اشعار امام حسن مجتبی(ع)

مرتب سازی براساس
حاج رسول امینیان امینی خویی

زبانحال حضرت زینب(س) در شهادت امام حسن مجتبی(ع) -(قارداش حسن باغریمی قان ایلوسن) *حاج رسول امینیان امینی خویی

604

زبانحال حضرت زینب(س) در شهادت امام حسن مجتبی(ع) -(قارداش حسن باغریمی قان ایلوسن) قارداش حسن باغریمی قان ایلوسن
سن که بیله آه و فغان ایلوسن
زهر اثریندن جگرون دوغرانور
وای منه وای ترک جهان ایلوسن
آه و واویلا. ایوای حسن وای
مظلوم دنیا ایوای حسن وای

زهر جفا وردی عیالون سنه
محشر بپا ایلدی آخر منه
ای دومین شاهنشه ولایت
چکمیشیدون امتی سن ایمنه

ای زینت دوش نبی قارداشیم
وی عالمینین سببی قارداشیم
ای کاش الیدیم سنده بو وضعیلن
گورمیدیم بو تاب و تبی قارداشیم

غم لشگری بیر بیر صفده دوردولار
امام الدورمه گه شورا قوردولار
گوزله دیلر کهکشان لار ایچینده
قارداش سنون جسمیوه اوخ ویردولار

ای تابوت ایچره پیکری اوخلانان
ایله دیلر عمرون گلشنین تالان
باغبان الدی خار اَیلَندی گلشنه
آلدی بلبلین یرین خار و خزان

دوندی قارداش حسن قلبیم کبابه
پرده ظلمت قوندی آفتابه
صفحه دنیا اولدی ظلمت کده
مانند تیره شب لر شیخ و شابه

سندن صورا تا عمروم وار آغلارام
چاک ایلیوب هی سینمی داغلارام
سنسیز دنیانی بزم یاس ساخلارام
اوخشارام آغلارام قاره باغلارام

الده "امینی"وار بحرالبکاسی
یردن اوج ایلور عرشه آه و واسی
مدح و مرثیه یازماقدان منظوری
اوّل ایستور اولسون الله رضاسی

  • جمعه
  • 22
  • مرداد
  • 1400
  • ساعت
  • 17:11
  • نوشته شده توسط
  • یوسف اکبری
ادامه مطلب
فروشگاه پرچم
حاج رسول امینیان امینی خویی

احوالات امام حسن مجتبی(ع) -(گل ای باجی قان لخته لرین سیل دوداقیمدان) *حاج رسول امینیان امینی خویی

230

احوالات امام حسن مجتبی(ع) -(گل ای باجی قان لخته لرین سیل دوداقیمدان) گل ای باجی قان لخته لرین سیل دوداقیمدان
دقتله باخ احوالیمی سن بیل دوداقیمدان
قلبیم آلشیر شعله چیخور جان جگریمدن
یاندیم توکولور قان باجی بو دیل دوداقیمدان

هی لخته لنور هی توکولور قان جگریمدن
افلاکه چیخور ناله و افغان جگریمدن
بیر طشت مهیا ایله زینب الورم من
یوخ طاقتیم الان چیخوری جان جگریمدن

زهرین اثری اوخ کیمی دگدی اورگیمدن
یاردی سینمه می رد اولور الان کورگیمدن
هر نه چکورم اوز عیالیمدان چکورم من
بیر ضربه ویریب جُده منیم شاه رگیمدن

دور گل باشیم اوستونده اوتور قوی تاپوم آرام
قارداشیم اویانسا اونی کیم ایلیجاق رام
منسیط اونا غم غصه فراوان اولاجاقدور
هجریمده یانیب آغلیاجاقدور سحر آخشام

هجریمده یانیب دائمی قان آغلیاجاقدور
زینب باخاجاقدور سمه دل داغلیاجاقدور
آخر بو جماعت اونا شورا قوراجاقدور
یوز هر هایانا قویسا یولین باغلیاجاقدور

دشمن لر اونین حقین الیندن آلاجاقلار
جبراً یولا بیر آیری دیاره سالاجاقدور
باشوندا سنونده اولاجاق اوندا قیامت
بیرگون اولاجاق دوره وی لشگر آلاجاقلار

قدرت که گیچوب ایندی معاویه پلیده
تقدیم ایده جاقدور بولورم اوغلی یزیده
عمالی یزیدینده بد عادت یاتاجاقدور
امنیت جان قالمیاجاق آل علی ده

دوران دولانیب گلدی حسینین او زمانی
عمالی یزیدین هامی سی دشمن جانی
اودلاندی خیام علوی قوپدی قیامت
تپراقلارا القصه توکوب خون خدانی

یازدیقجا "امینی" بو اسفلی جریانی
عرشه اوجالور دلدن اونین آه و فغانی
اوز دردینی اربابینه راحت دیه بلکه
الدن ولی قویمور یره هیچ بحر بکانی

  • یکشنبه
  • 24
  • مرداد
  • 1400
  • ساعت
  • 10:48
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

شهادت امام حسن مجتبی(ع) -(آچ گوزون ای زینب آماندور باجی) *حاج رسول امینیان امینی خویی

247

شهادت امام حسن مجتبی(ع) -(آچ گوزون ای زینب آماندور باجی) آچ گوزون ای زینب آماندور باجی
قارداشیوین حالی یاماندور باجی
زهر اثریندن جگریم دوغرانور
طشتی گتور قانی جالاندور باجی
دل دوداقیم قرمزی قان دور باجی

روشن اولوبدور منه بو مسئله
دور گل اوزون طشتی مهیا ایله
قان جگریمدن باجی دونموش سیله
ایندی دوداقیمده رواندور باجی
دل دوداقیم قرمزی قان دور باجی

بولدوگین ایتدی منه چرخ جفا
گورمدیم هیچ دهرده صلح و صفا
دردیمه بوندان بیله اولماز دوا
اودلانورام گور نه زماندور باجی
دل دوداقیم قرمزی قان دور باجی

ساودی معاویه باشیندان منی
قویمادی قالسین منه بیر ایمنی
خِبره باجیم ایلورم آگه سنی
بو سوزی قارداشیمه آندور باجی
دل دوداقیم قرمزی قان دور باجی

جُده نی آلاتدی بیر آیری عدو
وردی منه کوزه ده بیر شربه سو
منله اجل پیکین ایدوب روبرو
رنگیمه باخ حالیم عیاندور باجی
دل دوداقیم قرمزی قان دور باجی

ور خبر احوالمی قارداشیمه
جده منیم گتدی بلا باشیمه
قوی دیسین اولاد بنی هاشیمه
ایندی اولاردا نگراندور باجی
دل دوداقیم قرمزی قان دور باجی

سسله حسینیم ده اویانسین باجی
حالیمی گورسین اودا یانسین باجی
صبر ایلسین درده دایانسین باجی
سرور دین شاه جهاندور باجی
دل دوداقیم قرمزی قان دور باجی

عمده وصیت بودی زینب سنه
اهل و عیالیم گلوب آغلار منه
سن باجی سیندیرما اوزون دشمنه
جور و جفا ظلمی کلاندور باجی
دل دوداقیم قرمزی قان دور باجی

نوحه " امینی" دیر آغلار یانار
قاره لباسین گیر آغلار یانار
خون دلین هی دییر آغلار یانار
ایسته دیگی مزد جناندور باجی
دل دوداقیم قرمزی قان دور باجی

  • یکشنبه
  • 24
  • مرداد
  • 1400
  • ساعت
  • 10:53
  • نوشته شده توسط
  • یوسف اکبری
ادامه مطلب
حاج رسول امینیان امینی خویی

مدح و میلادیه امام حسن مجتبی(ع) -(حسن ای نوگل زیبای ولا) *حاج رسول امینیان امینی خویی

408

مدح و میلادیه امام حسن مجتبی(ع) -(حسن ای نوگل زیبای ولا) حسن ای نوگل زیبای ولا
حسن ای شاخهٔ طوبای ولا
گورونن طوریده موسی گوزینه
حسن ای نور تجلای ولا

آدیوین فداسیم حسن جانم
قاپوین گداسیم حسن جانم

حسن ای نور دو چشمان نبی
حسن ای جسم نبی جان نبی
سینه پروردهٔ زهرا و علی
حامی مکتب قرآن نبی

حسن ای حیدر و صفدر بالاسی
حسن ای دخت پیمبر بالاسی
چاتا هیهات کرامتده سنه
طائي نین دیللره ازبر بالاسی

حسن ای محفل دلداریده نور
حسن ای سندن آلیب نورینی طور
سنه آی باخسا آخار آیری یانا
اوتانار گون سنیلن تاپسا حضور

حسن ای مظهر ذات ازلی
حسن ای جمله گوزللر گوزلی
ددی زهرا ننه قربان دلیوه
دیلی شیرین سوزی الحق مزه لی

حسن ای صاحب شأن و درجات
حسن ای احسن و خیر و برکات
آدیوی سسلیروخ امداده گل ای
دل طوفاندا ورن نوحه نجات

حسن ای پادشه جن و بشر
حسن ای پیکری قرآنه سپر
اوزولن ای الی قارداش باجی دان
باری گل ایلمه سن قطع نظر

حسن ای باغ بهشتین ثمری
حسن ای وارلقین آیدین قمری
سنه ظلم ایلدی بیر فتنه سیَر
هله ده زنده دی زهرین اثری

حسن ای ایللری نی باشدان آتان
حسن ای انجمن وصله چاتان
دولانیب چوخدان "امینی" باشیوا
سنون ای خاک بقیع آتدا یاتان

  • یکشنبه
  • 24
  • مرداد
  • 1400
  • ساعت
  • 16:45
  • نوشته شده توسط
  • یوسف اکبری
ادامه مطلب
کربلایی رحیم فیضی اردبیلی

ولادت امام حسن مجتبی(ع) -(گوز آچدی سبط نبی مجتبیٰ بودنیایه) *کربلایی رحیم فیضی اردبیلی

294

ولادت امام حسن مجتبی(ع) -(گوز آچدی سبط نبی مجتبیٰ بودنیایه) گوز آچدی سبط نبی مجتبیٰ بودنیایه
وئروبدی منزل شیر خدایه پیرایه

آدی حَسن قویولوب حُسنی بَس دل‌آرادی
گوزللرین گوزه‌لی، نور عین زهرادی

حسن حسن نه حسن، لالهٔ معطّردی
حسن حسن نه حسن، چون مه منوّردی

او شیر جنگ جمل، جانشین حیدردی
حَسن حَسن نه حَسن، ذات حقّہ مظهردی

یاراتدی خالق یکتا اونی سراسر حُسن
اولوبدی پنج تنه، یک‌تنه برابر حُسن

گلور گوی اهلی یره تا اونی زیارت ائده
باخا حَسن یوزونه حظّ بی نهایت ائده

  • یکشنبه
  • 31
  • مرداد
  • 1400
  • ساعت
  • 10:16
  • نوشته شده توسط
  • یوسف اکبری
ادامه مطلب

ولادت امام حسن مجتبی(ع) -(ای منیم غنچه خندانیم حسن) *حاج شفیع تفاخری

584

ولادت امام حسن مجتبی(ع) -(ای منیم غنچه خندانیم حسن) ای منیم غنچه خندانیم حسن
آغلاما دسته ی ریحانیم حسن
لایلایون چاللام اوغلول
دردیوی آللام اوغول

گلشنیمده گولومون اوّلی سن
گوگرن حاصلیمون اولی سن
دورد گوزل سوگولومون اولی سن
قربان اولسون جانیوا جانیم حسن

سنی الله نئجه زیبا یارادیب
سرو تک قامتی رعنا یارادیب
جلوه ی حسنیده تنها یارادیب
ای دیلیمده آدی عنوانیم حسن

حمد اولا خالق یکتایه اوغول
لطف ائدیب سن کیمی زهرایه اوغول
مریمم، بنذوسن عیسایه اوغول
سن سن حشمت ده سلیمانیم حسن

بنذوسن تازه آچیلمیش گوله سن
اوینا گهواره ده گل بیر دیله سن
دوشه جکسن ائله بیر مشگله سن
آرتاجاق گون بگون افغانیم حسن

توکمه رخساریوه اشک تریوی
بوکرم تِرمهییه من پیکریوی
ئوپرم گوزلریوی لب لریوی
بابامون دینینه قربانیم حسن

بیر گونی قانه بو لبلر بویانار
جگرون زهر جفائیله یانار
داد و فریادیوه زینب اویانار
نیلر اُول دیده سی گریانیم حسن

سنی اُول حالدا گوروب آغلیاجاق
نار غمله جگرین داغلیاجاق
جان وئرنده گوزووی باغلیاجاق
اودی غمدیدۀ دورانیم حسن

ویریلار تختۀ تابوتیوه اوخ
او محن یاندیراجاق زینبی چوخ
دیه جک غملریوون اولچوسی یوخ
وای منیم مهر درخشانیم حسن

بیر گونی اول غمی باشدان آتاجاق
قوم لارون اوسته حسینی یاتاجاق
قتلگاهه گلوب آغلار چاتاجاق
دیه جک : غملی پریشانیم حسن

غمیوه آغلامارام ، غملره باخ
گل اوزن بو یارالی پیکره باخ
زخملی سینه یه باخ حنجره باخ
گور نئجه جان وئریب عطشانیم حسن

  • یکشنبه
  • 31
  • مرداد
  • 1400
  • ساعت
  • 10:18
  • نوشته شده توسط
  • یوسف اکبری
ادامه مطلب

زبانحال امام حسن مجتبی(ع) -(ای مجتبانین قلبینون یاراسی قارداش) *سعدی زمان سیدرضا حسینی

424

زبانحال امام حسن مجتبی(ع) -(ای مجتبانین قلبینون یاراسی قارداش) ای مجتبانین قلبینون یاراسی قارداش
گل تاپدی پایان عمریمون طغراسی قارداش

آز آغلا قویما آغلاسون مظلومه زینب
ای آغلادان دنیانی عاشوراسی قارداش

صبر ایله توکمه گول یوزه قان یاش آز آغلا
سن آغلاسان آغلار بوتون داغ داش آز آغلا
آغلار گوزون قربانیم قارداش آز آغلا
ای خوار اولان کرب و بلاده یاسی قارداش

گورسه سنی گوز یاشلی تاب ائتمز پیمبر
سن آغلاسان آغلار آنام زهرای اطهر
قارداشلاریمدا آغلاسون قویما برادر
آغلار گورنمز گوزلریم عباسی قارداش

عمریم گلوب باشه یتوبدور وقت رحلت
جدّیم ائدوبدور روضۀ رضوانه دعوت
اگلش باشیم اوسته سنه ایلوم وصیّت
کافیدی گر چه بیر گوزوم ایماسی قارداش

مندن صورا ای ماسواللهین پناهی
اطفالیمون دامانون اولسون تکیه گاهی
سولدورماسون گول یوزلرون رنج و دواهی
ای گلشن دینون گلِ زیباسی قارداش

اطفالیمی تک تک سنه قیلّام سفارش
قیل قاسم و عبدالَّهه خاصّه نوازش
کلک مشیّت ایلیوب بیله نگارش
اولسون اولارین غرقِ خون ، اعضاسی قارداش

آل امیّه چوخ منی محزون ائدوبدور
گوز یاشیمی رشگ شط و جیحون ائدوبدور
پرده به پرده باغر یمی پر خون ائدوبدور
هند جگر خوار اوغلونون ایذاسی قارداش

من پای منبرده اوتوردوم دیده گریان
سبّ ائتدی منبرده شهِ مردانی مروان
دؤزدوم ، منه چون صبریدی دستور یزدان
من بیکسین یوخ صبرده همتاسی قارداش

دل یاره سی بیر یاره دور یوخدور دواسی
هر گون وورولدی قلبیمه مین دیل یاراسی
تنگ ائتدی دنیانی منه دشمن جفاسی
ایچدوردی آخر سودۀ الماسی قارداش

قان باغلیوبدور غنچه تک دل خار الیندن
قورتولّام ئولسم زحمت اشرار الیندن
قورتولماز امّا قادرِ قهّار الیندن
آل رسولین حشرده اعداسی قارداش

هر خون دل عمریمده بو دؤرِ زمانه
بو داغدیده دلده ائتمیشدی خزانه
قیترماقا زهر جفا اولدی بهانه
ظشته توکولدی قلبیمون کالاسی قارداش

جدّیم یانیندا قویسالار تاپشور مزاره
گر اولسالار مانع آپار اوردان کناره
قویما بنی هاشم آچا ال کار زاره
واردور اولارین موقع دعواسی قارداش

کرب و بلا دشتین سنه مسکن یازوبلار
صحن و رواقون صحنۀ گلشن یازوبلار
امّا منه ویرانه بیر مدفن یازوبلار
مرقوم اولان گون هر کسین طغراسی قارداش

صحنون سنون دائم اولار قارداش چراغان
امّا منیم قبریم قالار تاریک و ویران
نه شمع روشن قبریم اوسته نه نگهبان
سس چکماقا نه بیر کسین یاراسی قارداش

ای محنتی هر نخلۀ آلامه هسته
یثربده تا وارسان ملول و دلشکسته
گل هر شب جمعه منیم سن قبریم اوسته
یاسین اوخی والفجرین ای معناسی قارداش

قیلّام عوض منده گلِ عمرون سولان گون
زهرا آنام قلبی ملالیله دولان گون
شمر ابن ذی الجوشن جفاسیندن اولان گون
کربو بلا صحراسی قان دریاسی قارداش

باشون اولاندا کوفه ده کول اوسته مهمان
جدّیم آتام زهرا آنام من دیده گریان
گلّوق سنه دوتماقلیقا شامِ غریبان
آل عبانین باشلانار شوراسی قارداش

واردور (حسینی) نسبتی بیز خاندانه
قویما فشار دهردن گلسون فغانه
باخ گوشۀ چشمیله سعدیِّ زمانه
قویما اوجالسون آه و واویلاسی قارداش

  • یکشنبه
  • 7
  • شهریور
  • 1400
  • ساعت
  • 16:01
  • نوشته شده توسط
  • یوسف اکبری
ادامه مطلب

زبانحال امام حسن مجتبی(ع) هنگام شهادت -(آچ گوزون بیر دور ایاقه لبلریم دوغراندی زینب) *میرزا احمد سهیلی

215

زبانحال امام حسن مجتبی(ع) هنگام شهادت -(آچ گوزون بیر دور ایاقه لبلریم دوغراندی زینب) آچ گوزون بیر دور ایاقه لبلریم دوغراندی زینب
بو سوئی ایچدیم وجودیم اود دوتوب اودلاندی زینب

بو گیجه فکره خیال حضرت جانانلا یاتدیم
خوابیدن بیدار اولوب دنیانی یکسر گوزدن آتدیم
باشیمه لا جرعه چکدیم زهری بزم وصله چاتدیم
انبیا و اوصیا بو حالیمه حیراندی زینب

بیله جان ویرماق ازلدن مشق اولوبدور اهل عشقه
ترک جان عالمده درس عشق اولوبدور اهل عشقه
عشقده اولماق فنا سر مشق اولوبدور اهل عشقه
بو فنالوق مرده جسمه بیر علاوه جاندی زینب

دور آنام باجی دایانما ویر خبر گلسون حسینیم
جسمیمه بیر تازه جاندور چون او شاه مشرقینیم
گلمسه اودلار یقین آفاقی سوز شور و شینیم
گوزلریم یولدا قالوبدور موسم هجراندی زینب

آچدی ناگه گوزلرین زینب باتوب بحر ملاله
ووردی باشه یولدی زلفین آغلادی گلدی سواله
عرض قیلدی که برادر کیم سنی سالدی بو حاله
اود دوتوب بو حالدن آخر آلیشدی یاندی زینب

ایلدی فرمایش اول شه آز بو قلبون داغلا باجی
آچما باشون یولما زلفون صبر قیل آز آغلا باجی
جان دوداقیمه یتیشدی گل گوزومی باغلا باجی
شاهباز مرگه بو روحیم قوشی اولاندی زینب

بو بلالی باشوون عالمده چوخ چوخدور بلاسی
باشه یتمز کربلاده وار بیر اوزگه ماجراسی
دستگیر غم سنی ایلر او گون بو عشق اساسی
کیم حسین جسمین گوررسن زینت میداندی زینب

آه او گوندن کربلاده زینبون گلزاری سولدی
بلبلان گلشن حق دستگیر دشمن اولدی
دمبدم پیمانه تک خوناب غمدن قلبی دولدی
عاقبت زنجیر ظلمه ظلمیله باغلاندی زینب

دوردی بیر قدری یارالی جسمینه حسرتله باخدی
خون دل جوشه گلوب تا چشمه چشمیندن آخدی
گوتدی قارداش قانینی هم زلف هم رخساره یاخدی
عرض ایدوب قارداش نجه گور مایل جاناندی زینب

آتش ظلمه بو گون بو دشت پر وحشتده یاندیم
هر بلا یوز ویردی دوزدوم هر ستم یتدی دایاندیم
عاقبت منده سنون تک گور نه بو قانه بویاندیم
لطف ایدوب دیندیر باجون بیر آن سنه مهماندی زینب

سنده اول یکدل (سهیلی) دامن مقصوده وور چنگ
عاشق صادق گرک یکرنگ اولا جانانلا یکرنگ
یکدل اولسان هر قدر اولسا گناهون اولما دلتنگ
هول محشردن سنی قورتارماقا عنواندی

  • یکشنبه
  • 7
  • شهریور
  • 1400
  • ساعت
  • 16:04
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(گل بقیعه یاعلی ای تاجدار مجتبی) *مرحوم عباسقلی صابر تبریزی

240

شهادت امام حسن مجتبی(ع) -(گل بقیعه یاعلی ای تاجدار مجتبی) گَل بَقیعه یاعلی ای تاجدارِ مُجتبی
گون قباقینده قالوب پوزقون مزارِ مُجتبی

اِیسته دربار رِبوبیّت دن ای شاهِ نَجف
ذُوالفقار آلسون اَله اوغلون ولیّ متّصف
اِنتقام آلسون منافق لردن اُول کانِ شَرف
قالماسون مَسموم اُورکده آه و زار، مُجتبی

هاردا دور اُولمور نَدن ظاهر اِمامِ مُنتظَر
اِیلمور قَبرِ شَریف مُجتبایه بیر نظر
وار یَقینیم ذُوالفقاره گوز تیکوب قان یاش توکر
یاد اِیدر اولموش خزان جَبراً بهارِ مُجتبی

من نِجه تقریر ایدوم دشمن لرین بو جَبرینی
شیعه نین اَلدن آلوبلار ظلم اَلیله صَبرینی
گون قباقینده قویوبلار دُورت اِمامین قَبرینی
اُول اَئمّه که اولوبلار همجوارِ مُجتبی

آلِ طاهانی اگر چه اَشقیا مَهموم اِیدوب
ظلمیله هر تَک تَکین بیر نَحویله مَغموم اِیدوب
لیک امامِ مُجتبانی چَرخ چُوخ مَظلوم اِیدوب
دُرّ اَشکیله دولوب دائم کنارِ مُجتبی

بس دگولدی گوردی اوز حالِ حیاتینده جفا
اِیتدیلر حال مماتین ده بو ظلمی اَشقیا
هم حَیاتی هم مَماتی اولدی یکسر اِبتلا
دولدی قانیله دلِ دریا مدارِ مُجتبی

مدّت عمرینده بیر گون گُل عذاری گولمدی
آه و والهفا که دردین بیر کس اَصلا بولمدی
حالتِ مرگینده ده عادی ئولومله ئولمدی
عالمه اود ووردی آهِ پرشرارِ مُجتبی

نچّه دَفعه اولدی مَسموم اُول عزیزِ بوتراب
اِیتدی آخِرده ولی زَهرانی جَعده دل کباب
ویردی بیر زَهر اُول شَهه سالدی بِهشته اِنقلاب
سودهء الماسیله گیتدی قرارِ مُجتبی

بولمورم یارَب نه نُوعی زَهریدی اُول زَهرِ کین
قلبی یاندی، سَبز رَنگ اولدی وجودِ نازنین
ال اورکده، دیده گریان، دلده فریاد و اَنین
سسلدی باجی اویان ای غمگسارِ مُجتبی

لبلریم یاندی اویان ای یادگارِ فاطمه
آز قالور دونسون خزانه نو بهارِ فاطمه
وار یری عَرشه اوجالسون آه و زار فاطمه
وای اوغول وای سسلسون جدّ کبارِ مُجتبی

یاتما دور ایله نظر بو قان اولان گوز یاشیمه
بادِ ظلم اسدی گَل گلزارِ آل هاشمه
ویر خبر باجی اَبوالفضل و حسین قارداشیمه
قالماسون یولدا بو چشمِ انتظارِ مُجتبی

آلدی تا قارداش صداسین خوابیدن زینب دوروب
گوردی خورشیدِ اِمامت آز قالور اِیتسون غروب
باش آچوب، گوزیاشینی توکدی، یوزه سیلی ووروب
دُرّ اَشک چِشمینی اِیتدی نِثار، مُجتبی

عرض ایدوب نولموش سنه آغلار گوزون قربانی من
یوخسا زَهرِ کین ویروبلر تازه دن قارداش حسن
قان آخور لَعلِ لبوندن ای آنام اوغلی ندن
زینبی یاندوردی قلبِ داغدارِ مُجتبی

قولّارین آچدی او خورشیدِ خدارت احتجاب
سالدی قارداش بوینونا قول، زینبِ علیا جناب
سسلدی ئولسون باجون ای نورِ چشمِ بُوتراب
اَشکیله اَیسلاندی بو سوزدن عذارِ مُجتبی

بیرده قارداش بوینونا عالمده زینب قول سالوب
ساکنانِ بارگاهِ قدسیدن آرام آلوب
بولمورم کرب و بلا مَظلومی نه حاله قالوب
ناله ده اولدی آناسی جدّی یارِ مُجتبی

سویلدی اولسون باجون قربان بو قان گوز یاشیوه
ایمدی که مهمان گیدورسن مُجتبی قارداشیوه
گَل بو غملر یورقونی زینب دولانسون باشیوه
گیت بویون قربانیم ای یادگارِ مُجتبی

وار قباقدا (صابرا) بیر گون به سانِ لیلِ تار
کائناتین قلبینی اول گون غبارِ غم دوتار
ایسته سن گر دوتماسون قلبون او گون غمدن غبار
قلبیوه قونسون گرک بو گون غبارِ مُجتبی

  • پنج شنبه
  • 11
  • شهریور
  • 1400
  • ساعت
  • 14:07
  • نوشته شده توسط
  • یوسف اکبری
ادامه مطلب

ولادت امام حسن مجتبی(ع) -(مام عَصمَتدن تاپوب فیض وِلادت مجتبی) *استاد محمد علی بلوری

281

ولادت امام حسن مجتبی(ع) -(مام عَصمَتدن تاپوب فیض وِلادت مجتبی) مام عَصمَتدن تاپوب فیض وِلادت مجتبی
بیت زَهرانی اِیدوب دور رَشک جَنّت مجتبی

آچدی ذّات کبریا عالم لره باب کرم
نور وحدّتدن یاراتدی بیر مَقام محترم
محفل عشق و ولاده قویدی دنیایه قدم
ایلدی اُول محفلی کانون عزّت مجتبی

ایلیوب دور نور حقّ بیت ولایتدن ظهور
خاک درگاهی اولوبدور توتیای چشم حور
شهر پیغمبر سراسر غرق نور و وجد و شور
خلق ایدوب دور یر یوزونده اوزگه حالت مجتبی

آلدی خورشید جهان نور جمال یندن ضیا
تاپدی قرص ماه گردون فیض حسنیندن جلا
پایه ی عزّتده اولدی یر یوزی رَشک سَما
مُلک دنیایه ویروب گور نه شَرافت مجتبی

عطر گیسوسی جهانه نَشر اِیدوب عطر سمن
نکهت جانبخش وحدّتدن دولوب صَحن چمن
هر گله بلبل دیردی مژده که گلدی حسن
گلشن و گلزاری ایتدی باطراوت مجتبی

قویدی دنیایه قدم بَند دل طاها بو گون
باغلادی تکریم ینه بِل موسی و عیسی بو گون
اولدی دنیایه مباهی حضرت زهرا بو گون
تا ویروب دور سینهء زهرایه زینت مجتبی

آلدی آغوشه آناسی فاطمه دُردانه سین
ایتدی نور مَشعل جان گوهر دُردانه سین
ایتدی نورانی او گوهر فاطمه کاشانه سین
ایلدی مَهد ولانی باب حاجت مجتبی

مَظهر جود علی اولدی بو مه سیمای عشق
اوغلونی آغوشه آلدی دُرّ تک دریای عشق
رمزیله تعلیم ایدوب دل بندینه سودای عشق
تا اولا سوداگر بازار وحدت مجتبی

گوز آچان دَم حَمد ایدوب خلّاقینه اُول مه جبین
باشلیوب تفسیر قرآنه ایدوب تبلیغ دین
حق ایدوب فیض ولادن سرور اهل یقین
اَهل ایمانه اولوب نور هدایت مجتبی

برج عصمتده اولوب بیر نجم رخشان آشکار
تا اولا روشن فروغ یندن جمال روزگار
نور حسنیندن اولوب خورشید عالم شرم سار
سالدی دنیایه او دم تا نور عصمت مجتبی

مقدم یندن غرق اَنعام اولدی ذرّات جهان
دین ایوین آباد ایدوب دور تاپدی شیعه تازه جان
مه بط انوار حق اولدی هامی کون و مکان
عالم امکانه آرتوردی جلالت مجتبی

ماه رحمتدی (بلوری) ماه پر فیض صیام
هر عمل اِجراسینه مین اَجر وار یوم قیام
چنگ وور دامان مولایه بو آی هر صبح و شام
تا ایده شامل سنه اِحسان و رَحمت مجتبی

  • پنج شنبه
  • 11
  • شهریور
  • 1400
  • ساعت
  • 14:17
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(ئولورم یانیمدا اَگلش جگریم یارادی قارداش) *سعدی زمان سیدرضا حسینی

611

شهادت امام حسن مجتبی(ع) -(ئولورم یانیمدا اَگلش جگریم یارادی قارداش) ئولورم یانیمدا اَگلش جگریم یارادی قارداش
منه بو مدینه مَسکن سنه کربلادی قارداش
یِته جاق تمامه صَبریم قالاجاق خَرابه قَبریم
حسنین مزاری پُوزقون قالا گُور رَوادی قارداش

اولاجاق سنون مَزارون بیوک عزّته سزا وار
گله جاقدی دَسته دَسته او گُوزل مَزاره زَوّار
اولاجاق منه نه زائر نه مُجاور و پَرستار
قالاجاقدی توزلی قَبریم اِیشیم آه و وادی قارداش

پوزولان مَزاریم اوُسته گَلن اوُلسا کام آلانماز
یاخونا گلوب اوُپن مز دایانوب دوروب قالانماز
اوزینی مَزاریم اوُسته گُوزی یاشلی بیر سالانماز
گُور او یأسیله او حسرت نِجه غم فَزادی قارداش

سنی یاد اِیدوب گَلن لر قالاجاق یانوندا اِیمن
منیم اوُلسا اِیلده بیر یُول گَلنیم اَگر مُعیّن
دویه جاقلا قَبریم اوُسته گُوره جاقدی جورِ دشمن
یاناجاقدی مَدفن اِیچره حسنین فؤآدی قارداش

گَلن اوُلسا قَبری اوُسته حسنین دَه گاه گاهی
گوزی قُبری مه دوشنده اوُجالار فَغان و آهی
دِیسه دردِ دل دویّه لر کیم اوُلار اونون پناهی
گُور او حَسرت و او ذِلّت قُوناقا رَوادی قارداش

سَنون آلِ هاشم یله اولاجاقدی اِتّفاقون
ووراجاقدی عَرشه طَعنه حَرمون گُوزل رَواقون
گِیجه گون دوز اِیل لّریله اوُلاجاقدی چوخ قُوناقون
هامی عالمین پَناهی او مَتین بنادی قارداش

سنون آلتی گوشه قبرون اولی عَرش تک مُعلّا
گَُلی دَسته دَسته زایِر دیَر اوُردا وا حُسینا
بو جَلالت و بو عِزّت منه قسمت اوُلماز اَمّا
سنون عِزّتون اگر چه مَنه مُدّعادی قارداش

یاتاجاق اَیاقون آتدا سنیله علیَّ اَکبر
اِیده جاق غُبارِ قَبرون گُوزه تُوتیا مَلک لَر
بالاوی اَیاقون آتدا دِیه جاق دیلار گُورن لَر
بو یاتان جَوان اوُغول دی او قُوجا آتادی قارداش

اولاجاق دی نِچّه قارداش سَنون اوُردا هم جِوارون
یاتاجاق دی سینون اوُسته یُوزی قانلو شیر خوارون
اوُدی سرّی آلتی گوشه اوُلاجاق سَنون مَزارون
سنه قَبری ده هم آغوش اِیکی مَه لَقادی قارداش

غمِ غُربت یله گر چه دِلی مه شَراره سالّام
بونا دلخوشام ولیکَن آنامین یانیندا قالّام
بیر عَلیل بوینی یاره بالاوی کَناره آلّام
اِیکی اوُغلی دا یانیم دا گُوزیمه ضیادی قارداش

نِجه کی فَلک دَه طالع اوُلی ماه یله سِتاره
اولاجاق دی قَبرون اوُسته اِیله گُنبد و مِنارَه
ولی بیر نَفر تاپُولماز چَکه قَبریم اوُسته قارَه
اَگر آغلادا بو نسگل آنامی به جادی قارداش

منیم اِیتدی بیر اِیچم سُو جگریمی پاره پاره
سنه سُو تاپولماز اَمّا جگرون چَکر شَراره
سُو دیین ده قان اِیچین ده وورار اَهلِ کینه یاره
بُلورم بنی اُمَیّه نِجه بی حَیادی قارداش

آنامیزا مَهر اولوب دور یِر اوزینده هر نه سُو وار
آدی سُو منیم نَصیبیم دولی زَهر بیر سَبو وار
داخی کیم دیَر جَهاندا بو سُولار دا آبرو وار
اوُد اوُلیدی کاش ازَلدن قُویولان سُو آدی قارداش

بو حسینه اِیلیوب دور اِیکی قارداشی وَصیّت
بیری مُجتَبادی گُوردی وَطنی نده دَردِ غُربت
بیری کربلا چولین ده باشا باش بَدن جَراحت
دِئدی آخرین نَفسده سنه جان فَدادی قارداش

بودی آخرین سوزوم اِی شهِ یَثرب و تَهامه
نَقدر ساقام یتشموب نَفسیم منیم تَمامه
منی بوردا قُوی آپارما شُهدا کیمی خیامه
نَظَرون آپارماق اوُلسا بیوک اِبتلادی قارداش

قورویان سُو جامی اَلده سُو دِیلنده دیده خونبار
بُولوسن منی گُوزتلور خیمونده آلِ اَطهار
گُوره بُلمرم رقیّه سُو دیَر یانار سیزل دار
بو ئولوم او خجلتی مدن منه چوخ رَوادی قارداش

بو وَصیتم ده وار دور بُولوسن بیر اوزگه علّت
هله بُلموری بو حالی بو گروهِ پَست فِطرت
بُوله لر اگر یخلدیم تاپار اَهلِ کُوفه جُرئت
هَله مانعِ جَسارت بو یاتان لوادی قارداش

او زَماندا تاپدی خدمت قزلیم عیّاری کامل
که اِیکی قُولوم کَسیلدی دِیشیم اولدی مَشگه حامل
او قَدر او مَشگه خاطر منه اوخ ورووب اَرازِل
بدنیم گورورسن اوخدان پَر آچان همادی قارداش

بو سوزونده وار (حسینی) نه فُنونِ شاعرانه
نه صَنایعِ بَدیعی نه رِموزِ ماهرانه
صِله مُجتبادن اِیسته اِیله بو سوزی بَهانه
ئولورم یانیم دا اَگلش جگرم یارادی قارداش

  • یکشنبه
  • 28
  • شهریور
  • 1400
  • ساعت
  • 17:12
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(بو سودان سن ایچمه قارداش بو سو قسمت دور منه) *مرحوم حسن عاصی تبریزی

451

شهادت امام حسن مجتبی(ع) -(بو سودان سن ایچمه قارداش بو سو قسمت دور منه) بو سُودان سن اِیچمه قارداش بو سُو قسمت دور منه
شمر دون خنجر دَمنده ساخلیوب دور سُو سنه

اِیچمیشم من بو سُودان اَحشا و اَکبادیم یانار
سن منه باخما حسینیم اولما بی صبر و قرار
اِیستسن بیر سوئیله اولسون اِیکی دل داغدار
بیر مُصیبت چوخدی زِینب تک بلاکش بیر زنه

بیر سُو اِیچدیم اُود دوتوب اُودلاندی جانیم مو بمو
قویمادی قارداش بو سُو قالسون سُولاردا آبرو
نه یوزیله جان وِئرن وقته سنه باخسون بو سُو
اولماسون بیر بیله سو قارداش گوروم قسمت سنه

سُوزشِ قلبیم دُوداقی مده اِئدوب اِیله بُروز
آشکارا دور اؤرکده واردی نه اَندازه سُوز
سن بئله سُو اِیستمه اوُچ گونلریله قال سُوسُوز
تشنه لب جان بَذل اِیله دینِ خدای ذُوالمنه

گُورموسن بیر سُو سالوب نه زَحمته قارداشیوی
باخ منیم اَحوالیمه یان آغلا تُوک گوز یاشیوی
شمردَن سُو اِیستمه قوی کَسسون عَطشان باشیوی
بیر سُودان اؤتری دل آچما زادهء ذِی الجُوشنه

بو همان ساعتدی که جدّیم او فَخرِ کَائنات
اِئتدی فرمایش اوزی مخدوم کُلِّ مُمکنات
سبز اولور اوغلوم حسن رَنگ رُخی حِین مَمّات
دوندرَر زَهر جَفا رَنگِ جَمالین سُوسَنه

گر چه بو حالیم سنه قارداش حسین نسگلدی چوخ
لِیک صَبر اِیله هَله جسمّده زخم تیر یوخ
نِیله سن وورسا عدو تابوت اِیچینده یِتمیش اوخ
اوُندا سن قویما اَبُوالفضلیم اَل آچسُون دشمنه

ظلمده بولَّم ائِله طُغیان اِئرد قومِ دَنی
قویماز آخر دَفن اولام جدّیم جِوارینده منی
دِین مه صَبر اِئت حقّیمه وِئرّم قسم قارداش سنی
جسمّی دَفن اِئتماقا قِیتَر بیر اؤزگه مَدفَنه

من حسین ئولّم دوتار بُو آلِ هاشم یاسمی
قویما چوخ فریاده گَلسون آغلاسون عَباسیمی
جان کیمی آغوشه چَک عبدالله یله قاسمی
سن بُولورسن هر اِیکیسی مهجهء دل دور منه

گر چه من بیر دستِ بی دادین بو گُون مَسمومیم
خانمانیم دَه اؤزوم اؤز اَهلی مون مَظلومیم
بیر گُونون وار دور سنون من اوُل گُونون مَغمومیّم
وار یِری آخسا بو حالیمده سِرشگیم دامَنه

بیر نفر اوُلماز ئولنده سن گُوزیوی باغلاسون
شمر قویماز زِینب مَظلومه سینه داغلاسون
باشون اوُسته باش آچوب بیر جه دُویون جا آغلاسون
نَعشون اَطرافنده گَلسون اَهلِ بِیتون شیونه

سندَن اَل چَکمز جَفادن سانما ظلم اَهلی دویار
باشوی عَطشان کَسر حتی لباسونده سُویار
کهنه بیر پیراهن اوُسته پِیکرون عُریان قویار
من، آنام، جدّیم، آتام یانّوق هَمان پیراهنه

(عاصیا) دین الهینی همیشه دُوت عزیز
وِئر هر اَعَمالونده حقّ و باطله دَلدن تمیز
تابعِ حقّ اول وَلو دوغرانسا جسمون ریز ریز
چَنگ وورما هئچ بیر اِیشدن اؤتری باطل دامنه

  • یکشنبه
  • 28
  • شهریور
  • 1400
  • ساعت
  • 17:19
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(جگریم زهر جفائیله منیم یاندی باجی) *مرحوم حسن عاصی تبریزی

308

شهادت امام حسن مجتبی(ع) -(جگریم زهر جفائیله منیم یاندی باجی) جگریم زَهر جَفائیله منیم یاندی باجی
گوزون آچ بیرجه اویان لبلریم اوُدلاندی باجی

قیل نظر اِی باجی بو قانه دونن گُوز یاشیما
دور خبر اِیله گیلن، کانِ وَفا قارداشیما
هامی اوُلاد علی جمع اولا آخِر باشیما
موسمِ وَصل گیچوب موقع هجراندی باجی

بو نئجه زَهر دور آخر منی بو حاله سالوب
طاقت و صَبریمی بو زَهر جفا اَلدن آلوب
آچ گوزون باخ یوزومه گور نِجه گُل تک سارالوب
بُولموسن حالیمی سن، جسمیم اَلولاندی باجی

باجی زینب گُوزون آچ دیدهء گریانیمی گور
آه و فریادیمی، بو ناله و اَفغانیمی گور
سارالان رَنگیمه باخ حالِ پریشانیمی گور
سرّی وار گُوزلریم آخِر بِئله گریاندی باجی

اِئله اِیلوبدی اَثر اِی باجی بو زَهر منه
سارالوب سُولدی یوزوم دوندی سُولان یاسَمنّه
گُوئیا فصلِ خَزان دور یتیشوب بیر چمنه
گُل کیمی لَبلریم آخِر اِئله خَنداندی باجی

نیلمیشدیم باجی من جَعدیه مَسموم اِیلدی
منی مَسموم اِیلیوب سیزلری مَغموم اِیلدی
کیمی بو چرخِ دَنی من کیمی مَظلوم اِیلدی
اَهل دِیل اوُلسا منیم حالیمه حِیراندی باجی

بیله تحریر اِیلیوب لُوحهَ باجی کِلکِ قَضا
بولورم ئولدوره جاقدور منی بو زَهرِ جَفا
وِئر خبر دوره می آلسُونلا هامی آلِ عَبا
قارداشون بیر نئچه ساعت سنه مِهماندی باجی

اِئله مدهوش اِیلیوب دور منی اوُل جِلوهء یار
تاپارام اِی باجی بو زَهریله من وَصلِ نِگار
آلِ طاها بولورم درد و مَلالیم دَه یانار
مَقصدیم لِیک منیم مَحضر جاناندی باجی

محنتیمده یِئری وار باجی جگر داغلیه سن
جان وِئرن وَقتیده سن گوزلریمی باغلیه سن
دَگولم راضی ولی باشه ووروب آغلیه سن
نِسگلیم گر چه سنه مُوجبِ اَفغاندی باجی

صَبر قیل تُوکمه بو غم دَه باجی جان گُوز یاشیوی
یُولما زلفون، بو مُصیبت ده سن آچما باشیوی
آغلا او وَقته گُوررسن بو حسین قارداشیوی
قتلگاه اِیچره که اوز قانینه غَلطاندی باجی

راهِ حقّ ده باجی یِتمیش اِیکی قربان وِئره جاق
هم اوزی جُمله هواداری سوسوز جان وِئره جاق
سُو دیوب قاتلی چون سُو یِرینه قان وِئره جاق
یانماز اَحوالی نه، سانماز ئولور عَطشاندی باجی

قُوملار اوُسته قالاجاقدی باجی عُریان بَدنی
کربلانین خَس و خاشاکی اوُلور چون کَفَنی
بیر نفر اوُلماز اونون غُسل وِئروب دَفن اِئدنی
اَهلِ کُوفه گُوره سن آدی مُسلمان دی باجی

(عاصی) یاز نوحه مُدام آغلا اِمام حَسنه
هم بو دنیاده هم عُقباده وِیره لّر حَسنه
باطناً اوُزلری بو نوحه دَه دَم وِئردی سَنه
جگریم زَهر جَفائیله منیم یاندی باجی

  • یکشنبه
  • 28
  • شهریور
  • 1400
  • ساعت
  • 17:29
  • نوشته شده توسط
  • یوسف اکبری
ادامه مطلب

زبانحال حضرت امام حسن مجتبی(ع) -(اِی مُجتبانین قَلبینون یاراسی قارداش) *سعدی زمان سیدرضا حسینی

274

زبانحال حضرت امام حسن مجتبی(ع) -(اِی مُجتبانین قَلبینون یاراسی قارداش) اِی مُجتبانین قَلبینون یاراسی قارداش
گَل تاپدی پایان عُمریمون طُغراسی قارداش
آز آغلا قویما آغلاسون مَظلومه زِینب
اِی آغلادان دنیانی عاشُوراسی قارداش

صَبر اِیله توکَمه گُل یوزه قان یاش آز آغلا
سن آغلاسان آغلار بوتون داغ داش آز آغلا
آغلار گُوزون قُربانیم قارداش آز آغلا
اِی خَوار اوُلان کَرب و بَلاده یاسی قارداش

گُورسه سنی گُوز یاشلی تاب اِئتمز پِیمبر
سن آغلاسان آغلار آنام زَهرای اَطهر
قارداشلاریم دا آغلاسُون قُویما برادر
آغلار گُورن مَز گُوزلریم عَبّاسی قارداش

عُمریم گَلوب باشه یِتوب دور وَقتِ رِحلت
جَدّیم اِئدوب دور رُوضهء رِضوانه دَعوت
اَگلش باشیم اوُسته سنه اِیلوم وَصیّت
کَافیدی گر چه بیر گُوزوم اِیماسی قارداش

مندَن صُورا اِی ماسَواللّه ین پَناهی
اَطفالی مون دامانُون اوُلسون تِکیه گاهی
سُولدورماسون گُل یوزلَرون رَنج و دواهی
اِی گُلشنِ دینون گُلِ زیباسی قارداش

اَطفالیمی تک تک سَنه قیلّام سفارش
قیل قاسم و عَبدالَّهه خاصّه نَوازش
کَلکِ مَشیّت اِیلیوب بِیله نِگارش
اوُلسون اوُلارین غَرقِ خون، اَعضاسی قارداش

آلِ اُمیّه چوخ منی مَحزون اِئدوب دور
گُوز یاشیمی رَشگِ شَط و جِیحون اِئدوب دور
پَرده به پَرده باغریمی پُر خون اِئدوب دور
هِندِ جِگر خَوار اوُغلونون اِیذاسی قارداش

من پای مَنبرده اوُتوردوم دیده گِریان
سَبّ اِئتدی مَنبرده شهِ مَردانی مَروان
دؤزدوم، منه چون صَبریدی دستُورِ یَزدان
من بی کَسین یوخ صَبرده هَمتاسی قارداش

دِل یاره سی بیر یاره دور یُوخ دور دواسی
هر گُون وورولدی قَلبی مه مین دِیل یاراسی
تَنگ اِئتدی دنیانی منه دشمن جَفاسی
اِیچ دوردی آخر سُودهء اَلماسی قارداش

قان باغلیوب دور غُنچه تک دِل خار اَلین دن
قورتولّام ئولَسم زَحمتِ اَشرار اَلیندن
قورتولماز اَمّا قادرِ قَهّار اَلیندن
آلِ رَسولین حَشرده اَعداسی قارداش

هر خون دِل عُمریم ده بو دورِ زَمانه
بو داغدیده دِلده اِئتمیشدی خَزانه
قِیتَرماقا زَهرِ جَفا اوُلدی بَهانه
طَشته توکُولدی قَلبی مُون کالاسی قارداش

جَدّیم یانیندا قُوی سالار تاپشور مَزاره
گر اوُل سالار مانِع آپار اوُردان کَناره
قویما بَنی هاشِم آچا اَل کارِ زارَه
وار دور اوُلارین مُوقعِ دَعواسی قارداش

کَرب و بَلا دَشتین سنه مَسکن یازوبلار
صَحن و رَواقُون صَحنهء گُلشن یازوبلار
اِمّا منه ویرانه بیر مَدفَن یازوبلار
مَرقوم اوُلان گُون هر کسین طُغراسی قارداش

صَحنون سَنون دائم اولار قارداش چِراغان
امّا منیم قَبریم قالار تاریک و ویران
نه شَمعِ روشن قَبریم اوُسته نه نِگهبان
سس چَکماقا نه بیر کسین یاراسی قارداش

اِی مُحنتی هر نَخلهء آلامه هَسته
یَثربده تا وارسان مُلول و دِل شکسته
گَل هر شبِ جُمعه منیم سن قَبریم اوُسته
یاسین اوخی وَالفَجرین اِی مَعناسی قارداش

قیلّام عَوض منده گُلِ عُمرون سُولان گُون
زَهرا آنام قلبی مَلالیله دُولان گُون
شِمر اِبنِ ذِی الجُوشن جَفاسی ندن اوُلان گُون
کَرب و بَلا صَحراسی قان دَریاسی قارداش

باشون اوُلاندا کُوفه دَه کُول اوُسته مِهمان
جَدّیم آتام زَهرا آنام، من دیده گریان
گلّوق سنه دوتماق لیقا شامِ غَریبان
آلِ عَبانین باشلانار شُوراسی قارداش

وار دور (حسینی) نَسبتی بیز خاندانه
قویما فشارِ دَهردن گَلسون فغانه
باخ گوشهء چشمیله (سعدیه زمانه)
قویما اوُجالسون آه و وا وِیلاسی قارداش

  • یکشنبه
  • 28
  • شهریور
  • 1400
  • ساعت
  • 17:36
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(آرام جانیم ای شه بطحا حسینیم) * ناشناس ؟؟؟

254

شهادت امام حسن مجتبی(ع) -(آرام جانیم ای شه بطحا حسینیم) آرام جانیم اِی شَه بَطحا حسینیم
مَسموم اِیدوب قارداشیوی اَعدا حسینیم
قارداش غمینده صبر اِیله قارداش آز آغلا
سن آغلاسان آغلار آنام زهرا حسینیم

بیر عمر اوُلان آفاقیده غم آشناسی
سالدی داخی دلدن منی چرخین جفاسی
بیر بیله درده دوشموشم یوخدور دواسی
قالموب وجودیمده داخی یارا حسینیم

هر تیرِ غم گلدی منی اِیتدی نشانه
دُوز دوم دایاندیم گلمدیم اَصلاً فغانه
آگاه سن یوخ حاجتی شرح و بیانه
نه ظلم لر اِیلوب منه اَعدا حسینیم

هر لحظه قلبیم آتشِ آلامه یاندی
اوُج اِیلیوب آهیم اودی عرشه دایاندی
داغلار کیمی بو سینمه غملَر قالاندی
یوز وِیردی هر دم مُحنت عُظما حسینیم

ای هر مُصیبتده منه یولداش آز آغلا
توکمه عذاره بیر بیله قانیاش آز آغلا
آغلاتما جان اوُسته منی قارداش آز آغلا
اِی گُلشن غمده گُلِ زیبا حسینیم

اِی مُجتانون دَهریده جانِ عزیزی
اوُلما فراق اَیاّمّونون چوخ اَشگریزی
قویما اَبوالفضلیم چِکه شمشیرِ تیزی
غیضه گله اوُل فارِسِ هیجا حسینیم

مانع اولالّار دَفنی مه بو قوم اَعدا
مندن وَصیّت دور سیزه صبر اِیتماق اَمّا
بو اَمره راضی اوُلمارام من قارداش اَصلا
دفنیم دن اوُتری اُولسا گر دَعوا حسینیم

اَشرارِ کینه ظلمه بیر شَورا قورلّار
تیر و کمان اَلده گلوب یکسر دورلّار
کین اوُخلارین تابوتیمه قارداش ورولّار
مَجروح اُولار مَسموم اوُلان اَعضا حسینیم

حقّدَن مُقّدر دور یقین اَهل حقیقت
هر دوریده گورسون گرک دور چوخ مُصیبت
من باشه وِیردیم عهدیمی تاپدیم فراغت
غملر ولی قالدی سنه تنها حسینیم

اوُلموش اَزل گوندن مَشیّت اِقتضاسی
سالسون منی دلدن عَدو زَهرین جفاسی
اَمّا سنون وار باشیوین بی حَد بلاسی
اِیلر او عالَم صبریمی یَغما حسینیم

گر چه منه مَدفن دِگُول جَدّیم جَواری
بیر شهریده واقعدی قَبریم له مَزاری
اَمّا سنه مَدفن اوُلار غُربت دِیاری
بیله ازَلدَن ثَبت اوُلوب طُغرا حسینیم

من گر چه دوزدوم دَهریده چوخ اِبتلایه
اَمّا دوشر باشون سنون بی حَد بلایه
اَمرِ قَضا آخر چَکر کَرب و بَلایه
اوردا قوپار بیر مَحشر کُبرا حسینیم

سانما جَفادن اَهل کَین قارداش دُویالّار
قلبِ جهانی تیر ظلمیله اوُیالّار
صد چاک اوُلان گُل جِسموی عِریان قویالّار
آغلار سنه دنیا و ما فیها حسینیم

(هوشی) بیزه بیر عمر دور نوحه سُرا دور
پَر سُوخته پروانهء شَمعِ عَزا دور
درگاهیوه اُمّیدیله گلمیش گدا دور
لطف اِیله اوُلسون عِزّته دارا حسینیم

  • یکشنبه
  • 28
  • شهریور
  • 1400
  • ساعت
  • 17:39
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(آچ گوزون بیر دور اَیاقه لبلریم دوغراندی زینب) *میرزا احمد سهیلی

244

شهادت امام حسن مجتبی(ع) -(آچ گوزون بیر دور اَیاقه لبلریم دوغراندی زینب) آچ گوزون بیر دور اَیاقه لبلریم دوغراندی زینب
بو سوئی اِیچدیم وجودیم اُود دوتوب اُودلاندی زینب

بو گیجه فکرهِ خیالِ حضرت جانانلا یاتدیم
خوابیدن بیدار اوُلوب دنیانی یکسر گوزدن آتدیم
باشیمه لا جرعه چکدیم زَهری بَزمِ وَصله چاتدیم
اَنبیا و اوُصیا بو حالیمه حِیراندی زینب

بیله جان وِیرماق ازَلدن مشق اوُلوب دور اَهل عشقه
ترک جان عالمده درسِ عشق اوُلوب دور اَهل عشقه
عشقده اولماق فنا سر مشق اولوبدور اهل عشقه
بو فنالوق مُردهَ جسمه بیر علاوه جاندی زینب

دور آنام باجی دایانما وِیر خبر گَلسون حسینیم
جسمی مه بیر تازه جان دور چون او شاهِ مشرقینیم
گلمسه اُودلار یقین آفاقی سوزِ شُور و شینیم
گوزلریم یولدا قالوب دور مُوسمِ هجران دی زینب

آچدی ناگه گوزلرین زینب باتوب بَحرِ مَلاله
ووردی باشه یولدی زلفین آغلادی گلدی سُواله
عرض قیلدی کِی برادر کیم سنی سالدی بو حاله
اُود دوتوب بو حالدن آخر آلیشدی یاندی زینب

اِیلدی فرمایش اوُل شَه آز بو قلبون داغلا باجی
آچما باشون یُولما زلفون صبر قیل آز آغلا باجی
جان دوداقیمه یتیشدی گل گُوزومی باغلا باجی
شاه بازِ مَرگه بو روحیم قُوشی اُولاندی زینب

بو بلالی باشوون عالمده چوخ چوخ دور بلاسی
باشه یتمز کربلاده وار بیر اوزگه ماجراسی
دستگیر غم سنی ایلر او گُون بو عشق اَساسی
کی حسین جسمین گُورَرسن زینَتِ میدان دی زینب

آه او گوندن کربلاده زینبون گلزاری سُولدی
بلبلانِ گلشنِ حقّ دستگیر دشمن اوُلدی
دَمبدَم پیمانه تک خُونابِ غم دَن قلبی دولدی
عاقبت زنجیر ظلمه ظلمیله باغلاندی زینب

دوردی بیر قدری یارالی جسمینه حسرتله باخدی
خونِ دِل جوشه گلوب تا چشمهء چشمین دَن آخدی
گوتدی قارداش قانینی هم زلف هم رُخساره یاخدی
عرض اِیدوب قارداش نجه گُور مایل جانان دی زینب

آتشِ ظلمه بو گُون بو دشتِ پُر وَحشتده یاندیم
هر بلا یوز وِیردی دوزدوم هر ستم یِتدی دایاندیم
عاقبت منده سنون تک گُور نه بو قانه بویاندیم
لطف اِیدوب دَیندیر باجون بیر آن سنه مهمان دی زینب

سنده اوُل یک دِل (سهیلی) دامنِ مَقصوده وور چنگ
عاشق صادق گرک یکرَنگ اولا جانانلا یکرَنگ
یک دِل اوُلسان هر قدر اوُلسا گناهون اوُلما دلتنگ
هُولِ مَحشردَن سنی قورتارماقا عُنوان دی زینب

  • یکشنبه
  • 28
  • شهریور
  • 1400
  • ساعت
  • 17:51
  • نوشته شده توسط
  • یوسف اکبری
ادامه مطلب

میلاد امام حسن مجتبی(ع) -(نصف ماه مبارک رمضان) *سعدی زمان سیدرضا حسینی

296

میلاد امام حسن مجتبی(ع) -(نصف ماه مبارک رمضان) نصفِ ماهِ مبارکِ رمضان
آچیلوب بابِ رَحمت و غُفران
ایلیوب لطف قادرِ مَنّان
یر یوزین رشکِ روضهء رضوان
یَثربین توپراقین خدای جَهان
اِیلدی گُلستانِ باغِ جِنان
اولدی بیر آفتاب تک رَخشان
سَبطِ اوّل اِمامِ کُون و مَکان

ایتدی دنیانی سر بسر گلشن
نورِ چشمِ علی امامِ حسن

قُدرتِ کردگارِ یکتادَن
ایکی عزّ و شَرفلی دریادَن
یعنی صُلبِ علیّ اَعلادَن
صَدفِ پاکِ بَطنِ زَهرادَن
صورته گلدی لفظِ مَعنادَن
دُرِّ توحید کَنزِ طاهادَن
حوریان گلدی خُلد اَعلادَن
فیض یاب اولماقا بو مولادَن

ایتدی دنیانی سر بسر گلشن
نورِ چشمِ علی امامِ حسن

مَه یوزی ابروی هلالی حسن
لبِ لعلی، جمالِ آلی حسن
گُون کیمی نورِ بی مثال حسن
جدّی تک سیرت و کمالی حسن
کرم و بخشش و نَوالی حسن
هامودان مَنطق و مَقالی حسن
خَلق و خُلقی حسن، خصالی حسن
حسن اَندر حسن جَمالی حسن

ایتدی دنیانی سر بسر گُلشن
نورِ چشم علی امام حسن

شمسِ عزّت مَهِ سپهرِ جلال
دُرِ گنجینهء وقار و کمال
محرمِ سرَّ قادرِ متعال
حِلمیده ختمِ اَنبیایه مثال
باغِ شیرِ خدایه تازه نَهال
گُولماقی جدّینی اِیدن خوشحال
یوزه گُوزدن توکنده اشکِ زُلال
آناسین اِیلین پریشان حال

ایتدی دنیانی سر بسر گُلشن
نورِ چشمِ علی امامِ حسن

ابرِ نیسان کفّ سخاوتی دور
قطراتی عداد مِدحتی دور
عقلی حیران قویان جلالتی دور
جدّینون وارثِ فصاحتی دور
صُولتی حیدرین صَلابتی دور
خالقین گنجِ علم و حکمتی دور
شیعه نین وقتِ وَجد و عشرتی دور
حسن ابن علی ولادتی دور

ایتدی دنیانی سر بسر گُلشن
نُورِ چشمِ علی امامِ حسن

خلقتین شاهکاری دور بو گجه
گجه لر افتخاری دور بو گجه
بر طرف دل غباری دور بو گجه
جلوه گر حق نگاری دور بو گجه
هامی بیر مِی خماری دور بو گجه
شبِ میلادِ یاری دور بو گجه
صلواتین بهاری دور بو گجه
بو، (حسینی) شعاری دور بو گجه
ایتدی دنیانی سر بسر گلشن
نورِ چشمِ علی امامِ حسن

  • چهارشنبه
  • 31
  • شهریور
  • 1400
  • ساعت
  • 12:54
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(سو ایوین یخوب اورکین چکوب اوتا یاندروب ایکی قارداشی) *حاج محمد گلشنی

636

شهادت امام حسن مجتبی(ع) -(سو ایوین یخوب اورکین چکوب اوتا یاندروب ایکی قارداشی) سو ایوین یخوب اورکین چکوب اوتا یاندروب ایکی قارداشی
بیری سو ایچوب بیری تاپمیوب سو ایچه دونوب قانا گوزیاشی

ایکسی ده اولدولا سینه سوز بیری نیمه شب بیری نیمه روز
بیری سو ایچوبدی وریبدی جان بیرینین کسوبله باشین سوسوز

بیرینون اثر ایدوب عالمه یوخدان هراسان اوبانماقی
گیجه اوز ایوینده سو ایچماقی دوتوب اود جگرلری یانماقی
گونوزون گوزی بیرینون قانا سو یانندا تشنه بویانماقی
اوزماندان ایمدیه تک بو غم گتیروبدی نالیه داغ داشی

بیرینون سو ایچماقی زینبون اورکین چکوب اودا داغلادی
بیری سو یانندا سوسوز باخوب سویا گوز یاشین یوزه باغلادی
هرایکیسی نه بالا وای دیدی آناسی مزاریده آعلادی
دیه بولمم ایندی ده آغلوری توکوری یوزه گنه گوز یاشی

بیرینون سو جامینی زهریله ایلدی لبالب اوز عورتی
بیرینون یوزینه ایدوبدی سد سو یولینی کوفه جماعتی
قورولوب سو اوسته حسینیله حسنین بساط قیامتی
بیرینون جگرلری دوغرانوب بیرینون کسیلدی سوسوز باشی

بیرینون بهاری خزان اولوب یتیرن کیمی سویا لبلرین
بیرینون سو اوسته بالا سنون اوز آناسی باغلادی اللرین
هر ایکیسینی سو چکوب اوتا قانا دوندروبدی جگرلرین
اولارون سو صحبتینی مدام سالی یاده شیعه لر آغلاشی

حسنین یاناندا جگرلری دوتوب اوز بقیعه یانا یانا
دیدی اود دوتوبدی جگرلریم اوزیوی یتور منه تز آنا
آخوری جگرلریمون قانی ایله لبلریم بویانوب قانا
نفسیم دوشوبدی شماریه یانوب اودلانور اورکیم باشی

توگورم سرشکیمی گویلری یره گل قووشدوررام آنا
لحظات آخر عمرومی اولورم سوشدورورام آنا
قویوب اللریمی اورکیمین باشنا اوغشدورورام آنا
نه جگرلریم قانی قطع اولور کسیلور نده گوزمون یاشی

گل آپار بعقیعه آنا منی که گوزوم عیالیمی گورمسین
باشیم اوسته باشین آچوب باجیم آخان اشگ آلیمی گورمسین
منه سینه داغلاماسین حسین سارالان جمالیمی گورمسین
گل آپار بقیعه آنا منی حسن اوردا دردیله یولاشی

چم آلوب بهار وجودیمی قوری باغ و کویشنه بنزرم
سارالوب سولان کول اولوب یانان، گل و سرو و (گلشنه) بنزرم
یره سن قویان کیمی قویمشام یوزیمی آنا سنه بنزرم
اوزیوی یتور بالادان مگر آنالاردا بیله اوزاقلاشی

  • شنبه
  • 3
  • مهر
  • 1400
  • ساعت
  • 15:08
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(تا خاک لحد بستر وجه الحسن اولدی) * ناشناس ؟؟؟

268

شهادت امام حسن مجتبی(ع) -(تا خاک لحد بستر وجه الحسن اولدی) تا خاک لحد بستر وجه الحسن اولدی
دنیاده حسینون ایشی ای وای حسن اولدی

غم ایلدی من غم زده نی چاک گریبان
عمریمجه سنه آغلارام عمروم سنه قربان

توپراقلارا چکدون یوزون ای ماه درخشان
قویدون منی ظلما مصائبده پریشان
غم اوخلاری سنسیز ایلدی قلبیمی شانشان
بیر سینه ده یوز مین لریله غم اوخی قارداش
بیر جمله ده مین باب مصیبت اوخی قارداش

بیر عمر غریب وطن اولدوخ ایکیمیزده
هر درد و بلایه دوزن اولدوخ ایکیمیزده
هر غمده شریک مهن اولدوخ ایکیمیزده
آخرده اجل گلدی الیمدن سنی آلدی
دنیاده هامی درد و بلا تک منه قالدی

سن قبریده یات راحت و آسوده برادر
قوی قارداشیوی دهریده یالقیز لیه غملر
من ایلمیشم مکتب غم درسینی ازبر
همدم منه جز درد و بلا و محن اولماز
من تک هامی دنیاده مصیبت چکن اولماز

دنیا دیدیقون اهل دله بیت حزن دی
خاصه بو مدینه منه بیر شهر محندی
اما گنه هر طور اولا آخرده وطندی
سنسیز منی قویمازلا قالام اوز وطنیمده
عطرون باری قبروندن آلام اوز وطنیمده

دنیانی گوروم گلشنینون گوللری سولسون
هر غنچه سینون باغری قیزیل قانیله دولسون
سن اول آنام اولسون بابامیز روضه سی اولسون
قوی قارداشون آواره اولوب چوللره دوشسون
نیسگیلری ایللر آراسی دللره دوشسون

گتسم منی گر ایسدسه گوگلون سنه قربان
گل کرب و بلا دشتینه بیر گون منه مهمان
گورسن یارالی تشنه قوم اوسته ویرورم جان
ممکن اولا بیر جرعه گتور سو منه قارداش
سو ایچماغین اولماز او زمان غم سنه قارداش

غم چکمه که بیر گون اولی قدرون بولن اولماز
آیلار دولانارقبریوه کیمسه گلن اولماز
قبرون توزونی توپراقینی بیر سیلن اولماز
گیتسم قیدوب قبریوه گلم وطنیمده
بو شرطیله قارداش قالا باشیم بدنیمده

سندن اوزولنجه الیم ای روح روانیم
عمرومدن اوزیدی الیمی دل شده جانیم
سنسیزهامی دنیاده منیم نام و نشانیم
بیر پیکر صد چاک اولی بیر قانلی بیابان
صد برگ قیزیل گول دیه سن گلشنه خندان

توپراق سنه بستردی سبب نسگله قارداش
باش قویسام اگر بستره ایله گله قارداش
بستر نیه لازمدی نه گلمیش کوله قارداش
بو سوز یرینی بیر گون آلار یانیمه گلسن
سرین بوله سن شام غریبانیمه گلسن

  • شنبه
  • 3
  • مهر
  • 1400
  • ساعت
  • 15:14
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(ایچدیردیله گل زهر عداوت منه قارداش) * ناشناس ؟؟؟

218

شهادت امام حسن مجتبی(ع) -(ایچدیردیله گل زهر عداوت منه قارداش) ایچدیردیله گل زهر عداوت منه قارداش
جان اوسته سن آغلا منه ؛ منده سنه قارداش

سن سویله که مسموم جفا وای حسن ای وای
منده دیوم ایوای سوسوز جان ویرن ای وای

گل باشیمی آل بیرجه دیزون اوسته وفالی
حالیمدن ایدوم تا سنی بو حالده حالی
گور وار نه بلاسی باشیمین باشی بلالی
فورا سچه سن دردیمی ؛ احوالیمه باخسان
حالون پوزولار گر پوزولان حالیمه باخسان

زهر آتشینه گر چه ایچوب بو سوئی یاندیم
اود دوشدی یانان قلبیمه یاندیم یارالاندیم
یاندیم یارالاندیم داخی من جانه دایاندیم
قسمتدی منه زهر ایچوب جانه دایانماق
اما سنه نهر اوسته سوسوز قانه بویانماق

گل لبلریمه بیرجه یانا یانه نظر سال
مجروح دوداقدا دوزولن قانه نظر سال
لعل لب آرا گوه غلطانه نظر سال
ظاهرده یانان لبلریمه قاندی دوزولموش
معناده منیم مرگیمه عنواندی دوزولموش

مشکل دونه حسرت گیجه میز گوندوزه قارداش
آز قالدی اجل رشته عمری اوزه قارداش
گل بیرده بو صون دمده قویاق یوز یوزه قارداش
اول دم فرقتده گوزل عطرون آلوم من
قول بوینوما سال بوینوا قول بیرده سالوم من

من بیر گلیدیم گتدی بهاریم چمنیمده
گورسندی مین آثار خزان پیرهنیمده
بیر عمر غریب وطن اولدوم وطنیمده
ظاهرده منه ملک مدینه وطن اولدی
باطنده وطن اولمادی بیت الحزن اولدی

دوز گلمدی گردونه گردون حسنیله
من دردیله اولدوم ؛ هامی درد اولدی منیله
اوز عمریمی ویردیم باشا مینلر محنیله
قورتولدوم اوزوم گتماقیمین وقتی آزالدی
نه درد و بلا واردی حسین تک سنه قالدی

دشمن سنه ده من کیمی ظلم علن ایلر
آغلار گوزیوه عالمی بیت الحزن ایلر
قویماز سنی شهرونده جلای وطن ایلر
لابد دوشه سن ئلدن اوزاق داغ داشا قارداش
چوللرده ویررسن گونون عمرون باشا قارداش

غم یولداشیسان حالیم اولوبدور سنه معلوم
من گتملیئم دل یارالی غصه لی مغموم
ای حقی گئدن الدن اولان من کیمی مظلوم
هر حالده قارداش حسنی سچمه اوزوندن
اطفالیمه ایله آتالیق سالما گوزوندن

من دویمادیم آفاقده گل یوزلی لریمدن
ایمدی دوشورم آیری شیرین سوزلی لریمدن
اما نگرانم بو دولی گوزلی لریمدن
مندن صورا قویما دولا چوخ گوزلری قارداش
رافتله یتیش گر اولا هر سوزلری قارداش

اطفال منه گور نه یانا یانه باخوللار
حسرتله سالوب اود بو دل و جانه باخوللار
چگنینده بویونلاری یتیمانه باخوللار
باخدوقجا گوزی یاشلی یتیمانه حسینیم
باغریم دونوری حسرتیله قانه حسینیم

تک تک اولارین قیدینه سن قال آتام اوغلی
مرهم یارالی دللرینه سال آتام اوغلی
بو قاسمی دیندیر اورگین آل آتام اوغلی
باغیمده گل نازدی قویما سولا قاسم
غمگین اولارام قبریده غمگین اولا قاسم

باخمازلا که اطفال یتیمیم قالار آغلار
بی شرم عدو بیرده یانان قلبیمی داغلار
نعشیم یوزینه روضه پیغمبری باغلار
قویمازلا گیده روضه پیغمبره نعشیم
تابوت ده یتمیش اوخ آلار پیکره نعشیم

صبر ایله حسین اولما ایله وقتیده دلگیر
راضی دگلم جنگ اولا ای صاحب تدبیر
قویما چکه عباس او هنگامه ده شمشیر
گر چکسه قلج غزوه خونین اولی قارداش
اوندا حرم جدیمه توهین اولی قارداش

خورشیدین الی مهر درخشانین الینده
دست حسنی هیکل احسانین الینده
سلطان بلا سرور عطشانین الینده
زینبده باخوردی که حسن گوزلری آخدی
حسرتله آخان گوزلری اطفالینه باخدی

یعنی یتیشوب دعوت جانان گیدورم من
دین اوسته ایدوب جانیمی قربان گئدورم من
خلوتگه جانانیمه مهمان گئدورم من
گلدی آرامیزدا بو اجل تفرقه سالدی
بیرده منی گورماق بالالار محشره قالدی

بو حالده بی طاقت اولوب داشدی اوشاقلار
یکباره ویروب سس سسه آغلاشدی اوشاقلار
گوز یاشلی او ساعتده قوجاقلاشدی اوشاقلار
اشگین بالالار خون دله قاتدی او یرده
قاسم هامونی آغلادی آغلاتدی او یرده

یوز دوتدی بنی هاشم او دم شاه حجازه
حمل اولسون حسن نعشی آلوب اوندان اجازه
سوی حرم جدینه حمل اولدی جنازه
یثربده صدا دوشدی حسن ایلدی رحلت
تشییعینه شهر اهلی گلوب ایتدیله شرکت

بیر یاندا حسین قلبینی غم تیری دلردی
بیر سمتیده عباس یوزه اشگین الردی
بیر یاندا یتیمان حسن داده گلردی
مملویدی فریاد و نوائیله مدینه
دولموشدی بوتون وا حسنائیله مدینه

مروان گتوروب ظاهره بیر کینه تازه
یول باغلادی نعش شرف ملک حجازه
گتسون حرم جدینه قویموبلا جنازه
بو وضعی گوروب بیر بیرنه دگدی جماعت
یثربده قیام ایلدی اوضاع قیامت

بو منظره چوخ ایتدی بنی هاشمی دلگیر
گوزلر قیزاروب غیظه گلوب جمله سی چون شیر
عباس علی آلدی اله قبضه شمشیر
غباسی گوروب جوشه گلوب فوج جوانلار
اما نه جوانلار هاموسی جوهر جانلار

بیر یاندا آلوب تیغ اله دیندار جوانلار
بیر سمتیده آماده اولوب دینی دانانلار
ال اوسته او ساعت آلینوب تیر و کمانلار
بیردن قویولوب سخت کمان اوستونه اوخلار
یاغدی او گوزل جان جهان اوستونه اوخلار

پر آچدی هوا اوسته نچه ناوک پران
بالینده لنوب تک تکی سسلردیله قان قان
تابوتده اوخلار گلوب اوخ اوسته ساچیلدی
گل تک بدن وجه حسن گوز گوز آچیلدی
گوردی که حسین شرم یوخ اتباع جفاده
قانلار توکولر گر ایلسه جنگه اراده

  • شنبه
  • 3
  • مهر
  • 1400
  • ساعت
  • 15:31
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(گل گلزار ولا نخل امامت ثمری) *حاج داود صادقی تبریزی

355

شهادت امام حسن مجتبی(ع) -(گل گلزار ولا نخل امامت ثمری) گل گلزار ولا نخل امامت ثمری
اسوه جود و کرم باغ کرامت شجری

نام زیباسی حسن بحر ولایت گهری
سبط طاها گل زهرا نسبا مرتضوی

اشجع الناسیدی البتده سیاستده قوی
شیر میدان شجاعتدی حسن نور جلی
جان پیغمبر و فرزند سلحشور علی
ماه شبهای مدینه نجبانین گوزلی
اونی تائید ائلیوب حی توانا و قدیم
آدی مشهوریدی دللره کریم ابن کریم

جنگ ایده صلح ایده مولادی جلالت واریدی
شه اقلیم هدایتدی امامت واریدی
کربلا شاهینه رهبردی ولایت واریدی
بعضی سوزلر دانیشور مردم نادان و جهول
که ندن صلحی او حالتده حسن ائتدی قبول

او حسن که دو جهان منزلت و شوکتی وار
باغ زهرا گلیدور عزتی وار عصمتی وار
مصلحت بیلدی که صلح ائلیه چون حکمتی وار
مدعی سن نه بیلورسن حسنون قیمتینی
گئت سوروش فاطمه دن رتبه و شخصییتینی

صلح اگر ایلمه سیدی او شه عرش مکین
شیعه نین نسلینی کسمیشدی معاویه یقین
صلحیله حفظ ائلدی مکتبی اول سرور دین
صلحیله خدمت شایان ائلدی قرآنه
قویمادی صدمه یته سوره الرحمانه

گر چه مستغرق دریادی محندور شیعه
پیرو آل عبا حقی دیندور شیعه
تا قیامت ولی مدیون حسندور شیعه
مرتضا اوغلیدی شان و شرف و شوکتی ار
شیعه نون بوینونا الحق آقامون منتی وار

اولماسیدی حسنون صلحی صفاده یوخیدی
خامس شیر دل آل عباده یوخیدی
شهداده یوخیدی کرب و بلا ده یوخیدی
شرف و جاه و مقام شهدا اونداندی
کربلا اولدی اگر کرب و بلا اونداندی

حیله لر ائتدی معاویه او ملعون دنی
حسنون اولدی فزون قلبیده درد و محنی
بی وفا چخدی جماعت داغیلوب انجمنی
صلح تحمیل اولونوب حضرته امضا ایلدی
آل سفیانی او امضائیله رسوا ائلدی

او امامی که ولایت واریدی مهر و مهه
امرا خائن اولوب ائتدی خیانت او شهه
رشوه لر وئردی معاویه سران سپهه
اکثری بیر کیسه سیم و زره دینون ساتدی
تک قویوب فاطمه اوغلون آناسین آغلاتدی

ترک جنگ ایلدی اجبارا او سلطان زمن
گوردی لشگر داغیلوب پوزدی اونی درد و محن
گوتدی قارداشلارینی یثربه تا گلدی حسن
توکولور گوز یاشی رخسارینه چوخ زار و غمین
گجه نین عالمی یوز قویدی بقیعه شه دین

دوشنوب فاطمه نین قبرینه دلخسته و زار
عرض ائدوب من حسنم اولدوم آنا درده دچار
گجه نین عالمی سس وئر بالووا ائتمه فگار
دردمندم بیلوسن درد و بلادن یانورام
چوخ سوزوم وار اورگیمده یانورام اودلانورام
شوقیله عطر دل انگیزیوی من آلدیم آنا
قبرون اوسته ئوزومی حسرتیله سالدیم آنا
بی وفالر منی ترک ایلدی تک قالدیم آنا

بلبل خسته کیمی من گنه گلدیم چمنه
گجه نین عالمی سس ویر باری اوغلون حسنه
خون دل حسرتیله اشگیمه دائم قاتارام
ایچرم زهری آنا عالمی گوزدن آتارام
قویمارام تک قالاسان منده بقیعده یاتارام

مدفنیم خاک بقیعدور یاتارام دلده محن
سنی تک قویماز آنا حشره کیمی اوغلون حسن
مجتبانی بو فلک جبریله مظلوم ائلدی
یاندیروب قلب شریفین اونی مغموم ائلدی

همسر زهر ویروب حضرتی مسموم ائلدی
سویی میل ایلدی زهرین گورونوبدور اثری
پارچالاندی ئورگی طشته توکولدی جگری
گلدی قارداشلاری صبحه کیمی دل داغلادیلار

سس وئروب زینبه هی اشکی یوزه باغلادیلار
وای حسن وای دیدیلر حسرتیله آغلادیلار
قارداشین گوردی همان حالیده دلخسته حسین
حسنون باشینی آلدی دیزی اوستونده حسین

مجتبی باخدی حسینه غمی شدت ایلدی
تاپشیروب قاسمی قارداشینه صحبت ایلدی
دولدوروب گوزلرینی نچه وصیت ایلدی
قیل توجه دئدی قلبیمده اولان احساسه
قاتلیم جعده نی اما دئمیون عباسه

مجتبانین محن و محنتی چوخ آز اوخونار
علتین عرض ایدورم من بو ایشین حکمتی وار
اوزی عاشقدی حسینه او شه نیک تبار
دائما اذن وئرر حسرتیله گوز یاشینا
حسن آغلار ئوزی اللرده ئولن قارداشینا

ئوزی ایستوردی غم و غصه سی پنهان اولسون
تا حسین قارداشینون محنتی عنوان اولسون
یا حسین صوتی چکوب عرشه نمایان اولسون
حسنون قالمادی نعشی قوری یر اوسته عیان
یوخودی قلب شریفینده اونون داغ جوان

ایکی قارداش چوخ عجبدور که بیر اوتدان یاندی
او سو ایچدی اثریندن جگری دوغراندی
بو چوخور یرده یخیلدی اورگی اودلاندی
بیلدی اول دم شه عالم اله مطلب گوردی
نه گوروب سرعتیله مقتله زینب گوردی

(صادقی) ایله امام حسنه عرض ملال
چون کریم النجبادور ائلمه آیری خیال
آناسی فاطمییه آند ویروب حاجتون آل
دردوی عرض ایله شایسته دوا وئرسین آقا
بیر بقیع بیرده سنه کرب و بلا وئرسین آقا

  • شنبه
  • 3
  • مهر
  • 1400
  • ساعت
  • 15:38
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(هر چند هامی ظلمه اولوب صبری حسینون) *سعدی زمان سیدرضا حسینی

386

شهادت امام حسن مجتبی(ع) -(هر چند هامی ظلمه اولوب صبری حسینون) هر چند هامی ظلمه اولوب صبری حسینون
امّا گینه وار صحنی گوزل قبری حسینون

واردور یری سسلنسه بقیعی گورن ایوای
ایوای قالان قبری خرابه حسن ایوای

مسموم جفائیله بو والاگهر اولدی
هم حال حیاتینده یانوب خونجگر اولدی
هم حال مماتینده خدنگه سپر اولدی
هم قبرینه جور و ستم بی شُمَر اولدی
ایوای قالان قبری خرابه حسن ایوای

هر بیر کسه یار اولسا بو دنیاده سعادت
قبری شه لب تشنه نون اولسا اونا قسمت
مدّ نظرینده گورونر روضۀجنّت
سویلر حسنین قبرین ائدن لیک زیارت
ایوای قالان قبری خرابه حسن ایوای

هر کیمسه اونون دوشسه یولی کرب و بلایه
باخسا حرم و زینت ایوان طلایه
شوقیندن آخار اشکی ائدر سجده خدایه
امّا حسنون زائری آغلار بو ندایه
ایوای قالان قبری خرابه حسن ایوای

هر چند حسینون سویولوب جسم طریحی
عریان قویولوب قبره او اعضای جریحی
صحنیندن ائدر اوج گویه نام ملیحی
امّا حسنون واردی نه صحنی نه ضریحی
ایوای قالان قبری خرابه حسن ایوای

اوز لیلۀ دفنی هر امامون بودی مرسوم
قاره چکیلر قبرینه زوّار اولی مهموم
زهرانی ائدر قبر حسن نیسگیلی مغموم
قبرونده اوزون تک دئیر اولدی بالا مظلوم
ایوای قالان قبری خرابه حسن ایوای

زهرانی «حسینی» گتور اللّهه شفیعه
وئرسون ایکی دنیاده مقامات رفیعه
ثبت ائتسون علی دفترینه آدیوی شیعه
گیت اشکیویله یاز بو سوزی خاک بقیعه
ایوای قالان قبری خرابه حسن ایوای

  • شنبه
  • 3
  • مهر
  • 1400
  • ساعت
  • 15:52
  • نوشته شده توسط
  • یوسف اکبری
ادامه مطلب

رحلت حضرت محمد(ص) و شهادت امام حسن مجتبی(ع) -(ایتمروخ عبث نی کیمی نوا وار ایکی بویوک ماجرا بو گون) *مرحوم مولانا یتیم

528

رحلت حضرت محمد(ص) و شهادت امام حسن مجتبی(ع) -(ایتمروخ عبث نی کیمی نوا وار ایکی بویوک ماجرا بو گون) ایتمروخ عبث نی کیمی نوا وار ایکی بویوک ماجرا بو گون
هم رسول اکرم وفاتیدور هم شهید اولوب مجتبی بو گون
ماسوا فغان ایتسه وار یری- جان ویروب ایکی مقتدا بو گون

بیر وجود پاکی که شانینه نازل ایلوب حق فتح آیه سی
خاک مقدمیله اونون صفا تاپدی مطلقا عرش پایه سی
اولمیوب رضا ذات کبریا دوشماقا تراب اوسته سایه سی
حیف اولوبدی تحت ترابیده مختفی او نور هُدی بو گون

بو فنا جهاندان گیدن زمان برگزیده ی کلّ ماخلق
خلقت وجودینی خلق ایدوب خالق ازل خلقه ماسبق
یعنی اشرف خیل انبیا خاتم رسل نور پاک حق
اوز یرینده قویدی خلایقه اون ایکی نفر پیشوا بو گون

اوّلی ولیّ خدا اولوب قید ظلمیله باغلانوب اَلی
زوج فاطمه مهر مصطفی یعنی حضرت مرتضی علی
بعد حجّت حقّ لم یزل مرتضی وصیسی حسن ولی
بیر ایچیم سو ایچدی حیاتینون ختمینه ایدوب اکتفا بو گون

آغلارام اوچومجی وصیسینون حالی گر بیان اولسا برملا
کلّ یوم عاشور فرض اولوب، کلّ ارض اولوب دشت کربلا
نام پاکی مظلوم اُلن حسین تشنه جان ویرن حامل بلا
اوز مصیبتین یاده سالمیوب اول شهه ایدر آه و وا بو گون

عرض ایدر که قارداش حسینیوین جانی قان دوتان لبلره فدا
هانسی بی مروّت بویور سنی ایلیوب بو دردیله مبتلا
پاره پاره دوشموش جگرلرون طشتیده قزل گُلدی گوئیا
شوره گَتدی بلبل کیمی منی نی تک ایلدوقجا نوا بو گون

اوندا که حسینیله مجتبی بزم وحدت ایتمیشدی اختیار
بیر به بیر امامت ودایعین تاپشوروب حسینه او تاجدار
باخدی بیر عنایتله زینبه غم گونی او خاتون غمگسار
گوردی ایلینمز او بی کسون دردلرینه هرگز دوا بو گون

خاصّ بیر توجّه قیلوب او دم لطفیلن او اللهین حجّتی
بُلدی بیر مریضون محالیدور اوزگه بیر دوائیله صحّتی
چون طبیب حاذق بُلور دوا درده مقتضی گویه حکمتی
سویلدی که امر قضایه دور سنده من کیم ویر رضا بو گون

ایتمه چوخ پریشان خیالیوی اول بلای عشقیله ممتحن
آغلاما بیله، توکمه اشک تر مه جماله ایتمه ستاره سن
قتلگهده گورسن حسینیوی جان ویرن زمانینده ایمدیدن
زلفیوی یولوب سیلی وورما سن گُل جماله ای مه لقا بو گون

بیر طرفده گورسن دوشوب یره ایستی قوملار اوستونده پیکری
العطش صداسی گَلور باخور نهر سمتینه قانلی گوزلری
بیر طرف سَنانیله حرمله، بیر طرفده شمر اَلده خنجری
کاش اولا حسینه اولان جفا ای باجی منه آشنا بو گون

  • شنبه
  • 3
  • مهر
  • 1400
  • ساعت
  • 16:17
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(غم یمه کی گون گورمسن باجی گون گوررسن امّا نه هور اولار) *مرحوم عبدالعظيم ذهني زاده

260

شهادت امام حسن مجتبی(ع) -(غم یمه کی گون گورمسن باجی گون گوررسن امّا نه هور اولار) غم یمه کی گون گورمسن باجی گون گوررسن امّا نه هور اولار
چشمه ی جهانتاب نیّره آفتابیوین ضوئی نور اولار
هر یره سالار جلوه سین گونون دشت و کوه اولار رشک طور اولار
مین کلیم عشقی او جلوه دن غشوه ی محبّت یخار باجی

هر خطاب ارنی که ایلیه موسی محبّت ندیمینه
ربّ جلوه ایتمز عتابیلن طور عشقیده اوز کلیمینه
گوسترر جمال جمیلی که وجه دور جمال قدیمینه
بیر باخیشدا یوز مین دل اهلینه مین نگاهه شوق آرتورار باجی

لیک حیف اولا شمس عارضی پرده پرده قاندا کسوف ایدر
چون گل جمالین جفائیله زخمدار سنگ و سیوف ایدر
عاقبت دورار بیر جدا بویی ذکری نام حیّ رئوف ایدر
اوندا اهل ذکره او ذکریله شورش قیامت قوپار باجی

حشر اعظم اولسا هامی چخار پرده ی دل خاک قبریدن
چوخلاری دوشر پرده فکرینه آختارار او گون ساتر بدن
قوپسا بو قیامت آنام باجی عترت خداوند ذوالمنن
پرده دن چخار قیز گلین حرم، پرده ی عذار آختارار باجی

پرده ده بیان ایلرم سوزی قالسا اشک دیدم حجابیده
گرچه چوخ چتین بارش اولماسون یاغدوران دولی بیر سحابیده
خاصّه اودلانان خیمه دن بیر اود دل آلوب قالوب التهابیده
ذکر اولاندا خیمه آلیشماقی اود دوتار هامی دل یانار باجی

هر نه قدر کتمان ایدم غمی عاقبت مصیبت اولور عیان
چون مصیبت آخِر اولور عیان منده واضحین ایلرم بیان
طوره فخر ایدن دشت کربلا بیر گونی اولار بیر محیط قان
بسکه ظلمیله ثارِ ثارِ حق سیل تک او دشته آخار باجی

بیر تلاطم ایلر محیط خون کشتی نجاتیمی غرق ایدر
کشتی نجاتیمی غرق ایدر شرق و غرب خورشیدی فرق ایدر
شرق یثربی غربه دوندرر، غرب شهر شاماتی شرق ایدر
نِی بویی گزر، کلّ عالمه پرتو هدایت سالار باجی

بیر قمر دوشر اول گون آردیجا یوزدن اسگیک اولدوز کناریده
اولدوزی نه بلکه یوزه یاخین رشک بدرلر یوز کناریده
بلکه یوزلرین اولدوزون سایی اشک کوکبی دوز کناریده
بسکه اشک حسرت او یوزلره قطره قطره گوزدن آخار باجی

کشتی نجاتی دیدیم سنه قارداشیم حسین جسمی نازیدور
نی بویی گزن گون حسینیدن بیر کسیک باشین امتیازیدور
زین العابدین او گونه قمر، نجمی بانوان حجازیدور
چخسا سیره بو آی ستاره گون گویده گون آی اولدوز باتار باجی

(ذهنیا) بیله ذهن پستیله همّت بلندین نه نسبتی
اوج مطلع مخترع له بیر فکریدن کمندین نه نسبتی
کشور فصاحت شهیله بیر لال مستمندین نه نسبتی
قارداشی حسن لیک امر ایده انتساب اولونموش یازار باجی

  • شنبه
  • 3
  • مهر
  • 1400
  • ساعت
  • 16:30
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(بی رغبت اولدی تا قفس تنگ کثرته) * محمد عابد

272

شهادت امام حسن مجتبی(ع) -(بی رغبت اولدی تا قفس تنگ کثرته) بی رغبت اولدی تا قفس تنگ کثرته
شاهین کبریا پر آچوب اوج وحدته

اصله تمایل ایلدی اصلُ الا صول خیر
لاحق الوبدی سابقه ی فیض و رحمته

حق نوری اقتضای مشیّتله بیر زمان
تابش ایدوبدی آب و گل آدمیّته

یوخ دیده ی شهودیده گوردی فروغ درک
سالدی حجاب غیب جمال نبوّته

جان جهان سراچه ی ترکیبی ترک ایدوب
تا اولدی جزءِ جوهره اصل مشیّته

تاپدی شکست آینه ی شهر بندتن
اولدی ضمیمه عکس روان اصل صورته

آیرولدی روح کالبد کائناتدن
ایتدی عروج مرتبه ی بی نهایته

سلب قرار اولوب نشئات وجوددن
اوز ویردی اختلال نظامات خلقته

آیات محکمات اولوب نغمه ی عزا
داد ایلدی او محکم و مشهود آیته

دوشدی ندای بانگ رسالت طنیندن
اولدی سکوت فصلی سروش هدایته

تنها نه تک مدینه نی دولدوردی بو خلا
غرق اولدی ماسوا خَلَاءِ درد و حسرته

عالم غریب کلبه سی تک اولدی سوت و کور
باتدی غبار محنته گرد ملالته

مملوّ اولوب خطاب لَعَمرُک مخاطبی
دارالسّرور قدسده بزم ضیافته

غار حرا چراغی خموش اولدی، غرق اولوب
ابر ملالیله جبل النّور ظلمته

غم چولقادی مدینه نی بطحا کیمی تمام
احکام شرع آغلادی صاحب شریعته

روحاً رسول اوج لقایه ایدوب صعود
جسماً یتوردی توده ی غبرانی عزّته

آلدی مدینه توپراقی آغوشه جسمینی
گنجینه اولدی گوهر بحر رسالته

بیر توده خاک جای عجبدی اولوب مکان
ایجاد کائناته اولان سرّ و علّته

مدفون اولان نبیّ هدی، شاه قُل کَفی
دفن ایلین علیّ ولی، میر لافَتی

تنها علی بُلردی او محبوب کردگار
نه ضایعه اولوبدی شریعتده آشکار

تنها علی بُلردی که بو ضایعه ایدوب
قلب هامی عوالم امکانی بی قرار

تنها علی بُلردی که بو سوز جان گداز
ایلوب دل شرایع و احکامی داغدار

تنها علی بُلردی بو بیر گُل خزانینی
جبرام محالیدور ایده عالمده مین بهار

تنها علی بُلردی کیمی قبره تاپشیرور
تنها علی بُلردی کیمه کیمدی سوگوار

وجه اِله وجهه ی دین وجهینی قویوب
نه وجهیله او توپراقا، یوخ شرحه اختیار

روی تمام ماخَلَقَ اللهه آبرو
واحسرتا که تاپدی رخ خاکیده قرار

بیر نفس که قدومی صفابخش خاکیدی
گور عارضیله توپراقا ویردی نه اعتبار

بیر عارضی که منظر سکّان عرشیدی
آئینه تک مکدّر ایدوب تیره گون غبار

بیر یوز که ابر سایه سالوب تا یِتیرمه سون
صدمه اونون طراوتینه مهر تابدار

بیر یوز که تا سپهره دوتوب یوز ایدوب عوض
لطفیله سمت قبله نی خلّاق کردگار

توپراقلارا قویولدی، عجبدور که اولمادی
آشفته دور گنبد وارون کجمدار

قلب علیدن آلدی بو محنت توان و تاب
بی صبر اولوب او صبریده چون کوه استوار

بُلمم که بو قیاسیله نولدی تنوریده
گوردی حسین باشینی خونین و زخمدار

گُل برگ تک عطشدن اولوب خشک لبلری
قانه باتوب عقیق کیمی درّ شاهوار

مشتاق بزم خلوت دل فرط شوقیدن
اولموش باشیله راه محبّتده رهسپار

راس کلیم طور وفاده او جلوه وار
که اوندان ایلوری شجر طور استتار

مرآت حق اگرچه مکدّردی لیک اولور
اوندان جمال حُسن ازل نوری آشکار

دوتقون هلاله بنزوری خاکستر ایچره لیک
حق نوری کونه نشر ایدوری آفتاب وار

دفن نبیّ اکرمیدی قائله نظر
ارشاد حقدن اولدی تداعی بو مختصر

  • شنبه
  • 3
  • مهر
  • 1400
  • ساعت
  • 19:11
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(منیم اولان غم گونونده ای یار ویاوریم زینب) * ناشناس ؟؟؟

566

شهادت امام حسن مجتبی(ع) -(منیم اولان غم گونونده ای یار ویاوریم زینب) منیم اولان غم گونونده ای
یار ویاوریم زینب

هراییمه تز یتیش باجی
یاندی لبلریم زینب

یارویاوریم زینب
یاندی لبلریم زینب

باشون ساغ اولسون باجیم سنون
باشلانیر منیم یاسیم

چاغیر گله قارداشیم حسین
چون یتیم اولور . قاسم

بوغملره دوُز یانونداچون
وار حسین وعباسیم

قاباخدا واردور چتین گونون
غملی خواهریم زینب

یارویاوریم زینب
یاندی لبلریم زینب

نه باش گئدوب نه قولوم دوشوب
نه بدنده وار یاره

نه سودامر اوغلوم اوخلانوب
باغلانا منه چاره

نه آتلار ین دیرناقی ائدر
جسمیمی منیم پاره

اگرچی لب تشنه ام ولی
ساغدی پیکریم زینب

یارویاوریم زینب
یاندی لبلریم زینب

گهی بو گون یادیمه دوشور
ظلم روز عاشورا

گهی دوشور یادیمه اوگون
کوچه ده دوران اعدا

اسنده هی لبلریم دوشور
یادیمه آنام زهرا

دگوب بئله سیلی کوچه ده
دوشدی مادریم زینب

یارویاوریم زینب
یاندی لبلریم زینب

  • جمعه
  • 9
  • مهر
  • 1400
  • ساعت
  • 13:16
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(ویروبلر زهرکین گل گور بو نالانه حسین قارداش) *مرحوم غلامعلی باقری

205

شهادت امام حسن مجتبی(ع) -(ویروبلر زهرکین گل گور بو نالانه حسین قارداش) ویروبلر زهرکین گل گور بونالانه حسین قارداش
شرارظلمیله فلبیم دونوب قانه حسین قارداش
گل ای اولان غم آشناسی
بیردرده دوشدوم یوخ دواسی
.
جفا وجوراعدادن داخی صلب توان اولدی
یانوب قلبیم شرار زهریله چون غنچه قان اولدی
بهارعمرومه باد خزان اسدی خزان اولدی
گوزوم قالدی داخی حسرت گلستانه حسین قارداش
.
اولوب دورچشم پر اشکیم سنون دیداریوه مایل
گل اگلش بیرکناریمده اولوم مقصودیمه نایل
ایدوم بووصلیله دلده اولان اندوهیمی زایل
ایدورچون چرخ دوران توش هجرانه حسین قارداش
.
منی اوزبزمینه جانان حسین قارداش ایدوب دعوت
گرکدور تزگیدم تأخیره یوخ دورالده بیرفرصت
گل اگلش باشیم اوستونده ویروم جانانه جان راحت
اولوبور مرغ روحه تنگ کاشانه حسین قارداش
.
جهاندا رسم دور دردی اولان یولداشی چوخ ایستر
خصوص اولسا محبّت اهلی گر گوز یاشی چوخ ایستر
بولر عالم که قارداش مهربان قارداشی چوخ ایستر
سنون تک گلمیوب قارداش بو دورانه حسین قارداش
.
چتین دور اهل دال دلداریدن گر ال اوزه قارداش
توان وتاب ایدوب ایا م هجرانه دوزه قارداش
بو آخر دمده گل منله قویاق بیر یوزیوزه قارداش
یتوب ایام وصلت چون که پایانه حسین قارداش
.
جفای زهرمنیم الدن قرار وصبریمی آلدی
بلالی زینبیم باشه بومحنت ده قرا سالدی
ستمله قاسم وعبداللهیم قارداش یتیم قالدی
توکللر اشک حسرتله یتیمانه حسین قارداش
.
یانوب احوالیمه آغلا جهانی دل کباب ایله
گوزوندن دم به دم جاری عذاره اشک ناب ایله
یتیم اطفالمون سن اول پرستاری ثواب ایله
بو فعلون خوش گلر خلّاق سبحانه حسین قارداش
.
گرک دورهرگلستانی خزانه چرخ توش ایتسون
بساط عیشینی پوزسون زمانه قاره پوش ایتسون
هامی ذی روحه لازمدی شراب مرگ نوش ایتسون
که قالموب بیرکسه بو دار ویرانه حسین قارداش
.
فقیرو شاه وعالم جاهل وهم عالی ودانی
گرکدور طی ایده هر شخص سالک راه عقبانی
بقاسی یوخدی واضحدور فنادورعالم فانی
فنایه باغلاماز بل شخص فرزانه حسین قارداش
.
سبوی عشقیدن (هوشی) حسین آب حیات ایستر
توکر گوز یاشینی روزحسابه بیربرات ایستر
تابی یوخ یانماقا قارداش جهنّمدن نجات ایستر
اوزون ایله اونا بیرلطف شاهانه حسین قارداش

  • جمعه
  • 9
  • مهر
  • 1400
  • ساعت
  • 13:33
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(قان آغلا گوزوم ماه مدینه حسن ئولدی) * حاج داود بیدق داری

275

شهادت امام حسن مجتبی(ع) -(قان آغلا گوزوم ماه مدینه حسن ئولدی) قان آغلا گوزوم ماه مدینه حسن ئولدی
گون گورمدی غم چکدی غریب وطن ئولدی

قان آغلا کی آغلاربوگجه گویده ملک لر
همناله دی زهرایه بوماتمده فلک لر
مولایه عزاداریدی دریاده سمک لر
گویا هاموسی سسده دی شاه زمن ئولدی

قان آغلاگوزوم شاهد روز ازل ئولدی
هردردی قصیده ولی عمری غزل ئولدی
جودوکرم وحسنیده ضرب المثل ئولدی
زهرا بالاسی دلبر وجه الحسن ئولدی

حیرت یئری واردور حسنه اولمادی چاره
گویلرده ملک یئرده بشر قیلدی نظاره
کوزه سوئی دریا اوره گین سالدی شراره
اودلاندی دل بند دل بوالحسن ئولدی

افسوس اولوب شمع وفا ظلمیله خاموش
صدیقه ی کبرانی ائدیب زاروسیه پوش
دنیانی ائدیب باده ی هجرانه قدح نوش
مستانه الهی یولونی طی ائدن ئولدی

بیر عمرجگرقانی یئدی صاحب عصمت
دیلدن اونی سالدی وطنینده غم غربت
اولدی اونا جان یولداشی دردیله مصیبت
قلبینده بویوک داغ کیمی دردی چکن ئولدی

انصافیدی بیرداغلی جگرزهریله دولسون؟
انصافیدی ظلمیله طراوت گلی سولسون؟
شایسته دی گل زینت باغ وچمن اولسون
اما ستمیله گل حلمی اکن ئولدی

صیداجل اولدی ئوزی صیاد معانی
حمدایلدی جان اوسته خداوند جهانی
قالمیشدی اونا خاطره کوچه جریانی
سالدی یادا زهرانی انیس محن ئولدی

زهرا آدی گلدی یادیما کوفه نی سالدی
مطبخده خانم قانلی باشی سینیه آلدی
سسلندی اوغول گورنه گونه فاطمه قالدی
گوردی باشووی بیرده بو الده ئولن ئولدی

کیم بیلدی روا چولده توکه قانووی اوغلوم
قانیله تیکه بیربیره مژگانووی اوغلوم
تاگوردی گوزوم قانلی بیابانووی اوغلوم
آیا نه گناه اوسته دئدیم بیکفن ئولدی؟

  • جمعه
  • 9
  • مهر
  • 1400
  • ساعت
  • 13:57
  • نوشته شده توسط
  • یوسف اکبری
ادامه مطلب

شهادت امام حسن مجتبی(ع) -(سو ایچدی حسن قتلینه اولدی سبب ئولدی) *مرحوم سیّد حسین کهنمویی

478

شهادت امام حسن مجتبی(ع) -(سو ایچدی حسن قتلینه اولدی سبب ئولدی) سو ایچدی حسن قتلینه اولدی سبب ئولدی
سو ایچمه دی قارداشی حسین تشنه لب ئولدی

مشهوردی بو سوز ، سودی مهریۀ زهرا
محروم اولوب اکثر ذرّیۀ زهرا
قان اولدی بو گون کوکب دُرّیۀ زهرا
ائتدی بو ایشیق گوندوزی بیر تیره شب ئولدی

فرمایش ایدوبدور بو خبرده بیله معصوم
تیغیله ئولوب یا اولاروخ زهریله مسموم
بو گونده امام حسن اولدی ایله مظلوم
سو ایچماقا زهریله اولوب منتخب ئولدی

مقصودینه هند اوغلى یتوب ئوز عملیندن
پول وئردی آلوب جعدہ نین ایمانین الیندن
ئولدورسون امامی دیسون ئولدی اجلیندن
سو میل ایلدی حالی اولوب منقلب ئولدی

قلبینده اودور هر نه وفا واردی هچ ائتدی
سو کوزه سینه سودۀ الماسی گچیتدی
مکریله امام حسنه زهری ایچیتدی
بیر ناکس الینده شه عالی نسب ئولدی

سو ایچدی ولى آرتدی عطش لبلری یاندی
بو واقعه دن عالم حیرتده دایاندی
دل پارچالانوب قانلو دوداقلار یارالاندی
زهر آتشینه قلبی اولوب ملتهب ئولدی

زهرا بالاسی ئولماقینی زهریله بولدی
ال قویدی اورک، باشینه تا قدّی بوکولدی
دوغراندی جگر پاره لری طشته توکولدی
جان اوسته چکوب محنت و رنج و تعب ئولدی

باخ دشمنیله گور نجه ایلردی مدارا
ئوز قاتلینی بولدی نشان وئرمدی اما
بیر باخدی دیدی نیلمیشم من سنه آیا
مسموم ایلدون زهریله ذاتُ الکُرَب ئولدی

قالدى آتاسیز قاسم و عبدالله و احمد
نه پیس لیق ایدوبدور سیزه بو آل محمد
ظالملر اولار آتش دوزخده مخلّد
اول دمده که هر صاحب عیش و طرب ئولدی

شاد اولدی امام حسنه زهر وئرنده
اما پوزولوب زهر اونا تاثیر ایلینده
قورخاردی حسینیله ابوالفضلی گورنده
بولسونله مبادا اودی قتله سبب ئولدی

قالموشدی حسین تک ولی دشمنلر الینده
بیر یالقیز اوغولسوز یارالی لشکر الینده
گوز آچدی گوروب قاتلینی خنجر الینده
فکر ایلوری ضعف ایلدی میر عرب ئولدی

سسلندی منه وئر بیر ایچیم سو یانورام من
آرتور عطشیم ایستیدی گون اوتلانورام من
عرض ایلدی شمر هر نه دیورسن قانیرام من
قوی خلق دیسونلر که حسین تشنه لب ئولدی

سو وئرمرم اصلا سنه قصدیمده دایاندیم
وئر باشوی تئز قورتار ئوزون منده یوباندیم
سسله سو گتور دئ سوسوزومدان بابا یاندیم
اوغلون سوسوز ای ساقی کوثر لقب ئولدی

من سید حسینم ولی شهرتده « ریاضی »
هر گونه قضا و قدر قادره راضی
بیردور نظریمده اودی مستقبل و ماضی
گوردوم که ئولومدن ایلدی کیم هَرَب ، ئولدی

  • جمعه
  • 9
  • مهر
  • 1400
  • ساعت
  • 14:02
  • نوشته شده توسط
  • یوسف اکبری
ادامه مطلب
 عبادی طارمی

امام حسن(ع) -(ای حسن ، ای پسر ، شیرخدا) * عبادی طارمی

39

امام حسن(ع) -(ای حسن ،  ای پسر ،  شیرخدا) ای حسن ، ای پسر ، شیرخدا

گلمیشوخ ،درگهیوه، ایله عطا

چاره قیل، دردیمزه، شاه کرم

وئرحزین قلبیلره صلح وصفا


قارداشون عاشیقیوخ

قاپوون، سائیلی یوخ

شکری وار، بیزده ،آقا

لطفوزون ، شامیلیوخ

ای امام حسن ،وی شه ممتحن

گل باغ نبی دینه آیینه سن

سنسن اهل سخا،بحرجودو وفا

ایله بو هیئتی ،، عازم ،کربلا

دخت نبی دلبریدی مجتبی

شیعه لرین رهبریدی مجتبی

یوخدی بوعالمده نظیری اونون

عشقیده چون حیدریدی مجتبی

  • شنبه
  • 17
  • تیر
  • 1402
  • ساعت
  • 18:15
  • نوشته شده توسط
  • یوسف اکبری
ادامه مطلب
راهنمای علائم موجود در فهرست:
عدد کنار این علامت نشانگر تعداد کاربرانی ست که این مطلب را پسندیده و به دفترچه شعر خود افزوده اند
عدد کنار این علائم نشانگر میزان محبوبیت شعر یا سبک از نظر کاربران می باشد
اشعار ویژه در سایت برای کاربران قابل دسترس نیست و فقط از طریق خرید اپلیکیشن مورد نظر این اشعار در داخل اپلیکیشن اندرویدی قابل رویت خواهند بود
این علامت نشانگر تعداد کلیک یا بازدید این مطلب توسط کاربران در سایت یا اپلیکیشن می باشد