السلام ای دختر موسی بن جعفر فاطمه
وی نبیر حضرت ختم پیمبر فاطمه
اولموسان ائللردی بو دللرده ازبر فاطمه
قویموسان خوش بیر بنا ایراندا اهل دینه سن
سن امام هشتمه بیر خواهر دیرینه سن
ایتموسن پیغمبرین شهرین منور تازه دن
اولموسان زینب کیمی زهرایه مظهر تازه دن
سالموسان قم تپراقیندا یاخشی لنگر تازه دن
هی سلام ایلور سنه هر کیم گلور دیداریوه
جان فدا اولسون سنه همده رضا دلداریوه
سن دیار شهر عرفاندا گوز آچدون عالمه
اهل عالم ابتدا ایلوردی گویا همهمه
کیم سنون اسم شریفون جداًایلور زمزمه
صدقیلن سسلور دیور ای فخر نسوان فاطمه
قبریوه مینلرجه صادق شیعه قربان فاطمه
مقدمون قویدون بو ایرانه خانم اولدی غنی
دوست دوتار ایرانلی هر یرده اولا اوّل سنی
ایتمیوب دنیاده بیر کیمسه سنیلن دشمنی
ای شرافت معدنی معصومه قربان آدیوه
بی نظیر اولدون جهاندا جان فدا بنیادیوه
سن یارالدبسان مسلمانلار ایچینده اعتبار
ایلروک بیزلر سنون گل آدیویله افتخار
چوخدور ایراندا بولورسوز ایلین جانین نثار
هم سیزه هم جدوزه چوخ چوخ فدالر ورمشوک
قانیلن قرآن و دینه چوخ دوالر ورمشوک
پیرووخ سلطان محشردن اطاعت قیلمشوخ
حضرت ختم پیمبر دن اطاعت قیلمشوخ
دائماً الله اکبردن اطاعت قیلمشوخ
بیز مقام منزلت ده بیر مکلف بنده یوخ
بنده لیکده بو ائمه ملکینه پرونده یوخ
بیز حسینه جان و دلدن اولموشوخ پیرو مدام
درگهینده چوخ گدالر شاه اولوب خانلار غلام
اوز غلامین اول حسین دور که اوزی ایلور کرام
ورسه لر شاهلیق مقامین ورمروخ الدن سیزی
آیرلیق مولادن آخر جدی خوار ایلر بیزی
کربلا تپراقی درماندور دواسیز دتلره
آختارور پاکیزه تپراقین اله سالسین هره
اول سبب دن بیز غلام اولدوق او شاه محشره
هر زمان قصد زیارتلن دوشنده بیز یولا
ایستیر جانلار او شاهین قبرینه قربان اولا
اوندا که خلق ایلیوبدور عالمی رب العظیم
گستروب الله کل خلقه راه مستقیم
دینیم اسلام دور که قرآن تا قیامت مکتبیم
من "امینم"بیر امانت دی منه شاهیم حسین
اول حسین که پیمبر زاده دور عین الیقین
- جمعه
- 22
- مرداد
- 1400
- ساعت
- 17:7
- نوشته شده توسط
- یوسف اکبری
ارسال دیدگاه