سالوب عشقیله ئوزون زحمته معصومه خانیم
دوندروب شهر قمی جنته معصومه خانیم
قدمی. کشور ایرانی گلستان ائلیوب
عالم عشقیده دریا کیمی طغیان ائلیوب
گورگلوب هاردا بوباعاطفه اسکان ائلیوب
غرق ائدوب شهر قمی رحمته معصومه خانیم
بورونوب شان و جلالیله وفا جامه سینه
واقف اولدوم او گوزل دعوت و برنامه سینه
گورنه اندازه بها وئردی رضا نامه سینه
ائتدی قربان جانین اول دعوته معصومه خانیم
بو خانیم دعوت مولاسینه لبیک دئدی
دیلده کی معنوی احساسینه لبیک دئدی
در حقیقت حق یکتاسینه لبیک دئدی
اودور علت کی چاتوب عزته معصومه خانیم
رتبه‌سی رتبه شایسته و اعلا تانینوب
درگهی درگه صدیقه کبرا تانینوب
بو خانم نائبهٔ حضرت زهرا تانینوب
یتیشیبدور ائله شخصیته معصومه خانیم
کیمسه درگاه بو بانوی دلارانی ئوپر
حرم پرکرم وارث طاهانی ئوپر
ائله بیل تربت صدیقه کبرانی ئوپر
گلوب ایرانه همان نیّته معصومه خانیم
چلچراغ حرمی جنت الاعلایه دگر
عظمتلی قاپوسی عرش معلایه دگر
اونون عشقینده چیخان گوزیاشی دنیایه دگر
اشگ عشقی یتیرر قیمته معصومه خانیم
- چهارشنبه
- 12
- خرداد
- 1400
- ساعت
- 11:39
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه