زینبم بی قرارم
درد فراقه دچارم
یانور اورک اشگبارم
جوان ننم ایوای
دلده سوز شرر وار
گوزومده خون جگر وار
غمونده چوخلی اثر وار
جوان ننم لایلای
دیرم جان آنا - سنه قربان آنا
اوزی گول تک سولوب _اوره‌گی قان آنا
آنا یا فاطمه (۴)
کیمین ئولسه آناسی
گیدر ایویندن صفاسی
چیخار اورکدن نواسی
همیشه دل داغلار
اولار افسرده حالی
اورکده آتار ملالی
سولار بو غمدن جمالی
آنا دیوب آغلار
یانارام آغلارام - سنه یاس ساخلارام
یریوی بوش گوروب - سینمی داغلارام
آنا یا فاطمه (۴)
گلّم آه و افغانه
آتش بغضِ نهانه
ملک ئوپن آستانه
آلیشدی اودلاندی
قاپونی ناگهانی
آچیبدی ظلمیله ثانی
یاخیلدی دیواره قانی
سینن یارالاندی
گئجه‌لر آغلادون _ سینه وی داغلادون
تک اوزون هر گیجه_ یاراوی باغلادون
آنا یا فاطمه (۴)
نار هجرانه یاننام
اشگ عزایه بویاننام
یانان قاپیمدا دایانّام
آلام سسون بیرده
الی قوینوندا دورّام
بساط غم غصّه قورّام
تک آغلارام تک اوتورام
ییخیلدیقون یرده
دیوب ایوای آنا - یانارام آی آنا
دیرم اوخشارام - سنه لایلای آنا
آنا یا فاطمه (۴)
- شنبه
- 4
- اردیبهشت
- 1400
- ساعت
- 17:1
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه