دلا دلبریندور دینن یا علی
سنون حیدریندور دینن یا علی
علی گلمسیدی وجوده اگر
نه عالم واریدی نه بحر و نه بر
که باعث اولوبدور وجود علی
قیام و رکوع و سجود علی
اونی نور مطلق بولولّر تمام
هامی خلق عالم تانولار امام
بو قدری آی اولدوز بو قدری فلک
بو قدری بشر جن و حور و ملک
غرض داردا قالسا دییر یا علی
دوشوب هاردا قالسا دییر یا علی
علی نی یارالدیب خدا ابتدا
که اهل جهانه اولا مقتدا
سماده ملک سسلنور یا علی
که جمله فلک سسلنور یا علی
علی نور واحد علی نور حق
علی نور حق دور علی شور حق
علی آیه گلدی او پیغمبره
پیمبر اونی وصل ایدوب کوثره
علی نی بتوله خدا وردی زوج
ایکی نور اعظم ایدور با هم اوج
الهی به حق علی و بتول
به حق ولی و وصی رسول
نظر قیل بو جمعه به حق حسن
شهید ره دین شه ممتحن
به حق حسین غریب و وحید
او کی کربلاده اولوبدور شهید
باغشلا بیزی ای خدا ای خدا
اورکلرده واردی سنه التجا
توسل کیمه ایلیاخ دنیادا
بیزی غیری سالماز اُلنده یادا
جهاندا دیاخ بیز کیمه دادرس
اوزون سن بو دنیاده فریاد رس
گتیردوک شفیع بیز او پنج تنی
قبول ایله یارب بو جان و تنی
"امینی" تیکیبدور گوزون بیر سنه
سماده سنه یرده پنج تنه
- جمعه
- 22
- مرداد
- 1400
- ساعت
- 13:41
- نوشته شده توسط
- یوسف اکبری
ارسال دیدگاه