مشکلده یم اِی شاه خُراسان مَدد اِیله
ای پاک آدی هر دَردیمه دَرمان مَدد اِیله
یازسا قلمیم هر نَقَدر شأنیوه چاتماز
وصفینده قالار واله و حِیران مَدد اِیله
گلدسته لَرین نور سَپیر عرشیله فَرشه
عالم سَنه مُحتاجیدی هر آن مَدد اِیله
سن سن رِه حقّین آقاجان شرط و شُروطی
سن سن ائله ین مشکلی آسان مَدد اِیله
دنیا بویی ای شاه غَریب اَلغرباسن
درک ایله یه تا شأنیوی اِنسان مَدد اِیله
قوربان اولوم اجلالیوه ای ضامن آهُو
گلمیش قاپیوا بَندۀ نالان مَدد اِیله
دریای غَمین ساحلی یُوخ سَن توت اَلیمدن
هریئردن اَسیر قورخولی طوفان مَدد اَیله
هر گون مَنه قسمت اولا ای کاش وصالین
تا جان ائله یم عِشقیوه قوربان مَدد اِیله
(مدهوش) ائلییور شوق وصالین مَنی هر دَم
کویونده اولام هر گئجه مِهمان مَدد اِیله
- چهارشنبه
- 10
- شهریور
- 1400
- ساعت
- 15:5
- نوشته شده توسط
- یوسف اکبری
- شاعر:
-
محمد هوشمند
ارسال دیدگاه