اشعار امام حسن مجتبی(ع)

نقل ایلیوله جنگ جَملده گروه کین
قصد ایتدیلر خراب ایده لر دین حق ائوین

همراه اولوبدی طلحه، زبیریله عایشه
شیر خدانی اولدورلر باخ غلط ایشه

عثمانون آلدیلار اَله اول قانلی گوینگین
الده بهانه ایتدیلراول فرقه ی لعین

تحریک ایدوبله مکریله تا اهل بصره نی
فَتّاح خیبره ایده لر تنگ عرصه نی

هرقدر موعظه ایلدی شاه لافتی
جنگ ایتمیه امامیله لشکر مجاب اولا

اما قبول ایتمدی لشگر نصایحین
جنگی شروع ایدوبله او ابطال و مشرکین

شدت ایدوبدی جنگ و جدل رزمگاهیده
جولان ویروردی عایشه ده عرصه گاهیده

مینمیشدی بیر اوجا دویه عایشه اوگون
گویا بویوک بولوردی او کفاره چون اوزون

اول کشمکشده سبط نبی شاه ممتحن
زهرانین ارشد اوغلی عزیز دیلی حسن (ع)

حمله ایدوبدی لشگره حیدر آتاسی تک
حیران قالوب شجاعتینه اهل نُه فلک

بیر بیر وروب یخاردی یره قوم باطلی
اما اورکده قصد ایلیوب اصلی عاملی

چون بولدی گوز تیکوب دَویه فرقه ی دغل
هر نحویلن ده اولسا گرک پِیلنه جَمل

تکبیر دیلده حمله ایدوب قلب لشکر
گویا علیدی یورش ایدوب قوم کافره

موسا عصاسی تک قوشونی یاردی نیمه دن
گوستردی اوز صلابتینی حضرت حسن (ع)

دقت ایدون گورون آقامیز نینیدی اودم
ایتدی قیلینجیلان دوه نین قیچلارین قلم

گویا او ضربتیله وروب کفری ریشه دن
جنّتده فاطمه دیدی احسنت اوغول حسن (ع)

پیلندی تا جمل یتیشوب باشه غائله
گویا اودمده عایشه گلدی بئله دیله

سویلوب حسن ، بوایشی یاددان چخاتمارام
سندن تقاص آچینجا من آسوده یاتمارام

بیر گون اولار کی بو ایشیوه ایلرم عوض
بیر گون گرک نتیجه ویره دیلده کی غرض

ایلّلر دولاندی جُعده اولوب قاتل امام
مهمان گیدوبدی فاطمیه اول شه انام

غسل وکفن ایدوبله اوجسم شریفینه
قارداشلاری او گول بدنین آلدی چیگنینه

قصد ایتیدیلر رسول خدانین مزارینی
دفن ایلسونله زهریله سولموش عذارینی

مروان او دمده عایشیه تز ویروب خبر
بانو ایاقه دور اولوری زحمتون هدر

پیغمبرین یانندا حسن قویما دفن اولا
بو گون گرکدی قلب علی قانیله دولا

میندیردی مرکبه او خطاکار عورتی
دوشدی قباقه رسم ایلیه تازه بدعتی

سفیانیان کسوبله یولی ال عصمته
باخ قان توکن جماعته باخ بیر جنایته

شمشیر چکدیلر قویولوبدی کمانه اوخ
اول بی شرف جماعتین اصلا حیاسی یوخ

اوخلار هواده سیر ایلدی چار سمتیدن
بولمم بوروزگار خراب اولمادی ندن

زهرا بالاسی گوردی کی ایش دوشدی مشکله
قارداشینون وصیتینی سالدی فیکرینه

امر امام چون بویودی قان توکولمه سین
مشکل یارانسا آل علی جمله دینمه سین

یوز دوتدی هاشمی لره سلطان کربلا
سویلوب وصیتی کرگ ایندی ادا اولا

ناراحت ایتمیون آنامین نور دیده سین
حمل ایلیون بقیعه طرف گول جنازه سین

تابوتی تا بقیعه طرف ایتیدیلر روان
قویجاق یره نه گوردوله یا صاحب الزمان (عج)

اوخلار تیکوبدی آغ کفنی خسته پیکره
بیردن اوجالدی ناله لری عرش داوره

اوخشاردی هر اوخون یری بیر قرمزی گوله
قارداشی گورجاقین بیله گلدی اودم دیله

ظلم ایلیوبله قوم دنی ای اَخا سنه
غارت زده منم اولا جانیم فدا سنه

جاری اولوبدی خون دیلی دیده دن یره
بیر بیر او اوخلاری چکوب آتدی حسین یره

بیر دفعه کاش اولییدی بو اوخ چکماقین ایشی
ایکاش دورودن دوشیدی بیله چرخ گردیشی

اون ایل صورا بو منظره تکرار اولوب اونا
عبّاسی تاپدی قوملارین اوسته شه ولا

گوردی وروبلا سایسیز اوخی جسم پاکینه
قلبینده تازه لندی حسن غصه سی گینه

سسلندی ای بو چولده منیم یاوریم اویان
امداده گلمیشم منه قیل دردیوی بیان

دشمن گولر بو دمده منه ویرمه سن صدا
بو چولده سن اوزون بولوسن یالقوزام اخا

(بیکَس) قوتارعریضه وی تز ایتگیلن تمام
باشدان ایاقه نقصدی بو یازدیقون کلام

بانی اولوب بو شعروه بیر یار باوفا
بیر (جود منبعی) اوزی مداح باصفا

ایسته خدادن آل سعودی ایده ذلیل
باهم بقیعیده اولاسوز همره و دلیل

• پنج شنبه
• 21
• اسفند
• 1399
• ساعت
• 15:49
• نوشته شده توسط
• یوسف اکبری

اوزون هرایه یتیش آنا
جان ویرور حسن اوغلون

سالوب ایاقدان اونی جفا
جان ویرور حسن اوغلون

ایو اولوب عزاخانه/آغلارام یانا یانه

دولوبدی قان طشته آنا
صبریمی آلوب الدن
آنا دوداقیندا قان دوروب
زینبی سالوب دیلدن
اولوبدی وردی گوزل آدون
سالماز آدیوی دیلدن
اوقدری قالمور گوزون یوما
جان ویرور حسن اوغلون

بلایه دوشدی بوگون حسن
زهر کینه دن یاندی
بیزه دیمور قاتلین آدین
غمدن هامّی حیراندی
قانی آخوب کوینگینه
یوزگوزی بوتون قاندی
ایله سیزیلدیر یانا یانا
جان ویرور حسن اوغلون

بونون بو مظلومیتی
عالمه ایدر تأثیر
بهشتیدن گل مدینیه
ایلمه آنا تأخیر
سویی گوروم قانه دونه
ویردی رنگینه تغییر
اوجالدی عرشه آنا نوا
جان ویرور حسن اوغلون

اورک دولوب دردو غصّه دن
یانموری دیلیم بیجا
گوزوم قاباقینده جان ویرور
شور حشر اولوب برپا
منه دیور آغلاما باجی
وار قاباقدا عاشورا
غمیم آنا گلموری سایا
جان ویرور حسن اوغلون

• شنبه
• 23
• اسفند
• 1399
• ساعت
• 22:33
• نوشته شده توسط
• یوسف اکبری

گل آنا یا زهرا سال عالمه غوغا ئولدی غریب اوغلون مظلوم حسن وای

گل اوزون افغانه شام غریبانه ئولدی
غریب اوغلون مظلوم حسن وای

دیرم من ایوای مظلوم حسن ایوای مظلوم حسن ایوای مظلوم حسن وای

زهر کینه آلدی قرارینی الدن آنا دوشدی دیلدن حسن قارداشیم

دیلده دردیم چوخدی بیر غمخواریم یوخدی یاندی قلبیم نیلیم آخور گوزیاشیم

منی درده سالدی قراریمی آلدی ال اوزدی قاسمدن گیدوب دینجلدی

گل اوزون غمخوار اول زینبه سن یار اول وای قارداشیم ایوای اولوب سوز باشیم

نچه ایل اوز دردین گیزلتدی بیزلردن آغلاردی گیزلیندن اورک داغلاردی

کوچه ده نولموشدی اوگوندن سولموشدی
دائم گوزیاشینی یوزه باغلاردی

ایله مظلوم اولدی غریبانه ئولدی بیزی گوزدن آتدی بقیعده یاتدی

سنه مهمان گلدی غملردن دینجلدی سنی یاد ایلردی دائم آغلاردی

بو مدینه شهری بیزه اولدی زندان جفا ایلوب عدوان اورکلر یاندی

آناجان رحم ایتموب بو قوم بی ایمان ایدوبلر چوخ عصیان عجب دوراندی

نجه تشییع اولدی اونون جسمی قبره ووروبلار یتمیش اوخ او گل جسمینه

کفنی ایسلاندی قانیله بویاندی باخدی قارداشلاری یانوب اودلاندی

بش یاشیمدان یاندیم آنا درد وغمدن جفای دشمندن دوشدوم بلایه

آناسیزلیق دردی باغری قان ایلردی یوخدی داخی طاقت بو ابتلایه

فرقت پیغمبر غریبیِ حیدر هاموسی بیریانه بو غم بیر یانه

(بیکَسم)قیل احسان زینب سنه قربان ایندیده گلمه سن، گل کربلایه

• شنبه
• 23
• اسفند
• 1399
• ساعت
• 22:34
• نوشته شده توسط
• یوسف اکبری

یامجتبی یامجتبی یاحسن مولا (2)

ای فاطمه دردانه سی جانلار اونون پروانه سی
من اولموشام دیوانه سی یاحسن مولا (2)
............................
ای نور چشم مرتضی عشاقیوه ایله عطا
قبرون براتین ویر آقا یاحسن مولا(2)
.........................
ای سبط اکبر مجتبی عالملره ویردون صفا
جانلار سنه اولسون فدا یاحسن مولا (2)

عالی صفاتون وار سنون گویلوم چوخ ایستور مدفنون
اوزمه الیمندن دامنون یاحسن مولا (2)
.........................
من بیرقوشام پربستیم غملر الیندن خستیم
مولاسنه وابستیم یاحسن مولا (2)

چشم امیدیم سنده دی شهلرقاپوندا بنده دی
وصفونده دیل شرمنده دی یاحسن مولا (2)

ای نور چشمان بتول قویما اولاق شاها ملول
(بیکَسدن) ایله سن قبول یا حسن مولا (2)

• جمعه
• 29
• اسفند
• 1399
• ساعت
• 21:18
• نوشته شده توسط
• یوسف اکبری

مظهر ذات کبریا گلدی
شاد اولوب زهرا مجتبی گلدی

پای ویروب خالق بوگون خیرالنسایه
بیر اوغول ا... ویروب شیر خدایه

یاحسن مولاحسن مولا حسن جان

تاقدم قویدی سطح غَبرایه
یر یوزی تاپدی یاخجی پیرایه
شکر اولا ذاتِ ربِّ یکتایه

بیربالا زهرایه ویردی آی مثالی
ایتدی دنیانی منوّر گول جمالی

صورتی زیبا قامتی طوبا
نورِ چشمانِ حضرتِ طاها
آیتِ حُسنِ حیِّ بی همتا

حُسن یوسف گرچه دنیاده مَثَلدی
فاطمه اوغلی ولی اوندان گوزلدی

سبطِ طاهادور عالَمه سَرور
زاده ی زهرا وارث حیدر
شاهِ دریادل شافع محشر

گَل آقا احسان ایله بو بینوایه
قبریوین ویر بیر براتین‌ عیدیانه

آه او گوندن کی عارضی سولدی
آغزی اول شاهین قانیله دولدی
مَحرَمی آخر قاتلی اولدی

سسلدی گَل باجی زینب دادیمه یِت
آز قالور ئولسون حسن فریادیمه یِت

بو سودان ایچدیم یاندی اَکبادیم
عرشه قوزاندی ناله و دادیم
گَل یتیم اولدی باجی اولادیم

سویله ناله ایلسونلر بو محندن
ویر خبر قاسم، آتان گیتدی الوندن

سسله قارداشیم دادیمه یتسون
بو یانان قلبه بیر دوا ایتسون
مجتبی اَلدن آز قالور گیتسون

گورنجه ظلم ایتدیلر من بینوایه
سویله قارداشون ئولور تز گَل هرایه

جمع اولوب اهلِ،خانمان یکسر
باشلانوب گویا شورش محشر
گوردولر گلدی وارث حیدر

عرض ایدوب بولمه منی بیگانه قارداش
سویله کیم سالدی سنی بو حاله قارداش

گیچدی بو منوال بیر نچه ساعت
امر ایدوب اولسون دوره سی خلوت
بیر فقط قالسین بی وفا عورت

سویلدی ای بیوفا بو نه ایشیدی
سن منه ایتدون جفا بو نه ایشیدی

• جمعه
• 29
• اسفند
• 1399
• ساعت
• 21:20
• نوشته شده توسط
• یوسف اکبری

نیمه ی ماهِ خدادی
باخ گور عالم با صفادی
گتیروب زهرا گوزل گول
گویچک آدی مجتبادی

گلوب مولا حسن/دیوم عشق ایله،سن
عنایت ایلییَر/آدینی سسله سن

حسن جانم حسن

غنچه ی گلزار طاها
اوّلین فرزند زهرا
گورمیوب عالمده بیر کَس
بِیله بیر مولودِ زیبا

ایشقلاندی جهان/سووندی شیعیان
گلوبدی دوّمین/امامِ انس و جان

حُسنوده ضرب المثلدی
گول جمالی بی بدلدی
بونی یوسف گورسه سویلر
مجتبا مندن گوزلدی

تاپوب دیللر جلا/دیَر اهل ولا
خانیم یا فاطمه/ایوین آباد اولا

معدن جود و سخادی
دردِ دنیایه دوادی
آستانیندا بو شاهین
عالمین اهلی گدادی

یوزی ماهِ منیر/اونا دیللر اسیر
کریمِ اهلبیت/کَرَمده بینظیر

لطفوله باخ بو گدایه
ایله احسان بینوایه
چاغیر اوّلده بقیعه
یوللا اوردان کربلایه

منه ایله عطا/سنه جانیم فدا
بولورسن (بیکَسم)/نظر ایله آقا

• جمعه
• 29
• اسفند
• 1399
• ساعت
• 21:21
• نوشته شده توسط
• یوسف اکبری

اولدی جاری دوباره آب حیات
عالَمِینه آچیلدی بابِ نجات
گَلدی دنیایه معدن بَرَکات
گوره عالَم نظیرینی هیهات

فاطمه اوغلی، شافعِ عَرَصات
مجتبانین جمالینه صلوات

نه گوزل خَلق ایدوب خدای وَدود
وَجه خالق یِر اوسته ایتدی فرود
عاشقی اولوب تمام بود و نَبود
صف چَکوب عَرشیان اوخوردی سرود

ایندیدن تا قیامته کَرّات
مجتبانین جمالینه صلوات

نقش اولوبدور گوزل جَمالی حَسَن
خُلق و خویی حَسَن خصالی حَسَن
عزّت و شوکت و جَلالی حَسَن
صاق یوزونده اولان او خالی حَسَن

بیر یِره جمعیدی هامی حَسَنات
مجتبانین جمالینه صلوات

دیللرین کامی اولدی بیرده حصول
مِهری شَرمنده ایتدی ماهِ بَتول
گلدی یولدان کریم آل رسول
درگهینده سائل اولمییبدی مَلول

سنده ختم ایله، ایسته سن بَرَکات
مجتبانین جمالینه صلوات

سبط اکبر امام عالَمیان
عالِمِ علومِ آشکار و نهان
شأنی مافوق دور زِ شرح و بیان
سفره سینده ریزه خوردی اِنسیله جان

کیمده واردی بیله گوزل جَلَوات
مجتبانین جمالینه صلوات

شأنینه ماسِوا قالوب حیران
معدن حِلم و معنی ایمان
عالَمین دردینه آدی درمان
آدینا اولا شیعه لر قربان

(بیکَس) و مبتلایه بابِ نجات
مجتبانین جمالینه صلوات

• جمعه
• 29
• اسفند
• 1399
• ساعت
• 21:23
• نوشته شده توسط
• یوسف اکبری

ای گول یوزی زینت یارادان ارض و سمایه
ای طعنه ووران طلعتی گویلرده کی آیه
گَلدون سالاسان اهل ولا باشینه سایه

ای حیدرین ارشد بالاسی‌ حجّت یزدان
ای شمس هدایت سنه جانلار اولا قربان

ذهنیمده اوسوز یوخدی اولا شأنیوه لایق
دریاده نجه سِیر ایله سین خیرداجا قایق
امّا نه ایدیم منده سنه اولموشام عاشق

من خارِ ضعیفم ولی سن سَرو چمن سن
زهرا خانیمین دیده سینون نوری حسن سن

زیبا یارادیب حُسنووی خلّاق توانا
عالَم گوزی هیهات گوره سن کیمی زیبا
نقّاشِ اَزل ،نقش ایلیوب بسکی دل آرا

جِبریل گَلوب طوف ایلیه کعبه ی رویون
رخصت ویره سن تا کی اولا نوکر کویون

ای وَجهی اولان آینه ی وَجه الهی
عَنقای هدایت سن اَیا شیعه پناهی
عالَم سر کویوندا ولی کَفتَرِ چاهی

افلاکه سنون مَرحَمتون سایه سالیبدی
فردوس بَرین نکهتینی سندن آلیبدی

ای حضرت زهرایه اولان نورِ دودیده
ای سِبطِ نبی، جانِ علی،قدّی کشیده
طوبا سنی رؤیت ایلدی، اولدی خمیده

ای سیّد و سالار جوانانِ بهشتی
نیلیر قاپیوین نوکری دِیریله کِنِشتی

سن دیده ی اَحبابیده کی نور ضیاسن
سن مَلجَأ و اُمّید شاهنشاه و گداسن
باشدان اَیاقا ،رَحمت و احسان و سَخاسن

مین حاتم طائی یِتیشنمز او حَریمه
مشهوریسن عالمده کَریم اِبنِ کَریمه

گَنجورِ نهانخانه ی اَسراریدی سینه ن
جز آلِ پیمبر ،بولورم یوخدی قرینه ن
ایّوب نبی صبریوه حیراندی یقیناً

ای سینه ی کُفّاره اولان منطقی دَشنه
مین خِضر، سنون چشمه ی حَیوانیوه تَشنه

افسوس سنون حقیوی دشمنلرون آلدی
نمرودِ زمان، آتش محنتلره سالدی
زَهرین اثریندن او گوزل چهره سارالدی

گلزارِ جمالون او جفادن ایله سولدی
یاندی جگرون آغزون اودم قانیله دولدی

اولدون اوز ایونده بولورم (بیکَس)ومحزون
عشقونده سنون چوخلار اولوبدی اودی دلخون
دیل اهلی شریف آدیوی سسلر اُولی مجنون

ای صبری ایاقدان سالان ای غملره مأنوس
هیهات قاپوندان گیده بیر کیمسَنه مأیوس

• جمعه
• 29
• اسفند
• 1399
• ساعت
• 21:26
• نوشته شده توسط
• یوسف اکبری

کریمِ آل عبا ، روح توّلادی حسن
خُلق و وجهاً مَثَل ختم انبیادی حسن

برادر نجیب و یار سید الشهداء
عزیزِ سینه‌ی زهرا و مرتضی دی حسن

مقامِ مدحته مستوریدور جلالتی چون
مرز اجلالی ثریّائیدن وَرادی حسن

حریم عشقیده نامحرمه بیگانه سؤزی
قلب احبابیده بیر نامِ آشنادی حسن

سائل پیر کویینه باخا جوان إلییر
شباب محترم جنته آقادی حسن

هم‌صدا روحی جانِ هم‌صدای نایِ حقه
حقّه ناسازگارین اهلیله جُدادی حسن

سازشیلن ملول ائدوبدی دینی،ائتمه گمان
بطن کفاریده فتح إیلین لوادی حسن

عقیده‌ی قیامه مغزیده ایثاری زره
جسم مجروح فقه احمده عبادی حسن

«تقی» و «سید» و «مصلح» لقبینده گؤرونوب
ولی مشهورِ دعالرده مجتبی دی حسن

لطفِ تنزیلِ نیمه‌ی مَه مهمانی حق
نمک سفره‌ی افطاری خدادی حسن

غریبه‌ی عیال و منزل بی عشق و وفا
شهیدِ اوّل و مسمومِ غم نمادی حسن

غریبه آدینی بیلمه «امین» ده صبح و مساء
آدی دا صاحبی تک منبع عطادی حسن

• چهارشنبه
• 4
• فروردین
• 1400
• ساعت
• 20:33
• نوشته شده توسط
• یوسف اکبری

شیعه‌لر‌ وَجْده گَلوب٬بارشِ‌رحمت‌ گجه‌سی
نَه مبارک‌گجه‌دور شأن و شرافت گجه سی
عرشیان شاد و خراماندی حلاوت گجه سی
قرصِ‌مَه‌کامل‌اولوب‌٬تابش‌رحمت گجه سی
شب میلاد حَسَن شور و مَودّت گجه سی

نوهٔ ارشد و ممتاز پیمبردی حَسن
حیدرون‌شیعه‌سینه‌سَروَر و‌رهبردی‌حَسن
آدینا قربان اولوم دللره ازبردی حَسن
شب میلاد حَسن واله و شوریده سَرم
حضرت فاطمه نین اوغلینا قربان کَسرم

گوز آچوب‌عالَمَه‌تا فاطمه‌نون طرلانی
باخبر ایلدیلر فوری گلوب طاهانی
آلدی آغوشینه اوّل او گلِ زیبانی
شاداولوب‌گولدی‌اورکدن‌چورسول‌مدنی
عشقیلن اوپدی‌نچه‌دفعه امامِ حسنی

بوسهٔ روی حسن گورنجه اعجاز ائلدی
حظّ ائدوب روح نبی گویلره پرواز ائلدی
یوز دوتوب‌ فاطمیه عشقینی ابراز ائلدی
مرحبا آی پاراسی٬ گوزلری گیرا بالووا
هم سنه قربان‌اولوم٬ هَمده‌بو زیبا بالووا

• پنج شنبه
• 5
• فروردین
• 1400
• ساعت
• 16:17
• نوشته شده توسط
• یوسف اکبری

علینون حسن بی نظیر اوغلیدی
حسن مرتضانون دلیر اوغلیدی

حسن قلعهٔ محکم دینیدور
جگر گوشهٔ نصّ یاسیندور

ایاقدان باشا عشقیدور شوریدور
دوداقلاری ســـــرچشمه نوریدور

دیـــــون حـــــاتمه باغلا دکّانوی
حسندن گَل آل سهم احســـانوی

حســـــن گوهر عشقه صرافیدور
گـــوزل قلبی آئینه‌دن صافیدور

کـــــرملی الیندن کــرامت یاغور
گوزل صورتیندن شرافت یاغور

بو سوز اهل انصافه معلومیدور
حسن قارداشینداندا مظلومیدور

دگول مقصدیم سس چکوب آغلیاق
فـــــقط ایســـــتورم عــیدیانه آلاق

کیمین واردی دردی گتورسن دیله
بـــــاخار مجلسین صاحبی سائله

بو مجلسده سائلده محبوبیدور
بو مکتب ابوالفضله منسوبیدور

• شنبه
• 7
• فروردین
• 1400
• ساعت
• 12:16
• نوشته شده توسط
• یوسف اکبری

گلدی دنیایه حسن زاده زهرا
عالمی ائتدی چراغان گل طاها
آدینه قربان جانینه قربان
غنچه لنیبدور بو گئجه باغ ولایت
اولدی منور گینه ده بیت امامت
یامولا یامولا یامولا یامولا(۲)

کنعانون یوسفی گورسه سنی مولا
سویلیر مست ائلدون سن منی آقا
عزت وجاهین چهره ی ماهین
سن هارا من هارا آقا سن تاج سرسن
رحمت رحمان ائوینه سن آقا درسن
یامولا یامولا یامولا یامولا(۲)

یاحسن شیعه لرین رهبری سن سن
آتاوین هم آناوین دلبری سن سن
کان شجاعت روح شرافت
وئرمیجکسن تا ابد سن تن به ذلت
صلح ائده سن شیعیه خاطر بودی عزت
یامولا یامولا یامولا یامولا(۲)

خلق ائدیب خالق عالم سنی تنها
شادوخنداندی بوگون حضرت زهرا
گوهری گلدی دلبری گلدی
آلدی قوجاقه سسلدی سن نه گوزلسن
حُسنیده خُلقیده اوغول سن بی مَثَلسن
خوش گلدین سن اوغلوم(۲)

سن گل باغ جنان سان گوزل اوغلوم
پیکر غیرته جان سان گوزل اوغلوم
گویده سن آی سان سویملی پایسان
گلمیجکدور سنه تای کان کرم سن
بابان علی کیمی اوغول ضد ستم سن
خوش گلدین سن اوغلوم(۲)

• یکشنبه
• 8
• فروردین
• 1400
• ساعت
• 17:44
• نوشته شده توسط
• یوسف اکبری

زاده ی حیدردی امام حسن
حیدر دیگردی امام حسن
شیرخدادن صورا بو دهریده
امته رهبردی امام حسن
فاطمیه سوره ی کوثر دئساق
آیه ی کوثردی امام حسن
نقل ائلیوبدور آتاسی مرتضی
عین پیمبردی امام حسن
سوره ی رحمانیده باخ لؤلؤه
معنی گوهردی امام حسن
اوندان آلور نورینی گون گون به گون
بس که منوردی امام حسن
یوسف کنعانی سالوب حیرته
حُسنیده برتردی امام حسن
دؤی قاپیسین دوت اتگین حاجت آل
حاتمه سروردی امام حسن
غنچه نی بیر باخماقی گول ایلییر
پاک و مطهردی امام حسن
هر گوله باخدوقجا دوشور یادیمه
چون گوله بنزردی امام حسن
إیله قیزیل گول کیمی گول آدینی
گور نه معطردی امام حسن
دیلده گوزل عشقینه یئر وئرمیشم
دیل لره دلبردی امام حسن
شوکت و شأن و شرفی شُهره دی
شافع محشردی امام حسن
دفتر قلبه یاز آدین اب بشیر
زینت دفتردی امام حسن

• سه شنبه
• 17
• فروردین
• 1400
• ساعت
• 18:51
• نوشته شده توسط
• یوسف اکبری

ای دل! دِی، سونوب شمع شب انجمن ای‌وای
پروانه‌لرین قلبین آلوبدور محن ای‌وای

غربت باعینون سولدی سارالدی گلی غمدن
گول سولسا دییر بلبل باغ و چمن ای‌وای

زهرا بالاسی، یعنی حسن زهریله ئولدی
جنتّده دییر حضرت زهرا: حسن ای‌وای

فتیان بنی هاشمی زینب چاغیروبدور
گلسینله دئسینله اوز ائوینده ئولن ای‌وای

تا گلدی حسین، گوردی حسن قبلیه یاتمیش
آغلادی دئدی: وای، غریب وطن ای‌وای

قارداش باشینی قارداش آلوبدور دیزی اوسته
یاس یاسه باتوب چون سارالوب یاسمن ای‌وای

زینب گتیروب قویدی یئره آهیله طشتی
لاله‌یله دولوب دامن دشت و دمن ای‌وای

گول پرپر اولان مثلی جگر طشته توکولدی
زینب دئدی: ‌وای سو یئرینه زهر ایچن ای‌وای

گوزیاشین حسین توکدی، چکوب آه اورَگیندن
قارادشینه باخدی، دئدی اُول غم چکن، ای‌وای

جان اوسته حسن سسله‌دی: سن آغلاما قارداش!
ای‌وای دئمه سن، قوی دیوم آهیله من، ای‌وای

لا یومَ کیومِک، غمیوه غم چاتا هیهات
قوی من دیوم: ای جسمی قالان بی‌ کفن ای‌وای

سن کرب‌وبلاده بویانارسان قانا قارداش
حتّی دیه‌جاقدور او زمان اهرمن:، ای‌وای

عباسی گورن وقتیده قولسوز، دیه‌جاقسان:
وای نهر فرات اوسته سوسوز جان وئرن ای‌وای

قارداشی ئولن‌لر سنون احوالیوه آغلار
بیر عمر دییر قارداشی الدن گئدن: ای‌وای

قبرون اولاجاق اهل دیله کعبه‌ی آمال
ای قانلی علم گنبدی اوسته اَسَن ای‌وای

سن‌سن شهدا سروری جانیم سنه قربان
قوی من دیوم: ای کوینگی عرشه گئدن ای‌وای

قربان وئرورم قاسمیمی اکبره قارداش
وای تازه جوان اوغلونا خلعت بیچن ای‌وای

عبداللهیم اولسون او زمان، اصغره قربان
بیر عمر ربابون دیه‌جاق: صود امن ای‌وای

دیل‌لرده اثر ایلییر اشعاری "بشیر"ین
شعرین اوخودوقجا دییر اهل سخن: ای‌وای

• شنبه
• 21
• فروردین
• 1400
• ساعت
• 18:29
• نوشته شده توسط
• یوسف اکبری

گلدی دنیایه حسن زاده زهرا
عالمی ائتدی چراغان گل طاها
آدینه قربان جانینه قربان
غنچه لنیبدور بو گئجه باغ ولایت
اولدی منور گینه ده بیت امامت
یامولا یامولا یامولا یامولا(2)

کنعانون یوسفی گورسه سنی مولا
سویلیر مست ائلدون سن منی آقا
عزت وجاهین چهره ی ماهین
سن هارا من هارا آقا سن تاج سرسن
رحمت رحمان ائوینه سن آقا درسن
یامولا یامولا یامولا یامولا(2)

یاحسن شیعه لرین رهبری سن سن
آتاوین هم آناوین دلبری سن سن
کان شجاعت روح شرافت
وئرمیجکسن تا ابد سن تن به ذلت
صلح ائده سن شیعیه خاطر بودی عزت
یامولا یامولا یامولا یامولا(2)

خلق ائدیب خالق عالم سنی تنها
شادوخنداندی بوگون حضرت زهرا
گوهری گلدی دلبری گلدی
آلدی قوجاقه سسلدی سن نه گوزلسن
حُسنیده خُلقیده اوغول سن بی مَثَلسن
خوش گلدین سن اوغلوم(2)

سن گل باغ جنان سان گوزل اوغلوم
پیکر غیرته جان سان گوزل اوغلوم
گویده سن آی سان سویملی پایسان
گلمیجکدور سنه تای کان کرم سن
بابان علی کیمی اوغول ضد ستم سن
خوش گلدین سن اوغلوم(2)

• پنج شنبه
• 26
• فروردین
• 1400
• ساعت
• 11:49
• نوشته شده توسط
• یوسف اکبری

باجی زینب ای نور عینیم

اوجالمیش گویه شور و شینیم

یتیشدی داخی وقت هجران

چاغیر یاسه گلسین حسینیم

زهر جفادن منیم جانیم اودلاندی زینب

باخ گور نجه لبلریم یاندی دوغراندی زینب (۲)

گل آغلا زینب منه سینه داغلا

غم اوز ویردی آل عبایه

سنی جُعده سالدی بلایه

گلوب جانه دوشدوم ایاقدان

ویروب زهر کین مجتبایه

عمروم داخی قورتاریر حالیمه قیل نظاره

اکبادیمی زهر کین ایلیوب پاره‌پاره (۲)

بو یثربده من بی‌حبیبم

دچار غمِ بی‌طبیبم

غریبِ جهان اولسا سوز یوخ

من اوز منزلیمده غریبم

بو ئولماقیم باجی زینب سنه نسگیل اولدی

اوز همسریم اوز اویمده منه قاتل اولدی (۲)

باجی مجتبی بیر گون ئولدی

که تیر جفا قلبی بُولدی

یولی بی‌حیا ثانی کسدی

آنام کوچه‌میزده دویولدی

گوردوم اوزوم گول مثالی آنام خاره دگدی

سیلی دگن وقته رخساری دیواره دگدی (۲)

گل آغلا زینب منه سینه داغلا

• پنج شنبه
• 2
• اردیبهشت
• 1400
• ساعت
• 13:31
• نوشته شده توسط
• یوسف اکبری

دور یاتما آغلا حالیمه

قلبیم اودلاندی باجی

تا سو ایچدیم جگرلریم

یاندی دوغراندی باجی

زهر کینه ایدوب اثر

سرتاسر - پیکریمه

باد ظلم اسدی عمرومه

جان گلدی لبلریمه

زینب سنی ترک ایدورم

زهرایه قوناق گیدورم

باخ سوز و سازیمه

سال قاره‌وی باشیوه سن

ایله خبر اهل وطن

گلسونلر نمازیمه

بیز آل هاشمه باجی

غم غصّه اولدی نصیب

منده زهرا آنام کیمی

اولدوم یثربده غریب

آخر اوز همدمیم باجی

بیگانه اولدی منه

مسموم ایتدی منی بو غم

چوخ نسگیل اولدی سنه

گوز یاشیوی توکمه هله

دور تشتیوی حاضر ایله

یاندی جگرلریم

اولووز کیمی گوز سوزولور

قان لبلریمه دوزولور

یاندی جگرلریم

جان اوسته همدم اول منه

اگلش قان آغلا باجی

زهرا آنامه - من کیمی

گل سینه داغلا باجی

آز عمرونده نجه باجی

غملر یوردی آنامی

چیخماز یاددان او کوچه‌ده

ثانی ووردی آنامی

گوشواره‌سی دوشدی یره

یاندیم من او خونجگره

ایوای دیدی فلک

گول سینه‌سی خاره دگوب

رخساری دیواره دگوب

قان آغلادی فدک

• سه شنبه
• 7
• اردیبهشت
• 1400
• ساعت
• 20:09
• نوشته شده توسط
• یوسف اکبری

گل باغ و چمن گلوب _ستاره‌ی انجمن گلوب
فرشته‌لر عرشیدن دیور _خلفِ پنج تن گلوب

بو گلن نور منجلی دور
پرتو حُسنِ ازلی دور
پسر ارشد علی دور

سنه جانلار فدا حسن - بیزه لطف ایله یا حسن (۲)

یوزی مرآت ایزدی _سلاله‌ی پاک احمدی
گوزل جمالین گورن دیدی _صلوات محمّدی

مظهر ختم الانبیادی
معرفت اهلینه آقادی
چشمه‌ی بخشش و عطادی

عالمه مقتدا حسن - بیزه لطف ایله یا حسن (۲)

آی یوزون جلوه‌لندی تا - سنیله عالم تاپوب صفا
بو حُسنوه بو گوزللّیقا _مرحبا یابن مرتضی

ای کریم عترت طاها
کرمونده وار گوزوم آقا
سنی جان زینب کبری

گُل خیرالنساء حسن - بیزه لطف ایله یا حسن

باشا گلمز عنایتون _آچیخدی درگاه رحمتون
شب ولادت بو مجلسه _یاز برات زیارتون

بیزی تاپشور سرورِ دینه
مهربان قارداشون حسینه
ایستسون بین‌الحرمینه

آقا اوغلی آقا حسن - بیزه لطف ایله یا حسن (۲)

• چهارشنبه
• 8
• اردیبهشت
• 1400
• ساعت
• 15:54
• نوشته شده توسط
• یوسف اکبری

عالمه مولادی حسن عشق اولا
زاده زاده زهرادی حسن عشق اولا

یرده بشر گویده ملکلر دیور
گورنجه زیبادی حسن عشق اولا

گلشن زهراده گوزل گلدی بو
حسنیده طاهادی حسن عشق اولا

شیعه لرون سایه سالوب باشینه
قامتی طوبادی حسن عشق اولا

کل بشر بنده درگاهیدی
منصبی والادی حسن عشق اولا

ریزه خور سفرسی ایوبیدور
صبریده دریادی حسن عشق اولا

بویره کیم چپ باخا بیگانه دی
هیئتی برپادی حسن عشق اولا

شیعه سی فخر ایلیه جاق حشریده
شافع فردادی حسن عشق اولا

حضرت شاه شهدا امر ایدوب
سرور وآقادی حسن عشق اولا

• شنبه
• 18
• اردیبهشت
• 1400
• ساعت
• 13:51
• نوشته شده توسط
• یوسف اکبری

بشارت برشما ماه صیام است
زخم این دل ماراالتیام است
نیمه این مه ضیافت الله
شیعه را شهدشربتی به کام است
شدعلی بابا زاده گلی زهرا
سبط پیغمبرآمده بردنیا

یاحسن جانم مولاحسن جانم(۴)

ولادت امام مجتبی شد
بیت زهراوحیدرباصفا شد
آمده کریم اهل مدینه
حاجت شیعیان امشب رواشد
عشق این سینه کریم مدینه
بیاریدامشب گلاب وآیینه

یاحسن جانم مولاحسن جانم(۴)

کریم اهل بیت امام حسن
گوزلری مثال عقیق یمن
پیمبرین اولان بیوک نوه سی
نوکری هزاران اویس قرن
یوزی گویچکدی نوری تبارکدی
جشن میلادی سیزه مبارکدی

یاحسن جانم مولاحسن جانم(۴)

عزیزحضرت فاطمه گلدی
یوزی آیدی دوداقلاری عسلدی
پیمبره گلوبدی سبط اکبر
باخان ددی بواوغلان نه گوزلدی
گوزلروز روشن گولدی گوله گلشن
کوچه لردن گلور عطر گل وسوسن

یاحسن جانم مولاحسن جانم(۴)

• دوشنبه
• 20
• اردیبهشت
• 1400
• ساعت
• 20:22
• نوشته شده توسط
• یوسف اکبری

اوّل وجیه مجلس دلداردور حسن
دوّم وصیّ احمد مختاردور حسن
سوّم ولیّ حضرت داداردور حسن
چارم وجود خمسه ی اطهاردور حسن
بو کائنات مُلکینه معماردور حسن

ذاتی حسندی خلقتی هم طینتی حسن
خُلقی حسن صفاتی حسن سیرتی حسن
مشیی حسن قیامی حسن صورتی حسن
نطقی حسن قعودی حسن صحبتی حسن
هر حُسن وار نقطه دی، پرگاردور حسن

کون و مکاندا وجهیدی چون احسنُ الوجوه
وجه کریم حسنینه عاشقدی هر گروه
نورِ بو شمس ذرّه دی، نور حسن چو کوه
نور حسنله بو کره ی خور تاپوب شکوه
ماهی منوّر ایلین انواردور حسن

وجه اللهی که باقیه دور یوخ اونا زوال
اول هیکل حسندی بِلا حرف و بی مقال
گر چهره دن نقابین آتا گوستره جمال
نوریندن اهل ارض و سما ایلر ارتحال
نور نجوم ثابت و سیّاردور حسن

یوسفده حُسن ذرّه دی، بو شهده آفتاب
اول ذرّه نی بو شهدن آلوب اولدی کامیاب
حُسن بو شاه یَمدی، اونا مابَقی حُباب
حُسن بو شاه آیدی، آبدی اوندان قالان سراب
میرابِ آبِ جمله ی ابحاردور حسن

محبوب خاصّ خالق اکبردی بو خدیو
آرام جسم و روح پیمبردی بو خدیو
نور دو عین حیدر صفدردی بو خدیو
جسم بتول اطهره چون سردی بو خدیو
چون بیتِ کعبه، قبله ی اخیاردور حسن

چون متّصلدی علمی خداوند عالمه
یوخدور علومینه نه بدایت نه خاتمه
بیر نقطه دور کلامینه عرش معظّمه
اسماءِ کلّینی بو شه اورگتدی آدمه
معجز مقامی کاشف اسراردور حسن

حلمینه گر دیم، یم بی کناریدور
حقّینده بو سوزوم ستم بی شماریدور
بحر عظیم حلمه بو محکم جداردور
اعظمدی عرشیدن هامویه آشکاردور
اوز قاتلینون عیبینه ستّاردور حسن

وصف سخاوتینده دیسم اسخَ الاسخیا
قورخوم بودور بگنمیه سلطان اولیا
تقسیم ایدوب سخانی بو شه بین انبیا
خادمدی محضرینده تمامیّ اصفیا
ربّ سخا و بخشش و ایثاردور حسن

ذات شریفی حجّت حیّ قدیمدور
هر اول کسه که کون و مکاندا مقیمدور
حتّی رسل بو امریده جمله سهیمدور
آنلار بو نکته لی سوزی هر کیم فهیم دور
هستیده قلب خالصه معیاردور حسن

ماه مبارک رمضان تاپدی چوخ شرف
بو سبط اکبرین قدمیندن به صد شعف
اول ماهین اون بِشینده او مسجودِ مَن عَرَف
پرده دالیندان ایتدی جمالینی مُنکشف
بدرُالدّجی و نیّر اسحاردور حسن

هم صحبتی همیشه خدای جلیلدور
فرمان بری او امر حقده خلیلدور
خدمت گذاری روح الامین جبرئیلدور
پیوسته محضرینده چو عبد ذلیلدور
اول قاصده معلّم اسفاردور حسن

جنّ و ملائک و بشر و ساکنان غیب
اهل شهود و اهل یقین و هم اهل رِیب
کلّیسی مدح ایده بو خدیوی بدون عیب
خاک رهینه آرتورا بولمزله ذرّه زیب
چون مدحی فوق حیطه ی افکاردور حسن

تاج ربوبیه حسن مجتبادی شه
تاپسا بو شه محبّتینه هر محبّ ره
ایلر طلوع، چرخ ولاده به سانِ مه
اولماز یقین چو عاصم سرگشته روسیه
چون هادی حقیقی ابراردور حسن

• سه شنبه
• 28
• اردیبهشت
• 1400
• ساعت
• 13:53
• نوشته شده توسط
• یوسف اکبری

سبط پیمبر عالمه سرور کریم آل الله
میوه قلب ساقی کوثر گل رسول الله

نور چشمان امیر المومنین آمد
زینت دامان ختم المرسلین آمد

حسن حسن جان حسن حسن جان
حسن حسن جانم

شیعه بشارت دخت رسالت فاطمه مادرشد
کودک زیبا زینت نام ساقی کوثر شد
شاد و خرامان ناطق قرآن فاتح خیبر شد

روح طاعت ، نصّ قرآن مبین آمد
زینت دامان ختم المرسلین آمد

حسن حسن جان حسن حسن جان
حسن حسن جانم

کان کرامت روح عبادت مظهر یزدان است
بحر سخاوت معدن غیرت یارضعیفان است
گوهر رحمت زینت جنت لاله ی رضوان است

حامی دین خداوند مبین آمد
زینت دامان ختم المرسلین آمد

حسن حسن جان حسن حسن جان
حسن حسن جانم

ملک لر الده شراب جنت گلوب تماشایه
خدا ویروب پای بونازنینی بتول عذرایه
ویرمز آناسی ناز نگاهین جنت الاعلایه

بند قلب رحمت للعالمین گلدی
زینت دامان ختم المرسلین گلدی

حسن حسن جان حسن حسن جان
حسن حسن جانم

شمس هدایت نور امامت مظهر تقوادی
باشدان ایاقه جمالی عینا حضرت طاهادی
قبله ی جاندی روحه رواندی شافع عقبادی

مظهر حق نور رب العالمین گلدی
زینت دامان ختم المرسلین گلدی

حسن حسن جان حسن حسن جان
حسن حسن جانم

گوزلرون آچدی ایله دی روشن عالم امکانی
آلدی پیمبر اللری اوسته نو گل خندانی
اللرون اوپدی ختم رسالت فاطمه نون جانی

یار مظلومان شفیع المذنبین گلدی
زینت دامان ختم المرسلین گلدی

حسن حسن جان حسن حسن جان
حسن حسن جانم

• چهارشنبه
• 29
• اردیبهشت
• 1400
• ساعت
• 20:08
• نوشته شده توسط
• یوسف اکبری

حسن ای شیر خدانون گوزل اوغلی
حسن ای فاطمه نون بی مثل اوغلی

مرد خداسن
دینه فداسن

عشقوه ایمانوه پیمانوه قربان
قوما قاپوندان بیزی احسانوه قربان

یا مولا یا مولا یا مولا....

نه گوزل خلق ایلیوبدی سنی الله
سنه یوسف ئوزی حیران قالار ای شاه

چهرۀ ماهون
زلفِ سیاهون

فاطمه نون روحینی حیران ایلیوبدی
قاشلاریوون خنجری طوفان ایلیوبدی

یا مولا یا مولا یا مولا....

بَشَرٌ کَیفَ بَشَر کان کرم سن
هدفون مکتب حق ضد ستم سن

عشق وهدف سن
روح شرف سن

یوخدی نظیرون آقاجان جود و سخاده
عاشقوه ایله نظر روز جزاده

یا مولا یا مولا یا مولا....

اوگجه ساغر مرگی باشا چکدون
کربلا نهضتینون بذرینی اکدون

اولدوق اسیرون
یوخدی نظیرون

شیعه لرون ظشته آخان قانیوه قربان
دین حق اوستونده چخان جانیوه قربان

یا مولا یا مولا یا مولا....

ئورگون یاره لیدی همسر الیندن
جگرون یاندی خیانتگر الیندن

صاغ صولا آخدون
قاسمه باخدون

قارداشون عباسه دیدون آغلاما قارداش
صاقدی حسینیم سینووی داغلاما قارداش

یا مولا یا مولا یا مولا....

• چهارشنبه
• 29
• اردیبهشت
• 1400
• ساعت
• 20:12
• نوشته شده توسط
• یوسف اکبری

گوزلرون آیدین اولا حضرت زهرا
ویروب الله سنه پای بیر گل زیبا
ملکوت اهلی دوتوب جشن تولد
مقدموندن بزنوب جنت الاعلی

بند دل مصطفادی
زیبا آدی مجتبادی

حق قویوب شیعه لرون باشینه منت
مجتبانی ایلیوب رهبر امت
مظهر حقدور علینون گوزل اوغلی
انبیانون باشینا تاج شرافت

ای شیعه لرون آقاسی
زیبا آدیوون فداسی

ای امید دل مردان مسلمان
آبروسن بیزه محشرده حسن جان
آند ویرم سنی زهرای جوانه
بو قوناقلارون ایله دردینه درمان

بو مجلسه قیل عنایت
یاز تذکره ی زیارت

سن بیزیم مظهر پیغمبریمیز سن
ایکی دنیاده بیزیم رهبریمیزسن
ویرمروک بیر توکیوی یوسف مصره
سن بیزیم یوسف والاتریمیز سن

گورسه یوزیوی زلیخا
سسلر آقاما ماشالّاه

ساقیا باده بیاور ماه عشق است
روز میلاد ولی الله عشق است
حضرت فاطمه مادر گشته امشب
کودک او هدیه دلخواه عشق است

از لطف خدای سرمد
سبط مصطفی خوش آمد

• چهارشنبه
• 29
• اردیبهشت
• 1400
• ساعت
• 20:13
• نوشته شده توسط
• یوسف اکبری

باغ زهرا گول آچوب
گلمز احسانی سانا
شاد اولوب قلب علی
فاطمه اولدی آنا

ماه بطحادی چوخ دل آرادی
زینت نام آل طا هادی

یا کریم ابن الکریم(٢)

لبلری بالدان شیرین
گوزلری شور آفرین
ویرمرم دنیایه من
تللرون میندن بیرین

آدی زیبادی گوزی شهلادی
زینت افزای نام زهرادی

یا کریم ابن الکریم(٢)

ماه برج ازلی
زینت نام علی
ال بیزیم دامن سیزون
آی گوزللر گوزلی

سن بیزه جانسان جان جانانسان
در د مندانه اصل درمانسان

یاکریم ابن الحسن(٢)

صورتون قرص قمر
قاشلارون تیغ دوسر
گورسه یوسف طلعتون
شوق وصلوندن اسر

لاله ی رضوان گوزلرن قربان
ایله بو جمعون دردینه درمان

یا کریم ابن الکریم(٢)

ای امید مرتضی
نور چشم مصطفی
عیدیانه بیزلره
یاز برات کربلا

مظهر داور شافع محشر
*ساعد*محزون لطفیوی گوزلر

یا کریم ابن الکریم(٢)

• چهارشنبه
• 29
• اردیبهشت
• 1400
• ساعت
• 20:16
• نوشته شده توسط
• یوسف اکبری

دور یاتما زینب آی بختی قاره
اودلاندی سینم گل ایله چاره
جعده مسموم ایدوب مجتبانی
قاره پوش ایتدیلر ماسوانی
جان حسن جان حسن جان حسن جان(٢)

دور سسله گلسون مظلوم حسینی
محبوب خلاقِ عالمینی
گویلوم چوخ ایستور نور دو عینی
مهمانم ایندی پروردگاره
فتنه لردن داخی جانه گلدیم
آند اولا مرتضایه دینجلدیم
جان حسن جان حسن جان حسن جان(٢)

آچ گوزلرون ای کانون رحمت
قوی مجتبانون باشینه منت
دور سسله گلسون دریای غیرت
تاپشور حسینی اول نامداره
جان سنون زینبیم جان حسینون
قویما تک قالسون نور دوعینون
جان حسن جان حسن جان حسن جان(٢)

قربانون اولّام ای دلشکسته
آچ گوزلرون ای بانوی خسته
دور باشیمی آل دیزلرون اوسته
اکبادیم اولوبدور پاره پاره
لبلریمده باجی لخته قان وار
گورسه منی بالالاریم قورخار
جان حسن جان حسن جان حسن جان(٢)

گوز یاشیمی خون ِ قلبه قاتما
گوزدن منِ بی نوانی آتما
جانیم چیخونجا صبرایله یاتما
قوی جان ویریم آسوده نگاره
گرچه زهرادن یادگارم من
درد بی درمانه دچارم من
جان حسن جان حسن جان حسن جان(٢)

دل ویرموشم پیمان السته
من نیله مشدیم جعده ی پسته
بیر کوزه قویموشدی باشیم اوسته
بیر جرعه ایچدیم یاندیم شراره
ئوز عیالیم منه اولدی قاتل
کوزیه توکدی زهر هلاهل
جان حسن جان حسن جان حسن جان(٢)

ای مجتبانون آرام جانی
عرشه اوجالتما آه و فغانی
سال یاده زینب کرب و بلانی
یردن اوجالسا عرشه شراره
اودلاسا قوم کین خیمه گاهی
سن اولارسان قیزلارون پناهی
جان حسن جان حسن جان حسن جان(٢)

• سه شنبه
• 4
• خرداد
• 1400
• ساعت
• 18:31
• نوشته شده توسط
• یوسف اکبری

عزیز دل مصطفی یا حسن
اولان آدی درده دوا یا حسن

اوزینه خدا آینه خلق ایدیب
کریم همه اولیا یا حسن

آدوندان نمایاندی دلبرلیگون
گوزل آدیوه جان فدا یا حسن

یوزونده خدا جذبه خلق ایلییب
ئورکلر سنه مبتلا یا حسن

آتون حیدرین جانشین حقی
اولان شیعیه مقتدا یا حسن

نه لازم سنون درگهونده غلام
ملکلر قاپوندا گدا یا حسن

سنی خالقون مهربان خلق ایدیب
سنون سائلون شاد و خرّم گیدیب

ادب ملکونون تاجداری حسن
آناسی بتولین قراری حسن

علی خاندانی تماماً رئوف
کرم بحرینون چشمه ساری حسن

مقامون سنین فوق ادراکیدور
ولا اهلینون افتخاری حسن

منه مدعی عیب بیلمه اگر
دِیسم خلقتین شاهکاری حسن

دییم سربه سر عشقیدور،شوریدور
اوجا سسله سنده دِه آری حسن

شرافت سنون درگهونده دخیل
شرفلی لرین اعتباری حسن

سنون مثلووی گورمیوب روزگار
بدون حسن اولماروق رستگار

گوزلدور یوزی ماه کنعانیدن
جلالتده باشدور سلیمانیدن

نجه وصف ایدیم بو شهین وصفینی
کچیب مدحی توصیف انسانیدن

بونون شأنینی ایسته سه کیم بیله
سوال ایلسون متن قرانیدن

بونا نوکر اولماق بیزه فخریدور
واریم منّتیم حیّ رحمانیدن

اگر سیلکله سه آقام دامنین
توکر مین سلیمانی دامانیدن

هزاران چو حاتم بونا ریزه خوار
سر سفره لطف و احسانیدن

بونون درگهی سربه سر شوریدور
یوزونده اولان خالقین نوریدور

شرف درسینی ئورگدن عالمه
شبیهیدی پیغمبر خاتمه

خلاص ایلین نوحی طوفانیدن
تفضل ایدن عیسی مریمه

گوزل عز و جاهی نمایان اولار
قورولسا اگر حشریده محکمه

نیابت واری خالق عالمه
حسن دور ایدن امر هر آدمه

چاغیر یاحسن دردیوه قیل دوا
بونون آدی پایانیدور هر غمه

زبس حُسنی واردور بوشاهین بلی
اسیر اولمیوب نوکری ماتمه

اولان گوندن ای شاه ممنونووم
بو عشق و جنونیله مجنونووم

سخاوت بشر شکلی اولسا اگر
حسن محضرینده گلیب باش اَیَر

دوشوب سجدیه باش قویار تپراقا
ادب حکمینه اللریندن ئوپر

اوجا صوتیلن سسله نر عالمه
آقامین توکی عالمینه دَیَر

گوزل طلعتی بسکی رخشنده دور
حسن نه حسن صورتی چون قمر

چیخیب جنتی ترک ایدر صبح و شام
بونون پای بوسینه حورا گلر

اوچار گویلره فخریلن سسله نر
دییر اولموشام دیدینه مفتخر

بونا منتظردی بهشت برین
بونون خادمی اوردا روح الامین

حسن دور ایدن عالمه دلبری
حسن دور یر اوسته حقین مظهری

حسن دور صراط خدای احد
حسن دور زمین و زمان لنگری

بونون عاشقی سربه سر انبیا
بونون مستی جنتده حور و پری

بودور امته بی بدل پیشوا
بودور شیعه نون حشره جاق رهبری

یاراتمیش خدا مجتبانی آقا
دیه للر بیزه بو شهین نوکری

گونون نوری بو سرورین نوریدور
گونه پای ویریبدور رخ انوری

بونون عرشیده آیری بیر جاهی وار
بو زهرا کیمین یعنی دلخواهی وار

علی خصلت و حیدری صولتی
سالان عالمه طنطنه شوکتی

آقامین هزاران خصائل واری
دوشوب دیللره رفعتی رأفتی

یوزی چلچراغ سماواتیدور
آدی طاق عرشین اولان زینتی

حسندن اولوب دین حق سربلند
مسخّر ایدیب عالمی حشمتی

دمینده یقیناً بهشت عطری وار
مصفا ایدوب صورتی جنتی

جمل جنگینه ایلسون بیر نظر
بیلرسن نه اندازه وار غیرتی

گورنده بونی پهلوانلار اَسَر
قاچیب قورخودان هامّیسی گیزلَنر

یولا سالدی حیدر اودم شیری نی
چکه خیبرین بیرده تصویری نی

ویریبدور نقابین یوزه مجتبی
اوجالدیب گویه صوت تکبیری نی

الین آتدی تئز قبظه ی تیغینه
دییب یا علی چکدی شمشیری نی

گیدیب شیر غرّان جنگ جمل
ویریبدیر رقم جنگ تقدیری نی

گرک مرتضی اوغلونی وصف ایده
ایدیم من نجه رزم تفسیری نی

علی مثلی حیران ایدیب لشکری
علیدن آلیب جنگ تدبیری نی

چکیب تیغ خونریزینی تا حسن
ملکلر دیوب مرحبا یا حسن

سالیب عرصه ی جنگه بیر ولوله
گورن فکر ایدردی گلیب زلزله

قویاندا قدم رزمگاهه حسن
چتین اولدی میدانیده مسئله

بیلیبدیر بونون گلمگین تا قوشون
اولوب لشکر کفریده غلغله

دیینده انا بن علی،مجتبی
دوشوب پهلوانلار ایشی مشکله

چکیب تیغینی هی دیور یا علی
بیرینده ئورک یوخ قاباقه گله

ویریب لشکره شیر یزدان کیمی
قوتارسین دئدی ایستیرم قائله

پوزولدی سپاهین نظامی قاچور
علینون غیور اوغلونا یول آچور

ویراندا ئوزون یک تنه لشکره
دوشوب سس علی عزم ایدیب خیبره

علیدور دیین بیله جنگ ایلیور
ز بس اوخشاری واریدی حیدره

توکور اود قوشون باشینه مجتبی
جمل صحنه سین اوخشادیب محشره

کیم ایستیر باشین قوزاسین باخماقا
ویریر تیغینی باش توکوربدیر یره

الی سینه ده فاطمه عرشیده
فدایم دیور قان توکن اللره

آنون قلبینی قان ایدیبلر بولار
امان ویرمه اوغلوم بوگون کافره

اولییدیم یوزوندن ئوپیدیم گَرَک
آتون حیدره یاخچی اولدون کومک

ویریب بیربیره لشکرین هنگینی
نمایان ایدیب حیدرین جنگینی

قوشون قورخوسوندان قاچیر چوللره
ایدیب مضمحل خصم نیرنگینی

ایشیتجک حسن بیله غوغا سالیب
آتیب گوردولر عایشه رنگینی

همان لحظه ده تیتره دی قورخودان
گورن موقع میداندا اورنگینی

دیوب بو حسندور ایدور بیله جنگ
ویا اژدهادور آچیب چنگینی

بو طرزیله کی جنگ ایدیر مجتبی
ویریر شیشه ی عمرومه سنگینی

دوشوبدور ایشیم چوخ چتین مشکله
منیم دادیمه یوخدی بیر کس گله

• سه شنبه
• 4
• خرداد
• 1400
• ساعت
• 18:53
• نوشته شده توسط
• یوسف اکبری

سلام اولا شرف اوصیا امام حسنه
عزیز حضرت خیرالنسا امام حسنه

کریم آل محمدی شانی دریا دور
ویریب جلالت مطلق خدا امام حسنه

جمالی جدی پیمبر کیمی جمال الله
گورن دییردی عجب مرحبا امام حسنه

اوزی حسندی کمالی حسندی،حسنی حسن
ایدردی فخر اوزی مرتضا امام حسنه

آچاردی سفره افطارینی گلوب فقرا
ییوب طعامین ایدردی دعا امام حسنه

ایله امامیدی یوز آستانه سینه قویوب
دییردی دردینی شاه و گدا امام حسنه

بو فاطمه گولودی نکهتی علیدندور
گرکده فخر ایده ارض و سما امام حسنه

بو آسمان امامتده پارلاق اولدوزدی
تمام ما خلق اولسون فدا امام حسنه

بو بسدی شان و مقام و جلالتینده بونون
که قارداش اولدی شه کربلا امام حسنه

ملول اولمویوب اولماز او کی دیه دردین
آقام امام حسینه و یا امام حسنه

دیوبدی جدی کی محشرده اشگبار اولماز
او گوز که اشک توکوب آغلیا امام حسنه

مزار پاکی معطر ایدوب بقیع چولونی
اوزاخدان آغلیار اهل ولا امام حسنه

نه صحنی وار نه رواقی نه بیر ضریحی ولی
او قبر اولوب حرم کبریا امام حسنه

گلر امام زمان قبرینی طواف ایلر
ایدر او چولده دویونجا نوا امام حسنه

گلون ویراخ ال اله بوگجه توسل ایداخ
وطن غریبی او درد آشنا امام حسنه

سالاخ خیاله او ساعت که سسلنوب زینب
نه یاتمیسان گوزون آچ قیل عطا امام حسنه

ایاقه دور بو آخان قانی سیل دوداقیمدن
حسینه دی گله باش چکماقا امام حسنه

• سه شنبه
• 4
• خرداد
• 1400
• ساعت
• 18:55
• نوشته شده توسط
• یوسف اکبری

قلم یاز عالمه سلطان حسن دی
حبیب خالق منان حسن دی

خبر ویر درد مندان جهانه
طبیب دردبی درمان حسن دی

یدالله فوق ایدیهم علی دور
علینون روحینه ریحان حسن دی

حسین دور نفس پاک مطمئنه
او نفس پاکه پشتیبان حسن دی

حسن تفسیر آیات وفا دی
شریعت جسم دیندور جان حسن دی

اگر مهمانه تکریم ایلروک بیز
دلیل و منطق و برهان حسن دی

دقیق اول معنی آیات عشقه
مراد از آیه ی احسان حسن دی

مفسرلر یازوب تفسیر یلرده
حسین دور لولو و مرجان حسن دی

آلوب شمس و قمر نورون حسندن
چراغ عرش الرحمان حسن دی

حسن آموزگار درس دیندی
ولیعهد امیر المومنین دی

جمال آیت کبری حسن دی
شفا بخش دم عیسی حسن دی

امیر المومنین شیر خدا دی
اونا سردار بی همتا حسن دی

صفای جنت الاعلی حسین دی
کلید جنت الاعلی حسن دی

عزیز حضرت طاها حسین دی
حبیب حضرت طاها حسن دی

آدین یازدیم کرم امّا اوتاندیم
کرامت قطره دور دریا حسن دی

اگر ایّوب اولوب اسطوره ی صبر
اونادرس ئورگدن مولا حسن دی

فقیه حوزه ی علم و امامت
هژبر بیشه ی دعوا حسن دی

جمل جنگین مرور ایتسون گوررسن
اوجنگین فاتحی تنها حسن دی

سُوَر هر کس ئورکدن بیر شعاری
شعار اهل ایمان یا حسن دی

حسن آئینه ی ایزد نمادی
حسن فرمانده ی کُلّ قوادی

• سه شنبه
• 4
• خرداد
• 1400
• ساعت
• 20:52
• نوشته شده توسط
• یوسف اکبری

اوشاقلیقیمدان ئورک اولدی مبتلای حسن
یازوبدی سینمه خالق بودور گدای حسن

ایکی گوزوم وار اگر فاطمه قبول ائلسه
بیری فدای حسین دور بیری فدای حسن

محال امریدی شمشادیلر چاتا قدینه
ستون دین خدادور قد رسای حسن

داریخما شیعه گلر بیر گونی امام زمان
بقیعه جلوه ویرر گنبد طلای حسن

کریمون اوغلی کریمه توسل ایلموشم
اودور که حالیمه شامل اولوب دعای حسن

قیامتون گونی باشلار ایچینده باش اوجادار
او باش که اولسا بودنیاده آشنای حسن

بهشتی زاهده ویر من فقط بو امره خوشام
اثر قویا گوزومون اوسته رد پای حسن

او دردلرین که بو عالمده یوخدی درمانی
شفا ویرر هاموسون نام دلربای حسن

• جمعه
• 7
• خرداد
• 1400
• ساعت
• 16:38
• نوشته شده توسط
• یوسف اکبری