بو جهانه گلمه‌ییب‌دیر گلمَز سنه تای علی
جمالین‌دن ایشیقلانیر گؤی‌ده اولدوز؛آی؛علی
سنین آدین اوره‌ییم‌ده؛ دیلیم‌ده؛اَزبریم‌دیر
یئتیشیب‌دیر کَرَمین‌دن منه آرتیق پای علی
بهشتیم‌سن؛جنّتیم‌سن؛عزّتیم‌سن؛شوکتیم
دیل آچان‌دان گؤزل آدین اولوب سؤزوم صحبتیم
آنادان اَمدیگیم صودده وار علی محبّتیم
یئنه ایستی محبّتین اوره‌ییمه یای علی
عاشقم گل جمالینا من غلامِ قنبرم
سنه لایق اولماسام‌دا عَبدِ مالک اَشتَرم
مرشدیم‌سن؛مُریدینَم؛«قیزیل‌قلم»اکبرم
بو کیچیک ساده نوکری اؤز قاپین‌دا سای علی
- چهارشنبه
- 7
- مهر
- 1400
- ساعت
- 20:12
- نوشته شده توسط
- یوسف اکبری
- شاعر:
-
اکبر ستاری
ارسال دیدگاه