اشعار ترکی حضرت محمد(ص)

ایدوب نور خدا رحلت
تماماً انبیا آغلار
اولوب صاحب عزا زهرا
بو غمده ماسوا آغلار
.
.
.
قالیب دنیاده بی یاور عزیزی فاطمه آغلار
زمانه باشینه سالدی قرا معجر اورک داغلار
گوروب خالی یرین هر آن سرشک تر یوزه باغلار
آچوب باشون یولار زلفون عزیز مصطفا آغلار
.
.
.
ملائکلر اولوب محزون قوروبلار مجلس ماتم
ویروب جان پایۀ ایمان اولوب غرق عزا عالم
اولوبدور عزّت زهرا جفای چرخدن بر هم
آچوب عمّامه سین باشدان بوغمده مجتبا آغلار
.
.
.
گوروب گل تک سولان رنگین گلوبدی غملری جوشه
آلوب باشین دیزی اوسته چکوبدی جان تک آغوشه
ایدنده ناله و شیون گلوب ختم رسل هوشه
قویوب باشین ایاقینه شهید کربلا آغلار
.
.
.
حسینُ یَجلس یوماً عَلی

• چهارشنبه
• 1
• آبان
• 1398
• ساعت
• 14:00
• نوشته شده توسط
• ابوالفضل عابدی پور

آغلاما سالما شرارِ غم دلِ طاهایه زهرا
حالیمی جان اوسته پوزما عازمم عقبایه زهرا
.
.
ای حبیبیم وی مُحبّیم قلبمون آرامی زهرا
آیرولوق دوزدی چتیندی گل قیزیم اگلش یانمدا
قولّاریوی بوینما سال من آلوم عطرین دویونجا
حسرتیله ویرمیوم جان خالق یکتایه زهرا
.
.
پیک حق دعوت ایدوبدی میهمان باغ جنانه
گوزلوری قدوسیان یول گوزیاشین دوندرمه قانه
واریری قد استرحته کلمه سی گلسون بیانه
قورتولوم غمدن گیدیم من جنّت المأوایه زهرا
.
.
اطلبوالعلمی فریضه ایلدی خلاق عزّت
منده آچدیم ایرمی اوچ ایل مکتب دین و دیانت
ایلدیم تعلیم قرآن کسب ایدن تاپدی سعادت
ایستدیم سرخیل اولسون مسلمین دنیایه زهرا
.
.
باغریمی دوندرمه قانه چخما بیله

• چهارشنبه
• 1
• آبان
• 1398
• ساعت
• 14:02
• نوشته شده توسط
• ابوالفضل عابدی پور

جدینه ای روح روان آغلاما
جانویروم فاطمه جان آغلاما
.
کنز حیا معدن عصمت قیزیم
ای شرف کون و مکان آغلاما
.
کفو علی اون بیر امامه آنا
شیر زن شیر ژیان آغلاما
.
تز اولی زهرا گل عمرون سولار
سروی یخار بادخزان آغلاما
.
حسرتیله توکمه بیله گوزیاشون
اتمه منیم باغریمی قان آغلاما
.
گل یوزیوه سیلی هله دگمیوب
خونِ دل اولموبدی روان آغلاما
.
داغ کیمی غم لرتوکولر اُستوه
قیل بو علیدنده نهان آغلاما
.
ویرمیوب اود ثانی بودرگاهیوه
بغضین هله اتموب عیان آغلاما
.
شیرخدا قوللاری باغلانمیوب
قامتون اولموبدی کمان آغلاما
.
توکمیوب ایسّی قانی مسمار هله
اولموب یوزون نیلی نشان آغلاما
.
آز قالوری ظلم الین اشرارآچا
دونسه ده بو دو

• چهارشنبه
• 1
• آبان
• 1398
• ساعت
• 14:09
• نوشته شده توسط
• ابوالفضل عابدی پور

ای اولان شیعه آقاسی حجة ابن العسکری
جدوین باشلاندی یاسی حجة ابن العسکری
.
آقا مولا عجل علی ظهورک {2}
.
.
.
گئتدی پیغمبر بوگون معبودینون دیدارینه
روحینی ملحق ائدوبدور پیک حق دلدارینه
آغلوری زهرا توکور گوزیاشینی رخسارینه
اوج ائدور عرشه نواسی حجة ابن العسکری
.
.
تا ندا گلدی حرادن دینی آغاز ایلدی
باشلیوب آیات قرانیله اعجاز ایلدی
پرچم حقی جهادیله سرافراز ایلدی
تفلحوا اولدی نداسی حجة ابن العسکری
.
.
آتمیش اوچ ایل ایلدی ذات حقه حمد و ثنا
ایلدی اوز امتین کفر و جهالتدن رها
عمرینی باشه یتوردی حق یولوندا مصطفا
اولمادی هیچ مدعاسی حجة ابن العسکری
.
.
غرق ماتمدور بوگون شیعه آقاسی مرتضا
دودمان مصطفاده باشلان

• چهارشنبه
• 1
• آبان
• 1398
• ساعت
• 15:03
• نوشته شده توسط
• ابوالفضل عابدی پور

او گون که نطفه پاک شهنشه دوسرا
که بطن آمنه خاتونده ائدوب مأوا

ظهوره گلدی جبینینده نور مصطفوی
وئرردی چشمه خورشیده انجلاسی خفا

بروج عالم معنانی سیر قیلدی چو ماه
یتیشدی حد کماله او شمس برج وفا

اولوب او وقت که قویسون قدم بو دنیایه
اولوبدی بیر نئچه مشگل علامتی پیدا

مولّد اولجاق همان باتدی قلزم ساوه
دوشوب تزلزله هم سیندی گنبد کسرا

بو ماجرانی بئله نقل ائدور ابوطالب
دیور که بیت خدادیدیم اوندا من تنها

نه گوردیم اولدیلار ارکان اربعه ساجد
مقام پاک خلیل اللها به رسم ثنا

دوشوب بو واقعه دن جانیمه منیم وحشت
بدن تلاطم ائدوب همچو برگ بید آسا

دئدیم گلوبدی ظهوره یقین بیر امر عجیب
مگر مولّد اولوبدور شفیع روز جزا

شتابله قویوب اوز منزلیمه تا که گوریم
قویوب جهانه قدم باب حضرت زهرا

گیرنده صحنه نه گوردیم دوروبدی آمنه نی
اثر او نوریدن آنندا قالمیوب اصلا

دئدیم خبر منه وئر بیرجه نور عینیمدن
جواب وئردی که گلدی جهانه نور خدا

دئدیم هانی بالامی وئر منه زیارت ائدیم
دئدی گورنمسن اول نور پاکی سن حالا

ائشیتجگین بوسوزی دؤزمدی ابوطالب
ال آتدی قبضه شمشیره اول هژبر بلا

بویوردی من گوره بولمم او نور باهره نی
دم حسامیله قیلّام سنی بو دمده فنا

بو سؤزده آمنه عرض ائتدی ای امیر عرب
بو قدری قهروغضب ایلمه منه بیجا

اودور که حجره ده دور نور پاک لم یزلی
اوزون گئدوب او وجود شریفی قیل احسا

قویوب او حجریه یوز حضرت ابوطالب
که ایستدی اولا داخل اونوعی بی پروا

ووروب دوشیندن او دم بیر ملک دئدی که قییت
اجازه یوخدی دخوله ندور بو چون و چرا

گورنمز اوچ گونه تک بیر نفر بو مولودی
گرک زیارت ائده ساکنان عرش خدا

غرض قییتدی ابوطالب اولدی افسرده
تحیّر عالمینه غرق اولوب او مه سیما

بو شأن و شوکته قربان تمام اهل جهان
گوروبدی کیم بو جلالتده بیر شه والا

• یکشنبه
• 11
• آبان
• 1399
• ساعت
• 17:59
• نوشته شده توسط
• یوسف اکبری

مژده بو گون عالملر سرخوش و شیدادی
مست ایلین دنیانی حضرت طاهادی
عالم ائدور شادی
گور نجه غوغادی

حورا آقامون مقدمینه لاله دوزوللر
حیراندی گوزل طلعتینه حسنی گوزللر
صورتی زیبادی
قامتی طوبادی
لبلری شیریندی
گوزلری شهلادی

یارسول الله مولا_آدیوه قربانم...

دولدوروب الله بو گون هلهله افلاکی
عشق محمد دوتموش بو دل صد چاکی
دوره لیوب قدسی لر سید لولاکی
یوسفه باخ حسرتلن غرق تماشادی
عالم ائدور شادی
گور نجه غوغادی

ملک شرف و عشقه اونی شاه گورورم من
نورینده گلوب جلویه الله گورورم من
سید سرمد دی
جلوه ایزد دی
حمد اولا اللهه
حسنی محمددی

یارسول الله مولا_آدیوه قربانم...

آمنه خاتون بوسه ویردی دوداقیندن
روضه ی رضوان عطری آلدی یاناقیندن
غبطه سلیمان ایلر ئوپسه ایاقیندن
شان و مقامی والا رتبه سی اعلادی
عالم ائدور شادی
گورنجه غوغادی

لطفین اونا شامل ایلیوب حضرت دادار
غم گورمز اونون عترتینه عاشق اولانلار
سرور بطحادی
خلقته مبنادی
مفخری خلقتده
حضرت زهرادی

یارسول الله مولا_آدیوه قربانم...

• دوشنبه
• 12
• آبان
• 1399
• ساعت
• 10:51
• نوشته شده توسط
• یوسف اکبری

چکیلدی قاره عرشه سینه لر غرق عزا اولدی
ائدوب رحلت پیمبر قاره پوش آل عبا اولدی

رسول الله مدد....

مدینه قالدی کوچه قالدی زهرا قالدی یا آلله
قالور مسمار و سیلی آتش کینه قالور درگاه
رسوالله مدد....

رسول الله اعظم گوز یوموب راهی جنتدی
بوساعتدن ولی زهرایه عالم بیر مصیبتدی

رسول الله مدد....

گوز آچ بابا آدامسیز قالدی زهرا بیر کرم ایله
بوقارداشسیز قیزین دردین بیلورسن رفع غم ایله

رسول الله مدد...

گوز آچ بابا علی تنهادی اوز شهرینده غربتده
حسن آغلور حسین آغلور یانور اوج مصیبتده

رسول الله مدد...

گوزآچ بابا پریشان حالیمه سن ایله بیر چاره
اوزین قویمش حسن غمدن یتیم لر مثلی دیواره

رسول الله مدد..

علی غرق محن بابا اوزون گل ایله دلداری
تسلایه گلن گویا اولور دینون طلبکاری

رسول الله مدد..

عجیبه غملی دوراندی عجیبه غملی دنیادی
ویرور اود سینه تنگه بابا بو نه تسلادی

رسول الله مدد...

• دوشنبه
• 12
• آبان
• 1399
• ساعت
• 23:02
• نوشته شده توسط
• یوسف اکبری

مژده گتدی صبحدم باد سحر ، کای نیکنام

بو گونون مثلینده دنیایه گلوب خیرالانام

بیر وجودیکه اودور خلقتده اول ماخلق

صبح علم و عالم سر و خفیاته شفق

علت ایجاد هر بیر مالحق دور ماسبق

منجی عالم ، یگانه مصلح عالی همام

بیر وجودیکه اودور سرمایه فخر بشر

ایلیوب دینی جهانه ، امیر خیر و نهی شر

نور رخساری بو گونکی گونده اولدی جلوه گر

پرتو حسنیله روشن اولدی دنیای ظلام

بیر زمان قویدی قدم دنیایه ، بو نفس عزیز

اهل دنیا امر خوب و زشته ویرمزدی تمیز

بیر ایله دنیا که شرحی شرم آور ، ننگ بیز

دشت جهل و کفر سرگردانی هر بیر خاص و عام

ژرف دریای جهالت ایچره دنیا غرقیدی

محض ظلمت ، ظلمت کفریله غرب و شرقیدی

جهل و دانش بیربیریله دهرده بی فرقیدی

طالع اولدی مکه دن بو نیر علم تمام

دوست و دشمن ایچره قرخ ایل بو یتیم روزگار

حسن خلقیله تاپوب دنیاده عمده اشتهار

قرخ سنینده ایدوب مبعوث رب کردگار

خلقه تبلیغ ایلسون خلاقدن امر و پیام

باشلادی تبلیغه تاج بعثتیله تاجدار

مکه نین جاهل لری ایتدی وجودین سنگسار

گاه ساحر ، گاه مجنون آد قویوب اهل نقار

بو جفالر آرتیروب قلبینده تبلیغه قوام

گه وروب سندیردیلار سنگ جفائیله دیشین

ظلم الیله گاه سندی پارچالاندی مه جبین

قانی آخدی گوزلری دولدی بویاندی آستین

عرض ایدردی ائت هدایت امتی ای لاینام

اولمادی عمرینده بیر لحظه اذیتدن کنار

کول توکوبلر باشینه ، گاهی ایاقی آتدا خار

ایلدی تبلیغ احکام الهی هر نه وار

واجبات و مستحبات و حلالیله حرام

چکدی بیر عمر جهاندا رنج و درد بی حساب

گتدی اهل عالمه خلاق عالمدن کتاب

بو کتابی ، ایتدی کفر و جهل بنیادین خراب

نور گلسه ظلمته قالماز بلی جای دوام

بو کتابینده حقوق اجتماع عالمی

کاملاً منظور ایدوب قانون شرع اعظمی

ایتدی مستغنی قوانین بشردن آدمی

تا جهان وار نه بیله قانون اولار نه بو نوع کلام

زینت دینیله دنیانی مزین ایلدی

قتله قتلی ، حفظ جانه حد معین ایلدی

سارقه قطع یدین حدین مبین ایلدی

تا اولا محفوظ جان و مال آزاد و غلام

(مبین به تشدید حرف یا و فتح اول و دوم)

باغلادی راه زنانی ، علقه تزویجیله

ایلدی محمکم بو سدی چادره ترویجیله

هر زنایه بیر معین حدیله تحریجیله

ضرب و قتل و رجمیله گوستردی طرز اخترام

هر تعدی دن اولا محفوظ اولاد بشر

اهل ناموسه حجاب آیاتی گتدی سر به سر

عالمه کشف حجابی بولدی ناموسه خطر

خوش بیلر بو نکته نی هر صاحب ناموس و نام

بو حجاب امرینده صادر عمده احکام ایلدی

حکمینی حکم ضروریات اسلام ایلدی

رد ایدن هر بیر کسی مرتد اعلام ایلدی

خون مرتدی هدر اعلام ایدوب شرع کرام

حفظ گنج گوهر عصمت ، حجابه بسته دی

فرددن تحصیل جمعیت حجابه بسته دی

چوخ فجایعدن مصونیت حجابه بسته دی

هر مفصل شرحدن بیر عرض مجملدور مرام

گل نه قدری غنچه دور رخساری اوسته وار حجاب

هر حوادثدن قالار محفوظ ، درمز شیخ و شاب

لیک یوز آچسا ، جمالیندن کنار ایتسه نقاب

هر گورن ایلر طمع قطعاً درر هر اهل کام...

عقلدن آیریلماسین عمرینده بیردم خاص و عام

شرب هر بیر مسکراتی ایلدی جدا حرام

ایتدی فرمایش شراب ، ام الخبائثدور تمام

زایل عقل و کلید هر بیر جرم ، جام

هر عبادت جمله طاعت دشمنی جام اولدی جام

عزت نفس و شهامت دشمنی جام اولدی جام

لاجرم عقل و فراست دشمنی جام اولدی جام

اهل شربه توسن عقل اولمیوب دنیاده رام

ایستیه شربین بشر تعظیم تحریمین بوله

دلده آب آتشینین ، جسم تضریمین بوله

بسدی حد آخری و نفس تکریمین بوله

قتلدور دوردیمجی حد ، ایستر خواص ایستر عوام

ذیحق اولسون بیربیرینه اهل فقر و اغنیا

با اهمیت زکات آیاتی گتدی مصطفا

ایلدی تامین مالی اهل دینه مطلقا

چوخ ایدوب تاکید اولونسون هر زکاته اهتمام

گر زکاتین رد ایده هر بیر غنی ، ئیلدن ئیله

آند اولا اسلامه هیچ بیر گوز ساتاشماز سائله

هر فقیر و هر غنی دلدن ویرللر ال اله

رخنه گورمز ملک و ملت بیر خداوند مقام

حکمتیله چوخ بیر احکامی حکیم بی نیاز

هر نماز واجبیده جمع ایدوب ای اهل راز

معصیتدن ساخلار اوز اهلین ، نماز اولسا نماز

هیکل دیندور حقیقتلی قعودیله قیام

پربها بیر گوهر بی مثلدور دین مبین

دینه قربان جان و مال انبیا و مرسلین

انبیا قربانی ، جان و مال و نفس اهل دین

گور نه قیمت دینینه قویموش خدای ذوالکرام

بی سبب قربان دگل دینه وجود مصطفا

بی جهت محرابده قانه بویانموب مرتضی

بی جهت بیر عمر ، هر بیر رنجه دوزموب مجتبا

بی جهت دشت بلایاده حسین ایتموب قیام

نور عمرین مصطفی دین اوسته خاموش ایلدی

مرتضا دین اوسته دنیانی فراموش ایلدی

دین یولوندا مجتبا زهر جفا نوش ایلدی

دین یولوندا ویردی جان لب تشنه شاه مستظام

دین اسلام اوسته جان ویردی حسین بن علی

یازدی قانی صفحه ایجاده با خط جلی

قویمادیم یخسون لوای دینی اهل کفر الی

پرچم حق آچدیم اهل حق باشی اوسته مدام

دین یولوندا باغرینا عباس باسمشدی علم

دین یولوندا ظلم الیله اللری اولدی قلم

گورمدون انی احامی سسلنوردی دمبدم

پیکرینده باش باشا چاتمیشدی سانسیز چوخ حسام

دینه باخ بیر عزت بی منتهایه سیر ایله

دون ذات فرد فوق ماسوایه سیر ایله

شان اهل دینه باخ ، لطف خدایه سیر ایله

اهل دینیندور هامی شان و شرف ، هر احتشام

هر سعادت هر کسه اولسا هدف ، وار دین ده

ایستیه هر کیم هر عزت هر شرف ، وار دین ده

آختارار هر کیمسه هر در صدف ، وار دین ده

دین دور گنجینه هرگونه گوهر ، والسلام

حفظ استقلال ملیت بو دینه بسته دور

کسب و تحصیلات حیثیت بو دینه بسته دور

هر عدالت جمله حریت ، بو دینه بسته دور

دین یعنی حافظ حیثیت اهل سلام

(ذهنیا) بیر طرزیله بیر شعر انشاد ایلدون

نکته شعره کمالات اهلین ارشاد ایلدون

جنت اعلاده (ذهنی) روحینی شاد ایلدون

صورت شعرونده تاپدی معنی خیر ، اختتام

• پنج شنبه
• 15
• آبان
• 1399
• ساعت
• 17:57
• نوشته شده توسط
• یوسف اکبری

بشارت سسی نُه سمادن گلور
یئره مژده عرش خدادن گلور
خبر، خاتم الانبیادن گلور

گلن کیمدی؟ سیر صفادن گلور
محمدّدی، کوه حرادن گلور

نزول آسماندان ایدوب پیک حق
دیلینده گوزل سوره، آدی عَلَق
اوخور بِسمِ رَب، مفخرِ ما خَلَق
یئره نور رحمت توکور نُه طبق

چهل ساله سالک دعادن گلور
محمددی کوه حرادن گلور

نه موسا نه عیسا،نه یونسدی بو
دلِ خلق بی یاره مونسدی بو
ستاره دیمه، ماه مجلسدی بو
گر اُمّی ده اولسا، مدرّسدی بو

که دانشگه لا یُرادن گلور
محمددی کوه حرادن گلور

نگاریم منيم گیتمه میش مکتبه
چاتوب معرفتده اوجا منصبه
اولوب عالم عاشق اوخال لبه
سالوب ذکری عشاقی تاب وتبه

دیله شور اوبانگ رسادن گلور
محمددی کوه حرادن گلور

گلور بت شکن بُتلاری سیندیرا
گلور مَحبط وَحیه پرچم وورا
قباقنده وار کیمده قدرت، دورا
ایدور افتخار عرشه، اُمّ القُرا

نوا مروه دن هم صفادن گلور
محمد دی کوه حرادن گلور

او مِرآت ایمان و روح صلات
گلور خلقه ویرسون بلاد نجات
دئ آختارما اسکندر، آب حیات
بودور ساقی چشمه ی کاینات

ایچوب جرعه آب بقادن گلور
محمددی کوه حرادن گلور

اوخیرالبشر عاشق نامدار
ایدوب یاریله رابطه برقرار
حرانین داغندان ئوزی استوار
بودور شاه لولاک، رف رف سوار

پیاده حریم وفادن گلور
محمددی کوه حرادن گلور

ایدور آسمان غبطه اجلالینه
باخور قدسیان منقلب حالینه
چاتوب طالب فیض، آمالینه
خلیل، آفرین سویلور، اقبالینه

ایدوب نفسی قربان منادن گلور
محمددی کوه حرادن گلور

قویوب باشه تاج شرف اول سفیر
ایدوب حقّ اونی کایناته امیر
بو ارزنده شاهه علی دور وزیر
امین رسالت، بشیرُّ النّذیر

دوتوب سبقت اهل ولادن گلور
محمددی کوه حرادن گلور

• سه شنبه
• 20
• آبان
• 1399
• ساعت
• 12:00
• نوشته شده توسط
• یوسف اکبری

یا محمّد سنی من مُلک دیله جان بیلورم
حُسن رُخساروی آئینه‌ی یزدان بیلورم

آسمانی شرفون عشقی زمین گیر ایلیوب
کلمه کلمه سوزوی آیه‌ی قرآن بیلورم

یدّی گوی اخترتابنده نی، شمس و قَمری
طلعت دامنووه دست بدامان بیلورم

حسرت آب بقا جَهلیدی عاشق لروه
نَفَس پاکوی من چشمۀ حیوان بیلورم

نه فنا عیشه حَریصم نه ده مینا و مِیَه
بوسه‌ی تربتووی غایت ایمان بیلورم

عشقوون‌شمعینه یاندوقجا‌سیادت تاپورام
غارِ تسبیح و مناجاتووی رضوان بیلورم

آدوی ذکر ایدوب اقبالیمه شُکر ایلیورم
چونکه تنها سنی من رحمت رحمان بیلورم

جرعۀ مرحمت و لطفووه دائم عطشم
جان نالایقیمی عشقوه قربان بیلورم

• جمعه
• 21
• آذر
• 1399
• ساعت
• 23:45
• نوشته شده توسط
• یوسف اکبری

لطف خدادن منه امداد اولار
ائتسه نظر منظره ایجاد اولار
دلبر آدی دفتره انشاد اولار
دلبر اولان یئرده ئورک شاد اولار
بزم محبت بئله بنیاد اولار

هر کسین عالمده اولار دلبری
شوق وصالینده یانار شهپری
صابر اولار صبره اولار باوری
نه تانیار سر نه گورر پیکری
چونکی بیلور محنتینون آخری
مونسی شیرین ئوزی فرهاد اولار

سن بیلوسن راز شقایق نَدی ؟
فاصله و مرز علایق نَدی ؟
عشق نَدی ؟ دل نَدی ؟ عاشق نَدی؟
عاشقینه یارِ موافق نَدی ؟
کوه حرا احمده میعاد اولار

غار حرا محرم اسراریدی
کنز ولا مطلع الانواریدی
آینه دار اولیِ الابصاریدی
صحن وصال دل و دلداریدی
بطن معارف ! نه فقط غاریدی !!
غار دئسم شانینه ایراد اولار

دقت ائله مکه ده برنامیه
کوه حراده اولان هنگامیه
اسم محمد یازیلا خامیه
حامی اولار حقه اولان حامیه
اوج نبوتده گییَن جامیه
کل رسالت ائوی آباد اولار

هر گجه نین مثلی معظّم نبی
شُهره آفاق ، امین منصبی
گون که باتوب درک ائلیوبدور شبی
گویده قمر رویت ائدوب کوکبی
عزم ائلدی یاری اولان موکبی
عارفیدی گئتمه سه بیداد اولار

باخ بو گجه احمدین احوالینه
رشک آپارور نوحده اقبالینه
غالب اولوب نفسده امیالینه
رغبتی وار خالقین اجلالینه
یِتدی غرض کعبه آمالینه
سینه ده دل خانه سی برباد اولار

باشلادی معبودیله راز اِیلییه
سوزِ مناجاتینی ساز اِیلییه
نغمه و آهنگ حجاز ایلییه
کعبه مقصوده نماز ایلییه
باب لقا اللهی باز ایلییه
یاد خدا کیم اِئلییه یاد اولار

شاخه طوباده گزور پرنیان
گون جَبَلُ الثورده اولموش عیان
وارد اولوب روح الامین ناگهان
سسلدی اِقرا ، اوخی آرام جان
غار کانه که اولوبدور جنان
نه بئله بیرگون نه ده میلاد اولار

روح الامین شاهِ نکو منصبه
کلمه ی اقرا دئدی اوچ مرتبه
دوشدی بدن لرزیه تاب و تبه
وئردی جواب آگه ائله مطلبه
گئتمه میشم مدرسه و مکتبه
هانسی معلم منه ارشاد اولار ؟

گور هارا چکدیم هدفیم وار سوزی
ماه ، اولوب عرش خدا اولدوزی
اولدی جلی نور حقیلن گوزی
گورمدی با اینکه معلم یوزی
لطف ائله سه اُمّییه داور ئوزی
مکتبه گئتمز ولی استاد اولار

خالق عطا ائتدی اونا بیر صِله
ایستدی آیینه چشمون سیله
امر خدائیله دگوب لب دیله
آچدی صدف ، سویلَدی گوهر بئله
اِقرا بِاِسمِه قوتولوب غائله
صید ، جگر گوشه ی صیاد اولار

پایگاه حفظ و نشر آثار عباسی معروفان اهری

• سه شنبه
• 25
• آذر
• 1399
• ساعت
• 21:18
• نوشته شده توسط
• یوسف اکبری

سبک ؛ الله الله ...

گونش گولوب گلشن آچوب لاله بیتیردی
روح الامین پیغمبره ندا گتیردی

الله طرفیندن اولدون نبی محمد
دیون اللهم صل علی محمد

یا نبی الله
یا حبیب الله
یا عزیز الله
یا رسول الله

رسول الله حرا داغیندان چونکه اَندی
گورسندی نوری صحن مکه جلوه لندی
نطفه سی پاک اولان بشر اونی بگندی
دئدی اللهم صل علی محمد

یا نبی الله
یا حبیب الله
یا عزیز الله
یا رسول الله

رسول الله حبیب الله شان و لقبی
وحشی لری حیران قویان وُسع ادبی
گوزل وجودی خلقتین اولدی سببی
تمام عالمه وئردی صف احمد

یا نبی الله
یا حبیب الله
یا عزیز الله
یا رسول الله

رسول الله بو امّتین عزیز آتاسی
هر نَفَسی مین مریضون شیرین دواسی
تیترتدی کهکشانلاری ذکر و دعاسی
یقین دئدی تمام ماسوا محمد

یا نبی الله
یا حبیب الله
یا عزیز الله
یا رسول الله

عالملره سن سرورسن یا رسول الله
انسانلارا سرآمدسن یا رسول الله
صالح بنده مویدسن یا رسول الله
ابُ البشر آدم دیوبدی یا محمد

یا نبی الله
یا حبیب الله
یا عزیز الله
یا رسول الله

ای همدم صبح فلق ای یار شفق
دئدون اِقرا بِاسم ِ رَبُّکَ الَّذی خلق
سنه احسن دئدی جمله خلق و ما خلق
بو مبعثه احسن دئدی هامی محمد

یا نبی الله
یا حبیب الله
یا عزیز الله
یا رسول الله

پایگاه حفظ و نشر آثار عباسی معروفان اهری

• چهارشنبه
• 26
• آذر
• 1399
• ساعت
• 22:07
• نوشته شده توسط
• یوسف اکبری

بشرده یاللعجب کثرت شقاوته باخ
ریاست اوسته اولان کینه و شرارته باخ

مقام و منصب دنیانی آختاران کسده
سقیفه اهلی کیمی منکر حقیقته باخ

قلم حیا ائلیور مطلبی ائده تحریر
کتابت ایلمگه شرم ائدور خجالته باخ

نبی اکرم اوزی تاپشوران حدیثی اوخی
مودت آیه سینه اجرت رسالته باخ

سفارش ائتمیشیدی عترتیله قرآني
ایکی امانته امت ائدن خیانته باخ

کتاب و عترتینی امتینه تاپشوردی
جسور امت الینده قالان امانته باخ

هنوز بیر نچه گون گئچممشدی رحلتدن
قساوته ستمه جراته جسارته باخ

امین وحی اوپن درگهین کنارینده
عوام ملته باخ ایتدیگی اهانته باخ

آدین صحابه قوبانلار اولوبلا منکر حق
منافق امته گمراه اولان جماعته باخ

عوامی ایلدیلر امر بیعته وادار
سقیفه ده چکیلن نقشه ی خلافته باخ

جماعت ایلدی بیعت قالوب ولی الله
وصی ختم رسلده اولان درایته باخ

دسیسه قوردیلا زوریله بیعت آلسونلار
سران ملت گمراهیده سماجته باخ

علیدن آلماقا بیعت توکیلدیلر قاپیا
امامه امت جاهلده هتک حرمته باخ

بویاندا مردم نادان سالان قیامتی گور
اویاندا قورخی چکن اهلبیت عصمته باخ

بویاندا حمله ور اوچ یوز نفر یانان قاپیا
اویاندا فاطمه تک حامله بیر عورته باخ

بویاندا ثانی کیمی معدن جفا دایانوب
اویاندا ام ابی حامی امامته باخ

هجوم ائدن قاپیا مظهر جهالت دور
قاپی دالندا دوران اسوه ی نجابته باخ

غضب لنوب او دنی باب وحیی سیلکه لدی
نه شرم ائلور نه حیا بغضه باخ خباثته باخ

ندن سوال ائدوری بیلمورم نه آلدی جواب
گر ایستوسن بیله سن معتبر روایته باخ

ولی بو قدری دیوم بیر کمکسیز عورتده
شهامته هدفه جذبه ی ولایته باخ

مقابلینده دوران معدن قساوتیدی
خانمدا همته باخ صبره استقامته باخ

ائدوبدی تکیه خانم قویمادی قاپی آچیلا
بویاندا ثانی دون ایلین عداوته باخ

شرار ظلمیله درگاه وحیی یاندیردی
او ظالمین اورگینده اولان قساوته باخ

ایا امام زمان اول قاپی یانان گوندن
جهاندا فتنه و بیدادیده رقابته باخ

او یانماسیدی حسینون خیامی یانمازدی
شرار ظلمیده بیر شعله ی سرایته باخ

بلا چولینده حسینون پوزولدی پرگاری
خیام طاهره ده حشردن علامته باخ

همان بو اوتدا او گون قیزلارین لباسی یانوب
همان اوتیله قوپان شورش قیامته باخ

قاچاردی عورت اوشاق چوللره حسین گویان
خیام شعله وره وحشیانه غارته باخ

او دمده زینب اوزین خیمه لرده ووردی اوتا
خانمدا همته باخ شدت مصیبته باخ

آناسی فاطمه دن ارث آپاردی محنتدن
قاپی شرارینه باخ خیمه ده حرارته باخ

بو اوتدا فاطمه دور کربلاده زینبدور
آنا بالا غمینه سیر قیل شباهته باخ

اونین یانوب قاپوسی خیمه گاهی یاندی بونین
فلکده نخوته باخ سرنوشته قسمته باخ

او محسنیله اوزین وقف ائدوب وفاسیندن
قیزیندا نیته باخ کربلاده حکمته باخ

خانم دفاع ائلدی گور نجه ولایتدن
روال حکمته باخ سرگذشت نهضته باخ

یانان چادردا وئروب زین العابدینه نجات
بتوله نائبه ده دینینه حمایته باخ

دیردی راوی اوزیم ماجرایه ناظریدیم
آپاردی طاقتیمی بو سوزیم عبارته باخ

او گونده من سپه کفرده دایانمشدیم
من ایتدیگیم ستمه گوردیگیم خشونته باخ

ووراردی قیزلاری لشگر آلاردی سیم و زرین
آچاردی اللرینی غارته رذالته باخ

نگوردیم اوندا یانور خیمه گاه آل عبا
اوجالدی شعله گویه ظلم بی نهایته باخ

واریدی بیر خانم اوردا اوزین اوتا ووردی
بشرده سیم و زره من دئدیم که رغبته باخ

دئدیم قالوبدی نئیی خیمه ده بونون آیا
بئله سالور اوز اوزین زحمته و اذیته باخ

اوچومجی دفعه ده اما اوزین ووراندا اوتا
نگوردیم حمل ائلیور بیر مریضی رافته باخ

جوان نورسیدی جسمی چوخ نحیف و نزار
کناره حمل ائلدی شعله دن حمایته باخ

سوروشدیم عورتین آدین دئدیله زینبدی
وفایه باخ او خانمدا اولان محبته باخ

نقدری ثبت اولا گر "زعفرا " بو محنت و غم
قوتارمیاندی یقین ختم ائله نصیحته باخ

اگر تمام سو جوهر آغاجلار اولسا قلم
محالدور قوتارا گر خلایق ائتسه رقم

• جمعه
• 28
• آذر
• 1399
• ساعت
• 20:55
• نوشته شده توسط
• یوسف اکبری

کشف راز ائت عارفا طاغوت دنیا تیتردی

سیندی اون دورت کنگره ایوان کسرا تیتردی

قالدی حیران پارسیان خاموش اولوب آتشکده

خشک اولوب دریای ساوه اولدی صحرا تیتردی

یدّی افلاکین یولی باغلاندی ابلیسه بو گون

قهردن شیطان ائدوبدی خوف و پروا تیتردی

سحر و جادو بی اثر اولدی کشیشلر علم سیز

معبد و دیر و کنشتیلن کلیسا تیتردی

نور مطلق ساطع اولدی شش جهات عالمه

سرنگون اولدی هبل،هم لات و عزّی تیتردی

• جمعه
• 28
• آذر
• 1399
• ساعت
• 22:33
• نوشته شده توسط
• یوسف اکبری

ای طیِّب و طاها طاها
فضل و کرمی دریا دریا
یوخ سنه مولا همتا همتا
جانانِ منی مولا

ای نگارِ بزمِ عرفان
سلطانِ ملکِ فضل و ایمان
جانیم آدیوه مولا قربان
سلطانِ منی

ای قبله ی جان محمد محمد
انفاسه ریحان محمد محمد
ختم رسولان محمد محمد
جانم محمد

ای دریای احسان احسان
سرور و شاه خوبان خوبان
دردِ جهان را درمان درمان
ای جانِ جهان مولا

ای رهبر فرزانه ام
از عشق تو من دیوانه ام
بر شمع عشقت پروانه ام
آرامِشِ جان

کان صداقت تو هستی محمد
بحر شرافت تو هستی محمد
مهد کرامت تو هستی محمد
جانم محمد

• جمعه
• 28
• آذر
• 1399
• ساعت
• 23:26
• نوشته شده توسط
• یوسف اکبری

عالم لره لطف ایلیوب خَلاّقِ سَرمد
تاجِ رسالت باشینه قویدی محمد

مژده اولیبدی دنیا منور
اولدی محمد خَلقَ پیمبر

الله الله الله الله یا رسول الله
الله الله الله الله یا حبیب الله

غارِ حرادن چیخدی تا حضرَت طاها
رخساری ایلوبدی مثالِ گون تَجَلّا

رخساری اولدی گون تک نمایان
مسلمین اولسون تاجینه قربان

الله الله الله الله یا رسول الله
الله الله الله الله یا حبیب الله

ثاپدی جلا مکه ، منا روشن اولیبدی
نورِ رسالت نن سما روشن اولیبدی

به به جلاله احسن کماله
جان قربان اولسون بو مه جماله

الله الله الله الله یا رسول الله
الله الله الله الله یا حبیب الله

بوتون گوزللردن آقام احمد گوزلدی
شیریندور سوزلری مثلِ شهدِ عسلدی

آی تک گویچکدی دللرده حکدی
یوخدور نظیری دنیاده تکدی

الله الله الله الله یا رسول الله
الله الله الله الله یا حبیب الله

دردی اولانلار دردلره دوا ایستَللر
حسین عاشق لری کرب و بلا ایستَللر

درده دوا وئر روحه صفا وئر
مولا جَوازِ کرب و بلا وئر

الله الله الله یا رسول الله الله
الله الله الله الله یا حبیب الله

• دوشنبه
• 1
• دی
• 1399
• ساعت
• 16:20
• نوشته شده توسط
• یوسف اکبری

قویدی دنیایه قدم خاتم مرسل
افضل خلق ٬ بشردن بودی افضل

نور ازلدی
آدی گؤزلدی

جلوه سیماسی گؤزل لبلر عسلدی
یعنی گؤزللر گؤزلی عالمه گلدی

یا مولا یا مولا یا مولا یا مولا

شکر اولا لطف خداوند معینه
مکه دن نور سالوب تا به مدینه
محنت و غصه یولون باغلادی سینه

ذکر ائله لبیک
غصه دن ال چک

لطف ائلیوب شیعه لره حی تبارک
بو ایکی بایرام سیزه ای شیعه مبارک

یا مولا یا مولا یا مولا یا مولا

آچدی باب کرمین حضرت سبحان
وئردی حق بنده سینون دردینه درمان
گلدی با هم گهر و مظهر ایمان

دیر و کنشته
چکدیله رشته

گویدن انوب گلدیله پابوسه فرشته
عالم امکانه باخون دؤندی بهشته

یا مولا یا مولا یا مولا یا مولا

یارانیب روز ازل نور محمد
باشدا وار تاج شرافت آدی احمد
سسلیون صلوا علی آل محمد

غملره فایق
اولدی خلایق

گلدی رسول اللهیلن حضرت صادق
جشن تولد دوتاروق شأنینه لایق

یا مولا یا مولا یا مولا یا مولا

کانال اشعار عباسی معروفان اهری

• سه شنبه
• 2
• دی
• 1399
• ساعت
• 22:58
• نوشته شده توسط
• یوسف اکبری

پیغمبر رحمت بو گون جان وئردی جانانه
دنیا و مافیها اولوب بو غمده غمخانه

چکدی قرا اوز عرشینه ذات حق یکتا
یکسر ملکلر عرشیده سسلندی واویلا
بو غمده توکی گوزیاشی دنیا و مافیها
دوشدی بوگون دینون ایوی بیر غملی طوفانه

ارض و سما قاره گیوب عالم اولوب برهم
ووردی ملکلر باشینه دوتدی عزا آدم
سیناده موسی آغلادی عیسی دوتوب ماتم
جن و بشر قان آغلادی محبوب سبحانه

بو غمده گوزیاشی توکوب رخسارینه حیدر
زهرای اطهر باشینه سالدی قرا معجر
ایوای آتام وای سسلدی اولاد پیغمبر
بیت رسول حق بو گون اولدی عزاخانه

اوغلی حسن گوزیاشینی تا توکدی رخساره
مظلوم دشت کربلا یوز قویدی دیواره
کلثوم و زینب باشینه سالدی بوگون قاره
قاتدی سسین بو دورت بالا زهرای نالانه

جبریل اولوبدور نوحه خوان قدوسیان آغلور
بو ماتم جانسوزیده کون و مکان آغلور
وور باشه شیعه آغلا چون صاحب زمان آغلور
گوزیاشیله وئر تسلیت مظلوم دورانه

یومدی گوزون بو دهریدن پیغمبر رحمت
دنیانی بو غمده ائدوب غرق غم و محنت
"شیدا "توکر رخسارینه اشک غم و حسرت
چون که یتوب صدمه بوگون ارکان ایمانه

• شنبه
• 6
• دی
• 1399
• ساعت
• 21:05
• نوشته شده توسط
• یوسف اکبری

هفده ماه ربیع رحمت سرشار گلـــــــــور

شام ظلمتده زمین، مطلع الانوار گلـــــــور

نور روشنگر جان ماه شب تار گلــــور

بخت غفلت زدیه دولت بیدار گلـــــــــور

حلقه ی ماخلقه نقطه ی پرگار گلــــــــور

ختم ایدن جنگ لری صاحب گفتار گلــور

بت شکن دور بو صنم چون یل پیکار گلور

جن و انسون آقاسی سید احرار گلــــــــور

گوهر بحر شرف در گهربار گلـــــــــــور

چاغرون ماخلقی مرسل دادار گلـــــــــور

مژده مظـــلومه وئرون حقه طرفدار گلــــــور

اهل ایثاره دیون مظهر ایثار گلـــــــــــور

بودی زهرا آتاسی مفخر ابرار گلـــــــــور

جشن میلاد دوتون احمد مختار گلــــــــور

مُلک و افواج مَلک خالقی تکریم ایدور

انجم و شمس و قمر احمده تعظیم ایدور

• یکشنبه
• 7
• دی
• 1399
• ساعت
• 15:37
• نوشته شده توسط
• یوسف اکبری

یارسول الله یانبی الله
انت الامیری الحمدلله
یاران بهارآمد/بردل قرارآمد
بررحمت رحمان/آیینه دارآمد
آمدندای اقراباسم ربک ازجانان
غارحراشدبرمحمد روضه ی رضوان
یارسول الله یارسول الله

جنت چراغان شد بلبل غزلخوان شد
عیدشرف آمد عالم چراغان شد
آمدامیرملک رحمت تهنیت یاران
گشته منور ازقدومش عالم امکان
یارسول الله یارسول الله

پیک صفاگلدی درده دوا گلدی
آخرنبی حق شمس هدی گلدی
غارحرادن عالمه بوخوش حبرگلدی
مستضعفینه مژده ی فتح وظفرگلدی
یارسول الله یارسول الله

گلدی نداحقدن،سن خلقه مولاسن
پیغمبرخاتم،ماه دلاآراسن
خلقه دئنن که خاتم پیغمبرانم من
امر حقیلن ناجی مستضعفانم من
یارسول الله یارسول الله

بویولداچون سنلن،همراه اولارحیدر
نیروی ایمانون،فاتح چیخاریکسر
دست یدالله علیدورحامی مکتب
پیروزاولارکفراهلینه هریئرده بو مذهب

یارسول الله یارسول الله

• یکشنبه
• 10
• اسفند
• 1399
• ساعت
• 22:12
• نوشته شده توسط
• یوسف اکبری

ای شاه ملک رحمت یارسول الله
گلدی عیدرسالت یارسول الله
نغمه اوخورچکاوک سسلورملک تبارک
رسالتون مبارک یارسول الله

ماوا ایدن زماندا غارحرانی
گوردون سعادتیله پیک خدانی
اقراءباسم ربک یانبی الله
جبریلیدن ایشیتون سن بوندانی
سس گلدی مقتداسن اللهه رهنماسن
سن ختم الانبیاسن یارسول الله

یامصطفی سنون تک جانانه احسن
سن گتدیگون کتاب قرآنه اجسن
محشرگونی الیمدن دوت جان زهرا
خلقه ایدن عزا و احسانه احسن
سن شافع جزاسن سن ختم الانبیاسن
احراره مقتداسن یارسول الله

• یکشنبه
• 10
• اسفند
• 1399
• ساعت
• 22:14
• نوشته شده توسط
• یوسف اکبری

آچدی گوز جهانه....ختم الانبیا
سسلدی ملکلر.....جان یامصطفی
شب ولادت گلدی**سفیررحمت گلدی
یامصطفی یا احمد۲

حق ویروب رسولی...پای بوعالمه
ظلمه حی داور.....ویردی خاتمه
شاداولون اوره کدن.....ای اهل وفا
عیدیانه ویرسون.....خلقه فاطمه
شه کرامت گلدی**سفیررحمت گلدی
یامصطفی یااحمد۲

گوردی تاجمالین....حیران اولوب آی
سسلدی که ای شاه.....گلمزسنه تای
جلوه ی جمالون ......مست ایتدی منی
من گویه آی اولسام......سنسن منه آی
جهانه زینت گلدی***سفیررحمت گلدی
یامصطفی یا احمد۲

• پنج شنبه
• 21
• اسفند
• 1399
• ساعت
• 12:46
• نوشته شده توسط
• یوسف اکبری

رسید عیدِ رسالت، صَنَما وقت سرور است
جَهان غَرقه به شور است
دَمِ خامُشیِ اَهلِ جَهالات و غرور است
عزیزان بِدانید
خَلایق همگی مُنتظرِ جَلوه ی نور است
کنون غارِ حِرا، وادی طور است
به پا خیز محمّد (ص)، کنون وقت ظهور است

بخوان بِسم خدایی، که تو را خَلق نمودَست
خدایی که حَمیدَست و مَجیدَست و وَدود است
خدایی که کریمَست و رَحیمَست و خودَش خالقِ جود است
خدایی که تمامِ غَزَلِ هَستیِ خود را، به جَمالِ تو سرودَست
خدایی که غَم از چِهره ات هر لحظه زُدودَست
به پا خیز محمّد (ص) که کنون وقتِ فرود است

او گون کی هامیه غالیبیدی جَهل و جَهالَت
حجاز اَهلینون اولموشدی ایشی قَتلیله غارَت
اولوردی عَربستاندا فقط جُرم و جنایت
جماعت اوگون اولموشدی چوخی اَهلِ خیانت
ولی بِعثَتِ پیغَمبَریله، تاپدیلا جاوید شرافت
خدا یوللادی بیر معدنِ احسان و کرامات و هدایت

قیلوب اَهلِ جهانه چو کَرَم خالقِ داوَر
او موجودِ شَریفی، ایلیوب عالَمه سَروَر
نه تَک اَشرفِ عالَم کی اولوب خَتمِ پِیَمبر
به جُز حیدر اولانماز اونا بیر کیمسَنه یاور
اونا عَبدِ عَبیدَم بویوروب، ساقی کوثَر
دیون واردی جَهاندا کیمون آخِر بیله بیر سَرور و رَهبَر؟

یازام وَصفِ جَمالین، قَلَمده او تَوان یوخ
اوزوم لالَم و اَلکَن، دیلیمده او بَیان یوخ
بولور حالیمی مولا، اونا سرّ و نَهان یوخ
به امّید شفاعت یازورام من بولورَم شعریده جان یوخ
حَقیقَتده اونون شأنینه لایق هَله بیر شعر یازان یوخ
بیله جانِ جهان یوخ، بیله سَروِ رَوان یوخ

من آن مورِ ضعیفَم، گلوب ایندی بَیانه
گَتورودوم بیله تُحفه، سلیمانِ جَهانه
گَدا مَحضر شَهده، ایدَر دَردی بَهانه
خیالیم بودی دَرمان، آلام دَردِ نهانه
بودور دیلده کی دردیم، منی گَتدی فَغانه
نَدَن گَلمَدی یا رَب، شَهِ عَصر و زمانه

• پنج شنبه
• 21
• اسفند
• 1399
• ساعت
• 18:41
• نوشته شده توسط
• یوسف اکبری

اَشرَفِ اَنبیا /ای بیزه مُقتدا/
آدیوا جان فدا

نوری نورِ اَزَل / دَهریده بی بَدَل /
هَر بیر گوزَلدن گوزَل

حضرتِ طاها
عالَمه مولا
زینَتِ گُلزارِ عشق

حَسَناتوندان
گوزَل آدوندان
گَرمیدی بازارِ عشق

عادَتون اولموش کَرَم
گول آدیوی سَسلَرم
دَرگَهوندن، آقا
آیری یره گیتمَرَم

عشقون عالَمده هامی، عشقه سَرآمد دی
گویده اَحمد دی آدون، یرده مُحمّد دی

یارسول ا... 2
سائله اِیله کَرَم

یارسول ا... 2
منده سیزه نوکَرَم

خِلقَته ای دَلیل/خادمون جبرئیل /
ای شَهِ بی بَدیل

آبروی زَمین/ سَنسَن ای مَه جَبین /زینَتِ خُلدِ بَرین

نه دِل آراسَن
ایله زیباسَن
شأنیوه یوخدور سوزوم

ای کَرَم کانی
فاطمه جانی
واردی اَلونده گوزوم

معدنِ لُطف و سَخا
‌چوخدی قاپوندا گَدا
رَسم جهاندی، گَرک
نوکره شَهلَر باخا

بَسدی عالَمده آقام، سَروَرِ اَمجَد دی
گویده اَحمد دی آدون، یرده مُحمّد دی

یارسول ا... 2
سائله اِیله کَرَم

یارسول ا... 2
منده سیزه نوکَرَم

ای حَبیبِ خدا/مَدَدی مُصطفی/
بیر نَظَر قیل آقا

زینتِ اَنجُمن/گویه معراج اِیدن /
یوخدی نَظیرون گورَن

ای مَهِ تابان
سَنه جان قربان
ساغَریوین مَستیَم

غَمه آماجَم
سَنه مُحتاجَم
عشقیوه وابَستیَم

سَن کیمی ای خوش گُهَر
عالَمه حاشا گَلَر
گورسَم او، قَبریوی
غَملی اورک دینجَلَر

کَرَمون من بولورم (بیکَسه) ، بی حَد دی
گویده اَحمد دی آدون، یرده مُحمّد دی

یارسول ا... 2
سائله اِیله کَرَم

یارسول ا... 2
منده سیزه نوکَرَم

• پنج شنبه
• 21
• اسفند
• 1399
• ساعت
• 18:50
• نوشته شده توسط
• یوسف اکبری

خالق عالم ایدوب عالمی غرق نور
بعثتیله ایلیوب حرانی رشک طور

اهل جهانه ایدوب الله عنایت بوگون
ویردی قریشه خدا مجد وشرافت بوگون
قویدی باشا مصطفی تاج رسالت بوگون

مدد یا مصطفی........ابا الزهرا مدد

زینت باغ جنان بو گل سرمددی
اشرف کل رسل حضرت احمددی

صاحب خُلق عظیم معدن جود و سخا
سنله شرافت تاپوب مرو و منا و صفا
اهل جهان گوز تیکوب اللریوه ای آقا

مدد یا مصطفی

عبد سرافکنده دی عالم و آدم سنه
حیدر اوزی سویلیوب عبدِ عَبیدم سنه

رسمیدی دنیا بویی هرکسین آقاسی وار
اهل جهاندا کیمون بیر بیله مولاسی وار
فاطمه ده فخر ایدر سن کیمی باباسی وار

مددیا مصطفی

فتنه دوشوب عالمه قلبیمیزی قان ایدوب
گورنجه آل سعود عالمی ویران ایدوب

ای بیزه تعلیم ایدن شیوه ی انسانیت
گل آدیوا واردی چوخ شیعه ده حساسیت
ریشه کن اولسون گوروم ریشه ی وهابیت

مدد یا مصطفی

دیلده کی بو دردیمه گل آقا درمان ایله
« بیکَسی » غملر سیخوب بیر نولور احسان ایله

سوریه ده جان ویرور صبح و مسا شیعیان
داعش اولوب حربه ی فتنه ی وهابیان
ایسته خدادن اوزون تز گله صاحب زمان
مدد یا مصطفی

• پنج شنبه
• 21
• اسفند
• 1399
• ساعت
• 19:48
• نوشته شده توسط
• یوسف اکبری

رسول خاتم گلوب/شاه دوعالم گلوب
باعث افتخار/عالم و آدم گلوب

رسول الله/مبارک اولسون قدمون
رسول الله/نولور گوریدوخ حرمون
رسول الله رسول الله

حضرت طاها گلوب/نور دل آرا گلوب
باب گرانمایه ی/حضرت زهرا گلوب

عالمه کَهف اَمان/سرور اهل جهان
قدم جهانه قویدی/خاتم پیغمبران

ای صاحب زمانه/جدّون گلوب جهانه
مدینه نین براتین/ویر بیزه عیدیانه

گریز به شهادت حضرت زهرا(س)

مدینه نه مدینه/غم و درده قرینه
بعد پیمبر اولدی/مرکز ظلم و کینه

رسول الله امرون اطاعت اولمادی
رسول الله حیدره بیعت اولمادی

باب کَرَم باغلانیب/قلب علی داغلانیب
جور عدودن اوگون/درگه زهرا یانیب

رسول الله فاطمه قلبی سیخیلیب
رسول الله قاپی دالیندا یخیلیب

حمله ایدوبله بیردن/شعله اوجالدی دردن
آیردی دست عدو/غنچه نی بطن گُلدن

رسول الله گیتدی الیندن بالاسی
رسول الله سینوب اوگون قابرقاسی

ایتدیله جُرم وخطا/(بیکَس)اولوب مرتضا
دست علی باغلانوب/قوزادی زهرا نوا

رسول الله حیدری درده سالدیلار
رسول الله یارین الیندن آلدیلار
رسول الله رسول الله

• شنبه
• 23
• اسفند
• 1399
• ساعت
• 22:59
• نوشته شده توسط
• یوسف اکبری

ولایت باده سیندن مستِ مست اولدوم
خمارِ باده ی نابِ الَست اولدوم
ویروب ساقی مِیِ گلگونِ طاهادن
او جامین نشئه سیندن مِی پرَست اولدوم

اولوب ذِکرِ دلِ آگاه
حَبیبی یا رسول الله

شبِ میلادِ شاهَنشاهِ دوراندی
گدای درگهی عالمده سلطاندی

رسول الله رسول الله 2

جهانی روشن ایتدی نور پیغمبر
گلوب اولسون جهانه هادی و رهبر
مَقامِ سیّدِ لولاکه سِیر ایله
اولوبدی ساقیِ کوثر

دلیلِ اصلیِ تَنزیلِ قرآندی
گدای درگهی عالمده سلطاندی

رسول الله رسول الله 2

جَمالی شاهکارِ ذاتِ سَرمَد دی
سَماده گول آدی محمود و احمد دی
دلیل خلقتِ عالَمدی اوچ انسان
علیدی، فاطمه بیرده محمّد دی

خلایق، سفره ی لطفونده مهماندی
گدای درگهی عالمده سلطاندی

رسول الله رسول الله 2

طبیبِ سینه ی زار و حَزین گلدی
یر اوسته عقلِ کُل، دُرّ ِ ثَمین گلدی
گلوب خَلقی قوتارسین جاهلیتدن
جهانه رَحمةً لِلعالَمین گلدی

مَقامیندا هامی مَبهوت و حیراندی
گدای درگهی عالمده سلطاندی

رسول الله رسول الله 2

گوزل آدین دییَنده، دیلده غم قالماز
حقیقی نوکری آیری قاپی چالماز
مدینه، کربلا ایسته آقام یازسین
قاپیسیندان گدانی بوش یولا سالماز

هامی (بیکَسلره) دریای احساندی
گدای درگهی عالمده سلطاندی

رسول الله رسول الله 2

• شنبه
• 23
• اسفند
• 1399
• ساعت
• 23:40
• نوشته شده توسط
• یوسف اکبری

طوطی گویای طبعیم رقص و جولان آختارور
کِلک احساسیم جوشوب جولانه میدان آختارور

گلشن خیرالوَراده گوللر آچمیش یکسره
غرق شور و ابتهاج اولموش یمین و میسره
صبح صادق ئوزطلوعیندن گوروب خوش منظره
طاق خضرا رشک ائدور غوغای سطح اغبره
کیمدی آیا بیله بیر غوغا سالوب عالملره
قدسیان تندیس رخسارین غزلخوان آختارور

دسته دسته عرشیدن فرشه گلوللر حوریان
صدر سینائیله رشک ایلور بو بزمه طوریان
ساقی صهبای عشقی سسلنور مخموریان
طوف پیک رحمته اجماع ائدوبلر لولیان
جوشه گلمیش زمزم و رأس الفرات ومولیان
نشئه گوزلر شاهد و شمع وشبستان آختارور

گوئیا تنویر دهره جلوۀ ایزد گلوب
جوش ائدوب دریای رحمت یرلره بی حدگلوب
عندلیبان سپهر عصمته سرمد گلوب
انبیا و اولیادن شانیده امجد گلوب
گویده آدی مصطفی یئرلرده کی احمد گلوب
عالم معناده بو شأنی سلیمان آختارور

بیشۀ کفر و نفاقه گلدی عالی شاهباز
آدی رکن دینیدور اسلامه والا امتیاز
انجلا تاپسون قیامیندن فروعات و نماز
بیرق اسلام سالسون دهره بوندان اهتزاز
وامدار تاج کرّمنادی سلطان حجاز
جاهلیت خاص وعامی بیله سلطان آختارور

طلعتی شمسُ الضُّحیٰ مصداقینون تفسیریدور
زلفینون بیر تاری واللیلُ السَّجیٰ تعبیریدور
وجهی وجهُ اللٰهیدور نور الهُدیٰ تنویریدور
نُه رواق وشش جهات احساسینون تصویریدور
اَشهدُ اَنّ مُحمَّد (ص) ذکر عالمگیریدور
سسلنر بو ذکری کیم عُقباده رجحان آختاور

وئردی تا زینت جهانه نور یزدانی بوگون
لرزیه دوشدی مدائن طاق ایوانی بوگون
لات و عُزّیٰ و هُبَل لر اولدیلار فانی بوگون
ساوه نین دریاچه سی خشک اولدی بیرآنی بوگون
قویمیوبلار آسماندا سِیره شیطانی بوگون
درک ائدنلر ماجرانی فعله برهان آختارور

جوشدی آب ناب وعطرآگین سَماوه شهرینه
فارس آتشگاهی خاموش اولدی رحمت بحرینه
خط بُطلان چکدیلر جادوگرانین سِحرینه
شاهیلر تختی نگونسار اولدی ایزد قهرینه
حق سالوبدور مکّه دن بیر نور،طاق دهرینه
ایله بیرنوراولدیکی گون اوندان امکان آختارور

مرحبا مرصوص و پابرجا قالان بنیادینه
شکّی یوخ دوت میندن آرتوخ معجزه وارآدینه
ایلیوب شق القمر باخ ثبت اولان اسنادینه
ردّ شمس ائتدی علی حقینده حقّ امدادینه
عشق اولا بیر بیله دین و مکتبین هر زادینه
جلوه گاه عشق جانان لطف شایان آختارور

آتمیش اوچ ایل وار کی تبلیغ ایلیوب اسلامینی
ایچدیروبدور تشنگان کوثره حق جامینی
سیلدیروب تاریخیدن سفیانیانین نامینی
بوریای عشقیلن تزئین ائدوب احرامینی
جاری ائتدی سربه سر آفاقه دین احکامینی
گرچه ایندی مدعی عهدینده نقصان آختارور

وارنئجه مجنون جنون تاجین کی لیلادن آلوب
گوز ضیاسین یوسف کنعان زلیخادن آلوب
یا کلیم ِ عشق عشقین طور سینادن آلوب
اعتقاداتین ولیکن شیعه طاهادن آلوب
هم اون ایکّی ماهپاره همّی زهرادن آلوب
مدّعی بیلمم نه دن ردّینده برهان آختارور

عرشیده عیسی بونون اولادینه پرچم دوتار
مقدمیندن خضر و الیاسیله یحییٰ دم دوتار
دامنین محشر گونونده نوحیلن آدم دوتار
دامن زهراسینی والله او گون عالم دوتار
کیم شفاعت ایستیوربو حصنی مستحکم دوتار
نار ِ دوزخدن اگر راه گریزان آختارور

نابجادور فکر ائداخ بیرکس اونا همتا گلر
سینه سی علم لدنّی دن دولی دریا گلر
صُلب پاکیندن بونون انسیّۀ حورا گلر
صُلب زهرادن حسین و تِسعة ٌمولا گلر
نائبان ِ وامدار ِ تاج ِ کرّمنا گلر
منتظر گوزلر هلال ماه شعبان آختارور

لطف حقدن دور«مصیب»طبعین اولموش گر روان
سعی ائله سینّون قوجالدیقجا اولا شعرین جوان
شکر لله اهل بیته اولموسان مِدحت یازان
یاز بو یازماقلا حصار قبریوه توشه قازان
دامنیندن چهارده معصومین اولسان مُستعان
قورخما عزرائیل اودمدن کی گلوب جان آختارور

• پنج شنبه
• 9
• اردیبهشت
• 1400
• ساعت
• 16:26
• نوشته شده توسط
• یوسف اکبری

جان ویردی پیغمبر اکرم واویلا
آجرک الله یا مهدی یابن الزهرا
واویلا واویلا واویلا واویلا

گرد و غبار غمه باتدی مدینه
مدفن اولوب یثرب رسول امینه
یوز ویردی یوز محنت زهرای حزینه
آجرک الله یا مهدی یابن الزهرا
واویلا واویلا واویلا واویلا

زهرای مرضیه آتاسیز قالیبدی
آتانون فراقی توانین آلیبدی
اون سكیز یاشیندا خانم قوجالیبدی
آجرک الله یامهدی یابن الزهرا
واویلا واویلا واویلا واویلا

بو ماتم عظمی یاندیردی آفاقی
کوچ ایتدی پیغمبر بوش قالدی اتاقی
زهرانی قوجالتدی آتانین فراقی
آجرک الله یا مهدی یابن الزهرا
واویلا واویلا واویلا واویلا(٢)

عرشه چکوب قاره ملک لر عزادی
صاحب عزا قلبی یارالی زهرادی
غسلین ویرن شاه نجف مرتضادی
آجرک الله یا مهدی یابن الزهرا
واویلا واویلا واویلاواویلا(٢)

ئور کامینه چاتدی خناس مدینه
یاسه باتوبدور گل یاس مدینه
رحلت ایدوب روح احساس مدینه
آجرک الله یامهدی یابن الزهرا
واویلا واویلا واویلا واویلا(٢)

آتمش اوچ ایل عمر ایدوب سروردوران
سرتاسر عمریده ایلیوب احسان
ئوز جانین ئوز دینینه ایله دی قربان
آجرک الله یا مهدی یابن الزهرا
واویلا واویلا واویلا واویلا(٢)

مسموم ایدبدور عدو جان جهانی
سلدی علی باشینه شال عزانی
خانه نشین ایتدیلر شیر خدانی
آجرک الله یا مهدی یابن الزهرا
واویلا واویلا واویلا واویلا(٢)

• سه شنبه
• 4
• خرداد
• 1400
• ساعت
• 18:56
• نوشته شده توسط
• یوسف اکبری

الله الله داغ خاتم

مرتضایه مشگل ا ولدی

یا ند ی د ا غ مصطفا دن

هستی زهر ا کول .اولدی

داغ هجر پیمبرده زهرا

قالدی دریای غملرده زهرا

سوره ی والشمس قرآن

ابر غمده اولدی پنهان

تار ائدیب عرش خدانی

آیه ی والیل سبحان

قوردی زهرا بزم ماتم

قاره گئیدی شاه مردان

یا ندی داغ پیبرده زهرا

قالدی دریای غملرده زهرا

اوج غمدن قانه دوندی

چشمه ی فیاض کو ثر

آه و وا ویلا که زهرا

باشه سالدی قاره معجر

یاس پیغمبر سارالدی

فاطمه سولدی سارالدی

گئتدی دنیادن پیمبر

یاندی داغ پیمبرده زهرا

قالدی دریای غملرد زهرا

شاه خیبر غسل وئردی

مصطفایه د یده گریان

وا محمد وا محمد

سسلدی معناده قرآ ن

د یو شورای سقیفه

باشلادی شوراده طغیان

یاندی داغ پیمبرده زهرا

قالدی دریای غملرده زهرا

فتنه سازی ائتدی ثانی

خوار اولا اسلام و امت

اود وورا درگاه وحیه

ایلیه غصب خلا فت

فاتح خیبر گشا دن

تا آلا بو بکره بیعت

یاندی داغ پیمبرده زهرا

قالدی دریای غملرده زهرا

اود ووروب باب جنانه

یاندیروب باب رسولی

میخ دردن سینه یا ره

سیندیروب دست بتولی

سقط.اولوب محسن ،غمینده

آغلادوب عقل و عقولی

یا ندی داغ پیمبر ده زهرا

قالدی در یای غملرده زهرا

• پنج شنبه
• 10
• تیر
• 1400
• ساعت
• 13:57
• نوشته شده توسط
• یوسف اکبری