بار الها محضرینده، بنده یم
معصیتکارم غمه آکنده یم
چوخ گناهیم وار اودور شرمنده یم
قیل نظر بو جَمعه طاهایه گوره
بیزلری عفو ایله زهرایه گوره
ربنا یا ربنا یا ربنا
ربنا اغفرلنا یا ربنا
____
بارالها من دخیل اولدوم سنه
توبه می،سیندیرمیشام رحم ائت منه
سن بو آی آچدون قاپون ، گلدیم گنه
بنده یه، رحم ایله مولا گوره
بیزلری عفو ایله زهرایه گوره
ربنا یا ربنا یا ربنا
ربنا اغفرلنا یا ربنا
____
اللهیم سندن عنایت ایستیرم
قلبیمه نور هدایت ایستیرم
عارفاً بالله زیارت ایستیرم
کربلا وئر روحِ سقایه گوره
بیزلری عفو ایله زهرایه گوره
ربنا یا ربنا یا ربنا
ربنا اغفرلنا یا ربنا
____
بو قاپوندان هیچ قاپیا قاچمارام
بوینوما منت مدالین ساچمارام
سندن آیری ، بیرکسه اَل آچمارام
ساتمارام ایمانی دنیایه گوره
بیزلری عفو ایله زهرا گوره
ربنا یا ربنا یا ربنا
ربنا اغفرلنا یا ربنا
- پنج شنبه
- 19
- مرداد
- 1402
- ساعت
- 0:40
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه