اشعار ترکی مخصوص امام جعفر صادق

مَنصور ایدوب آزارلر از بس امام جَعفره
جور و جفا و کینه سی ایتدی اثر پَیغمبره

حکم ایلدی حاضر اولوب بزم سیاستده امام
قالدی ایاق اوستنده اول عرش خداونده قوام
ویردی فسرده حالیله منصور بیرحمه سلام
واللهی چوخ مشکلدی بو توهین آتاسی حیدره

زهرا بهشتی ایلسه بَیت الحَزَن ذی حقّ دور
گورسون ننوعی عترتی دریای غمده غرق دور
در حالتیکه فاطمه ملکی بو غرب و شرق دور
خصم جفا پیشه سالوب اولاد پاکین چُوللره

بیر نوعی مظلوم عالم آل محمد اولدی آه
آتلار دوشینده چکدیلر مَین زَحمتیله گاه گاه
تائیر ایتدی دشمنه حال امام بیگناه
اما اَثر ایتموب دل منصور او نسل ابتره

بیر نامناسب حالت تحقیریله اول بَیحَیا
ایتدی دوباره حاضر بزم سیاست بر ملا
بی دین و لامذهب دیوب بر حقّ امامه ناسزا
طغیان کفریله آچوب دل نامناسب سوزلره

بهتان دیوب هم سویلدی ظلمیله ناحقّ اِفترا
صادق امامه نسبت کذبیله اول نسل زنا
شمشیر الینده دمبدم قصد هلاک ایلردی تا
ظلم ایلسون جدی اولوب ناصر او بیکس سروره

علت ندور بلمم نچون بو رحمةً للعالمین
چوخ صبر ایتدی ایتمدی ویران یزیدین مجلسین
گوردی الینده خیزران گتدی بروزه کینه سین
پی هم ووروب چوب جفا تشنه یارالی لبلره

هر چند فوق العاده بیر غمدور امام جعفره
اما امام سید سجادیده باخ غملره
بزم شراب ایچره دوروب حیران باخوب دشمنلره
طعن و شماتت آتشی اود ووردی خونین دللره

چکدی امام جعفر صادق نلر مَنصوریدن
بیر کافرانه ضد حقِّ مذهب اولان منظوریدن
آخرده تسلیم ایلدی جان زهریلی انگوریدن
زهر آتشیندن اود دوتوب اودلاندی اعضا یکسره

(منصور) هرآن ذکر اولور منصورین اسمی سر بزیر
شرمنده نار محنت حسرتله یانام اول شریر
بیر ظلم ایدوبدی دائما فریاد ائدر خرد و کبیر
سال یاده هر آن شوریله قان آغلا قربان گوزلره

• شنبه
• 13
• شهریور
• 1400
• ساعت
• 12:39
• نوشته شده توسط
• یوسف اکبری

شیعه لر قان آغلیون صاحب زمان اغلار بوگون
حضرت صادق غمینده قدسیان آغلار بو گون

باد ظلمیله گل گلزار بیغمبر سولوب
صادق آل محمد زهریله مسموم اولوب
گر دیسم زیبنده دور زهرا بو گون زلفین یولوب
عالم معناده میر مومنان آغلار بوگون

بغضیله منصور نور وحدتی خاموش ایدوب
پیشوای دین حق جام شهادت نوش ایدوب
جعفری مذهبلری محنتله هم آغوش ایدوب
گوز یاشی گوزدن توکر اهل جهان آغلار بو گون

باعث ایجاد عالم حامی دین خدا
نور یزدان مظهر توحید سبط مصطفا
مذهبه رونق ویرن دینه بویوک بیر بیشوا
درک ایدوب فیض شهادت انس و جان آغلار بو گون

شور محشر شهر یثربده بو گون اولدی عیان
وا اماما ناله سی خلقه اولوب ورد زبان
بوینی چگنینده توکردی گوز یاشی اسلامیان
تابعان حضرت صادق عیان آغلار بو گون

جان ویروب جانانه یتدی بو امام ممتحن
ایلدی اوز اوغلی موسی جسمینه غسل و کفن
اولدی چوخ اجلالیله تشییعینه چوخلی گلن
کربلا مظلومینی یاده سالان آغلار بوگون

قالدی اوچگون یرده گل جسمی یارالی بیکفن
اولمادی بیر کس او گون بیغمبر اوغلین دفن ایدن
گون ایوینده قانه غلطان قالدی یتمیش بیر بدن
بیله بیر احواله هر شیعه یانار آغلار بو گون

یتدی اوچ گوندن صورا بیماره چون فرمان حق
دفن اولونسون تا نقدری وار سوسوز قربان حق
کربلا صحراسینه اعجازیله سلطان حق
گلدی بو اعجازیدن آگاه اولان آغلار بوگون

بیر قبیله اهلینی گوردی ملول و دلفکار
قصد دفنیله گلوب اللرده حفر اسبابی وار
دفنینه اما او گل پیکرلرین حیراندیلار
بو سوزه اول جمع تک حیران قالان آغلار بو گون

باخدی اول بیر آتاسی نعشینه چکدی فغان
سویلدی ای بذل ایدن جانانینه لب تشنه جان
کربلانی ایتموسن اوز قانویله گلستان
یاسمن سرو سمن هر گلستان آغلار بو گون

بیر مزار اول شهریاره قازدی با شور و محن
گوردی لازیمدور اولا شاهانه بیر عالی کفن
قالدی حیرتده او گل جسمه کفن ایتسون ندن
بو مصیبتده تمام افلاکیان آغلار بو گون

امر ایدوب اول جَمعه سوز آهیله یالقوز امیر
بیکفن دفن اولماسون مقتول اشرار شریر
تاپدیلار اول دشتیده زحمتله بیر پاره حصیر
قبره شه جسمین حصیریله قویان آغلار بوگون

گوردی لیلانین علی اکبر اوجالدوب باشینی
گل کیمی خندان اولوب توکدی یوزه گوز یاشینی
دفن ایدوب پائین باده اول جوان قارداشینی
ایمدی اول ششگوشه قبره هر باخان آغلار بو گون

سن امام صادقه صدقیله (اشکی) دوش دخیل
حاجتین ایلر روا فورا او میر بی عدیل
نا امید ایتمز او شهدور سن اونا نوکر ذلیل
اولسا گر نومید سائل شاهه دور نقصان بوگون

• شنبه
• 13
• شهریور
• 1400
• ساعت
• 12:46
• نوشته شده توسط
• یوسف اکبری

جان ویروبدی حضرتِ صادق جهان قان آغلوری
وای اوغول دلده پیمبر اِیلور اَفغان آغلوری

مذهبِ شیعه اِمامِ صادقه مدیونیدی
علمی باعث دور شَریعت قامتی موزونیدی
ظلمِ اَعدادَن ولیکن حیف اُولا دل خونی دی
بو اِمامِ دل غمی نه عَرشیان قان آغلوری

یِر تلاطم اِیلوری آغلور اونا عرشِ بَرین
باش آچوب بو غمده وا ویلا دیور روح الاَمین
بیر اِیله اَحواله سالمیش گُول وجودین زَهرِ کین
چرخِ اطلس دَه اوشاهه شاهِ مَردان آغلوری

وار یِری قان آغلاسا گر گنبدِ مینا بوگُون
سولسا باجادور گلستانِ اِرم یک جا بوگُون
ناله و اَفغانه گلمیش حضرتِ زَهرا بوگُون
وای بالام اِیوای دلین دَه دیده گریان آغلوری

جان ویروبدی ظلمیله ذاتِ خداوندِ رَحیم
زَهرِ کینی له اِیدوب مَسموم مَنصورِ لَئیم
گُور نجه مظلوم اولوب پورِ صِراط المستقیم
قلبِ قرآنِ مُبی نه آلِ عُمران آغلوری

آغلوری موسی ابن جَعفر سینهُ پر سوزی له
دل یانور شعله چکور نارِ فراق اَفروزی له
حالی نه شب زنده دارین آغلوری شب روزی له
آفتابِ دین اوچون خورشیدِ رَخشان آغلوری

الغرض اِیتدی کفن اُوغلی اوشاهین آغلادی
دیده تر قیلدی نمازین سینه سینی داغلادی
اولدی تشییعِ مُجلّل شهرِ یَثرب باغلادی
ایله بول طاها ئولوب یَثرب کماکان آغلوری

اولدی بیرتشییعی دَه یَثرب دَه با حُزن و مُحَن
شرحی نه یوخ دلده یارا عَفو اِیله یابن الحسن
تیر باران اُولدی چوخ ظلمی له تابوتِ حسن
گُوردولر چکدیق جا اوخ شاهِ شَهیدان آغلوری

ای قرارِ سینۀ خیرالنسا یا مُجتبی
نورِ چشمانِ علیّ المُرتضی یا مُجتبی
لطف قیل (صدیق) زاره کربلا یا مُجتبی
یاسری له تاگُوره اُولموش نَوا خوان آغلوری

• چهارشنبه
• 31
• شهریور
• 1400
• ساعت
• 17:00
• نوشته شده توسط
• یوسف اکبری

ظُلمدَه طُغیان اِیدوب مَنصُور یا صاحِب زَمان
اُولدی جَدُون قَتلینَه مأمُور یا صاحِب زَمان

گُوردی جَدّون جَعفَرِ صادِق اُولوب دین اِستتار
اِیستیُوب اللهُ اکبر تا دِیُولسُون آشکار
دینِ اِسلام اَوسته چَکدی رَنج و زَحمت بی شمار
گَلدی آخردَه اَله مَنظُور یا صاحِب زَمان

چَکدیقی زَحمت لَریندَن یّتدی بُو مَنصَب بیزه
اِیمدی عالَمدَه دِیوللَر جَعفَری مَذهَب بیزه
رَشگ اِیدور بیگانه لَر دنیادَه روز و شَب بیزه
اولمُوشُوخ چون گُون کیمی مَشُهور یا صاحِب زَمان

وِیردی دَرسِ دین بیزه خیر اِیشلَری تَرک اِیتمیُون
یاتمیُون فَرمایشِ پِیغمبری تَرک اِیتمیُون
اَمر به مَعروف و نَهی از مُنکری تَرک اِیتمیُون
اَهلِ دین چَکسُون گرک هر جُور یا صاحِب زَمان

دین گَلوب آسان اَله چون بُولمُوروق بیز قیمتین
ساخلاسُون هر کس گرک اِسلام و دینون حُرمَتین
بُولمسَه دنیادَه هر کیم قَدرین اِسلامیَتین
خَلق آرا آخر اُولور مَنفُور یا صاحِب زَمان

بُو هَمان دین دور که بُو دین اُوسته صاق صُولار دوشوب
جِسم لَردَن قان آخوب قاندان یِره یُولار دوشوب
خیمه لَر تالان اُولوب باشلار گِیدوب قولار دوشوب
تَشنه حَنجرلَر اُولوب مَنحُور یا صاحِب زَمان

باخمیوب دور حضرتِ صادق اِیدوللّر سَر زَنش
آچدی بیر دانشگهِ اِسلامی اُول طاها مَنش
وِیردی دانشگهدَه شاگِردانِ دینه پَرورش
وار آدی تا پای نَفخِ صُور یا صاحِب زَمان

بُولدی لازم دین یُولوندا اِهتمام اِیتسُون گرک
جَدّی شاهِ کَربلا تَک تا قیام اِیتسُون گرک
حَقّ یازان بَرنامهء دینی تَمام اِیتسُون گرک
شُوریلَن دنیایه سالسُون شُور یا صاحِب زَمان

گُوردی آی تَک گِیزلَنوب دور اَبردَه آیاتِ حَقّ
هر گِیجه گُوندوز اِیدوب دور خَلقه تَبلیغاتِ حَقّ
اِیلیوب دور حَقیلَه نا حقّ لَره اِثباتِ حَقّ
قویمیوب دور حَقّ اُولا مَسطور یا صاحِب زَمان

گُوردی مَنصورِ دَنی اِجلالینه رَخنَه یِتور
گُوندروب پِیغام اِمامَه اِیشلَروندَن اَل گُوتور
عالَم اِیچره اُول جَفا پَرور ریاستدَن اُوتور
جامِ کِبریلُه اُولوب مَخمُور یا صاحِب زَمان

اِیستیوب دور سُوندوره شَمعِ هِدایت نُورینی
یغدی خُلقی باشه بُولدورسون اُورک مَنظورینی
گُور نِجه دنیا اِیدوب مَغرور یا صاحِب زَمان

اَمر اِیدوب اُولسا اِمامِ مُسلمین هر حالیدَه
جَلب اِیدون جَبریلَه فکریم قالماسون اَشغالیدَه
شاهِ دینه گُوندروب ماَمُور یا صاحِب زَمان

گَلدیلَر مأموریلَر بُولمُوبلَه راز اُوستوندَه دور
گُوردولَر اُول پیشوای راز و نیاز اُوستوندَه دور
باخمیوبلَر سجددَه راز و نیاز اُوستوندَ ه دور
اِیلیوبلَر گِیتماقا مَجبور یا صاحِب زَمان

قویمیوبلَر تا عَوض اِیتسُون لباسین شاه دین
پا بِرهنه باش آچُوخ پُوزقون پَریشان دِل غَمین
گَتدیلَر اُول حالیلَن زیبندَه دی بُو جُور و کین
قَلبِ زَهرانی اِیدَه رَنجُور یا صاحِب زَمان

گَلدی مَنصُوره سَلام اِیتدی وَلیّ داد گر
اِعتنا اِیتموب اَیاق اُوسته قالوب فَخرِ بَشر
اِیتدی بیر ساعت صُورا مَظلوم اِمامه تا نَظر
گُوزلَری ای کاش اُولیدی کُور یا صاحِب زَمان

گَردِشِ اَیّامَه باخ کابینهء شُورایه باخ
حاکم و مَحکومَه باخ فَرمانه باخ اِیذایه باخ
ظالم و مَظلومه باخ ماُمُوره باخ دنیایه باخ
خار اَلیندَه گُل اُولوب مَقهور یا صاحِب زَمان

ناقهء دینی او ظالم ظلم اَلیلَه پیلدی
دلدَه بُغض و کینه سین مَجلسدَه ظاهر اِیلدی
مَندَه یوخ جُراَت دِیوم اُول کینه پَروَر نِیلدی
دوت منی بو شَرح دَن مَعذور یا صاحِب زَمان

گر چه خَلق اِیچره اُولوب دور #اعظمی نامیم منیم
غَصّه دَن لَبریز دور امّا گُوگُل جامیم منیم
لطف اِیله تا بَنده اُولسُون کُوکبِ کامیم منیم
اِیلسُون خالق منی مأجور یا صاحِب زَمان

• یکشنبه
• 15
• مرداد
• 1402
• ساعت
• 14:42
• نوشته شده توسط
• یوسف اکبری

سبک : ای که بیر مرحمتون دولت دارایه دیر..

صادق آل عبا شیعه لرون سروریدی
آستانونده ملک،بو آقانون نوکریدی
مندن ال سندن اتک،بیر باخیشین بسدی منه
(جدوآبائیم آقا، واللهی مدیوندی سنه(2))

بیزه رهبرسن آقا__حجت داورسن آقا
اهل عشقون باشینا__تاج منورسن آقا(2)
_____

کیم دخیلوندی سنون،هیچ کسه محتاجی دگول
دهریده محنت و درد و غمین آماجی دگول
آقا اوغلی آقاسان سائلی سلطان ایده رن
(گر اشاره السن موری سلیمان ایده رن(2))

بیزه رهبرسن آقا__حجت داورسن آقا
اهل عشقون باشینا__تاج منورسن آقا
________

بللیدی قلبیده سن تک آقانون آدی اولار
مکتب عشق و وفانون بیله استادی اولار
یونس بن ظبیان،مفضل،ابوحمزه،حریز
(سنه شاگردیدی چوخلاری،بو درگهده عزیز(2))

بیزه رهبرسن آقا___حجت داورسن آقا
اهل عشقون باشینا__تاج منورسن آقا
_________

فرشیدن عرشه شاخور پرتو نور ازلی
تانور عالم سنی شخصیت بین المللی
صاحب علم و حدیث متواترسن آقا
(باشیمون اوسته ئولن لحظه ده حاضرسن آقا(2))

بیزه رهبرسن آقا__حجت داورسن آقا
اهل عشقون باشینا___تاج منورسن آقا

• پنج شنبه
• 19
• مرداد
• 1402
• ساعت
• 00:56
• نوشته شده توسط
• یوسف اکبری

گلوبدی باب توسلده خامه غوغایه
صحیفده سوز آچوب اهل بیت طاهایه

اورکده حضرت صادقدی عمده منظوری
کیم اولسا مشتری کیم قائل اولسا عقبایه

ازل گلوب اوزینه , جدینه سلام ایلسون
ایکمجیسی او حرمسیز آناسی زهرایه

ربیع الاولین اون یدیسی اذان وقتی
گلوبدی هجرتین هشتاداوچونده دنیایه

گلنده فخر ایلدی گویلره زمین و زمان
ویروبدی جمله ملک مژده سطح غبرایه

کیم اولدی جعفری مذهب اوجاتدی باش عرشه
شریعت نبوینی گتوردی احیایه

اولاندا عمری اوتوز بیر آتاسی جان ویردی
توکوبدی گوز یاشنی اول ملال عظمایه

خروج ایدوبدی زمانینده چون بنی عباس
حکومت امویله دوشوبدی دعوایه

اولار اولوبلار او حربه نه مدتی مشغول
بو حکم دینی دیوب خلقه آیه به آیه

بنی امیه نی مغلوب ائدوب بنی عباس
خلافته یتشوب بیر دنی فرومایه

دوانقی دی لقبده او پست آدی منصور
سالوبدی دین خدایه دوباره دن سایه

امامیده دولانوب سیر ائدردی شهرینده
محبتیله جماعت باخاردی مولایه

دوانقی گینه ظلمونده ایلدی طغیان
امامی گونده او ظالم گتوردی ایذایه

گچوبدی بیر نچه مدت چاغوردی محضرینه
تکًبریله دل آچدی او ماه سیمایه

دوزلدوسن دئدی لشکرائشیتمیشم بو سوزی
جواب وئر ندی منظور بو قضایایه

بیوردی حضرت صادق بو کذب مطلقدور
جوانلقیمدا دا هیچ دوشمدوم بو رویایه

دوانقی قیزاروب چهره سی غضبلندی
چکوبدی تیغی نه نوعی چکللر اعدایه

کرار ائدوبدی او اوچ دفعه تیغی گیزلتدی
دوباره باخدی محبتله شاه والایه

امامه وئردی چوخ عزتله عطر سلطانی
بو عطریلن یوزینی ایلیوبدی پیرایه

ربیع سوال ایلدی بو عمل ندور سنده
تعجبم من ئوزوم بیر بیله معمایه

بیان ائدوبدی بو طرزیله مرد بی ایمان
چکنده تیغیمی بوردا امام تنهایه

اماندی وورما بالامی دئدی هلاک ائلرم
نه گوردوم اوندا گوزوم دوشدی شاه بطحایه

گلیدی کاش پیمبر ووراندا سجاده
قولونا بند و رسن شمر , غملی صحرایه

دییدی وورما بالامی ملکلر آغلولار
چکوبد ی قاره خدا نه رواق مینایه

چکنده قافله نی شامه اول دنی ملعون
بالالار آغلادلار حالت غم افزایه

میننده ناقه لره عترت رسول الله
حیا ائدوب نه باخوب زینبه نه یکتایه

وورون دئدی یولا دوشسون سپاه و قافله میز
اوجالدی واابتا ناله سی ثریایه

چوخ آغلا « صادقی » یان بو سوزه او گون زینب
یاناردی حال ربابیله ام لیلایه

• شنبه
• 6
• دی
• 1399
• ساعت
• 20:05
• نوشته شده توسط
• یوسف اکبری

سبک: زینبم جان اوستیم...

صادق آل رسولون قلبی القاندی بوگون
زهر کين مسموميدی دل لر نواخواندی بوگون

ماتمينده شيعه لر قلبی يانور آغلور گوزی
وای امام ايوای امام سسلور اولوبدی بو سوزی
باش آچوب صاحب عزا جدّی پيمبردی اوزی
قدسيان گلموش نوايه مات و حيراندی بوگون

زهر کين ايتدی اثر فرياده پيغمبر گلوب
باشی اوسته فاطمه هم مجتبی حيدر گلوب
کربلا شاهی گلنده ناليه گويلر گلوب
جمع اولوب اهل کساء بير يرده گرياندی بوگون

اشکينی خون دله باب الحوائج قاتوری
بابا فکرين ديمه بير آنی باشيندان آتوری
نه بير آز دينجلوری بالش غمده ياتوری
آغلوري آغلادوری صبر ايوی تالاندی بوگون

شمعي پروانه کيمي دوره ليوب چون بالالار
آز قالور روحی چخا وصلتی فصله آلالار
آغلاشولّار دل خونی غم اشکه قاتالار
آيرولوق مرحله دی چون دم هجراندی بوگون

شمع ياندوقجا ارور عمر آزالور هر ثانيه
اوخشادولّار اوزلرين پر يانديران پروانيه
تاپشورندا جان امام اوز جاننی جانانيه
وای بابا وای ناله سی افلاکه قوزاندی بو گون

خسته تندن روح پاکی آيرولوب ئوولدی امام
باش آچوب موسی ابن جعفر زادۀ خَيرالاَنام
شيعه قلبی زخميدن تاپمودی تاپماز التيام
پيشواسين ئولدوروبلر چشمی گرياندی بوگون

ياندولار پروانه تک ياندوردولار عالم لری
تازه لنسين ايل به ايل اولسون مرور بو غم لری
فرصتون وار«عدلی»سن ياز بول غنيمت دم لری
اولماسان تابع امامه سنده نقصاندی بوگون

• چهارشنبه
• 17
• دی
• 1399
• ساعت
• 22:55
• نوشته شده توسط
• یوسف اکبری

کیمدی بو هرنفسه معجز عیسی ایلدی
دم جان بخشیله هر مرده نی احیا ایلدی

کیمدی عالم به عمل ایتدی تلاش هرشب و روز
آچدی دانشگه دین علمیده غوغا ایلدی

مرکز دایرۀ علم لره نقطه اولوب
اونا شاگرد اولانی خالقی والا ایلدی

صادق آل محمدی آچوب مکتب عشق
دورت مین استاد جهان درسنی انشا ایلدی

ایستیوب آب بقا خاک دریندن خود خضر
بلی عیسی لب جان بخشی تمنا ایلدی

گوشۀ چشمیله گر ایتسه نظرکعبۀ دل
گوره سن لطفی سنی صاحب تقوا ایلدی

کاش گوره جان جهان بیرده دوتوب الده قلم
سند نوکری (عدلینی) امضاء ایلدی

• شنبه
• 20
• دی
• 1399
• ساعت
• 18:59
• نوشته شده توسط
• یوسف اکبری

گل لنوب بوگون گلشن بتول
شادمان اولوب حضرت رسول
جهل اولدوزی ایلیوب افول
یر لره ملائک ایدوب نزول

آفتاب زهراآچدی گوز زمانه
باقراوغلی صادق گلدی تا جهانه
مژده شیعیانه مژده عاشقانه

طبل شادی ویر اولما بیقرار
قورتولوب خزان گلدی نو بهار
شیعه لراولون سیز امیدوار
کونه بو ویررقدر و اعتبار

بلبلان گلشن اولدولار غزلخوان
واریری بو محفل تا اولا چراغان
مژده شیعیانه مژده عاشقانه

گل چمن گولور آخدی جویبار
گل آچوب گلستان اولوب دیار
لطف ایدوب بونی حیّ کردگار
مثلینی گورنمز بو روزگار

عالم اهلین ایلر علمینه هدایت
نچه مین حدیثی بو ایدرکتابت
مژده شیعیانه مژده عاشقانه

بو سُلالۀ احمد و محمود
هیکل تقوا بندۀ معبود
عالمینه بو علت موجود
بو امام دور سایه سی ممدود

نورچشم زهرا رهبر جهاندی
سبط پاک احمد صاحب بیاندی
مژده شیعیانه مژده عاشقانه

گوهرصدفدی بوخلقته
سرو قد گلِ نازْ رسالته
معنی وفا دورفضیلته
درّ دور بو بحر محبّته
جدّی شاه حسین تک جان ایدندی ایثار
مکتبی قالاندی تا که بو جهان وار
مژده شیعیانه مژده عاشقانه

(عدلی) اول گدا بو شب مولود
صاحب کرم گلدی کان جود
یاخشی ساعتدی هم دم مسعود
تحفه سی ایدر قلبیوی خشنود

مدح و نوحه سین یاز ایله عالی خدمت
گیت بقیعده ایله مدفنین زیارت
مژده شیعیانه مژده عاشقانه

• شنبه
• 20
• دی
• 1399
• ساعت
• 19:32
• نوشته شده توسط
• یوسف اکبری

رئـيـس مـذهب شـيعـه امـام انـس و جـان صادق
علـيـم آل پـيـغـمـبر گـل بـاغ جــنان صادق
شـبـسـتـان جـهـالـت ده مـثال شـمع ياندون سن
جهان نور وجودون دن اولوبدي روز تك روشن
عـلـوم شـيـعـه ني آلميش خـلايــق غـمـلي سـينوندن
كوير دانـشـي ايـتـدون گؤزل بيرگلستان صادق

كـمـالات وجـودونـدن عـوالـم خـوشه چـين اولـــدي
عـلوم فـقـه وتـفـسـيـره سـراپـا ديـن عـجين اولـدي
سـنـون عـلـمونـله دانـشـگـه قـدَرده پـرثمين اولــدي
گـلسـتـان امـامـتـده اوجـا ســـرو چـمـان صادق

اولوب دورت مين گل عاشق گلستانون ده پرورده
اصـول فـقـه ايـله گرما ؛ اولـــوب حاكـم دم سـرده
تمـامـاً درس اخـلاقــون دوا دور هــر زمـان درده
بويوك سرمـشق دورخلـقـه عـلومـون هـرزمان صادق
خـلاصه آچـدي شـهرعـلـم فـقـه و حكمـتـيـن بابين
ايـوينه اودويروب اشـرار؛آلـوبـلارطاقـت و تـابين
بونوعي ويرديلر اجـرين؛ امـام مـهـر و مـهـتـابين
بواود ويرماقـدا دل دوشدي گريزه بي امان صادق

دوشــوب دور ياديمه بيرآن حديث عصر عاشورا
شـهـيـد اولموشدي ثارا... دوشـوب دنـيـايـه واويلا
قوشون يوز قويدي اخيامه اولوب هنگامه لر برپا
حسينون حالينه اوندا يانار كون ومكان صادق

خيامـه اود ويـران وقـتـدن روايــت ايـليور راوي
ديورگوردوم بالا بيرقيز؛كي اود دوتموشدي دامـاني
چيخوب قاشـدي بـيـابـانـه گوزونده اشكيدن جامي
رقـيّه جـدّوه جاندي بـوچـوللرده قاچان صادق

زبس قورخموشدي مـنـدن اول شيرين دل مهربان آهو
كانـّه مـرغ پـركـنـده ايـــدوردي چـولـده هي كوكو
قاچـيـردي سـاق صولا آغلار گوزيله دخترمه رو
آلـيـشيـردي تـحـرّكـدن اتـگــيـنده يانان صادق

خـلاصه ايـلـديم خـامـوش اتــگـينـيــن اوتين آخــر
ديديم سنـلـن ايـشـيـم يـوخدور مـنم الان سنه ياور
گورورم چوخ هراسان سان سوسوزدان پاره ديرلبلر
شهيداولدي علي اوغلي اولوب آزاد آخان صادق

ديديم سو ميل ايله اولموش سنه حتّي نفس دشوار
منه باخدي سواباخدي باخوب اخيامه گل رخسار
ديـدي اخـيـمده بـيـر نـاخـوش امـام ساجدينيم وار
سوسوزدان رنگ رخساري اولوب چـون ارغوان صادق

تانورسان بوبياباني ؛هارا هـــاردان گيـدر ياشيخ
نجف سمـتـين منه گوستر چراغ جان گيچرياشيخ
بابام حـيدر اولوب گورسين عزيزي دربدرياشيخ
اولــوب عطشان قانا غلطان يارالي ميهمان صادق

اولوب دريا كنارينده ؛بابام عـطشان قانا غلـطان
سواوستينده اباالفضلين سالوبلارقولارين عـدوان
علــي اكــبــريــم پــرپــراولــوب اللهـينه قوربان
ايچيب دي اصغرنالان سودعوضينده قان صادق

سوسوزقانه باتان لايلاي؛مـني گوزدن آتان لايلاي
اوجابوي قهــرمـان لايلاي؛عموي مهربان لايلاي
چوله طوفان سالان لايلاي؛جوان قانه باتان لايلاي
ديرم اصغــره لايلاي نـقـدري واردي جان صادق

• چهارشنبه
• 24
• دی
• 1399
• ساعت
• 18:26
• نوشته شده توسط
• یوسف اکبری

سبک:گلدیم حسین وای دییم...

فارسی

دل شده از داغ مصیبت کباب
مهر درخشان شده زیر سحاب
حضرت صادق شرف اولیا
کشته شد اندر ره دین و خدا
""ای شه مشکل گشا .... صادق آل عبا
کشته راه خدا .... صادق آل عبا"""

گل به گلستان شده غرق عزا
بلبل خوشخوان شده نوحه سرا
باغ و چمن را زده باد خزان
دل شده غمدیده و غرق نوا
""ای شه مشکل گشا .... صادق آل عبا
کشته راه خدا .... صادق آل عبا"""

اهل سماوات و زمین دلغمین
مرغ سحر گریه کند بس حزین
در غم جانسور شه انس و جان
گریه کند ملت زار و انین
""ای شه مشکل گشا .... صادق آل عبا
کشته راه خدا .... صادق آل عبا"""

زهر عدو گشته خدا کارگر
غرق عزا خلق حق دادگر
موسی جعفر شده صاحب عزا
هیئت غم گشته جنان سربسر
""ای شه مشکل گشا .... صادق آل عبا
کشته راه خدا .... صادق آل عبا"""

عالمیان غرقه به تاب و تب است
حضرت صادق زجهان شسته دست
شیعه اثنی عشری در عزاست
صاحب مکتب ز جهان دیده بست
""ای شه مشکل گشا .... صادق آل عبا
کشته راه خدا .... صادق آل عبا"""

ترکی

زهر عدو حضرته ایلوب اثر
آه چکوب اولدی آقا خونجگر
ارض و سما دوتدی عزا سربسر
حضرت باقرده اولوب دیده تر
""ای شه مشکل گشا .... صادق آل عبا
کشته راه خدا .... صادق آل عبا"""

حضرت صادق غمینه دل دولوب
ماتمینه باغ و گلستان سولوب
باد خزان ریشه یاسی یولوب
دفنیده اما اونا تجلیل اولوب
""ای شه مشکل گشا .... صادق آل عبا
کشته راه خدا .... صادق آل عبا"""

یاده دوشوب شاه شهیدان غمی
یاسلی ایدوب حشره کیمی عالمی
زینبی دق مرگ ایلدی ماتمی
گوردی چوخوریرده سوسوز ضیغمی
""ای شه مشکل گشا .... صادق آل عبا
کشته راه خدا .... صادق آل عبا"""

سسلدی جان قانینه غلطان حسین
صورتی قان سجده گهی قان حسین
قلبی یارا سینه سی شان شان حسین
زینب اولا جانوه قربان حسین
""ای شه مشکل گشا .... صادق آل عبا
کشته راه خدا .... صادق آل عبا"""

قانه باتان گول کیمی پرپرحسین
دسته گل گلشن حیدر حسین
کامه چاتوب لشکر کافرحسین
هانی باشون بس هانی اللرحسین
""ای شه مشکل گشا .... صادق آل عبا
کشته راه خدا .... صادق آل عبا"""

خرمنوه باد مخالف اسوب
چاره یولون کیم سنه آیا کسوب
کوینگوی غارت ایدوب دینجلوب
سویله حسینیم الوی کیم کسوب
""ای شه مشکل گشا .... صادق آل عبا
کشته راه خدا .... صادق آل عبا"""

خرمنوه باد مخالف اسوب
چاره یولون کیم سنه آیا کسوب
کوینگوی غارت ایدن دینجلوب
سویله حسینیم الوی کیم کسوب
""ای شه مشکل گشا .... صادق آل عبا
کشته راه خدا .... صادق آل عبا"""
.....
قتلگهون جلوه گه یاریدور
قانلی سینون مخزن الاسراریدور
دور و برونده هامی دلداریدور
سندن اوزاق تشنه علمداریدور
""ای شه مشکل گشا .... صادق آل عبا
کشته راه خدا .... صادق آل عبا"""

• چهارشنبه
• 1
• بهمن
• 1399
• ساعت
• 11:41
• نوشته شده توسط
• یوسف اکبری

((روزعزای شیعیان جهان است
صاحب عزامهدی صاحب زمان است))
آجرک الله بقیه اللـــــــه
واویلا واویلا واویلا۲

ارض وسماگریدازماتم صادق
عالم سیه پوشیده درغم صادق
دل مبتلاشد غرق عزاشد
آجرک الله...... واویلا۳

زهرکینه بنشسته برجسم وجانش
ذکریازهراجاری شدبرزبانش
بیاای مادر این دم آخر
آجرک الله.... واویلا۳

قاره گیون شیعه لرباشلاندی ماتم
جنتده آغلوربوگون حضرت خاتم
دل مبتلادی روزعزادی
آجرک الله .... واویلا۳

زهرجفادن یانوب یکسراعضاسی
قوزانوب عرشه یاران آه ونواسی
اکبادیم یاندی سینم اودلاندی
آجرک الله..... واویلا۳

• چهارشنبه
• 13
• اسفند
• 1399
• ساعت
• 17:28
• نوشته شده توسط
• یوسف اکبری

بیر غریبم الله اورکده چوخدی دردیم
اوج ایدوبدی یردن سمایه آه سردیم
دوشموشم نفسدن قیامه یوخ توانیم
ایله بیر نظر ای کریم مهربانیم
جهانه رهبرم من
غریب ومضطرم من

اود وروبدی دشمن یانوبدی آشیانیم
قورخوشوبدی یکسر حیالی خانمانیم
شعله لر ایچینده دوشوبدی یاده زهرا
باشیمه اوساعت دولاندی کل دنیا
جهانه رهبرم من
غریب ومضطرم من

کوچه ده عباسیز آپاردی منی بو قوم اشقیا
نچه یول یخیلدیم او یولدا دیزیمده قالمادی قوا
مجلش شرابه بو دشمن جفائیلن چکوب منی
جانه گلمیشم من اودور کی هرایه سسلورم سنی
ای حق داوریم
تتریور دیزلریم
یتیش هراییمه غریبم

دوشسه گر جهاندا کیمون باشی بلایه
آغلیا نه خوشدور شهید کربلایه
باشه چاتسا عمروم جهانی داغلارام من
جان ویرن زماندا حسینه آغلارام من
جهانه رهبرم من...

آغلارام اوشاهه اورکدن کسیلدی دالدان حنجری
گون ایوینده اوچ گون کفنسیز قالوب یارالی پیکری
باغلانوبدی یکسر طنابه عیال وآل و عترتی
قانلی باشی اما اوشاهون جدانون اولدی زینتی
باجیسی آغلادی
چوخ اورک داغلادی
دیدی حسین یارالی قارداش

• چهارشنبه
• 13
• اسفند
• 1399
• ساعت
• 17:38
• نوشته شده توسط
• یوسف اکبری

مژده وئرین شقایقه

هر دل صاف عاشقه

گول گتیرین طبق طبق

جشن امام صادقه

بو جشنی . طاهایه . دئیین مبارک باد

آناسی زهرایه دئیین مبارک باد

مژده وئرین قیزیل گوله

صبح صفایه جان گلو ر

کنز علوم و حکمته

دولت جاودان گلور

شیعیه باب علمدن

فلسفه ی امان گلور

عشق زلال جعفری

دللره سالدی با ر قه

گول گتیرین.طبق طبق

جشن امام صادقه

بو جشنی طاهایه . دئیین مبارک باد

آ نا سی زهرایه . دئیین مبارک باد

گلدی جهانه حضرت

صادق امام انس وجان

وئردی صفا مد ینیه

فخر زمین و آسما ن

بیت امام با قر ی

ائتدی بهشت جاودان

سپدی بو یاس دلر با

عطر جنان حد ا یقه

گول.گتیرین طبق طبق

جشن ا ما م صا دقه

بو جشنی طاهایه . دئیین مبارک باد

آناسی ز هر ا یه . دئیین مبارک باد

گلد ی آقام علو میلن،

دین حقه جلا وئر ه

مذهب عشقه منطق

عشقله انجلا وئره

حق سئو نه ولا یتین

فلسفه سین صلا وئره

شو ر و شعور عشقدن

ا یلمیون مضا یقه

نقل سپین صفا وئرین

جشن امام صا د قه

بو جشنی طاهایه . دئیین مبارک باد

آ نا سی زهرایه . دئیین مبارک باد

• جمعه
• 11
• تیر
• 1400
• ساعت
• 10:36
• نوشته شده توسط
• یوسف اکبری

یا امام صادق - ای دُر یگانه
یوم رحلتوندی - گلمیشوک فغانه

دعوت ایله قبرون - ایلیک زیارت
قالماسین اورکده - عاشقانه حاجت
ای امام رحمت - ای شفیع امّت
ایلروک تقاضا - سندن عاجزانه

باغلامیشدون همّت - سن رواج دینه
خالصانه خدمت - ربُّ العالمینه
حاصل تلاشون - اولدی بی قرینه
لاجرم عداوت - گتدی دشمنانه

ای امام منصب - وی رئیس مذهب
سن مؤسّس اولدون - قوردون عالی مکتب
جعفری یازیلدی - بوندان اوتری مطلب
چونکی سندن اولدی - نشر دین جهانه

دوتدی زنگ کینه - قلب دشمنانی
دوز یولا چکدون - سنکی عاشقانه
حاکم مدینه - کیدلن نهانی
بیلمورم نه جرمی - ایلدی بهانه

اولدی مرتکب بیر - ظلم جانستانه
زهر وئردی آخر - صاحب زمانه
قلب دوستانی - دوندریبدی قانه
اشک غم عذاره - توکدی اهل خانه

گلدی دفن و کفنه - پور با وقاری
حمل اولوب جنازه - آچدیلار مزاری
تاپشریب ترابه - گنج آشکاری
فاطمه جوارین - قیلدی آشیانه

قبره عزّتیله - گئتدی جسم پاکی
جدّینه یتیشدی - روح تابناکی
بزم انس قوردی - آل سینه چاکی
باخ حسینه امّا - غملی داستانه

قالدی نعشی چولده - بی کفن اراده
اولمادی مسلمان - دشت کربلاده
دفن ائده حسینی - خاک نینواده
سالدی قانلی بستر - اوچ گون اوچ شبانه

بارگاه وحدت - قوردی مقتلینده
اللری وئرور قان - ساربان الینده
گلدی تا بروزه - ظلمی بجدلینده
قیلدی یار دعوت - روضه ی جنانه

گوردی نیمه ی شب - قتلگاهی خلوت
ذبح اولان بوغازدان - سسلیوب او ساعت
گل قیزیم رقیّه - یاخجی واردی فرصت
قورخما ال ایاقون - یولدا باتسا قانه

پیک مهر فوراً - دگدی خسته دلدن
دوردی تز رقیّه - آیرلیبدی ائلدن
قصد ائدیب باباسین - گلدی تند یلدن
اوچ یاشیندا دختر - قلبی شانه شانه

• دوشنبه
• 4
• مرداد
• 1400
• ساعت
• 12:03
• نوشته شده توسط
• یوسف اکبری

گوگل مصمّم اولوب گر عنایت ایلسه خالق
اولام مدیحه سرای امام جعفر صادق

اگر چه فوق مدیح و ثنادی شأن و جلالی
گلور جلالت و شأنی تصوّرات یمه فائق

نه تک من ایلیه بولمم ائدم او سروری تعریف
ادای حقّینه عاجزدی فکر کلّ خلائق

او دور سپهر جلال و شرفده نیّر تابان
مدام نیّر افلاک پای بوسنه شائق

وروب او سرور دینون علوّ شان و جلالی
مقام قرب خداوند لا مکاندا سُرادق

امام مفترض الطاعه میر ملک ولایت
تمام دردلره بیر طبیب آگه و حاذق

مقام و منزلت علمنه هامی علمانون
وار اعترافی مخالف اولا و یا که موافق

اودور امان بحقّ و رئیس مذهب شیعه
وجودی مخزن علم الاه و کنزه حقایق

پیمبرین زحماتین ویروردی ظلم الی باده
اولوردی دستخوش حادثات جمله سوابق

درخت نحس ضلالت دوباره ریشه سالیردی
اولوردی جهل ده امّت گئچن زمانلارا لاحق

ائمه نی که قویموردی غصب حقّ ائلین لر
صراحتاً ائده لر نشر علم و کشف حقایق

او دم که ظالمی مشغول ائدوبدی ظالمه الله
گوروب امان مبین نشر حقّه وقتی مطابق

بلی امام موظّف دی حفظ دین مُبینه
اودور حقیقت ائدر هر زماندا باطلی زاهق

او باغبان گلستان دین سالوب اله فرصت
علوم گل لرینی نشر ائدوب یاراتدی خدائق

ویروب همان او حدائ قده پرورش نچه ایل لر
علوم شرعده گل لر چه نسترن چه شقایق

تمام علملرین کسب نه زمینه یاراتدی
تاپوب مراتب علمینی صاحبان علائق

تاپوبلا مکتب صادقده پرورش او زماندا
مبلّغین درخشان روان و فاضل و لایق

نه تک فروغ هدایت سپهر یثربی دوتدی
نه تک او نور ولادن منّور اولدی مناطق

او آفتاب هدایت فروغی دوتدی جهانی
شعاع علمله دولدی مغارب یله مشارق

گیدوردی ایلیه صحن جهانی گلشن دانش
هزار حیف ولی قویمادی گروه منافق

بناحق اؤزلرینی پیشوای خلق بیلن لر
بظاهر آدلاری مسلم و لیک اؤزلری فاسق

آییردیلار وطنیندن ائلیندن اول شه دینی
بیان حقه امام بحقّ اولانمادی ناطق

ائدوبله روحونی آزرده، جسم پاکینی خسته
اولوبدی ابر ستم پرده دار جلوۀ شارق

مه سپهر فضایل محاق جبره سالیندی
که بلکه ایلیه لر نشر حقّه سدّ طرائق

ولیک بولمدیلر گون بولوتدا دائمی قالماز
اولار حوادث ایّام حقّ و باطله فارق

ویروبله زهر جفا عاقبت امام هُمامه
اولوب او زهرله اجداد طاهری ننه لاحق

(حزین) نه حاله قالار جاهله اسیر اولا عالم
بئله دیرله که مین ایل اولار گوزونده دقائق

• شنبه
• 13
• شهریور
• 1400
• ساعت
• 12:50
• نوشته شده توسط
• یوسف اکبری

ای جعفری مَذهب لَرین آرامِ جانی
گیتدون عزادار اِیلدون اهلِ وِلانی

ای صادق آل عبا
اولسون سنه جانلار فدا
ای وای آقام وای

ای دللّره داغلار قویان ای وای آقام وای
امید اِئوین باغلار قویان ای وای آقام وای
ای شیعه نی آغلار قویان ای وای آقام وای
ای اِیلین ماتم زده پیر و جوانی

ای سینه سی گنجینۀ علمِ اِلهی
ای محضرِ درسی اولان دین پایگاهی
ای سایۀ قدسی اولان حق شاهراهی
مَذهب دَه روشن اِیلین اهلِ وِلانی

جسم بیانه ای ئوزی بیر روحِ ناطق
ای خالقِ فَضل و اَدب مَخلوقِ خالق
تعلیم اِئدن ای اهلِ صدقه فقهِ صادق
ای اوُستادِ مکتبِ علم و معانی

گمراه اِیدوبدی اُمّتی باطل یازنلار
حق علمینی مدفون اِیدوب مَدفن قازانلار
تاپمازدی یول سن اولماسی دون یول آزانلار
فقهی له آگاه اِیلدون کلَّ جهانی

سن آچماسی دون مکتبِ درس و دیانت
سن سالماسی دون عالمه نُورِ فقاهت
تاریک اولاردی عالمِ دین و شَریعت
سن زنده اِئتدون شَرعِ حُکمِ مُصطفانی

سن فقهی له دانانی جاهل دَن آیردون
سن علمی له نادانی عاقل دَن آیردون
چکدون ریاضت حقی باطل دَن آیردون
وار دور سنون فقه ونده روحِ جاودانی

مولا سنون اسلامی دَه چوخ خدمتون وار
هر بیر پریشان جَمع دَه جمعیتون وار
اهلِ تشیُّع گردنی ندَه منّتون وار
سن سن سرافراز اِیلین بو شیعیانی

سن حکمِ شرعِ ذاتِ بی چونی دیریت دون
عاشوردَه ناحق آخان قانی دیریت دون
قاندان حسین یازمیش او قانونی دیریت دون
دوتدون مَرامِ شَهسوارِ کربلانی

آچ دون سن اسلام اهلی نه راهِ سَعادت
منصور جانی اِئتدی بو اَمره حَسادت
آری اولار گُمراه اولان لاردا بو عادت
قصد اِئتدی خاموش اِیلسون نُورِ خدائی

اِئتمیشدی بسکه سست اونی جامِ غروری
حقی گورنده خیره اُولدی چشمِ کوری
حقّونده آرتوردی سنون هر ظلم و زوری
ظلمین دَه چخدی حَددَن اُول خَصمِ جانی

باخموب که سن دِلبندِ پاکِ مُصطفا سن
باخموب که سن فرزندِ شاهِ لافَتاسن
باخموب که سن صبرِ دلِ خیرالنسا سن
بُلدی روا حقونده هر جُور و جَفانی

باخموب که سن چشمِ چراغِ ماسواسن
باخموب که سن بیر یادگارِ مُجتبا سن
باخموب که نورِ چشمِ شاهِ کربلا سن
گتدی بلالی باشیوه هر بیر بلانی

ئوز کینه سین زَهرایه معلوم اِئتدی آخر
سن تک اُمید خلقی مَظلوم اِئتدی آخر
انگورِ مَسمومی له مَسموم اِئتدی اخر
سندَن او زَهر آلدی داخی تاب و توانی

آچدون گُوزون باخدون دوشنده اِحتضاره
گُوردون بالان موسا آلوب باشون کناره
جدّون حسین امّا دوشنده پاره پاره
گوردی باش اوسته زینبِ بی خانمانی

فرمایش اِئتدی ای منه جانانه زینب
شمعِ وفایه ای اولان پروانه زینب
بوردا دایانما بوردا وار بیگانه زینب
گئت خیمه گاهه باشه یغ آلِ عبانی

اَل آچسا ظلمه آلِ فرزندِ سُمیه
قویما وورا قزلاریمی آلِ اُمیّه
قویما خصوصاً آغلاسون نازلی رقیه
چوخ اِیسترم اوُل دخترِ شیرین زبانی

بیر کوچه مشگی نوحه خوان اِئتدی تقاضا
شوقیله (تائب) اِئتدی بیله نوحه اِنشا
اُمِیدیله روزِ جَزا خاتونی زَهرا
اوتدان قوتارسون شاعریله نوحه خوانی

• چهارشنبه
• 31
• شهریور
• 1400
• ساعت
• 13:18
• نوشته شده توسط
• یوسف اکبری

شیعه لر آغلار بو گون طاها امام صادقه
باش آچوب ماتم دوتوب زهرا امام صادقه

صادق آل محمّد ظلمیله مسموم اولوب
مرتضی سسلر اوغول وای، مجتبی مغموم اولوب
دشمن بی رحم الینده گور نجه مظلوم اولوب
مجلس ماتم قوروب دنیا امام صادقه

دوندروب اهل جفا قانه دل ناشادینی
شدّت زهر ستم صد چاک ایدوب اکبادینی
بی مروّت دشمنی باشسیز قویوب اولادینی
آغلادی دنیا و مافیها امام صادقه

بیر گئجه منصور ملعون ایستدی اول سروری
تا یتیرسون قتله ظلمیله ولی داوری
چکدی شمشیری غلافیندن قیزاردی گوزلری
تا بو فکریله ائده ایذا امام صادقه

گوردی عالم تیره تار اولدی قیامت آشکار
باش آچوخ یتدی پیمبر مجلسه بی اختیار
بیر طرفده مرتضی دورموش الینده ذوالفقار
لاتَخَف سسلور حق یکتا امام صادقه

گوردی بو اوضاعی منصور اولدی حالی منقلب
قویدی شمشیری غلافه ایلدی کظم غضب
عرض ایدوب گل یانیمه ای سیّد عالی نسب
عطر مخصوصین ایدوب اعطا امام صادقه

عاقبت قتل امامه نفسینی محکوم ایدوب
دلده کی بغض و عنادین عالمه معلوم ایدوب
زهردار انگوریله اول سروری مسموم ایدوب
اولدی بیر ماتم سرا دنیا امام صادقه

ایتدیلر تکفین تشییعینده مردم ازدحام
ماتمینده حاضر اولدی پیر و برنا خاصّ و عام
چوخ جلالیله آتاسین قبره تاپشوردی امام
مجلس ترحیم ایدوب برپا امام صادقه

اولمیوب هارون ایدن ظلم عالم امکانیده
یانمادی موسی ابن جعفر حالینه بیر آنیده
ساخلادی سبط رسولی اون بیر ایل زندانیده
بیر بیله ظلم ایتمدی اعدا امام صادقه

ایتمرم سند ابن شاهک ایلین ظلمی بیان
نیلدی بولمم او شاهه آه یا صاحب زمان
سسلدی ظالم غریبم باغریمی چوخ ایتمه قان
نسگل اولدی بو غم عظما امام صادقه

حیرتیم وار جور و ظلم گردش دورانیدن
دورت نفر حمّالیله نعشی چخوب زندانیدن
روز و شب دویماز ‹‹کریمی›› ناله و افغانیدن
آغلار ایلر گوزیاشین اهدا امام صادقه

• سه شنبه
• 13
• آبان
• 1399
• ساعت
• 13:47
• نوشته شده توسط
• یوسف اکبری

جان فداحق مکتبینده پیروان قرآنا
بوذرومقدادوعماره شرفلی سلمانا
معرفتلی بوبصیره جابرابن حیانا

علمی نشرائتدی جهانه باقروصادق امام
علم سیزبومکتبه یول تاپماق اولمازوالسلام

جعفری مذهبلری وهابیلارتکذیب ائدیر
شیعه هریئرده تیکیرگنبداولارتخریب ائدیر
بونه قانوندی جنایت پیشه لرتصویب ائدیر

ای ائمه دشمنی ئول ایله سین قلبین ورم
شیعه لرقلبینده وارواللهی میلیونلارحرم

جعفری مذهب اگروعده وئره ائتمزخلاف
سعی ائدرتاگئتمیه عالمده راه انحراف
جعفری مذهب مذاهب ایچره سالمازاختلاف

قول مولادور ملاک شیعیان جعفری
دافعه حداقلی جاذبه حداکثری

جعفری مذهب ائدروحدت مرامین تقویت
حق دئیرحق یول گئدربامنطق وبامعرفت
مکتب عترتده دی آسایش انسانیت

هوشیاراول شیعه قوی چیخسین اجانب گوزلری
عین قرآندورسنه نهج البلاغه سوزلری

جعفری مذهب گئدرعلم ئورگشرعارایلمز
نفسیوی سیندیرسوروشماق هئچ کسی خوارایلمز
عالم اول مولائوزینه جاهلی یار ایلمز

علمیده فکرائتمه بیرکس پایه ی عترتده دی
معرفت اهلی عموماسایه ی عترتده دی

حضرت صادق حضورینده بیرعده شیعیان
اگلشیب ائیلیردیلرکسب علوم بیکران
بیرجوان اول مجلسه وارداولوبدورناگهان

احترام ائیلوب امام صادق اول مه طلعته
دوتدی یوز بعداهمان جمعه دل آچدی صحبته

سویلدی ای شیعیان مکتب آل عبا
دقت ائیلون بوجوانه باوفادور باصفا
باش اگین فرمانینه سیزکشتی سوزبوناخدا

ناخداسیزکشتی نی دریاده طوفان غرق ائدر
شیعیان جعفری الله دئین یولدان گئدر

بیرخراسانی گلیب بیرگون حضورحضرته
عاشقانه باشلادی لحن عربلن صحبته
وقت اولوب آلسین جوابین باخ علوم وحکمته

حجت ذات احدعلامه عالی جناب
فارسی لهجیلن خراسان اهلینه وئردی جواب

ایلدی مهمان تعجب عرض ائدیب ای مقتدا
نه گوزل ایرانیلارتک ائیلوسوزصحبت آقا
سویلدی حضرت تعجب ایلمه ای آشنا

بیزالهی علمیله کسب فضیلت ائیلریق
نه فقط ایران هامی بیر دلده صحبت ائیلریق

حمدلله اهل ایران حیدری دور حیدری
حیدری لر کنزعشقه مشتری دور مشتری
مذهبی یاران عشقین جعفری دور جعفری

جان فدااولسون بیله استاده بیله مکتبه
حضرت صادق آقابنیانگذار مذهبه

جعفری مذهب عملده خالص ائیلرنیتین
لکه دار ائتمزجهاندا مکتب حریتین
آبرو ساخلار آپارمازهئچ کسین حیثیتین

شیعیه قانون یازیبدی جعفرصادق مرام
آبرووئرماق گوزلدی آبروتوکماق حرام

جعفری مذهب گرک تاپسین ره توحیدینی
انتخاب ائتسین قباقجامرجع تقلیدینی
یوخسادیندن دوندررابلیس انسان دیدینی

اول جوانلیقدان دلا غواص بحر معنوی
شرعی تکلیفین اوخی قوی اولسون ایمانین قوی

جعفری مذهبلری قورخوتماق اولمازجنگیدن
دشمن پسته دئنن گئچ بوعبث آهنگیدن
هنگ غیرت درس آلیب عباس تک سرهنگیدن

گرعدوعزم ائیلیوب شیپورحمله چالماقا
جیش حق آماده دی اشراری تختدن سالماقا

جعفری مذهبلره صادق امام ائیلوب بیان
سعی ائدین زینت اولون بیزاهلبیته شیعیان
مایه ی خفت نبایداولسون احرار زمان

بیزهمین یولداهمین مکتبده دین همرازی ییق
گئچمیشیق جاندان حسین بن علی سربازی ییق

جعفری مذهبلرین محکمدی الده مدرکی
حضرت صادق ئوزی ترویج ائدیب بومسلکی
کعبه احرامیندن افضلدی محرم کوینکی

کعبه اولدی قبله اما کربلا قبله نما
گئی قرا وور سینوه پاینده قالسین کربلا

• سه شنبه
• 20
• آبان
• 1399
• ساعت
• 10:49
• نوشته شده توسط
• یوسف اکبری

تازه مولوده خوش آمد یاراشار
نام زیباسینه احمد یاراشار
هم قدم گلمگه پیغمبریلن
صادق آل محمد یاراشار

ایکی گل آچدی گلستاندا بوگون
بیری مکه دل ایماندا بوگون
بیری یثربده سالوب انوارین
گؤردولر نورینی هر یاندا بوگون

بوی احساس و محبتدی گلور
یول آچون ختم رسالتدی گلور
باخ پیمبرله برابر دولانان
نوگل باغ امامتدی گلور

ئورگوزده غمی حک ایلمیون
عشقوزون دامنین اشک ایلمیون
عقلا ! هر نیه ده شک ائلسوز
صادقین صدقینه شک ایلمیون

صادقین ذکرینی هریاندا دیون
صدقیلن حال پریشاندا دیون
عرض ائدور گویده ملکلر تبریک
سیزده تبریکوزی ایراندا دیون

پایگاه حفظ و نشر آثار عباسی معروفان اهری

• یکشنبه
• 23
• آذر
• 1399
• ساعت
• 16:02
• نوشته شده توسط
• یوسف اکبری

ایدوب لطفون بوگونده چون امام باقره یزدان
گلوب صادق آچا مکتب تاپا تا رتبۀ شایان

بودی زهرا دل آرامی
ایدر پاینده اسلامی

اولانمازحسن وسیماده بونا کیمسه مثل اولسون
مصوّرچکدی بیرصورتکه صورت بی بدل اولسون
گورنمز دیدۀ دنیا بونون تک بیرگوزل اولسون
آناسی فاطمه گتدی دیلنده مرحبا گویان

بو مه رودی ملک خودی ایدر دین ملکونی پرنور
شیاطین زمان گورسه اولالار قلبیدن رنجور
ولی شیعه چاتوب کامه بوگون چشم حسودان کور
گورر چشم حقیقت بین ایدوب احسان حق سبحان

گلوب تفسیر ایده قرآن نمازی ساخلیه برپا
مسلمان قشرینه مذهب نهالین ایلییه معنا
ویره علّامه لرتعلیم اولا شرع نبی اجرا
آچا دانشگه دینی بو صادق ناطق قرآن

گلوبدی عرصییه ایتسون محمّد مکتبین احیا
اومکتبدن چیخا دورت مین اولا استاد دین دانا
بیله دانشگه و استاد گورنمز واردی تا دنیا
اولارعمرونده بوحضرت دینه قرآنه پشتیبان

دوتوبدی عالمی رحمت بوگون بیرعیداعظم دور
ایکی گوزآچدی دنیایه آچانلارفخرعالمدور
بیری احمد بیری صادق علوم دینه اعلم دور
اولون شادان بو رحمتدن نجه (عدلی) اولوب شادان

• پنج شنبه
• 11
• دی
• 1399
• ساعت
• 14:45
• نوشته شده توسط
• یوسف اکبری

سبک: نقش من چرا نقش ماتمه...

ای امـــام والای انــس وجان
حــجــت خــــــداوند لامـــــکان
جان عالم اولسون سنه فدا
ایلــدون بو دنـــیانی گلستان

ای امیر لایق ، مقدمون مبارک
یا امام صادق ، مقدمون مبارک (۲)

ای اولان ایکی عالمه آقا
معدن کرم مظهر وفا
علم و حلمیده تالی علی
حسن خلقیده مثل مصطفی

ای امیر لایق مقدمون مبارک
یا امام صادق مقدمون مبارک (۲)

ای جهانی رضوانه دوندرن
یثربی ائدن روضه ی عدن
فخرائدر سنه آل مصطفی
سن لقب ده شیخ الائمه سن

ای امیر لایق مقدمون مبارک
یا امام صادق مقدمون مبارک (۲)

ای جلالتی بی بدیل آقا
افتخار آل خلیل آقا
فخر ائدر همیشه غلام اولا
آستانوه جبرئیل آقا

ای امیر لایق مقدمون مبارک
یا امام صادق مقدمون مبارک (۲)

سن خلایقین شاهی سن آقا
عزو شوکت و جاهی سن آقا
آسمان علم و فقاهتین
سن ایشیقلی بیر ماهی سن

ای امیر لایق مقدمون مبارک
یا امام صادق مقدمون مبارک (۲)

ای علی کیمی خوش مرام آقا
عالمه امام همام آقا
ناز ائدر بتون شاهلارا اولوب
چون قاپوندا خاکی غلام آقا

ای امیر لایق مقدمون مبارک
یا امام صادق مقدمون مبارک (2)

• پنج شنبه
• 11
• دی
• 1399
• ساعت
• 14:48
• نوشته شده توسط
• یوسف اکبری

در سبک : امام علی علیه السلام و....

گوزآچدی گلدی امام صادق بوگونده دنیایه
مژده ویرولسون یاتان بعقیده آناسی زهرایه
احسن واحسن صادق امامه جعفر زیبایه

ایدوبدی روشن اوگل جمالی جهانی نورانی
امام باقرایوین بومولود ایدوب چراغانی
اولوبدی بلبل گل اوسته مستی ایدورغزلخوانی
گوزل قدومی ویروبدی به به جهانه پیرایه

بوگل خوشبوملک خومه رو بیرگل رضواندی
باشوندا شوری یوزنده نوری ماه درخشاندی
مظهرمهرو داروی درد و شفا ودرماندی
احسن و احسن روح تولا کعبۀ دلهایه

آچوبدی بیرگل اولوب بهاران چمندی گلشندی
باغ ولایت گل امامت نرگس و سوسندی
قدومی صادق ایدوب منور مدینه روشندی
جاه وجلالی قرص هلالی سالوبدی چون سایه

شیعیه رهبرعالم برتر شرف لی انساندی
مونس هرجان ناطق قرآن مظهر ایماندی
دینینه جانسوزشمع شب افروز یوسف کنعاندی
حسن و جمالی شأن و وقاری چکوبدی طاهایه

مشیرمشاور مدیر مدبّر بسی هنروردی
خطیب ادیب و فقیه فکور و فصیح سخنوردی
علومه استاد ایدندی ارشاد جهانه رهبردی
اودی آناسی ایدر مباهات مریم و سارایه

عرصییه گلدی مکتب دینی آچا اولا احیا
اومکتب ایچره بجرده دوت مین شخیص اولا دانا
اولا خدا و رسول حقین اوامری اجرا
احسن و احسن هیکل تقوا آیت عظمایه

بساط عیشی ایدون مرتب بوجشن اعظم دور
ایکی تولد تاپوب بو گونده دلیل عالم دور
گلوبدی جعفر همی پیمبرکه نسل آدم دور
تاپار قریحه یازار مدیحه (عدلی) بو مولایه

گوزل قدومی ویروبدی به به جهانه پیرایه
احسن و احسن صادق امامه جعفر زیبایه

• شنبه
• 13
• دی
• 1399
• ساعت
• 23:18
• نوشته شده توسط
• یوسف اکبری

امام صادقه آغلا عدو ظلمی عیان اولدی
اسوب باد جفائیله گل عمری خزان اولدی
یوموب گوز ناطق قرآن
قویوبدی شیعه سین نالان

ایدوب تفسیرقرآنی نمازی ساخلیوب برپا
مسلمان قشرینه مذهب نهالین ایلیوب معنا
ویروب علامه لرتعلیم اولا شرع نبی اجرا
دایانسون گردش دوران ایشی آه و فغان اولدی

درِ دانشگه دینه یازون استاد دین ئولدی
گلستان باغبانیدی ولی آفاتیدن سولدی
ویروبلر زهر کین قلبی شرار دردیلن دولدی
اثرسالدی جفا زهری گیدوب سلب توان اولدی

جسارت ایلدی منصورویروب آفاقه اود سالدی
یدیردوب جبریلن انگورامامدان تاب دل آلدی
امام عصری اولدوردی بالالاری یتیم قالدی
سالوب اود قلب اطفاله وجودی غنچه قان اولدی

جوار باقر و سجّاد بقیده بو امام یاتدی
اولیدی عالمی ویران گوزوندن عالمی آتدی
گیدوب گورسون نیه زهرا اوگوزیاشین قانا قاتدی
وجودون گرغم آلموشدی ندن قدی کمان اولدی

ایدوب ایثارجان اولدی محّمد مکتبی احیا
او مکتبدن چخوب دورت مین اولوب استاد دین دانا
بیله دانشگه واستاد گورنمز واردی تا دنیا
ولی افسوس خموش اولدی مزار ایچره نهان اولدی

بقا یوخ دور بوعالمده بودنیا فانی دور فانی
تمام خلق اولونموشلار گید للرراه عقبانی
خدایه آندولا «عدلی» یوولماز اصغرین قانی
نه ائتموشدی او شش ماهه اونون جانین آلان اولدی

• چهارشنبه
• 17
• دی
• 1399
• ساعت
• 22:51
• نوشته شده توسط
• یوسف اکبری

باغلادی ظلمیله صادق اورگی قان بوگجه
اولدی مسموم جفا ناطق قرآن بو گجه

آل پیغمبره منصور دَغا زهر ویروب
نُه فلک انس و مَلک قالدیلارحیران بو گجه

میل ایدوب جبریله بیر زهرلی انگوری امام
زهر کین ایتدی اثراولدی پریشان بو گجه

پاره لندی جگری یاندی اورک گلدی دیله
عرض ایدوب خالیقینه حالتی سوزان بوگجه

خالیقیم سن بولوسن کیمسه یوخوم یاور اولا
چکورم بی گنهم درد فراوان بو گجه

خالقا حافظی اول قالدی یتیم بو بالالار
دولدوروب منزلیمی نالۀ طفلان بو گجه

مثل پروانه آلون دوره می شمعم یانورام
وارنفس اُلمه موشم تا من نالان بو گجه

بیر دویونجا یوزومه آخر عمرومدی باخون
منِ مظلومِ جفا سیزلره مهمان بو گجه

ای اولان باب الحوائج بالا آز آغلا اوغول
یغوشوب دوره مه گور جمله عزیزان بو گجه

سیزلری ترک ایدورم یوخدی امید زنده قالام
گوز لریم گر یومولا ایتمیون افغان بو گجه

صبح وقتی منی سیز دفن ایلیون یرده قالا
قویمیون جدیم حسین تک تنی عریان بوگجه

گون باتوب آخشام اولاندا یغوشون منزیلیمه
منه سیز ساخلاماقا شام غریبان بو گجه

گر آنام فاطمه گلسه اونا چوخ حرمت ایدون
اورگی داغلیدی مظلومه دی گریان بو گجه

صادق آل محمد یوخودا نوحه ویروب
دوت عزا (عدلی) اوخی نوحۀ سوزان بو گجه

• چهارشنبه
• 17
• دی
• 1399
• ساعت
• 22:53
• نوشته شده توسط
• یوسف اکبری

دشمن قرآن و دینون ظلمی طغیان ایلدی
ئولدورب صادق امامی ناله قرآن ایلدی

بوگونون مثلینده منصورشیعه قلبین داغلادوب
جعفری مذهب لری هم اهل بیتین آغلادوب
باب دانشگاه دینی ظلم الیله باغلادوب
بوسبب دن اهل دینون باغرینی قان ایلدی

بیر امامیکه اولا افلاک علمه آفتاب
گون کیمی یتدی زوالی گل یوزه چکدی نقاب
آلدی آغوشه او جسم پاکنی تیره تراب
سر بسر جمعیت دینی پریشان ایلدی

بیر امامی که اولا اسلامه عزت سایه سی
تاپسون استحکام اونیله ملک دینون پایه سی
جعفری مذهب لره هجری اولوب غم مایه سی
گیتدی الدن جانینی قرآنه قربان ایلدی

بیر امامی که اولا دریای تقوایه گهر
ایلییه احکام دینی کونه گون تک مشتهر
هرخدنگ طعنییه اوزسینه سین ایتدی سپر
حفظ استقلال دینه سعی شایان ایلدی

بیر امامی که اونیله ملک دین آبادیدی
سایه سینده عالم دین حقیقت شـادیدی
اهل علمه هرفنون و علمده استادیدی
ترک قیلدی کونی درک وصل جانان ایلدی

بیروجود اقدسی که جسم دینه جانیدی
عرش علم و حکمته بیر نیّرتابانیدی
سایه سی اسلامیانه لطف بی پایانید
اهل دیندن قطع لطف اول مهرتابان ایلدی

دائما خلقه صراط حقی اعلام ایلیوب
آچدوقی مکتبده نشر و شرح احکام ایلیوب
حیف اولا منصوربی شرم صبحونی شام ایلیوب
زهرکین ویردی امامه ظلمی طوفان ایلدی

گرچه غمدن نوحه گردوربلبل دشت وچمن
شیعیانون قلبینی دولدوردی بوغم بو محن
جسم صادق قالمادی یرده حسین تک بیکفن
احترامیلن اونی دفن اهل ایمان ایلدی

پیکری قالدی حسینون لیک بی غسل ومزار
جسمینه اولـدی کفن منسوج تیرآبدار
بیر علاوه ظلم ایتدی فرقۀ بی ننگ و عار

پیکرین دست ستمله سویدی عریان ایلدی
پیکرین عریان گوروب زینب نجه گلمز دِله
کشتی عشقین بلا طوفانی سالموشدی گِله
سسلدی سس ویرمنه قارداش باجون ایکاش اُله

باشی اوسته اگلشوب فریاد وافغان ایلدی
سن حسین دین اوسته هربیرامتحاندان گیچموسن
عشقیله یوزدن اویان پیروجواندان گیچموسن
ملک ومال وعزّوجاه وباش وجاندان گیچموسن
هانسی بیرشه سنکیمی ترک سروجان ایلدی

«عدلیا» غیبتده دورتا حُجّت روی زمین
عشق و مهرشاه دینه روحووی ایله عجین
دامنیندن چکمه ال یازنوحه محشرده یقین
گور حسیندی خادمون جنّتده مهمان ایلدی

• چهارشنبه
• 17
• دی
• 1399
• ساعت
• 22:57
• نوشته شده توسط
• یوسف اکبری

دینیمیزاحمدیدی " مکتبیمیز حیدریدی
عاشقم جعفره من " مذهبیمیز جعفریدی

مرشدیم جعفر صادق اودی دریای علوم
هم امامیمدی منیم عالمیان سروریدی

فاطمه اوغلی حسین نهضتینه نازایدرم
اوامام پیروجوان لشکرِعشق رهبریدی

جان فدا مکتبیه درسین آلوب دوقوز امام
هرامام که اونا دربان اولونان مین پریدی

هاموسی صُلب حسیندندی اولوب رهبردین
لیک صادق یریوزی شُهرۀ دانشوریدی

کربلانون عَلمین قوزادی عِلم و ادبه
دئدی یاران حسین دشمن طغیانگریدی

کُنیه سی عین حسیندی بودا بیر آیری حسین
او حسین کربوبلانون بو بقیع دلبریدی

عَلَم نهضتین آلتوندا یغوب شیعه لری
دئدی هرکیمسه حسینیدی جحیمدن بریدی

مکتب شاه شهیدانه گلوب سینه ویران
دَمَه گل حضرت صادق دمووه مشتریدی

قول صادقدی گوزون یاشینه جنّت ویرولر
گوهرعشقیدی هرقطره سی دل گوهریدی

اوجا ساخلا باشیوی محفل غمده علم اوپ
چون علمدار حقیقی پسر عسکریدی

آلموسان مِهروِلا درسنی (عدلی) آنادان
یادا سال اونلا اولان گونلری بیرگونلریدی

• پنج شنبه
• 18
• دی
• 1399
• ساعت
• 20:58
• نوشته شده توسط
• یوسف اکبری

فارسی

شد شهید راه دین صادق
کشته خصم لعین صادق
شیعیان گریان
عالمی نالان
"تسلیت باقر تسلیت حیدر
تسلیت موسی بن جعفر ... تسلیت زهرا"

صادق آل محمد رفته از دنیا... آه و واویلا
مجلس ماتم شده در آسمان برپا ..سربسرغوغا
تسلیت گویان به موسی ساکن بالا ...جمله مافیها
رفته میرمومنین صادق

شدمدینه از غمت محزون
شیعیان در ماتمت دلخون
داغ قلب فاطمه افزون
شدشهید زهرکین صادق
درعزا حیدر
غرق غم کوثر
"تسلیت باقر تسلیت حیدر
تسلیت موسی بن جعفر ... تسلیت زهرا"

درعزایت زار و گریان جمله مظلومان ... امت قرآن
شیعیان خاک عزا ریزد بسرهرآن ... جملگی گریان
قاتلت را لعنت حق میبردنیران ... نارجاویدان
یارقرآن مبین صادق

تو بهار جاودان بودی
مقتدای شیعیان بودی
توعلیم عالمان بودی
هرامانت را امین صادق
دیده هاخون شد
مثل جیحون شد
"تسلیت باقر تسلیت حیدر
تسلیت موسی بن جعفر ... تسلیت زهرا"

ترکی

جور و ظلمیله سولوب صادق
دینینه قربان اولوب صادق
شیعه لر آغلار
سینه سین داغلار
"تسلیت باقر تسلیت حیدر
تسلیت موسی بن جعفر ... تسلیت زهرا"

صادق آلعبا مظلوم شهید اولدی ... گل کیمی سولدی
قلب زهرایه بو غمدن لخته قان دولدی... نوحه خوان اولدی
گلستاندا غنچه گللر غصه دن سولدی ... قلبه قان دولدی
فدیه قرآن اولوب صادق

یثرب اولدی بوگیجه محزون
ماتمینده مرتضی دلخون
فاطمه داغی اولوب افزون
حیدره مهمان اولوب صادق
باغدا بلبللر
سسلنور یکسر
"تسلیت باقر تسلیت حیدر
تسلیت موسی بن جعفر ... تسلیت زهرا"

شیعه لر بوماتمه ایلوب عزا برپا ... آه و واویلا
موسی جعفر عزادار اولدی واویلا ... تاراولوب دنیا
نوحه خوان اولموش گل اوسته بلبل شیدا.... اولدی معزا
کشته دونان اولوب صادق

دیللره قان دولدی بو غمده
یرگوی آغلوبدی بوماتمده
محشراولدی کل عالمده
وافی پیمان اولوب صادق
قاره پوش ایللر
بیله سسللر
"تسلیت باقر تسلیت حیدر
تسلیت موسی بن جعفر ... تسلیت زهرا"

• جمعه
• 26
• دی
• 1399
• ساعت
• 19:26
• نوشته شده توسط
• یوسف اکبری

عالم امکان شده امشب همه غرق عزا
رفته از دنیا خدایا صادق آل عبا
(شدشهید اشقیا.... صادق آل عبا
تسلیت اهل عزا)۴

صادق آل محمد از جفامسموم شد
مرتضی ومجتبی هم از غمش مغموم شد
پورزهرا از جفای دشمنان مظلوم شد
درعزایش عالمی افتاده در شور و نوا
(شدشهیداشقیا.... صادق آل عبا
تسلیت اهل عزا)۴

خون شده از دست اعداچون دل ناشاداو
پاره پاره شدززهرکین عجب اکباداو
غرق ماتم شدخدایاجمله اولاد او
گریدو نالد ازین غم ساکن ارض وسما
(شدشهیداشقیا.... صادق آل عبا
تسلیت اهل عزا)۴

شورمحشردرمیان شیعیان برپاشده
غرق سوگ وغصه و غم عالم بالا شده
دربهشت حق معزا حضرت طاهاشده
رخت بسته امشب از یثرب یم عشق وصفا
(شدشهیداشقیا.... صادق آل عبا
تسلیت اهل عزا)۴

ترکی

ویردیلار درگاهینه اود قوپدی اخگرخانه دن
قوزانوب آه و نوای آل حیدر خانه دن
حضرتی جبرا آپاردی خصم کافر خانه دن
قویمیوبلار قویسین عمامه ویا گیسین قبا
(گیتدی دنیادن خدا......صادق آل عبا
تسلیت اهل عزا)۴

حضرته چوخ هتک حرمت ایلدی ابن ربیع
کاخ منصوره آپاردی کوچه لردن چوخ شنیع
باخمادی که حضرت صادقده وار شان رفیع
یادینه دوشدی بوماواده نلر اول مقتدا
(گیتدی دنیادن خدا......صادق آل عبا
تسلیت اهل عزا)۴

آل هاشم کوچه سین گورجک ایشی اولدی فغان
خاطرینده جلوه لندی مادر جنت مکان
ضرب سیلی دن دوشنده صول گوزینده لخته قان
سسلدی بیلدیم نه چکدون جوراعدادن آنا
(گیتدی دنیادن خدا......صادق آل عبا
تسلیت اهل عزا)۴

• دوشنبه
• 29
• دی
• 1399
• ساعت
• 23:28
• نوشته شده توسط
• یوسف اکبری

صـادق آل علینــون آدی هــر درده دوادی – دلـربـادی (2)
مشکلون وار سسله آدین تئز باخار مشکل گشادی – چون آقادی (2)

صدقیله توت دامنینن سسله آدین یانه یانه
درگهین حیـدر مثالی باغلاماز درمانده گانه - (عاشقانه)
خاکِ بوسی عرشیـاندی
مجلسی باغ جنـانـدی
نیسگیلینـده جنت اهلـی
سینـه زَنـدی ؛ نوحـه خـوانـدی (2)

شمس تابان و جلی سن
صـادق آل علی سن

جعفـریللـر عاشقـانـه عطـر نـابیـن بُـو چکلّـر - جان دیللر(2)
مجلـس یـاسیـن ملک لـر دم به دم جـارو چکلّـر - جان دیللر(2)
عرشیان نوحه دینده اُلدوز آغلار هم گون آغلار
فاطمه صادق غمینده قاره باغلار هر گون آغلار – سینه داغلار (2)

هی دییر مغموم ئولن وای
ظلمیله مسموم ئولن وای
دشمـن خونخـوار الینـن
بی کـس ومظلوم ئولن وای – لایلای اوغلوم

شمس تابان و جلی سن
صـادق آل علی سن

• شنبه
• 4
• بهمن
• 1399
• ساعت
• 19:59
• نوشته شده توسط
• یوسف اکبری