ای صبری دریا حیدر ای حلمی صحرا حیدر
ای علمی دنیا حیدر ای شاه عقبا حیدر
ای شیر هیجاحیدر فتحاً مبینا حیدر
دلبند طاها حیدر غمخوار زهرا حیدر
حیدر حیدر یاحیدر حیدر حیدر یاحیدر
محرابده دگنده شمشیر کین باشوندان
قالدون نه حاله آخدی باشون قانی قاشوندان
سجّاده سجده گهده ایسلاندی گوز یاشوندان
قاره گیوب ملکلر سسلندیلر وا حیدر
حیدر حیدر یاحیدر حیدر حیدر یاحیدر
الوان اولوب بویاندی آلقانه آغ محاسن
زینب الینده معجر با غلور باشون یاراسین
عباسون الده قرآن باشلار باش اوسته یاسین
قانیله آغ محاسن اولدی محنّا حیدر
حیدر حیدر یاحیدر حیدر حیدر یاحیدر
ئو لدی علی بوگوندن دوشدی بلایه زینب
آماده اولدی گئتسون وکربلایه زینب
گه قتلگاهه قاچسون گلسین نوايه زينب
گه خیمه لرده چکسون هی وا علیّا حيدر
حیدر حیدر یاحیدر حیدر حیدر یاحیدر
قاتل الینده خنجر زینب الینده معجر
مقتلده سجده گهده بیر پاره پاره پیکر
یاندی او حاله لشگر دو غراندی قانلی اللر
گل دشت کربلایه ایله تماشا حیدر
حیدرحیدریاحیدر حیدر حیدر یاحیدر
گل یاعلی هرایه گردابده قالان وار
لشگر گلور خیامه برنامه تالان وار
تترر اسر خانملار زر زیوری آلان وار
نه وار بدن ده طاقت نه دیزده یارا حیدر
حیدرحیدر یاحیدر حیدرحیدریاحیدر
گوشواره غارتیندن مجروح اولوب قولا قلار
غارتچی وحشتیندن صد پاره دی دوداقلار
ازبس باتیر تیکانلار گوینور قابار ایا قلار
دشمن الینده قالمیش بیر عده ثکلا حیدر
حیدرحیدریاحیدر حیدرحیدریاحیدر
لیلا دیور الهی شمر آلدی معجریمی
گوندر یامان گونومدی امداده اکبریمی
هردرد بی دوایه سسلر سنی کریمی
سندنصورا کیم ایلر درده مداوا حیدر
حیدر حیدریاحیدر حیدرحیدر یاحیدر
- یکشنبه
- 9
- خرداد
- 1400
- ساعت
- 18:2
- نوشته شده توسط
- یوسف اکبری
ارسال دیدگاه