اشعار ترکی حضرت محمد(ص)

امر خالق لایزالیله حکمت ایلدی اقتضا بو گون
صاحب اولدی تاج رسالته فرق خاتمُ‌الانبیا بو گون

امر اولوندی دربار قدسیدن نازل اولدی روح الامین یره
فوج فوج علاوه نزول ایدوب ساکنان عرش برین یره
شامل ایلدی فیض کاملین خالق سما و زمین یره
ایلسون حبیبی مشاهده لطف ربّینی برملا بو گون

اِقرا بِاسم رَبِّک دیدی دوتوب جبرئیل بازوی احمدی
ایلدی احاطه او حضرتی رحمت خداوند سرمدی
سالدی گون کیمی عالمه ضیاء جلوه ی جمال محمّدی
شرم ایدوب او نوری گورن زمان گون سالا یر اوسته ضیاء بو گون

برگزیده ی ربُّ العالمین صاحب اولدی تاج نبوّته
عزم ایدوب حرادن حبیب حق دودمان پاک رسالته
هر گیاه و سنگه ایدوب گذر ایلدی سلام عرض او حضرته
بیر به بیر جوابین ایدوب ادا تاجدارِ قُل اِنَّما بو گون

منزله یتیشدی ایدوب نظر تا خدیجه بی مثل شاهده
صورتونده عرض ایتدی ایلورم اوزگه بیر تجلّی مشاهده
ایلدی بیان ختم الانبیا قالما رِیبیده، اشتباهیده
بو نبوّتین نوریدور منه ایلیوبدی خالق عطا بو گون

امر ایدوب جناب خدیجیه ذاتِ حقّه ویردی شهادتِین
ایلدی قبول اشتیاقیله خاتم النّبیّین رسالتین
درک قیلدی بو افتخاریله هر ایکی جهانین سعادتین
تاپدی غمدن افسرده خاطری بو سعادتیله صفا بو گون

چولقیوب وجود مقدّسین بیر عبایه پیغمبر خدا
خواب نازه مشغول اولان کیمی گَلدی جبرئیل ایلدی ندا
ای اوزینی پیچیده ایلین، دور ایاقه ویر عالمه صَلا
اهل کفری قورخود عذابیدن، ایله دینیمه آشنا بو گون

بیر یره یتیشم یشدی مکّه ده قان توکن او قومین جنایتی
زنده زنده قبره قویاردیلار قیزلارین قریشین جماعتی
ایلدی برانگیخته خدا بیر ایله زماندا او حضرتی
خاتمه ویره جاهلیّت و کفره خاتم الانبیا بو گون

اول امین و صادق پیمبره کذب نسبتین ویردی قوم دون
ایتمیوب کفایت بو نسبته عقل کلّه نسبت ویروب جنون
سنگسار ایدوبلر او حضرتی،پارچالاندی آنّی آخوبدی خون
اولدی اهل دینه او حالتی موجب فغان و نوا بو گون

• سه شنبه
• 9
• شهریور
• 1400
• ساعت
• 11:22
• نوشته شده توسط
• یوسف اکبری

تاپان زمین و زمان‌دا عقیده‌ی رَصّاص
وجودون ائیله‌دی غم‌دن جهانی استخلاص
مؤیّد ائتدی‌ سنی نَصِّ حکم‌ایلن نَصّاص
((زِهی‌ جواهر احسان عامه معدن خاص))
((دُرِ شفاعت ایچون بحرِ رحمته غوّاص))

یئر اهلی حُبّونو بابِ‌ نجات بُولمیش‌لار
مقامِ قُربنا لاهوتیان قیسیلمیش‌لار
تمامی شهپرینین آلتینا سیخیلمیش‌لار
((یئتیب حضورونا معراج وقتی قیلمیش‌لار))
((قمرحصول مأثر سهیل کسب خواص))

یازیبلا نعتینی بی‌نقطه خطّ کوفی‌ تک
فرشته‌لر سنی طوف ائتدی کعبه طوفی‌ تک
صلابت‌ایله گئچیب رفرفین صفوفی،تک
((فلک‌ هم‌ اول‌ گئجه‌ بُولموش‌ صفاکی‌ صوفی‌ تک))
((قرار توتماییب اولموش او بزم‌ده رقّاص))

وجودین اولدو بوتون کایناته فیضِ‌ برات
سوسوز کَویر سن‌ایلن جهان‌دا تاپدی‌ حیات
کفایت ائیلییر اعلاء مقامینه صلوات
((رهِ‌ متابعتین‌دیر طریقِ فوز و نجات))
((هوای مرحمتین‌دیر امید خیر و خلاص))

نه لازم عشق رسول‌الله‌ها آچیلماسا دیل
گؤزل آدیلا اوره‌کدن ملال و محنتی سیل
«قیزیل‌قلم»اؤپ اونون مقدمین ترابه اگیل
((تفاخر ائیله«فضولی»کی‌ اوندان‌ اؤزگه‌ دگیل))
((سنه زمانه‌ده نقشِ صحیفه‌ی اخلاص))

• چهارشنبه
• 7
• مهر
• 1400
• ساعت
• 22:11
• نوشته شده توسط
• یوسف اکبری

چکنده نقشِ‌ نگینْ حَیِّ‌ذوالجلالِ‌ محمد
ملک‌لره مُتَجَلّی اولوب خیال ِ‌محمد
حَریر و سُنْدُسِ جنّت‌دی سبزه‌ شال ِ‌محمد
اولوب‌دی مُهرِنبوّت گؤزل مدالِ‌ محمد
((کنارِ لعل ِ‌لبین‌ده سیاهْ خالِ محمد.))
((کِاَنَّ چشمه‌ی زمزم‌ده‌دیر بِلالِ محمد))

تؤکَر شرابِ محبت جمالیمه خُمِ‌ چشمیم
فراق ِ‌عشقینه ‌قان آغلاییب‌دی قُلزم ِ‌چشمیم
گؤزل‌ جمالینی ‌من ‌قؤیمارام اولا گُم ِ‌چشمیم
گزیر همیشه او ماهین ‌سُراغینی ‌اُمِ‌ چشمیم
((چکر بیاضینه مِهرِ منیرِ مردُمِ چشمیم))
((کیم اوْلْ بیاضه چکه صورتِ مثالِ‌محمد))

مَلَک‌لر اولدو،او گل ‌عارضین گؤرَن‌ کیمی ‌حیران
باخاندا صورتینه عاشق ‌اولدو هر آییق انسان
محبتین اِئلییب قلب ایچینده نازیله پنهـان
نِئچه‌ اُویس ِ‌قَرَن‌لر اولوبدی عشقینه قربان
((نَه ‌مِیل ِ‌باغِ بهشت ‌اِئیلَییر نه‌ حور نَه‌ غلمان))
((اگر مُیَسّر اولا دولتِ وصالِ محمد))

سَپیپ جمالینین ‌عطرین ‌گل ایچره‌ گلشنه خالق
بیر آز هدیّه وِئریب عطر ِیاس ‌و سوسنه خالق
مبارک آیه‌لرین‌ده دِئییبْ،دؤنَه،دؤنَه خالق
آچیب‌دی یِئر اوزونه ‌رَحمت اوسته روزَنَه خالق
((بهشت وصفینی‌ کیم بونجا ائیلییر منه خالق))
((مشخص ‌اولدوکی‌ منظوردور وصالِ‌محمد))

حریمِ عشقینه‌ کیم گلمیشوق اراده‌ائیله
محبت ‌اهلی ‌بیزوک‌ قلبِ‌ صاف‌ و ‌ساده‌ائیله
قبول ‌اِئدر اؤزو،خوش‌صورتِ گشاده‌ائیله
سواره‌لَردَه آیاغلاشدیلار پیاده‌ائیله
((حرام اِئدَر بیزه‌ هجرانی شُربِ باده ائیله))
((اولوبدی قانیمیز آیا نَدَن حلالِ محمد))

آلیب‌دی صبریمی‌ دل‌دن منیم او ماه دلْ آرا
اولوبدی مملکتِ‌ جانیما،او،شاه،او،دارا
وار اعتقاد و یقینیم اورک‌ده عالی ‌شعارا
الهی مرحمتینله منیمله ائیله مدارا
((ایشیم‌دی سجده‌ همیشه‌ دوطاقِ اَبْرویِ یارا))
((خمیده ‌قیلدی قَدیمْ حسرت هلالِ محمد))

«قیزیل‌قلم»سؤزو تضمین‌ إئدیب ‌بو حال‌دا سید
غزل یارات‌دی بو تضمینِ ایده‌آل‌دا سید
او پاکْ جدّینه قربان‌دی مُلک‌ و مال‌دا سید
گؤزوم قالیب‌دی هَلَه چشمه‌ی زلال‌دا سید
((صفا‌ایسَهْ غَرَضین کعبهٔ وصال‌دا«سیّد»))
((بَسیندی‌‌ ‌عشق محمدله مِهرِآلِ‌محمد))

• چهارشنبه
• 7
• مهر
• 1400
• ساعت
• 22:16
• نوشته شده توسط
• یوسف اکبری

خلق جهان سراسر مشغول دور عزایه
گویا دوتوبلا ماتم پیغمبرِ خدایه

چون حجّة الوداعی درک ایلدی او سرور
مشتاق اولوب لقای حقه حبیب داور
امر ایلیوب مهاجر انصاریله برابر
حاضر اولوب حضور پرنور مصطفایه

بیر نوع اؤز وفاتین اصحابینه او حضرت
اظهار ائدوب بویوردی آگاه اولون جماعت
وار بیر سفر نظرده یتدی زمان رحلت
بو عاریت سرادن سر منزل بقایه

باقی سیزون یانوزدا ایکی امانتیمدور
بیر مصحف الهی بیرده اؤز عترتیمدور
اولادیمه مودّت اجر رسالتیمدور
حقّینده اهل تبیین نازل اولوبدی آیه

مندن صورا مبادا آل رسول دلدن
چکسون اذیت ائتسون شکوه بتول سیزدن
هئچ بیر عمل یانیمدا اولماز قبول سیزدن
صدقیله وورماساز چنگ دامان مرتضایه

ترک ائتدی بو جهانی اول گون که شاه بطحا
قویدی منافقین امت بنای شورا
تا ائتدیلر سقیفه هنگامه سین مهیا
بو اختلافی اوّل او سالوب آرایه

چون دست قدرت حقّ وقف اولدی آستینه
بی دست و پاگروهین فرصت دوشوب الینه
دست جسارت آچدی بیر نوع اهل کینه
ووردی شراره باب ناموس کبریایه

درگاه مصطفاده یاندوردی نار ظلمی
کرب و بلایه کم کم گِتدی شرار ظلمی
اولدی سنان الیله گه آشکار ظلمی
گه شمردن خطاسی ظاهر باخون خطایه

مقتول یوم الاثنین عنوانی آشکارا
اولدی اوگون که جبراً غصب اولدی حقّ زهرا
غصب ائتدیلر فدک تک نهر فراتی اعدا
فریاد العطشدن شیون چخوب سمایه

گوردی امام مظلوم سوز عطشدن اطفال
دلدن دوشوب تماماً اصغر اولوبدی بی حال
قنداقینی او طفلین آلدی ال اوسته فی الحال
دوتدی یوزین او قوم بی شرم و بی حیایه

ای قوم دون گورور سوز اصغرده قالمیوب تاب
منع ائلیوب بو چولده آل رسولدن آب
گر ائتمه سوز بو چولده بو شیرخواری سیراب
عذروز ندور جماعت محشرده مصطفایه

تا حرمله ائشیتدی بیر اوخ قویوب کمانه
سسلندی یاحسین سو اولماز ولیک قانه
اصغر منه قوناقدور قویدی او دم نشانه
آی قرصی تک بوغازین بیرناوک جفایه

حلق لطیف اصغر اولدی نشانه ی تیر
بازوی شاه دینه اولدی خدنگ جاگیر
گوردی اوخون یریندن قانی اولور سرازیر
اوجوندا دوتدی خون پاکی آتوب هوایه

عرض ایلدی الهی قالسون بو قان امانت
محشر گونی بو قاندور سرمایه ی شفاعت
بوندان زیاده یوخدی دلده«حقیر»طاقت
الده قلم سیزیلدار نی تک گلوب نوایه

• جمعه
• 9
• مهر
• 1400
• ساعت
• 13:19
• نوشته شده توسط
• یوسف اکبری

ز بس امت جفاسندن یتوبدور جانه پیغمبر
ویروب جان اوز رضاسیله بوگون جانانه پیغمبر

وجودی علت غائی اولان افلاکه خلقتده
قویان اوز حسن خلقوندان های امکانی حیرتده
ایله بدخلق لیق گوردی وفاسیز بیر جماعتده
گوتوردی ال حیاتیندن دوزوب هجرانه پیغمبر

سکوت محضیدی امر قضایه حضرت یاسین
اوخوردی باشی اوستونده و صی سی سورۀ یاسین
باخوب هر یانه دورینده گورردی یار و ارخاسین
گینه حسرتله ایلردی نظر هر یانه پیغمبر

او ساعت محضر حقدن یتشدی پیک رحمانی
یتوردی قابض الأرواح ادبله امر سبحانی
دیدی مشتاق وصلوندور حواریین رضوانی
تیکوبلر گوز قدم رنجه قیلا ، رضوانه پیغمبر

مطیع امریوم هر نه بویورسان ایلیوم طاعت
دیسن آل روحیمی، آلّام بویورسان گیت به جان منّت
بیوردی دویموشام جانه رضایم تیز اولام راحت
ولی مشتاق مهلتدور بو نچه آنه پیغمبر

امین روح أولا نازل گورم بو حال رحلتده
ویره بیر مژده امّتدن منه بو نچّه ساعتده
ویرم جان امّت عاصی غمینده استراحتده
بولورسن امّتین دردین آلوب بو جانه پیغمبر

گوروب بو عالمی زهرا گوتوردی اوزلقندان ال
آچوب باشین یولوب زلفین لباسین چاک ایدوب اوّل
او ساعت گوزلرین آچدی بویوردی احمد مرسل
قیزیم صبر ایت رضا اولما دوتوب اود ، یانه ، پیغمبر

بو ساعت جان ویرور جدّون یانندا قوم و قارداشی
آچوب باش باشی اوستونده تمام اوز یار و یولداشی
حسین تک نیزه باشیندا اوجالموب گون کیمی باشی
کول اوسته میهمان اولموب قیزیم عدوانه پیغمبر

حسینی نیله سن گورسن قالوب صد پاره اعضاسی
قوم أوسته گون قباقینده کفنسیز جسم رعناسی
قلجدور نیزه دور اوخدور سراپا قدّ زیباسی
یارالی پیکری اوسته گلوب افغانه پیغمبر

حسینون شعلۀ آهی یاخار اودلار ، نُه طاقی
یارالی اوچ گیجه اوچ گون قوری یرلرده قالماقی
نه ال نه باش نه پیراهن نه الده خوردا بارماقی
روادور اود دوتا دلدن بو حاله یانه پیغمبر

گرکدور قتلگاه ایچره دوتام شام غریبانین
یاخام من خطّیمه سنده پریشان زلفوه قانین
گلنده ساربان اولماز کسه بیر کیمسنه یانین
او ظالم ایلین ظلمه گرک اودلانه پیغمبر

بو قدری ایلمه «وافی» سوال حشردن وحشت
یتر فریادوه روز جزا پیغمبر رحمت
او قدری سعی ایله یازسون که کُتّاب حق أمّت
یقین اؤز امّتین قویماز یانا نیرانه پیغمبر

• جمعه
• 9
• مهر
• 1400
• ساعت
• 13:46
• نوشته شده توسط
• یوسف اکبری

ایلیین وقته وصیّت حضرت خیرالورا
وار یری عرض ایلییدی شهریار کربلا

ای بابا، بو امّت اجرای وصیّت ایلمز
اهلبیت و دین و قرآنه حمایت ایلمز

مجلس شورا قورار اوّل بو قوم کین مآب
ایلییر اجرای دستورات حقدن اجتناب
مسند حقّه اولار ناحقّ بوبکر انتصاب
کیم مسلمان اولسا بو امره شراکت ایلمز

شهریار حقّ اولار دست ستمله گوشه گیر
دست حقّ و بینوالردن جهاندا دستگیر
بوینونا سالسا طناب کین اگر قوم شریر
قوّۀ مُجرّیۀ بوبکره طاعت ایلم
.

گه آنام حقّین بو قوم کین و کین گستر دانار
ظلمیله درگاه پاک شیر داور اودلانار
خیمه گاهیمده منیم بو آتش ظلمه یانار
ویرماقا اود کوفیان یوخسا جسارت ایلمز

بحر بدعتده اولاندا کشتی حق سرنگون
گیمه سه زهرا آنام گر پرنیان سرخگون
اگنینیه گیمز باجیم زینب پرند نیلگون
تازیانه جسمینه هر دم اصابت ایلمز

ایتمسه رسوا ابوبکرین رژیم قدرتین
ایتمسه دینیله اعلان اوز وقار و عزّتین
کوفه ده حفظ ایلینمز زینب اوز شخصیّتین
آندیرا بولمز بیزه باطل حکومت ایلمز

ایتمسه مسجد ده گر زهرا رشیدانه قیام
ایتمسه بر پا او یرده انقلاب و ازدهام
ایلینمز زینب کبراده فتح شهر شام
خردا بیر قیز ملک شاماته ریاست ایلمز

ایتمسه بر پا نمازین آخرین دورانیده
پر شکسته پیشگاه حضرت یزدانیده
ایلمز برپا نماز شب باجیم زندانیده
بزم می ده حفظ قرآن و شریعت ایلمز

ایتمسه زهرا آنام گریان رفیق و دشمنی
چکمسه آغوشینه گر بیز ایکی دلخسته نی
قتلگهده چکمز آغوشه باجیم زینب منی
بستر خونینیده مندن عیادت ایلمز

اولماسا بندِ رسن شیر خدانون گردنی
دانماسا امّت جلال شیر حیّ ذوالمنی
ساجد دلخسته گزمز کوفه ده هر برزنی
اؤد سپولمز باشینه بیر کس شماتت ایلمز

سینوز اوسته من اودور قویدوم ید فعّالیمی
گوزدن آچدیم عارضه سیل سرشک آلیمی
شمردون تا سینمه چیخسا بولون احوالیمی
دست حق گرچه بیزه بولمم اذیّت ایلمز

ایمدی بو حالی گورنمور شهریار هل اتی
گورسه گودال بلاده سینه ده سانسیز یارا
چکمه لی عزم ایلیوب چخماقه شمر بی حیا
وار یقینیم بیر دقیقه تاب و طاقت ایلمز

گورسه بو حالی باجیم زینب ایدر دلدن فغان
قتلگاهه یوز قویار غیظیله چون شیر ژیان
سسلنَر ای بی حیا و شوم کین گستر، دایان
فاطمه اوغلی یزید دونه بیعت ایلمز

ساربانه ال ویرر ویرمز یزیده بیعته
باش ویرر باش اگمیوب اگمز او بی حیثیّته
لکّه ویرماز دامن پر نور اسلامیّته
شاه حقّه فرقۀ باطل خلافت ایلمز

بو حسیندور شاهباز پاک افلاک وفا
بو حسیندور شهریار بی مثال قُل کَفی
بو حسیندور مظهر ذات جمال کبریا
شاه اسلامه مسلمانلار خیانت ایلمز

ختم قیل «هادی» داخی یازما جلال زینبی
بو قلم عاجزدی وصف ایتسون کمال زینبی
آند ویر جانانه جود بی زوال زینبی
حاشه لله که او بیر حاجت اجابت ایلمز

• جمعه
• 9
• مهر
• 1400
• ساعت
• 13:40
• نوشته شده توسط
• یوسف اکبری

چیرپدیلار دین قاپی سین حضرت زهرا باشینا(1)
سالدیلار شال عزا زینب کبرا باشینا
.
.
.
قاپینی آچماق اوچون قوم ستمگر چالیشیب
اود ووروبلار قاپیا درگهِ زهرا آلیشیب
حضرت فاطمه نین گوزیاشی قانه قاریشیب
یغیشیب آل علی ام ابیها باشینا
.
.
.
دست ظالم اوجالیب خانۀ مظلومی یخیب
درو دیوار آراسیندا ائله زهرانی سیخیب
نالۀ دخت نبی یئردن او دم عرشه چیخیب
دولانیب ارض و سما حضرت عذرا باشینا
.
.
.
حیدرین قوللارینی اهل ستم باغلادیلار
حضرت فاطمه نین سینه سینی داغلادیلار
آل حیدر اوجادان ناله چکوب آغلادیلار
آز قالیب ناله یِئته گویده ثریا باشینا
.
.
.
باب زهرایه گلیب ثانی ظالم دایانیب
ائله بیر ظلم ائلییب قانینه زهرا بویان

• چهارشنبه
• 1
• آبان
• 1398
• ساعت
• 11:43
• نوشته شده توسط
• ابوالفضل عابدی پور

بیر نفسه تجلّی ایلدی پرتو سرمد

آدلاندی ابوالقاسم و محمود و محمّد

اوّلده تاپوب ذاتی فروغ ابدیّت

اولدی آدی عنوان سرصفحه ی خلقت

تاخیرینی ایجاب ایلیوب خواهش حکمت

آخِر گَلوب اوّل لره سر خِیل و سرآمد

چوخ نشئه حجاباتیده سیر ایلدی نوری

مه بدر اولا خلقتده اولوب دَور ضروری

تا جنبه ی الزام تاپوب حکم ظهوری

ظلمتگهِ کونه گَلوب اول نور مجرّد

بیر صبحیده نور رخی گورسندی فلقدن

تنزیه ایلدی صفحه ی امکانی غسقدن

بیر فرّ و شکوهیله که ادوار سبقدن

مثلین نه گوروبدور نه گورر چرخ مشعبد

بیر سابقه سیز شور ایدوب عالمی مضطر

تحویل و تحوّل دوتوب آفاقی سراسر

آتشکده لر سوندی، نگون اولدی صنم لر

اعجاب و تحیّرده قالوب موبد و معبد

سلطان زمن صیتی عبث عدلیله سائر

تعبیر او رویای حقیقی سنه دائر

حسّ ایلدی اولموش او ایشیق کونیده ظاهر

طاقینده شکست ایلدی بو حسّی مویّد

نور ازلی جلوه سی دولدوردی جهانی

مبهوت ایلدی عقل و دل پیر و جوانی

تا دور زمان ایتدی عیان سرّ نهانی

اظهار نبوّت ایدوب اول هادی و مهتد

چون اوج کماله یتیشوب شیوه ی الحاد

قالموب هامی دنیانی جهالت ایده برباد

وحشیّته افرادین اولوب جمله سی معتاد

بیر بیله زمان دعوتینی باشلادی احمد

نه حاله مواجه اولوب اول سیّد بطحا

نه کِلکیده نه نطقیده وار شرحینه یارا

جمهور عرب یکسره، اول شه تن تنها

صبر ایتدی نه ظلم ایتدیله بیر عهد ممدّد

بیر نفس علیه هامی دنیایه قیامی

اظهار و بیانی هامونون ضدّ مرامی

ایذاسینه آماده اولوب خلق تمامی

واضحدی گورنمز گونی هر دیده ی ارمد

هر ظلمه دوزوب ایلمدی ترک مرامین

نشر ایلدی ماهیّت موضوع قیامین

تا صبریله برهم ایلدی کفر نظامین

هر چند جفا بیحد ایدوب فرقه ی معتد

بیر دوره ده که دولدوروب آفاقی جهالت

ایلور هامی دنیایه حکومت سبعیّت

افرادین اولوبدور سبب فخری جنایت

صدق ایلمز افراد، هامی دیو، هامی دَد

ظلمات جهالت افق کونیده مشهود

طغیان و شرارت هامودا ثابت و موجود

اصنامی بُلنلر اوزینه صاحب و معبود

معلومیدی حق قِیدینه اولمازلا مقیّد

هر لحظه ده آرتاردی عدو جور و فشاری

قالمازدی داخی قلبیده آرام و قراری

سویلردی اولان وقتیده اشکی یوزه جاری

بو قومی هدایت ایله ای خالق سرمد

هر شیوه ایله قلبینی سیندیردیلار اشرار

گه شاعر و مجنون دیدی کفّار جفاکار

امّا دایانوب صبر ایلدی احمد مختار

تا خلقه نشان ویردی ره منزل و مقصد

دنیانی عدو ظلمی ایدوب اول شهه زندان

قان ایتدی دل غم زده سین فرقه ی عدوان

هر گه که توکوب عارضینه گوهر غلطان

آغلاردی او شه حالینه نُه طاق زبرجد

جان و دلیله آلدی هامی رنج و بلانی

حق درگهینه آچمادی بیر شکوه زبانی

گه مسکن ایدردی شعب غار حرانی

بیر شه که اونا عرش خداوندیدی مسند

باخموب نه قدر ویردی عدو زحمت و ایذا

احکام و فرامین حقی ایلدی اجرا

بیر صادقه کاذب دیدیلر فرقه ی اعدا

که اولموشودی صدق و امانتله زبانزد

چوخ زحمتیله نصب ایدوب اسلام لواسین

نشر ایلدی اقطاریده توحید نواسین

بطحاده او شه قائم ایدن شرع اساسین

اوغلی ایلدی طفّیده قانیله مشیّد

بُلمم نجه بیر قانیدی اولدی یره جاری

بی تاب ایلدی پادشه عرش مداری

قالموبدی دل جان جهان صبر و قراری

اولدی سبب اوچ شعبه لی بیر سهم محدّد

بو اوخ سالوب ایشدن فلکی، کونی نسقدن

گلرنگ ایلدی چهره ی خورشیدی شفقدن

ابر ایمدیده سوز جگر سبز طبقدن

بو صفحه ی امکانه توکر خون مصعّد

تعطیل ایلدی کارگه نظم جهانی

یاندوردی بلا آتشینه کون و مکانی

آغشته به خون ایتدی رخ شاه ولانی

پژمرده اولوبدور دیه سن برگ مورّد

توپراقه دوشوب خسرو دین بی کس و بی یار

عطشان، یارالی، بی مدد و یاور و انصار

بیر ایله زمانینده اولوب اول شهه غمخوار

گه نیزه ی خطّیّ و گهی تیغ مهنّد

ای بارگهون غیرت عرش حق سبحان

آرامگهون قبله ی هر فرد مسلمان

دربان درون شوکت و حشمتده سلیمان

خاک حرمون حسرت مین صرح ممرّد

سنسن هامونون مایه ی امّید و رجاسی

درویش و غنی کعبه ی آمال و مناسی

قبرونده دی هر علّت و هر درد دواسی

بو بابه پناهنده دی هر ابیض و اسود

ای تشنه لبیله لب دریاده ویرن جان

خلق ایچره اولان آینه ی رحمت یزدان

سن ایسته اوزون عابده حق از رهِ احسان

بیر کرب و بلا قسمت ایده، اولماسا مشهد

خوش طرزیله تنظیم اولونوبدور بو لئالی

اولماز بیله بیر نظمیده اشکال مجالی

بُلسون بو قوافیده گورن دالیله ذالی

بو رشته ده نظمه دوزولوب لولو و بُسّد

شاعر:مرحوم عابد تبریزی

• پنج شنبه
• 15
• آبان
• 1399
• ساعت
• 18:01
• نوشته شده توسط
• یوسف اکبری

یا ربنّا صلّ علی محمد

بَدرُ الدُّجی ، شمسُ الضُّحی محمد

صل علی محمد و آل محمد

علتِ غائیّ تمامِ عالم

اشرفِ انبیا ، رسولِ اکرم

باعثِ خلقتِ خلیل و آدم

مظهرِ ذاتِ کبریا محمد

یا ربنّا صل علی محمد...

مقامینی درک ایده بولمز ادراک

گر اولماسیدی بو امیرِ لولاک

نه آی نه گون ، نه خلق اولوردی افلاک

وجودی زینتِ سما محمد ص

یا ربنّا صل علی محمد...

جهانی چولقامشدی کفر و ظلمت

ایدردیلر هامی بُته عبادت

طلوع ایدوب او نیّرِ هدایت

سالوبدی گون کیمی ضیاء محمد ص

یا ربنّا صل علی محمد...

نه نوعی وصف ایدوم بو شاهِ دینی

بو قدر وار علیدی جانشینی

نجه علیدی ، دینِ حق معینی

اوزی اونی ایدوب ثنا محمد

یا ربنّا صل علی محمد ...

یگانه دختِ شهریارِ بطحا

حبیبهء خدا بتولِ عذرا

حسینیله حسن آناسی زهرا

اونا اوزین ایدن فدا محمد ص

یا ربنّا صلِ علی محمد...

بو خانوادیه سبب محقق

جهانی خلق ایدوب خدای برحق

بولاردی نورِ پاکِ حقّ مطلق

سرورِ قلبِ مصطفی محمد

یا ربنّا صل علی محمد...

محبّ اولان رسولِ عالمینه

دوتار عزا بو شمسِ مشرقینه

آدی گوزل ، اوزی گوزل حسینه

اولور او شیعه دن رضا محمد ص

یا ربنّا صل علی محمد ...

حسین ، حبیبِ ذاتِ کبریادی

حسین عزیزِ ختمِ انبیادی

حسین نجاتِ امّته فدادی

حسین سفینه ، ناخدا محمد(ص)

یا ربنّا صل علی محمد ...

اولان محبّ خاندانِ عصمت

تاپار (صحاف) ایکی جهاندا عزّت

حسینه صدق اوزیله ایله خدمت

اولا سنیله همصدا محمد ص

یا ربنّا صل علی محمد ...

• پنج شنبه
• 15
• آبان
• 1399
• ساعت
• 18:05
• نوشته شده توسط
• یوسف اکبری

تعریف پیامبر اکرم (ص)

از زبان مبارک خوشان (از ولادت تا بعثت)

من رسالت چرخینه بیر اختر تابنده یم

بحر انسانیته بیر گوهر ارزنده یم

بندۀ حقّم ئوزوم هم آخرین پیغمبرم

هر نظردن هر جهتدن انبیادن برترم

آمنه خاتون آنام دور چرخ حُسنه ماهیدی

بندۀ حقدور آتام گُل آدی عبد اللّهیدی

آل هاشمدور قبیلم دیللّری آگاهیدی

شخص مشهورم جهاندا گُل آدیم پاینده دی

تا خدا واردور جهان وار آل هاشم زنده دی

رحمهً للعالمینم من دلیل خلقتم

صاحب خلق عظیمم فردِ با شخصیّتم

بحر غمده ناخدایم رهنمای اُمّتم

پادشاهم هر ایکی دنیاده صاحب مَسندم

اَرضیده آدیم محمّد دور سماده احمدم

سال عام الفیلیده حق ایتدی دنیایه کرم

ربیع الاول آیی قویدوم بو دهره من قدم

گون به گون رشد ایلدیم اولدوم جهاندا محترم

گیچدی گونلر اولدی قرخ یاشیم عجب دورانیدی

مکّه نون اوضاعی اوندا چوخلی ناسامانیدی

سایه سالمیشدی جهالت ابری یکسر باشلارا

ایلیوردی مردم نافهم سجده داشلارا

قیمت و ارزش یوخیدی گوزده کی گوز یاشلارا

زور ئوزیله بعضیلر ایلوردی راحت زندگی

درگهونده مردم مظلوم ایدوردی بندگی

مغزِ مَردم ده یوخیدی ذرّه جه عقل و شعور

وحشی اعراب اولموشیدی آدمیّتدن به دور

مردم نادان ایدوردی قیزلارون زنده به گور

غصّه دن بیچاره مادرلر اولوردی باغریقان

آز قالوردی منقرض اولسون غرض نسلِ زنان

حق منی مأمور ایدوب تا خلقینه امداد ایدم

امر به معروف ایدوب دوز یوللّارا ارشاد ایدم

بنده گی دن بر بریّتدن تمام آزاد ایدم

سعی ایدم تا قویمیام گیتسون خلایق کج یولا

ایلیم تعلیم دینی تا سعادتمند اولا

باشلادیم تبلیغی - دینی خلقه انشاء ایلدیم

قانمیَن اعرابه زشت و خوبی معنا ایلدیم

ایگرمی اوچ ایل زحمت چکوب اسلامی بر پا ایلدیم

امّت نادان قاتوب خون دلی گوز یاشیمه

کوچه لردن ردّ اولاندا توکدولر کول باشیمه

هر نه ظلم اولدی دایاندیم دینمدیم صبر ایلدیم

حقّ ئوزی آگهدی من بو دینه خاطر نیلدیم

یار اولوب الله اَلی کفرین بَساطین پیلدیم

قدرت ایمانیله ییخدیم عدو کاشانه سین

بت پرستانِ زمانین باغلادیم بت خانه سین

اُلماسیدی مرتضا پیروز اولانمازدیم ولی

مصطفایه یاریدی بُحراندا اللّهین اَلی

هر زمان مُشگلده قالدیم سسلدیم من یا علی

فاتح خیبر به فوری مشگلی حلّ ایلدی

دشمنین کابینه سین تیغیله مُنحَّل ایلدی

زور بازوی علی اسلامی ایتدی استوار

حیدرین آدین ایشیتجاق دشمنیم ایتدی فرار

لا فتی الّا علی لا سیف الّا ذوالفقار

حیدره باخدوقجا ایلردیم جهانه افتخار

مرتضی تک هانسی شاهون صف یاران دامادی وار

قویمادی حیدر منیم غم غصّه دن قلبیم دولا

سو ویروب گلزار دینه قویمادی گُللّر سولا

وار امیدیم مرتضانی سویمین لر کور اولا

گر چه من شاهم تمام انبیایه سرورم

بولمین بولسون که پابند ولای حیدرم

لطفِ ذات حقّیله دگمز بو دینه لاطمه

مشعلِ توحیدون هرگز نوری تاپماز خاتمه

دینیمی اِحیا ایدر نسل علی و فاطمه

تا قیامت دشمن دینین ایوی ویرانیدی

دینی زنده ساخلیان اوغلوم حسینون قانیدی

مُصطفایم یاز منیم قولیمجه سن ای « نوحه خوان »

گر چه قولسوز دوشدی نهر اوسته اوگون پرچم وران

بیر گونی اَلده همان پرچم گَلر صاحب زمان (عج)

ذوالفقاریله ایدر ظُلمین ایوین زیر و زَبَر

پرچم عبّاسی نهر علقم اوسته نصب ایدر

• پنج شنبه
• 15
• آبان
• 1399
• ساعت
• 18:09
• نوشته شده توسط
• یوسف اکبری

یارالدان هر یارانمیشدا شرافت یا رسول الله

تاپوب نسل بشر سنله اصالت یا رسول الله

ایدن نوریله ظلمتده گوزل وجهیله داورلیق

ویرن انسانلارا درس مساوات و برابرلیق

جهانه بذل ایدن روح برابرلیق برادرلیق

سراپا روح احسان و عدالت یا رسول الله

قوتارموش نفس دنیانی هیولای جهالتدن

آییرمیش قرنلر قلبین لجاجتدن عداوتدن

یاراتموش عالمه عالم محبّتدن عدالتدن

تمام عالمه نور هدایت یا رسول الله

چکن تاریخ تبعیضه خط بطلان جاویدان

یغان هر مکتب پوچی اوجالدان صیحه ی وجدان

هامی مکتبلره باشدور جهاندا مکتب قرآن

اولان خورشید دنیای سعادت یا رسول الله

گونشلیقدا گونش نوری، کلیمون نخله ی طوری

اَنَا اللهَ سویلین بیر اود، او اود باشینده کی شوری

حسین ابن علی اوندان تاپان اسرار عاشوری

سراپا جذبه و شور و ولایت یا رسول الله

شفقلرده چکن پرده، گونون قاش ویرمده قاشی

گویون اولدوزلاری اولموش ایاقی آتدا شاباشی

ولاسینده بلا تاپموش حسینین نیزه ده باشی

حسینه اُرگدن درس صداقت یا رسول الله

اَیا نور جهان آرا دل تاریک هر شبده

قویان شمعی یانیشلیقدا، ولی پروانه نی تبده

تجلّایه گلن صوندان بیان و نطق زینبده

وجود بی نهایتده نهایت یا رسول الله

قدومیله ویرن زینت حریم عرش اعلایه

دم گرمینده یوز مین دم، دم گرم مسیحایه

گلن شام غریبانه گجه بیر قانلی صحرایه

ایدن تحسین مردان شجاعت یا رسول الله

جمالی جلوه ی وحدت، جمیل نیکوان خصلت

هامی علّتلره علّت، اوزی معلول بی علّت

اوزی عزّت، سوزی عزّت، ویرن هر عزّته عزّت

تاپان حقدن حقیقتده وراثت یا رسول الله

علیم و عالم و اعلم، سلیم و سالم و اسلم

کریم و اکرم و اعظم، رحیم و راحم و ارحم

دلیل هستی عالم، کمال حقّیله باهم

سلام و سالم و سِلم و سلامت یا رسول الله

خلیل و خالد و مخلود، طریق مقصد و مقصود

حدود حدّ نامحدود، سجید و ساجد و مسجود

سعید و ساعد و مسعود، حمید و حامد و محمود

شعور شعر تمحیده حلاوت یا رسول الله

رفیق و خالق و سبحان، خلیل و خالق منّان

متون دفتر قرآن، سراب چشمه ی ایمان

سراب چشمه ی ایمان، فروغ دیده ی وجدان

وجود ذات ذیجوده علامت یا رسول الله

• پنج شنبه
• 15
• آبان
• 1399
• ساعت
• 18:12
• نوشته شده توسط
• یوسف اکبری

موج ایدوب دریای لطف خالق عالم بوگون

قویدی دنیایه قدم پیغمبر خاتم بو گون

هاتف غیبی اوجا صوتیله جاءَ الحق دیدی

باطل اِضمحلانینون ختم اولماسین مطلق دیدی

یعنی دین احمدی رمزاً تاپار رونق دیدی

گلدی دنیایه ائدن دین پایه سین محکم بو گون

گورسنوب اوضاع عالمده بیوک بیر انقلاب

عالم حیرتده مات اولدی تماماً شیخ و شاب

فکر ایدوبلر حشر اعظمدور اولور عالم خراب

یا نه وار نظم و نظام دهر اولوب برهم بو گون

تا تولّد تاپدی پیغمبر یتوردی پا یره

گوستروب نچّه حوادث عالم بالا یره

سلطنت تختی یخلدی واریدی هاردا یره

بو عجیب امره تعجّب قالدی هر ذی دم بو گون

یر یوزینده واریدی هر نه سلاطین اولدی لال

نه جوابه اولدی قادر، نه ایده بولدی سوال

کند مادرزاده مانند اولدولار بی قیل و قال

تا ایشیق گوندوز اولونجا شامیله توام بو گون

اولدی ایوان مداین گوئیا بی پای بست

ایلدی لرزه به سانِ شاخِ بیدِ نو نشست

طاق کسری که اولوب مشهور او گون اولدی شکست

گوسترور آثارین ایمدی اهلینه عالم بو گون

سوندی مین ایل اتّصالاً سونمین آتشکده

فرقه ی آتش پرست فارس اولوب ماتم زده

حسّ ایدن اولموب ندور علّت همان پیش آمده

بعضی دللردن مسرّت گیتدی گلدی غم بو گون

اولدولار یکسر کلیساده صنم لر واژگون

یوز ویروب غم بت پرست اشخاصه حدّیندن فزون

وار یری عرض اولسا بعضی احمق و خوار و زبون

ساخلادی خلق ایتدیقی اللهینه ماتم بو گون

دیشده انگشت تحیّر ساحر و کاهن تمام

هر بیری اوز صنعت فعلینده عاجز خاصّ و عام

هیچ بیری آگاه اولانموردی ندور بو ازدحام

لیک کشف ایلردیلر بیر سرّ وار مبهم بو گون

خشک اولوب دریای ساوه، دوندی لَم یَزرَع چوله

سو سماوه دشتینه گلدی شبیه اولدی گله

اضطراب و وحشتیندن آز قالوب ابلیس اُله

بار غمدن قدّ سرو آساسی اولدی خم بو گون

ماجرادن چوخ تفحّص ایتدی تاپسون اطلاع

بیر به بیر یغدی شیاطینی ایدوب بیر اجتماع

گوندروب ایتسونله اصوات سمانی استماع

آنلاسون یرده ندور تا شورش اعظم بو گون

دفتر شاعر به سانِ حجره ی عطّاردور

«حافظی» شاعر دگل یوخدان ولی بیزاردور

اولسا مولود ایستین ایستور دیسون که واردور

بو متاعه گر خریدار اولسا بیش و کم بو گون

شاعر:مرحوم حافظی تبریزی

• پنج شنبه
• 15
• آبان
• 1399
• ساعت
• 18:17
• نوشته شده توسط
• یوسف اکبری

چخوب شرق رسالتدن بو گون بیر شمس نورانی

منوّر ایلدی نور نبوّت کون و امکانی

طلوع ایتدی زمان صبحیده اول نیّر تابان

دوتوب یوز درگه ربّ جلیله سرور دوران

موحّد اولماقین ویردی ازلده عالمه اعلان

شهادت ویردی حقّه یاد ایدوبدور حیّ سبحانی

سالوب نور جمالی مکّه دن شامه ضیا یکسر

تجلّی ایتدی جمله قصرلرده نور پیغمبر

ویروبدور عصر ظلمتده صفا دنیایه اول سرور

قویوب دوردومجی گوگده واله و حیران مسیحانی

ویروب امر خدائیله ملکلر گوگلره زینت

جهالت رکنی سیندی، پاره لندی پرده ی ظلمت

ایدنده برج رحمتدن طلوع بو شمس حریّت

چکیلدی نقشه ی کفره اودم بیر خطّ بطلانی

اولوب نور خدا ظاهر او ساعت مه جبینینده

نمایان ایلدی اوز قدرتین خالق حبیبینده

یقین خورشید تابان منفعل اولدی طلوعینده

گورنده سربسر آفاقی دوتموش نور رحمانی

ایدوب نور نبوّت پایه پایه اوج افلاکه

دوشندی رحمتاً للعالمینون رحمتی خاکه

شعاع حسنی چون سالدی شفق هر بیر دل پاکه

سیلیندی مومنین قلبی گیدوبدور رنگ نقصانی

قویان وقته قدم بو عالمه چون شافع محشر

بروزه گلدی بو عالمده بیر اوزگه غرائبلر

ظهور ایتدی عجائبلر، قالوب حیران نوابغلر

ویرنده هاتف غیبی او اثناده بو اعلانی

قویوب اهل زمین ایچره محمّد اسمینی سرمد

خطاب ایلر سماوات اهلی بو شاهنشهه احمد

شفیع روز رستاخیز ابوالقاسم لقب امجد

بو شهدن خاطره الله آچوبدور باب احسانی

هدف اولدی بو گون تیر شهابه لشکر شیطان

وروده اولمادی بیرده سماواته داخی امکان

دوشوب بو ماجرادن حیرته ابلیس اولوب حیران

خیال ایتدی قیامتدور، قوروب حق عدل میزانی

یخلدی ناگهان شاه عجم تخت ریاستدن

اودم آتشکده خاموش اولوب دوشدی حرارتدن

بو یاندا خشک اولوب دریاچه ی ساوه او ساعتدن

اثردن دوشدی سحر ساحران، ختم اولدی دورانی

صنملر یکسره بتخانه لرده سرنگون اولدی

تزلزل ایلدی ایوان کسری واژگون اولدی

بو گوندن کاهنان سحرگر خوار و زبون اولدی

دوتوب وحشت همان لحظه دل ناپاک دونانی

دل آچدی ذکر حقّه جمله خلق ماسِوا یکسر

بو گلدن تاپدی زینت گلستانلار، عطر آلوب گللر

یره نازل اولوب تا دسته به دسته ملائک لر

بیر اوزگه عالم اولدی دوتدی رحمت سطح غبرانی

او رحمتدن سماوه وادسینده آب اولوب جاری

او یر که مین ایل اوردا اولمادی اصلا سو آثاری

اولان بو نعمت عظمالرین جمله سبب کاری

وجود پاک ختم الانبیادور اول وفا کانی

نسیم رحمت اسدی گلستان دین اسلامه

یتیشدی جاهلیّت بربریّت عمری اتمامه

یتوردی امّت مرحومه نی لطف خدا کامه

ایدوب نازل رسول اکرمه آیات قرآنی

کناره چکدی اهل عالمی بحر ضلالتدن

طریق عزّته سوق ایلدی راه جهالتدن

اولان پیرو سعادت تاپدی بو کان عدالتدن

عزیز عالم اولدی درک ایدوب فردوس رضوانی

چکوب دین اوسته ختم انبیا چوخ رنج بی پایان

دوزوب هر بیر جفایه، قویمادی تبلیغیده نقصان

دیوب احکام دینی خلقه، غفلت ایتمدی بیر آن

ئولونجه ایلدی اسلامه دعوت اهل دنیانی

نلر چکدی الیندن امّتین بولمز مگر الله

ایدردی سنگسار اول نازنینی فرقه ی گمراه

حقیقتدن ایدن وقته او شه مشرکلری آگاه

اونا نسبت ویروب وحشی جماعت کذب و هذیانی

گیچنده رهگذردن هر زمان پیغمبر رحمت

سپردی باشینه کول باملردن رحمسیز امّت

توکوبلر خار ایاقی آلتینا چوخ ویردیلر زحمت

گینه رافتله تبلیغات ایدردی قوم نادانی

مبارک قلبی بو امّت غمینده برملا دولدی

جمال بی مثالی برگ گل تک غصّه دن سولدی

دگوب سنگ جفا دندان زیباسی شکست اولدی

بویاندی قانیله آخِر لبان گوهر افشانی

نه قدری اینجیدی، دوزدی دایاندی جور اعدایه

شکایت ایتمدی هرگز حضور حیّ یکتایه

مقام صبریده دوردی ایدونجه رحلت عقبایه

قویوب حیرتده صبری آدم و ایّوب و موسانی

«شعاع» یازدوقجا گوزیاشون آخور رخساره چون باران

مصیبت یازما بو گون عیددور اولما بیله گریان

گوزل بیر عیدیانه ایسته حضّاره سنه یزدان

نصیب ایتسون حسینون قبرینی هر وقفه قربانی

• پنج شنبه
• 15
• آبان
• 1399
• ساعت
• 18:20
• نوشته شده توسط
• یوسف اکبری

عالمه قویدی قدم چون حضرت ختمی ماب

برج عزتدن طلوع ایتدی اوگون مین آفتاب

شمس وحدت ملجاء انوار ذات کردگار

ظاهراولدی خجلتیندن گون یوزه سالدی نقاب

فتح باب فضل وعلم ایتماقلقا بو عالمه

گون کیمی برج جلالتدن چیخوب ام الکتاب

طورسیناتک جهانی دولدوروبدورنوریله

قالدیلارحیرتده بو انوارحقدن شیخ وشاب

لوءلوءگنج حقیقت مخزن علم خدا

ظاهره گلدی خجالتده قالوب درخوشاب

ساکنان عرش اعلا گلدیلر پابوسینه

یریوزی مطلق همان گون اولدی رشک نه قباب

طاق کسراده اولوب لیل ولادتده شکست

یریوزینده گورسنوب تغییراصلی بیحساب

خلق اولوبدورگزچه آدمدن قاباق ختم رسل

آخره قالماقدا وار منظوررب مستطاب

ایستدی عبدیتی عالملره ویرسون نشان

ایلدی نسل پیمبردن حسینی انتخاب

کربلا دشتینده منظورخدا گلدی اله-

اوندا که دوشدی تراب استه عزیز بوتراب

باش یارا سینه یارا اللریارا پیکریارا

تشنه لیقدان قلب مجروحی دوتاردی التهاب

سجدیه قویدی یارالی سجده گاهین شاهدین

بینیازه ایتماقا رازایلیوبدورفتح باب

عرض ایدوب یارب من ایتدیم عهدیمه ایفا بو گون

ایت گلن اوز عهدیوه سنده وفا یوم حساب

(اشکیا)ساخلا الین یازماحسینین حالینی

اولمادی بلمم ندورعلت او گون عالم خراب

• پنج شنبه
• 15
• آبان
• 1399
• ساعت
• 18:24
• نوشته شده توسط
• یوسف اکبری

بو گونده اولدی عیان نور احمد محمود

منور ایلدی أفاقی اول مه انور

ربیع الاولین اون یدیسی دوشنبه گونی

قدم بو عالمه قویدی او فخر جن و بشر

بو گونده طاق انو شیروان شکست اولدی

بنای کنگره باطل اولدی زیر و زبر

نظامی لات و مناتین بو گونده برهم اولوب

ایدوب بو واقعه چوخ بت پرسلری مظطر

ایدوب منادی غیبی ندای جائا لحق

اولوبدی باطل عدم گلدی حق پیغمبر

حق ایستدی بو نیله انبیا نی ختم ایتسون

بشارتیدی بونا اول کلن پیمبرلر

بو فخر عالم ابداع علت ایجاد

بونون وجو دینه تشکیل تا پدی عالملر

ایدوبدی عرش خدا رشک سطح غبرایه

مشرف اولدو لا پا بوسینه ملائکلر

بونیله دینینی تکمیل ایدوبدی رب جلیل

اولوب بو دینیله منسوخ تمام مذهبلر

أچیلدی باب هدایت تمام خاق اوزینه

اولوبدی رهبر أئین خالق اکبر

ویروبدی دین خداونده گون بگون ترویج

هدایتین گونی دوتدی جهانی سر تا سر

یتنده قرخ یاشا اولدی هدایته مبعوث

گلوبدی تهنیته اهل نه سما یکسر

عربده رسمیدی سنی جهاندا قرخ اولانین

سوزین حسابه قویالار ویررنتیجه اثر

اودور رسا لتینی قرخ اولاندا ظاهر ایدوب

پیمبریدی ازلدن ولی بو فخر بشر

ایدردی بیر به بیر احکام دینی خلقه بیان

دیماقا حق سوزینی قو یمادی منافقلر

یالانچی ساحرو کذاب أدیله سسلدیلر

توکردی باشینه کول طعن ایدردی دشمنلر

اودور زمانه ده ما اوذی نبی دیدی

تحمل ایتدی یتوب هر قدر جفا و کدر

ووروبلا سنگ جفا پارچالاندی سجده گهی

أخوبدی قرمزی قان ایتدی گل یوزین احمر

همین بو قومیدن اشرار کوفه مشق ألدی

حسینین أنینا داش ووردی کونه سالدی شرر

بحق خون حسین رحم قیل بو زاره خدا

بو حالیله اله کیم (حامده) حمایت ایدر

• پنج شنبه
• 15
• آبان
• 1399
• ساعت
• 18:27
• نوشته شده توسط
• یوسف اکبری

اولوبدی گون کیمی طالع جمال پیغمبر

یتوردی عالمی وصله وصال پیغمبر

او گونکه عالمه قویدی قدم نبیّ ا...

جهانی ایلدی روشن جمال پیغمبر

نه وصف ایدوم او وجودیکه وصف ایدوب قرآن

مقام قربیده تک دور جلال پیغمبر

گَلوبدی آیه ی خلق عظیم شانینده

گَلر بو عالمه یوخسا مثال پیغمبر

اولوبدی خلق آرا ضرب المثل کمالاتی

یتوردی خلقی کماله کمال پیغمبر

جهانی چولقادی شان و جلالتی گون تک

آچوبدی تا گُل باغ وصال پیغمبر

بویودی مقصدی اسلامی ایلسون ابلاغ

گزردی شرعیده مرغ خیال پیغمبر

لوای دینی اوجاتسون ایدردی سعی و تلاش

ایدوبدی درک جهاندا او حال پیغمبر

او گونکه کعبیه قویدی قدم رسول ا...

اولوب صنم لر او گون پایمال پیغمبر

ایدوبدی بت لری تا سرنگون بو عالمده

اولوب شکفته چو گُل رنگِ آل پیغمبر

جهاندا قوم جهالت عداوت ایلردی

سنوبدی عالم آرا پرّ و بال پیغمبر

ایدوبله هر نه جفا دین یولوندا صبر ایلدی

جهاندا تاپمادی غمدن مجال پیغمبر

شهید ایدوبله دیشین دوزدی ایتمدی نفرین

پوزولمادی ابداً‌ اعتدال پیغمبر

چکوبدی رنج و ریاضت شریعت اوستونده

یتوبدی گون کیمی آخِر زوال پیغمبر

وداع ایدوبدی بو دنیانی منجی اسلام

جهانی ناره یاخوبدور ملال پیغمبر

پیمبر ایلدی رحلت صورا پیمبردن

نه چکدی (اعظمی) عالمده آل پیغمبر

پیمبریله اولان همنشین جلاله یتوب

یتیشدی گور نجه شانه بلال پیغمبر

• پنج شنبه
• 15
• آبان
• 1399
• ساعت
• 18:30
• نوشته شده توسط
• یوسف اکبری

شهود عالمینه گَلدی سرّ کن فیکون

اولاندا حامله بو نوره آمنه خاتون

قدم بو عالمه چون قویدی صادر اوّل

تمام ظلمت اضدادی پوزدی صبح ازل

بویاندا طاق انوشیروان شکست اولدی

اویاندا لات و مناتین نظامی تاپدی خلل

ایدوب بویاندا منادی ندای جاءَالحق

اویاندا باطله یوز ویردی انقطاع اَمَل

گَلوب زیارتینه ساکنان نُه افلاک

یر اوستین عرشه قیلوب رشک آیت مُنزل

عجینیدی هله آدم ابوالبشر لیکن

گزردی مُلک نبوّتده احمد مرسل

ملائک ایتدی بونون خاک بوسینی نیّت

تعبّداً‌ ایلین دمده اُسجُدویه عمل

بونا مبشّریدی یکسر انبیای سَلَف

که بیر گلن وار اودور پیشوای کلّ ملل

ولیک آخِره قالماقدا عمده حکمت وار

ایدر جلالت شاهی طلایه دار اکمل

اولار چراغ اگر فرض اولا بو مشعلدور

چراغ محو اولی گَلسه اگر ازل مشعل

اودور طلوع ایدنده جمالینون نوری

گوروندی گون عَلَنی شب اَلیَل

بو نور بیرده ایدوب کربلا چولینده طلوع

ووراندا سنگ جبین حسینه اهل جدل

بویاندی قانه جمال الله، آخدی ثارالله

او قانی سیلماقا پیراهنین بولوب افضل

گوروندی گون کیمی تا قلب عالمین قلبی

قویوب کمانه بیر اوخ اوندا بیر شل اولموش اَل

دگنده قلبینه اوچ شعبه تیر زهرآلود

آناسی قولّارین آچدی دیدی حسینیم گل

حسینی همّتی عالی اولان علو تاپار

همیشه پست اولار عالمده فطرتی ازل

• پنج شنبه
• 15
• آبان
• 1399
• ساعت
• 18:37
• نوشته شده توسط
• یوسف اکبری

عرشه چیخان بو گجه فاطمه افغانیدی
حضرت پیغمبرین شام غریبانیدی

گاهی دیوروای باباگاهی دیورجان حسن
گاهی دیوراوخلانان جسمیوه قربان حسن
آریلیقون زینبی ائتدی پریشان حسن
غصه لیدور دردینون گوزیاشی درمانیدی

رحلت ائدوب دهریدن خاتم پیغمبران
باشین آچوب فاطمه سینه زنان باغریقان
امت اسلام اولوب غرق نوا وفغان
دلده رسولین غمی مونس هجرانیدی

غصه ومحنت دوتوب مسجدپیغمبری
اهل مدینه یانور شعله چکور غملری
فاطمه سسلورخدا بوشدی بابامون یری
آغلادان عالملری حال پریشانیدی

دیندیرور آل عبا بیر دلیلن قاسمی
سسلوری زینب فراق دردی گل یاسمی
گلموری الله یوزوم سسلنم عباسمی
چون حسنون قبرینون غملی نگهبانیدی

قلبی یانان مجتبی عالمی باشدان آتوب
زهریله مسموم اولوب وصل نگاره چاتوب
نور دل بوالحسن غملی بقیعده یاتوب
زینبی آغلارقویوب فاطمه مهمانیدی

زینب آچوب باشینی وای حسندور سوزی
دوشه سالوب قاره شال آغلورحسینون گوزی
سویلورحسن قاسمین اولدی گجه گوندوزی
ئوزبالاوین مونسی دیدهٔ گریانیدی

ذکر اولا هریاندا گر شام غریبان سوزی
یاده حسینون دوشر غصه لی هجران سوزی
نصفی یانان خیمه هم قورخولی میدان سوزی
عترت اوچولده هامی سینه سی سوزانیدی

بیربالا قیز خیمه دن چخدی گله مقتله
دوشدی گوزی ناگهان قانه بویانمش اله
سسلدی ای کاش بابا مقتله عمم گله
چون بو قانا غرق اولان پیکر اونون جانیدی

ای بابا سندن صورا خیمه نی یاندیردیلار
قورخولی اطفالیوه دام بلا قوردیلار
گئتدی گویه قمچی لرعمه می چوخ وردیلار
اوندا علی قیزلاری جمله هراسانیدی

ای اورگی قان بابا حالی پریشان بابا
پیکری عریان بابا لبلری عطشان بابا
باشیمه دور چک الون یاره لیسن جان بابا
پیکرون الوان ائدن ئوز بوغازون قانیدی

• دوشنبه
• 19
• آبان
• 1399
• ساعت
• 16:34
• نوشته شده توسط
• یوسف اکبری

شد شکوفا غنچه هایی در گلستان محبت
اولی ختم رسالت دومی ماه امامت

حضرت پیغمبر و هم
جعفر صادق خوش آمد
اسوه ی فضل و کرامت
دلبر عاشق خوش آمد

یا محمد یا رسول
تهنیت باد مقدمت
نور چشمان بتول
تهنیت باد مقدمت

گشته روشن چشم عالم از قدوم این دو مولا
جشن شادی کرده برپا پیش حیدر دخت طاها

آمنه و ام فروه
گشته اند شاد و خرامان
شد نمایان در سمای
قلب آنها شمس رخشان

یا محمد یا رسول
تهنیت باد مقدمت
نور چشمان بتول
تهنیت باد مقدمت

گلشن آل شرفده غنچه لر آچدی اولوب گل
چون بوگونده گلدی یاران فاطمیه ایکی سویگول

صادقون قاشی کماندی
چون هلاله ماهه بنزر
پادشاهیم دور محمد
هانسی شاه بو شاهه بنزر

یا محمد یا رسول
تهنیت باد مقدمت
نور چشمان بتول
تهنیت باد مقدمت

گون خجالت چکدی باخسون تابناک اول یوزلرینه
نه گوزل جلوه وئروبدی حی سبحان گوزلرینه

قدسیان شادلیق ائدوری
فرشیان شادلیق ائدوری
ال چالور گویده ملک لر
عرشیان شادلیق ائدوری

یا محمد یا رسول
تهنیت باد مقدمت
نور چشمان بتول
تهنیت باد مقدمت

• پنج شنبه
• 22
• آبان
• 1399
• ساعت
• 17:58
• نوشته شده توسط
• یوسف اکبری

به سبک(زینبم جان اوستیم)

به سبک(اذن ویر یارب گله)

جان ویرور پیغمبر اکرم شه ابرار ئولور
رهبر دنیای اسلام و دلِ افکار ئولور

جان ویرور بنیان گذار مکتب آزادگی
صاحب قانون دنیای جدید زندگی
ضدّ تبعیضات و خوی فطرت و درّندگی
مرد استقلال و ضدّ کفر و استعمار ئولور

ذورق حق ایمدی امواج خروشان اوسته دی
پیشوایِ مسلمینِ واقعی جان اوسته دی
نصف شب پروانه لر شمعی فروزان اوسته دی
چشمۀ فیض و بقا و مطلع الانوار ئولور

صاحب قرآن ئولور معناده قرآن آغلوری
زهره و مرّیخ و ماه و مهر و کیوان آغلوری
واقعاً افلاکیان و خاکیان قان آغلوری
باعث ایجاد کلّ ثابت و سیّار ئولور

هالۀ غم پرده کشدور عارض ماه اوستونه
یوز قویوبدور لشگر حسرت یدالله اوستونه
گرد مرگ غم قونوبدی هیبت الله اوستونه
اختیار حق گیدور چون احمد مختار ئولور

خوشه های خرمن گلزار پیغمبر سولوب
ابر نیسان تک کنار گلده بلبللر دولوب
باغبان گلشن عشقین حیاتی قورتولوب
گلستان و بوستان و گلشن و گلزار ئولور

دیدۀ پیغمبر اکرم باخور اطفالینه
فکر ایدور بیربیر تمام آینده و آمالینه
ناگهان ایلور نظاره کربلا گودالینه
قانینه غلطان گورور اؤز اوغلونی بی یار ئولور

#گریز_به_قتلگاه

تشنه دور داغ قوملار اوستوندن فرات اوسته باخور
چشمه چشمه پیکریندن توپراق اوسته قان آخور
زلفینه زهرا او قانی خاک و خونیله یاخور
بیر مُعیّر عشق عیّاری تاپوب معیار ئولور

سرزمین کربلا گویا منای عشقدور
نالۀ نی دور اوجالمیش نینوای عشقدور
گلشن وحدت حریم باصفای عشقدور
آتشی بیر گل میان تیغه های عشقدور

شمع فانوس هدایت آز قالور خاموش اولا
اوخلار آلتدا سرّ حق پنهان و پرده پوش اولا
گل وجودی داشلار آلتیندا قالوب مفروش اولا
عهد و پیمان السته قان ایدور ایثار ئولور

پیکر عنقای قاف حقّ اولوبدی غرق خون
ذورق امّت قالوب دریا ایچینده واژگون
کاخ آزادی یر اوستونده قالوبدی سرخ گون
کاخ اولوبدی منهدم ظاهرده چون معمار ئولور

ایستور اولسون انبیا و اولیادن سرفراز
ایلوری هر لحظه ده معناده کسب امتیاز
قلبینون قانین یغوبدی ائتسون آب دستماز
صاحب خون خداوند حق دادار ئولور

ختم قیل #هادی سوزون خوشدور یقیناً مجملی
فیضیوه شرکتدی «شوریّ» و «چرندابی» ، «علی»(1)
روح پاک هر وقتیده معناده حاضردور بلی
روح ئولمز ئولسه جسم و پیکر بی عار ئولور

(1) مرحوم #شوری_تبریزی (صاحب کتاب #زبدةالمصائب) از شاعران دربار امام حسین (ع) ، مرحوم «چرندابی» از نوحه خوانان تبریز و مرحوم مشهدی علی خرازی از حسینیان عزادار و هر سه از دوستان صمیمی مرحوم هادی تبریزی بودند

• دوشنبه
• 26
• آبان
• 1399
• ساعت
• 10:08
• نوشته شده توسط
• یوسف اکبری

آغلاما سالما شرارِ غم دلِ طاهایه زهرا
حالیمی جان اوسته پوزما عازمم عقبایه زهرا

ای حبیبیم وی مُحبّیم قلبمون آرامی زهرا
آیرولوق دوزدی چتیندی گل قیزیم اگلش یانمدا
قولّاریوی بوینما سال من آلوم عطرین دویونجا
حسرتیله ویرمیوم جان خالق یکتایه زهرا

پیک حق دعوت ایدوبدی میهمان باغ جنانه
گوزلوری قدوسیان یول گوزیاشین دوندرمه قانه
واریری قد استرحته کلمه سی گلسون بیانه
قورتولوم غمدن گیدیم من جنّت المأوایه زهرا

اطلبوالعلمی فریضه ایلدی خلاق عزّت
منده آچدیم ایرمی اوچ ایل مکتب دین و دیانت
ایلدیم تعلیم قرآن کسب ایدن تاپدی سعادت
ایستدیم سرخیل اولسون مسلمین دنیایه زهرا

باغریمی دوندرمه قانه چخما بیله اوزاوزندن
گوزیاشون حال پریشان توکمه رخساره گوزوندن
ضرب سیلی دگمه میشدن قوی اُپوم بوگل یوزوندن
نیلگون گورسم جمالون غم یتر عُظمایه زهرا

ایستیسن راحت ویرم جان قورتولام آلام وغمدن
بو ایکی نور دو عینیم ایلسونله قویما شیون
اُپ بوغازیندان حسینون مجتبانون لبلریندن
یتمه میش اسماجفاسی اول ملک سیمایه زهرا

خوش گونون خوش ساعتوندور اتمه غم باتما عزایه
آغلارام قان آغلا سنده خامس آل عبایه
باش آچوب گلسن یری وار فاطمه کربو بلایه
اشک چشمون مرهم اولسون چاک چاک اعضایه زهرا

روز عاشورانی یاد ایت بو حسینی هر گورنده
آغلادار کون و مکانی تشنه لب مظلوم اُلنده
تیتره در عرش خدانی شمردون باشین کسنده
قان یاغارگویدن او قانلی عرصۀ هیجایه زهرا

سال گذارون قتلگاهه خاری چک گل پیکریندن
نحر منحوره یوزون قوی اوپ کسلموش اللریندن
قاننی یاخ زفلریوه قلبینین پیکان یریندن
آغلاسون (مبکی) گلینجه محشر کبرایه زهرا

• دوشنبه
• 26
• آبان
• 1399
• ساعت
• 10:40
• نوشته شده توسط
• یوسف اکبری

سبک: میگذرد کاروان...

عالمه قویدی قدم
حضرت ختم النبی
صورت مه گونه سی
آیدان اولان منجلی

سرور افلاکیان
تاج سر خاکیان
خادم درباریدور
جن و ملائک پری

حضرت حی حق سویگلی
گلشن عالمین نوگلی

تاج سر انبیا
رحمت حی ازل
یوسف کنعانیدن
گل یوزی مین یول گوزل

واژه تاپام وصفینه
یوخدی توان ذهنیده
خوشدی قلم یازسا گر
هر تلی مین بیر غزل

ظلمانی شب زیبا ماهیسن
هر ایکی دنیایه شاهیسن

روشنی عالمی
شمس مُظَهّر تویی
در شب ظلمانی ام
ماه منور تویی

نوگل دامان من
سرو خرامان من
پاک مطهر گلم
مفخر مادر تویی

زینت باغ رضوان تویی
آیت حی سبحان تویی

میر همه انبیا
صاحب عز و کمال
بند دل مام خود
مولد زیبا جمال

نور نبوت به رو
ای تو مرا آبرو
مطلع الانوار حق
ذات هوالحق مثال

رحمتاً للعالمین تویی
مفخر روح الامین تویی

• جمعه
• 21
• آذر
• 1399
• ساعت
• 23:40
• نوشته شده توسط
• یوسف اکبری

سبک: از صلابت و ارتش...

امشب این دلم زائر مکه ومدینه است
آرزوی بیت خدا و حرم به سینه است

ای جهانیان شده جهان به کام ما
آمده پیمبر و ششم امام ما

یامحمّد خوش آمدی یا محمّد (2)

هفده ربیع روز شادی است
این پیام و ذکر منادی است

خوشا به آن دل که او منجلی است
ز بعد احمد امامش علی است

روز میلادت مبارک باد (2)

شد ولادت سید الانبیاء دعا کنید
حق حضرت مصطفی را همه ادا کنید

عرشیان وفرشیان به شور وزمزمه
ذکرشان همه سرود آل فاطمه

یا محمّد خوش آمدی یا محمّد (2)

هر بتی به زیر ، اوفتاده است
جبرئیل زحق مژده داده است

که این گُل خالق سر مد است
در آسمان نام او احمد است

شام میلادش مبارک باد (2)

آیه آیه از این کتاب خدا هدایت است
(لاتَفَرَّقوا) أیُّهَا المُسلِمون ولایت است

لعنت خدا همه بر این سعودیان
فتنه ی جهان بود همین یهودیان

راه ما در جهان فقط راه زهراست
تا جان داریم حمایت ما از مولاست

بر جهانیان، این پیام ماست
این کلام پیر و امام ماست

تمام خلقت برای علیست
به دست مهدی لوای علیست

یامحمّد یا رسول الله (2)

• پنج شنبه
• 11
• دی
• 1399
• ساعت
• 14:49
• نوشته شده توسط
• یوسف اکبری

سبک: ای قلم سوزلرونده...

ویر صبا مژدۀ وصل سرمد
انبیایه گلوبدور سرآمد
عرض تبریك اولا جنّ و انسه
چون قدم قویدی دنیایه احمد

کُر:
مرحبا مرحبا یا محمد
درده سنسن دوا یا محمد

معدن عشق و همت گلوب دور
ذات حقه بو آیت گلوب دور
ظلمت شب داخی اولدی زایل
مشعل راه امت گلوب دور

زینت ساحَت دین محمد
ناشر رسم وآیین محمد
گلمگونلن سنوب طـاق كسری
گول بیرآن ؛ اولما غمگین محمد

تا سنون عطرووه مكه دولدی
فارسین آتشگهی خاموش اولدی
قم دا دریاچه حتی اولوب خشك
مزرع ظلم و بیداد سولدی

دیدووه عاشقان صف دوزوبدی
یوزلره اشك شادی سوزوبدی
سن قدم كی قویوبسان بودهره
جمله اصنامه لرزه دوشوبدی

• پنج شنبه
• 11
• دی
• 1399
• ساعت
• 14:51
• نوشته شده توسط
• یوسف اکبری

سبک(یخلدی سقا یره...)

ای مالک ملک جان بر جهان خوش آمدی
پیغمبر رحمت ای مهربان خوش آمدی
الطاف حق شد بحق شامل جهانیان
گویم که ای رهبر شیعیان خوش آمدی

ای گل گلشن بوستان سرمدی
یانبی یانبی برجهان خوش آمدی

ای مالک ملک جان خوش گلوبسن عالمه
بوگلمه گون ویردی درد و ملاله خاتمه
آدینه‌ ی حضرت داور اولماقون سنون
اولدی بحق دفتر شعریمه مقدمه

ای گل گلشن بوستان سرمدی
یانبی یانبی برجهان خوش آمدی

قیزلار قوتاردی غم و رنج بیشماریدن
قورتاردیلار تهمت و روز و روزگاریدن
زنده بگور ایتمیون قیزلاری دیدون که سن
جهل و جهالت سوزی دوشدی اعتباریدن

ای گل گلشن بوستان سرمدی
یانبی یانبی برجهان خوش آمدی

پیغمبر رحمت و شاهکار خلقتی
محبوب ذات ازل منبع کرامتی
ای علت خلقت ای اعتبار بندگی
بر دفتر شعر دل بهترین عبارتی

ای گل گلشن بوستان سرمدی
یانبی یانبی برجهان خوش آمدی

ای صورت و سیرت و قد و قامتی گوزل
خال لب و جشم و ابرو و خلقتی گوزل
پروردگارجهانین گوزل عطیه سی
باشدان باشاخلقت و فر و شوکتی گوزل

ای گل گلشن بوستان سرمدی
یانبی یانبی برجهان خوش آمدی

قربان اولا جانیمیز حسن بی مثالووه
یوسف لری مات ایدن آی کیمی جمالووه
سندن صورا کیمسه اولماز حبیب لم یزل
چاتماز یقین اولسادا دولت کمالووه

ای گل گلشن بوستان سرمدی
یانبی یانبی برجهان خوش آمدی

ای یوسف هاشمی جان و دل فدای تو
گشته صفابخش هر انجمن صفای تو
ای علت خلقت ای اعتبار بندگی
عیسی ابن مریم کجا میرسد بپای تو

ای گل گلشن بوستان سرمدی
یانبی یانبی برجهان خوش آمدی

• پنج شنبه
• 11
• دی
• 1399
• ساعت
• 14:57
• نوشته شده توسط
• یوسف اکبری

سبک: مرغ سحر ناله سر کن...

ماه دل آرا محمد
شاهد زیبا محمد
غصه و آلام خلقه
سینه سی سینا محمد

ختم رسل گوزلروه گوزلریم فدا
یاخشی سنی هدیه بیزه ویردی كبریا

گــوزلر آیــدین
گلـــدی احــــمد
هامی سسلور
یا مـــحــــــــــمد

سن شرف انبـــیاسن
آیت عشـــق خداسن
آینه عشــــق لم یزل
سن گل باغ وفا سن

عزتوه شأنوه بیزدن سلام اولا
عالمیان قلبینه شادلیق گرگ دولا

گــوزلر آیــدین
گلـــدی احــــمد
هامی سسلور
یا مـــحــــــــــمد

چهره سی تابان محمد
سینه سی قرآن محمد
غـــرق جــهالت اولانلارا
كشــــتی ایمان مـــحمد

یرگویه خورشیدكیمی سن سالموسان شاپاخ
بیزده گرك دایرۀ عشقه یول سالاخ

گــوزلر آیــدین
گلـــدی احــــمد
هامی سسلور
یا مـــحــــــــــمد

خـــــــتم پيــــــمــبر مـــــــحمد
مـــــرشـــــد حـــيدر مــــــحمد
فاطمه‌نی حق سنه ويروب
چشـــــــمه كـــــوثر مــــــحمد

شافــع اولار فاطـمه محشرده امته
فخر ايليرسن اوزمان بيله حشمته

گــوزلر آیــدین
گلـــدی احــــمد
هامی سسلور
یا مـــحــــــــــمد

• پنج شنبه
• 11
• دی
• 1399
• ساعت
• 15:00
• نوشته شده توسط
• یوسف اکبری

سبک :
ای قلم ... مطهری .... جامۀ عشقیوی ...
کاروان رفته منزل به منزل....

گوزآچوب گلدی احمد جهانه
تا فضیلت ویره هرمکانه

جان قویا دینه سرمایه گلدی
قویسون احکامی اجرایه گلدی

کر
خوش گلوبسن محمد محمد
یا محمد محمد محمد

دسته گل آچدی باغ رسالت
گلستانه ورولدی طراوت
مه لقادور یوزی شمس طلعت

بو نویدی ویرون پیروانی
ایلسونله بو گون شادمانی

گویده احمددی یرده محمد
گوز آچوب تا جهانه بو امجد
هاشمی لربوگون اولدی اسعد

طاعتی فرض دور انس و جِنّه
بو چکر اُمّتین راه اَمنَه

گونکیمی نوری واردی جمالی
واردی فهم و شعور هم کمالی
بیر ایله گولدی یوخدور مثالی

نوری نور حق لم یزلدی
هر گوزلدن محمد گوزلدی

گلدی تا فسخ ایده هر مرامی
دینده وار اورگده هر کلامی
هم حلالی دیه هم حرامی

سندیرا کاخ ظلمی وجفانی
ایلیه زنده دین خدانی

مکه شهری اولوب نوره پر نور
اهل عشقین و وفا قلبی مسرور
دشمنون کاش اولا گوزلری کور

آچدی گوز نوری دوشدی جهانه
دوندی دنیا بوگونده جنانه

ایلییر قرآنی بو جهانی
دلدورار عطری کون و مکانی
می ایچون مست اولون عاشقانی

هر نیوخ بندۀحق پرستوخ
بادۀ عشقینه مست مستوخ

بو قریشی لره سرسبدی
صنع حی مجید و صمدی
مسلمه مستعان تا ابدی

ال ویرون دامن مصطفایه
یولاسون بیزلری کربلایه

هر باغون باغبانی گلی وار
عاشق گل اولان بلبلی وار
اهل عشقین خدا مشکلی وار

دل سوزون گتدی (عدلی) بیانه
ایستیروخ کربلا عیدیانه

• شنبه
• 13
• دی
• 1399
• ساعت
• 23:14
• نوشته شده توسط
• یوسف اکبری

گلدي دنيايه محمد خاتم پيغمبران
گلشن ايتدی بوجهانی خالق كون و مكان

گلدي احمد قرآني عنوان ايلسون
ظلمت پوزسون عالم درخشان ايلسون

ماسوللهی قدوميلن ايدوبدی كامياب
لال اولوب شه لربوگونده كونه دوشدی انقلاب
كاخ كسرا سرنگون و تخت سلطانلارخراب
يريوزونده گلدی حكامه اولا بوحكمران

هانسی گوزگورسه جمالين جَنّت ايتمزآرزو
نورحقدن جلوه گردی عالمينه آبرو
گلميوب گلمز جهانه شمس رُخدی ماه رو
قويدی دنيايه قدم تا ايلسون باغ جنان

بو گلوب دور بير اشارتلن ايده شقّ القمر
سنديرا هريرده بُت وار قالميه بُت دان اثر
نصب ايده قرآن لواسين تا جهان واردور اسر
اصل خلقتده بو اوّل ظاهرًا آخر اولان

نسخ ايدوب دورماسَلَفْ اديانی گتدی تازه دين
بورسالت گنجينه بيرگوهرو دّرثمين
اسمی طاهردی محمد رحمتهً للعالمين
بوخليله نار نمرودی ايدوبور گلستان

اصل وذاتی نوردورهم چشمۀ عين الحيات
نورونی گرسالمييدی ايتمييدی التفات
حضرت نوحه اوطوفان ايچره اولمازدی نجات
محرم اَعْلی و اَدْنی خادمی دور قدسيان

بوگلوبدی تا گتورسون عالمه خيرالنساء
فاطمه اون بير بالاسی ير يوزونده اوصياء
اخذ ايدرعلمی بولاردان شيعه لرهم اولياء
آخری غائيبدی گوزدن مهدی صاحب زمان

اوچ اولوب بایرام بوگون گلدی پيمبرهم امام
حضرت صادقده گلدی هم گلوب خيرالانام
عيد نوروزه مصادفدی وِيرور «عدلی»پيام
شيعۀ اثنا عشراول مذهبِ اتمه نهان

گلدی احمد قرآنی عنوان ايلسون
ظلمت پوزسون عالم درخشان ايلسون

این مدح روز جمعه نوشته شده است

• شنبه
• 13
• دی
• 1399
• ساعت
• 23:16
• نوشته شده توسط
• یوسف اکبری

آی گون ایشقدی جهاندا جمال محمّدن
گلشندی گولدی بوجهان مثال محمّدن

عالم ایجاد وکون وهستی و زیرو زبر
کامل و شامل اولوبدی کمال محمّدن

دیدگان وعقل وفهم وهم بصیرت هم شعور
اهل دنیا مات و واله دورجلال محمّدن

ممکنِ واجبدی سرّ ما خلَقتُ احمده
رحمان اوزی خبر ویروب حال محمّدن

فاش ایلیوم او جنّت و دوزخ یرین سیزه
کوثرو طوبادی بولون اتصّال محمّدن

بسته دی بیر توکونه جوازرحمت خدا
گیدن جهیمه گیدرانفصال محمّدن

رمزوحدت رازتوحید رهنمادورهرزمان
خصال مرّوجین دورخصال محمّدن

بهره مندیدی بلاشک اُمّتان ِروزگار
ریزه خوار سفره سیدی نوال محمّدن

زاهدین عشقینه باخ وارطمع حورو قصور
جنّت رووخ بیزعشق بی زوال محمّدن

یارب نصیب ایله بو امّت حق رو پیمبره
تا ترایده لبنی شربت زلال محمّدن

ثنا خدایه ایدردی عهدینه وفا احمد
وفانی اورگدوبدی اورگشاق بلال محمّدن

مریضیدی زهرا بویوردی تاکه ویردی اذان
رضایت آلوب دُخت بی مثال محمّدن

کناره گتمه (عدلیا) بوگون روز مولود دور
مداحی اول اوخی اَل چکمه آل محمّدن

• شنبه
• 13
• دی
• 1399
• ساعت
• 23:19
• نوشته شده توسط
• یوسف اکبری

اولسون نبّی اکرم دنیایه گلدی احمد
کون ومکانه ویرسون پیرایه گلدی احمد

عبدالله اوغلی احمد
خوش گلموسن محمد

گوز آچدی تا ایدوبدی حمدو ثنای سبحان
گون تک ایشق سالاندا عالم قالوبدی حیران
دریاچه خشک وطاق کسری اولوبدی ویران
دنیاده شانی چاتسون عظمایه گلدی احمد

خلق ایلدی خداوند ویرسون اونا رسالت
اولسون دلیل مردم تاپسون هامی هدایت
هم منذرو بشیرو هم حامی جماعت
سالسون بویولدا باشین غوغایه گلدی احمد

مَه رودی بو محمّدکونه ویررشرافت
باغلاربساط جهلی رهبردی باشهامت
گتسه ره حقیت امّت تاپار سعادت
جانین قویا بو دینه سرمایه گلدی احمد

قرآن اولا ندا نازل دنیایه ایتسون اعلان
معبودیلن بونون وار بیر عالی عهدو پیمان
اسلام و دینه خاطر اولسون فدای قرآن
سودکلان آپارسون سودایه گلدی احمد

گلدی جهانه اسسین تا پرچم عدالت
کونی ایده جنان تک بوخاتم رسالت
تابع اولان جماعت گتمزره ضلالت
احکام شرعی قویسون اجرایه گلدی احمد

نورخدادی گلدی گون تک ایشق جمالی
بیرکیمسه ده اولانماز تک دوربونون جلالی
زهرایه اولسا بابا اولماز غمی ملالی
اولسون آتاسی بیرگون زهرایه گلدی احمد

عیسی رسول حقدی وار دور اونا رسالت
امّا اوزی بویوردی مند نصورا جماعت
احمد آدی رسوله سیز ایلیون اطاعت
ویرسون ادامه راه عیسایه گلدی احمد

بایرام دی وار طراوت هم دشتیده دمنده
شبنم گل اوسته واردی بلبل اوخور چمنده
(عدلی )رسول حقی محشر گونی گورنده
دی ابر رحمته گل سال سایه گلدی احمد

• شنبه
• 13
• دی
• 1399
• ساعت
• 23:21
• نوشته شده توسط
• یوسف اکبری