اشعار مخصوص کوفه

ای کوفه لیلر ائدون مروت
داش آتمیون اول یارالی باشه
بسدور اون ایکی دگن جراحت
بیر یاره لی ابتلالی باشه

طغیان ندن ایلیسوز جفاده
آیات اوخوری سر جداده
چوخ یاره دگوبدی کربلاده
بو نیزه ده کی بلالی باشه

بسدور کسیلوب سوسوز قفادن
صبر دل آلوبدی مصطفادن
ظلم ایلمیون دویون جفادن
جسمیله دوشن آرالی باشه

بوباش گتوروب جهانی درده
وار منخسف حالتی قمرده
قان کول گوروسوز چکوبدی پرده
افلاک وفا هلالی باشه

دعوت ایلدوز بونی عراقه
حرمت عجب ایلدوز قوناقه
ظلوموز دایانوبدی نه رواقه
آز ظلم ائدون اول بلالی باشه

زینب نجه گلمز آه و زاره
تؤکمز نئجه خون دل عذاره
وار سجده گهینده تازه یاره
بسدور بو ستم وفالی باشه

بسدور الی جس

• پنج شنبه
• 21
• شهریور
• 1398
• ساعت
• 10:34
• نوشته شده توسط
• علیرضا گودرزی

ای قانلو باشی جدا باشیندا
قرآن اوخویان یارالی قارداش
قرآن سسوه او قانلو باشه
قربان بو باشی بلالی قارداش

ای بیر گجه لیق هلال زینب
سن سیز داغیلوب جلال زینب
گئتمزدی بونا خیال زینب
زینب گوره جاق بو حالی قارداش

کهف آیه سینی سن ایله تقریر
وئر حالت کوفیانه تغییر
منده ائدرم دالونجا تفسیر
تبلیغین اولار کمالی قارداش

قرآن اوخی ای خدایه مظهر
بُلسونله کسیک باشون گورنلر
سن سن گل گلشن پیمبر
بیزلرده اونون عیالی قارداش

قرآن اوخی من دلون فداسی
بلدور ندی ظالمین جزاسی
بلسونله بو کوفه اشقیاسی
ظلمین نه اولار مآلی قارداش

قرآن اوخی ای کلام ناطق
باطل لره کشف قیل حقایق
تا جمله مخالف و موافق
گورسونله بو حق مقالی قا

• پنج شنبه
• 21
• شهریور
• 1398
• ساعت
• 11:07
• نوشته شده توسط
• علیرضا گودرزی

نیزه باشندا باشون گَلموش بیانه قارداش
قرآن تلاوت ایلر قرآنیانه قارداش

سیر جهانه چخموش اوج سِنانه قارداش
سیرینده رهبر اولموش بیر کاروانه قارداش

بیر کارواندا رهبر اهل جهانه قارداش
یتدی دونَن گون آرتا گون تک زواله باشون
گوردوم جداده بنزر بدر کماله باشون
دوتموشدی پرده پرده قانیله هاله باشون
گیتدون کُل اوسته یاتدون دوندی هلاله باشون
بیر گونده چوخ دونَرمیش دور زمانه قارداش

بیر باش که آیت اولسون آیه به آیه نوره
نور رُخیله دونسون صحرا و دشت، طوره
مینلر کلیم عشقی سالسون او طور شوره
انصافیدور او باشی خولی قویا تنوره
مهمان یک شبیدون اول میزبانه قارداش

اللهُ نور- نوری وار ناصینده پیدا
مشکاتی نوک نیزه،

• پنج شنبه
• 21
• شهریور
• 1398
• ساعت
• 11:11
• نوشته شده توسط
• علیرضا گودرزی

قارداش باشون جداده
قرآن تلاوت ایلر
هر یرده اهل کفری
اسلامه دعوت ایلر

دونموش سنان سنانی نورونله نخل طوره
گلِّم یوزوند گورنده بی اختیار شوره
خولی قویوبدی باشون بولدوم گئجه تنوره
گول رنگی گول یوزونده حالون حکایت ایلر

سن نیزده یارالی من ناقه ده پریشان
سن قانیله مزیّن من زارو دیده گریان
دیندیر من غریبی ای خسرو و لب عطشان
باجی اولاندا غمگین قارداش محبت ایلر

تا وار نفس ئولونجه کسمم علاقه سندن
بو یولدا گوز گوتورمه سنده بیر آنی مندن
من سندن اؤتری قارداش آیریلمیشام وطندن
هانسی باجی منیم تک قارداشه خدمت ایلر

هر یانه گئتسه باشون نوک جداده گلَّم
هر بیر قدمده قارداش فریاد و داده گلَّم
گئتسن دالونجا بزم

• پنج شنبه
• 21
• شهریور
• 1398
• ساعت
• 11:23
• نوشته شده توسط
• علیرضا گودرزی

پرتو نور خدا بحر وجود
بنده ی صالح خلاق ودود
سمبل بنده گی و روح سجود
خیمگاه شه دین را چو عمود
گل گلواژه ی هر شعر و سرود
مدح او را نبود حد و حدود
دُر دُردانه ی دریای ادب
مفخر فاطمه و زینت َاب
زینبه ُرتبه ویروب ذات خدا
بو قیزا حضرت طاها دی بابا
بت شکن حیدر صفدردی آتا
اونا زهرای مطهّردی آنا
قارداشی سبط نبی بحر عطا
فخر ایدر زینبه شاه شهدا
کیمده واردور بئله عالی درجات
گوندرون روحینه قرا صلوات
روح ایثار و شرافتدی خانیم
مظهر صبر و صلابتدی خانیم
آیت عفت و عصمتدی خانیم
سمبل عشق و عبادتدی خانیم
باشلارا سایه ی عزتدی خانیم
نه بیزه عالمه نعمتدی خانیم
سسلسه کیم آدین آمـاله چاتار
ایکی دنیاده چوخ اجلاله چاتار
بانی بزم عزا دور بو خانیم
حامی دین خدا دور بو خانیم
شاهد کرب و بلا دور بو خانیم
درگهی باب رجا دور بو خانیم
مشگله چاره گشادور بوخانیم
چاره سیز درده دوادور بوخانیم
چاغیرا کیم اونی فریاده گلر
آند اولا اوز جانینا داده گلر
بیر عنایت منه گر ایتسه خدا
ائدرم سوزلریمون حقین ادا
کوفیه چاتدی قطار اُسرا
باشلاری نیزده فوج شهدا
قولی باغلی یارالی زین العبا
اوغلی قارداشی ئولن باشدا قرا
غرق ماتم دیله یورقون یارالی
دلبریندن هره دوشموش آرالی
کوفه اهلی سر بازاره گلوب
ایتماقا کینه سین اظهاره گلوب
الده داشلار گلن آزاره گلوب
دیه سن خصمیله پیکاره گلوب
بعضی توهین ایده گفتاره گلوب
بعضی ورسون اولارا یاره گلوب
بامیلردن توکولور باشلارا کول
ایاق آلتیندا قالوب غنچه و گول
زینبون باغرینی غم قان ائله دی
داغلانان قلبینی شان شان ائله دی
او دل افکاری پریشان ائله دی
آهینی شعله ی سوزان ائله دی
هاشمی. قدرتین. اعلان ائله دی
نطقه گلدی ائله طوفان ائله دی
اسکوتو سسلدی با صوت جلی
خطبه سین باشلادی مانند علی
دیدی ای کوفه لی لردر عجبم
تانیورسیز منی فخر عربم
دیمورم خلقت خلقه سببم
ولی حیدر قیزییام زین ابم
دخت پیغمبر والا نسبم
مظهر مهر و وفا و ادبم
آسمان شرفون ُاولدوزییام
زینبم ام ابیها قیزییام
منی حق مخزن الا اسرار ائلیوب
سینه می علمیله سرشار ائلیوب
عفت و عصمته معیار ائلیوب
دخت پیغمبره دیلدار ائلیوب
یاور رهبر احرار ائلیوب
آل اطهاره پرستار ائلیوب
حیدر بت شکنون دختری یم
حضرت فاطمنون مظهری یم
آی خانملار سیزه من سروریدیم
غم گونی تک تکوزه یاوریدیم
پری سینمیش لاروزا شهپریدیم
صدف. معرفته گوهریدیم
آسمان شرفه اختریدیم
کوفه ده باشوزا تاج سریدیم
توکوسوز گول یرینه کول باشیما
وروسوز نیزه ده داش قارداشیما
بیلوسوز مظهر تقوادی بو باش
حجت حیّ توانا دی بو باش
زینت جنت الاعلادی بو باش
باعث خلقت دنیادی بو باش
نه سیزه عالمه مولادی بو باش
یوسف حضرت زهرادی بوباش
ندور علت که جسارت ایدیسوز
بو کسوک باشه اهانت ایدسوز
نوه ی ختم رسالتدی بو باش
ثمر شاه ولایتدی بو باش
گُل گُلزار امامتدی بو باش
مظهرعدل و عدالتدی بو باش
شافع. روز قیامتدی بو باش
عالمه نور هدایتدی بو باش
بئلمیسوز گر بیلون ای قوم ظلام
بو باشا بوسه وئروب خیرالانام
ملّتی واقف اسرار ائلدی
حق سوزون مستند اظهار ائلدی
کوفه نون اهلینی هشیار ائلدی
یوخلیان مردمی بیدار ائلدی
ال چالوب شاد اولانی زار ائلدی
باش کسوب قان توکنی خوار ائلدی
نقشه خصمی ائدوب نقش بر آب
بانی ظلمی ائدوب خانه خراب
دیل گوزیلن سن آخوندی غمه باخ
کوفه ده رنج و غم اعظمه باخ
دست زینب ده اوجاپرچمه باخ
او قرا پرچمه باخ ماتمه باخ
سارالان صورته قدّ خمه باخ
اسدالله بالاسی ضیغمه باخ
سویله احسن خانیما صود ویرنه
درس عشقین یولونی اورگدنه

• سه شنبه
• 18
• آذر
• 1399
• ساعت
• 23:44
• نوشته شده توسط
• یوسف اکبری

ای کلام الله ناطق نطقوه قربان حسین
گویلونی آل زینبون بیرده اوخی قرآن حسین

زینبون اولسون فدا قارداش لب عطشانیوه
ام حَسبتَ سسلنن خوش لحنیوه قرانیوه
هم مرام ودینوه هم قـوّه ایمانیوه
حیرته داودی سالموش نطق خوش الحان حسین

سن فراز نیزده عرش اوسته کامه چاتموسان
دین حق اوستونده دنیا ماسوانی آتموسان
واردی کول آثاری یوخسا کول لر اوسته یاتموسان
کول دوتوبدور مه جمالون باغریم اولدی قان حسین

نیزده ای ماه زینب گـوهـر کنز ولا
ای اولان چشم و دِله خاک رُخی چون توتیا
سن دانش گویلوم آچولسون لطفوه جانیم فدا
ظلموده بو قوم کافر ایلوری طغیان حسین

وارتعجِّب اهل کفره بوباشون قرآن اوخور
باش نه باش ساطعدی نوری بویری ایلوبدی طور
حیف اولا قارداش یوزونده واردی آثارتنور
جسم پاکون قالدی چولده بی کفن عریان حسین

بیر نظر قیل زینبه گلمز غمیم قارداش سانا
وارکول آثاری یوزونده دوندرور قلبی قانا
بیر باخوش باخسان بسیمدی قویماسان قلبیم یانا
مونسیم سنسن بو چولده ایت منه احسان حسین

دوتدون عمرونده مقّدم عهدیوی ایمانیوی
اگمدون دونانه باش سندیرمادون پیمانیوی
ظلم الیله کسدیلر باشون توکوبلر قانیوی
قانه باتدون تا آیولسون ملت دوران حسین

سن شهید اولدون بو دینه اهل دین آگاه اولا
عاشق جانان اولان لازمدی خاطر خواه اولا
ظلم ایدن ال لر گرکدی دینیدن کوتاه اولا
سینه وه دوزدون اوخی سر نیزه و پیکان حسین

عشق جانان اوسته جانون دینه قربان ایلدون
عشقـوین انـدازه سـین دنیایه اعلان ایلدون
اولدون امـّا درد دینه لیک درمان ایلدون
قویمادون غاصب لری دینه اولا سلطان حسین

انقلابینده مـرام خـاص وار معلوم دور
ظلم ایدوب هرکیم جهانداحکم اولامحکوم دور
هـر بنا ظلمیله قاخسا عاقبت معدوم دور
سن بنای ظلمی ایتدون تا قالا ویران حسین

دشمن دینون بولوردون وار خیانت پیشه سی
قان ایچه لازمدی گوردون نخل دینون ریشه سی
سنگ ظلمه باخمادون قارداش سنار جان شیشه سی
دین و اسلامی بو قانون ایتدی جاویدان حسین

دینون استقلالینه شش ماهه اصغرویرموسن
اکـبـرون تک نوجوان شبه پیمبر ویرموسن
اوچ جوان قارداش بالاسی دورت برادر ویرموسن
هربیری دین گو لشنونده بیر گل رضوان حسین

بیر گولون واردی دوشر گلزاریده گل رشکینه
قولارین دشمن سالاندا قان قاروشدی اشکینه
نا امید اولدی دگنده اوخ اونون سو مشکینه
باشنی بولمم عدو هاردا ایدوب پنهان حسین

بیر گلون وار نـیزده مـمـتـاز لر ممتازیـدی
هنگ عشقه آلتی آیلیق جان فدا سربازیدی
تشنه لب اوچ شعبه پیکانی امن جانبازیدی
بحر عشق ایچره اولان بیرگوهر رخشان حسین

کفریله سالموش بوکوفه اعلی ظلمت سایه سی
آدلاری مسلم ولی اسلامه خفّت مایه سی
نطقیمیله من یتورّم یوخدی ظلمون پایه سی
خلقه آندورّام مرامون واردی تا امکان حسین

اصل نهضت مذهبی لازمدی من اظهار ایدم
جام جهلین مستنی بوکوفه ده هوشیار ایدم
آتشین گفتاریلن یاتموشلاری بیدار ایدم
باخماسونلارکوفه اهلی زینبم گریان حسین

بنزوری سر نیزیده باشون گوزل بیراختره
سن منای عشقیده قربان اولوبسان اکبره
نوکروزدی (عدلی) قارداش ثبت نام ایت دفتره
اللی ایلدی غملرونده ایلوری افغان حسین

• چهارشنبه
• 17
• دی
• 1399
• ساعت
• 18:39
• نوشته شده توسط
• یوسف اکبری

بحر ادبین گوهر نایابی حسیندی
شهر شرفین،شمس شرف تابی حسیندی
زهرانون عزیز اوغلی بیزیم رهبریمیزدی
بو کون و مکانین فقط اربابی حسیندی

هم اُسوه‌ی شخصیت و عالیّه هدفدی
دُر دانه زهرا پسر شاه نجفدی
آئینه‌ی یزدانیدی،، دریای شرفدی
سیماسی اونون سوره وشّمس و ضحیٰ‌دی
زولفی شب یلدادی،سوزی حرف خدادی

احیاءگر دین نبی، حافظ قرآن
مصباح هُدیٰ، باب نجا، لنگر دوران
پرورده‌ی دامان علی،پیکر ایمان
حیراندی وفاسینده ملائک بو نگارین
اسلامه گوره ترک ایلدی شهر و دیارین

شعریله یازیلماز آغانین جاه و مقامی
قرآن بیزه تعریف ایلیوب شأن امامی
پاینده‌دی تا حشره کیمی،قانلی قیامی
عالملری مبهوت ایلدی راز و نیازی
باران کیمی اوخ یاغدی ولی،قیلدی نمازی

یتمیش ایکی گول وئردی آلوب باغ جنانی
قانیله سووْاردی چمنِ کرب و بلانی
منبر ایلدی خطبه‌سینه نوک جدانی
کهف آیه‌سینی راشلادی سرنیزه‌ده مولا
مبهوت بو صوته اولونوب عرش معلّـیٰ

لعنت گله،نفرین اولا بو دار فنایه
چوخ اولدی جسارت سر شاه شهدایه
زینب نقَدر دوزدی بو دنیاده بلایه
دنیایه گلندن سیخیلوب آغلادی زینب
بِش سیننی اولاندان،یارالار باغلادی زینب

دوندردی یوزون سسلدی ای نامه یازانلار
ای نوک قلمنن آقاما قبر قازانلار
اوّلده بیزه بیعت ائدوب،عهدی پوزانلار
تا وار نفسیز دیلده اورک داغلویاسوز سیز
هِچ گولمسین عالمدهئوزوز،آغلویاسوز سیز

او شمس هدیٰ‌دی گزیری نوک جداده
مشکات شرف سوندی داخی کرببلاده
گئتسه هارا منده گئدرم پای پیاده
من قویمارام عباس اوجادان پرچمی یاتسون
هیهات قویام حشره کیمی قانلاری باتسون

بسدور اوتانین ظلمین اولار حدّ و حسابی
اطفالون الیندن دای آچون بند و طنابی
اصغر باشی سرنیزده،،اؤلدوردی ربابی
گلزاریده هءچ باشرف هئچ شاخه‌نی اگمز
گول درسه‌ده،بیر غنچه‌ی نشکفته‌نی درمز

بیعت ایلدوز سیز نیه میخواره یزیده
شمشیر ندن چکدوز هاموز،شاه وحیده
اولسون قسم ایمانیمه،قرآن مجیده
نفرین ایلدیم سیزلری ای قوم شقاوت
شک ائیلمویون اولدوز هاموز خوش گونه حسرت

اعجاز مسیحا ایلدی نیزه‌ده کی باش
بیر آیه‌ده ائتدی،یزیدین نیّتینی فاش
افسوس اولا هجرانه یانور زینب کول‌باش
دعوت ایلدوز یاریمی ترک وطن ائتدی
نامه یازان افراد آغامی بی کفن ائتدی

• دوشنبه
• 4
• اسفند
• 1399
• ساعت
• 23:18
• نوشته شده توسط
• یوسف اکبری

یتمیش اولدوز سر نیده دولانور گون باشینا
هدف اولدی او گونون باشی عجوزه داشینا
آنینا ضربه دگوبدی گوز آچوبدی قاشینا

تازه قان عطری معطر الیییوب صحرانی
یارالی باش سر نیده اوخویور قرآنی

چاتدیلار کوفیه قول باغلی قوناقلار خسته
کاروان غمه زینبدی او گون سر دسته
عمه سی زینبه،تک تک،بالالار،وابسته

یورولوب ناقه ده قیزلار هاموسی دل داغلی
وارد مجلس اولوبدی اسرا قول باغلی

مجلسون جوین احاطه الیییوب کبروغرور
سویونور زاده ی مرجانه دورور،گه،اوتورور
محفل شومیده برپا اولونوب جشن و سرور

سر،مجلسده کنیزان و امیران اوتوروب
دور و ورده سفرائیله وزیران اوتوروب

جمع حاضرده او گون اهل شماتت چوخودی
هیچ بیرینده اولارین رحم و مروت یوخودی
سوزلری تک تکینون، ایله بیل اوچ پر اوخودی

ئورگی هیچ بیرینون یانموری حتی اوشاقا
ئورگشوب کوفه نون اهلی ویرا طعنه قوناقا

مجلس عامیده،ناگه ،اوجالیبدور فریاد
آچدی نحص آغزینی تا که دانیشا ابن زیاد
ویردی طعنه،اسرا جمعینه،اول بد بنیاد

دیدی الله بو جهاندا،بیزیچون یار اولدی
ئولدی عباس و حسین،خارجی لر خار اولدی

ایشیدیر ابن زیادین سوزونی ناخوش آقا
تبی واردی،دولانور گاهی صولا گاهی ساقا
ناگهان شیرخدانین قیزی دوردی ایاقا

دیدی یوم،نحص دهانین،پسر مرجانه
افترا باغلیوسان ،عترتیلن قرآنه؟؟

یوز دوتوب ابن زیاده نوه ی پیغمبر
دیدی من دختر زهرایم و جان حیدر
گیچدیم عباسیدن اما،سیزه ویرمم معجر

او حسینون آدینی سینه ده قاب ایلمیشم
گوز آچاندان ئوزومی وقف حجاب ایلمیشم

ای زیاد اوغلی ندن توسن ظلمی چاپیسان؟
بیزه توهین الییوب آدیوه عزت تاپیسان؟؟
فکر ایله گور کیمه فخریله منیت ساتیسان

زینبم یاخشی تانی،آینه ی روی علی
وار زبانیمده منیم،قدرت بازوی علی

در خیبر ،هله ده ،خاطری وار ،لولاسی
ئولمویوب بو سورونون،نایبه ی زهراسی
جیردی تل اوسته ابوالفضل سیزون قرطاسی

منده نطقیمله او شخصیتیزی سیندیررام
قولسوز عباس علمین بام دمشقه ویررام

ئوزون آللاتماگیلان ایله مشخص هدفین
اسرانین بو یالان سوزلریلن پوزما صفین
قسم اللهه سنون ذره یوخوندی شرفین

گر اولییدی شرفیز خیمه لری سویمازدیز
آل پیغمبره سیز،خارجی آد قویمازدیز

زینبم ،زین ابم،صاحب اصل و نسبم
منده وار فن بیان،بت شکنم،حق طلبم
طول تاریخیده من فخر زنان عربم

خواهر فضل و ابوالفضل و حسین و حسنم
قوللاریم باغلیدا اولسا گنه من شیرزنم

منه بهتان دیمیشن،قلبیمی گتدون درده
(ما رایت الا جمیلا)دیمیشم بی پرده
مشت محکم ویرارام نطقیمیلن نامرده

منطقیم بیرگونی عالمده جهانی اولاجاق
روضمه حضرت مهدی ئوزی بانی اولاجاق

• سه شنبه
• 28
• اردیبهشت
• 1400
• ساعت
• 12:51
• نوشته شده توسط
• یوسف اکبری

گـــوردولر نوک جدادن صوت الرحمان گلور
سوره ی کهفی اوخور صوت خوش قران گلور

قانلی باش اعجاز ایدوب قـــران تلاوت ایلیور
کوفه شهرین غم دوتوب سبط نبی گور نیلیور
صوت زیبا ریشه ی اعــــــدای کُفری پیلیور
آسمانلاردان یره حور و ملک گریان گلور

یوز دوتوب زینب باخوب بیردن سوسوز قارداشینه
گه باخوردی کفرین اهلـــــــی اللرینده داشینه
وورمیون داش فاطمـــه اوغلی حسینون باشینه
چوخ یارالیدور باشی هر یاره دن بیر قان گلور

باخدی زینب گوردی الله اوچ یاشیندا قیز باخور
باخدوقیجا اشکیلر چون قطره ی باران آخور
سسلیور یاندیم ننه هی اشکــــینی قانه یاخور
آغلیولار قیزلاری چوخ ناله و افغان گلور

اولمادی کرب وبلاده بو بـــــاشا بیر سو ویرن
قالدی عریان پیکری ایستی قوم اوسته بی کفن
باتدی عالم ماتمه قیزلار اولــــوب غرق محن
سبط پیغمبر باشیدور کوفیه مهمان گلور

بو همان باشدور که پیغمبـــــر اوپردی لبلرین
بو همان باشدور کسوبدور ساربان اول اللرین
آت چاپوپلار نعشی اوستونده او نازلی پیکرین
قتلگاهه انبیـــــالر باش آچــــوخ نالان گلور

رحم ایدون آخر بو باش ریحانه دی پیغمبره
مالک یوم جزا عـــــزت ویــرندور محشره
بند قلب فاطمه نــــــور دو عینـدور حیدره
آغلیاندا خیر نسوان لــــرزیه ارکان گلور

من مصیبت دیده یم باری منیم گوگلوم آلون
یاسلیم سیز کول یرینــــه باشیمه معجر سالون
لا اقل داش وورمیون بیر جه بو حالتده قالون
چون سوسوزدور قارداشوم صوت اناالعطشان گلور

نهرون اوسته قارداشوم قولسوز یاتوبدور یالقیزام
دوغرانوبدور اکبریم تک قالمیشام یولداشسیزام
وور میون طعنه داخی بی یاورم قـــارداشسیزام
چون رباب اوز اصغریندن بی خبر نالان گلور

آنـــــــد ویرم کوفده اول زینبین احوالینه
خـــــردا قیزلار یا حسین و یا عمو فریادینه
(پوریـــایم ) دردمندم چات بو نوکر دادینه
قسمت ایلــــه کربلا کی اربعین یولدان گلور

• جمعه
• 18
• تیر
• 1400
• ساعت
• 13:03
• نوشته شده توسط
• یوسف اکبری

اَهل کوفه گوردیلر بیر کاروان غم گلور
زینبِ کُبرا حسینه ساخلیوب ماتم گلور

زادهء مرجانه دن بیر حُکم اولوب عالم یانوب
بو مصیبت ده نه یا لقوز زینبِ کُبری یانوب
قلب هاجَر خاطرِ اِنسیّهء حورا یانوب
زلفینی سارا یولار هم شیونه مریم گلور

بی حیالر اِیتدیلر بیر مجلس عشرت بنا
قوردولار اسباب نَردی ظلمی له اَهل جفا
حکم ایدوب گلسون گرک بو بزمه آل مُصطفی
آه او دَم دن عترتِ پیغمبرِ خاتم گلور

باخدی زینب مجلسه گوردی دوروب بیگانه لر
شمعه یان دوردی اوزون گورجک یانان پروانه لر
سالدی غملی خاطرینه اوزگه بیر غم خانه لر
گزلنوب عورت ایچره گوردی نامحرم گلور

زادهء مرجانه بو اوضاعی دن آلدی خبر
کیم دی بو عورت که عورتلر ایچنده گزلنر
دیدیلر بنت علی دور زینبِ خونین جگر
سرّی وار گوزیاشی گوزدن صورته هر دَم گلور

زینبین آدین ایشیتدی سویلدی گورکیم نِیدوب
شکر اولا خلّاق عالم سیزلری رُسوا ایدوب
زینبین کلاً قرار و طاقتی اَلدن گیدوب
غصّه اُستن غصه پی در پی غم اُستن غم گلور

سویلدی لال اول شقی اولاد پیغمبر بیزوُق
زُهرۀ زَهرا آنام دور زادهء حیدر بیزوُق
جمله اهل کایناته هادی و رهبر بیزوُق
باش آچوب حوّا یانیم جا حضرت مریم گلور

فانی دور دنیا (ثریا) عمریده یوخ اعتبار
چوخ عزیزی عاقبت ناکام ایدوب بو روزگار
بو یولی چوخ طی ایدر عالمده هر خرد و کُبار
کاروان مرگ بیری آخر بیری اقدم گلور

• پنج شنبه
• 18
• شهریور
• 1400
• ساعت
• 19:47
• نوشته شده توسط
• یوسف اکبری

عیالِ شاهِ مردانوخ جماعت
اَسیر آلِ سفیانوخ جماعت

بیله فکر ائتمیون گبر و یَهودوخ
تماماً اَهل قرآنوخ جماعت

او باش که ایلوری قرآن تلاوت
دیور یعنی مسلمانوخ جماعت

عراقه بیزلری سیز دعوت اِئتدوز
گلوب بو شهره مهمانوخ جماعت

اولوب غارت جلال و عزّتی میز
پوزلموش بیر گلستانوخ جماعت

گرفتاروخ بو گون شمرین اَلینده
او دور علت که گریانوخ جماعت

بیزه چوخ باخمیون ای بی حیالر
که بیز پا بند ایمانوخ جماعت

ویرون یِر ایلیاخ بیر اِستراحت
که چوخ زار و پریشانوخ جماعت

سالوب غم لر بیزی تاب و تواندان
ایدون باور که عطشانوخ جماعت

مسلمانه مسلمان ائتمز آزار
اسیر قومِ دونانوخ جماعت

نه دور تقصیرمیز ای بی وفالر
مگر بیز اَهل عصیانوخ جماعت

بی زوخ ای کوفیان آل پیمبر
بو نوعی خانه ویرانوخ جماعت

بو ناخوش حُجت روی زمیندی
باشندا جمعِ نِسوانوخ جماعت

(علومی) سنده هر بیر یِرده اولسان
سویله مداح سلطانوخ جماعت

• پنج شنبه
• 18
• شهریور
• 1400
• ساعت
• 19:56
• نوشته شده توسط
• یوسف اکبری

ای اهل کوفه بیزه ظلم بی شمار ایلدوز
بو جور ظلمی له دنیانی داغدار ایلدوز

دیار کرب و بلاده او قدر قان توکدوز
تمام ظلموزی دنیایه آشکار ایلدوز

همان او کوفه لی سیز قان توکن آدوز قالدی
ئوزوزی حشره کیمی خوار روزگار ایلدوز

آدوز گلنده سیزون خلق نفرت ایلیه جاق
جهاندا دامنوزی گور نه لکه دار ایلدوز

ریاستوزدن اوتور داندوز حُکم قرآنی
بنای دینی یخوب ایله تار مار ایلدوز

نه سوز دیوم سیزه ایتمز اثر او کس لرسوز
پیمبر اوغلونی ئولدوردوز افتخار ایلدوز

نشان ویروم ئوزیمی سیزلره بولون کی کیمم
حقارتیله اگر داخل دیار ایلدوز

منم علی قیزی زینب حسن حسین باجیسی
ندندی خوار گوزیله منه نظار ایلدوز

بو شهر کوفه ده بش ایل آتام خلافت ایدوب
اولاندا مشگلوز اوُل شاهه واگذار ایلدوز

مگر دَگل سوز او کسلر بو شهر کوفیه من
گلنده باشیمه عزّتله گل نثار ایلدوز

منه بو شهرده بی حد حرمتوز اولدی
ملول اولاندا گلوب داده آه و زار ایلدوز

یوخ ایندی اَلده جلالیم سویول موشام بیل دوز
ئوزوزی مندن او دور که بله کنار ایلدوز

جهان خراب اولا بیل دوز ئولوبدی قارداشیم
یوزوزه پرده بی قیدی استتار ایلدوز

عروس باشینه گل سپمِ دوز سوزوم یوخدی
منی عروس دن هر چند شرمسار ایلدوز

حسینمون باشی بیر گون سیزه قوناخ گلدی
او باشی نوک جدا اوُسته سنگ سار ایلدوز

گوروبدی کیم یارالی باشی سنگ سار ایده لر
بو ظلمی له دل زَهرانی داغدار ایلدوز

عجب قوناق یولا سالدوز بو گون ایویز آباد
ایشیق گونی گوزیمه ایله لیل تار ایلدوز

رقیه مون یولی بیر دفعه شهروزه دوشدی
بو نازنین بالانی محنته دچار ایلدوز

پیمبرین نوه سی آغلیاندا کَف چالدوز
نه شرم ایدوب نه رسول خدادن عار ایلدوز

بوله بوله کی ربابون ئولوبدی سود امری
بو زار و بی کسی محنتله اشکبار ایلدوز

قوجاق لاروزدا اوشاق پیشوازه چخ دوز سیز
ئوزوزی سیرِ تماشاده بی وِقار ایلدوز

کتابه معتقد اولساز بیزوق کتاب اهلی
ندن عقیده زی عالم ده انکسار ایلدوز

بنات فاطمه نی ئوز ایویزده آغلات دوز
رسول اکرمی جنّتده بی قرار ایلدوز

ملال (اعظمیدی) بیزلره باخوب گلدوز
ئوزوزی جرگۀ اسلامی دن کنار ایلدوز

• پنج شنبه
• 18
• شهریور
• 1400
• ساعت
• 20:09
• نوشته شده توسط
• یوسف اکبری

نِیزَه باشیندَه حُسینجان اوُخی قرآن یارالی
او گُوزَل نِطقُووَه زِینَب اوُلا قُربان یارالی

مَنده زَهرا قیزیام حَق سُوزی عُنوان اِئدَرم
نُطقِ پُر شُوریمیلَه کُوفه نی وِیران اِئدَرم
دِیَرم سَن دِیَنی ، عالَمی حیران اِئدَرم
قُویمارام تا هَدَر اوُلسوُن بِلَه بیر قان یارالی

نیزه باشینده حُسینیم گورورَم قانون آخار
زِینَبوندَه باشینا تازه آخان قانی یاخار
گُوزلَرون گَه مَنه گَه فُرقهء عُدوانه باخار
داش آتانلار نجه گُور ایلوری طُغیان یارالی

دَف چالانلار سوزی ائتمز بو اِرادمده اثر
ائدرم نیزه دَه قارداش سَرِ پُر شُوره نظر
بَلَشوب دور کُوله باشون نَدن ای قُرصِ قَمَر
هانسی ظالم باشُووی ایلدی مهمان یارالی

دستگیر اولدی اَخا بی صف اَغیاره باجون
فاطمیله دولانوب چوللّری آواره باجون
دردین اظهار ائلیر حضرت داداره باجون
چاره سیز دردیمه تا ایلیه درمان یارالی

• شنبه
• 14
• مرداد
• 1402
• ساعت
• 22:09
• نوشته شده توسط
• یوسف اکبری

نه دلنشینیدی لحن قرائتون یارالی
نه دلنوازیدی صوت تلاوتون یارالی

ندای‌حقدی‌نه‌جان‌بخشدورسسون‌قارداش
صفای قلبدی سبک عبارتون یارالی

بوحسن صوتیله داود آل یاسین سن
گتوردی روحیمی شوره فصاحتون یارالی

عجیبدور قویوب اصحاب کهفی حیرتده
سنون بو غصه لی غملی حکایتون یارالی

فضای عشقی بِکُلّی مسخر ایلموسن
قناد آچوبدی همای سعادتون یارالی

غلام اولور سنه عشق عالمینده یحیالر
بهشت جوانلارینا وار سیادتون یارالی

کلیمی جذب ائلین نورسن تجلاده
دوشوبدی کوفیه نور هدایتون یارالی

آتام آتالیق ائدن ملته اوخی قرآن
جدانون اوسته بولونسون جلالتون یارالی

آیردی خولی سنی بیزدن عصرعاشورا
دیال کوفیه دوشدی اقامتون یارالی

فلک منه باشوون سایه سینده چوخ گوردی
چوخ اولدی غملی باجوندان مسافتون یارالی

یاتان یرینده آنام اوغلی اولما کول واریمیش
پوزولموسان نه پریشاندی حالتون یارالی

باجوندا نصفی یانان خیمه ده صباح ائلیوب
یوروبدی روحینی صحن شهادتون یارالی

گلنده هئچ دئمدون کوفیه قوناق گیدورم
خصوصی اولدی نه علت ضیافتون یارالی

عجب‌یتیشدون‌حسین‌دادیمه‌داریخمیشدوم
همیشه زینبه واردور کرامتون یارالی

اسیروم منه باش چکمسیدین ئولموشدوم
مریض عشقی دیریلتدی عیادتون یارالی

شکسته دل باجوون قلبینی گتوردون اله
اوجاتدی باشیمی لطف وعنایتون یارالی

خیالیدن آتورام غصه می ئورکلنیرم
دوشنده باشیمه ظل حمایتون یارالی

باشوی وئرسه عدو کعبه تک طواف ائدرم
نصیبیم اولموری نیلوم زیارتون یارالی

سنی قوناق چاغور‌انلاردی باشوه داش آتور
گزوی آچماقا یوخدور فراغتون یارالی

شل اولمادی باشوی سنگسار ائدن اللر
باشوندا تازه لنوبدور جراحتون یارالی

همیشه خوار ائلیوبدور بیزی بوکوفه لیلر
صفاسی یوخدی سنه بو ولایتون یارالی

سنیله کوفه نون اهلی نیه عداوت ائدور
سنونکی یوخدی بیریله عداوتون یارالی

یاراوی خشک ائلمور بی وفا مسلمانلار
وفالی راهبه قالدی طبابتون یارالی

باشیمی محمله چالدوم یاریلدی درک ائده لر
باجوندی عاشق بی صبر و طاقتون یارالی

جسارت ایلمرم باغلا یاره می سن ئوزون
یارووی باغلیانا واردی حاجتون یارالی

ولی گلین قیزیوون دیندیر حالینی خبرآل
گیدوب خزانه گل با طراوتون یارالی

توجه ائتمیوسن اکبرون آناسینه
واروندی لیلیدن اولما خجالتون یارالی

رقیه دن نگران اولما نازینی چکورم
یاتوبدی سینه مون اوسته‌امانتون یارالی

▫️◽️◻️⬜️⬜️◻️◽️▫️

جواب حضرت اباعبدالله الحسین (ع)

مناسبیدی حسین نیزه ده ائده گفتار
یورولما قوی باشا یتسون ریاضتون یارالی

ئوزینی قیزلاریم ئولدوردی چاره قیل ئوزوه
یارووی باغلا،گیدر استقامتون یارالی

محاسنیم کیمی غمدن نه تز آغاردی باشون
نه تز خم اولدی فراقیمده قامتون یارالی

باشوی یاردون اولا آشنالره سرمشق
باشوندا چوخ گوزل اولدی علامتون یارالی

باشیم دالیجا گلوب باخما طعن اغیاره
داریخما صبرائله خوشدور نهایتون یارالی

خوش اولدی بزم جفایه یارالی گئتمگیمیز
عجب سفرده خوشیمیش رفاقتون یارالی

یامان گونون آز اولور عمری آغلاما زینب
حضور جدیمه قالسون شکایتون یارالی

همیشه قلبی سنقلار سنق کجاوه مینر
اگرچه واردی روان تخته عادتون یارالی

شکسته دل گرک اولسون شکسته منزلده
روان کجاوه سی اولماز اسارتون یارالی

غم ائتمه مشتری یوخدور بوشهریده سوزووه
سوزوی دئ اولا روشن اصالتون یارالی

باشووا کول توکن اشخاصه ایلمه نفرین
وورولماقا گرک اولسون رضایتون یارالی

گوزوی یوم باشیما داش وورانلارا باخما
مقام غصه ده اولسون شهامتون یارالی

مسیح عشق اولانی دارون اوسته داشلادیلار
رفاهی اولماز اسیر عدالتون یارالی

نه داش نه کول هله من خیزرانه مشتریم
سنونده واردی قاباقدا قیامتون یارالی

ئورکلی گئت باجی ابن زیاد مجلسینه
سخلما خلقه بولونسون شجاعتون یارالی

ائله دانیش ایشیدن سویلسون علی دانشور
ائله دانیش اولا واضح لیاقتون یارالی

ائله دانیش باجی فرض ایله ئولمیوب عباس
دوروب یانوندا او کان رشادتون یارالی

ائله دانیش اولا مغلوب والی کوفه
نه سوز دئسون دئ واروندی وکالتون یارالی

چاغورسا مجلسه جلاد ایلمه پروا
آماندی قویما آزالسون متانتون یارالی

سن آغلاسان بالاجا قیزلاریم ئوزون ایتورر
گلر نوایه پریشان جماعتون یارالی

سو وئرسه کوفه نون اهلی یو قانلی ساچلاروی
آنام بتوله چتیندور بوحالتون یارالی

• دوشنبه
• 16
• مرداد
• 1402
• ساعت
• 22:42
• نوشته شده توسط
• یوسف اکبری

نیزه ده قارداش باشون اوز حقّین اعلان ایلوری
عالی بیر عنوانیله تبلیغِ قرآن ایلوری

لبلرون کهف آیه سین خوش لحنیله ایلور بیان
تا اولا اصلِ حقیقت خوش بیانیله عیان
ایلوری ارشادِ دین بلکه آیلسون کوفیان
بی دیانت ملّته حقّی نمایان ایلوری

کیم گوروب نوک جداده قانلی باش گلسون دیله
کیم گوروب بو طرزیله شه عارضی باتسون کوله
بیر بیله ظلمیله اصلاً ائتمسون بیر دم گله
معجزاتون کوفه اهلین گور نه حیران ایلوری

ای وجودی خلقتِ کونه اولان عمده دلیل
ظلم الیله دین یولوندا اولموسان عطشان قتیل
پرتوِ حُسنون جدانی ایلیوب طوره بدیل
غبطه بو احوالیوه موسی بن عمران ایلوری

ایلین داودی حیران ای حجازی نغمه سی
ای کفن پوش ایلین جسمین چولون خار و خسی
ای اولان قانلی قوم اوستی آخرین سجّاده سی
سجده گه ظلمی باجون حالین پریشان ایلوری

کوفه اهلی گور نه نوعی مندن ایلور پیشواز
بولموری من زینبم دخت شهنشاه حجاز
قویموری باجیله قارداش ایلسون راز و نیاز
اشقیا ظلم و ستمده گور نه طغیان ایلوری

خاندان عصمتی بو فرقهء بی ننگ و عار
ایلیوبلر بیر قطار عریان دوه اوسته سوار
اولموشوخ سندن صورا بیز گور نجه بی اعتبار
آل طاهایه ترحّم قوم عدوان ایلوری

بی حیا اُمّت بو فکریله آلوب بیزدن نقاب
تا اولا اشرار ایچنده خوار عیالِ بوتُراب
بولموری زهرا شیَم لر ایلمز کشفِ حجاب
قیزلارون گُل یوزلرین زلف آتدا پنهان ایلوری

دین ایوین گوردوم یخور بو لشکرِ باطل پرست
آتشین گفتاریله کفر اهلینه ویردیم شکست
حق سوزوم اهل ضلالت قلبینه ایتدی نشست
بولدولر حقّه کمک لیق حیّ سبحان ایلوری

کاسهء صبریم حسین خولی جفاسیندن دولوب
پردهء خاکستر آتدا گُل یوزون مستور اولوب
جور اعدادن نجه گور فاطمه رنگی سولوب
فرقتون اول نازنینون باغرینی قان ایلوری

سن بیلورسن ظلم الیندن زینبون ایتمز گِله
دین یولوندا هر نه گلسه باشه ایلر حوصله
گر توانی گیتسه باشین وورسا چوب محمله
خانهء صبرین تنورین ظلمی تالان ایلوری

وار نه علّت خاکیله ممزوج اولوبدور گوز یاشون
نه یوزیله میزبانون مطبخه قویدی باشون
هاردا قالمیشدی حسینیم بس وفالی قارداشون
تا گوریدی خولی هاردا شاهی مهمان ایلوری

نیزه لر باشین نقدری گوزلریم سِیر ایلوری
رأس عبّاسی ندور باعث جداده گورموری
دردیمی سندن صورا بیر کیمسه قارداش بیلموری
درد زینب دیدهء زهرانی گریان ایلوری

(روفه گر) عبّاس آدیله ختم قیل بو نوحه نی
تا قوتارسون حشریده نارِ جهنّم دن سنی
اولسا دنیاده نصیبون گر مقدّس مدفنی
سویله قبرون آرزوسین هر مسلمان ایلوری

• دوشنبه
• 16
• مرداد
• 1402
• ساعت
• 22:43
• نوشته شده توسط
• یوسف اکبری

ای شاهِ دادگستر ، وی دادخواهِ زینب
بیر عشقِ پاک اولوبدی والله گناهِ زینب

بی رنگ رنگ رنگم ، رنگِ غمه بویانّام
پروانه تک شرارِ حُسونله منده یانّام
یانّام کول اولّام آخر ، رخسارون اوسته قونّام
سنله دوباره یانّام ، ای پادشاهِ زینب

شطرنجِ روزگاری گزدوقجا خانه خانه
رخ توپراق اوسته قویدوم هر یاندا یانه یانه
گوز یاشیمی الردیم توپراقه دانه دانه
تا دانه دانه اشکیم اولسون گواهِ زینب

باشون کسیلدی باشدان ، باشسیز عیالون آتدون
ای کوله بارِ محنت سن زینبی قوجاتدون
قارداش نجه اولدی آخر مطبخ سراده یاتدون؟
کول هاله سینده قالدی رخسارِ ماهِ زینب

ای علّتِ هر علّت ، معلولِ دستِ علّت
وحدتده رمزِ کثرت ، کثرتده رمزِ وحدت
سال باشیمه جدادن ظلّ ظلیلِ عزّت
شاید سعادت اولسون همراهِ راهِ زینب

مخمورِ جامِ عشقم ، سرمست و سرگرانم
ای جانِ جانِ خلقت ، ظلمیله نیمه جانم
ای گل بوداقون اوسته بیر مرغِ نغمه خوانم
سالمیش چمنده شورش ، شور و سه گاهِ زینب

محملده مکتب آچموش آموزگارِ دینم
هر چند اسیرم اما ، عزّ و وقارِ دینم
تاریخِ کربلاده من افتخارِ دینم
قرآن سسوندی قارداش چون تکیه گاهِ زینب

دُرِ یتیم اشکی ، سیمابِ عشقه قاتدیم
سیمابهء محبّت سیمابِ عشقه ساتدیم
بو کوفه ده حسین جان زندان ایچینده یاتدیم

دلدادهء فقیرم ، بو فقره ناگزیرم
صد حیف دستگیرم ، شام اهلینه اسیرم
هر چند اسیرم امّا ، من شیرزاد و شیرم
طوقِ اسارت اولموش برهانِ جاهِ زینب

هر شئ فنادی فانی ، روحِ مجرّد اولماز
دنیانی طرد قیلّام قلبیم مردّد اولماز
قیدِ غمه مقیّد قیده مقیّد اولماز
ئولسمده هرگز ئولمز فانوسِ آهِ زینب

(هادی) فنای انسان انگیزهء بقادور
بیمارِ عشقه همدم اندوهِ نینوادور
گر آرزوی قلبون صحرای کربلاده دور
امیدوارون ایتسون امیدگاهِ زینب

• دوشنبه
• 16
• مرداد
• 1402
• ساعت
• 23:12
• نوشته شده توسط
• یوسف اکبری

قرآن اوخی سن ناطق قرآنسان حسینیم
بیلسون هامی قرآنیوه قربانسان حسینیم
.
.
آرامیمی آلدی ستمی اهل نفاقون
اما بو کچن شب منه صعب اولدی فراقون
چوخ باشیوه مشتاقیدیم افسوس سراقون
دوتدوم دئدیلر خولیه مهمانسان حسینیم
.
.
گه نیزه ده قرآن اوخوسان سوره به سوره
گه دوندریسن مطبخی موسی کیمی طوره
گاهی قویوسان گول یوزیوی کنج تنوره
گه نوک جداده مه تابانسان حسینیم
.
.
قول باغلی چکوللر منی هر شهر ودیاره
هر یرده ووروللار یارالی قلبیمه یاره
چارم کسیلوب ایله حسین دردیمه چاره
بیچاره لرین دردینه درمانسان حسینیم
.
.
الله ئوزی رسوا ایلسون ابن زیادی
اولاد رسوله قویوری خارجی آدی
باشون قاباقیجا چکوری جار منادی
قرآن اوخی بُلسونله مسلمانسان حسینیم
.
.
گر وئرسه له باشون ئوپرم بیرده یوزوندن
سیللم او تنورین کولونی قانلی گوزوندن
خولی ایلین ظلمی خبر آللام اوزوندن
احساس ائدرم حالی پریشانسان حسینیم
.
.
قولدا دئمورم وار باجوین بند طنابی
یا شمر ووران قمچی لرین چوخدور عزابی
اما دئمورم زینبوین یوخدی نقابی
سن پیکرۀ غیرت یزدانسان حسینیم
.
.
من شاه ولایت قزیام دخت رسولم
عصمتده نمایندۀ زهرای بتولم
بو کشف حجابیمدن حسین جانی ملولم
من ناقه ده سن نیزه ده عریانسان حسینیم
.
.
تأکید ایلیوب عورته قانون شریعت
دوتسون یوزون اغیاریدن ای معدن غیرت
سعد اوغلی بو قانونه آچوب دست خیانت
فکر ائتمدی سن مظهر ایمانسان حسینیم
.
.
قاطیدی اورک قانی گوزیمده یاشا قارداش
باخدوقجا سنون تک یارالی قارداشا قارداش
دشمن بوگوزل باشی باسوللار داشا قارداش
گورمولَّه مگر قانیله الوانسان حسینیم
.
.
ای کاش آنام فاطمه گلسون بو دیاره
ائتسون اوزی اوز بسلدیگی باشه نظاره
بیر باشه روادور وورالار بیر بیله یاره
گلشنده سولان گول کیمی خندانسان حسینیم
.
.
هیهات گورم مثلیوی قارداشلار ایچینده
خلق ایچره اوجاتدون باشیمی باشلار ایچینده
نعشون اوچوخور یرده قالوب داشلار ایچینده
باشونله منه بوردا نگهبانسان حسینیم
.
.
ای کاش اولیدی الی بو داش آتانون شل
داشیله چکوب عارضیوه قرمزی جدول
قانیله قویوبسان باشووا تاج مجلل
دشمن تانیسون شاه شهیدانسان حسینیم
.
.
باخ گور نجه بیرحالی پریشاندی رقیّم
زجر و ستم زجریدن اودلاندی رقیّم
هم خسته دی هم آجدی هم عطشاندی رقیّم
آل گوگلینی غمخوار یتیمانسان حسینیم
.
.
قارداش بو همان شهریدی زینب سنه قربان
هر عورتین حالین سوروشیدیم من نالان
بیر عم اولاردی منه فخریله ثنا خوان
ایمدی منیم احوالیمه گریانسان حسینیم
.
.
باخدوقجا بو اوضاعه اؤرکدن یانورام من
عزتله کچن گونلریمه اودلانورام من
بو کول سپن عورتلری بیر بیر تانورام من
من شه قزی سن عالمه سلطانسان حسینیم
.
.
عاصیدی «کریمی» الی بوشدور یوزی قاره
ایسته گله بیر وقفه او ششگوشه مزاره
بلکه گله قبروندن آلا دردینه چاره
محشر گونی سن شافع عصیانسان حسینیم

• چهارشنبه
• 18
• مرداد
• 1402
• ساعت
• 01:00
• نوشته شده توسط
• یوسف اکبری

کوفه اهلی ویردیلر پاداش حسینون باشینه
وردیلار سرنیزده بیر داش حسینون باشینه

بیر باشون که کعبه فخر ایلور دولانسون باشینه
بیر باشون که سرمه لر ناله چکور گوز قاشینه
بیر مروت لر ایدوب دمساز عداوت داشینه
کوفی لر داش ایتدیلر شاباش حسینون باشینه

بولمورم دنیا ندن خاکیله یکسان اولمادی
بولمورم جنت ندن بل مره ویران اولمادی
بولمورم اولدی ویا عرش اهلی گریان اولمادی
داش وراندا فرقه اوباش حسینون باشینه

آتش غم شیعه نون قلبین اولونجک داغلیار
بو سوزون عارف لره عرفان کتابین باغلیار
نقشه نقاشه بیر خط دوشسه نقاش آغلیار
آغلادی فکر ایلیرم نقاش حسینون باشینه

سجده گاه شاه عشقی داش بولوب خنجر کیمی
قان آخور دور قطره قطره دانه گوهر کیمی
بیر طبسم ایلدی حضرت داشا اصغر کیمی
آغلادی یتمیش کسیلمیش باش حسینون باشینه

• چهارشنبه
• 18
• مرداد
• 1402
• ساعت
• 01:01
• نوشته شده توسط
• یوسف اکبری

میبرد جان و دل عشاق را آن دختری
کرده با ذکر علی،در کربلا نام آوری
در مقامت بس،نوشتم از تبار کوثری
مانده ام گویم که بر تو،زینبی یا حیدری؟
ناگهان آمد ندا از قد خمیده مادری
زینبم ! در کربلا هم کرده ای تو دلبری
تو ابوالفضل و علمدار رشید دیگری
کشتی آل عبا را یکتنه تو لنگری
تو گل یاسی گل سرخی گل نیلوفری
از همه گلهای عالم جان بابایت سری
شاعری از خطه ی زنجان به رسم نوکری
با قدمهای نخستینش*(1) نوشته دفتری
کرده استادش*(2)به وی،همواره ذره پروری
دم به دم فرموده در هیئت ز قول رهبری
خواهی ار از مهدی زهرا،برات دیگری؟!
ای قلم گو مدح زینب با زبان آذری

______

یتمیش اولدوز سر نیده دولانور گون باشینا
هدف اولدی او گونون باشی عجوزه داشینا
آنینا ضربه دگوبدی گوز آچوبدی قاشینا

تازه قان عطری معطر ائلیییوب صحرانی
یارالی باش سر نیده اوخویور قرآنی
______

چاتدیلار کوفیه قول باغلی قوناقلار خسته
کاروان غمه زینبدی او گون سر دسته
عمه سی زینبه،تک تک،بالالار،وابسته

یورولوب ناقه ده قیزلار هاموسی دل داغلی
وارد مجلس اولوبدی اسرا قول باغلی
_____

مجلسون جوین احاطه ائلیییوب کبروغرور
سویونور زاده ی مرجانه دورور،گه،اوتورور
محفل شومیده برپا اولونوب جشن و سرور

صدر مجلسده وزیران و امیران اوتوروب
دور و برده سفرائیله،کنیزان اوتوروب
___

جمع حاضرده او گون اهل شماتت چوخودی
هیچ بیرینده اولارین رحم و مروت یوخودی
سوزلری تک تکینون، ایله بیل اوچ پر اوخودی

ئورگی هیچ بیرینون یانموری حتی اوشاقا
ئورگشوب کوفه نون اهلی ویرا طعنه قوناقا
___

مجلس عامیده،ناگه ،اوجالیبدور فریاد
آچدی نحص آغزینی تا که دانیشا ابن زیاد
ویردی طعنه،اسرا جمعینه،اول بد بنیاد

دیدی الله بو جهاندا،بیزیچون یار اولدی
ئولدی عباس و حسین،خارجی لر خار اولدی

_

ائشیدیر ابن زیادین سوزونی ناخوش آقا
تبی واردی،دولانور گاهی صولا گاهی ساقا
ناگهان شیرخدانین قیزی دوردی ایاقا

دیدی یوم،آغزیوی شرم ائت،پسر مرجانه
افترا باغلیوسان ،عترتیلن قرآنه؟؟
____

یوز دوتوب ابن زیاده نوه ی پیغمبر
دیدی من دختر زهرایم و جان حیدر
گیچدیم عباسیدن اما،سیزه ویرمم معجر

بو حسینون آدینی سینه ده قاب ایلمیشم
گوز آچاندان ئوزومی وقف حجاب ایلمیشم
____

ای زیاد اوغلی ندن توسن ظلمی چاپیسان؟
بیزه توهین ائلییوب آدیوه عزت تاپیسان؟
فکر ایله گور کیمه فخریله منیت ساتیسان

زینبم یاخشی تانی، آینه‌ی روی علی
وار زبانیمده منیم، قدرت بازوی علی
____

در خیبر ،هله ده ،خاطری وار ،لولاسی
ئولمویوب بو سورونون،نایبه ی زهراسی
جیردی تل اوسته ابوالفضل سیزون قرطاسی

منده نطقیمله او شخصیتیزی سیندیررام
قولسوز عباس علمین بام دمشقه ویررام
____

ئوزون آللاتماگیلان ایله مشخص هدفین
اسرانین بو یالان سوزلریلن پوزما صفین
قسم اللهه سنون ذره یوخوندی شرفین

گر اولییدی شرفیز خیمه لری سویمازدیز
آل پیغمبره سیز،خارجی آد قویمازدیز
__

زینبم ، زین ابم، صاحب اصل و نسبم
منده وار فن بیان،بت شکنم،حق طلبم
طول تاریخیده من فخر زنان عربم

خواهر فضل و ابوالفضل و حسین و حسنم
قوللاریم باغلیدا اولسا گنه من شیرزنم
_

منه بهتان دیمیشن،قلبیمی گتدون درده
(ما رأیت الا جمیلا)دیمیشم بی پرده
مشت محکم ویرارام نطقیمیلن نامرده

منطقیم بیرگونی عالمده جهانی اولاجاق
روضمه حضرت مهدی ئوزی بانی اولاجاق( بهلول حبیبی زنجانی)

(1)*نخستین قدم:اثر بهلول حبیبی زنجانی
(2)*استادش:استاد کلامی زنجانی

• پنج شنبه
• 19
• مرداد
• 1402
• ساعت
• 00:52
• نوشته شده توسط
• یوسف اکبری

☑️ بند اول

حسین چوخدور ملالیم
پریشان دور خیالیم
اسیرم باغلانیب جوریله قارداش دست و بالیم

گوزوم ده قان اولوب یاش
اولیدیم منده ای کاش
بو کوفه شهرینه یول سالمییدیم بیرده قارداش

بئش ایل بوردا خانم لیخ ائتمیشم باخ روزگاره
ویریلار ایندی گور دیل یاره سی بو دل فکاره

گئتدی جلال و شوکتیم گوزده گونوم دوندی شبه
واویلا
عریان دوه ، ناقه سینیخ ، شمر اولدی همره زینبه
واویلا

? حسین ای وای یارالی

☑️ بند دوم

اورک باشی اولوب قان
بالالار قالدی گریان
بو کوفه اهلینین قلبینده یوخدی ذره وجدان

اولوب باشیم بلالی
گورن یوخدی بو حالی
ویریلار داش بو قول باغلی اسیرانه یارالی

یارالی باشیوین غوغادی قارداش دوره سینده
نقدری داش ویران وار بیر کسیک باش دوره سینده

باریک کوچه ، قیصا بام ، عورت اوشاخ الده حنا
واویلا
دولدی اتک لر داشینان ، تکرار اولوب کربوبلا
واویلا

? حسین ای وای یارالی

☑️ بند سوم

یانیب دیل داغلارام من
سنه قان آغلارام من
باشیوی وئرسلر قارداش یاراسین باغلارام من

بو دردین یوخ دواسی
او باشین من فداسی
ویریبلا آنیوا زینب اولیدی داش یاراسی

جدا باشیندا کهف آیاتینی ائیله تلاوت
ندور علت یوزونده وار حسین کول دن علامت

کربوبلاده بی خبر بیزلردن آیریلدین نیه
واویلا
زینب غریبیدی مگر مهمان گئتدون خولیه
واویلا

? حسین ای وای یارالی

☑️ بند چهارم

دونوب قلبیم کبابه
بویاندم اشک نابه
چتیندی اصغرین داغی حسین غملی ربابی

چیخیر آهی سمایه
گلیر نی تک نوایه
ویریبلار سوت امر باشین حسین نوک جدایه

ربابین غنچه سی ظلمیله توش اولموشدی خاره
یانیردی حجر اوتوندا یالواریردی نیزه داره

سسلیر اوغول بو آیریلیخ تیری اورک باشین دلیب
واویلا
گل سوت وئریم ایچ ،سینمه ای مه جمالیم سوت گلیب
واویلا

? حسین ای وای یارالی

☑️ بند پنجم

خبر احساس دن وئر
شجاع ناس دن وئر
بو قول باغلی بناته بیر خبر عباس دن وئر

علمدارین هایاندا
وفادارین هایاندا
اوجا بوی سرو قامت نامی سردارین هایاندا

دئنه عباسی گلسین بو قطاری نظمه سالسین
پریشانم دئنه گلسین بو زارین گویلون آلسین

واردور یری آئینه ی قلبه ویرام محنت داشین
واویلا
باش لار ایچینده گورمورم قارداش ابوالفضلین باشین
واویلا

? حسین ای وای یارالی

• شنبه
• 25
• شهریور
• 1402
• ساعت
• 00:11
• نوشته شده توسط
• یوسف اکبری

كوفيه وارد اولوب قافله كرب و بلا
بورونوب غصه و آلامه اوگون آلعبا
بير بولوك قافليه زينب اولوب راهنما

چيخدي داش تپراق الينده قاباقا كوفه ليلر
ايتميوب ذره جه حرمت قوناقا كوفه ليلر

كيمدي زينب آدي ديباچه ديوان وفا
آيت عشق و وفا آينه حجب و حيا
غيرت الله قيزيدي سينه زهرايه صفا

غمزده قافليه راه گشا رهبر اولوب
اوزي اما گل ريحان كيمي يولاردا سولوب

كيمدي زينب آتش غمدن يانان بير مه لقا
معدن عشق و وفا و عفت و حجب و حيا
بنت ميرمومناندي زاده خيرالنسا

زاده مرجانه ني سركوب ايدوبدي كوفه ده
خصم آل حيدري مغلوب ايدوبدي كوفه ده

كيمدي زينب كوفه ده گورستدي صبر و همتين
اوردا عالم گيرايدوب مظلوم حسينون نهضتين
گورسديب كفره اوزيندن مرتضانين غيرتين

نطق آتشباريلن ايتدي قيامت كوفه ده
دين و قرآنه دوباره ويردي قيمت كوفه ده

كيمدي زينب غصه لردن برگ ريحان تك سولان
قتلگاه كربلاده آغليوب باشين يولان
قارداشين نعشين گورندن ابر ريحان تك دولان

بوهمان زينبدي كي ايلوبدي طوفان كوفه ده
اسكتور سسلندي لال اولدي لئيمان كوفه ده

كيمدي زينب رگلرينده غيرت حيدرجوشان
مجلس ابن زياده گلدي چون شير ژيان
سسلدي من زينبم دخت اميرمومنان

گلميشم نطقمله طوفان ايليم من كوفه ده
قالميا تا زاده مرجانه ايمن كوفه ده

زينبم من خواهر شاه شهيدانم بيلون
زاده شيرم سفير عشق و ايمانم بيلون
قارداشيم عباس تك حامي قرآنم بيلون

زاده مرجانه ني ؛ جانه گتوررم كوفه ده
باشينه تختين بونادانين چويوررم كوفه ده

كيمدي زينب فاطمه گلزارينون ريحانيدي
حجت حق گرچه ايللردي اونون گريانيدي
(آذرين)بيل هرچتين دردين خانم درمانيدي

دردوز اولسا دوشميون دنياده چوخ تاب و تبه
سويليون حاجاتوزي باب الحوائج زينبه

• سه شنبه
• 23
• دی
• 1399
• ساعت
• 22:26
• نوشته شده توسط
• یوسف اکبری

گون بیر جدا بویوندا گر ایلسه اقامت
مشهوریدور دئَللر برپا اولوب قیامت
بوگون قیامتمدور یا حشریدن علامت
شمس هُدانی گوررم نوک جداده قارداش

سندن آنام عزیزی چوخ ناگراندیم من
هجرونده غرق بحر اشک روانیدیم من
یاسلی عزالی غملی بیرباغری قانیدیم من
صبر و ثبات دلدن گیتمیشدی باده قارداش

او عاشقم وصالیم تبدیل اولوب فراقه
قالموبدی منده طاقت بو درد افتراقه
چوخ مایلم قویام بیر سنلن دوداق دوداقه
عطریندن ایلییدیم تا استفاده قارداش

بیر بلبلم ستمله آیریلمیشام گُلیمدن
وار نه خبر گلیمدن نه سرو و سنبلیمدن
جان تاپشیرانجا دوشمز هرگز آدین دیلمدن
ذکریم حسین حسیندور صبح و مساده قارداش

پروانه تک شرار هجرینده یاندی زینب
بال و پری توکولدی یاندی تالاندی زینب
صحرالری دالونجا گزدی دولاندی زینب
گاهی کجاولرده گاهی پیاده قارداش

اسلامه سن مروّج اولدون شهادتیله
اولمازدی کامل اما قتلیله غارتیله
تکمیل قیلّام امرون منده اسارتیله
قالماز داخی حقیقت امری، خفاده قارداش

ماه و خورشید و نجوم و کهکشان و عرش و فرش
بإذن رب هر تک به تک خدمتگزار زینب است

جنگ بدر و جنگ صفین و اُحد جنگ جمل
در قیاس کربلا یک از هزار زینب است

زینب اَر دار و ندار حضرت خیرالنساست
جان زهرا این حسین دار و ندار زینب است

• شنبه
• 25
• بهمن
• 1399
• ساعت
• 22:55
• نوشته شده توسط
• یوسف اکبری

قالموشام من عشقیوه حیران حسین
نیزه ده باشین اوخور قرآن حسین

گر سینوبدور صفحه ی مرآت عشق
نوک نیده گورسنور آیات عشق
سن نه زیبا ایلدون اثبات عشق
اول یارالی باشیوه قربان حسین

اوندا کی باغلاندی قیزلار قول قولا
قتلگهدن کاروان دوشدی یولا
قویمادوم باشون بو یولدا تک قالا
سایه مثلی گلموشم هرآن حسین

قویمارام دشمن گوره گوزیاشیمی
عشقیده تک قویمارام قارداشیمی
محمله ویردیم بلالی باشیمی
اولدی باشیم قانیله الوان حسین

جمع ایدوبدی اهل کینه داشلاری
کوفه و شامین بوگون اوباشلاری
نیزه اوسته داشلیوبلار باشلاری
نیزه ده لبلر اولوبدی قان حسین

آنداولا فتاح خیبر حیدره
آنداولا یثربده کی میخ و دره
آنداولا بو قطعه قطعه پیکره
ایلورم سندن بو دم پیمان حسین

شامیده اسلامی احیا ایلرم
هندین اوغلون اوردا رسوا ایلرم
زینبیّه بیرده برپا ایلرم
سن تک اوللام ناجی قرآن حسین

• سه شنبه
• 28
• بهمن
• 1399
• ساعت
• 22:32
• نوشته شده توسط
• یوسف اکبری

گوردوم ویروبلا باشین نوک جدایه قارداش
باشون دالیجا گلدیم،سایه ب سایه قارداش

چیخموشدی عرش حقّه نی دن،او رأس اطهر
نیزه باشیندا گوردوم قرآن اوخوردی لبلر
عیناً تصوّر ائتدوم برپا اولوندی محشر
باخدوقجا جان تاپوردیم،نوک جدایه قارداش

چیخدوم ازل اوزومدن،گورجک بو ازدحامی
آلموشدی زینبوندن اول قانلی باش دوامی
طوفان یاراتدی واللاه اول احمدی کلامی
شکر ایلدیم دوباره،فضل خدایه قارداش

سندن سورا او چولده بیر آیری حاله قالدوم
باخدوقجا من جدایه،یاپراق کیمی سارالدوم
اولسون ایراق گوزوندن،قارداش دونن قوجالدوم
دور گور نقدری دوشموش باشیم بلایه قارداش

هر غصه دن چتیندی بو عاشقه فراقین
سالدی منی ایاقدان،بو دردِ افتراقون
داش ویردولار او قدری،قانه دولوب دوداقین
یوخ بیر نفر یتیرسین ایندی هرایه قارداش

اخیامه ویردولار اوت،مردانه من دایاندوم
بال و پریم توکولدی،ظلم آتشینده یاندوم
ایش بیر یره دایاندی،سولدی رباب اوتاندوم
گلموشدی نینواده،نی تک نوایه قارداش

سن عهدیوه یتیردین امر شهادتیله
منده سنه شریکم، بو عهده همّتیله
کامل اولار بو نهضت قید اسارتیله
تا گئتمه سین حقیقت،امری خفایه قارداش

چوخ ایستیرم حسینجان،وصله یِتم قاپوندا
یوخ بیر زادیم «فقیرم» چوخدی کرم قاپوندا
ارباب باوفاسن،منده ایتم قاپوندا
نوحه یازوب سوروننم بزم عزایه قارداش

• پنج شنبه
• 30
• بهمن
• 1399
• ساعت
• 12:39
• نوشته شده توسط
• یوسف اکبری

نوک جداده گوردولر،رأس امامت کوفه ده
کهف آیه سین شمس هدیٰ ایلیر تلاوت کوفه ده

انگشت حیرت بر دهن‌،قالدی صفوف اشقیا
تاپدی حرم آهولری،بو صوتیدن روح و قوا
سرنیزه ده باشلار اولوب،بو لحنیلن مست خدا
یعنی که دفن اولدی داخی،عدل و عدالت کوفه ده

نور جمال شمسِ حق،ایلیوب او شهری رشک طور
سیناده موسی مات اولوب،گوردی یاغیر رگبارِ نور
نوک جداده ایلدی تفسیرِ ها و یا ظهور
باخ عشقه ایلیر امّتی،بیرده هدایت کوفه ده

قرآن سسین زینب آلوب،سسلوب ایوین آباد حسین
هندجگرخوار اوغلی ایستیر دین اولا بر باد حسین
یتمش ایکی قانیله ایتدون امّتی آزاد حسین
اعجاز عیسی گورسنیر،کشف کرامت کوفه ده

اوّل دیدیم بو غمکشی،بیر یول فراموش ایلدون
حشره کیمی همسنگرون،هجرانیله توش ایلدون
تا سن شهادت شَهدینی،یاحق دئوب نوش ایلدون
منده گرک الان چکم،حظّ اسارت کوفه ده

سن گوزلرون یومدون اخا،جرأت تاپوب قوم عدو
اولدی اسیرِ اهل کین،دست ستمله آل هو
سو خیمیه گلدی ولی،نسوانی چوخ یاندوردی سو
قلب ربابه چوخ دگوب،زخم و جراحت کوفه ده

نوک جداده پرده نی،گوتدون بروز اولسون رموز
نه مثلیوی عالم گوروب،نه وار یری گورسون هنوز
سرِّ مقطّع سنده دی،محشرده ایلرسن بروز
وئر شیعیانِ حیدره،قول شفاعت کوفه ده

• دوشنبه
• 4
• اسفند
• 1399
• ساعت
• 22:10
• نوشته شده توسط
• یوسف اکبری

ای کوفه اهلی مظهرقهار،زینبم
دخت رشیدحیدرکرار،زینبم
قرآن یولوندااولدی منیم یدی قارداشیم
باشیمداقاره واردی عزادار زینبم
ویردیم ایکی بالامی حسینه فداکه من
دژخیمی منطقیله ایدن خوار،زینبم
زهراآنام ویروبدی منه درس زندگی
آگاه اولون که فاطمه رفتارزینبم
آلدیم وقاردرسی یانان آستانه دن
من شاهد غم درودیوار،زینبم
مسمارمحنتی،هله ده خاطریمده دور
محزون درد سینه و مسمار،زینبم
دل میرمیشم حسینه،شریک قیامیم
حشره کیمی حسینه بدهکار،زینبم
عباس اولوبدی،دین علمی یاتمیوب ولی
عاشوریدن بو دینه علمدار زینبم
بادصبا؛حسینیمه دی اولما ناگران
اطفالووه همیشه نگهدار زینبم
سجادیمون اگرقولونی باغلیوب عدو
محنتلی کاروانه جلودار زینبم
بیماریدورولی زمان تبدن اودلانور
بیمارکربلایه پرستارزینبم
بوکوفه ده که قدیمی همسایه گورمدی
ایندی اسیر منظر نظار زینبم
ای بیزلری قوناق چاغورانلار هایانداسوز
شهروزده ایندی راهی بازارزینبم
پیشواز ایدورسوز ایندی بیزی بوطریقیله
آماج سنگ قوم تبهکار زینبم
سرنیزه اوسته قاری قرآنی ویرمیون
قاری حسیندی،منده دل افگارزینبم
واردوراوباشون ایستینی عرش وفرشیده
جان نقدیله اوباشه خریدار زینبم
سینساجبینی گورسم اگر،اتمرم دوام
ویرام بوباشی محمله ناچاز رینبم
آل امیه بدعتیله آلادوب سیزی
نیلیم علی کیمی سیزه غمخوارزینبم
بیزآل هاشموک بیزه ایذا روا دگول
آگاه اولون ملیکه ی فخارزینبم
نفرینه دیل آچام یره گویدن بلا گلر
چونکه عزیز حضرت دادار زینبم
ذرعالمی قبول الدیم بو اسارتی
فکر اتمیون طنابه گرفتار زینبم
عباس تک منیم قولومی باغلیوب حسین
گرنه علی کیمی یل پیکار زینبم
مرجانه اوغلی هاردادی تا قلبینی یارام
پیکان منطقیله ،که هوشیارزینبم
ای اهل کوفه منله گلون قصرکوفیه
ابن زیاده ایلیون اخطار،زینبم
من گلمیشم که تختینی تابوته دوندرم
من لفظ قهرمانه سزاوارزینبم
پیغام انقلابی آپارام دمشقه من
بنیان کن یزیدخطاکار،زینبم
کاخ یزیدی بیربیره ویرام وقاریلن
جباریله،علی کیمی جبار،زینبم
آللام یارالی قارداشیمون قانلی کوینگین
غارت اولان اساسه طلبکارزینبم
"ناعم "ده یازدی بوسوزی زیب اولدی دفتره
محشرگونی بوزاره اولان یار،زینبم

• سه شنبه
• 19
• اسفند
• 1399
• ساعت
• 21:47
• نوشته شده توسط
• یوسف اکبری

نیزه اوستونده باشون٭رهنمادور زینبه
کربلاده ن شامه جک٭رهگشادور زینبه

غملریم گلمزسانا
آغلورام یانایانا
قویمارام دشمن ولی
حقووی بیر آن دانا
باخماایندی آغلورام
یاکه سینه داغلورام
گوزیاشی گوزده حسین
دلگشادی زینبه

قوی عدوگولسون منه
اگمرم باش دشمنه
وئرمرم فرصت حسین
کوفه ده اهریمنـــه
من سنون جانبازووم
ناقه ده سربازووم
کوفه نون بازاری چون
کربلادور زینبـه

دشمنیم چوخدورحسین
واهمم یوخدور حسین
اهل کوفه جانینــــه
سوزلریم اوخــــدورحسین
ای منه سلطان حسین
سن اوخی قرآن حسین
صوت قرآنون سنون
جانفزادور زینبـــه

غم آغیردردیم آغیر
بامیلردن داش یاغیر
سسلورم قارداش سنی
سنده عباسی چاغیــر
گلسه عباسیم اگــر
غملی گوگلوم دینجلــر
سن دئسون بیلّم گلر
باوفادور زینبــــه

داش توخونسا باشووه
قان آخارگوزقاشووه
منده یارّام باشیمی
آنداولاقارداشووه
بندظلمی قیرماسام
دشمنی سیندیرماسام
اوندا نام زینِ اَب
ناروادور زینبـه

من علی فرزندیَــم
فاطمه دلبنـــدیم
یدی قارداشیم ئولوب
دردیلن آکندیـــم
من گرک کفری ییخام
کوفه دن فاتح چیخام
شامی تسخیر ایلَمَک
منتهادور زینبــه

• سه شنبه
• 19
• اسفند
• 1399
• ساعت
• 21:53
• نوشته شده توسط
• یوسف اکبری

حواله اولدی یازام کوفه ماجراسیندن
اوخطبه ایکه دیوب زینب ابتداسیندن
بوسوز که نقل اولوری سیدبن طاووسی
یازور خزیم و طبرسی یازان رواسیندن
یازور حزام اسد زینبی او گون گوردوم
خدایه آند اولا بولدوم اونون حیاسیندن
بلیغ صحبت ائدور مرتضی کیمی گویا
اشارئیله دیوب اسکتو،صداسیندن
قیتدی انفس مردم دایاندی اشترلر
اذل خدایه دل آچدی خانم ثناسیندن
تانیدروب اوزونی جدینه سلام ایلدی
سوز آچدی جدی سفارش ائدن آناسیندن
بیوردی کوفه نین اهلی مگر دگلدوز سیز
که بئش ایل اولموسوز آسوده آشناسیندن
خیانتیله مگر سیز کتابت ایلمدوز
که دویموشوق طلقا زاده نین جفاسیندن
یالاننان آغلامیون بیعتوز یزیده اولوب
آیرماسین سیزی آلله گوروم صلاسیندن
چوخ آغلیوب گوله سوز آز بو دار فانیده
که نیلدوز نه دیوم سلطنت هواسیندن
بولورسوز هانسی قانی توکموسوز گنه گلوری
صدای حمدوثنا هر قلج یاراسیندن
گناهوزی یواسوز سیز مگر نجه اولی بو
که چخموسوز بابامون سنت و رضاسیندن
سوروشسا جدیم اگر اهل بیتدن، اوتانون
توکوب قانین گینه ال چکمدوز اساسیندن
حیالی زینبیله اهل بیتی آغلادوز
که یر گوی آغلیوری قارداشم عزاسیندن
گورنده کوفه نین اوضاعینی خانم زینب
بویوردی ساکت اولون قورخون حق بلاسیندن
حقارتیله بیزه باخمیون بیر آز اوتانون
بیر آزجه شرم ایلیون خویش و اقرباسیندن
ندن بیزی بو قدر ناقه ده دولاندیرسوز
اوتانموسوز نیه اطفال بینواسیندن
حیا ایدون بیزه آز ظلموزی عیان ایلیون
بو قلبیمیز دولودی قوم کین جفاسیندن
یوزوز قارا اولا اطفالینه ندن گولوسوز
بیر آزجه شرم ایدون اطفال مه لقاسیندن
کاوه اوسته اوشاقلار توکوله گوز یاشینی
خجیل اولون بولارون اشک پر بهاسیندن
گورون رباب نجه سینه سین اوغوشدوروری
اولوبدی قان اورگی حرمله خطاسیندن
علی اصغره لای لای دیر ایدر شیون
یر اوسته غم یاغوری کوفه نون فضاسیندن
ال اوسته اوخلادیلار بیر ایچیم سودان اوتری
اولوبدی قانینه غلطان بو ادعاسیندن
توکور عذارینه اشکین کجاوده لیلی
دولوبدی کوفه اونون آغلاماق صداسیندن
دولی گوزیله باخور سیزلره ایدیر شیون
نه شرم ایدیرسوز اونون دل یاران نواسیندن
سریه قاسمه اوخشار شکسته بیر نی تک
یانان دلی آلوشورغملی ماجراسیندن
اورک باشیندا الی ، وای اوغول دیر آغلار
اوجادان آغلاموری عفت و حیاسیندن
ایدوبله قارداشم عباسی قانینه غلطان
گنه اوحالیله ال چکمیوب لواسیندن
سالوبلا قوللارینی کوفیان فرات اوسته
بویاندی قانه یوزی باشینون دماسیندن
او قدر یاره دگوب اوخ اوخ اوسته سانجلدی
که چخدی قارداشیمون پیکری نماسیندن
نجه دیوم سیزه من نوفل ایلین ظلمی
عمودیدن دانشوم یا که دل یارسیندن
الی یوخیدی قویا باشینه او شیر شجاع
یوخیدی اللری آخدی قانی محاسیندن
رشید قارداشیمی سیز او یرده اولدوردوز
نه شرم ایدوب نه اوتاندوز اونون آناسیندن
اگر چه قوللاریمی باغلیوبدی قوم دنی
نشانه دور بو عمل دشمنون هراسیندن
بو کوفه نی دوتا دشمن علی قیزی قوخماز
رشادت ارث قالوب چونکه اوز آتاسیندن
بوشهره گلماقیما واردی عمده منظوریم
دیم او رهبروزون جمله ماجراسیندن
گرکدی نطقیمیله کاخننی او بی دینون
شجاعتمله سالام لرزیه بناسیندن
گرک عمللرینی بیربه بیر ایدم افشإ
خبر ویروم طلقا زاده نین حیاسیندن
قویوبدی آدینی مسلم او بی حیای دنی
تصور ایتموری گچمز خدا جزاسیندن
بو فکر خامیله ایستور که اولماسون قرآن
نه شرم ایدور اولان اگیننده کی قباسبندن
ایاقی آلتدا قویوب حکم شرع و قرانی
اوظالم ال گوتومور فکر بی اساسیندن
ایدوبدی سیزلری اغفال او شوم بی ایمان
هاموزی آیری سالوب خالقین رضاسیندن
بوقدر خواب ظلالتده یاتمیون اویانون
کسون علاقه مسلمان نما نماسیندن
اسیرلر که گورورسوز حسین حرملریدی
اولوبلا بند بلا دشت کربلاسیندن
بس ایله یازما «صبوری»که آز قالور یانسون
الونده صفحه، یازان خامه نین صلاسیندن
اوسوزلریکه یازوب «صادقی» چتین یازاسان
سوز اهلی یاخشی یازار شعرین آشناسیندن
اولوب بوسوزلرون البته وصلهٔ ناجور
دعا ایله سوزون اسکلمه سون صفاسیندن

• چهارشنبه
• 6
• مرداد
• 1400
• ساعت
• 20:09
• نوشته شده توسط
• یوسف اکبری

خورشیدِ دل افروزِ جهانِ بشریّت
تاپدی صمدیّتده نشانِ احدیّت
تجریدِ محبّتده گورر روحِ مجرّد
مغربدن ایدوب مشرقه خورشید عقبگرد

مطبخده کول اوسته ایدوسن گاه تجلّی
گاهی گیدوسن داره بِمانند مسیحا
هر چند مسیحایه عوض اولدی یهودا
قربانی قرآنه یقیناً عوض اولماز
جوهرده تجلّای جلای عَرَض اولماز

رؤیادی و یا اینکه حقیقتده توهُّم
یا عشق طبیعتده تاپوب حقِ تقدّم
گلمیش بو کسلموش باشا نیروی تکلُّم
بولدوم که فقط بسته دی بو قدرتِ عشقه
قرآن اوخی سال ولوله شامات و دمشقه

بیر گون بیله ای گون قالا مشکلدی بو حاله
گون آی کیمی بیر گون اولا تشبیه هلاله
کولدن چکیله دوره سینه پرده و هاله
اوّلده منه واضح اولونموشدی بو مطلب
ای وای یارالی سنه قربان اولا زینب

زهرا قیزینی کوفه لیلر یاخشی تانولّار
چون بولَهب ایمدی تبِ تَبّتده یانولّار
اولدوز کیمی بیر عدّه دالونجا دولانولّار
یولّاردا غبارِ غم و درده بورونولّر
بیر عدّه اوغول سوزدا دالونجا سورونولّر

ای مرشدِ کامل سنه هر یرده مریدم
ای آیتِ امید، سحرگاهِ امیدم
نومیدم اگر بستهء بیدادِ یزیدم
بو نهضتی تعقیب ایدوب اتمامه یتورّم
حتماً بو رقیّه قیزیوی شامه یتورّم

شاماته یارالی گیدرم ولوله سالّام
سودای محبّتده مگر فکریده قالّام
بیر گل ساتارام شامیده بیر پیرهن آلّام
من پیرهنِ یوسفی کنعانه گتورّم
محنت زده یعقوبه گوزوم اوسته یتورّم

قارداش باجیوین شامده برنامه سی واردی
هنگامهء عشقین گینه هنگامه سی واردی
زهرا آنامون من کیمی علّامه سی واردی
بو کوفه ده الهام آلارام نطقِ علیدن
تاریخِ فصاحت دیه تا زینبه احسن

آهنگِ شباهنگ ایدرم مثلِ شباهنگ
عشق اهلینه بو عیبدی اصلاً، اولا دلتنگ
اولّام یارالی باشیله قارداش سنه همرنگ
بیر تازه قانه سن باتاسان منده بویانّام
ویرّام باشیمی محمله منده یارالانّام

گوز یاشیمی مانندِ شفق قانیمه قاتدیم
باشون کسیلوب باشداکی باش فکرینی آتدیم
بو کوفه ده ایوای منه زنداندادا یاتدیم
الله بولوری اوردا عجب گونلره قالدیم
قارداش بولوسن بیر گونون عرضینده قوجالدیم

زینب هارا؟ زندان هارا؟ گور من هارا گیتدیم
اما گینه زندانیده مقصودیمه یتدیم
زهرا آنامین آغلاماقین بیرده ایشیتدیم
قارداش عجب آماله یتوب آلِ امیّه
قرآن اوخی ویر تسلیت، آغلور بو رقیّه

سن عالَمِ عرفانیده تاجِ عُرفاسن
نای نِی عزّتده سخن سازِ خداسن
لب تشنه ئولن پادشهِ کرب و بلاسن
یوخ صبریمه معیار منیم صبر داشیندا
سرلشگروین باشی هانی نیزه باشندا؟

دنیا گوزی گورموبدی که بیر دفعه گولیدیم
کامیمده اونون لذّتینی منده بولیدیم
ای کاش حسینیم سن ئولونجه من ئولیدیم
باخ بیرجه ربابون گوزینون یاشینه قارداش
باخدوقجا جداده صود امر باشینه قارداش

لیلایه دئدیم سیلِ سرشگون یوزه باغلا
آغلا بو یانان قلبیمی نارِ غمه باغلا
عذر ایستمه مندن نقدر آغلاسان آغلا
آخر نجه من ایتمیوم اظهارِ تمایل
اکبر باشیدی محملِ لیلایه مقابل

هر قلبدن آگاهسن ای واقفِ مطلب
بو (هادی) غمدیده نی غم ایتدی معذّب
لطفاً نظرِ لطفوی کسمه سنی زینب
هر قدر مصیبت ویره یوز هیچ سوزوم اولماز
آخر بابا هر قلبیده سن تک دوزوم اولماز

• یکشنبه
• 14
• شهریور
• 1400
• ساعت
• 12:18
• نوشته شده توسط
• یوسف اکبری

هر کیمسه اهلِ دلدی اونون دلستانی وار
هر دل که دلستانی وار آه و فغانی وار

چوخلار ویروب بو عالَم آرا دلستانه دل
امّا کیمون منیم کیمی بیر دلستانی وار

بیر دلستاندی مندن آلان دل که بیر جهان
از جان گذشته عاشقی وار خسته جانی وار

بیر دلستاندی سوزِ عطش خشک ایدیب دلین
مؤمنلرین دیلین ده مقام و مکانی وار

شه دور آتا آنا طرفی ندندی ذُوالحَسَب
هر مملکت ده شهرتی نام و نشانی وار

اسمِ شریفی صفحهء تاریخ زینتی
یوز مین لریله مادحی وار نوحه خوانی وار

آدی حسیندی آدینا قربان آتام آنام
روحُ الّامین کیمی خدمِ آستانی وار

فخریم بودور که من او شهین نوحه خوانیم
بو نوحه خوانلیقین شرفِ جاودانی وار

سانما حقیر رتبه سینی نوحه خوانلیقین
هر کیمسه نوحه خواندی بیوک عزّ و شانی وار

بو شرطی له که پاک دل و متّقی اولا
تقواسی اولماسا ایکی دنیا هواسی وار

سر مشق نوحه خوانلیقی بیزه بیر نوحه خوان ویریب
دنیا بوئی او نوحه گرین داستانی وار

شیرِ خدا عزیزه سی زُهرایه یادگار
محکم بیانی ، منطقِ آتش فشانی وار

دیلده بسانِ شیرِ خدا آتشین کلام
گوزده اسیرلر کیمی اَشکِ روانی وار

بیر کوفه کی او یِرده علی حکم رانیدی
ایندی قیزی گلور قولونون ریسمانی وار

بیر زینبی که قامتی شُمشادِ رَشکیدی
بارِ غم و مَلالیله قَد کمانی وار

حبس ایلیوب نفسلری نطقِ بلیغیله
هانسی مُبلّغین بیله نِطق و بیانی وار

ساکت ایدوب جرسلری بیر لفظِ اُسکتو
بو قدرتین مباحثهء بیکرانی وار

ایله تکلُّم ایلوری هر کیم گورور دییور
بو مُرتضادی معجزِ رَطْب اللّسانی وار

کوفی لره خطاب ایدر ای اهلِ غَدر و مکر
بوی نوزدا سیز جماعتین الله قانی وار

بولسوز که هانسی بیر جگری پاره ایتمی سوز
قان آغلاسا گوزور دیلوزون اِمتنانی وار

قلبِ رسول اکرمی سیز ایتموسوز دو نیم
سیز اِیلین جفادن اونون اَلاَمانی وار

ریسَندَه پیر زن کیمی پشمی نَخ ایلیوب
پوزدوز گینه بو مَسأله نین داستانی وار

بیر صبح شامه تک چالی شوردی او پیر زن
آخشام گورردی حاصلی یوخ خسته جانی وار

فِعلوز اونا شبیهی دی امّا بو فرقی لن
تنها گورردی او که یورولموش بَنانی وار

امّا سیزون جنایتی زون یوخ نهایتی
محشرده عدل مَحکمه سینده زیانی وار

قرآنه پشت پا ووروب اسلامی دانموسوز
هانسی بیر اُمّتین بیله جُرمِ عیانی وار

هانسی یِرین خراب شده شهرِ کوفه تک
شمرِ شَریری وار داش اوره کلی سَنانی وار

گه کف چالوب بیزه گُولوسوز گاه آغلوسوز
هانسی وِلایتین قوناقا کف چالانی وار

بیز سولموشوخ، ولی گُل آچیب نوکِ نیزه لر
بولمم بهاری وار بو یِرین یا خَزانی وار

سیز آغلوسوز بیزه، بیزی بس کیملر ئول دوروب
سیز ملّتین پیمبره بُغضِ نَهانی وار

شیرِ خدا قیزی قیزیشوب شیرِ حقّ کیمی
تشریح اِیده خیالی، اولان ماجرانی وار

ناگه ایشیتدی سیّدِ سجّاد سسلنور
عمّه دایان بو ایشده خدا امتحانی وار

سن سن جهاندا عالِمهء بی معلّمه
دنیاده یوخ وفا هره نبن بیر زیانی وار

بیش گوندی بو ریاستی آل اُمیّه نون
ویرسون بُروزه قوی نه جفایه گمانی وار

عزّت بیزیم دی، سلطنت حقه بیزده دور
پاینده قالسون عزّتی میز حقّ ضمانی وار

بو حالده نه گوردوله کوفه جماعتی
شمرِ شَریرین الده اوجا بیر سِنانی وار

نوکِ سِناندا سرفه ایدور بیر یارالی باش
گویا خیالی گوستره سِرّ خدانی وار

بیرده باخاندا گوردوله قرآن اوخور او باش
دیلده کلامِ لَم یَزل و لامکانی وار

بیر بیرلرینه سویلدیلر خارجی دِگول
قرآن اوخور گوزونده سِرشکِ روانی وار

زینب ایشیتدی بو سسی سسلندی باشوون
فکری هدایت ایله ماقا کوفی یانی وار

هانسی امیرِ قافله نین سن کیمی حسین
دلخسته، دست بسته بیله کاروانی وار

به به نه یاخشی وقتیده قرآنی باشلادون
بول سونله یاد ایدن بیزِ بی‌ خانمانی وار

سوز صاحبی (حسینی) سنه اوزگه دل ویروب
هر شاعرین بو عالم آرا بیر زبانی وار

• پنج شنبه
• 18
• شهریور
• 1400
• ساعت
• 19:50
• نوشته شده توسط
• یوسف اکبری