اشعار مخصوص کوفه

گینه محرک غیبی ایدوب منی تحریک
ایدوم وقایع آلام کوفه نی تفکیک

اولاندا کوفیه وارد بنات شاه حجاز
غریبه وضعیله ایتمیشدی کوفیان پیشواز

چالاردیلار دَف و طَنبور چَنگ بَربَط و نای
بیری بیرینه قاریش میشدی کَرهِ نای و درای

دورا دورا چکی لوردی قطار آل الله
نچون آچوخ یولی دوتموشدی فرقهء گمراه

کیمی اتکلرینه داش یغوب ایدردی نشان
جدا باشندا کسوک باشلاری گورن هر آن

جداده رأس جوانان هاشمی یکسر
گچردی مَدّ نَظردن آیا گُونه بنذر

تمام باشلاری وورمیشدی لار جِدا باشنا
بو فکریله اولا آماج درد و غم داشنا

ولی او باشلار ایچینده بیری سِچلمشدی
که رخت مهر و وفا بیر اونا بیچلمشدی

گوروب روا دگی شه باشی نیزده اوجالا
آدینی نوکر ایدن شاه یله برابر اولا

کسوک باشیله گینه عزّته تمایل ایدوب
باشین کسن آتینون بوینونا حَمایل ایدوب

دولاندیروب آتینی فخریله او کینه شعار
ایدردی طعن و شمادت له دم بدم اظهار

بو باش منیم آتیمون بوینونون که زیوری دور
حسین تشنه لبون بو امیر لشگری دور

آت اوینادان داش آتان کف چالان اِناث و ذُکور
او باشلارین قاباقنجه دوشوب ایدردی عبور

بیری دینده بو شمس هدادی جلوه لنور
بیری دیردی گلون خارجی اسیری گلور

بیری دینده بولار اهلبیت طاها دور
بیری دیردی سالوبلا کمنده اوُلا دور

بیری دینده بولار دور بنات پیغمبر
بیری دیردی اسیر فرنگ دور یکسر

تمام غرفه لری ایلمیش دیلر اشغال
زنان کوفه تماشایه آختاروردی مجال

باخوب یانان یوخیدی گوزده قانلی یاشلارینا
کیمی سی کل کیمی توپراق تو کردی باشلارینا

یتنده بیر یِره بیر غرفه ایچره بیر عورت
گوروب او حال اسفناکی ایلدی رقّت

دئدی دیولّه بولار زنگ بار اسیری دیلر
بو سوز غلطدی یقین کینه دستگیر دیلر

بولارکی آدلارینی خارجی قویوبلا تمام
بولار دگولّه مگر اهلبیتِ شاهِ انام

دولان دیران بولاری ظلمیله گذر لرده
یزید ایدن ستمه ایستیور چکه پرده

من ایندی مسئله نون اصلینی سوال ایدرم
سوزون حقیقتنی هر نه اولسا کشف ایدرم

بو آرزوئیله ناگه مرامی حاصل اولوب
اسیرلر شَرفی زینبه مقابل اولوب

ادبله عرض ایلدی ای بلا کشیده خانم
اولان جفای فلکدن قدی خمیده خانم

دیون گوروم منه سیز هانسی گلشنون گلو سوز
گلی خزانه دونن مرغ زار بلبل وسوز

هارالی سوز کیمه وار نسبتوز ندور نسبوز
بو ذلتی له اسیر اولماقا ندور سببوز

جواب ویرمدی زینب ایدوب دوباره سوال
ادبله عرض ایلدی ای سپهر حسنه هلال

بویور گوروم سیزی تاری هارا مسافری سوز
جنایتوز ندی آلام غم مجاوری سوز

بلالی زینبون آرتیردی آه و ناله سینی
سرشگ نابیله دولدوردی گوز پیاله سینی

خانم توجه ایدوب سویلدی که ای عورت
نه اعتباری له من سنله ایلیوم صحبت

تانیمیرام سنی من دوست یا که دشمن سن
شماتت اهلی دگول سن محل ایمن سن

دئدی خانم سیزون احوالوزه پریشانم
بو قدر وار نماز اهلی ام مسلمانم

بو شهره گلمه میشم من سیزی شماتت ایدم
شکسته قلبه باشارسام گرک حمایت ایدم

خانم بویوردی ای عورت نماز ایدنده ادا
تشهدوزده نه ذکر ایلیسوز دیون آیا

ادبله سویلدی ای بانوی دیار حجاز
بودور تشهّدی میز هر زمان قیلاندا نماز

دیروخ اَشهَد اَن لا اله الا الله
دالنجا وحده پس لاشریک له آنگاه

دینده اَشهَد انَّ محمّدا او زمان
ایاقه دوردولا یکسر یاننداکی نسوان

گوروب محمد آدین ذکر ایدنده اول عورت
او اسم خاطرینه ایتدیلر هامی حرمت

خطاب قیلدی محمد کیمون آدیدی مگر
بو نوع حرمت ایدیرسوز او اسمه سیز یکسر

دئدی خانم اونا روحیم منیم اولا قربان
او دور پیمبر اکرم رسول عالمیان

بیزه عقیدهء اسلامی ایلیوب تعلیم
روادی اسم شریفین دیاخ بِلا تکریم

گرک دینده محمد آدین ایداخ اکرام
که حرمتین بیزه واجب ایدوب خدای انام

ایشتدی بو سوزی زینب چکوب جگردن آه
دولاندی یثربه عرض ایتدی یا رسول الله

آدیوا کوفه ده حرمت بو امّت ایللّر
و لیک قیزلاریوا حَتک حرمت ایللّر

سنون مبارک آدون محترم بولوله مدام
حیالی قیزلاریوا خارجی قویوبدولا نام

بو یِرده روم و فرنگ احترامی چوخ چوخ دور
حسین حرملرینون لیک حرمتی یوخ دور

اگر علت غائی اولان بو گفتاره
جزای خیریدی محشرده هر عزاداره

دلیل عمده سی بانی اولوبدی (مریخی)
یازوبدی خامیه (وافی) بو شرح تاریخی

گوروم خدای حسین ایلسون اونی مأجور
عزا دوتانلارین ایتسون حسینیله مشهور

• پنج شنبه
• 18
• شهریور
• 1400
• ساعت
• 20:11
• نوشته شده توسط
• یوسف اکبری

قارداش سراغ آلدیم باشون من بو دیاره گلمیشم
بش ایل خانملق ایتدوقوم شهره دوباره گلمیشم

سندَن صورا اهل جفا ال آچدی یکسر غارته
غارت اولاندا خیمه لَر دوشدوم حسین چوخ زَحمته
اوُلدم که بیمار اوُغلووی سالدیلا خاک ذلّته
گُورجَک اوُنون اوُل حالتین چوخ آه و زاره گلمیشم

قارداش قرار و صبریمی بو فُرقتُون الدَن آلوب
خوردا اوشاقلار ناله سی بو زِینَبی دلدَن سالوب
گُونلر اِیویندَه پِیکرون گُوردوم حسین عُریان قالوب
صَد پاره گُورجَک جسمیوی آرامیمى الدَن آلوب
آغ ساچلارین آچدی باجون گُل نَعشوَه سایه سالوب
بیله خیال اِیتمَه سنی قُویدوم مَزاره گلمیشم

بیرده بو کُول باش زِینَبُون قارداش ایله دلدَن یانوب
دلدَن یانوب دور سَهلدور جسمیم سراسر اوُدلانوب
اوندا که گُوردوم جسمیوی قطعه بقطعه دُوغرانوب
قُویدوم او نُوعی جسمیوی من پاره پاره گلمیشم

غارت اِیدوب سُویدی بیزی نه نَحوِیلَن قُومِ شَریر
شِمر و سِنان اِیتدی حسین بیز اِهلِ بِیتی دَستگیر
آچ بیر او قانلو گُوزلَرین باخ گُور نجه اوُلدوخ اَسیر
یُولّاردا قارداش دُوشمُوشم چوخ چوخ فشارَه گلمیشم

دَشتِ بَلادَه بیر گِجه سَندَن صُورا من قالمیشام
اَطرافیمَه خُورد و کَبیر اَهل و عَیالون آلمِیشام
شامِ غَریبان دُوتمُوشام اَفلاکه لَرزه سالمِیشام
صُبح اوُلدی اوُلدوم دَستگیر مَن اَهلِ نارَه گلمیشم

#شوری تَمام اِیت نُوحه نی عَرض اِیله یا جَدّا سنَه
مَظلومَه زِینَب حَقّینَه وِیرّم قَسم لطف اِیت مَنه
کُرب و بُلادَه جَمعیلَن با هم گَلیدُوخ شِیوَنَه
زِینَب دِیلینجَه عَرض اِیدُم مَن بُو دِیارَه گلمِیشم

• شنبه
• 14
• مرداد
• 1402
• ساعت
• 22:07
• نوشته شده توسط
• یوسف اکبری

گَیرندَه کُوفیَه زِینَب باخُوب جِدا باشینا
دِییردی دَردِ دِلین اؤز یارالی قارداشینا

گَلوبدی نِیزدَه قانلو باشین دِیلَه قارداش
کَلامِ حَقّی اوُخور اَهلِ باطلَه قارداش

دوبارَه یارَه وُوروبلار آخار باشُون قانی
یانار بَلالی باجُون بِیلَه نِیسگیلَه قارداش

گِئچَن گِئجَه باجون ئولسُون کُول اوُسته یاتمشیدُون
مَحاسِنُون بلَشُوب تُوپراقا کُوله قارداش

اوُقان دُولان گُوزون آچ دَربدَر عَیالووَه باخ
ووروبدی بُوینُومُوزا شِمر سِلسِلَه قارداش

بَلالی باشُوین عِشقی سالوب بَلایَه منی
بو حالِ زاریمی بیر کِیمسَه یُوخ بُلَه قارداش

یاناندا خِیمه لَرون یانمیشام آنام اوُغلی
دُونوبدی آهِ دِلیم اوُدلی مَشعلَه قارداش

اُوقَدر قَمچی وُوروب شِمر قُوللّاریم گُووَروب
بو غَملریلَه باجون اؤلمیُوب هَلَه قارداش

باشمیدان آلدیلا غارَت گُونُوندَه مَعجَریمی
اِئدوم نَچاره کی مُحتاجم حائلَه قارداش

یُوزوم آچوقدی وَلی زُلفیمی نِقاب اِئدرَم
یُوزینی گُورسه لَه زِیبِنب گرک ئولَه قارداش

ندَن سُوروشمُوسان اَحوالینی بو خُون جگرین
باجونی هاردا گُوزوندَن سالار بِیلَه قارداش

اَلیندَه دَف چالوری کَف بو اَهلِ کُوفه تَمام
ورولّا آتَشِ طَعنیلَه اوُد دِله قارداش

سِینیق کِجاوَه دَه بازاری باش آچُوق گَزُورم
بو بَختِ قاره دَه باخ بیر تَحمُلَه قارداش

بُو اهلِ کُوفه تَصدُق وِیرولّه قیزلارووا
دُوشوبدی عِترتُوون اَمری مُشگلَه قارداش

#حسینی زِینَبِ کُبری دِیلینجَه یاز بیردَه
گَلوبدی نیزه دَه قانلو باشون دِیلَه قارداش

• شنبه
• 14
• مرداد
• 1402
• ساعت
• 22:13
• نوشته شده توسط
• یوسف اکبری

گُوزوم قُولاقُوی آچ گُور نه شُور و غُوغا دور
نُولوب یِر اوُسته که گُویلَردَه حَشر بر پا دور

سالوبدی غُلغلَه آفاقَه کَف کَفِ ناقَه
صدای زَنگ جِرنگا جِرنگ پیدا دور

چخوبدی آتلولارین های هُوسی اَفلاکه
گلوبدی شِیحیَه آتلار نه شورِ عُظما دور

هوانی توز بُوریُوب بسکه گُوز گُوزی گُورمَز
دَگندَه بیر بیره هر کیم دِیر نه غُوغا دور

گلولَّه شهره ائشیکدن جَماعتِ اَعراب
دیولّه بیر بیرینه کُوفه دَه تماشا دور

حِجاز اسیری عَراقه گلور قَطاریلَه
اسیرلَر هامی آلِ علىّ اَعلا دور

دیولَّه ایمدیه دین گلمیوب بو یوزده اسیر
نجومِ لامعه یا قرصِ بَدرِ بیضا دور

باسوبدی یوزلرینی توز سالوب طَراوَتدَن
اگر چه طرّه لَری طرّهء مُطَّرا دور

دونوب مدینیه سَسلَلَّه یا رَسول الله
عزیز عَیالوه گُور نه بو ظلمِ بیجا دور

حَرملَرون قباقندا باخون او بیماره
گُورون نقدر دل آرا جوانِ رَعنا دور

دولاندیراندا گوزین آغلا دور گُوز اَهلی لَرین
گه عینِ ماحَذرو مَن بَکا و اِبکا دور

اسیر اولوبدی قولی باغلی چون غلامِ حبَش
تمام عالمه مُولا وجودِ مُولا دور

اَسُوبدی یِل سُووروب خار و خَس دوتوب بدنین
گورن دیر که لباسی حریرِ خارا دور

بو ناتوانه آغر دور دوشاخه و زنجیر
مگر بونون یری دیلم و یا بخارا دور

بویوردی که من امامم بابام مُحَمّد دور
که دینی ناسخِ شرعِ کلیم و عیسا دور

عصا الینده یانینجا کیشیکچی دور موسی
قبول ایتسن اگر همدمیم مَسیحا دور

باشمدا زرکش عمامه حمایلیم قرآن
بابامدی حضرتِ یاسین بیر آدی طاها دور

اوجا سسیله گرک کوفه نین اوجالسون آدی
نچونکه کوفه مقامِ علیّ اَعلا دور

دورا دورا چکیلور کوفیه قطارِ حرم
که قافله باشی رنجور و ناتوانا دور

نجه روادی دیولسون غلام او مُولایه
که جدّ اَمجَدی سادات نسلِ مُولا دور

گلوب او دمده بیر عورت دیدی یواش یرییون
مهارکش سیزه هر چند قوم اعدا دور

دیدی اسیرلره سیزلره بیوک کیمدور
گلوب جواب او اسیر بلند بالا دور

آدین سوروشسان اگر مادرِ عزا زِینَب
اسیر بند بلا ملجاء اسارا دور

دیون گوروم منه ای قومِ مبتلا کیمسوز
که یوز ویروبدی سیزه محنت و بلا کیمسوز

بوقدر عورت اوشاق قزگلین اسیر اولماز
مگر که ایلمی سوز بیر بیوک خطا کیمسوز

چاپوب سویوب تالیوب هم دوتوبلا ائللیقیله
ایاق یالین باش آچوخ قوم و اقربا کیمسوز

گلن گولور سیزه طعنه ایدور شَماتَت اِیدر
دگول سیزه سخن ناروا روا کیمسوز

اوشاقلاروز هامو آهو بالاسینا بنزر
بویوندی نازک آریخ ساق و گوز قرا کیمسوز

اگر دیم سیزه کافر دوتار منی قرآن
که ورد اولوب سیزه قرآن و هَل اَتی کیمسوز

خبر ویرون ندی ناخوشلوقی او بیمارین
که تاپموسوز اونا بیر شربت و دوا کیمسوز

بو حالته در و دیواردن گلور ناله
دوتوبلا سیزلره جنّ و بشر عزا کیمسوز

• شنبه
• 14
• مرداد
• 1402
• ساعت
• 22:14
• نوشته شده توسط
• یوسف اکبری

بودی کُوفه شَهر اَعظم آتامین دِیاری قارداش
دِئمیشم علومِ قرآن بِش اِیل اِفتخاری قارداش

بو خانملارا حسینجان بِش اِیل اِئتمیشم خَدارَت
چوخی آرزو اِئدردی منی اِیلسُون زیارت
تانورام چوخون گُورَندَه چَکُورم او دور خَجالت
توکُورَم خَجالتیمدَن یُوزَه زُلفِ تاری قارداش

اِیکی دَفعه قسمت اوُلدی باجووا ورودِ کُوفه
بیری گُلستانِ بَختیم گُل آچوب وِیروب شُکُوفه
بیری اِیمدی طالعیمدَه قَمریم دُوشوب خُسُوفه
دایانیدی گردِشیندَن بِئله روزگاری قارداش

بو دِیاردَن او گِئچمش گُونومین صَفاسین آلّام
او مَحلّیه باخاندا آتامین صَداسین آلّام
او نه کُولدی گُل یُوزونده گُوزیوین قاداسین آلّام
یِتشیدى اَل سِیلِیدیم او قانی غُباری قارداش

سَسیوی آلوب جِدادن بِئله بُولدوم عِزّتیم وار
گینه ساغدی آلِ هاشم سِمَتِ خَدارتیم وار
قُولی باغلیام اَسیرم اُوره گِیمدَه حَسرتیم وار
بو شَماتَت و بو ذِلّت آلوب اِختیاری قارداش

سالورام خیالَه قارداش آتامین او باش یاراسین
اَلیم اَسدی باغلیاندا نه یاواش یاواش یاراسین
گَتور اِیمدی باغلیُوم من آنام اوُغلی داش یاراسین
یارا باغلاماق اوُلوبدی باجووین شُعاری قارداش

بُولوسَن غَم آتَشینده آلشان سَمندَرَم من
بُولوسَن بابام ئولندَن بِئله قارَه مَعجَرم من
هانی یِدّی قارداشیمدان بیری زار و مُضطرم من
باجووین گِئدوب وِقاری کَسیلوب قَراری قارداش

نَقدر تَفاوت اوُلدی بو اِیکی سَفرده امّا
او زَمان کِجاوَم اوُسته گُول آتاردی پیر و بُرنا
باشیما تُوکُولَّه کُوللّر داش آتولّار اِیمدی اَعدا
او گُون اِختیاری گَلدیم بُو گُون اِضطراری قارداش

بو دِیارین اَهلی قارداش نِجَه بیوَفائیمیشلَر
هامی ظاهراً مُسلمان نِجَه باصَفائیمیشلَر
یُوخومش بُولاردا اِیمان بِئلَه بیحَیائیمیشلر
اِیکی اوُزلی لَردی آتمیش هامی شَرم و عاری قارداش

نقدر #کریمی تِیکسِین یُولا چِشمِ اَشکبارِین
اوُرَگیندَه چَکسِین عَکسِین او مزَار شِش کَنارِین
اوُنی دَعوَت اِیلَه گَلسِین قُوجالیق آلوب قَرارین
یا وِئرندَه جان اوُزون گَل قُوتار اِنتظاری قارداش

• شنبه
• 14
• مرداد
• 1402
• ساعت
• 22:15
• نوشته شده توسط
• یوسف اکبری

حسینیلر مَعاصینون اگر وار عُرفده حدّی
اماندی پوزمیون سیز کربلاده باغلانان سدّی

اونون معموره سی عبّاس قانیله اولوب محکم
توکون گوز یاشی صدقیله سیزه دنیاده یتمز غم

حدیثِ کربلا ذکر اولدی باتدیم محنت و یاسه
دولاندی سرسخن یتیشدی رأسِ عبّاسه

خبرلرده اولوب چوخ کشمکش بو مطلب اوستونده
کسیک قولّاریله نجه دایاندی مرکب اوستونده؟

یدِ مقطوعیله دوتمشدی الده بیرقِ اسلام
دیشینده تیغی ایلردی گلن سردسته نی اعدام

صدای الحذر اوج ایلمیشدی طاقِ نه طاقه
غریوِ غلغله بیر هایهو سالمیشدی آفاقه

صاق و صولدان قباقدان دسته لر مغلوب اولوب قاچدی
او حالتیله مفصّل کثرته وحدتله یول آچدی

قضا انگشتی ، دندانِ تحیّرده قالوب حیران
یری وار زینبِ کبری' دیسون من شَصتوه قربان

بو اثناده بلا پیکانی اوز زورین نشان ویردی
هدف عبّاسِ نام آور جبینین تا نشان ویردی

دیمم اوچ شعبه اوخ گلدی نجه پیشانیه دگدی
حسینون قدّینی لیکن عمودِ آهنین اگدی

نجه شقُّ القَمر اوضاعنی گوستردی پیغمبر
اونی تجدید ایدوب عبّاسیله باهم علی اکبر

دوشنده خاطره هر دم یارالی باش ، فرجامی
اولور معلوم عالَمده اولان امرون سرانجامی

دیر راوی ایدنده جلوه نوکِ نیزده باشلار
یولوندی آلِ عصمتده سراسر مشگمو ساچلار

ولی سردار باشین گورمدیم من نیزده گویا
او باشه واریمیش بیر آیری منزل و مأوا

نچه مأمور آلوب فرمان بساطِ ظلمینی قورسون
دگل ممکن او باشی نیزه داری نیزیه وورسون

همان راوی دیر من کوفده گوردوم سمند اوسته
گلور بیر نفر بیر سرله ولی آهسته آهسته

ولی قرصِ قمر نورین دوتوبدی عقرب میزان
نه گوردوم مرکبون بوینوندا وار بیر مشعل آویزان

یقین ایتدیم که بو رأسِ علمدارِ شهِ دیندور
عمودِ آهنین زخمی او باشدا آیتِ کیندور

(روفه گر) معصیت پیمانه سین چوخ ایلیوب سرشار
خیال ایلر اگر لطف ایله سن اولسون اودا ، زوّار

بو شرطیله که محروم اولماسین بو فیضدن حضّار
اوخونسون روضهء عبّاسیده ذوقیله بو اشعار

• دوشنبه
• 16
• مرداد
• 1402
• ساعت
• 22:37
• نوشته شده توسط
• یوسف اکبری

من کارگاه مهر و وفا شاهکاریم
گنجینه ی وقار، دُرِ شاهواریم

مستوره ی ستبرق تقوا و حکمتم
سیّاله جوهرم رگ عصمتده جاریم

آئینه ی تجلّی جانان جلاسیم
زنگار آبگینه ی بیداد و خواریم

باران اشکیمیله صفای گل وفا
تقوائیله بهشت دیانت بهاریم

قید ستم محالدی پابند اولا منه
من رشته ی وفاده محبّت شکاریم

طوبای باغ خلد وفا و محبّتم
بار فضیلت و ادبین شاخساریم

قلب کویری گلشن ایدر فیض منطقیم
رشح زلال معرفتین چشمه ساریم

من مفخرم قبیله ی انسانه کونده
من یادگار فخر رسل یادگاریم

من پیروم حسینه ره عشق و شورده
من جان نثار حُسن ازل جان نثاریم

تا ماه آسمان امیدیم ایدوب غروب
شبهای تار هجرینین انجم شماریم

قارداشیمیله یتدی شهادت شرافته
منده اسارتین شرف و افتخاریم

هرگز نه تیره بخت اولی مقهور عشق اولان
من عشق و شور عزّتینون کامگاریم

گلرنگ اشک، دامنیمی گلشن ایلیوب
من نوبهار عشق و وفا لاله زاریم

بختیم گلی شکفته دی اعجاز عشقدن
گرچه خزان اولان گلومون داغداریم

یاندوقجا دل شرار غمه جان تاپور صفا
من بوته ی غمین زر کامل عیاریم

راه خطرده سیر ایدرم پای شوقله
چون گوهر خزینه ی جان خواستاریم

مندندی زیب جوهره ی عفّت و حیا
من گوش نوعروس ادب گوشواریم

مسندنشین کاخ رفیع کرامتم
هرچند راه عشق و وفا خاکساریم

مینلر بیله مصیبت اولا سهلدور که من
صبر و شهامتین جبل استواریم

من عشقین آبروسی اسارت کرامتی
سلم و رضا فضیلتی صبر اعتباریم

مژگان قلم، مداد سرشکیم، ورق یوزوم
سودای شور عشق، وقایع نگاریم

صیت وفا آدیملا دوتار جمله عالمی
من زینبم وفا و محبّت شعاریم

یتمز قرار و طاقتیمه ظلمدن خلل
امّا بو بی قرارلرین بیقراریم

درد ایتمرم حساب محبّت مصائبین
دردیم بودور که فرقت جانان دچاریم

هر یولدا سیر ایده باشی آرام جانیمون
آردینجا سایه تک او یولون رهسپاریم

سررشته عشق الینده دی، هرچند ظاهراً
من بو شکسته قافله سر رشته داریم

بیر ال قویولدی سینمه طغیان عشقده
علّت او الدی هر ستمین بردباریم

هرچند اوزوم محاط غم و درد و محنتم
بو غمکشیده قافله نون غمگساریم

آی آیت کرامت و احسان و معدلت
بیر عمریدور مصیبتیوین سوگواریم

بو شعرلر بهانه دی اظهار عجز ایدم
بیر درگهه که چشم به راه غباریم

بیر نظره ی عطائیله ایت چاره دردیمه
(عابد) کیمی عنایتون امّیدواریم

• دوشنبه
• 16
• مرداد
• 1402
• ساعت
• 22:39
• نوشته شده توسط
• یوسف اکبری

گزر هواده جدا اوسته چوخ کسیک باشلار
نه محشر اولدی هواسنده کربلا گورونور

یقین اولور منه بو شهر کوفه دور یاران
نه چونکه خلقی نهایتده بی وفا گورونور

بو شهر ایچینده بئش ایل،من خانملق ایلمیشم
خانملارا قره واشلق نئجه روا گورونور

حریرچادر،باشیندا معجر گلدوز
لباس کهنه گیوب معجر قرا گورونور

سنان اولوبدی منه پاسبان،هانی عباس
کجاوه مه یاپشان شمر بی حیا گورونور

حسین دینده منه کیمسه جان دین یوخدور
حسین دینده کسیک باشیله جدا گورونور

بو کوچیه گیریَم سینه ده اورک دوگونور
گوزیمه بو قاپی باخدوقجا آشنا گورونور

بو کوچه نی تانیرام گل قطاریمی دؤندر
گوزیمه درگه سلطان اؤلیا گورونور

آتام باشی کیمی بو شهرده سنار باشیم
بلالی باشیمه بیلّم گنه بلا گورونور

بویوردی سیّد سجاد صبر ائله عمه
که ذلّتون عوضی ذلته رضا گورونور

گیرنده مسجد جامعده باخما محرابه
دولوبدی قانیله آثار مرتضیٰ گورونور

#دخیل گوزیاشینون گوهرینه یوخدی عوض
نچون بهاسی رضامندی خدا گورونور

• دوشنبه
• 16
• مرداد
• 1402
• ساعت
• 22:40
• نوشته شده توسط
• یوسف اکبری

ای نیزه باشیندا آیه آیه قرآنی تلاوت ایلین باش
حقیّتی آندور اشقیایه ، اثباتِ حقیقت ایلین باش

ای تشنه جگر بلا چولونده ، درد و غم و ابتلا چولونده
اوز جانینی کربلا چولونده ، قربانِ شریعت ایلین باش

حقّ اوسته حقیقت اوسته ئولدون ، مِهر اوسته محبّت اوسته ئولدون
دین اوسته دیانت اوسته ئولدون ، احکامی رعایت ایلین باش

سن گُل کیمی تشنه قانه باتدون ، سن هیکلِ دینده جان یاراتدون
باش فکرینی عمده باشدان آتدون ، اعلانِ شهامت ایلین باش

چوخ دینیوه نصرت ایلدون سن ، زهرایه قیامت ایلدون سن
اسلامه حمایت ایلدون سن ، ای حقّه حمایت ایلین باش

جان وئردون عجب شرافتیله ، دین اوسته سوسوز شهامتیله
اوز آدینی ای حقیقتیله ز تاریخه کتابت ایلین باش

سال گون کیمی چرخ ابتلاده ، انوارِ حقیقت هر بِلاده
ای لحنِ حجازیله جداده ، داوودی خجالت ایلین باش

باتدون سن او گونکی تشنه قانه ، گَلدی دلِ ماسوایه فغانه
آغلار سنه (نجمی) یانه یانه ، ای آیه تلاوت ایلین باش

• دوشنبه
• 16
• مرداد
• 1402
• ساعت
• 22:45
• نوشته شده توسط
• یوسف اکبری

قران اوخودی کوفه ده تا سید ابرار
دولدی باشا باش عابریله کوچه و بازار

قالدی آرادا قافله سالار مدینه
اطرافی احاطه ایلدی خیل تبه کار

زهرا قیزی بیر فرصت عالی اَله سالدی
قارداشینا تا درد دیلون ایلیه اظهار

یوز دوتدی جداده سر شاه شهدایه
سَسلندی که قرآن اوخی ای سرور و سالار

قرآن اوخی جانیم او گوزل لَحنیوه قربان
قرآندی نه چون بیزلره بو دهریده معیار

گَلدون نه گوزل وقتیده امدادیمه قارداش
لطفون منه شامل اولٓی هر موقع دشوار

گل نطقه بیر آز منله دانیش نوک جداده
سویله نه گَلوب نیلی اولوبدور گل رخسار

ای نیزه ده معراج ایلین عرش خدایه
مهمانیله کیمسه ایدر آیا بیله رفتار

ای وای منه زلفون بَلَشیبدور کوله قانه
واردور یری ئولدورسه منی صحنه غم بار

اوز باشینه ویرمازدی باجون محمله باشین
یاندیردی دل و جانیمی بو فعل شرربار

تا دوشدی گوزوم نیزه ده نیلی یوزه بیر آن
ذهنیمده گَلوب اولدی مجسم در و دیوار

مسمار سوزون کوفه ده آچسام باشا گلمز
قالسین هله محشر گونونه صحبت مسمار

ایندی ولی بیر مطلبین آچ زینبه سِرٓین
علت نَدی گئتموبدی جدایه سر سردار

قالموبدی یقیناََ او سینان باش سر نی ده
بیر آت دوشونه آسلیب اول رأسی بو اغیار

اولسون آناسی ام بنینین ایوی آباد
ایتدی او بیابانیده دنیا بویی ایثار

باخ بیر هله سن اکبریله لیلی زاره
لیلاده تاپوپدور منه تای فرصت دیدار

قاسم اوز عروسیله مقابل دایانوبدی
درد دل آچور بیر بیرینه بو ایکی دلدار

هر تک تکینون نیسکیلی دیلده سایا گلمز
دیلرده او آلامه شریکم من بی یار

جان تک نه بلا گَلدی اونی جانیمه آلدیم
بوکدی بئلیمی ظلمیله درد و غم بسیار

صراف زمان سایسا شماره گَله هیهات
هیچ کیم بوله بولمز سایئنی جز حق دادار

سَندن صورا اصغر آناسی جرعه سو ایچدی
سوت گَلدی گِجه سینه سینه اولدی گرفتار

سَسلوردی اوغو‌ل دادیمه گل هاردا یاتوبسان
بیر صحنه یارانمیشدی که، اَهلون دیدی زینهار

وار شهد شهادتده برادر نه حلاوت !؟
سَسلور آناسی خوابه گیدوب اولموری بیدار

بیرده بو رقییله دانیش نوک جدادن
تا دوشمیه دیلدن هله بو طوطی گفتار

کوفه سوزونی سعی ایله چوخ آچما عتیقا
اوز بولدوقونی ایتدی او گون خصم جفا کار

درگاه خداوندیده مقبولیدی شعرون
چون دوتدی اَلوندن بو گِجه عابد بیمار

• دوشنبه
• 16
• مرداد
• 1402
• ساعت
• 23:09
• نوشته شده توسط
• یوسف اکبری

اوتانون ای اهل کوفه بیزه باخمیون جماعت
دیمیون که خارجی سوز، بیزوخ اهل بیت عصمت

باخوب ایتمیون خجالت?بیزوخ عترت رسالت

بو خراب شهرون اهلی دوزولوب تمام صف صف
بیزه ایله سوز تماشا وار اَلوزده بربط و دف
بیری بغضدان وورار طعن، بیریسی گُلر، چالار کف
ولی بُلموسوز کیموخ بیز نظروزده یوخ بصیرت

سیزی چولقیوبدی غفلت

بیزه چوخ بلالر اولدی، بیوک اولدی محنتیمیز
پوزولوبدی رونقیمیز، گیدوب اَلدن عترتیمیز
سویولوب تالانموشوخ چون داغیلوبدی شوکتیمیز
چَکیلون گیدون کناره بیزه بَسدی بو مصیبت

داخی ایتمیون شمادت

بیز اگر سیزون گوزوزده بو دیاریده اسیروخ
بو جماعتین اَلینده بیله زار و دستگیروخ
بیز عزیز روزگاروخ، سیزه ظاهراً اسیروخ
آتامیز بو مملکتده بِش ایل ایلیوب حکومت

او شهنشه ولایت

دیمیون که ظاهرا بیز بیله هر نظرده خواروق
فلک ایلیوب بلاکش بو جفالره دچاروق
نه اسیر روم و دیلم نه فرنگ و زنگباروق
بیزه شهریدور مدینه واریمیزدی دینه نسبت

دگُلوق بیر اوزگه ملّت

گوروسوز او خوردا قیزلار مَلَر آهو تک سیزیلدار
چَکیلوب طناب ظلمه هامی گلّه ی غنم وار
وورار آغلیاندا دشمن گهی سیلی گاه تاتار
هامی آل مصطفادور هامی معدن جلالت

هامی خاندان عفّت

باخوسوز او قانلی باشه که جداده بنزر آیه
او شریعتین یولوندا کَسیلوب گیچوب جدایه
سیزه بُلدورور اوز حقّین گتیرور دلیل آیه
چون اودور کلام ناطق ایدر آیه لر تلاوت

یِتیرور بو قومه حجّت

او باشی که داش وورارسوز شهِ زمره ی اُممدور
او لطیف و نازنین باش چوخ عزیز و محترمدور
عجب احترام ایدرسوز بو نه جُور و نه ستمدور
نه روادی سیز او باشه ویره سوز بو نوع زحمت

ایده سوز بو قدر اذیّت

واریموزدی ماسِوایه هامی رتبه ده تَفَوّق
نه قَدَر که ظلم ایدرسوز دورون ایتمَروخ تملّق
اوتانون داخی جماعت بیزه ویرمیون تصدّق
یِمَز عترت پیمبر که حرام ایدوب طریقت

بیزی منع ایدوب شریعت

• دوشنبه
• 16
• مرداد
• 1402
• ساعت
• 23:10
• نوشته شده توسط
• یوسف اکبری

خــــــــــورشید دل افروز جـهان بشریت
تــــــــــاپدی صمدّیتده نـشان احــــــــــدّیت

تــــــــــجرید محبتده گــــــــــورر روح مجرد
مغربدن ایدوب مشرقه خورشید عقبگرد

مطبخده کول اوسته ایدوسن گاه تجلی
گاهی گیدوسن داره بمانند مسیحا
هر چند مسیحایه عوض اولدی یهودا
قربانی قرآنه یقیناً عوض اولماز
جوهرده تجلای جلای عرض اولماز

رویادی و یا اینکه حقیقتده تو هم
یا عشق طبیعتده تاپوب حق تقدم
گلمیش بو کسلمیش باشا نیروی تکلم
بولدوم که فقط بسته دی بو قدرت عشقه
قرآن اوخی سال ولوله شامات و دمشقه

بیرگون بیله ای گون قالا مشکلدی بوحاله
گون آی کیمی بیرگون اولا تشبیه هلاله
کولدن چکیله دوره سینه پرده و هاله
اوّلده منه واضح اولونموشدی بو مطلب
ای وای ، یارالی، سنه قربان اولا زینب

زهرا قیزینی کوفه لیلر یاخشی تانولاّر
چون ابولهب ایمدی تب تبّتده یانولار
اولدوز کیمی بیر عده دالونجا دولانولار
یــــــــــولار دا غبار غم و درده بورونولّر
بیر عده اوغولسوزدا دالونجا سورونولّر

ای مرشد کامـــــل سنه هر یرده مریدم
ای آیــــــــــت امـــــید سحــــــــــرگـــــاه امیدم
نــــــــــومیدم اگــــــــــر بـــــسته بیداد یزیدم
بو نهضتی تعقیب ایدوب اتمامه یتورّم
حتماً بو رقیه قیز یوی شامه یتورّم

شاماته یارالی گیدرم ولوله سالام
سودای محبتده مگر فکریده قالّام
بیرگل ساتارام شامیده بیر پیرهن آلام
من پیرهن یوسفی کنعانه گَتورّم
محنت زده یعقوبه گوزوم اوسته یتورّم

قارداش باجیوین شامده برنامه سی واردی
هنگامه عشقین گینه هنگامه سی واردی
زهرا آنامون من کیمی علامه سی واردی
بو کوفه ده الهام آلارام نطق علیدن
تاریخ فصاحت دیه تا زینبه احسن

آهنگ شباهنگ ایدرم مثل شباهنگ
عشق اهلینه بو عیبدی اصلاً اولا دلتنگ
اولام یارالی باشیله قارداش سنه همرنگ
بیر تازه قانا سن باتاسان منده بویاّنام
ویّرام باشیمی محمله منده یارالانّام

گوز یاشیمی مانند شفق قانیمه قاتدیم
باشون کسیلوب باشداکی باش فکرینی آتدیم
بو کوفه ده ای وای منه زنداندا دا یاتدیم
الله بولوری اوردا عجب گونلره قالدیم
قارداش بولوسن بیر گونون عرضینده قوجالدیم

زینب هارا زندان هارا گور من هارا گیتدیم
اما گینه زندانیده مقصودیمه یتدیم
زهرا آنامین آغلا ماقین بیرده ایشیتدیم
قارداش عجب آماله یتوب آل اُمیّه
قرآن اوخی ویر تسلیت آغلور بو رقیه

سن عــــــــــالم عــــــــــرفانیده تاج عرفاسن
نای نـــــی عزتده سخن ســــــــــاز نواسن
لب تشنه اولن پادشه کرب و بلاسن
یوخ صبریمه معیار منیم صبر داشیندا
سر لشکریون باشی هانی نیزه باشیندا

دنیا گوزی گورموبدی که بیر دفعه گولیدیم
کامیمده اونون لذتینی منده بولیدیم
ایکاش حسینیم سن اولونجه من اولیدیم
باخ بیرجه ربابین گوزونون یاشینه قارداش
باخدوقجا جداده سودامر باشینه قارداش

لیلایه دیدیم سیل سرشکون یوزه باغلا
آغلا بویانان قلبیمی نار غمه باغلا
عذر ایسترمه مندن نقدر آغلاسان آغلا
آخر نجه من ایتمیوم اظهار تمایل
اکبر باشیدی محمل لیلایه مقابل

عریان دوه بیر بستروی راحتدی علیله
ناخوشدی گرکدور یتیشه ظل ظلیله
بو کوفه دی آتشکده اولاد خلیله
نمرود اودونون شعله سی عرشه دایانوبدی
حسرت اودونا نار شمادتله یانوبدبی

هر قلبدن آگاهسن ای واقف مطلب
بو هادی غمدیده نی غم ایتدی معذب
لطفاً نظز لطفیوی کسمه سنی زینب
هر قدر مصیبت ویره یوز هیچ سوزوم اولماز
آخر بابا هر قلبده سن تک دوزوم اولماز

• دوشنبه
• 16
• مرداد
• 1402
• ساعت
• 23:11
• نوشته شده توسط
• یوسف اکبری

آچ گوزلرون اشراری رسوا ایله قارداش
قرآن اوخی قرآنی احیا ایله قارداش

واگیر :
سر نیزه اوستن باخ منه
جانیم اولا قربان سنه
یا رالی قارداش

بو قافله سنسیز اولانماز شامه راهی
یول ایتمه سین الله یاراتدی نور ماهی
سنسن بو یولدا زینبین پشت و پناهی
آهسته گیت اما مدارا ایله قارداش

نیلوم سنه دلبستیم
آهسته یول گیت خستیم
یا رالی قارداش

کیم باشووی سر نیزه نون اوسته ووروبدی
کیم ساقه سیندن بو گولی عطشان قیروبدی
آئینۀ پیشانووی داش سیندیروبدی
بیر یولدا قان آلتدان تجلاّ ایله قارداش

بو امّته دلسوز سن
ئولسونده سن پیروز سن
یا رالی قارداش

بارماقیمه انگشتر دیداری تاخ گیت
سرنیزه ده اولدوز کیمی شاماته آخ گیت
گیتمه گیدورسن نیمه جان قزلاره باخ گیت
بی کسلرین دردین مداوا ایله قارداش

ای روح طاهر آچ گوزون
آللهه خاطر آچ گوزون
یا رالی قارداش

سعد اوغلی ویردی خولیه باشون امانت
اما اولوبدی بو امانتده خیانت
گول چهره وین اوستونده وار کولدن علامت
بو سرّی آچ کشفِ معما ایله قارداش

واضح بویور سوز هر ندی
قارداش بو خاکستر ندی
یارالی قارداش

یوللاردا دوتما فاصله مندن حسین جان
گول آیری دوشمز چونکی گلشندن حسین جان
زهرانون عطرین قوی آلیم سندن حسین جان
گوز یاشیمی یوللاردا دریا ایله قارداش

سایون یُوخی هست ایلیر
عطرون منی مست ایلیر
یارالی قارداش

• چهارشنبه
• 18
• مرداد
• 1402
• ساعت
• 00:59
• نوشته شده توسط
• یوسف اکبری

(قرآن اوخی قرآن اوخویان باشیوه قربان)
آهسته اوخی،باری دوداقیندن آخور قان

سن عرشی بلکده گزن آزاده حسینسن
گویلرده ملک سندن آلوب دردینه درمان

علت ندی؟سر نیزده معراجه چیخوبسان
آز قالدی ربابین گوره بو حالی،وئره جان

سن قاری برجسته ی تاریخ بشرسن
بیز قول قولا باغلی،منیم احوالینه بیر ،یان

آچ گوزلریوی؛گور نه یاریم گونده قوجالدیم
شاهددی آغارمیش ساچیما قادر منّان

درک ایله منی،قولسوز علمداریم ئولوبدی
خردا بالالار یوللاری گزسین نجه گریان؟

من پرچمی آلدیم اله؛پاینده دی نهضت
سن ایله دعا ،اولمیا زینبده پریشان!

من قتلگهیندن چکوب ال،یوللارا دوشدوم
پوزدی منیم احوالیمی چوخ شامِ غریبان

• پنج شنبه
• 19
• مرداد
• 1402
• ساعت
• 00:14
• نوشته شده توسط
• یوسف اکبری

☑️ بند اول

همدم نیزه ها شدی یوسف دل زینب
بی تو افزون شده اخا درد و مشکل زینب

منم پروانه ی بلا جویت
نگاهم عاشقانه بر سویت

? هلالم کرده‌ای هلال من / هلالم کرده‌ای هلال من

☑️ بند دوم

ای برادر چرا جمالت خضاب خون گشته
خواهرت بین اسیراین قوم پست و دون گشته

حسین جانم غریب و تنهایم
نمیدانند عزیز زهرایم

? هلالم کرده‌ای هلال من / هلالم کرده‌ای هلال من

☑️ بند سوم

من فدای سر به نیزه بلدت ای یارم
من فدای صدای قرآن و صوتت ای یارم

بخوان قرآن فدای لبهایت
فدای آن صدای زیبایت

? هلالم کرده‌ای هلال من / هلالم کرده‌ای هلال من

☑️ بند چهارم

از جفای جماعت کوفه آه و واویلا
راس اکبر به روی نیزه مقابل لیلا

به دادم رس به دل نوا دارم
سری پر شور و پر بلا دارم

? هلالم کرده‌ای هلال من / هلالم کرده‌ای هلال من

☑️ بند پنجم

غیر مادر کسی نمیفهمد عشق مادر را
سنگ بر هم زند سکوت رباب و اصغر را

شده دلخون رباب غم پرور
به نیزه شد سر علی اصغر

? هلالم کرده‌ای هلال من / هلالم کرده‌ای هلال من

☑️ بند ششم

یادم آید به کربلا ای حسین چه ها دیدم
آن دمی که زه حلق تو پشت خیمه بوسیدم

دمی که از تو دل بریدم من
خدا داند چه ها کشیدم من

? هلالم کرده‌ای هلال من / هلالم کرده‌ای هلال من

☑️ بند هفتم

کوفه نین غم لی دور هواسی،صفاسی یوخ قارداش
زینبه بو جماعتین هئچ وفاسی یوخ قارداش

بو غمدن دل الولانیر قارداش
بو جمعیت منی تانیر قارداش

? هلالم کرده‌ای هلال من / هلالم کرده‌ای هلال من

☑️ بند هشتم

ظلم الیندن حسینِ من گوزلریمده قان یاش وار
اللرینده بو کوفیانین نقدری گور داش وار

الیمده یوخدی چاره آی قارداش
اولوم ایسته بو زاره آی قارداش

? هلالم کرده‌ای هلال من / هلالم کرده‌ای هلال من

☑️ بند نهم

کوفه اهلی بو نوعی رسم وفانی باشلیلار
حرمت ائتميله یاحسین میهمانی داشلیلار

بو قلبی تیر آهیله بوللم
ویریلسا داش رقیمه اوللم

? هلالم کرده‌ای هلال من / هلالم کرده‌ای هلال من

• جمعه
• 24
• شهریور
• 1402
• ساعت
• 21:32
• نوشته شده توسط
• یوسف اکبری