10:55
- نوشته شده توسط
- یوسف اکبری
- شاعر:
-
حیدر صبور زرنقی
ارسال دیدگاه