اشعار ویژه حضرت مسلم (ع)

اماندی گلمه کوفیه
عزیز مصطفی حسین
چکوله داره مسلمی
.بو.شهرین.اهلی.یاحسین
بو شهره گلمه یاحسینᐸ۲>

اگر سفیر عشقیوی
چکوله.داره.یوخ.سوزوم
که.عشقین.اوسته.هرغم.و
بلایه منده وار دوزوم
فدای عشق نابیوم
کمال عشقلن ئوزوم
که مسلم انتخاب ائدوب
بو عشقی ابتدا حسین
بو شهره گلمه یاحسینᐸ۲>

عم اوغلی گلمه کوفیه
که کوفه فتنه دامیدی
وفا بو شهره گلمیوب
جفاسی نا تمامیدی
امامی مست باده ی
شراب ننگ نامیدی
بو شهره حکمرانیدی
حکومت ریا حسین
بو شهره گلمه یاحسینᐸ۲>

بو شهر کینه نین حسین
جفاسی بی حسابیدی
نه اهلی اهل دینیدی
نه پیرو کتابیدی
سرین سویی بو کوفه نین
شرنگ و زهر نابیدی
چکوبدی دام ذلته
بو شهری اشقیا حسین
بو شهره گلمه یا حسینᐸ۲>

مشام اهل کوفیه
وفا شمیمی دگمیوب
گول اولسا بوردا گوللره
سحر نسیمی. دگمیوب
سحر نسیمینون حسین
بو شهره میمی دگمیوب
وفا بو شهر کینه ده
اولوبدی کیمیا حسین
بو شهره گلمه یا حسینᐸ۲>

حسین بو شهرین اهلنون
خصایصی عجیبیدی
کیمین صفات دینی وار
بو شهرده غریبیدی
صداقت آختارانلارین
مریضی بی طبیبیدی
که درد دینه کوفه ده
تاپولمیور دوا حسین
بو شهره گلمه یاحسینᐸ۲>

گلنده شهر کوفیه
دئدیم بو شهره مرحبا
آذان وئریلدی شهرده
نمازه دوردوم ابتدا
اولده ائتدی مسلمه
بو شهرین اهلی اقتدا
نمازیمیز قوتارمامیش
یگان یگان داغیلدیلا
بوشهره گلمه یاحسینᐸ۲>

• چهارشنبه
• 18
• مرداد
• 1402
• ساعت
• 14:44
• نوشته شده توسط
• یوسف اکبری

گجه گوندوز دولانیب گلدی گنه ماه عزا
آغلیور عالم حسینه چکیلوب عرشه قرا
سالیب آفاقه او مولانین آدی شور و نوا
یغیشوب بیرده حسینیه لره اهل ولا
نوحه خوانلار اوخیولار آقاما مدح وثنا
نجه گون باشینه منظومه ی شمسی دولانار
دولانیب شمعین اودوندا نجه پروانه یانار
نجه بلبل باغی شیدالیقی چون یاخشی سانار
یار یولی اوسته نجه منتظر عاشق دایانار
ایلروک بیزده حسین آدی گلن یرده صفا
روضه سی نقل اولونان یرده بولود تک دولاروخ
یاده سالوق سوسوز اطفالینی گل تک سولاروق
بیز حسینیله خداونده مقرب اولاروخ
آلسا الله بوحسین آدینی بیزدن نولاروخ
بیزه اربابیمیزون درگهیدور باب رجا
اوج عزتدی اولاخ درگه مولایه غلام
دوزگون انسانلارا

• پنج شنبه
• 3
• مرداد
• 1398
• ساعت
• 11:57
• نوشته شده توسط
• ابوالفضل عابدی پور

مسلم بن عقیل بن ابی طالبم
یکتنه کوفه نون لشکرینه غالبم
حامی مکتبم
حافظ زینبم
یاحسین جان۴
.
.
کوفه ده قالموشام بی کس وتنها حسین
گلمه بو وادیه زاده زهرا حسین
بوردایوخدی وفا
مردمی بی حیا
یاحسین جان۴
.
.
سن سپهرشرف اولدوزوسان یاحسین
سفره فاطمه نین دوزوسان یاحسین
من سفیرم سنه
لیک اسیرم سنه
یاحسین جان۴
.
.
تشنه دی قانیمه کوفه ده ابن زیاد
داش کیمیندور آقا بورداتمام فواد
قالموشام بی پناه
ای شه بی سپاه
یاحسین جان۴
.
.
من آپاردیم پناه طوعیه وقت غروب
قاتیلیم پشت در مجلس شادی قوروب
قالموشام تشنه لب
ای کریم عرب
یاحسین جان۴
.
.
اولموشام کوفه ده من سنه قائم مقام
ایلورم محضر پاکیوه مولا سلام
شهریارحجاز
قیلدیم

• یکشنبه
• 13
• مرداد
• 1398
• ساعت
• 09:40
• نوشته شده توسط
• ابوالفضل عابدی پور

یتیش داده_فاطمه بالاسی_سینه سی سوزان_جان ویرور مسلم
اولوبدی بو_شهر غربتده_قانینه غلطان_ جان ویرور مسلم
.
حسین گلمه کوفیه ساری
ویراللار قمچیله قیزلاری
کوفیه گلمه_کوفیه گلمه
.
.
.
.
سنی دعوت_ایلوینلر آقا_سیندیروب الان عهد و پیمانین
سفیرون بو_بی وفا ملت_تک قویوب ایندی _قصد ائدوب جانین
عم اوغلون،مرجانه نین اوغلی_جهد ائدوب ظلمیلن توکه قانین
اثر قویدی_ خدعه ی عدوان_جان سنه قربان _جان ویرور مسلم
.
حسین گلمه کوفیه ساری
ویراللار قمچیله قیزلاری
کوفیه گلمه_کوفیه گلمه
.
.
.
.
بو اهل کوفه _اگر چه یازوب_ اون ایکی مین نامه_حسین گلمه
زیادین اوغلی توکوبدی سنون_قتلیوه برنامه_حسین گلمه
سفیرون آهو کیمی عدوان_ بور

• دوشنبه
• 14
• مرداد
• 1398
• ساعت
• 10:51
• نوشته شده توسط
• ابوالفضل عابدی پور

منی تک گوروبدی اعدا
ایلیور جفا حسین جان
بورا گلمه اهل کوفه
ایلمز وفا حسین جان
.
.
من او مسلمم که گیچدیم
ره حقده جان و سردن
باشیما رضایم الله
گله هرنه بو سفردن
قاپوا حسین دخیلم
داخی گیتمرم بو دردن
منه نوشیدور یولوندا
گله هر بلا حسین جان
.
.
منی یولادون بو شهره
اولام عشقووین سفیری
بیله کوفی لر بو شهره
گلر عالمین امیری
اَوَل احترام ایدوبلر
منه خردیلن کبیری
دیدیلرهاچان بو شهره
ویره جک صفا حسین جان
.
.
بیله حالی گوردی مسلم
سنه یازدی نامه تزگل
غم وغصه لر بو یرده
یتشوب تمامه تزگل
بولار احترام ایدللر
سن کیمی امامه تزگل
گوروشون تمام درده
اولاجاخ دوا حسین جان
.
.
ولی کوفه ده عقیده
عوض اولدی گلمه مولا
دا

• دوشنبه
• 14
• مرداد
• 1398
• ساعت
• 10:51
• نوشته شده توسط
• ابوالفضل عابدی پور

مسلمی مامور ایدوبدور سرور دوران حسین
تا اولا اول سفیر لشکر سلطان حسین

.
امر ایدوبدور مسلمه اول سرور عالی جناب
کوفیه عزم ایتمگه ایله عم اوغلی سن شتاب
چشم بازیلن سنی ایتدیم بو امره انتخاب
ذره یوخدور اعتمادیم اون ایکی مین خامیه
کوفیه تک گلمگیم وابسته دور بیر نامیه

.
بو عنایت مسلمی غرق مسرت ایلدی
امر مولادن او وارسته اطاعت ایلدی
بی بهانه کوفیه ساری عزیمت ایلدی
خنجری بلده باشیندا هاشمی عمامه سی
چسب اولوبدور قلبی اوسته شاه عالم نامه سی

.
طی ایدوب منزل لری صحرالری صبح و مسا
بی تامل یول گیدور مرکب بلینده باد سا
حاجتی یوخدور نه آبه نه طعامه مطلقا
ایستیور کاخ وفانی عشقیلن آباد ایده
اول حقی سورا حیدر

• سه شنبه
• 15
• مرداد
• 1398
• ساعت
• 09:42
• نوشته شده توسط
• ابوالفضل عابدی پور

کوفه اهلی یاحسین یالقوزبیرانسان ئولدورور
کوفیه گلمه بولارمهمانی عطشان ئولدورور
.
.
یازدیلارنامه سنه گل بیزلری ارشادائله
انتظاروق یابن زهراگل بیزی آزادائله
دوزیولاایله هدایت بیزلره امدادائله
کوفیه گلمه بولارمهمانی عطشان ئولدورور
.
.
کوفیه وارداولانداقیلدیلارپیشوازیمی
جمع اولوبلاردوریمه آرتوردیلاراعزازیمی
ایمدی وئرمولّلرمنه مهلت تاپام همرازیمی
کوفیه گلمه بولارمهمانی عطشان ئولدورور
.
.
میزبانه فرضدورکه میهمانی ساخلیا
اولمادی بیرکس منی تابیرزمانی ساخلیا
حق اوزی بوطوعه تک شیعه زنانی ساخلیا
کوفیه گلمه بولارمهمانی عطشان ئولدورور
.
.
من سفیرحقّیدیم بیرکس منه یاراولمادی
حقدن هرسوزدئدیم بیرکس خریداراولم

• سه شنبه
• 15
• مرداد
• 1398
• ساعت
• 11:15
• نوشته شده توسط
• ابوالفضل عابدی پور

قالدی مسلم بیکس و بی یار و یاور کوفه ده
یرمی مین بیعت ایدنلر چکدی خنجر کوفه ده
.
.
کوفه نین جریانی تأثیر ایلدی اهل دله
چوخ چتین دست فراموشی بله ننگی سِلَه
نه ایله پیشوازاولونسون نه ستم اولسون بله
اولمیوب هیچ یرده اولدی بو عمل لر کوفه ده
.
.
گه امیرالمومنینه جان فدایت سویلدی
گلدی حیدر ریشه جهل و عنادی پیله دی
کوفه اهلی عدل مولادن گورون بیر نیلدی
وردی باشندان یارا بیر کافر آخر کوفه ده
.
.
گه امام مجتبانی ایلیوبلر رهنما
نور عین فاطمه اولدی او یرده مقتدا
مکر دشمندن یخلدی یثربه گلدی آقا
گوردی قالسا ایلیر ایذا ستمگر کوفه ده
.
.
ایندیده نوبت چاتوب مظلوم حسیندن چکمور ال
هی یازوبلار کوفه اهلی نامه اوست

• دوشنبه
• 21
• مرداد
• 1398
• ساعت
• 12:07
• نوشته شده توسط
• ابوالفضل عابدی پور

من مسلمم ای کوفه! مسلمان حسینم
آئینه‌ی آئین درخشان حسینم
.
از مشرق عشق آمده‌ام خوب نظر کن
چون جلوه‌ای از چهره‌ی تابان حسینم
.
با عطر علی مسجد تو گشته معطّر
مدهوش شمیم شهِ مردان حسینم
.
باید تو مرا از همه بهتر بشناسی
من قنبر عبّاسم و سلمان حسینم
.
از کثرت دشمن نکنم واهمه، زیرا
عمری‌ست که پرورده‌ی دستان حسینم
.
خون علوی در رگ من جاری و ساری‌ست
مدیون عنایات فراوان حسینم
.
هم سیف بنی هاشمم و شیر شجاعت
هم موج خروشنده‌ی طوفان حسینم
.
حالا که شکستند همه بیعت خود را
بگذار بگویم غم پنهان حسینم
.
هرگز نخورم آب تو را در دم آخر
مانند کویر عاشق باران حسینم
.
پیغمبر اسلام به من گریه نموده‌ست
این فخر بزرگی‌س

• سه شنبه
• 22
• مرداد
• 1398
• ساعت
• 14:09
• نوشته شده توسط
• ابوالفضل عابدی پور

کوفه اهلی اولدی دشمن چکدی خنجر مسلمه
ظلم بی حد ایلیوب اول قوم کافر مسلمه
.
.
بی کمک قالدی سفیر پادشاه کربلا
دورت طرفدن اوستونه حمله ائدوب اهل جفا
عرصه نی تنگ ایلیوبدور مسلمه قوم دغا
کوفه ده باغلاندی هرکوچه سراسر مسلمه
.
.
شیرتک غیظیله دقت ائتدی اول لشگره
مثل حیدر ایلدی حمله تمام صفلره
سندی صفلر برهم اولدی میمنه هم میسره
چون حریف اولموردیلا بیرفوج لشگر مسلمه
.
.
سسلدی ای بی وفالرمن حسینه نوکرم
من حسینون بیر توکون کل جهانه وئرمرم
بیرکسه هرگز حسینیمدن صورا باش اگمرم
سیزبیلون فخر خلایق اولدی رهبرمسلمه
.
.
حیف اولا نه یاری اولدی کوفه ده نه یولداشی
کاش اولیدی مسلمون عباس تک بیر
قارداشی
چکمزیدی چوخ ب

• چهارشنبه
• 23
• مرداد
• 1398
• ساعت
• 10:08
• نوشته شده توسط
• ابوالفضل عابدی پور

ترک ائلمه حجازی سن گلمه عراقه یاحسین
کوفلیلر قلیج چکیر بوردا قوناقه یاحسین
کوفه نی بوشلا هر هارا گویلون عم اوغلی اولسا گئت
گلمه اماندی یابن عم گلمه عراقه یاحسین

سوز وئروب اَر چه کوفیان اونلارا اعتباری یوخ
هئچ بیرینین صداقتی فاطمه جانی یوخدی یوخ
خامه لری دونوب اولوب خنجر سمّی اوچ پر اوخ
قتلیوه کوفیان ائدوب بوردا قیام عم اوغلی جان
گلمه بو شهره گلمه،گئت گیتسن هارا عم اوغلی جان

دوره می آلدولار ازل پیر و جوان بو شهرده
گلمه عم اوغلی جان،منه اولدی اولان بو شهریده
ایلوب احاطه دوره می تیر و کمان بو شهریده
گلمه قیلن بو کوفیه،لطف و ضیافت ایتدولر
گلدی آرایه سیم و زر ظلم و خیانت ایتدولر

شیریوی یابن مرتضی بوردا کمنده سالدولار
تکلیوب اشقیا منی،دوره می صف صف آلدولار
سجده ده شاه خیبره ضربه وراندولار بولار
گلمه عم اوغلی کوفیه،گلمه آماندی یاحسین
نامه یازانلارون باشی شمر و سناندی یاحسین

پوزدی منیم اگر فلک بیرگجه ده اساسیمی
گلمه بوشهره،ساخلیون اوز وطنیمده یاسیمی
حیفدی قویمایون گله اکبریمله قاسمی
کوفه گرچه مسلمون قانه بویاندی یاحسین
قاسم و اکبرین هله تازه جواندی یاحسین

کرببلاده کوفیان گوندوزی شامه دونده رر
اؤلدورر اکبری،باشین ابن زیاده گونده رر
ظلمیله گولستانیوین خرداجا گوللرین ده رر
زینبی اؤلدورر بو غم گلمه عراقه یاحسین
اونداکی خیزران دگر قانلی دوداقه یاحسین

منده قسم وئروم سنی نهضتیزون سفیرینه
آل عبانین ای شها،شیر و مه منیرینه
لطف ائله بیر گوز آلتی باخ درگهیزون «فقیرینه»
قلبی سینوب ولی شها،قلبِ زمانه دگمویوب
عشقیله سوز یازوب سیزه سیم و زره باش اگمویوب

• سه شنبه
• 28
• بهمن
• 1399
• ساعت
• 23:04
• نوشته شده توسط
• یوسف اکبری

مسلم یازوبدی نامه که ای مقتدا حسین
گلمه دیار کوفیه صاحب عطا حسین

اشرار کوفه رسمیدی مهمانی اولدورور
خصم زبون بویرده مسلمانی اولدورور

حاکم زیادین اوغلی اولوب شهرکوفیه
گلمه حسین که حامی قرآنی اولدورور

بل باغلاما جهاندا بوکافرجماعته
عُمّال کوفه بی گنه انسانی اولدورور

نامه یازانلار اُمّت بی اعتباریدور
شهرون شقی جماعتی سلطانی اولدورور

محراب کوفه ایندیده سسلورکی کوفیان
یاللعحب که باب یتیمانی اولدورور

بیرسوز دوشوب خیالیمه ای مقتدا حسین
گرچه شرار غُصّه بونالانی اولدورور

بیر شهرون اهلی دشمن اولوب بیر غریبیه
تعیین ائدوبله جایزه پنهانی اولدورور

بومطلبی گئچن گئجه رویاده گوروموشم
حارث جنایت ایله کوفه طفلانی اولدورور

آخروصیتیمده بوعنوانی یازمیشام
ابن عقیلی جمله بوجریانی اولدورور

شمشیریمی ساتوب وئره سیز بورجومی منیم
بیرعمده غمدی صاحب وجدانی اولدورور

آل اُمیّه ایندی که طغیان ائدوب حسین
گلمه دیار کوفیه طوفان ائدیر حسین
.
مسلم گوروب کسیلدی ره چاره کوفه ده
یوز وئردی چوخ بلا او دلافکاره کوفه ده

بیر شهرین اهلی دشمن اولوبدیر اوبیکسه
یوخ بیر الین دوتان قالوب آواره کوفه ده

گون مغربه چکوبدی یولون ایلسون غروب
سالسون فلک یوزونه قاره کوفه ده

آخرگئجه ایدی طوعه ائوینده قوناق اولوب
صبحه کمین گلوب بله گفتاره کوفه ده

یوزقبلیه چووردی یوزون قویدی سجدیه
دردین اورکده یار دیوب یاره کوفه ده

شمشیرینی گوتوردی چیخوب خواب گاهیدن
آماده اولدی خصم ایله پیکاره کوفه ده

بیر حمله ایله ائتدی پراکنده دشمنی

تنگ ایلیوبدی عرصه نی اشراره کوفه ده

یاره دگوب یورولدی سوسوز لوق ائدوب اثر
قان یاغدیریر بلوط کیمی هریاره کوفه ده

دوتدی یوزون حجازه دئدی ای شهَ حجاز
وار احتاجیم ایندی مددکاره کوفه ده

آخرده سالدیلار اونی حیلت کمندینه
مسلم چکیلدی جانب بازاره کوفه ده

آل اُمیّه ابن عقیلی شهید ائدوب
عرش خدایه قئش کیمی روحی اوچوب گئدوب

ختم اولمیوبدی کوفه ده جریانی مسلمون
لبریز اولوبدی کاسۂ پیمانی مسلمون

دارالعماره مقتل اولوب بیر غریبیه
خاموش اولوبدی نیّر تابانی مسلمون

ترک ائلیوب بیر عده کی دارالعماره نی
قالموش بیرعده زار و نواخوانی مسلمون

• چهارشنبه
• 13
• اسفند
• 1399
• ساعت
• 23:20
• نوشته شده توسط
• یوسف اکبری

من سفیر سرور افلاکیانم کوفیان
مسلمم سیف بنی هاشم نشانم کوفیان

مکتب حیدرده من درس شجاعت آلمیشام
خوف ووحشت قلب کفاره جهاندا سالمیشام
باخمیون شهروزده من غربتده یالقوز قالمیشام
یاور شاهنشه عرش آستانم کوفیان
یوسف زهرا یولونداجانفشانم کوفیان

من عقیلون نامداراوغلی حسین غمخواریم
فاطمه دلبندینون بحرانیلرده یاریم
جان نه قابلدورحسینه جان بکف سرداریم
کیم اگرشیراولسا من ببربیانم کوفیان
قابض الارواح تک من جانستانم کوفیان

جانیمی ویررم ولی میخواره من رهبردیمم
یول کسن غدّاریه باش اگمرم سروردیمم
عاریدورحاشا یزیده صاحب منبردیمم
فاطمه فرزندینون جاندان کچن سربازیم
افتخاریمدورحسین ابن علی جانبازیم

فکرایله ظلمات شبده نورآتورگویده قمر
سعی ایدورفرمایشاتی دیللره ایتسون اثر
هرنقدر ایتدی نصیحت ویرمیوب اصلا ثمر
ناگزیراولدی نیامیندن چکوب شمشیرینی
دم شجاعتدن ویروب ایستور ایده تفسیرینی

تیغ تیزی سرعتینده برقیدن سبقت آلوب
بیر شجاعت گوستروبدوردیللره وحشت سالوب
چوخلی تنلریرده همچون لاشه ی بی سر قالوب
رزمیده عباسه بنذردور شجاعت مخزنی
ضرب شصتین کیم گوروب یاده سالوبدورحمزه نی

وصفی عباس دلاورتک بونون دیللرده دی
نعره سی الله اکبر ، تیغ تیز اللرده دی
الحذر صوتی قوشوندان اوج ایدوب گویلرده دی
لشکری حیران قویوب روحیه سین الدن آلوب
سسلنوب یا فاطمه بیرلشکری دیلدن سالوب

آسمان صولتین تابنده روشن ماهیدور
جان بکف جانبازیدور آللهه خاطر راهیدور
بنده چکسونلر بو شیری بیر خیال واهیدور
رزمگه لرده علی تک، ضیغم دیگردی بو
مرهب افکن شیریزدان حیدره بنذردی بو

تن به تن جنگینده هرکس گلدی قانه غرق اولوب
هر گروهه که مقابل گلدی عرصه تنگ اولوب
مسلمه ال تاپماقا دشمن پی نیرنگ اولوب
بیلمیوللر نیتی خلاق داوردور بونون
رزمیده مانندی یوخ استادی حیدردوربونون

حیله لر یوز ویردی اُول اشرار بدفرجامیدن
یوخدی یارایازماقاخارج اولوب اقلامیدن
اوخ قلیج نیزه یاغور آتش توکوللربامیدن
یاره لنموش پیکری عطشان دوشوب تاب وتبه
وار یری زهرا ئوزی قان آغلیا بومطلبه

سسلنور،دلبند زهرا گل یتیش امدادیمه
یوللا عباس وعلی اکبرگله فریادیمه
عشقیدن غیر از وجودون کیمسه دوشمز یادیمه
قالمیشام غربتده تنها یا حسین یوخ بیرکسیم
سسلورم داده ولی چاتمورابالفضله سسیم

کوفیلر القان ایدللر سیدی گوز یاشیوی
بد نظردن جان زهرا حفظ ایله قارداشیوی
کم یازیب نامه بیله ویردی سنون پاداشیوی
قلبینی قان ایتدیلر من تک سفیرون یا حسین
ذبح ایده للر باشینی سن تک امیرین یا حسین

کوفیه گلمه امان دور ذرّه جه یوخ دور وفا
یوخ وفا بونلاردا لیکن ایلیللر چوخ جفا
زینبی آغلار قویار بو کوفیان بی وفا
اکبری قانه بویاللار اوخلیاللار اصغری
قانه غلطان ایلیللر قاسم گل پیکری

نهر علقمده اباالفضلین کسللر یوللارین
سرووین ظلمیله مولا قطع ایده للرخوللارین
نخلزار ایچره قلم ایله لّه تندن قوللارین
یول کسیب ظلمیله اعدا اوخلیاللار مشکینی
آلنینا پیکان ویروب قان ایلیللر اشکینی

ثاقبا ال ساخلا یازما ما بقیه مطلبی
آند ویر قارداشینه قلبی اولان قان زینبی
آل نظرده قارداشی عباس صاحب منصبی
سویله عباسه گوره یار اوُل خانم بو مضطره
اوندا که گلّم الیم بوش قاره یوز من محشره

• چهارشنبه
• 8
• اردیبهشت
• 1400
• ساعت
• 16:43
• نوشته شده توسط
• یوسف اکبری

کوفه ده اوّل ایدوب بَیعت جَماعت مُسلمه
ایتدیلر صادر صُورا حُکمِ شَهادت مُسلمه

مَرکبِ جهل اوستن اَنموبلر عناده دور دولار
آتدیلار رسمِ وفانی بیعتی سندیردولار
بو عنادیلن دلِ پیغمبری یاندوردولار
ایتدیلر حفظِ امانتده خَیانت مُسلمه

ایتدی انجامِ وظیفه والی شاهِ حِجاز
ایلسون برنامه سین تکمیل، ایدوب ابراز راز
گوردی لایق خدمتین اسلام و دینه بی نیاز
یتدی قربِ حقدن عزّ و شَرافت مُسلمه

سسلنوب ای کوفه اهلی دینی گوزدن آتمیون
تابعِ نفس اولمیون دنیایه دینی ساتمیون
هر عمل ایتسز جزاده وار حسابی یاتمیون
معدلت دیوانی وار روزِ قیامت مُسلمه

ایلیم آیا سیزی مَطلبدَن حالی گلمیشم
جانبِ اسلامیدن بو شَهره والی گلمیشم
دین یولوندا ترک ایدوب جاه و جلالی گلمشم
دین قالا، لازم دِگل جاه و جَلالت مُسلمه

گوندورب بو گون منی شاهیم نماینده سیزه
تا دییم وار کُوکبِ اقبالِ تا بنده سیزه
ایستسوز اسلامیده خوش اولسون آینده سیزه
ایتماقا بیعت ویرون دلدن رِضایت مُسلمه

ای جماعت چرخِ اسلامون مهِ تابانیم
کوفه نی حیران دولانّام عشق سرگردانیم
مرگدن باک ایتمرم عالمده دین قربانیم
فخری دور دین اوسته ئولماق ای جَماعت مُسلمه

قویمیوبلر سوزلرین اجرایه تزویر ایتدیلر
تا عقیل اوغلون ایله مأیوس و دلگیر ایتدیلر
گور نجه مُسلم دن اهلِ کوفه تقدیر ایتدیلر
جای تقدیر ایتدیلر طَعن و شَمادت مُسلمه

مخفیانه قویدی بیر شورا جَماعت کوفه ده
سسلنوب لر بیزده دور ایمدی ریاست کوفه ده
قویماروق اصلا ایده مُسلم خلافت کوفه ده
باشدا گیتسه ایتمروخ هرگز اِطاعَت مُسلمه

گوردی ایتمز کوفه اهلی امر به معروف قبول
غیضیدن گوزلر قیزاردی حالی پوزقون و ملول
آلدی شمشیرین اله سرکردهء سَبطِ رَسول
شاهِ دین ویرمیشدی چون درسِ شَهامت مُسلمه

شیر گلسه غیظه سوندورمز سو نارِ قهرینی
صُولتِ مُسلم ایله دولدوردی کوفه شهرینی
روبرو هر کیم اولوب ایچدیردی تیغین زهرینی
گلدی هر بیر سمتیدن اَحسن او ساعت مُسلمه

حیدرانه باشلیوب دور کوفه ده جنگ و جدل
ایمدیده ایللّه مُسلم جنگینی ضَربُ المثَل
تا خزان یپراقی تک توپراقه توکدی باش و ال
کوفیان ویردی لقب شیرِ شُجاعت مُسلمه

گوردولر روباه لر جنگ ایلن مز شیریلن
ئولدورن مزله بولوبلر نیزه و شمشیریلن
قازدیلار گودال آخر حیله و تزویریلن
سالدیلار گوداله ایتسونلر عَداوت مُسلمه

بیله بولمه قیدینه اول بی پناهین قالدی لار
ایتدیلر بیر ظلم قلبِ عالمه اود سالدی لار
توپراق اوسته یخدی لار شمشیرین الدن الدی لار
اولمادی بیر کس او گون ایتسون حِمایت مُسلمه

اولمادی بیر کیمسه دییدی ورمیون مهمان دی بو
بیکس و تنهادی اسلامه سوسوز قربان دی بو
رحم ایدون آخر، ویرون بیر جرعه سو عطشان دی بو
دلده کی درد و غمی ایلر کِفایت مُسلمه

باغلانار بو رسم دور گر چه اسیرین قولّاری
کیم گوروب دور باغلا امّا سَفیرین قولّاری
ظلم الیله کوفه ده باغلان دی شیرین قولّاری
تاپدی لار روبه صفت لر تا جَسارت مُسلمه

سسلدی وار بیر سوزم، اسلامه ای خون سردلر
غملیَم قبره آپاردیم سینه ده چوخ دردلر
من سیزه مهمانی دیم بو یرده ای نامردلر
رسمیدن چخ دوز نیه ایتدوز اَهانت مُسلمه

قویمادوز غمدن بو یرده خاطریم آزاد اولا
قویماز آهیم عالَم ایچره بیرده قلبوز شاد اولا
یاخشی مهمان ساخلادوز آخر ایویز آباد اولا
احترام ایتدوز عجب قومِ ضَلالت ، مُسلمه

(اعظمی) عالَمده هر موقع دوشنده مُشگله
صبر ایله اندوه و غمده، ایلمه غمدن گله
دلده کی دردِ ملالون حاشه اوزگه کس بوله
دردون اولسا عرض ایله کانِ کَرامت مُسلمه

• دوشنبه
• 15
• شهریور
• 1400
• ساعت
• 23:07
• نوشته شده توسط
• یوسف اکبری

کُوفه شَهریندَه یاغُور قان الله
دِیُوری مِلّتی قان قان الله
ئولدوروللّر قُوناقی
اِئل لَریندَن اوُزاقی

دُوتمِیُوب گَبردَه بِیلَه سَیاقی
قُوؤا اِیودَن چاغیریلمِیش قُوناقی
ئولدورَه بیر وَطَنیندَن اوُزاقی
اِیلیَه قانینَه غَلطان الله

مَنلَه غَم، من غَم و دَردیلَه وارام
وار غَمِ غُربَتیلَه دِلدَه یارام
دُوندَریم من هارا یُوز واردی هارام
قالمِیشام واله و حِیران الله

قُوم بی دانِش و بی فُوز و فَلاح
بُولوری قانیمی عالَمدَه مُباح
قانیمی تُوكماقا اَللّردَه سِلاح
آختاروللاّر مَنی هَر یان الله

گُورمِیُوب اِیمدیَه دین چِشمِ فَلک
میزبان اوُز قُوناقین تَرک اِیدَه تَک
میزبان نَه اوُلی کُوفِیلَرَ تَک
نَه اوُلار مَن کیمی مِهمان الله

بیر باشیم دور وَلی مِینلَر مُحَنیم
نَه اِئلیم واردی نَه دادَه یِتَنیم
یالقُزام یُوخ سَسیمَه سَس وِیرَنیم
گَزَرَم شَهری هَراسان الله

واردی دَردیم کیم اِیدَر دَرمانیمی
قُورتارار دَرد و بَلادَن جانیمی
قانلیلار آختارُور اِیچسُون قانیمی
واردی چُوخ قانیمَه عَطشان الله

غَمِ غُربَت یازیلوب دور آدیما
دُوشُورى یَثرُب و بَطحا یادیما
اِئل قَبیلَم هانی گَلسُون دادیما
دُونَه اُمّیدَه بُو حِرمان الله

نَقَدَر دَرد و بَلایه دایانیم
قان یاغان شَهری نَقَدری دُولانیم
وار کِیمِیم سایَه سینَه دالدالانیم
تاپُوم اَمنیّتَه اِمکَان الله

صَبریمِین خَرمَنی بَرباد اوُلدی
آغلادیم دُشمَنِ دین شاد اوُلدی
آشنالَر دُولانوب یاد اوُلدی
بِیلَه دور عادَتِ دُوران الله

دَرد آلان اوُلسا گِره دِلدَن آچار
سُوز آلان اوُلسا سُوز اَهلی سُوز آچار
لِیک آدامسیزدان هامی خَلق قاچار
بی کَسَم حالی پَریشان الله

تَنگ دور عالَمِ اِمکان گُوزیمَه
آشنا یُوخ قُولاق آسسُون سُوزیمَه
هَمدَمیم یُوخ دانشُوم اؤز اؤزیمَه
گِیدَرَم هَر یانا گِریان الله

وار نَه حالیم نَه اِئلیم وار سِئچسُون
آز قالُور شَمعِ حَیاتیم گِئچسُون
آختارُور قانیمى قاتِل اِیچسُون
دادَه یِت خالِقِ سُبحان الله

صَبر وادار اِیلیُوب صَبرَه مَنی
رام اِیدُوب هر سِتم و جَبرَه مَنی
کیم اِیدُوب دَفن قُویار قَبرَه مَنی
کیم دُوتار شامِ غَریبان الله

گَر ئولَم آغلیانیم یُوخدی مَنیم
سینَه سین داغلیانیم یُوخدی مَنیم
گُوزیمی باغلیانیم یُوخدی مَنیم
حَسرتیلَه وِیرَرَم جان الله

#تائبم غَرقِهء دَریای گیناه
نامَه می جُرم لَر اِیلُوبدی سیاه
دُوندروب دَرگَهُوَه روی پَناه
اِیستَرم نُسخِهء غیفران الله

• شنبه
• 14
• مرداد
• 1402
• ساعت
• 23:43
• نوشته شده توسط
• یوسف اکبری

مُسلمه ای اَهلِ کُوفه چوخ جَسارَت اِیلدوز
آدوزی مُسلم قُویُوب دینه خَیانَت اِیلدوز

من حُسین اِبنِ علینُون جانبیندَن نایبَم
ظاهراً مَغلوب گُورسز باطناً من غالبَم
دین یُولیندا ئولمَگه جان و دِلیلَه راغبَم
باخمیُون سیز تُولانُوب دُنیایه رَغبَت ایلدوز

من سفارَت اَمرینی کَتباً شَهیم دَن آلمیشام
بُوینُوما طوقِ اِطاعَت اوُز اَلیملَه سالمیشام
حِیف اوُلا اِجرای اَمرِ شَهدَه یالقیز قالمیشام
حَقدَن اِعراض اِیلیُوب ناحَقّه نُصرت اِیلدوز

سیزدَه یُوخ بیر ذرّه غِیرت اِی گروهِ کین شُعار
اِیتدوز اَجدادوز قُویان بِدعتلَری سیز اِختیار
اِکتساب اِیتدوز اوُلونجا حَشرَ سیز بیر نَنگ و عار
صَفححء تاریخَه بُو نَنگی کِتابَت اِیلدوز

گُوندروب گر چه سیزَه رَهبر شَهِ دوران منی
اِیتمیُون مَحسُوبِ رَهبر فَرض اِیدون مِهمان مَنی
بو مَگر حُرمتدی اِیتدوز قانیمَه غَلطان منی
اُنس و اُلفتدَن عَوض بُغض و عَداوت اِیلدوز

میهمانُون شَرعدَه وار اِحترامی یُوخ سُوزوم
بی سَبب تُوکمزعُذاره اَشگِ تَر آغلار گُوزوم
کُوفی لایوفادی واضح دور بُلوردوم من اوزوم
اِیلیُوب بِیعت دوباره نَقضِ بِیعت اِیلدوز

رُوحیمی غَم مَنجَنیقندَه بو قَدری سخمیُون
عاق اوُلوب پِیغمبرَه حُکمِ خدادَن چخمیُون
بی وَفالَر دین اِئوین دنیادَن اؤتری یخمیُون
کاخِ ظلمی تازه دَن نُولدی عِمارَت اِیلدوز

طایرِ رُوحیم مُحبّت شَمعینَه پَروانه دی
اِیتمَسَم عشق آتَشیندَه یانماقا پَروا، ندی
گر یانام مین دَفعه اَصلا بُولمَرم پَروا ندی
باخمارام مَکریلَه مندَن سَلبِ طاقت اِیلدوز

تاپمسُوز جُرئت منی یالقز کُومَکسیز گُورمُوسُوز
خویش اَئلدَن یا اِلیم اوُلمش اَتکسیز گُورمُوسوز
گُورمیوب هِیچ کیم رَوا بو ظُلمی تَک سیز گُورمُوسوز
یاخشی مِهمانَه نَوازش یاخشی حُرمَت اِیلدوز

نِیلَمیشدیم من سیزه اِی کوفیانِ بیوَفا
اِیلدوز حَقّیمدَه بیر بیلَه جَفای نارَوا
اَکرم الضّیف اَمرینَه یاغی اوُلوب بُولدوز هَوا
گُوستَرور فِعلوز که قرآندان بَرائت اِیلدوز

دوشمُوشَم گُوردوز وَطندَن آیری غُربَت مَسکنم
فُرصتی سالدوز اَلَه بُولدوز زَمانی مُغتَنم
بُولمَدوز رَهبر خیال اِیتدوز سیزه من دُشمَنم
اَل اَلَه وِیردوز منیم قَتلیمدَه شرکت اِیلدوز

حقّ یُولیندا باش و جاندان گِچماقا چوخ شایقَم
ئولدورون چون دِینه قربان اوُلماقا من لایقَم
دینمَه اَحکامِ شَرعه آهنین بیر عایقم
بی جَهت ناحقدَن اوُتری اِستقامَت اِیلدوز

نُوشدارو وِیرسَه بیگانه آلوب نُوش اِیتمَرم
آتَشِ عشقِ حُسینی دِلدَه خامُوش اِیتمَرم
دشمَنَه باشیم بَدندَن گِیتسه کُرنِش اِیتمرم
پُختَه نُون حَقّیندَه سیزلَر خام فِکرَت اِیلدوز

تَک بتَک هامُوز قتالیمدَه گتورمَزدوز دَوام
شیرِ شیرِ لایزالَم با خَبَر دور خاص عام
اِیتدوز اِی رُوبَه صِفتلَر حیلَه و مَکرَه قیام
سالماقا دامِ بَلایَه شیری حیلَت اِیلدوز

دوشمَه سِیدیم دامَه دوشمَزدی بِلَه سَختَه اِیشم
جَنگیدَه خَلقى تَحیّردَه قُویاردی گردِیشیم
اَلدَه شَمشیریم اَگر اوُلسِیدی سنمازدی دِیشیم
دستِ خالی چون مَنی گُوردوز جَسارَت اِیلدوز

گاه تُوکدوز کُول گه آتدوز داش بام اوُستَن منَه
گاه وُردوز ظُلملَه سَهمی حِصام اوُستَن منَه
گه کلامِ ناسَزا سُویلوب کلام اوُستَن منَه
یاره اوُستَن یاره وُردوز گه شَماتَت اِیلدوز

بیر سنق نِی تَک یارالاردان سیزیلدار پِیکریم
رِشتهء ظُلمَه عَموم تَک باغلانُوب دور اَللّریم
حِیف اوُلا یُوخدور خانم زَهرا کیمی بیر یاوَریم
تا اِیدوب نُصرت گُوره سیزلَر نه جُرئت اِیلدوز

باغلیُوب شَهباز اوُجِ همّتَین بال و پَرین
آلدی رَزم عُنقاسنُون زاغ و زَغَن دور و بَرین
قَلبنی یاندر دوز آخر حَضرتِ پِیغمبَرین
تا جَهان وار فِعلوزیلَه اَخذِ نِفرَت اِیلدوز

وای اَگر رَفتاروزی فَرزندِ پِیغمبَر بُله
یا اِیکی دِلبندِ زَهرا قاسم و اَکبر بُله
یا عَم اوُغلوم حَضرتِ عَبّاسِ نام آور بُله
نِیلَه سُوز اوُندا بُو ظُلمیکه بُو ساعت اِیلدوز؟

من جَفا صَیّادینَه بیر طایرِ پَر بَستیَم
هم یارالی هم سُوسُوز هم یالقزام هم خَستییَم
بیر وِیرون مُهلَت وَصیّت اِیلیُوم جان اوُستیَم
یُوخسا تَرکِ جادهء رَسمِ شَریعت اِیلدوز

اِی آدی مُسلم اوُلان باب الحَوائج شُهرتی
بُو #شعاع مَدیُونی دور وار سَندَه چشمِ حاجَتی
اِیستَه حَق اِیتسُون اَدا تا گِیتمَه سین حِیثیّتی
خَلق گُورسُون نُوکروزدَن سیز حِمایَت اِیلدوز

• شنبه
• 14
• مرداد
• 1402
• ساعت
• 23:53
• نوشته شده توسط
• یوسف اکبری

سُویلَه حُسینه اِی صَبا کربُبَلایَه گلمَسُون
گلسَه دُوشَر بُو شَهریدَه دَرد و بَلایَه گلمَسُون

سُویلُه گینه گتورمَسُون کُوفیَه نازلی اَکبری
ظلمیلَه قانینَه باتارطرّهء مُشکِ عَنبری
گلسَه سالار مُصیبتَه جُمله عَیالِ حِیدری
ذِبحِ عَظیم اِیچون بُو گُون کُوهِ مِنایَه گلمَسُون

سُویلَه گتورمَه قاسمی قاتلی اِیلیُور شِتاب
گلسَه اوُلور یَقین اوُنُون قانیلَه اَللّری خَضاب
گُوزلویُوری که شِمرِ دُون دین اِیوین اِیلَسُون خَراب
رَحم اِیلَسین او زِینَبِ گُونی قَرایَه گلمَسُون

گلماقا یُوخدی فُرصتیم قانیلَه نامَه یازمُوشام
گلسَن اَگر تُوکر قانین ظُلمیلَه فُرقهء ظُلاَم
قارداشوین اَیکی قُولین گَلمَه سالار بُو اَهلِ شام
باجیلارین باش آچماسین دَشتِ بَلایَه گلمَسُون

یِتسَه اَگر خَبَر سَنه ئولدی بُو مُسلمِ عَقیل
اِبنِ زیاد نَعشیمی گر چه اِیدوبدی چوخ ذَلیل
غُسل و حنُوط اوُلمادی اوُلدی قَناره دَه قَتیل
اِیستَمُورَم عیالیمی قُویما عَزایَه گلمَسُون

بادِ خَزان اَسر سَنُون غُنچَه صِفَت عیالیوَه
رَحم اِیلَه اِی آقا بُو گُون قاسمِ خوش مَقالیوَه
جانی نِثار اِیلرَم اَکبرِ مَه جَمالیوَه
صاق اوُلا رَهبریم حُسین عُمری فَنایَه گلمَسُون

فاطمه اوُغلونا صَبا گِیت بیلَه اِیلَه شَرحِ حال
کُوفیَه گلمَه کُوفه نُون شَهرین آلوب غَم و مَلال
بیردَه عَم اوُغلوما دِینَه تا مَنی اِیلسُون حَلال
مُسلیمی ئولدورولّه اوُل داد و فَغانَه گلمَسُون

حَسرَتم اوُل جَمالَه من آه چَکرَم بُو
سینَه دَن
کُوفَه دَه واردی قاتلین گلمَه آقا مَدینَه دَن
قُویما بالام خَدیجَه نی آیریلا اوُل
سَکینَه دَن
باشینَه اَل چَک آغلیوب شُور و نَوایَه گلمَسُون

دارالامارَدَن چیخوب عَرشَه فَغان و شیوَنیم
بُلمدیم هِیچ نَه نَحویلَه دوندی خَزانَه گُلشَنیم
باشینَه نه گلوب قالوب هاردا اِیکی بالام مَنیم
باشی اوُلار تَک هِیچ کیمُون دَرد و بَلایه گلمَسُون

سُویلَه اوُنُون آناسینا باشینَه قارَه باغلاسُون
اِیکی بالادَن آیریلوب آهی جَهانی داغلاسین
سَعی اِیلسُون خَدیجَه دَن سُویلَه که گِزلین آغلاسین
غَم تُوزی تا عُذارِ اوُل ماه لَقایَه گلمَسُون

فاطمه نین کَنیزی بُو قصّه نی اِیلَه سَن تَمام
بیر بیرَه دَگدی مَرد و زَن شُوره گَلوبدی خاص و عام
نُوحَه اِیدَر بُو #ناتوان روز و شَب آغلیُور مُدام
تاپماسا بیر درِ نَجات دارِ بَقایَه گَلمَسُون

• یکشنبه
• 15
• مرداد
• 1402
• ساعت
• 13:23
• نوشته شده توسط
• یوسف اکبری

یاران گئدون او یاره دیون گلمه سین بورا
یارین چکولّه داره دیون گلمه سین بورا
.
باد خزان اسور بو محبّتسیز ئولکه ده
یولدان گلن بهاره دیون گلمه سین بورا
.
دریا دوشوب یولا بو سوسوز ملّته گؤره
سرچشمه ی بِحاره دیون گلمه سین بورا
.
اوخلار بلالی باشیمه یاغدی یاغیش کیمی
دلدار اشکباره دیون گلمه سین بورا
.
بیعتده اللریمی ئوپنلر آتولاّ داش
آیینه وش نگاره دیون گلمه سین بورا
.
نامه یازان قلملر اولوب خارِ زهردار
باری او گلعذاره دیون گلمه سین بورا
.
گلمیشدی بیر زمان بورا شیرخدائیله
اُول سروره دوباره دیون گلمه سین بورا
.
قویسیدیلار گئدردیم اوزوم مکّیه طرف
یوخدور الیمده چاره دیون گلمه سین بورا
.
قربان گونون قابا

• سه شنبه
• 15
• مرداد
• 1398
• ساعت
• 10:14
• نوشته شده توسط
• ابوالفضل عابدی پور

مسلمم کوفه ده آزاده مرام آختارورام
اهل قرآن و طرفدار امام آختارورام

گوندریبدور منی بو شهره حسین بن علی
بیر حسین کی اونی تأیید ایلیوب ربّ جلی
حکم قرآنیله همسودی سراپا عملی
بئله بیر رهبره تشکیل نظام آختارورام
کیم طرفدار اولا دنیاده حقیقت سوزینه
قویماسین پرده ی غفلت اولا حایل گوزینه
بیر تکان وئرسین اورک ملکینه گلسین اوزینه
یِمین بیر تیکه عمرینده حرام آختارورام
قویمیون تار ائده مرآت دیلی گرد و غبار
اولمیون تابع دستور یزید همه کار
سوز حسینوندی او ساعت کی قیامت قورولار
سسلنر هاردادی یاران گرام آختارورام
مرتضی اوغلیدی پیغمبر خاتم نوه سی
فخر ائدردی اونا انسیّه ی حورا نه نه سی
یازدیقوز نامه لرین عرشه چیخوب طنطنه سی
هارداسوز بس سیزی ای اهل قیام آختارورام
رخت تزویر و ریادن اوزوزی پاک ائلیون
چالشون خیره ولی شرّدن امساک ائلیون
توسن عشقی بو میدانده چالاک ائلیون
دوز یولا دوز هدفه مرد همام آختارورام
دولت وقته خلیفیدی او هنگامه یزید
ائشیدن لحظه غضبلندی بو اخباری شدید
یازدی بیر نامه زیاد اوغلینا شیطان پلید
کوفیه گئت ندی گور شور پیام آختارورام
کوفیه گلدی شبانه او دنی سرعتلن
سوروشوب مسلمون احوالینی چوخ دقتلن
سالدی تعقیبینه بیر عدّه قشون جرئتلن
تئز سالون دامه دئدی لذّت کام آختارورام
الغرض مسلمی کشف ایلدیلر هاردا یاتیب
چکدیلر کوچیه ایش منطق دعوایه چاتیب
گوردی یوخ چاره عقیل اوغلی الین تیغه آتیب
دئدی وار میلوز اگر جنگه ظلام آختارورام
من سیزون هاموزی فکر ایلدیم اوّلده بصیر
آلدوز اطرافیمی بیعت ایلدوز لا تأخیر
نه تئز اولدوز من بی یاردن ای یاران سیر
دوز مسلمانی نه اشرار لئام آختارورام
چکدیلر دامنه ی جنگی به حال عجله
کوچه لر تنگدی چون وادی سوق جبله
یکه میدانیدی وسعتلی او خونبار عمله
هامی جنگ ائتمگه سسلردی حسام آختارورام
اهل بازار او هیاهوده اوزین گوردی مُجاز
دوردی تئز باغلادی دکانلارینی قوم مَجاز
واریدی بیر نفر آهنگر گاو آهن ساز
ایندی بوردان سوزومه ربط کلام آختارورام
کارگاهینده او آهنگر کوفی نسبون
نئچه شاگردی واریدی ایشه مشغول عربون
بیری ایرانی الاصلیدی چوخالسون عجبون
او روانشاده وئرم دیلده سلام آختارورام
کاتبی ( کورت فریشلردی ) اوزی آلمانی
یازور عباس بذائیدی همان ایرانی
اردبیل اهلیدی مشروح او غیرت کانی
فرصت کافی بو مضمونی یازام آختارورام
گئت مرور ایله نویسنده یازان اسنادی
اردبیلون او زمانلاردا بذادور آدی
آدلانیب عشق حسینی لن اودور بنیادی
منده بو عشق همایونی مدام آختارورام
ذورق فکریمی بو مسئله سالمیشدی گِله
گتیرردی منی چوخ قلبده گه گاه دیله
وار حسینون نه سببدن نظری اردبیله
ایندی بیلدیم ندی بو شهرت و نام آختارورام
بگنیبدور آقا بو شهری همین اسناده
دولت عشق حسین وار اودی بو مأواده
شامل اولسون بیزه لطفی هر ایکی دنیاده
مجلس یاسین اودور صبحیله شام آختارورام
گئتمیوم حاشیه چوخ مطلبی تعقیب ائلیوم
صادق عاشقلری بو نیّته ترغیب ائلیوم
شبنم اشکیله گول عارضی تذهیب ائلیوم
قفس فیضده قمری لره دام آختارورام
مین نفر دوره لیوب مسلمی ایلولّه جدال
گوردی بو صحنه نی عبّاس بذائی فی الحال
مسلمون حالینه یاندی اورگی تاپدی ملال
دئدی بیر اسلحه ی کاری تاپام آختارورام
الغرض جوشه گلیب قلبده غیرت کانی
ال آتوب چکُّشه ترک ایلدی تئز دکانی
حمله ور اولدی یزیدی لره اول ایرانی
چکدی بیر نعره گلون ارذل انام آختارورام
بیر نفر مسلمان جوان مسلمه غمخوار اولدی
ترکزاده اوزی ایرانی اونا یار اولدی
اوّل عبّاسه شهادت یولی هموار اولدی
بیر ایله شخصه اولام منده غلام آختارورام
امر اولوب دشمن دین ال ویرا هر ترفنده
دستگیر ایلیلر مسلمی امّا زنده
جنگ طولانی اولوب قالمادی یارا تنده
گل اجل سسلدی احسان ایله جام آختارورام
ویردیلار یاره ز بس گئتدی قوادن بدنی
بوریوب قان ائله بیل لاله دوتوبدور چمنی
یا نگین اوسته نمایاندی عقیق یمنی
یخیلبدور دمیور حال قیام آختارورام

صر صر کینه یخیب سروی نگونسار ائتدی
بکر بیر تیغ ویریب مسلمی خونبار ائتدی
آغزی قانیله دولوب صحبتی دشوار ائتدی
دئدی جنّت سوینا بیع سهام آختارورام
فلکون رسمدی هر عصرده ترویج ستم
مسلمون قولّارینی باغلادیلار قوم ظلم
یاره چوخ مرکبی یوخ گلمیور آتدوقجا قدم
گئدور اعدام اولونا شخص فهام آختارورام
یاره لی شیر گلیب محفل استبداده
اعتنا ایلمدی مستبده آزاده
گوردی طاهانی گلیب الده بهشتی باده
ظهردن عرض ایلدی آب و طعام آختارورام
شاد اولوب مسلمی خونپاش گوروب ابن زیاد
حکم اعدامینی صادر ایلدی تخم عناد
چاغیروب بکری اشاریله دئدی حیله نهاد
کس باشین من شعف حاکم شام آختارورام
مسلمی دارالحکومه دامینا چکدی عدو
سو تقاضا ایلدی مسلم ایچه وئرمدی سو
دئدی معناده اونا فاطمه گل الده سبو
سنی جناتده چوخداندی خرام آختارورام
گوردی مسلم داخی سلب اولدی اونا عیش حیات
دوندریب یثربه اوز سویلدی ای باب نجات
کمکیم یوخدی قولوم باغلی اسیر نفرات
ئولورم من ولی اسلامه قوام آختارورام
پشت بام اوسته کسیبلر او غریبین باشین
گتیریب نالیه احوالی چولین داغ داشین
یا حسین سسلدی توکدی یوزونه گوز یاشین
وای دئدی یوخدی باشیم اوسته آنام آختارورام
یاز "صفا" شکر ایله بو نعمت کرمنایه
سوق عقبایه گوزل جمع ایلدون سرمایه
مکتبی شاعره قرآندادا وار چوخ آیه
منصبون خوشدی دئمه آیری مقام آختارورام

• دوشنبه
• 4
• مرداد
• 1400
• ساعت
• 15:46
• نوشته شده توسط
• یوسف اکبری

ای صبا خبر ویر عم اوغلوما
مسلمون شها تشنه جان ویرور
هرگلن وورور یاره جسمینه
کوفیان وفاسین نشان ویرور
.
.
ایله بیر رشادت بوکوفه ده
ویرمیشم نشان قوم کافره
تیغ تیزیله لرزه سالموشام
حمله ایلین وقته لشکره
اهل کینه نون الامان سسی
یردن اوج ایدوب عرش داوره
بیربیرینه سویلردیلر عجب
نائب حسین امتحان ویرور
.
.
مرتضی علینون شجاعتین
ایلدیم بو شهر ایچره آشکار
یالقوز ایتموشم حمله صفلره
سیندیلار قباقدان ایدوب فرار
ویریدلر زیاد اوغلونا خبر
لشکری بو شیر ایتدی تار و مار
قصد ایدوبدی دارالعماره نی
سانما بیزلره بیر امان ویرور
.
.
امر اولوب او دم اوخ آتانلارا
اللرینده هرسمتیدن کمان
ووردولار او قدری خدنگیله
طاقتیم گید

• دوشنبه
• 14
• مرداد
• 1398
• ساعت
• 10:33
• نوشته شده توسط
• ابوالفضل عابدی پور

رنگینی الدن ویروب حبّ ولایت کوفه ده
قوزادی باشین نفاق ئولدی صداقت کوفه ده
.
مسلمی تک قویدی مسجدده نمازاوسته گیدوب
ایولره بیعت پوزان دل مرده امّت کوفه ده
.
چخدی مسجددن گوروب یوخ یارویاوردن بیری
غربتین مشکل لرین لمس ایتدی حضرت کوفه ده
.
مرکبین آزاد ایدوب حیرت زده دوشدی یولا
مسکنی یوخ گیتسین ایتسین استراحت کوفه ده
.
قلبی سندی، غصّه دن پژمرده اولدی صورتی
حمله وراولدی اونا مین درد ومحنت کوفه ده
.
کوبه کوشهری گزورآزرده خاطربی هدف
یوخدی بیرکیمسه اونی ایتسین اجابت کوفه ده
.
آهی آه اوستن چکور هردن باخیرگوی سمتینه
کوفه اهلیندن ایدورحقّه شکایت کوفه ده
.
کوفه نی گزدی غریب کوفه چاتدی بیر یره
بیرعفیفه عورتی

• دوشنبه
• 14
• مرداد
• 1398
• ساعت
• 10:54
• نوشته شده توسط
• ابوالفضل عابدی پور

ای عشق و وفا دریاسی
آزاده لرین آقاسی
سنی زینبین جانی حسین جان کوفیه گلمه
.
مکتوب اولونوب چوخ نامه
وار قتلیوه چون برنامه
بو ئورکلره حاکمدی شیطان کوفیه گلمه
.
(( مولا – مولا ))
.
.
.
ذرّه وفا یوخدی حسین کوفی جماعتده
والله یاشیللار اوج استحقار و خفت ده
نامه یازوبلا گرچه سنلن باغلانوب پیمان
دللر ولی مرجانه نین اوغلی له بیعت ده
(( مولا – مولا ))
.
.
.
.
.
مسلم جانینی بذل ایلر
بذل شرف و فضل ایلر
جان اولسا دوباره قسمت
قربان ابوالفضل ایلر
.
گئچرم جانیمدان یاتماسین تا پرچم ایمان
هم ئوزوم سنه قربان اولوم هم جوت بالام قربان
(( مولا – مولا ))
.
.
بو سمته گلمه کوفه ده صدق وصفا یوخدی
از بس منافق وار ئورکلرد

• سه شنبه
• 15
• مرداد
• 1398
• ساعت
• 10:19
• نوشته شده توسط
• ابوالفضل عابدی پور

ستمله مسلم قاناباتدی کوفه شهرینده ای حسین جانم
گوزوندن بوعالمی آتدی کوفه شهرینده ای حسین جانم
دچارم من کوفه ده ظلمه
آماندی بوکوفیه گلمه
ای حسین جانم(2)
.
.
اولده بیعت ایدوبدی چوخی اشتیاقیله مسلم زاره
ورودیمده شوروشوقیله مردم کوفه گلدی دیداره
بیرآزگچدی بی کس وتنهاشهرغربتده قالدیم آواره
غمیم اهلی عرشی آغلاتدی کوفه شهرینده ای حسین جانم
.
.
آماندی بوشهره گلمه آقابیردا بیر ذره هیچ وفا یوخدی
دونوب هامی اولدی بیگانه ایندی یانیمده آشنایوخدی
او اون سگز مین کمکلردن بیر نفر حتی یار اولا یوخدی
زیاداوغلی مقصده چاتدی کوفه شهرینده ای حسین جانم
.
.
بیزه دستورشریعتدی حفظ اولاخوشدی حرمت مهمان
قوناقین کیم ایلیرآ

• سه شنبه
• 15
• مرداد
• 1398
• ساعت
• 11:02
• نوشته شده توسط
• ابوالفضل عابدی پور

بونه رسم وبونه عادت
کوفه شهرینده الهی
یوخ ایدن مهمانه حرمت
کوفه شهرینده الهی
.
مسلم بی خانمانم
بی پناه و بی امانم
.
.
بودیاربی وفانون هانسی ظلمون شرح ایدیم من
یوخ بیلن بوشهرید ه نه غصه چکدیم غم یدیم من
اولمادی چارم دیدیم قوی طوعیه مهمان گدیم من
یاوریم اولدی بیرعورت کوفه شهرینده الهی
.
.
بونه شهرپرجفادی ای خدای حی وذوالمن
ویرمدیلربیرغریبه کوی وبازارینده مسکن
ایلین اولدی حمایت مسلمه غربتده بیرزن
یوخ کیشی لرده مروت کوفه شهرینده الهی
.
.
کوفیان ایتدی اولده مسلم بی یاره بیعت
حامی اسلامه چوخلارایتدی اعلان حمایت
آززمان گچدی قییتدی باطله ساری جماعت
حقه اولدی چوخ خیانت کوفه شهرینده الهی
.
.
رحمیسیزلشگر

• دوشنبه
• 21
• مرداد
• 1398
• ساعت
• 11:55
• نوشته شده توسط
• ابوالفضل عابدی پور

ای صبا من تک گل شور و شینه
منیم دیلیمجه عرض ائت حسینه
.
منده غم حالی عیاندی
کوفیه گلمه اماندی
ذره ذره جسم و جانیم
شمعی تک اوت دوتدی یاندی
.
فرقتون شمعی سونیدی
گردش عالم دونیدی
من سنه نامه یازاندا
کاش الیم اوندا سنیدی
.
گلمه مولا ....
.
.
.
.
گل قالوب گوئیا خار الینده
قالموشام اوجور اشرار الینده
.
گل قالوبدی خار ایچینده
گزموشم انظار ایچینده
ایپ قولوما سالدی اعدا
سورودی بازار ایچینده
.
چوخ یارام وار بی طبیم
اوز ائلیمنون بی نصبیم
آند اولا اصغر جانونا
کوفه شهرینده غریبم
.
گلمه مولا ....
.
.
.
.
شهر اهلی اوت قلب زاره وردی
هر گلن مسلمه یاره وردی
.
اوستومه اوباش توکولدی
دیده دن قانیاش توکولدی
غفلتا”

• سه شنبه
• 22
• مرداد
• 1398
• ساعت
• 14:12
• نوشته شده توسط
• ابوالفضل عابدی پور

کوفیان بی خرد من مسلمم ، ابن عقیل
ذاتیمیز یکسر مطهّر ،نسلیمیز پاک و جلیل
فخر ائدر درگاهیمیزده سائل اولسا جبرئیل
میوه ی قلب عقیلم ، مرتضانین جانیم
رهبریم تنها حسیندی تابع فرمانیم

مسلمم من جان فدای خاندان حیدرم
حامی دین مبینم خادم پیغمبرم
کوفه شهرینده سفیر پادشاه محشرم
مرتضی تک کوفه ده تنها قالان مسلم منم
دشمنین جان شیشه سین داشه چالان مسلم منم

من عقیلون اوغلیام تک باشیمه بیر لشکرم
باشیمی قرآنه وئرّم ظالمه باش اگمرم
من حسینون دیرناقین مُلک عراقه وئرمرم
باشیمه یاغسا بلا ،ثابت دوران مسلم منم
عزت آل یزیدی سیندیران مسلم منم

مسلمم یکسر فلکلر تحت فرمانیمده دی
مصطفانین جرأتی روحیمده، بنیادیمده دی
فاتح خیبر علینون قانی چون قانیمده دی
لوح عشقیمده حسین آدین یازان مسلم منم
نقشه و تدبیر ظلّامی پوزان مسلم منم

من وفا نسلیندنم حیدر کیمی آزاده ام
هم کلاس رزم عباسم ، حسینچی زاده ام
بولمرم قورخی ندی چون غیرتین همزاده ام
خنجریله سینه ی ظلمی سوکن مسلم منم
آل سفیان باشینه تپراق توکن مسلم منم

دوره می دوزدور آلوبسوز قورخمارام نام آورم
من زنازاده یزیده دست بیعت وئرمرم
شاه دینون دامنیندن دوتموشام ال چکمرم
مرتضی دشمن لریندن جان آلان مسلم منم
رزمگه ده تک باشا طوفان سالان مسلم منم

وار یقینیم سیزلره تأثیر قیلماز سؤزلریم
نور چشمان خانیم زهرایه قربان گوزلریم
هم عم اوغلومدی حسین هم رهبریم هم سروریم
هم امامیمدور مقامین مفت و ارزان ساتمارام
هئچ تعصبدنده باخسان من حسینی آتمارام

• شنبه
• 18
• بهمن
• 1399
• ساعت
• 19:57
• نوشته شده توسط
• یوسف اکبری

ای شه اقلیم وفا حسینجان
کوفه میا،کوفه میا حسینجان

کوفه میاور گل احمرت را حسینجان
قاسم وعبدلله و اکبرت را حسینجان
اصغرنوباوه و دخترت را حسینجان
کوفه شده مهد جفا حسینجان

من که عزیز دل بوترابم،ترابم
ازغم هجران تو دلکبابم،کبابم
من نگران پسر ربابم،ربابم
حرمله و تیرجفاحسینجان حسینجان

برتو صباآورد این سلامم سلامم
نام بوده همه جا کلامم کلامم
ای تو قعود و همه ی قیامم قیامم
جان شده آماج بلا،حسینجان حسینجان

• چهارشنبه
• 13
• اسفند
• 1399
• ساعت
• 23:25
• نوشته شده توسط
• یوسف اکبری

حسین جان کوفیه گلمه
که اهلینده وفا یوخدی
سراسر فتنه و شردی
دیارینده صفا یوخدی

بو یر مولا همان یردی علینون قلبی قان اولدی
یارالاندی نماز اوسته باشی محرابه قان دولدی
بو ملّتده همان ملت بو یول مولا همان یولدی
بو درد جاهلیتدور بو درده هیچ دوا یوخدی

سنی دعوت ایدوب بوردا سالالار دامه یا مولا
بساط غم قوروب قیزلاریوه بو قوم بی پروا
نه الّلهی تانور نه اهلبیتی لشگر اعدا
بو قوم بی مروّتده شرف یوخدی حیا یوخدی

بو شیطان لشگری اوّل منیم اطرافیمی آلدی
ولی بیعت شکن ملت شراره جانیمه سالدی
سفیرون بیر بیله ملت ایچینده بی معین قالدی
منی عفو ایله بو نامه یازانلاردا وفا یوخدی

بو قوم بی حیانون بی عدد نیرنگی وار مولا
گتورمه اصغری بوردا خطر آهنگی وار مولا
بوغازون اوخلاسون دشمن بوفکر ننگی وار مولا
بوغربتده جنایتدن صورا بیر ماجرا یوخدی

گلیبدور جنگیوه لشگر سنون پیوسته پیوسته
سالالار قارداشون قولارینی بیر مشک سو اوسته
ایدلّلر إِرباً إِربا اکبرین ای شاه وارسته
عبیداللهِ اشقی الاشقیا تک بیر دغا یوخدی

کسولّلر باشیمی عطشان تسلّایه گلن یوخدی
تسلّایه گلن یوخدی شماتت ایلین چوخدی
هامی نامه یازانلارون الینده نیزه دی اوخدی
مسلمانه مسلمانلار ایچینده آشنا یوخدی

• یکشنبه
• 12
• اردیبهشت
• 1400
• ساعت
• 20:24
• نوشته شده توسط
• یوسف اکبری

درِ سرای حکومتده مسلم ایتدی وقوف
آلوبدی دوره سین اربابِ کینه ، الده سُیوف

عطش ز بسکه قرارین اورکدن آلمیشدی
جمالی برگِ خزان دیده تک سارالمشدی

حریمِ قصریده ناگاه گوردی کوزهء آب
او سو مشاهده سیندن فزون اولوب تب و تاب

بویوردی کیمدی ویره بیر ایچیم منه بو سودان؟
سونه اورکده اولان بلکه بو شرارِ نهان

جواب ویردی بیری اول دنی جماعتدن
که قلبی آهنه مفهومیدی قساوتدن

بو سو اگرچه گوارا و سردیدی ، امّا
خیال ایتمه سنه بیر ایچیم میّسر اولا

محالیدور ایچه سن بو زلالی یابنَ عقیل
سنه حَمیم مهیّا ایدوب ، خدای جلیل

بویوردی وَیحَک ، کیمسن بو پست فطرتیله؟
بو خبثِ نیّتیله ، بیر بیله قساوتیله؟

دئدی او کس کی ثبوتِ حقه ایدوب اقرار
او وقت کیم سن اونی جدّا" ایلدون انکار

آدیم دی مسلم ، آتام عمرو ، باهلی مشهور
امامِ حقّه ایدوب منده صدقِ عهد ، ظهور

بویوردی حق آناوی ایلسون گوروم ثکلا
اورکدی سنده اولان یا که صخرهء صمّا

حمیمه سنسن اولان یابنَ باهله اولی'
سنه خلود سزادور ، جحیمده حقّا

جلوس ایدوبدی سپس تکیه ایتدی دیواره
اولوبدی دور و بره حسرتیله نظّاره

گتیردی بیر نفر اول وقتده سودان بیر جام
آلیب او بزمِ وفاده یگانه دردآشام

همینکه ایستدی میل ایلیوب اولا سیراب
دل قدح کیمی گلرنگ اولوبدی قانیله آب

اولوبدی بیر نچه دفعه بو واقعه تکرار
آلیبدی رنگِ لبِ لعلین ، اولدی سو گلنار

گُهر عقیقیدن آیریلدی گوئیا آخر
بو سوزدن اهل دل آنلار حدیثی تا آخر

ضمیرِ آگهی درک ایتدی بو اشارتدن
که قاندی عاشقه سو مشربِ شهادتدن

بویوردی حمد اولا آللهه گر اولیدی نصیب
بو سویی ایچماقی قسمت منه ایدردی حبیب

خلاصه زادهء مرجانه ایلیوب احضار
او بزمه ایلدی مسلم ورود ، بِالاِجبار

یتشدی مظهرِ اخلاص ، کفر محضرینه
عقیلین اوغلی ، زیاد اوغلونون برابرینه

او گوهرِ شرفی هر شریفدن والا
دوروب مقابل او ادنای کونه ، واعجبا

حسین نائبی ، ختمِ رسالته منسوب
دوروب او بزمیده مرجانه اوغلونا مغضوب

اوزی اسیر یارالی ، و لیک سطوتله
سلالهء قرشی هاشمی صلابتله

یتورمیوب او قدر غصّه دن خم ابرویه
باخیب حقارتیله ساکنان مشکویه

ایدوب نظاره سی مسحور پیر و برنانی
(نگاهِ شیر قُرق ایلیوب نیستانی)

جمالی قانیله گویا شفقده دور خورشید
گوزینده جاذبهء وصلیدن فروغِ امید

وفا تجسّمی مشهود ، شکلِ انساندا
ثباتِ کوه عیان موج خیز طوفاندا

فلک وفاسینه ایلوب تحیّت و اکرام
او دم که ایلمدی زادهء زیاده سلام

تَملُّق اهلینه بو نکته آرتوروب حیرت
بیری دئدی که سلام ایتمدون ندور علّت؟

امیرِ کوفه دی ابنِ زیاد و صاحبِ نام
لزومی وار ایده وارد اولان ادای سلام

بویوردی قتلیم اولوبدور اگر اونا مقصود
محالیدور یته مندن اونا سلام و درود

که بو سلام اولار نفس ضعفینه تعبیر
اولانمیوب بیزه عالَمده ضعف دامنگیر

ولی مرادی اگر غیرِ بو قضیّه اولا
مبادله اولاجاخ چوخ سلام لر آرادا

زیادین اوغلی غضبلندی بو شهامتدن
ایدوبدی یاد قسم جانینه شقاوتدن

دئدی یقین ایدرم قتلیوه سنون اقدام
او قدر قالمیر اولا عمریوین زمانی تمام

وصیّت ایلماقا ویر منه بویوردی مجال
گراندی گر چه منه سنِ شقیدن استمهال

جواب ویردی ایله هر وصیّتون واردی
سوزون نه اولسا بیان ائت که فرصتون واردی...

• چهارشنبه
• 28
• تیر
• 1402
• ساعت
• 11:20
• نوشته شده توسط
• یوسف اکبری

او گون که کوفه ده تک قالدی مسلم بن عقیل
هجوم ایدوب نه قَدَر کوفه نین جماعتی وار

گوروبله شیر خدا یادگاری غیظه گَلوب
اَلینده ساغر تیغینده مرگ شربتی وار

اجل پیاله سی نوش ایلوری مبارز اولان
عموسی حیدر کرّار تک شجاعتی وار

خیال ایدوبله او شیری کمندیله دوتالار
کمندیسیز دوتا بُلمولّه چوخ رشادتی وار

قازوبلا حیله و مکریله بیر بیوک گودال
ترحّم ایتمه دیلر دلده درد غربتی وار

او شیر صولتی مکریله سالدیلار او یره
عیاندی حیله ده کوفی لرین مهارتی وار

قاچان قِییتدی هجوم ایتدی، هر گَلن ووردی
بیری بیرینه ولی وورماق اوسته سبقتی وار

قلج ووران، داش آتان، خنجره گمانی گَلَن
ووراردی وورماقا گویا ثواب نیّتی وار

او قدر ووردولا دلدن دوشوب، باتوب نفسی
گوروبله کوفه لیلر انتقام فرصتی وار

قلجین آلدیلار اَلدن، قولونی باغلادیلار
ایدوب هامی او که دلخواه هتک حرمتی وار

آپاردیلار نجه ابن زیاد مجلسینه
دیمم، بُلر او که اخباره خبریّتی وار

یِتیشدی بیر یره دوردی، دایاندی دیواره
دیدی منه گوره سن بیر کسین حمایتی وار؟

تَرَحماً من مظلومه بیر ایچیم سو ویره
یارالیه عطشین فوق العاده زحمتی وار

سو ویرمیوبله، ووروبلار علاوه دل یاراسی
گور اهل کوفه نین انصافی وار، مروّتی وار؟

یانیقلی سوزلری تاثیر ایدوبدی بیر نفره
دیدی پیمبریله مسلمین قرابتی وار

سو ایچسه ده ئوله جاق بو غریب، ایچمَسه ده
سو ویردی، مسلم آلوب گوردی میل و رغبتی وار

جگر حرارتینی ایسته دی ایده خاموش
آلار حرارت قلبی، سویون برودتی وار

سو کاسه سین یتوروب تا او قانلی لبلرینه
ایچَمندی، گوروب افعالین عکس صورتی وار

توکولدی دیشلری، قانیله دولدی سو جامی
دیمه سرین سودان عالمده بیرده قسمتی وار

حضور ابن زیاده نجه گَلوب دیمَرَم
مگر بیان ایده بیر کس او حالی جرأتی وار

او مجلسین گِچورم ماجرای صحبتینی
آچوخ مصیبتی ذکر ایتماقین مذمّتی وار

صاقا صولا دولانوب باخدی ابن سعده دیدی
بو گون سنه بو غریبون نچه وصیّتی وار

منیم جنازه می دفن ایله، قویما یرده قالا
جنازه قالسا سنه خلق ایچینده خفّتی وار

ایکیمجیسی بودور اصنافِ شهره بُورجوم وار
او قرضه بو زِرِه و تیغیمون کفایتی وار

اوچومجیسی بودی من نامه یازمیشام آقاما
بو شهره گَلماقا اول نامه نین کنایتی وار

اماندی یاز اونا بو شهره یا حسین گَلمه
بو شهریده سنه اعدانون اکثریّتی وار

سوزین قوتاردی نماینده ی امام مبین
سفیره باخ، نجه سلطانه قصد قربتی وار

ویریلدی مسلمه دارُالعماره بامی مقام
دیمه کی کوفه نین اوندان اوجا عمارتی وار

او بامیدن دولانوب باخدی بیر حجازه طرف
صبا یِلیندن او باخماقدا بیر سفارتی وار

دیدی اماندی حسین گَلمه کوفیه بولارین
اورکده کینه سی وار، دللرینده نصرتی وار

سوزین دیوب او یانان سینه دن چکوب بیر آه
اجل پیاله سینین گوردی خوش سِقایتی وار

بدن یارالی، اوجا بام، بی حیا جلّاد
یخلدی بُلمورم الله بُلر نه حالتی وار

باشی کَسیلدی، بدن بامیدن یره دوشدی
سبب او زحمتی دور چوخ جلال و رفعتی وار

عدو اَیاقینه ایپ سالدی، کوچه ده سورودی
دیموبله بَسدی، بونون بیر بیله جراحتی وار

وصیّت ایتمیشیدی ابن سعد دفن ایلسون
وصیّتین نجه گور بیر نقیض آیتی وار

یارالی پیکرینه اولدی بیر بیوک توهین
نه قدر مُنتَقمین صبری وار عطوفتی وار

او شهری ایتدی حق لوط شهری تک بر باد
بو علّته که علینون او یرده تربتی وار

ووروبلا مسلمی قصّابیلر قَناره سینه
او شهرین اهلینون افعال بَربَریّتی وار

قَناره لردن آسولّار گهی جفائیله
وجود مسلمی بُلموبله چوخ شهامتی وار

آسولّا گاه حسینون باشین باسولّا داشه
دیولّه بو باشا ظلم اولسا حق رضایتی وار

آچوب آغاشدان او باشی ایدوبله زیبِ جدا
دوروب جدا بویی گون زینبون قیامتی وار

((حسینی)) کوفه نی باغ بهشته ایتمز عوض
چون اوردا سوگُلوسی مسلمین زیارتی وار

• چهارشنبه
• 28
• تیر
• 1402
• ساعت
• 11:21
• نوشته شده توسط
• یوسف اکبری