اشعار امام حسن مجتبی(ع)

نیمهٔ ماه رمضان/جناته دونوب ملک جهان
گلدی گل زهرا
نوریزدان اولدی عیان/دنیایه ائدرغبطه جنان
گلدی گل زهرا
اول حجت داور،دلبندپیمبر
نوردل زهرا،نو باوه ی حیدر
بیزه یاراولوب سعادت/که نشان وئرک ارادت
قورولوبدی جشن شادی/یتشوب شب ولادت
حسن ای عزیززهرا/گل گلشن تولّا
بوجهانه خوش گلوبسن/قدمون گوزاوسته مولا

ماه مهمانی خدا/سرسلسله ی اهل وفا
گوز آچدی جهانه
دومین خورشیدخدا/دریای کرم بحرعطا
گوز آچدی جهانه
معنای کرامت،دریای سخاوت
آقای کریمان،سلطان سیادت
اوامیداهل عالم/گل گلستان خاتم
اودی شاه بزم احسان/اونیچون گدادی حاتم
حسن ای عزیززهرا/گل گلشن تولّا
بوجانه خوش گلوبسن/قدمون گوزاوسته مولا

اولین فرزندعلی/اول عالم حُسنون گوزلی
آئینه داور
مظهرربّ ازلی/وارچهره ده انوارجلی
عرش حقه زیور
گوشواره دی عرشه،پیرایه دی فرشه
آفاقی دولانسون،اولمازبئله بیر شه
شه عالم وفادی/نه گوزل نه باصفادی
اوناجان شیعه قربان/که عزیزمصطفادی
حسن ای عزیززهرا/گل گلشن تولا
بوجهانه خوش گلوبسن/قدمون گوزاوسته مولا

گورسه اول زیبایوزونی/یوسف ایتیرر تز اوزونی
ائت بوسوزی باور
بسکه چوخ زیبایارانوب/خوش صورت وغوغایارانوب
اول حجت داور
مه پاره کنعان،رخسارینه حیران
یوسف اوناسویلر،جانیم سنن قربان
ائلیوبدی کلک داور/بئله خلقتینده محشر
فتبارک اللَّه اولسون/سوزوموزگرکدی یکسر
حسن ای عزیززهرا/گل گلشن تولا
بوجهانه خوش گلوبسن/قدمون

• جمعه
• 7
• خرداد
• 1400
• ساعت
• 16:40
• نوشته شده توسط
• یوسف اکبری

آشکار اولدی الیکی رخ زیبای حسن
اولدولار شمس قمرواله وشیدای حسن

گون دیدی گتمه آیا، یثربون اوستونده دایان
عاشقانه بیراولاق محوتماشای حسن

آی دیدی گیزلنک ایندی یری وارخجلتدن
عالمی روشن ایدوب پرتو سیمای حسن

گون دیدی گرمنی لایق بیله نوکرلیقینه
افتخاریله مکرر اوپرم پای حسن

آی دیدی من اونا سندن بتراولدوم عاشق
عالم حسنیده کیمدی اولا همتای حسن

گون دیدی گل بوگجه سائل درباری اولاق
تابیزه شامل اولا لطف وعطایای حسن

الغرض اندیله گویدن یره باوجدو سرور
اولدولار هرایکیسی زائرماوای حسن

گون دیدی لیل دجادن قردی طره لری
آغدی صوتدنده ولی صورت رخشای حسن

آی دیدی لبلری غنچه یایاقی قرمزی گل
گورنه گورنه زیبا یارادیب خالق یکتای حسن

گون دیدی بیرجه باخیشدا یری واراولسااگر
منه غارتگردل دیده ی شهلای حسن

آی دیدی رشدایلیوب هانسی گلستانیده بو
مات ایدوب سرولری قامت رعنای حسن

گون دیدی باغ ارم غنچه لری اولدی خجل
غنچه لندی الکی لعل شکرخای حسن

آی دیدی باغ ارم خالی اولوب حوریدن
بیت زهرایه گلوب جمله احبای حسن

گون دیدی چشم بصیرتله باخان حتمی گورر
عرش وفرشی بورویوب نوردل آرای حسن

آی دیدی نورخدا جلولنور جسمیندن
طورسینادی ویا پیکرواعضای حسن

گون دیدی ایستسه موسی گوره گرنورخدا
گرک اولسون بوگجه زائرماوای حسن

آی دیدی باغ بهشتین اییی وارزلفونده
نخل طوبادی ویاکه قدوبالای حسن

گون دیدی مردنی عیسی کیمی زنده الیر
جان فدای نفس غالیه آسای حسن

آی دیدی مدحتینون شرحینی تطهیریده گور
زینت مصحف اولوب شهرت ولای حسن

گون دیدی شیعه لره گورنه صفالی گجه دی
جشنیلرده دولانور جام تولای حسن

آی دیدی عقلی آلان بادنی من ایستمورم
ویرایچیم عقله گتورسون منی صهبای حسن

گون دیدی بیرده زلیخانی مذمت المه
اولدی یوسف اوزیده ایندی زلیخای حسن

آی دیدی گرمنی لایق بیله قربانلیقنا
ایدرم جانیمی مین شوقیله اهدای حسن

گون دیدی نقصیدن الحق کی مبرایارانوب
حلقه ی خلقت ایچون قاشدی سراپای حسن

آی دیدی جیش حقه صلحی اولارفتح وظفر
گورراول صلحیده صدمه صف اعدای حسن

گون دیدی جنگ السه دینه بیوک ضربه دیر
جان فدای حسن ودیده بینای حسن

آی دیدی خیرعملی اولسادا چوخ مشکلی وار
اولماسا حشریده هرکیمسه ده امضای حسن

گون دیدی مهری اونون شرط قبولی عمل
کی ثمرسیزدی عمل حشریده منهای حسن

آی دیدی درگهنه کیم اولاشایسته غلام
اونامحشرده شفاعتچیدی زهرای حسن

گون دیدی خاکینی قویمازیانا دوزخده یقین
آتاسی حیدریله ام ابیهای حسن

• جمعه
• 7
• خرداد
• 1400
• ساعت
• 16:41
• نوشته شده توسط
• یوسف اکبری

سرو ناز چمن گلوب ،،طراوت یاسمن گلوب
که دودمان پیمبره،، رمضاندا حسن گلوب رمضاندا حسن گلوب

سربه سر انوارجلی دور
دیه سن ماه منجلی دور
اولین فرزند علی دور
احسن احسن حسن حسن( ۲)

کامل اولدی عیار عشق ،،گلوبدی چون شهریار عشق
قدم قویوبدی بوعالمه،، هامی دارو ندار عشق هامی دار و ندار عشق

زائل اولدی بساط غم،، گلنده بو میر محترم
دوباره جان تاپدی گوئیا ،،هیکل بخشش و کرم هیکل بخشش و کرم

اولارام آدینون فداسی
اولدی حاتم بونون گداسی
واردی واللهی مرحباسی
احسن احسن حسن حسن( ۲)

زاده زمزم و صفا،، نشان گر عدل مرتضی
وار علتی لبلری گولور،،اوپوب اول اونی خدا اوپوب اول اونی خدا

مفخر کل اولیا ،، مفتح رمز انبیا
گوزی خجالت ایدر مهی،،دوداقی چشمه بقا دوداقی چشمه بقا

آی نه دی بو گوندی کی گوندی
گوندی کی قاشلاری دوگوندی
گوندی کی بی پرده گوروندی
احسن احسن حسن حسن (۲)

احسن احسن جمالینه،،علی کیمین خوش خصالینه
فرشته لر اندی عرشیدن،،یتلر تا وصالینه یتلر تا وصالینه

عطر جنت فضاده دی ،،حسن گوزی مرتضی ده دی
گولور دوداقلاری فاطمه،،بانگ یاربنا ده دی. بانگ یاربناده دی

اوخیورلار و ان یکادی
نه گوزل گول کیمین بالادی
چاغورور گویده کی منادی
احسن احسن حسن حسن (۲)

• جمعه
• 7
• خرداد
• 1400
• ساعت
• 16:43
• نوشته شده توسط
• یوسف اکبری

دل ترابه قویاندا حسین‌ حسن یوزونی
بهار ابر کیمی دولدوروب ایکی گوزونی

مکان او صورت مه طلعته تراب اولدی
حسیندن یارالی قارداشا خطاب اولدی

سندنصورا مونس منه فریاد و نوادور
مدفن سنه یثرب منه ده کرب و بلادور

یات بوردا آنام فاطمهء زاریله باهم
منده یاتارام اوردا علمداریله با هم

اوز محرمون اولدی سنه دشمن اوز ایوینده
جانانیوه جان بذل ایلدون سن اوز ایوینده
تکفینوه اقدام ایلدیم من اوز ایوینده

اما منه صحرای بلاده کفن اولماز
جسمیم قوری یرلرده قالار دفن ایدن اولماز

دل یاره دی آخرده کی نسگللی سوزوندن
ایندی نجه آیا گوتوروم گوز بو گوزوندن
نیلوم‌ ندی چارم که یوزوم دونمور اوزوندن

قاسم طرفندن نگران اولما برادر
بیر گوزده دی دنیاده منه قاسم و اکبر

سن قبره یات خاطروی شاد ایدرم من
فرمایشوی هاردا اولام یاد ایدرم من
سندنصورا بو قوسمی داماد ایدرم من

دعوت ایدورم طوی گونونه، گلمه نوایه
گر ممکنون اولسا گلسن کرب و بلایه

سندنصورا قویمازلا قالام اوز وطنیمده
بلبل کیمی شوره گلم آخر چمنیمده
اولماز منی دفن ایلین اولماز کفنیمده

قوشلار منه شهپرلرین آخر کفن ایلر
قارداشون اخا کرب و بلانی وطن ایلر

واردور یری احوالمه قان آغلیا داغ داش
دنیا بوئیجا گلسه گوزومدن یوزه قانیاش
قویدوم اوز الیمله یوزوی تپراقا قارداش

یاتدون اوزون آسوده بئله مدفن ایچنده
قویدون نیه تک قارداشوی دشمن ایچنده

عمرون گونی زهریله یتوب گرچه کسوفه
اما بدنون اولمادی آماج سیوفه
سنسیز منی یالقیزلیه جاق لشکر کوفه

دلدن سالاجاقلار منی باش یاره سی ایله
شمشیریله پیکانیله داش یاره سی ایله

دوزدور که سنون خیمه وی تاراج ایلیوبلر
تیر غمه هم سینوی آماج ایلیوبلر
جبریله وطندن سنی اخراج ایلیوبلر

قان لخته سینی باشیمه چون تاج ایدرم من
باش نیزه ده جدّیم کیمی معراج ایدرم من

اولدی اوز ایوینده آتام اوغلی بیله حادث
قارداش نجه سو اولدی سنون قتلوه باعث
سو اوسته ولی قول قویاجاق نهرده حارث

عرشه اوجالار ناله اوشاقلار عطشیندن
سو اوسته آنائیله بالا کشمکشیندن

سوز یوخ که سنی ظلمیله مظلوم‌ ایلیوبلر
آخرده بو منظوریله مسموم ایلیوبلر
مؤمن لری خوار ایتماقا محکوم ایلیوبلر

قارداش منه ده خارجی آدی قویار اعدا
بو آدیله تا که ویره لر قتلیمه فتوا

سن صلح الدون زنده قالا دینیله قرآن
بو صلحی دوشونمزدی ولی فرقهء نادان
اما منه لازمدی اولام دینمه قربان

اشراره ایشق گوندوزی شام ایتمسم اولماز
دین اوسته شهامتله قیام ایتمسم اولماز

تیره هدف ایتدی سنی گر قوم ضلالت
گل جسموه نچّه اوخ ایدوب یولدا اصابت
واردور منه ده کرب وبلاده بئله ساعت

اشرار جهان تیغله یوخلالّار حسینی
یالقوزلیوب آخرده ده اوخلالّار حسینی

تاپماز (حسنی) گرچه بو شه غملری پایان
یازماق ولی لازیمدی گرک اولمیا پنهان
ایسته سنی تا ایستیه اوز قبرینه مهمان

گور تا که بقیع ایچره یاتوب شاه جگرخون
گیزلین آنانون قبری، اوغول مدفنی پوزقون

• دوشنبه
• 10
• خرداد
• 1400
• ساعت
• 15:11
• نوشته شده توسط
• یوسف اکبری

زینبیم گوزلرون آچ گلمیشم افغانه باجی
گتوروب زهر جفا ایندی منی جانه باجی
ئولورم آغلا باجی
سینه وی داغلا باجی

ای آنام فاطمه نین نایبه سی زینب اویان
حسنم جان وئرورم ایله بو محنتده فغان
جگریم قانیدی زینب بو دوداقیمدکی قان
باخ دوداقیمه اولان لخته لنن قانه باجی

دشمنین ظلمی سالوبدور منی درد و محنه
جگریم پارچالانوب دلده سوزوم چوخدی سنه
وار نیازیم باجی طشت حاضر ائله ایندی منه
خوشدی چاره ائدسن بو دل شان شانه باجی

گور نئجه زهر اثریندن ئورگی قان ئولورم
یانورام اودلانورام سینه سی سوزان ئولورم
درد الیندن یورولوب زار و پریشان ئولورم
کیمدی امداد ائده بو زار و پریشانه باجی

صبریمی الدن آلوب زهر جفا یوخدی توان
گئدورم محضر جانانیمه سیزدن نگران
کسیلوب چاره یولی چاره یوخومدور باجی جان
صبر ائله سنده بئله محنت و هجرانه باجی

اولموشام منده آتام تک باجی مظلوم ئولورم
زهریله ائتدیلر آخر منی مسموم ئولورم
ئورگیم چوخ دوتولوب دهریده مغموم ئولورم
دوشوری هجرین اودی بو دل سوزانه باجی

اولون آماده منه یاس دوتوب آغلاماقا
وئر خبر قاسمه گلسون ئورگین داغلاماقا
ده حسینیمده گله گوزلریمی باغلاماقا
بلکه آسوده وئرم جانیمی جانانه باجی

(سالکی) یاندریری غملریم عالمده باجی
یانوب آغلار منه هر مجلس ماتمده باجی
دردی وارغملیدی چوخ غرق اولونوب غمده باجی
گلوب الان قاپووا دردینه درمانه باجی

• چهارشنبه
• 12
• خرداد
• 1400
• ساعت
• 21:32
• نوشته شده توسط
• یوسف اکبری

عالمه گوز آچدی _ بوگون _ عالمین پناهی
خلقت جهاندا _ یقین_ وار جلال و جاهی
عالمی سراسر _ ائدوب _ نوریلن منور
مات ائدوبدی نوری _ اونون _گویده مهر و ماهی
سسلرم صدقیلن آدینه فدایم
درگه پاکینه عمروده گدایم

گلدی بو جهانه _ حسن _ نور عین زهرا
گول کیمین گوزلدی _ اولوب _ غنچه تک شکوفا
فاطمه سووندی _ گوزل _ اوغلونی گورنده
ئوپدی یوز گوزوندن _ فقط _ ایلدی تماشا

نو گل جناندی _ قدم _ گویدی بو جهانه
گورمیوب یقیناً _ اونون _ مثلینی زمانه
گجگین جهانه _ ائدوب _ عالمی گلستان
بلبل خوش الحان _ اوخویور _ عشقیلن ترانه

آدینی چاغیرام _ آدی _ روحیمه صفادی
فخریدور جهانه _ آقام _ معدن وفادی
عالمین طبیبی _ بودور _ بو فنا جهاندا
من مریض عشقم _ منیم _ دردیمه دوادی

اول مه امامت _ ائدوب _ (سالکه) عنایت
قبرینی بقیعده _ گئدوب _ ایلیوب زیارت
شافع جزادی _ یقین _ عالمین پناهی
عاشقانین ایلر _ آقام _ حشریده شفاعت

• پنج شنبه
• 13
• خرداد
• 1400
• ساعت
• 12:53
• نوشته شده توسط
• یوسف اکبری

شب میلاد مسعود وصی مرتضی گلدی
سیزه تبریک یا زهرا کی اوغلوز مجتبی گلدی
هامی درده دوا گلدی
امام مجتبی گلدی
حسن جانم حسن جانم(2)
علی جان گوزلریز روشن
کی اولدی منزلیزگلشن
مدینه غرق نور اولدی
گول اوزلی بیر بالاگلدی
اولوپ زائل اورکدن غم
سویوندی حضرت خاتم
ایشیقلاندی بوتون عالم
شبیه مصطفی گلدی
هامی درده دوا گلدی
امام مجتبی گلدی
کرم دریاسی دی الحق
نظیری یوخدی عالمده
کرامتده عنایتده
جهانه مقتدی1 گلدی
گوز آچدی چشمة کوثر
آنا زهرا آتا حیدر
گوزلدی مثل پیغمبر
گل آل عبا گلدی
مدینه نورباران شد
جهان صحن گلستان شد
شب میلاد جانان شد گل آل عبا آمد
هزاران مژده ای یاران که محبوب خدا آمد
امام مجتبی آمد به هردردی دوا آمد
حَسَن اَحسَن خصالینده
جهان حیران کمالینده
گوزللیقدا جمالینده
نظیری خلقه لا گلدی
گُل آچدی گلشنِ طاها
سویوندی حضرت زهرا
معطّر خانة مولا
گول اوزلی بیر بالا گلدی
هامی درده دوا گلدی
امام مجتبی گلدی
بودرگهده اولان سائل
اولار آمالینه نائل
آلار اوز سهمینی کامل
او کس که بی ریا گلدی
گل باغ جنان مولا امام شیعیان مولا
کریم اهل بیت مصطفی درده دوا گلدی
ولایی ده بودرگاهه
گلیپ عرض ائیله سین مولا
فلا تنهر منم سائل
شها لطف ائت گدا گلدی
شب میلاد مسعود وصی مرتضی آمد
هزاران مژده ای یاران که محبوب خدا آمد
امام مجتبی آمد شبیه مصطفی آمد
به درد ما دوا آمد گل آل عبا آمد
مدینه نور باران شد جهان صحن گلستان شد
شب میلاد جانان شد که محبوب خدا آمد

• چهارشنبه
• 26
• خرداد
• 1400
• ساعت
• 13:31
• نوشته شده توسط
• یوسف اکبری

گلیپ جهانه بو گیجه حسن عزیز مصطفی
ایشیقلیقندا مثل طور اولوپدی بیت مرتضی
گل آچدی باغ فاطمه دولوپدی عطری عالمه
کریم اهل بیت دی آقا امام مجتبی

گل اوزلی بیر گوزل گلیپ گوزللیقا مثل گلیپ
نظیری یوخدی حسنیده حسن که بی بدل گلیپ
امام مجتبی وئریپ قدومی عالمه صفا
کریم اهل بیت دی آقا امام مجتبی

بو شمس تک منیردی بو حُسنی بی نظیردی
شجاعتینده شیردی آتاسی تک دلیردی
گلیپدی خلقه مقتدا وصیّ مرتضی آقا
کریم اهل بیت دی آقا امام مجتبی

امام مجتبی حسن عزیز مرتضی حسن
امام اولیا حسن کریم و با سخا حسن
اونون جمالی ائیلیوپ جهانی غرق در ضیا
کریم اهل بیت دی آقا امام مجتبی

ابولهب لرین دیلی لال اولدی گلدی تا حسن
قاشی هلالی قاره گوزمثال غنچه دی دهن
محیََر اولدی حسنونه مدینه ده گلیپ گیدن
وئریپدی حیدره خدابوگونده نازلی بیر بالا
کریم اهل بیت دی آقا امام مجتبی

کیمین نه دردی وار دینن که دردینه دوا گلیپ
مریض اولانه مژده وئرکه غم ییمه شفا گلیپ
ولی اولیایه پای امام با سخاگلیپ
دی حاجت ایستین لره که حاجتین اولوپ روا
کریم اهل بیت دی آقا امام مجتبی

عزیز مصطفی حسن قاپیندا بیر گدایه باخ
وصی مرتضی حسن قاپیندابیرگدایه باخ
امام مجتبی حسن قاپیندا بیرگدایه باخ
ولائی عرض ائدر سیزه منم فقیر بی نوا
کریم اهل بیت دی آقا امام مجتبی

• پنج شنبه
• 27
• خرداد
• 1400
• ساعت
• 12:29
• نوشته شده توسط
• یوسف اکبری

حسن ای در دانه ی حیدر . جان پیمبر
عجب دلارایی
گل طاها . یوسف زهرا . فخر مسیحا
فرشته سیمایی

تو سفیر عشق خدایی
تو امیر ملک ولایی

توجان جانانی . تو یار قرآنی
تمام هستی را . امیر و سلطانی

حسن حسن جانم
حسن حسن جانم

حسن.ای.تصویر.نجابت . روح صلابت
گل شکیبایی
گل باغ عشق و محبت . جان صداقت
شکوه دریایی

تو کتاب صلح و صفایی
تو شتاب عشق خدایی

به بحر طوفانها . تو نوح قرآنی
قسم به پاکیها . به حق تو میزانی

حسن حسن جانم
حسن حسن جانم

تو شراب شعر شعوری . چشمه ی نوری
طبیب دلهایی
می ناب جام بلوری . مستی و شوری
د م مسیحایی

تو چراغ راه خدایی
که به مکتب.جان بقایی

تو گوهر عشقی . تو جوهر عشقی
قسم به عاطفه ها . تو یاور عشقی

حسن حسن جانم
حسن حسن جانم

تو طلوع صبح سپیدی . نور امیدی
بهشت معنایی
توشرفرا فجر سعیدی . فردو فریدی
که جان زهرایی

توقیام سبز خدایی
توخدارا پیک ندایی

سفیر سبحانی . طبیب و درمانی
غریب و تنهایی . فدای قر آ نی

حسن حسن جانم
حسن حسن جانم

تو غریب خانه ی خویشی .زارو پریشان
از این جهان رفتی
جگرت خون شد بلب آمد . بادل سوزان
ازاین جهان رفتی

تو شهید کوی نگاری
که غر یب شهر و دیاری

شکسته بال وپری . غریب و خونجگری
زدست محرم خود . گرفته دل شرری

حسن حسن جانم
حسن حسن جانم

گل حیدر . جان پیمبر . عالمه سرور
حدیث زیبایی
سنه قربان جان محبان.قیل بیزه.احسان
شعور بینایی

که اولاق دوز یاور قرآن
ائلیاق جان مکتبه قربان

تاپاق سعادت عشق . هوای عزت عشق
جزا گونو نده اولاق . رهین منت عشق

حسن حسن جانم
حسن حسن جانم

• شنبه
• 5
• تیر
• 1400
• ساعت
• 11:57
• نوشته شده توسط
• یوسف اکبری

ای گل باور حسن بالام لایلای
غنچه ی نوبر حسن بالام لایلای
سینمه گل قلبیمین قراری با لا
دلبر مادر حسن بالام لایلای

کریم آل الله ... عطیه ی الله
حسن بالام لایلای <۲>

گول یوزی گولدن گوزل بالام لایلای
قاشلاری بیت الغزل با لام لایلای
آی گوزومون نوری عشقمین ثمری
هدیه ی حی ازل با لام لایلای

سن گل طوباسن . فخر مسیحاسن
حسن بالام لایلای <۲>

شیر خدانون گوزل نگاری حسن
کوثر قرآنون افتخاری حسن
گوزلریوین جامی کوثریمدی منیم
مکتب قرآنین اقتداری حسن

آیت سبحانسان . جلوهء جانانسان
حسن بالام لایلای <۲>

آغلاما یات نازنین نگاریم حسن
نازلی بالام مه جبین نگاریم حسن
سینه گولوم ، میهمان ماه صیام
یاور قرآن و دین نگاریم حسن

سن گل باورسن . هدیه ی داورسن
حسن بالام لایلای <۲>

فلسفه ی عشقمه صفا سنسن
جان علی عشق مصطفی سنسن
حیف اولا اما جگرلرین یاناجاق
دینه غریبانه جان فدا سنسن

شهید قرآنسان . غریب دورانسان
حسن بالام لایلای <۲>

• یکشنبه
• 6
• تیر
• 1400
• ساعت
• 12:36
• نوشته شده توسط
• یوسف اکبری

مولا
کریم اهل بیت قرآن
سخاوتینده آسمانسان
کرامتینده بی کرانسان
تولدون مبارک اولسون
حسن حسن.حسن حسنجان

مولا
عز یسن عزیز حیدر
صفای سینه ی پیمبر
صفای صلح کبر یایی
طلوع فجر اهل باور
جما لی جلوه گاه ایمان
حجازی ایلدون چراگان
تولدون مبارک اولسون
حسن.حسن.حسنجان

مولا
امیر کشو ر صفا سن
سرور جان مصطفاسن
طلا یه دار عشق وایمان
نماد عشق کبر یاسن
بهار عشق بی خزانسان
کتاب عشق جاودانسان
تولدون مبارک اولسون
حسن. حسن. حسنجان

مولا
حماسه ی تب ولاسن
یان اورکلره جلاسن
زمینه سا ز انقلاب
عظیم سرخ کربلا سن
شریفسن شرف نشانسان
شرف یولوندا جاودانسان
تو لدون مبارک اولسون
حسن حسن حسنجان

• یکشنبه
• 6
• تیر
• 1400
• ساعت
• 12:38
• نوشته شده توسط
• یوسف اکبری

آچ گوزون اویان خواب نازدن

آچ گوزون اویان خواب نازدن

تار و پودیم اود لاندی آی باجی

دادیمه یتیش زهر کینه دن

سینم.اود.دوتوب.یاندی.آی.باجی

وئر خبر باجی قارداشیم حسین

باشیم اوستینه گلسین آغلاسین

یا نسین آیر یلیقلار شر ا ر ینه

حالیمی گوروب سینه داغلاسین

قارداش.ئولسه.خوشدورکه.قارداشی

اشگ دیده رخسا ر ه باغلاسین

جعده نین جفا سیند ن عمر یمین

غم کتابی با غلا ندی آی با جی

صر صر خزان ا سد ی ، گو لشنه

عمرمین گو لی سولدی آی باجی

پا ر چا لا ندی اکباد یم ، آغز یما

لخته لخته قان دولدی آی باجی

دشمنیم یتیشد ی مر ا د ینه

قا سمیم یتیم ا و لدی آی باجی

قارداشین حسن ئولدی .قاره گی

آغلا وقت هجرا ندی آی باجی
تار و پودیم اود لاندی آی باجی

دادیمه یتیش زهر کینه دن

سینم.اود.دوتوب.یاندی.آی.باجی

وئر خبر باجی قارداشیم حسین

باشیم اوستینه گلسین آغلاسین

یا نسین آیر یلیقلار شر ا ر ینه

حالیمی گوروب سینه داغلاسین

قارداش.ئولسه.خوشدورکه.قارداشی

اشگ دیده رخسا ر ه باغلاسین

جعده نین جفا سیند ن عمر یمین

غم کتابی با غلا ندی آی با جی

صر صر خزان ا سد ی ، گو لشنه

عمرمین گو لی سولدی آی باجی

پا ر چا لا ندی اکباد یم ، آغز یما

لخته لخته قان دولدی آی باجی

دشمنیم یتیشد ی مر ا د ینه

قا سمیم یتیم ا و لدی آی باجی

قارداشین حسن ئولدی .قاره گی

آغلا وقت هجرا ندی آی باجی

• پنج شنبه
• 10
• تیر
• 1400
• ساعت
• 13:44
• نوشته شده توسط
• یوسف اکبری

جگرلر ی زهر کینه دن

دوغرانان حسن لایلای

دو غرا نان حسن لایلای

شرار ظلمیله سینه سی

اولا د نان حسن لایلای

ا و د لا نان حسن لایلای

خسته جان حسن لایلای (۲)

باغری قان حسن لایلای (۲)

دوداقلار یندان آخان قا نا

غملی ز ینبین قر با ن

غملی زینبین قر با ن

سینو ند کی غملی طوفا نا

غملی زینبین قر با ن

غملی زینبین قر با ن

بو غمد ه عالم گرک یا نا

غملی ز ینبین قر با ن

غملی رینبین قر با ن

خسته جان حسن لایلای (۲)

باقری قان حسن لایلای (۲)

یا نا ر قلبیم داغ هجرا نا

آغلا رام یا نا یا نه

آ غلا را م یا نا یا نه

دونرگوز یاشیم قیزیل.قانا

آ غلا را م یا نا یا نه

آ غلا ر ا م یا نا یا نه

دوشرروحیم غملی طوفانا

آ غلا را م یا نا یا نه

آ غلا ر م یا نا یا نه

خسته جان حسن لایلای (۲)

با غری قان حسن لایلای (۲)

ئولیدی زینب باجون حسن

غملی قارداشیم لایلای

غملی قا ر د ا شیم لایلای

غر یب.ئولدون اوز ائوینده.سن

غملی قارداشیم لا یلا ی

غملی قا ر د ا شیم لایلای

سنه زهرایچدیردی اهرمن

غملی قارداشیم لا یلا ی

غملی قا ر د ا شیم لایلای

خسته جان حسن لایلای (۲)

با غری قان حسن لایلای (۲)

• پنج شنبه
• 10
• تیر
• 1400
• ساعت
• 13:46
• نوشته شده توسط
• یوسف اکبری

بو گجه عالم سنه مهمان حسن
اِئت بیزه بایراملیقی احسان حسن
جانم حسن جانم حسن جان حسن(2)

هِجرتین اوچمینجی اِیلینده خدای
فَضلینی گوستردی فَضیلَتلی آی
ائتدی کرم بو کَرمه یوخدی تای
بذل ائله دی حضرت زهرایه پای

پای نجه پای بیر گل زیبا حسن
زُهره جَبین قامتی رعنا حسن
جانم حسن جانم حسن جان حسن(2)

چون یتیشوب نیمه ماه صیام
گوزلره گورسندی بو بَدرِ تمام
صورتی هم مَنظر خَیرُالاَنام
گوزلری قاره دوداقی سرخ فام

صورت حسن سیرت حسن نام حسن
عالمی سرگشته ائدن جام حسن
جانم حسن جانم حسن جان حسن (2)

اهل دِله وئردی بَشارت صبا
آچدی گُل چارم آل عبا
سرور دین خسرو اهل ولا
گلدی جهانه حسن مُجتبا

پور علی ای شه خوبان حسن
مقدمووه جان اولا قربان حسن
جانم حسن جانم حسن جان حسن (2)

اَحسن الاَسما حسن اولدی آدی
گویده مَلکلَر بو سوزی اوخشادی
گلدی حسن قارداشیدا یولدادی
بو ایکی قارداشدی جهانون دادی

گوزلیوری نور دو عینی حسن
کرب وبلا شاهی حسینی حسن
جانم حسن جانم حسن جان حسن(2)

حق یتیشوب مقصد و مَنظورینه
یازدی حسن آدینی مَنشورینه
مات کلیم اولدی حسن نورینه
گوردی بشیک بنزیوری طورینه

نور سَپور عالمه گویا حسن
عطر یایور نوگُل زهرا حسن
جانم حسن جانم حسن جان حسن(2)

یوسف کنعان سنه خوشرو دِیَر
گوزلرووه اَحسنی آهو دِیَر
قامتووَه سرو ئوزی دلجو دِیَر
واقف اولان عشقووه هوهو دِیَر

بو گجه عالم سنه مهمان حسن
ایت بیزه بایراملیقی احسان حسن
جانم حسن جانم حسن جان حسن(2)

• شنبه
• 12
• تیر
• 1400
• ساعت
• 22:53
• نوشته شده توسط
• یوسف اکبری

زهرا گوزون آیدین گلدی حسن اوغلون
آلا گوزلی زیبا ، ماهِ تابانون

اونا سن چال لایلای سینون اوسته یاتسون
قیزل گُله باتسون ، خیردا جیرانون

سَسلَن دِئ جانیم - ماهِ تابانیم
یات سینم اوسته- لایلای جیرانیم
یات - یات - یات

نَنَه قربان اولسون رَعنا قَده اوغلوم
قَلم قاشه اوغلوم ، شهلا گوزلره

دیل آچارسان بیر گون والِه اولّام اوندا
شَهد لَبه اوغلوم ، شیرین سوزلره

روح و روانیم - آرام جانیم
یات سینم اوسته - لایلای جیرانیم
یات - یات - یات

گوزَل اوغلوم ائتمَه گوز یاشووِی جاری
منه باخوب مُضطَر ، قلبی داغلاما

ساقا صولا باخما دولومسینما اوغلوم
چَکمه آه سوزان ، گُلوم آغلاما

تاب و تَوانیم - ائلدَه سامانیم
یات سینم اوسته - لایلای جیرانیم
یات - یات - یات

• شنبه
• 12
• تیر
• 1400
• ساعت
• 22:55
• نوشته شده توسط
• یوسف اکبری

حسن حسن جان مه تابانیم
گوزل بالا آی بالا جیرانیم
ننون بتولم منه باخ اوغلوم
فدا اولا مقدمووه جانیم

سنی وئروب حق ننووه پای بالا
حسن حسن جان بالا لایلای بالا

قراریم آلدی او گوزون قاشون
ندندی آخدی بالا گوز یاشون
داریخما گل پیکر اوغول صبر ائت
گلر دالونجا بالا قارداشون

آدوندی زینت بو ائوه آی بالا
حسن حسن جان بالا لایلای بالا

قدم قویاندا بالا دنیایه
سالوبدی رحمت ائویمه سایه
حضرت حق ایلدی احسان اوغول
وئروبدی نعمت سنی زهرایه

جهاندا یوخدور سنه بیر تای بالا
حسن حسن جان بالا لای لای بالا

• شنبه
• 12
• تیر
• 1400
• ساعت
• 22:56
• نوشته شده توسط
• یوسف اکبری

داده گل زینبیم - مهربان خواهریم
طشتی حاظر ایله - دوغراندی جگریم

تیر کین جُعده قلبیمه اَکدی
ایویمده نقشه ی قتلی چکدی

داده گل زینب مهربان خواهر ( 3 )

منی یوردی باجی - داخی اهل زمان
گل یتیشدی اجل - اولما سن ناگران

آغلاما زینب یوخ منده حالت
یوزومه باخما سارالوب صورت

داده گل زینب مهربان خواهر ( 3 )

ویر خبر حسینه - آغلاما توکمه یاش
دنن یاندی حسن - گل داده آی قارداش

ای نور عینیم اولورم تیز گل
زهرا یانینه گیدورم تیز گل

داده گل زینب مهربان خواهر ( 3 )

باجی جان ، قاسمه - سن یارو یاور اول
بالامون نازین چک - سن اونا مادر اول

بالالاریما ویر خبر گلسون
قاسمیم منیم حالیمی بیلسون

داده گل زینب مهربان خواهر ( 3 )

بو یامان گونومدی - پوزولوب احساسیم
ویر خبر یانیمه - تاگَله عباسیم

سرو قامت قارداشیم هارداسان
ای حیالی یولداشیم هارداسان

داده گل زینب مهربان خواهر ( 3 )

زینبیم ای باجی - صبر ایله بلایه
آغلاماقون ساخلا دشت کربلایه

جان ویرر حسین آغلیان اولماز
یاره سینی هیچ باغلیان اولماز

داده گل زینب مهربان خواهر ( 3 )

• جمعه
• 18
• تیر
• 1400
• ساعت
• 12:51
• نوشته شده توسط
• یوسف اکبری

آمـــده نور خدا – چــــارمین آل عبا
نام زیبایش حسن- دومین شمس ولا
نوگل باغ جنان شیرین سخن آمد
شیعیان را رهبرو سرور حسن آمد
یا حسن جانم2

ای امامِ مَه جبین - ناجـــــیِ اهل یقین
روح تقوایی حسن –اَختــــر دین مُبین
ای امیر و رهنما- نور چشــــم مرتضا
معدن جود و سخا- مرحبا صد آفرین
سالک مهر و وفا، نور سمایی تو
دلبر اهـــــل جنانی، مجتبــایی تو
یا حسن جانم2

شد جهان چون گُلسِتان- ای مَه هفت آسمان
باد رَحمت گُل دَمیـــد - آمده روح و روان
نیمـــه ی ماه خـــــدا- اخــــتر بـــــرج ولا
شد نمــــایان نور حق -غـرق شادی شیعیان
معدن عشق و شرافت با وقار آمد
یا ر قران و ولایت شهـــریار آمد

ترکی

صاحب تیــــغ دو سر- ماه رو عالی سیَر
مژده اولسون حیدره -گلدی نورانی پسر
بو بهشت آقــــــاسیدی- شیعیانه تاج سر
حسنیده چـــوخ بی مثل- ای دُرِ والا گُهر
خصلتی همچون پیمبر کان رحمتدور
چون کریـــــم اهل بیتُ با کرامتدور
یا حسن جانم2

عالمــون آقاسیدور - عصمتین معناسیدور
قطره گر غیرت اولا- غیرتین دریاسیدور
حیدر صفدر کیمین - سر زپا احساسیدور
یوسفـــی مست ایلین- ماه رو سیماسیدور
گویلره پرواز ایدن عیسی سنه قربان
طور سیناده گزن مــوسی سنه قربان
یا حسن جانم2

آسمانه کردگار بیر- ایشیقلی آی ویروب
حسنوده الله بونی- مرتضایه تــای ویروب
گلستان عترته- غنچه ی خـــــوشبو حسن
فاطمیلن حیدره بو- بــــالانی پای ویروب
طاق ابروسی اولان چون ذوالفقار آقا
ای هامــی عاشقــــلره سن افتخار آقا
یا حسن جانم2

ای نگـــــار اولیا – چــــــارُمِ آل عبا
فاطمه دلبندیسن - سبط پاک مصطفا
ای شه والا مَقــــام -عالمه سن مقتدا
مرتضا فرزنــــدیسن –یـــا امام مُجتبا
حق کلامی عین قران یا حسن جانم
حامی و یار ضعیفان یــا حسن جانم
یا حسن جانم2

ای امام مُمتـــــحن – شمـــــع بزم انجُمن
سن کریم اِبن کریم -مثل حیدر بت شکن
نوکریوه قیل نظــر قیل -جان زهرا مادرون
روز محشـــر اول شفیع- (پوریایه) یاحسن
جشن میلادوندی ای نوباوه ی زهرا
عیدیانه ویر هامـــــی عاشقلره مولا

• دوشنبه
• 21
• تیر
• 1400
• ساعت
• 21:50
• نوشته شده توسط
• یوسف اکبری

آمده نور ولایت - آمده شمس هدایت
دومین اختر تابان - گل یاس با طراوت

گل گلزار حیدر - بند قلب پیمبر
نور چشمان مادر _ سرور شیعیانی

یار دیر آشنایی – پسر مرتضایی
گلِ خیرالنسایی _ لنگر آسمانی

نوگل فاطمه خوش آمدی مجتبا - مجتبا
نوه ی ارشد محمـــــدی مجتبا - مجتبا

ترکی

گلدی بو جهانه مولا - شاد اولوبدی اهل جنت
حسنِ علــــــی و زهرا - معدن جود و کرامت

ایتدی روشن سمانی – هامی اهل ولانی
شاد ایدوب شیعیانی - جهان اولوب گلستان

دردیمه دوا گلدی – قلبیمه صفا گلدی
نیِّر هُـــــدا گلدی - سیـــــد اهـــــل جنان

شیعه نون لبونده ذکری بوگون حسندی – حسندی
آتاسی مرتضــــا تک یل و بت شکندی - حسندی

• دوشنبه
• 21
• تیر
• 1400
• ساعت
• 21:52
• نوشته شده توسط
• یوسف اکبری

فارسی

مژده به شیعه امشب - گل به چمن آمده
عزیز ختــــم رُســل – امــام حسن آمده
یاحسن جان- تــــو نـــــور حـَیِّ سَرمدی
یاحسن جان- خوش آمدی خوش آمدی
یاحسن جان2

ای گل باغ رضوان - جلوه ی نور یزدان
ای نــوه ی پیمبـــر –ستــــاره ی آسمان
ای پسر مرتضا ای- ای گــــل خیر النساء
صفای باغ ایمان- خوش آمدی بر جهان
ای که شیعیان -عاشق و مبتلای تو
بر لب همه- زمـــــزمه ی ولای تو
یاحسن جان2

نیمه ی ماه خدا- ماه نبی جلوه گر
چشم تو روشن علی - بهر تو آمد پسر
عاشق بی واهمــــــــه- نور دل فاطمه
مژده به اهل جنت - شد شب هجران سحر
یاحسن جان2
شد گلستان- کـُــــلِّ جهان از قَدمت
ای حسن جان- فدای لطف و کَرمت

ترکی

درده دوا گلوبدی - قلبه صفــا گلوبدی
امــام دوّمِ شــیعــه مجتـبــا گــــلوبدی
نور خدا گلوبــدی-شمس ولا گلوبدی
تمــام شیعیـــــانه - گوزل آقا گلوبدی
اهل بیتون –کــریمی سن یا مجتبا
خوش گلوبسن- ای پسر خیرالنساء

علینون ارشد اوغلی- قدم قویوب جهانه
عالم اولوب گــلستان- صفا گلوب جنانه
مدینه اهلی خُــــرَّم- ستاره لر دوتوب دَم
چکیـــلدی بزم شادی –زمیـــن و آسمانه
نور ایزد- نمــــــاسی سن ای مَه لقا
خوش گلوبسن- ای پســـر خیرالنساء
ای حسن جان2

روشن اولوبدی گوزلر- اوروشلوقون آییندا
اولوبدی نیمه ی شب- آقا سحــــر چاقیندا
آینه ی خـــــدادی – عــــزیز کبـــــریادی
غنچــه دی نـــازلی بالا- پیمبــــرون باغیندا
لبی خندان- حضــــرت ختم الانبیا
خوش گلوبسـن- ای پسر خیرالنساء
ای حسن جان2

گرچه یوخوندی زائر- شیعیه غمدی آقا
ولی بیزیم قلبیمــیز- سنـــــه حرمدی آقا
شیعه لرون امیری -ای گـــــل بی نظیری
نقدری مدحون یازام-گیـه ده کمدی آقا
گلر مهدی- دشمنــی رسوا ایلیر
گوزل بیر حرم- بقیعده برپا ایلیر
ای حسن جان2

یا حســــــن مجتبـــی -ای ثمــــر ولایت
جشــــن ولادتونــده- بیزلره قیل عنایت
دردیمیزه دوا ویــــر- مریضلـــــره شفا ویر
روز جَـــزاده مــــولا -ایله بیزه شفاعت
یازدی (پوریا )- شعری سنه یا مجتبا
ویر بو جمعه -تذکره ی کرب بلا
خوش گلوبسن- ای پسر خیرالنساء

• دوشنبه
• 21
• تیر
• 1400
• ساعت
• 21:54
• نوشته شده توسط
• یوسف اکبری

طبعمه اولساعنایت خالق منّانِدن
وار خیالمده یازوم ضدّ بشر عدواندن

ظاهراً بعضی بشر دور باطناً بیر پارچا شر
یوخ وجودونده نشان انصافدن وجدانِدن

شغلدور دنیا پرستی فکری دور غارتگری
آدی انساندور عمل دستور آلور شیطاندن

ئولموش انسانیّتی حرث وجنایت زنده دی
ظلمودن سیر اولموری ال چکموری طغیاندن

دینی یوخدور هسته ای موشکلرینه ناز ایدور
العجب ثُمّ العجب خونخوار ِ دویمور قاندن

بیر بیرینون جاننه سالموش کِچِک کشورلری
صید ایدور ماهی گِل آلوده اولان جریاندن

دهریده بیر نطفه ی ناپاکی ویرموش پرورش
آدی اسرائیل و بد تر هیتلر آلماندن

هر گون ایلور تقویت فرزند نامشروعنی
آد یهودی اطّلاع یوخ موسِیِ عمراندن

ایتدی بیرحمانه آواره فلسطینیلری
اولدورور غارت ایدور هر سمتدن هر یاندن

گه ایدور حمله دمشقه ضد داعش کشوره
گه آلور ظلمیله کشته کشور لبناندن

فخر ایدور باک ایلمورهرکشورآمریکاسی وار
ایش بیله دوشموش جهاندا یوخ اثر ایماندن

ساغدی وهّا بیلرون غارت ایدوب امکاننی
ایلوری بد استفاده حاکم ناداندن

جبلری دولسون ولوقان جاری اوسون سیل تک
اطّلاعی یوخ یمنده قتلدن ویراندن

تک نه پول غارت ایدوبدورحاکمیّت سلب ایدور
خادمین کعبه دن سلطان بِن سلطاندن

ریشه سی یانسون الهی طیف وهّابیّتون
ظالم مطلقدولر حتّی گئچن دوراندن

هشتم شوّا لِده بیر ظلم ایدوبلر آشکار
آلدولار سبقت جفاده آل بوسفیاندن

دورد امامون بارگاه و گنبدینی یخدولر
قالمادی اصلاً نشانه صحنِدن ایواندن

بیحیادور بوزمان بو روسریلی شخصِلر
باطناً کفتارخو بدتر دولر حیواندن

بیلموری نور خدا خاموش اولا ممکن دگول
نیلماق آدی مسلمان بی خبر قرآندن

قرعه سیلی چئخور آل سعودین آدینه
ورسا مهدی هیچ اثرقالماز ملک سلماندن

جاهلانه سوزلری بی پاسخ اولماز بِاْلیَقین
بیر گونی داعش کیمی ضربه یِیَر ایراندن

موضِع قدرتده ثابت پاسِداران دلیر
یوخ هراس و اعتناسی هئچ جفا بنیاندن

عاقبت بیر گون گلر موشک یاغار هر سمتدن
بیرکسه قالماز امان شعله توکن طوفاندن

منتظِر امیّدوار اُول عاقبت مهدی گلر
اوندا وار ظلمون جوابی شعله ی سوزاندن

• دوشنبه
• 21
• تیر
• 1400
• ساعت
• 22:21
• نوشته شده توسط
• یوسف اکبری

یاتما دور قارداشیم ای وای حسنیم
من حسینـــم داغیلـــــوب انجمنیم
بس ندنـــدی جگرون پارچالانوب
دور ایاقــــــه منیم آرتـدی مُحنیم
غم هجرونــــده یــانان قـــارداشوام
سسیمه سس ویـــر امان یولداشوام
گل بـــــاغ چمنیم – منه سس ویر حسنیم

سن کیمی اولمادی مظلوم زمان
مَکر دُشمنـدن امان قارداش امان
حقون اوسته سنی اولدوردی عدور
گیدوســــــن سن نگران من نگران
نجه طـاقت ایــــــدرم سَـنسیز اخا
گیتمه زهرا یــــــانینه مـَـنسیز اخا
گل بـــــاغ چمنیم – منه سس ویر حسنیم

زهر کین گور نه حالا سالدی سنی
جگـرون دوغرادی یاندیردی منی
سنی کیم سالدی بو حـــاله حسنیم
حالتــــــون آغلادوری هـــر گَلَنی
بالالارون مَــــلیوللر گــوزون آچ
یوزه یاشلارون الوللر گوزون آچ
گل بـــــاغ چمنیم – منه سس ویر حسنیم

قاسمونــــدن نـــگران اولما حسن
سن بلوط تک ،غَمیلن دولما حسن
قویمارام بوش یرون احساس ایلسین
ای آنامون گُلی تیز صـولما حسن
قاسمــــی اُمَّتــــــه قربان ایدرم
من اونی عالمــــه سلطان ایدرم
گُل بـــــاغ چمنیم – منه سس ویر حسنیم

قوی دوداقوندن اوپوم یاندی جگر
آنامور بو گیجه گـــوزیاشی توکَر
جدیموز سسلوری ایوای حسنیم
باش آچوخ بو گیجه فریاده گلر
ای منیـــم نازلی گلوم یاتما حسن
آتامیــــــز حیدری آغلاتما حسن
گل بـــــاغ چمنیم – منه سس ویر حسنیم

• چهارشنبه
• 23
• تیر
• 1400
• ساعت
• 12:16
• نوشته شده توسط
• یوسف اکبری

دوباره عطر جنان دولدروب بو دنیانی
چکور عوالم عشق و سروره انسانی
هزاره لر اوخیور گلستان زهراده
سروش ملهم غیبی دیور بو عنوانی
بشارت اهل یقین و محمّد امّتینه
جهانه قویدی قدم شیعه حجّت ثانی
فرشتگان سماوی بحال شور و شعف
فضای نُه فلکی ایتدیلر چراغانی
ریاض جنّت الاعلاده لاله لر گل آچوب
گلوب ترنّمه مرغان باغ رضوانی
گلاب و عنبر و عودیله زینت اولموشدی
تمام صحن و سرای محیط عرفانی
یاناردی غرفه لرون شمعی حجره لرده چراغ
خسوفه چکمیشدی نوری ماه رخشانی
او قصرلرده یانور رنگ رنگ لاله لری
تشعشعاتی ایدور خیره چشم غلمانی
بو شور و حال و شعف عرش و فرشون اوستونده
کمال حیرته سالموشدی فوج حورانی
مه صیامدی رحمت آیی خدای رحیم
بو آیون اون بشی حق آچدی خوان احسانی
گلوبدی باره گوزل نخل دین ثمر ویردی
مزیّن ایلدی بیر طفل بیت زهرانی
بلی دوغولدی بو گون حضرت امام حسن
یازیلدی دفتر تقدیره عهد و پیمانی
گُل آچدی گلشن باغ امامت علوی
اونون قدومی فرحلندیروبدی طاهانی
بویوردی اشرف اولاد بو البشر اسما
گتور قوجاقیمه ویر طفل ماه سیمانی
گتوردیلر آلوب آغوشه تازه مولودی
گه اوپدی لعل لبین گه جمال زیبانی
بو نازدانه منیم نور دیده گانیمدی
دیدی اوجالتدی او دم عرشه آه سوزانی
چکوبدی باغرینا جان تک او ناز پرورینی
سالوب تحیّره زهرانی چشم گریانی
دوداقلاریندان اوپوب حسرتیله آغلاردی
سرشک چشمین عذاره الردی پنهانی
سوروشدیلار نیه آغلورسان ای رسول خدا
بویوردی من نجه فاش ایلیوم بو جریانی
ندور سبب دیدیلر بو نوای جانسوزه
غبار غم بورودی فوق عرش اعلانی
علی الخصوص آناسی فاطمه سؤال ایلدی
نه عیبی وار بالامون فاش ایله قضایانی
مخاطب ایلدی زهرایه ناگران اولما
بیر آیری غمدی منی آغلادان بالام جانی
گوزوم دوداقینه دوشدوگجه غفلتاً یانورام
مجسّم ایلیورم دیلده لیل هجرانی
نجه دیوم سیزه گتدی خبر امین خدا
خموش ایدولّه بو مشکوه عشق و ایمانی
غریب ایدولّه بو مظلومی دار دنیاده
بلا گونونده قاچار دوره سیندن اعوانی
سموم مهلکه اکبادی اودلانار بیر گون
جگرلری توکولر طشته جوش ایدر قانی
جنازه سینی مزاره گیدنده اوخلالار
بو یرده نالیه گتّدی او جمع نالانی
بقیعده سنه همسایه دور قزیم زهرا
نه چلچراغی اولار قبروزون نه ایوانی
چکرسن اوردا اوزون مجتبانی آغوشه
عزا بساطی ایدرسوز او سطح غبرانی
قوناقلاروز گلر اقصی نقاط دنیادن
نظرده ساخلا او زوّار اشکریزانی
"صفا" ده ایسته مزارونده اشکریز اولسون
قرین لطف ایله گلسه برسم مهمانی

• یکشنبه
• 3
• مرداد
• 1400
• ساعت
• 22:45
• نوشته شده توسط
• یوسف اکبری

نیمه ی ماه مبارکدی مه صوم و صلات
نازل ایلوب یره حق منبع فیض و برکات

سنه ی سوّم هجرتده بلی جمعه گونی
ذات حقدن آچیلوب کُلّ مشاکل دوگونی
بوریوب عطر جنان یثرب و بطحا گوگونی
بیت زهرایه سمادن توکولور نقل و نبات

یری وار پایلانا بو بزمده شادلیق نوغولی
گلدی دنیایه بو گون فاطمه نون ایلک اوغولی
آنا کی فاطمه اولدی بله اوغلان دوغولی
گُل جمالینی گورن سویلیه دیلدن صلوات

نه اوغول گل یوزی مرآت حق لم یزلی
کیم باخوب سویلدی به به بودی یثرب گوزلی
بخته ور فاطمه نون باشینه شاد اولسون علی
بو گوزلیکده اوغول عالمه گلسون هیهات

ویردیلر حضرت پیغمبر چون بو خبری
سونوب کاسه ی چشمینده دولوب اشکتری
آلدی آغوشه چکیب باغرینا نور بصری
ئوپدی گل صورتینی ئیلدی جدّی دفعات

گلدی جبریل امین قرب رسول اللّهه
امر امر ازلیدور دیدی ظِلّ اللّهه
یازیلوب لوحه حسن آد بو خلیل اللّهه
چکور حسرت لب لعلیندن اوپه آب حیات

صاق قولاقینه اذان سویلدی اوّلده نبی
صول قولاقینه اقامه اوخیوب زیر لبی
آدوی قویدوم حسن سسلدی کنز ادبی
آغلیوب فاطمه نون قلبینه سالدی شبهات

نه نه سی سویلدی بابا سوزی روشن ده منه
آغلیورسان ندور علّت گوروم اوغلوم حسنه
هامی مسروریدی یوز ویردی ندن غصّه سنه
بو معمّانی منه کشف ایله ای نیک صفات

متصوّر ایله سن دیلده بو غم منظره سین
نه بیانیله او طفلون دیله دوتسون نه نه سین
جعده نین ظلمینی زهرایه دیسون یا دیمه سون
متحیّردی بو احوالده میر عرصات

نه نه دی ایلکیدی بیر اوغلی اولوب آی پاراسی
سونوردی ولی ناراحت ایدوبدور آتاسی
آتا بو جشنی دوزنمور پوزا یانسون بالاسی
ایستموردی نه نیه کشف اولا باریک نکات

گوردی آرامشی سلب اولدی قیزی فاطمه نون
ناگزیر آچدی او دَم قفلینی گنج محنون
آغلورام من دیدی بو علّته بیر گون حسنون
جگری پارچالانار زهریله هنگام ممات

گورنور ایندی همان لحظه همان گون گوزومه
اود دوتوب سینه یانور دیلده کی گیزلین سوزومه
اختیاری دگول اشکیم اولی جاری یوزومه
بو مصیباتیده کیم آغلاسا واردور حسنات

آلار اطرافینی گوز یاشلی پریشان باجیلار
بالامون نعشینون اوسته قره تلّر آچیلار
باشلانار آغلاما دل ناله لری عرشه چیخار
حشره جن بو بالامون ساخلار عزاسین هیئات

نه گوزل یاس دوتولوب یوم وفاتی حسنه
احترامیله اولوب غسل و کفن گل بدنه
بیر شهیدونده دونوب جسمی عقیق یمنه
غرقیدی قانه یخیلمیشدی قتیل الابرات

گلدی قارداشنی زینبده تاپوب جان اوسته
گوردی قاتل الی شمشیرده خسران اوسته
بیر حزین سسده گلور دم بدم افغان اوسته
هی دیور وای بالا ای وای آتاسیز قالدی بنات

یخیلیب گودی مقتلده حسین قان آپاریب
خوان فردوسه ئوزیلن نچه مهمان آپاریب
هاموسین تشنه قزل قانینه غلطان آپاریب
نیه بس دونمدی قانه او گون اعدایه فرات

• یکشنبه
• 3
• مرداد
• 1400
• ساعت
• 22:47
• نوشته شده توسط
• یوسف اکبری

اوغلون حسنم آی ننه غملر منیم اولدی
بیر باد سموم اسدی خزان گلشنیم اولدی
من جعدیه آللّه نه یامانلیق ایلمشدیم
منلن یاشیب جانیمه آخر غنیم اولدی

چوخ عالی مثلدور اونی سچدیم سوز ایچیندن
دوز سوزدی ییریمیش آغاجی قورد ئوز ایچیندن
ویردی منه بیر اود جگریم یاندی عیالیم
چک ساحل امنه منی زهرا کوز ایچیندن

مشغولیدیم آسایشه راحت ئوز ایویمده
واردور نه بیلیم دست خیانت ئوز ایویمده
ظاهرده بیر عورت کی منیم همدمیمیدی
اولدوردی منی ایتّدی جنایت ئوز ایویمده

شیرین یوخیدان دوردوم ایاقه گیجه یاری
گوردوم قوریان لبلریم اولموش سو خماری
بیر کوزه سو کی جانیمه پیک اجلیمیش
ایچجک منی دوندردیله تز قبلیه ساری

حسرت قالا دنیا سویونا جعده الهی
قویماز چاتا کامینه اونی قاسمون آهی
آغلار بالامی قویدی او ملعونه جهاندا
هیچ بیر دیمدی وار بو امامون نه گناهی

بو غصّه ده قارداشلاریمون قدّی بوکولدی
بیر داغ گینه زینب بی یاره چکیلدی
اکبادیمی یاندیردی آنا زهر هلاهل
گلدی جگریم آغزیما طشت ایچره توکولدی

دور گل باجی زینب اورگون قانه دولانسون
گی قاروی یاندی جگریم جعدنی یانسون
بیدار ایله قاسمده عزا رختی گینسون
ایوای بابا وای ناله سی افلاکه دایانسون

دنیا بویی اولسمده اورکده غمیم اولدی
قاتل ئوز ایویمده منیم ئوز محرمیم اولدی
گوردی منی زهرا نه نه م اولدوردیله مظلوم
یر ویردی جوارینده بقیع مدفنیم اولدی

واجبدی غمین شیعه هر ایل ایلیه تازه
ایراندا اوجالد نالوی قوی گتسون حجازه
مظلوم آقامون حالینه قان آغلا اوتانما
تابوتیده اوخلاندی مگر هانسی جنازه

• سه شنبه
• 5
• مرداد
• 1400
• ساعت
• 10:57
• نوشته شده توسط
• یوسف اکبری

سالدی دلدن ستم جعده منی زینب اویان
ایلیوب ظلمله مسموم حسنی زینب اویان

نصف شب میل ائلدیم سواورگیم یاندی باجی
پارچـالاندی جگـریم قلبیم الـولاندی باجی
سسله قارداشلاریمی موسم هجراندی باجی
ترک ائدور طـائر روحیم بدنی زینب اویان

بودل شبــده آلوب زهر جفـا طاقتیمی
رنگ رخساریم عیان ایلیوری محنتیمی
گل قبول ایله آنام نائبه سی زحمتیمی
حسنین وارسنه دیلده سخنی زینب اویان

پیک حق نازل اولوب روحمی تندن آیرا
دست تقــدیریله قــارداشوی سنـدن آیرا
خردا اطفــالیمی آغــلارقــویا مندن آیرا
سسلورم علت اودی ایمدی سنی زینب اویان

مجتبی گلشنونون گللری غمدن سولاجاق
قاسمین گوزلری اشگیــله لبالب دولاجاق
فـرقتیمده بالام عبـدالله عزادار اولاجاق
قویارآغلارآتاسیزلیق محنی زینب اویان

آزقالوردهریده باشه یتشه درد وغمیم
جام دلدن بوشالامحنت واندوه عَمیم
کنــج منـزلده گله نالیـه طفــلان یتیم
پوزلورقارداشون انجمنی زینب اویان

اولموشام زهریله مسموم یانورجان وتنیم
لحظه لحظه اثرائتدوقجادوتوراوت بدنیم
همسریم اولدی ائویمده ستم وظلم ائدنیم
گورمیوب دیده بئله اهرمنی زینب اویان

کوکب عمرمی جعده ستمی ایتدی زوال
زهریله کوزه نی آغشته ائدوب کینه خصال
بیرنفرشرح ائده بولمزبئله بیرظلمه مثال
یاندیرا سوبوسیاق جان وتنی زینب اویان

یاندورب خرمن دیلده بوسوسنبلــلریمی
گوره بولمم داخی بیرده سارالان گللریمی
قویما هجــریمده فغــان ایلیه بلبلــلریمی
دله دوتماقلیقا سرو و سمنی زینب اویان

کاش اولیدی آنامیز فاطمه صدیقه مرام
اگلشـیدی باشیم اوسته ثمــر خیـرالانام
تاگوریدی گونوزوم اولدی نجه دیده ده شام
قان ائدوب اشگیمی اشراردنی زینب اویان

شهریثربده یتشدی منه چوخ دردوعذاب
مجتــبانون اورگـین ایلــدیلرگونده کباب
قالمیــوب غملرالینده یارالی سینده تاب
ترک ائدوردیده سی گریان وطنی زینب اویان

محفل غمده(جوانی)اولاجاق نوحه سـُرا
آغلیــوب آغـلادار احبــابوی شاه دوسـرا
دیلده تکرار ائلیر بوسوزی هرصبح و مسا
سالدیدیلدن ستم جعُده منی زینب اویان

• یکشنبه
• 10
• مرداد
• 1400
• ساعت
• 14:44
• نوشته شده توسط
• یوسف اکبری

ایچدی زهری مجتبی گویده ملکلر آغلادی
سسلدی ای وای ننه ، معناده مادر آغلادی
گل باجی جان ورورم
جانی قربان ورورم

گوردی قلبی اود دوتوب یوخ حالی صحبت ایلیه
گلدی باش اوسته باجی قارداشه خدمت ایلیه
قاسمه عرض ائتدی قارداشیم محبت ایلیه
درد و دل باشلاندی قارداشیله خواهر آغلادی

لبلری بیر پارچاقان اولدوز کیمی اخمیش گوزی
عالمین قلبین الولاندیردی ناگه غم کوزی
سسلدی حیف اولسون ای باجی ننم یوخدی ئوزی
بو سوزی زینب اشیتدی اولدی مضطر آغلادی

محرمیم ئوز منزلیمده اولدی نامحرم باجی
قارداشیم عباسی گورم دوره ائتمیش غم باجی
اولسا ممکن قویمون یاتسین قرا پرچم باجی
بو گلستانه اسوبدی باد صرصر آغلادی

غیرتیندن گوزلری دوتموشدی قان عباسیمون
اللری داغ تک دایاق اولدی هر آن عباسیمون
جان سنون قارداش حسینیم بیرده جان عباسیمون
بو وصیت داغلیوب دل پور حیدر آغلادی

جان دوداقه گلمیشی تا رخصت السین گتمگه
وئر خبر اهل صلاته جامه ی غم گیمگه
ای "خدایی" قاره گی تا عشقیوی بیلدیرمگه
گوزلرین یومدی حسن عشق اهلی یکسر اغلادی

• جمعه
• 15
• مرداد
• 1400
• ساعت
• 20:05
• نوشته شده توسط
• یوسف اکبری

محنتی بیکران حسن جان
غصه دن باغریقان حسن جان
ای اولان اوز ایوینده مظلوم
آچ گوزون مهربان حسن جان
گورنجه زینبون پریشاندی حسن
زینبون غملی حاله قرباندی حسن
گلوم لای لای گلوم لای لای

ای یوزی گل کیمون سولان وای
ای غریب وطن اولان وای
وای سنی کیم بوحاله سالدی
آغزی ای قانیله دولان وای
اللرون گورنجه پریشاندی حسن
زینبون غملی حاله قرباندی حسن

صبریمون کاسه سی جالاندی
خرمن شوکتیم تالاندی
بش یاشیندان ایشی جهاندا
زینبون ناله و فغاندی
رحم اله یوخ آنام گله همدم اولا
گوزومی قویما اشگ حسرتله دولا

سن حسن روحیمه صفاسن
غصه لی قلبیمه دواسن
أل ایاق چالما بیله قارداش
وای منه درده مبتلاسن
آغلارام سن کیمی غریب وطنه
آغلارام اوزایوینده مظلوم ئولنه

قوی حسینی ایدیم خبردار
زینبون باشه قاره باغلار
قاسمون گل یوزه سرشگین
وای بابا سسلدوقجه باغلار
بو مصیبتده زینبون ای کاش ئوله
قوی ابالفضلیمی دیوم داده گله

اوخشارام وای غریب ئولن وای
سینه سی داغلانان حسن وای
ظلم الیلن خزانه گیتدی
گلشنیم ای شه زمن وای
گل دله ای سوزی اورکده قالانیم
گوگلومی غم دوتان زماندا آلانیم

عاشقم دیده خماره
ای غمی گلمین شماره
کاش اولیدی فدا بو جانیم
سن کیمون محنته دچاره
زینبین ناله سین اوجاتما گوزون آچ
باجیوی گل گوزوندن آتما گوزون آچ

نی کیمون گلمیشم آه و وایه
ای دوشن باشی چوخ بلایه
آیرلیق دردینی حسن جان
گیت دانیش خیره النسایه
عارفون دوت الیندن ای بحر عطا
یوز قویوب آستانیوه همچو گدا

• یکشنبه
• 17
• مرداد
• 1400
• ساعت
• 12:32
• نوشته شده توسط
• یوسف اکبری

دومین رهبرسبط پیغمبریابن الزهرا
آفتاب دین نوگل حیدریابن الزهرا
یوسف فاطمه سلطان دینی
نورچشم امیرالمومنینی
بحراحسان. جان جانان
عالم ازتو. شدگلستان
یاحسن جان یاحسن جان

جلوه گرگشته نورپاک تویابن الزهرا
جان به قربانت ای گل خوشبویابن الزهرا
روح قرآنی ای محمدخویابن الزهرا
روشنی بخش بزم روزه داداران
درگهت بوسه گاه گل عذاران
بحراحسان. جان جانان
عالم ازتو. شدگلستان
یاحسن جان یاحسن جان

ای گل زهراگوهریکتا خوش گلوبسن
معنی قرآن مظهرطاها خوش گلوبسن
گوهرکوثرزهرای اطهر
نورچشم علی سبط پیمبر
ماه تابان. جان جانان
ای امید. دردمندان
ای حسن جان ای حسن جان

زاده حیدرجان پیغمبر یابن الزهرا
جنته زیورشیعیه سروریابن الزهرا
باوفارهبرای بیزه یاوریابن الزهرا
جان مولاعلی المرتضاسن
هرچتین درده مولاسن دواسن
ماه تابان. جان جانان
ای امید. دردمندان
ای حسن جان ای حسن جان

• یکشنبه
• 17
• مرداد
• 1400
• ساعت
• 22:24
• نوشته شده توسط
• یوسف اکبری

اولوندی خدادن اشارت یره
یایلدی صدای بشارت یره
حسن که جهانه قویوبدور قدم
یاغبدور سمادن صفا دمبدم
علی نین ایوینده رسول زمن
قویوب جبرئیلیله بیر انجمن
چراغان اولوب جمله فرش و فلک
نزول ایلیور دسته دسته ملک
بتولین حضورینده وار بانوان
بهشتی خانملار گزوللر نهان
مدینه سراسر چراغاندی نور
که ایلور زمانه کلیمی ظهور
نه ارنی دیین وار نه لا کلمه سی
فقط ذکر ایدوللر ولا کلمه سی
علی اوّلین آفتاب ولا
حسن دوّمین ماه دورانجلا
وریلدی خلاصه او پیغمبره
بویورسین پیمبر آد اول سروره
دوباره سلام ایتدی روح القُدس
اولوبدور او مولوده بیر پای بوس
خطاب ایلدی کای حبیب خدا
سنه هم او مولوده جانیم فدا
حدیث کسادن واریندور خبر
خبیرالخبرسن اوزون مختصر
حدوث خلایق که اولدی عیان
سیزیله تاپوبدور هامی جسم جان
به امر الهی یاراندی قلم
آچلدی بفوری گوزل بیر عَلَم
یازیلدی محمد علی فاطمه
هماندم وریرمیش قلم خاتمه
گلوب سس دوباره قلم دورمایاز
قوتارما که تاپسین تکامل بوراز
بو لوحه یازیلسین گرک پنج تن
اونون دوردمینجی آدین یاز حسین
بیر احسان واریمدور ورم کوثره
پیمبر اونا جان او پیغمبره
وریلدی نگارش سنه مصطفی
اونوندا مبارک آدی مجتبی
حبیبی صدا حسن تبارک سنه
بو مولودون اولسون مبارک سنه
بشیمجی یازیلدی حسنینین آدی
حسین دور هر آدین هم دوزی هم دادی
کیم آلدی حسین و حسندن برات
تاپوبلار حقیقت صراطه نجات
نه شیعه نه مذهب حسین اولماسا
نه محفل نه مکتب حسین اولماسا
پیمبر حسینی سفارش وروب
عزاداره فیضین گزارش وروب
کیم اولسا حسینه غمین آغلاسا
غمینده سیخیلسا قرا باغلاسا
یازلّار بهشته براتین اونون
آچالّار به فوری صراطین اونون
نقدر گناهیکه بوینوندا وار
باغشلار حسینه حق کردگار
به شرط و شروطی که هربیر گناه
حقوق الهی اولا تا الاه
او صاحب گناهی اوزی عفوایده
حسینین الیلن بهشته گیده
نه رشوه ورنلر نه رشوه آلان
ربا پایلیانلار نه اهل یالان
نه غیبت ایدنلر نه فرد بخیل
دوشنمز بهشته حسینه دخیل
الهی اوزون قیل عنایت باری
گنه سیز گداخ بیز حسینه ساری
نصیب ایت زیارت فنا دنیادا
ایداخ بیر دویونجا ثنا دنیادا
اولاندا قیامت,قیامت بیزه
اوزون قیل الهی شفاعت بیزه
بهشت برینه اولاخ بیر هُما
علی و حسین و حسن رهنما
((امینی))سن اولما غمین و ملول
الوندن دوتار اول عزیز بتول

• جمعه
• 22
• مرداد
• 1400
• ساعت
• 11:38
• نوشته شده توسط
• یوسف اکبری