اشعار ترکی حضرت محمد(ص)

سبک : ای قلم ... مرحوم مطهری ...
جامۀ عشقوی...

رحلت ایلوب بوگون شاه اَبرار
زندگی نامه سی خلقه مِعیار
باغبان سیز قالوب گلشن دین
ذیحیاته روان اشک اَبصار

غرق ماتم اولوب آل طاها
گوزیاشین دوندروب قانه زهرا

هالۀ غم دوتوب آسمانی
باتدی گون یثربی ظلمت آلدی
آغلادور بو محَن عرش و فرشی
انجم و ماهیدن نور آزالدی
بت لارا بعضی لرتابع اولدی
جسم پاک رسول یرده قالدی
غسلنی ویردی شاه ولایت
دفنیده گلدی بیر عدّه احرار

غرق ماتم اولوب آل طاها
گوزیاشین دوندروب قانه زهرا

بیر دسیسه قورولدی همان گون
رهبر اولماقلیقا ادّعا وار
جسمی دفن اولماموش بیر نفاقه
همت شومیده ماجرا وار
لغو اولا رهبریت علیدن
شور اوباش و هم اشقیا وار
تفرقه تخمی اکدی منافق
تا چیخا گل آرا بوتۀ خار

غرق ماتم اولوب آل طاها
گوزیاشین دوندروب قانه زهرا

دینی تبلیغ ایده ایرمی اوچ ایل
چکدی الله رسولی رِیاضت
مسلمینه آچوب مکتب حق
اورگدوب باغلیوب باب بِدعت
ویردی انسانه درس مُواسات
تاپدی نسل بشرتا اَصالت
کاخ آزادیه یر یوزونده
بانی دور هربناسینده معمار

غرق ماتم اولوب آل طاها
گوزیاشین دوندروب قانه زهرا

آیرولان ساعتینده چاغوردی
محضرونده اولا اُمّ بابا
سویلدی ای حَبیبیم محبیم
آغلیوب غم دله سالما زهرا
سال آتان بوینونا قوللاریوی
تا آلوم عطریوی من دویونجا
پیک حق گتدی دعوت اولام من
میهمانِ خداوندِ دادار

غرق ماتم اولوب آل طاها
گوزیاشین دوندروب قانه زهرا

باغریمی ایتمه قان آغلاماچوخ
چخما بیله قزیم اوز اوزوندن
آغلوسان آغلادورسان حسینی
توکمه رخساره شبنم گوزوندن
صورتین نیلگون اولماموشدان
گل یاخون ناش اوپوم گول یوزوندن
تز اولارگول کیمی سن سولارسان
اود ویرار درگَهَ قوم اشرار

غرق ماتم اولوب آل طاها
گوزیاشین دوندروب قانه زهرا

مُلحق اَوّل منه سن اولارسان
لیک وارباشیوین چوخ بلاسی
زهر کین اولدورر مُجتبانی
وارحسینون قیزیم کربلاسی
کربلا غملری قلبی داغلار
قوزانار عرشه زینب نواسی
سنده گل منده گللم او یرده
باغلانار قول قولا آل اطهار

غرق ماتم اولوب آل طاها
گوزیاشین دوندروب قانه زهرا

کربلاوحسینون غمیندن
یازسا«عدلی» توکر اشک حسرت
سسلنر یا حسین کربلانی
گویلوم ایستر برات ایت عنایت
همره عاشقان بیرده گلسون
قبریوی ایلسون تا زیارت
بیرده محشرده ایسترشفاعت
ایتمسن یاندورار شعلۀ نار

غرق ماتم اولوب آل طاها
گوزیاشین دوندروب قانه زهرا

• شنبه
• 13
• دی
• 1399
• ساعت
• 23:46
• نوشته شده توسط
• یوسف اکبری

شیعه آغلا بو غمه چون عرش اعلا آغلادی
غرق ماتم اولدی یثرب شهر بطحا آغلادی

یومدی پیغمبر گوزون تا بو جهانه باغلادی
جنت المأواده آدم بیرده حوا آغلادی

بو غم ختم رسولان نوحه ائتدی چوخ اثر (1)
غملی نوحه باشلادی طوفان و دریا آغلادی

گر خلیل اللهی نمرودون اودی یاندیرمادی
ایله یاندی بو غمه آغلاتدی سارا آغلادی

بیر ترنم ساز ایدوب که قانه دوندی رود نیل
بو غم عظماده عمران اوغلی موسی آغلادی

فرش اولوب فرش عزا و عرش اولوب ماتم سرا
جان ویرن امواته مریم اوغلی عیسی آغلادی

نعش پیغمبر قالوب یرده بیر عده مفسدین
قوردولارگزلینده شورا بولدی مولی آغلادی

شورش شورا بیر اود سالدی جهان تا وار یانار
ایتدیلر دینه خیانت چشم بینا آغلادی

بو همان شورادی باغلاندی علینون اللری
بیعت اوسته فاطمه هم چشم حورا آغلادی

بو همان شورادی منجراولدی ثانی كوچه ده
بیرجسارت ایلیوب اُم اَبیها آغلادی

بو همان شورادی باعث یوم عاشورا گونی
ویردیلاراوخ مشگینه باخدی او سقا آغلادی

ویردیلار اوچ شعبه اوخ بیرسودامر باتدی قانا
بو مصیبتده نه شیعه اهل دنیا آغلادی

شور دوشموش «عدلیا» مجلسده بوی عطر وار
چون یقین بو یرده شركت ایتدی زهرا آغلادی

(1) نوحه = حضرت نوح علیه السلام

• شنبه
• 13
• دی
• 1399
• ساعت
• 23:48
• نوشته شده توسط
• یوسف اکبری

حکم یزدانی محمّد عالمه اعلان ائله
وحی اولور قرآن سنه دور نوح تک طوفان ائله

کر:

احمد ، محمود ،گیدون رسالت جامه سین
ایله ، اجرا ، حکم خدا برنامه سین

سن رسولومسان بوگوندن اِقراء باسم َربّکَ
اولدی نورانی جمالون ذکر هو یزدان ائله

ترک ائله غارحرانی اول بشیرو هم نذیر
بت لاری سندیرصنم لر قالماسون ویران ائله

جهل ونادانی آشوب حدن قویوللار قبرینه
قیز اوشاقون جان بدن ده بیجانی با جان ائله

ناجی اول بو مردمی قورتارجهالتدن بوگون
ریشه کن ایت ظلمی عدلین خانه سین بنیان ائله

مریمون عیساسی گرچه وِیردی بیردم عالمه
مین دم عیسی واروندی دردلره درمان ائله

ویربشارت سالکان حق و قرآنه حبیب
خالق نار و بهشتم دعوت ایمان ائله

ظلمت و تاریکیدی سنسیز بو عالم سربه سر
آتش نمرودی سوندورجنت رضوان ائله

پیروان عیسی و موسایه آندور مطلبی
اولمیوب تحریف اولانماز پیرو قرآن ائله

قوم نَجران اهل ایمان گوز تیکوب گوزلور یولون
گِت او قومی منتظر دور فارغ از هجران ائله

جبرئیلم یا محمّد من سنه بیر قارداشام
یاتما دور پیچیده اولما مردمی انسان ائله

ای مُدثّر قُم فَانذِر یُوم اَعظَم دور سنه
قورخما جاءالحق سویله امتی حیران ائله

آتموش اوچ ایل عمر یازدوخ گرچه وارزحمت سنه
اوز یرینده قوی علینی عـالمه سلطان ائله

بار الها احمد و محمود ، محمد شأنینه
کربلایه هیئت اهلین(عدلینی) مهمان ائله

• پنج شنبه
• 18
• دی
• 1399
• ساعت
• 12:32
• نوشته شده توسط
• یوسف اکبری

مبعوث اولوب بوگون احمد رسالته
سیرابیدی چمن باران رحمته
قیزلارچاتوب بوگون عزّ وجلالته

اولدی بوگون بهار
خوش روزگار اولار
آیدین بوگوزلروز
اولسون بوسوزلروز
خلاقه شکر اولا

گویدن نزول ایدوب بوگونده پیک حق
گتدیم سنه دئدی سوره آدی علق
آلله آدیله اول هادیِ ما خلق

سنسن نذیر بشیر
یوخ دورسنه نظیر
آیدین بوگوزلروز
اولسون بوسوزلروز
خلاقه شکر اولا

مبعوث اولوب دیسون الله وهم احد
رحمان و هم رحیم هم قادر و صمد
نازل ایدوب منه قرآنی تا ابد

من اولموشام رسول
خلق اولماسون ملول
آیدین بوگوزلروز
اولسون بوسوزلروز
خلاقه شکر اولا

مبعوث اولوب سالا دنیایه انقلاب
آزاده لر اولا هریرده کامیاب
عُزّی ولات لر بتخانه لرخراب

قائمدی وحدته
رهبردی ملته
آیدین بوگوزلروز
اولسون بوسوزلروز
خلاقه شکر اولا

مبعوث اولوب اولا نطقی چوخ آتشین
مشرک لری ایده عالمده دل غمین
مولا علی ع کیمی داماد اولا معین

دل اولماسین حزین
غالبدی کفره دین
آیدین بوگوزلروز
اولسون بوسوزلروز
خلاقه شکر اولا

مبعوث اولوب اولا دنیاده بت شکن
گورمز داخی گوزوز گلزاریده زغن
گوللندی گلستان آلدی نفس چمن
یوخ قلبیده مِحَن
گل آشدی هرچمن
آیدین بوگوز لروز
اولسون بوسوزلروز
خلاقه شکر اولا

شاداولدی هرچمن گل لرگل آشدیلار
مأ یوس اولوب زغن زاغیله قاشدیلار
بلبل لریله گل با هم دولاشدیلار
گل اوسته یوخ زغن
شاداندی نسترن
آیدین بوگوزلروز
اولسون بوسوزلروز
خلاقه شکر اولا

سس گلدی مدّثر قُم فانذر امّتی
خلق ایلیوب خدا مخلوقه جنّتی
یحیی یُمیته وار عا لمده قدرتی

به به گوزل وجود
اولسون گرک سجود
آیدین بو گوز لروز
اولسون بو سوز لروز
خلاقه شکر اولا

بو تازه دین تاپار دنیاده برتری
آلله ویرر سنه زهرای اطهری
مام امامتون تابنده اختری
مهدی بالاسی دور
دنیا آقاسی دور
اولسون گرک سجود
اولسون بو سوز لروز
خلاقه شکر اولا

(عدلی) بو امتون واردور قیامتی
مژده ویروب رسول بول بو بشارتی
عصیان ایدنلرون واردور شفاعتی
جبریل ایدر ندا
احمد دی پیشوا
آیدین بو گوز لروز
اولسون بو سوز لروز
خلاقه شکر اولا

• پنج شنبه
• 18
• دی
• 1399
• ساعت
• 12:33
• نوشته شده توسط
• یوسف اکبری

سبک: همه جا بروم به بهانۀ تو ....

قدم قویدی جهانه بوگون محمد
ظلمت قورتولدی تا سالدی نورسرمد

نوری نورحق مظهریکتا
گورمیوب مثلین بو چرخ مینا

همایون مقدمی مبارک اولسون
گل سپون یوللاراعطریله دولسون
خوش گلوبسن سن یا محمد

گلدی سرور دین خاتم رسولان
روشن اولدی نوره زمین وآسمان
مکه شهری اولدی طوف افلاکیان

یرده محمد گوی لرده احمد
قرب خداده صاحب مسند

همایون مقدمی مبارک اولسون
گل سپون یوللاراعطریله دولسون
خوش گلوبسن سن یا محمد

سرنگون بت صنم سندی طاق کسرا
خشک اولدی ساوه آدلی بیوک بیردریا
حیرته عقولی سالدی بو معما

نور ویریر ماهه هردل شبده
تجلاّ ایلر نطقی زینبده

همایون مقدمی مبارک اولسون
گل سپون یوللاراعطریله دولسون
خوش گلوبسن سن یا محمد

یارالدارهریارانموشدا بو شرافت
اورگدر علمینه درس صداقت
تاپار نسل بشردنیاده اصالت

روح و استاد مکتب دیندی
مشعل راه حق رمز یاسیندی

همایون مقدمی مبارک اولسون
گل سپون یوللارا عطریله دولسون
خوش گلوبسن سن یا محمد

«عدلیا»یوزچوور قبلۀ ایمانه
آد یازدور بوآچان مکتب قرآنه
بندۀ خالص اول خالق جهانه

هر بلا گلسه دوز ایله تمکین
هو هو ذکر ایله قلبه ویرتسکین

همایون مقدمی مبارک اولسون
گل سپون یوللارا عطریله دولسون
خوش گلوبسن سن یا محمد

• شنبه
• 20
• دی
• 1399
• ساعت
• 19:01
• نوشته شده توسط
• یوسف اکبری

یومدی گوز بو گونده تا ختم الانبیاء
باغریقان اولوب قیزی خیرةالنساء

بو مصیبته عالم آغلوری
قدسیان دوتوب ماتم آغلوری

گلشن رسالتین چون گلی سولوب
ابر تک کنارگل بلبلان دولوب

بیت وحییده باشلانوب عزا
وای بابا دیور دخت مصطفا
اوچ قیزی توکورگوزیاشین یوزه
هم علی حسن شاه کربلا

بو مصیبته عالم آغلوری
قدسیان دوتوب ماتم آغلوری

ابرغم سالوب یره سایۀ سیاه
جلوه سین ویروب بوگون آفتاب وماه

تز غروب ایدوب علمه آفتاب
گل یوزه چکوب پردۀ نقاب
غسل ودفنه مشغول اولوب علی
اوچ کیشی ایدور فکرانقلاب

بو مصیبته عالم آغلوری
قدسیان دوتوب ماتم آغلوری

باش قویوب مزاره چون عالِم زمان
دولدوروب مدینه نی شیون و فغان

ایدیلرهمان دمده ازدهام
غاصبان علیه علی قیام
یخدیلار حصار عدالتی
اولدی قرآنا هتک احترام

بو مصیبته عالم آغلوری
قدسیان دوتوب ماتم آغلوری

• شنبه
• 20
• دی
• 1399
• ساعت
• 19:39
• نوشته شده توسط
• یوسف اکبری

ای کونول باشلا سوزی محضر جانانه یاواش
سنده آوازووِی قوش قُمری خوشخوانه یاواش

لاله لر آچدی چیچکلَندی گنه دشت و دَمن
داغداکی چَنلر اَنوب طَرفِ گلستانه یاواش

بیر گوزلدن آلوری عطرینی عَطّار سحر
بو شمیمی سَپه لور هَر یِره هَریانه یاواش

توتیا عَدنیدن آلمیش اَله نقّاش اَزل
یاراشیق وئردی ایکی گوزلره مژگانه یاواش

لعل لب طعنه وِرار رنگ عقیق یَمنه
چاتدی آوازه سی یاقوتیله مرجانه یاواش

تِل تِل اولموش یوزونه ،طُرّهء طَرّاری اونون
بله بیر حُسن اِئلیر عاقلی دیوانه ،یاواش

دولت حُسنی تَحیّرده قویوب هر گوزلی
درس حُسن ئورگدوری یوسف کنعانه یاواش

کیم ساتاشدی گوزی اول بَدر مُنَوّر گوزونه
آشنالر اوجا بَه بَه دئدی بیگانه یاواش

مِدحَتِ حُسنینه عاجزدی قلم ،چاره نَدور
پَر کاهی ائله بیل سالمیشام عُمّانه یاواش

بو وَجاهتله گلوب وادی مقصوده طبیب
چاغیرون دردی اولانلار گله درمانه یاواش

گوندریب پیکرهء عشقی یِره حضرت عشق
عشقی تعطیل ائله دی شمعیله پروانه یاواش

قدمی آچدی اونون،عالمه رحمت قاپوسین
گون ساتاشدی ائله بیل لیلهء ظُلمانه یاواش

جاعَل الحَقدن صورا بیر دون زَهَقَ الباطله باخ
طاق کَسرانی نجه ایله دی ویرانه یاواش

حضرت ختم رُسل وئردی جهانه یاراشیق
آچدی خوان کرمین بو گجه مهمانه یاواش

سنده (نادر) بو گجه منزل پیغمبره گئت
چال قاپی صبحه کیمی لِیک ذَلیلانه یاواش

• یکشنبه
• 21
• دی
• 1399
• ساعت
• 22:52
• نوشته شده توسط
• یوسف اکبری

عيد مبعث دي گينه جسميمه جان گلدي بوگون
عالـمـه رهـبـراولوب جـان جهان گلدي بوگون
دولدي نوريله جهان ****** پيرلر اولدي جوان
عيد مبعث دي بوگون (۲)

مـحـضـر مــيـرهـدا ســرور ديـنـــه صلوات
حضرت ختم رسل حِصن حَصـينه صلوات
مـظـهـرعـشـق و مساوات وامـيـنـه صلوات
جاودان گنجينه مـفتاح ؛ اينـان گلدي بوگون
دولـدي جـان سـاغـري عـالمده مي وحدتيلن
لات وعـزّي سـيـناجاخ پـُتـك قـوي هـمّـتيلن
جيسم لرجان دوتـاجـاخ رايـحـة رحـمـتـيلن
وقـت بـيـداري چـشـمان زمان گلدي بوگون
دولـدورون دامـني گـلـدن قـدم عشقه توكون
بـذر شـادي ئـورگيـن بـاغـينه شوقـيله اكون
ئورگين باشينه يارعكسيني عشـقـيـله چكون
قوجالارجيسمينه اول روح جوان گلدي بوگون
واژة هيجـري بـوتـون وصـلـتـه تبديل ايلدي
ضـعـفـا مـشـكـلـيني دنـيـادا تـسـهــيــل ايلدي
شادي آرتيردي ؛غـم وغصّه ني تقليل ايلدي
بـيـنـوالـرتـنـيـنـه تاب و تــوان گلدي بوگون
مـكـّه دادمـيشـدي اگرچه بومحمّد(ص) داديني
يـايـوب امـمـا بو زمـان عالـمـه الله ؛ يـاديني
سـس گـلوب غارحراده اوخي يـزدان آديني
قـدرت لـم يـزلي خـلـقـه عـيان گلدي بوگون
احـمـدين قـويـدي خـدا تـاج رسـالت بـاشينا
ويـردي قـيمت رب يـكتاسي حرانين داشينا
يتشوب يئرگوي هـمـان ايسـتديگي پاداشينا
گوييا يئر يوزونه عـطرجـنان گلدي بوگون
گـلـدي طـاهـا ايـلـدي مـحـو؛ بـت جاهليني
يــودي بـالـمـرّه حـقـيـلـن ؛ اثــر باطلـيـني
خـلـقه گورستدي سعادت يمـيـنين ساحليني
ضـعـفا حقـّيـني ظالـمدن آلان گلدي بوگون
گلدي تا گوستره دنيايه گونين چشمه سيني
باشدا لولاك تاجـي؛ايـتدي سپر سينه سيني
تا جهانگير ايلـيـيه ؛ پيـشه و انديشه سيني
پرچمين قـلـة قـاف اوسته ساچان گلدي بوگون

(آذرين)سعي ايله عهدونده وفــالي قالاسان
تا نــفــس وارالــووه پـرچـم ديـنـي آلاسان
بلكه قرآنيله محشر گوني محشور اولاسان
درگهي اولدي يقين دارالامان گلدي بوگون

• سه شنبه
• 23
• دی
• 1399
• ساعت
• 22:54
• نوشته شده توسط
• یوسف اکبری

به سبک(از صلابت ملت و ...)

اي رسالتي عالمين دردينه - دوا ايدن
يرده نهضتي حقّيلن باطلي - سوا ايدن
آسمان عشقيميزده مهرتك يانان
نور نهضتي جهاندا تا ابد قالان
يا مصطفي - رسول حق - يا مصطفي
جانلار فدا - سنه اولا - يا مصطفي

بت لاري بوگون سيندران گلوب
پرچمين جهان دا ويران گلوب
بعثتي اولا مبارك هامّي عالمه
لولاكين تاجي يتيشدي نور خاتمه
يا مصطفي - رسول حق - يا مصطفي
جانلار فدا - سنه اولا - يا مصطفي

اي ديانتي ئورگدن عشقيلن - خلايقه
تبديل ايلين كينه و نخوتي - علايقه
سن رسول عشق و نور ومهرباني سن
خلقتين گونشلي شانلي گلسِتاني سن
يا مصطفي - رسول حق - يا مصطفي
جانلار فدا - سنه اولا - يا مصطفي

سن بو گون يتيشدون نبوّته
سرمد اولموسان كلّ خلقته
اقرا باسم ربك الّذي خلق ؛ نبي
خلق اولوب بشرتمامي مِن علق ؛ نبي
يا مصطفي - رسول حق - يا مصطفي
جانلار فدا - سنه اولا - يا مصطفي

• سه شنبه
• 23
• دی
• 1399
• ساعت
• 22:56
• نوشته شده توسط
• یوسف اکبری

مبعــــــث دي قرآن گلدي
جيسمه بوگون جان گلدي
باخــــون غـــــارحــرادن
محمـــّد خـــنــــدان گلدي
عيد مبعث مبارك

اي والله شاهيم اي والله
حـــــق لا الــــــه الاالله
محمـــد رسول الله عـــلــــي ولي الله

آلامه درمـــان گلــــدي
آييـــن وايمــان گلـــدي
احمـــد غـــــار حرادن
الـيـنــده قـــــرآن گلدي
عيد مبعث مبارك

اي والله شاهيم اي والله
حـــــق لا الــــــه الاالله
محمـــد رسول الله عـــلــــي ولي الله

اســتـــاد حيــــدر گلدي
چوخ شوقه كوثر گلدي
بـــوگــون غــارحرادن
خــتـــم پيــمــبــر گلدي
عيد مبعث مبارك

اي والله شاهيم اي والله
حـــــق لا الــــــه الاالله
محمـــد رسول الله عـــلــــي ولي الله

احمد جهانه جان دي
هامي درده درمان دي
گلن غار حرادن
ختم پيغمبران دي
عيد مبعث مبارك

اي والله شاهيم اي والله
حـــــق لا الــــــه الاالله
محمـــد رسول الله عـــلــــي ولي الله

• سه شنبه
• 23
• دی
• 1399
• ساعت
• 22:59
• نوشته شده توسط
• یوسف اکبری

برجهان صفا آمد .... نورکبریا آمد
چشم فاطمه روشن ...ختم الانبیا آمد
آینه عشق و وفا آمد خوش آمد
ناشر آیات خدا آمد خوش آمد
يامحمد (ص)4

رحمت خدا آمد .... میر و مقتدا آمد
سینه مخزن الاسرار .... برلبش دعا آمد
آینه عشق و وفا آمد خوش آمد
ناشر آیات خدا آمد خوش آمد
يامحمد (ص)4

عالمی چراغان شد ..... دردها چه درمان شد
روشن از رخ ماهش ..... شام تار انسان شد
آینه عشق و وفا آمد خوش آمد
ناشر آیات خدا آمد خوش آمد
يامحمد (ص)4

گولدی گل گلستاندا..... آچدی غنچه بستاندا
ختم مرسله همتا .‌...گلمیوبدی دوران دا
آینه عشق و وفا دنیایه گلدی
ناشر آیات خدا دنيايه گلدي
يامحمد (ص)4

قلبلرصفا تاپدی .... دیده لرجلا تاپدی
یریوزی قدوموندن .....رنگ کبریاتاپدی
آینه عشق و وفا دنیایه گلدی
ناشر آیات خدا دنيايه گلدي
يامحمد (ص)4

دشمن اولدی ظلامه....خط چکوبدی آلامه
تا گوز آچدی دنیایه.....لرزه دوشدی اصنامه
آینه عشق و وفا دنیایه گلدی
ناشر آیات خدا دنيايه گلدي
يامحمد (ص)4

• پنج شنبه
• 25
• دی
• 1399
• ساعت
• 09:54
• نوشته شده توسط
• یوسف اکبری

خبرویرون عاشقانه گلیب جهانه محمد
سالوبدی لطفیله نورین پیرو جوانه محمد
بومولودین خوش قدمی جهانیانه مبارک
جدی پیمبرگلوبدی صاحب زمانه مبارک
بو شانلی بایرام مبارک۴

گلدی جهالت پوزولسون ریشه خفت یولونسون
عزت دنیا و اخری امته مبنا قویولسون
بومولودین خوش قدمی جهانیانه مبارک
جدی پیمبرگلوبدی صاحب زمانه مبارک
بو شانلی بایرام مبارک۴

امام صادق (ع)

عشق اهلی گلسین صدایه رئیس مذهب گلوبدی
چون آسمان ولایه بیرشانلی کوکب گلوبدی
شیعه گوزی روشن اولسون
قلبیلره شادی دولسون
بحق حی تبارک
اولسین قدومی مبارک
خوش گلوبسن گل احمد
صادق آل محمد

گلدی گل باغ حیدر عالم آل پیمبر
فلسفه و جبروطبی ایلدی تدریس او رهبر
شیعه گوزی روشن اولسون
قلبیلره شادی دولسون
بحق حی تبارک
اولسون قدومی مبارک
خوش گلوبسن گل احمد
صادق آل محمد

• دوشنبه
• 29
• دی
• 1399
• ساعت
• 15:48
• نوشته شده توسط
• یوسف اکبری

در آهنگ :از صلابت ارتش و ....

خوش گلوبسن ای خاتم مرسلین - جهانه سن
نور وحدتی پخش ایدوبسن بوتون - زمانه سن
ای حبیب حق عزیز کل ماسوا
گل گلن قدملروه بیز اولاخ فدا
يا مصطفي - رسول حق - يا مصطفي
جانلار فدا - سنه اولا - يا مصطفي
ای عدالتی برقرار ایدن
ظلم و ظالمی برکنارایدن
سن گلنده باغدا بلبل اولدی نغمه خوان
عطروه سنون بوروندی باغ و گلستان
يا مصطفي - رسول حق - يا مصطفي
جانلار فدا - سنه اولا - يا مصطفي

اي ديانتي ئورگدن عشقيلن - خلايقه
تبديل ايلين كينه و نخوتي - علايقه
سن رسول عشق و نور و مهرباني سن
خلقتين گونشلي شانلي گلسِتاني سن
يا مصطفي - رسول حق - يا مصطفي
جانلار فدا - سنه اولا - يا مصطفي
بتلاری بوگون سیندران گلوب
پرچمین جهاندا ویران گلوب
میلادون اولا مبارک هامی عالمه
سنله محنت زمانه تاپدی خاتمه
يا مصطفي - رسول حق - يا مصطفي
جانلار فدا - سنه اولا - يا مصطفی

سن اورکلرین هر زماندا آقا . صفاسی سان
بینوالرین دلده کی دردینون . دواسی سان
ویرمریضلرین بوگونده سن شفاسینی
ویر بو مجلسین برات کربلاسینی
يا مصطفي - رسول حق - يا مصطفي
جانلار فدا - سنه اولا - يا مصطفی
سن خلایقین افتخاری سان
مرتضی علینون نگاری سان
منتخب اوزون اولاندا سرور جهان
فاطمه قیزون اولوبدی سرور زنان
يا مصطفي - رسول حق - يا مصطفي
جانلار فدا - سنه اولا - يا مصطفی

• چهارشنبه
• 1
• بهمن
• 1399
• ساعت
• 12:10
• نوشته شده توسط
• یوسف اکبری

گلوبدی عید فرخنده
بشارت اهل ایمانه
خلایق دردی بالمره
یتوبدی جمله درمانه
نمایان شرق واحد دن
ایکی خورشید اولوب تابان
ایدوبلر پرتو افشانی
ایکی یاندان ایکی جانان
بیری صادق بیری احمد
بیری سرور بیری سرمد
بیری بنیانگر مکتب
بیریسی رهبر مذهب
((ویروبلر یرگویه الله
ایکی مولود چوخ برکات
بو ایکی نور رحمانه
اورکدن گوندرون صلوات))۴

بیری نور نبوتدن
ایدوب عالملری روشن
بیری نور ولایتدن
ایدوب دنیایوزون گلشن
بیری فخر خلایقدی
باشیندا تاج لولاکی
بیریسی قال صادقدن
گتوردی وجده افلاکی
بیری دلدار حیدردی
بیری آیات کوثردی
بیری بابادی زهرایه
بیری دنیایه پیرایه
((ویروبلر یرگویه الله
ایکی مولود چوخ برکات
بو ایکی نور رحمانه
اورکدن گوندرون صلوات))۴

بیری عصرجهالتده
درخشان ماه رخشنده
بیری تفسیر قرآندا
بهین استاد ارزنده
بیری دریای رحمتدی
بیری پرارج و قیمتدی
بیری کان محبتدی
بیری راه سعادتدی
((ویروبلر یرگویه الله
ایکی مولود چوخ برکات
بو ایکی نور رحمانه
اورکدن گوندرون صلوات))۴

• چهارشنبه
• 1
• بهمن
• 1399
• ساعت
• 12:12
• نوشته شده توسط
• یوسف اکبری

اولوب عالم چراغاني گلوب دنيايه پيغمبر
گتوردي شوقه دنياني گلوب دنيايه پيغمبر
دينن ساقي گتورسون باده عشق و مسرتدن
خبر ايتسون گلستاني گلوب دنيايه پيغمبر
گويه يردن اوجالدي مرحبا صوتي ملائكلر
بزيوب عرش اعلاني گلوب دنيايه پيغمبر
گلستاندا آچوب گللر اوخور شوقيله بلبللر
ايدور قمري غزلخواني گلوب دنيايه پيغمبر
فضاي عرش و فرشي عطر و بوي مصطفي دوتموش
گيجه ده اولدي نوراني گلوب دنيايه پيغمبر
بومولودين قدوميندن اولوبدي لطف حق شامل
گلوبدي لطف رحماني گلوب دنيايه پيغمبر
ربيع الاولون اون يديسي دي سال عام الفيل
گوز آچدي رحمتين كاني گلوب دنيايه پيغمبر
ير اهليندن علاوه گويلر اهلي بو مسلمدي
سويللر چوخ بو جاناني گلوب دنيايه پيغمبر
بناي جهل ويران اولدي گلدي منجي عالم
گيدوبدي جهل وناداني گلوب دنيايه پيغمبر
قدم چون قويدي ملك هستيه احمد رسول الله
دوتوبدي نوري هرياني گلوب دنيايه پيغمبر
تمام دردمندانون گلوبدي دردينه درمان
تاپوبدي جسملر جاني گلوب دنيايه پيغمبر
اولوب درياچه ساوه سودان خالي ولي برعكس
سماوه اولدي عماني گلوب دنيايه پيغمبر
اولوبدي فارس دا آتشكده خاموش بالمره
بيلوب دنيا بوجرياني گلوب دنيايه پيغمبر
بوني بيل(آذرين)يازسون كمالات پيمبردن
يازانماز قطره درياني گلوب دنيايه پيغمبر

• چهارشنبه
• 1
• بهمن
• 1399
• ساعت
• 18:19
• نوشته شده توسط
• یوسف اکبری

قسـم او ذات اکبره – من عاشق محمدم
قسـم امیـر خیبره – من عاشق محمدم
قسـم علی ِ حیدره –من عاشق محمدم
قسـم بتـول اطهره - من عاشق محمدم
قسـم خوده پیمبره – من عاشق محمدم

قسم رگیمده قانلارا–شهید اولان جوانلارا
قسـم عـزا توتانلارا–جهـانی داغلیـانلارا
قسـم سینه وئرانلارا-باشـا قـرا سالانلارا
قسم او باش یارانلارا- حسینـه آغلیـانلارا
قسـم او تشنه لبللره –من عاشق محمدم

بو بیتـی عاشقـان دئسون- قوجا دئسون جوان دئسون
زمین دئسون زمان دئسون – تمــام کهکشـان دئسون
اجـانبـون غـرورینـی همیشـه سینـدیران دئسون
دهـان دشمنـانـلاری علـی دئیـوب جیـران دئسون
قسم شفیع محشره –من عاشق محمدم

او خلقته دلیلیدور- مقامی بی بدیلیدور
پیمبـر جلیلیدور - ثُـلالـة خلیلیدور
اونون یگانه عـاشقی خدا و جبرئیلیدور
او حقیدور اونی دانان ایکی جهان ذلیلیدور
فدا اولوم پیمبره – من عاشق محمدم

بـو آدیـن اولیـن یقیـن خـدای لامکان دیوب
ملک دیوب ؛ فلک دیوب ، بوتون ستارگان دیوب
بو آدب جبهـه لرده کی شهید اولان جوان دیوب
گلوله سینه سین سوکوب قانی آخان زمان دیوب
قسم اولا شهیدلره – من عاشق محمدم

اگرچـه خانـواده میـن عزیز و نو عینی ام
ولی فـدای رهبـرم ئوزومده شور شینی ام
شهیدیللـر کیمـی بولـون مُقَلدِ خُمینی ام
باش اَگمَرم ستمگره خدا بولور حُسینی ام
فدا اولوم او رهبره – من عاشق محمدم

• پنج شنبه
• 2
• بهمن
• 1399
• ساعت
• 22:35
• نوشته شده توسط
• یوسف اکبری

مقامی کیمـدی کیمیا ؟ جناب ختم الانبیا
جهانه کیمـدی مقتدا ؟ جناب ختم الانبیا
بیزه وئروبدی کیم بها ؟ جناب ختم الانبیا
مریضه کیم وئرر شفا ؟ جناب ختم الانبیا
رئیـس خلقـتِ خدا ؟ جناب ختم الانبیا
عـزیـز ذات کبـریا ؟ جناب ختم الانبیا

اسیـر اولانـدا مـا خَلَـق جهـالتیلـه ظلمته
یاواش یاواش قـونوردی تـوز اصالتِ شریعته
مقـام شـامـخ خـدا رَقَـم وئـروب نبـوته
او دم وئروبدی تـازه جان او نیمـه مُرده اُمته
دوباره گونـدروب نبی باخـون خداده قدرته
امیـنِ خلقـتِ خـدا ؟ جناب ختم الانبیا/

بَزَنـدی آسمـانی لر به حکـمِ حـقِ ایزدی
شـرف وئروبـدی عالمه بهار ناب سرمدی
بولورسن هش جهانـلارا بو نور تازه نیلدی ؟
تجلیـات ایـزدی گینــه تَبلــور ایلدی
اراده ایلیـوب خـدا عـطا ائـدوب محمدی
وئرب اورکللره صفا ؟ جناب ختم الانبیا /

او نیمـه مُـرده امتـه پیمبــریلـه جان گلوب
دوشوبدی شهریلرده جار کی مشکلی آچان گلوب
اونی زیارت اتمگـه گـوی اهلی ، عرشیان گلوب
قـوشـولمـوش انبیـالره تمـامِ قدسیان گلوب
کی خاک بوسی اولماقـا مَلک دوان دوان گلوب
کی رَهنمای نُه سما ؟ جناب ختم الانبیا/

پیمبرین گـوزل آدین زمین دیور ، زمان دیور
بو آدی پرنیـان دیور – ملک نفس زنان دیور
فلک دیـور ملک دیـور خـدای لامکان دیور
اولـوبدی اَزبَری بو آد گئدن، گلن ، قالان دیور
نه سرّی واردی بو آدین قوجا دیور جوان دیور
دیور بوتون جوان ، قوجا ؟ جناب ختم الانبیا

او خلقتیـن بهاسیـدی ، اورکللـرین صفاسیدی
غـریبلـرین آقـاسیدی ، غـریبـون آشناسیدی
نـه مـن کـی انبیـالـریـن یگـانـه انبیاسیدی
اونون قیزی او قیزدی کی جهان اونون گداسیدی
اونـون قیـزی تک اللهیـن عـزیزه مه لقاسیدی
ائـدر هـر حاجتـی روا ؟ جناب ختم الانبیا

جناب ختـم مُرسلـهَ الان کی سفـره سالموشام
توان وئروبدی طبعیمه یازور قلم ، گوج آلموشام
گوج آلموشام کی سهلیدی مقامَ باخ اوجالموشام
دیوبدی ذات بی مَثل کی زنگ عشقی چالموشام
کی خلق ائدن زمان اونی اوزومده مات قالموشام
اودور دیوب خودِ خدا ؟ جناب ختم الانبیا

• پنج شنبه
• 2
• بهمن
• 1399
• ساعت
• 22:36
• نوشته شده توسط
• یوسف اکبری

سبک : کجا سفر رفتی ، چه بی خبر رفتی (افتخاری)

روح سرآمدّی
جشن محمّدی

سسلندی گویده مُنادی
توتدی دنیالری شادی
روز اَلطـاف خدادی

ملک دیور گویده یا رسول الله

جشن نبوتّدی
روز امامتّدی

پروانه یغیشدی نوره
موسی لر گِئدوبدی توره
عیسی لر گلوبدی شوره

دیور مسیحاده یا نبی الله

قیامتین شفاعتی یا محمد
شفاعت ایله امتی یا محمد

ختم الانبیا سنه جان فدا وئر بیر عیدیانه
جان فاطمه جان مرتضا وئر بیر عیدیانه

فخر خدا ختم رسولان
شیعه لرون آدیوه قربان

عزیز خلقتدی
شأن و شرف گتدی

چشم خلقته ضیادی
باغ جنّته صفادی
درگاهینده شه گدای

گداسی شاهدان قاباخدی واللهی

کرمده دریا سن
شفیع عُقبا سن

مِثلوی زمانه ایستر
عاشقلر بهانه ایستر
سنن عیدیانه ایستر

فَلکلره قوزانوب اورک آهی

صفالی قبریوه واریم چوخلی حسرت
سنی قیزون جانی ایله بیر یول دعوت

واردی حسرتیم قبریوی گورَم قبرون ائت عطاسن
سن بیل فاطمه باخ بو حالیمه سن درده دواسن

لطفیوی ارزان اله مولا
دردیمه درمان اله مولا

• پنج شنبه
• 2
• بهمن
• 1399
• ساعت
• 22:39
• نوشته شده توسط
• یوسف اکبری

در اهنگ(ماه دل ارا بیا_یوسف زهرا بیا)

شمـس نبـوت گلوب * مـاه امامـت گلوب
صـادق و ختـم نبی * مفخـر خلقـت گلوب
جار سالون عالمللره سید بطها گلوب
صـادق آل علی هَمـرَهِ طاها گلوب
مَه رخ زیبا گلوب
درده مداوا گلوب

حُـوریِ جنت دیـور خیـرین اولا آمنـه
لطف الیوب ذات حق بیر بالا وئردی سنه
صورتی آغ؛ قاره گوز ،آلنی آچیخ ؛ قاتما قاش وئردی طـراوت گُلـون باغیله هم گلشنه

مقـدم ِ زیبـاسینـه تـاپدی زمانه صفا
گویده ملک لر دیور عشقیله یا مصطفا

مَه رخ زیبا گلوب
درده مداوا گلوب

جعفریلر شاد اولون حامی مکتب گلوب
سیـد بـر جستـة مکتـب و مـذهـب گلوب
عالمی حیران ائدر دانش و اندیشه سی
سیز سُویونون قلبیدن دشمنه چون تَب گلوب

یوسف و عیسالـرین بـو آقـا مولاسیدی
خضر نبی قطـره دی بو ولی دریاسیدی

مَه رخ زیبا گلوب
درده مداوا گلوب

قبله گه عرشیان ، سجده گه فرشیان
رهبـر نـاصوتیـان ؛ سیـد افـلاکیـان
مفخـر آل خلیـل ؛ سائلیدور جبرئیل
تـاج سـر انبیـا خـاتـم پیغمبـران

آدی بوتون دیللـرین زمزمه و وِردیدی
یکسره پیغمبران عشقیده شاگردیدی
مَه رخ زیبا گلوب
درده مداوا گلوب

• پنج شنبه
• 9
• بهمن
• 1399
• ساعت
• 23:56
• نوشته شده توسط
• یوسف اکبری

درآهنگ (کجا_سفر_کردی)(افتخاری)

روح سـرامـدی-جشـن محمـدی
سسلندی گویده مُنادی
توتدی دنیـالری شادی
روز اَلطـاف خـدادی
ملک دیور گویده یا رسول الله

جشـن نبـوتـدی-روز امـامتـدی
پروانـه یغیشـدی نوره
موسی لر گِئدوبدی توره
عیسی لر گلوبدی شوره
دیـور مسیحـاده یـا نبی الله

قیامتین شفاعتی یا محمد
شفاعت ایله امتی یا محمد

ختم النبیا - سنه جـان فدا–وئر بیر عیدیانه
جان فاطمـه - جـان مـرتضا -وئر بیر عیدیانه

فخر خـدا ختـم رسولان
شیعه لـرون آدیوه قربان

عـزیـز خلقتـدی - شأن و شرف گَتدی
چشم خلقتـهَ ضیادی
بـاغ جنتـه صفـادی
درگاهینده شه گدای
گداسی شاهدان قاباخدی واللهی

کرمـده دریـا سن_شفیـع عُقبــا سن
مِثلـوی زمانه ایستر
عاشقلر بهانه ایستر
سنن عیدیانه ایستر
فَلکلـره قـوزانـوب اورک آهی

صفالی قبریوه واریم چوخلی حسرت
سنی قیزیون جانی اله بیر یول دعوت

واردی حسرتیم -قبریوی گورَم–قبرون ائت عطا سن
سن بول فاطمه_باخ بو حالیمه_سـن درده دواسن
لطفیوی ارزان ائله مولا
دردیمه درمان ائله مولا

• چهارشنبه
• 15
• بهمن
• 1399
• ساعت
• 22:06
• نوشته شده توسط
• یوسف اکبری

تا کی اِراده‌ اِئتدی حق صادر اولوب دستور عشق
اولدی قیامت گوئیا نا گه چالیندی صور عشق
ماه و ستاریلَن بوتون گویلر چراغان اولدولار
گوی‌ایستیور اَنسین‌ یِره یرده بوگون‌وار شور عشق
ئوز نور وَجهیندن خدا خلق ایلیوبدور بیر بَشر
کَیف َ بَشردور بو بَشر؟ انسانیدور یا هُور عشق
الله دگول بیر بنده دی یوخ مِثلی الله مثِلی تک
بنده چکوبدور دللری وار گوزلرینده نور عشق
هر بیر دَمینده بی‌گمان وار مین مسیحانین دَمی
بونان‌آلوب عیسی‌ شفا،اولموش‌اودور مَستور ‌عشق
گورسه بُتِ عضما اونی انسان پرستی ایلییر
چون جاهلیت قورتاروب یولدان گلوب مامور عشق
بُت‌لار یخیلدی بیربه‌ بیر تا اینکی اوپسون مَقدمین
چون‌بُت پَرَس‌لَردن قاباق‌بُت‌لار اولوب مخمور‌‌‌‌عشق

• چهارشنبه
• 15
• بهمن
• 1399
• ساعت
• 22:08
• نوشته شده توسط
• یوسف اکبری

صبح دم باد صبا وئردی بشارت عالمه
گلدی محبوب خدا،ختم رسالت عالمه
خلقتینده ایلدی،خالق اوگونده شاهکار
اوج خلقتده وئروبدی،اوج زینت عالمه

گلدی دنیایه انیس و محرمِ اسرار عشق
لنگر بنیان خلقت،پایه ی ایثار عشق
دهریده بی رونقیدی گرمی بازارِ عشق
عرصه ده تنها،ولی میدان دولی کفّاریدی
شهر مکه پایگاه فرقه ی اشراریدی

اوّلین ذکری دیلنده یا رحیم و یاصمد
خلقتینده یوخ شریکی،قل هو اللّهُ احد
چوخ اوزون یولدور یولی،یوخ رهنماسی،نابلد
حرف اوّل مکه ده مطلق اولوب بتخانه لر
بیرطرف بازار فحشا،بیر طرف میخانه لر

چوخ جنایاته اولوردی مرتکب اهل شرور
وحشیلر بولمور نه دی،تورات و انجیل و زبور
ایلیوردی بیحیالر،قیزلارون زنده ب گور
بسکه دنیای گناهه،اول عربلر غرقیدی
علم و دانش یا جهالت،اوللارا بی فرقیدی

صبر ائدوب قرخ ایل بو ظلمه،افتخار انبیا
چوخ مصیبت چکدی بو یولدا،امینِ کبریا
نیّتی یکتاپرستیدور،ولی قوم دغا
گاهی جادوگر دئیوب گاهی یولوندا دوردولار
گه ویروب داش اول مبارک دیشلرون سیندیردولار

عاقبت اولدی بو ظلم و جور و ایذادن رها
محضرِ یاره گلوبدور جبرئیل باوفا
عرض ائدوب حقّین سلامی وار سنه یا مصطفیٰ
مژده وئردی اول نویدی اوردا با صوت جلی
خاتمِ پیغمبران اولدون بو دمدن،، یاعلــی

باشلادی اوّلده پنهانی حنیفی مذهبی
ایلدی تبلیغ اسلام و بو عالی مکتبی
جمع ائدوب اقوامینی واضح بیوردی مطلبی
کیمدی دوتسون اللریمدن تا منه اولسون ولی
سسلدی لبیك ازلده فاتح خیبر علـــی

ایلدی اتمام حجت علمیلن میر کرام
آیریلوبدی شرعیده،حدِّ حلالیله حرام
مکه اولدی پایگاه دین و قران والسلام
سینیدلار لات و عُزالر،حق دایاندی منبره
سس گلوب احسن سمادن،خاتم پیغمبره

مشرکین ایمان گتوردی،حضرته یار اولدولار
داغ کیمی هر تک تکی یار وفادار اولدولار
کوفیان #کرب_بلاده اوغلونی تک قویدولار
اشبه طاهانی اول قوم ستمگر دوغرادی
حرمله دریاده لب تشنه بالانی اوخلادی

آه او ساعتدن یخیلدی تشنه شاه کربلا
دورینی آلدی چوخور یرده گروه اشقیا
اللرینده تیغ و نیزه،دیلده کین مرتضا
ویردی اوّل سینه ی شاهه،سنان الده سنان
نیزه نی چکجک اولوبدور قتلگه قانه روان

گوزلرون آچدی چوخور یرده شهنشاه جهان
عرض ائدوب ای خالق قادر،خدای مهربان
منکی اؤلموشدوم علی اکبر اؤلنده بی گمان
بارالهی راضیم حقین نجور فرمانی وار
اولمویا یالقیز حسینون،ایکی دم ده جانی وار

من قوتاردوم دوغراناندا ریزه ریزه اکبریم
اللریمده جان وئرنده آلتی ایلیق اصغریم
آغلوری یازجاخ «فقیر» و مادحان محضریم
کیمدی الان بو چوخور یرده دوباره جان وئرور؟
محضر جانانه لب تشنه،ئوزون قربان وئرور

• پنج شنبه
• 30
• بهمن
• 1399
• ساعت
• 22:52
• نوشته شده توسط
• یوسف اکبری

ای یاران بشارت،،
سرزدمهررحمت
واشدباب جنت،،دلدارم آمد
نغمه خوانَدبلبل،،شدغرق طَرَب گل
خندَدیاس وسنبل،،سالارم آمد
عالم چراغان،،،دلهاشدشادان
برمامبارک،،مقدم جانان
یانبی الله،،،یارسول الله۲

میلاددورهبر،،میلاددوسرور
صادق وپیمبر،،بادامبارک
دویاربی همتا،،دودلبررعنا
دوعالیِ اعلا،،بادامبارک
دویارعاشق،،دو یار شایق
دونوررحمت،،دومیرِلایق
یانبی الله یارسول الله۲

ترکی

روح وروان گلدی،،آرم جان گلدی
شاه جهان گلدی،،الحمدلله
گویلرده ملکلر،،شوره گلوب یکسر
شوقیله سسلوللر،،یارسول الله
یاریم گوزلدی،،،ماهه مثلدی
آزاده مردِ،،،بین المللدی
یانبی الله یارسول الله

آچدی یاس وسوسن
جلوه لنوب گلشن
گوزلراولدی روشن
یاران مبارک
گلدی ایکی رهبر،،ایکی وفاپرور
ایکی ملک منظر
یاران مبارک
آقادی احمد،،،میرموید
صادقدی والله،،،ولی سرمد
یانبی الله یارسول الله

• پنج شنبه
• 21
• اسفند
• 1399
• ساعت
• 13:19
• نوشته شده توسط
• یوسف اکبری

گلدی موسم شادی_یر یوزی منوردی
شاداولون مسلمانلار_بعثت پیمبردی

مرحبا ... مرحبا ... مرحبا رسول الله

امرحق گلوب گویدن_دورایاقه یا احمد(ص)
قوی نبوتون تاجین_باشداای گل سرمد
اِقْراَ بِسمِ رَبِّک ده_ای شهنشه امجد
انتخاب اولوب سان سن_امرحی داوردی

مرحبا . . .

ایلیوب خدا مامور_ خلقه رهنما اولسون
مصطفی اولوب مبعوث_میر و مقتدا اولسون
خاتم پیمبرلر_حجت خدا اولسون
لطف و رحمتین کانی_عالمینه رهبردی

مرحبا ...

ای اولان گوزل آدی _ لوح قلبیمه تصویر
حکموه اولار محکوم_ هم قضا و هم تقدیر
خُلقِ اعظمون مولا_بسکی اولدی عالم گیر
عالم اهلینه آدون_قرن لردی ازبردی
مرحبا

ایلدون قیام ای شه_ دین حق اولا برپا
کفر ریشسون وردون_خلقی ایلدون احیا
حقه آشنا ایتدون_ قوم باطلی مولا
بو مسیر دشواره_یاوَرون ده حیدردی

مرحبا...

• پنج شنبه
• 21
• اسفند
• 1399
• ساعت
• 19:32
• نوشته شده توسط
• یوسف اکبری

كتاب خالق سبحاندى قرآن
سعادتبخش هرانساندى قرآن

بو قرآندور رسول اللّهه اعجاز
بو قرآندور كه همتاسى تاپولماز
بو قرآن ايچره تحريفه يول اولماز
بو باغين گوللرى هرگز پوزولماز
نه كه اسرار بى ‏پاياندى قرآن

مسلمانلار! ائدون قرآن تلاوت
اولاندا محشر و روز قيامت
مبادا ايليه بيزدن شكايت
ولى بير جور ائدون ائتسين شفاعت
بلا شكّ و بلا نقصاندى قرآن

بو قرآنين آديندان، ذكر و تنزيل
زبور و مصحف و تورات و انجيل
ائدوبلر دورديده قرآنى تجليل
اولوب قرآندا هر اهداف تكميل
هامى مكتوبلارا سلطاندى قرآن

اوخى دقتله قرآنِ مبينى
چوخالدار گون به گون ديلده يقينى
اوزى وصف ايليوبدور مؤمنينى
هدايت ايلير هر متقي‌نى
قرانلوقدا مه تاباندى قرآن

بو قرآندان عزيزم اولما غافل
رسول اللّهه، اللَّه ائتدى نازل
امين وحى اولوب آياته حامل
على مكتوب ائدوب تنزيلى كامل
حقيلن، باطله فرقاندى قرآن

وئريم مژده بو دم اهل ولايه
باشينى قووزاسين شيعه سمايه
علينون باره‏‌سينده اوچ‏يوز آيه
گلوب بو مصحف ايچره مصطفايه
كه مدّاح شه مرداندى قرآن

قوتولماز خالق يكتا عطاسى
اونا محتاجيدور چون ماسواسى
مريضون اولسا قرآندور شفاسى
كه واردور بوندا هر دردين دواسى
دواسيز درده‏لره درماندى قرآن

حسين بن على قرآنِ ناطق
ز بس اولموش كتاب اللّهه عاشق
آلوب مهلت عدودن شخص لايق
تلاوت ائتدى تا صبح اولدى بارق
كه يعنى عشقنه برهاندى قرآن

شهيد اولدى حسين كرب و بلاده
بو سوز مشهور اولوب ارض و سماده
گئدنده عترتى شامه پياده
گوروبلر باشلادى قرآن جداده
حسينه مونس و جاناندى قرآن

اوزى توصيف ائدوب قرآنى خالق
يازانماز وصفينى جمله خلايق
نقدرى اولسالار وصّاف لايق
بشيرا بو كتابدا وار حقايق
اوخى قرآن دئنن قرآندى قرآن
سعادتبخش هر انساندى قرآن

• سه شنبه
• 24
• فروردین
• 1400
• ساعت
• 15:30
• نوشته شده توسط
• یوسف اکبری

مژده شیعه عالمه سرمایه گلدی
عرش حقه شانیده پیرایه گلدی
خاتم پیغمبران یعنی محمد
هفده ربیعیده دنیایه گلدی
یامولا یامحمد(2)
یامحمد یامحمد یامحمد

تاج سردور ادمه مولامحمد
کل عالمدورگدا اقا محمد
آد قویولدی حضرته احمد جناندا
شانیده هم رتبه ده والا محمد
یامولا یامحمد(2)
یامحمد یامحمد یامحمد

اعظم پیغمبران دنیایه گلدی
مفخر کروبیان دنیایه گلدی
تک فقط شیعه بوگون شادلیق ائلمور
فخر ائدرافلاکیان دنیایه گلدی
یامولا یامحمد(2)
یامحمد یامحمد یامحمد

سن نن احیا اولدی دنیا یامحمد
تاپدی زینت دار عقبا یامحمد
چوخ گوزللرگلدی دنیایه ولیکن
گلمیوب گلمز سنه همتا محمد
یامولا یامحمد(2)
یامحمد یامحمد یامحمد

مصطفی تفسیرخلقت شاه جنت
مصطفی نور عبادت روح رحمت
مصطفی تکمیل ائدن دین خدانی
مصطفی دور آخرین شمس نبوت
یامولا یامحمد(2)
یامحمد یامحمد یامحمد

مصطفی دور رنگ زیبای عدالت
مصطفی اسطوره ایمان وغیرت
مصطفی آزاده لیک گنجینده گوهر
مصطفی دور تاجدار تخت عزت
یامولا یامحمد(2)
یامحمد یامحمد یامحمد

• پنج شنبه
• 26
• فروردین
• 1400
• ساعت
• 10:51
• نوشته شده توسط
• یوسف اکبری

عالمه مبارک قدم قویدی شاه عالم
احمده مُسَمّا اولان سرور دو عالم
آسمان شرف ماهی یا محمد
جنّ و انس و ملک شاهی یا محمد
گل جمالی گوندن روشن و منور
رحمت حیِّ حق خاتم پیمبر

نور پاکون ایلوب سنون آسمانی روشن
سندن عطرین آلموش شها جمله باغ و گلشن
غنچه لر آچدیلار اولدولار گل آقا
گوللر اوسته اوخور نغمه بلبل آقا
منبع سخاسن مظهر عطاسن
قیل عطا ذوالکرم شاه هَل اَتی سن

ای وجود پاکت شده لطف حیِّ داور
مولِدِ مُطهّر تویی نور چشم مادر
دامنم مُنعَم از لطف حیّ معبود
مهر و ماه از وجو دِتو گشته موجود
اَظهَرٌ مِنَ الشّمس ماه دلربایی
زینت فرشی و مفخر سمایی

پا نهاده آهوی دل سرورا به کویت
شد کمند نَخجیرِ من تار تار مویت
ای جمالت چو گل زینت دو عالم
جرگه ی انبیا را تو گشته خاتم
دل اسیر رویت کرده رو به کویت
چنگ و دف، مِی زنم مستم از سبویت

• پنج شنبه
• 9
• اردیبهشت
• 1400
• ساعت
• 16:17
• نوشته شده توسط
• یوسف اکبری

درک ایلمیوبدی قدرون ادراک
حاسد گوزی سندن اولسون حاشاک
لولاک لَما خَلَقتُ الا فلاک

مبعوث خداسن عالمینه
خالق نِعَمینده اِتموب اِمساک
لولاک لَما ...

معراجون اولوب کمال انسان
بسته سنه ممکنات فِتراک

گلموشدی حضوریوه فرشته
سویلردی امین وحی بی باک

دورخلقه پیمبر اولموسان سن
عالم لری ایلدون طربناک

سندیر بتی خالی ایت بوکعبه
بت سیز قالا قوزا خاک وخاشاک

قوخما اولی مشرکین مکه
بو امریده چوخ حالی اسفناک

وارقوم لارایچره اوس وخزرج
کین وحسده اولوبدی غمناک

آزرده ائدللر گل وجودون
هرکافر و بت پرست اسفناک

آغزونداکی دیشلرین سیناندا
قلبین یانا قویما شاه لولاک

هر امریوه خشمگین اولار چوخ
سرتاسرمجرمین بوخاک

(عدلی ) بو کلام حق دی یازدی
ای مُجری نستعین و ایّاک
لولاک لَما خَلَقتُ الا فلاک

• یکشنبه
• 9
• خرداد
• 1400
• ساعت
• 23:01
• نوشته شده توسط
• یوسف اکبری

دارم به سر شوری دگر ای ساقی شوریده سر
آتش بزن برجان من باشعلة جامی دگر
جانان ما ای جان ما یا مصطفی خیر الوری
جانلار سنه اولسون فدا(2)

مطرب بزن آهنگ شور شد موسم جشن وسرور
شدجلوه گر آیات نور شد مبعث خیر البشر
جانان ما ای جان ما یا مصطفی خیر الوری
جانلار سنه اولسون فدا(2)

عالم لره سرور گلیر اهل سمادن سر گلیر
مخلوقه پیغمبرگلیر داغدان یئره ائیلور نظر
جانان ما ای جان ما یا مصطفی خیر الوری
جانلار سنه اولسون فدا(2)

گویدن گلیر آیات نور گل لر گولور بلبل اوخور
هریئرده وار جشن وسرور اولدی گیجه مثل سحر
گلدی حبیب دادگر شدمبعث خیر البشر
جانان ما ای جان ما یا مصطفی خیر الوری
جانلار سنه اولسون فدا(2)

مولا به جان کوثرت هم دخترت هم مادرت
مارا مرانی از درت برجمع یاران کن نظر
جانان ما ای جان ما یا مصطفی خیر الوری
جانلار سنه اولسون فدا(2)

سائل لره احسان ائله درده باخیپ درمان ائله
اوز شهریوه مهمان ائله دیلده سوزون شام وسحر
جانان ما ای جان ما یا مصطفی خیر الوری
جانلار سنه اولسون فدا(2)

• سه شنبه
• 25
• خرداد
• 1400
• ساعت
• 11:22
• نوشته شده توسط
• یوسف اکبری

وَصف گُلدن عَندلیبا ائت غزلخوانی اوخی
آچ قَناد پروازه گَل گَزبو گُلستانی اوخی

لالهء نُعمانَه دئ داغی ئورکدن پاک ائله
غُنچه ده گیزلنمَه چوخ آچ رنگ اَلوانی اوخی

دئ بنفشه قویماسون بوینون بله ئوز چیگنینَه
یازگلوب گُللر آچوبدورطَرفِ بُستانی اوخی

طالعِ اقبالیلن همراه اولوب بَخت اولدوزی
وئر خبر رحمانیدن لولوله مَرجانی اوخی

عِزَّتین تاجین اَبَاالقاسم قویوبدور باشینه
ائتدی بوتاجی مُنوَّرکون وامکانی اوخی

یوم مبعثدور نُزول وَحی اولوب پیغمبره
یارائدوب ئوزیارینه صادربو فرمانی اوخی

واهِمه ائتمه بویرده سویگُلوم منله دانیش
بی معلّم ای معلّم آل بوفُرقانی اوخی

گوسترانسانه حبیبیم سن نَجاتین بابینی
باخ طَبیبانه مریضه درد انسانی اوخی

بوکتاب عشقیدوراَمراض روحین چاره سی
نسخه نی آل طاهرا دارو و درمانی اوخی

بوکتاب اوسته نَه قَدری زحمت و اِیذا گرک
دوز بَلیّاته بَقای دین و قرآنی اوخی

بوکتاب اوسته دوشَربیرگون حسینون چوللَره
واردی باشینده اونون جمع پریشانی اوخی

اوخ هواده قصدائدر تاحَلق اصغردن ئوپَه
شرمگین ایلر بوغازینن آخان قانی اوخی

اولماز اوندا بیردین ای حَرمله سینسون اَلون
رسمیدی اوچی آتاندا صیده هرآنی اوخی

آتمامیش دقَّتله اَوّل ئوز شکارین یوخلیار
انتخاب ایلر صورا اول صیدین امکانی اوخی

صوداَمردیلسیز بالااوچ شعبه اوخ نازک بوغاز
نیلسون کرب و بلانون گورسه سلطانی اوخی

قبر ائوینده(نادرا)مَامور داوَر گورسَنر
اوسئوال ایلَر سَن اَمّا اَلده دیوانی اوخی

• یکشنبه
• 13
• تیر
• 1400
• ساعت
• 17:28
• نوشته شده توسط
• یوسف اکبری