اشعار مخصوص امام رضا

یومدی گوزون دهریدن
شاه خراسان رضا
وای جگری دوغرانان
ناطق قرآن رضا
.
.
مجلس مأمونیدن حالی پریشان چیخوب
من نئجه ذکر ایلیوم باغری اولوب قان چیخوب
گه اگیلور گه دورور قامتی چوگان چیخوب
بیر بئله بیر درده وای اولمادی درمان رضا
.
.
شیعه لرون قلبینی غصه آلوب درد آلوب
شاه خراسان غمی قلبیلره غم سالوب
اوغلی جوادین گوزی گور نئجه گریان قالوب
گون کیمی ائتدی غروب شمس درخشان رضا
.
.
اهل سما گویلره ویردی عزا پرچمی
فاطمه ای وای دئدی غم بورودی عالمی
باشلانوب افلاکیده ایندی رضا ماتمی
زهریله مسموم اولوب حجّت رحمان رضا
.
.
یاسه شه انبیا گور نه قدی خم گلور
سسلنور اهل سما صاحب ماتم گلور
یول وئرون الان یاسا حضرت خاتم گ

• سه شنبه
• 23
• مهر
• 1398
• ساعت
• 16:11
• نوشته شده توسط
• ابوالفضل عابدی پور

ای حامی بی کسان یادگار مرتضی
من سائل این درم یا علی موسی الرضا

الدّخیل – الدّخیل – از درم مران رضا
جان رضا – جان رضا – شاه انس و جان رضا

در سایهٔ پرچمت – آمدم امان بده
من نا توانم شها – بر دلم توان بده
خواهم به جان جوادت تو را قسم دهم
دست مرا هم بگیر – یا سری تکان بده

زار و سرگشته ام – ره بده نشان رضا
جان رضا – جان رضا – شاه انس و جان رضا

مولا انیس النّفوس – شهریار ملک طوس
کوی تو باشد بهشت – روی تو شمس الشموس
من کربلا را ز در بار تو گرفته ام
آن شب که در صحن قدس کردم از ادب جلوس

تذکره میدهی – بر همه عیان رضا
جان رضا – جان رضا – شاه انس و جان رضا

مولای من شاه من – ای امیدگاه من
بنگر چسان مانده بر – گنبدت نگاه من
خواهد شود رو سفید این غلام مو سفید
دست نوازش بکش – بر رخ سیاه من

من بدم – آمدم – بر تو میهمان رضا
جان رضا – جان رضا – شاه انس و جان رضا

«ترکی»
عالم گوزی سنده دی – ای امام مهربان
سالدی یاشیل پرچمون – باشیم اوسته سایه بان
قوساندا من گتمرم – ال اتکدن اوزمرم
سن بیل جوادون جانی – وئر بو مُرده جسمه جان

گلمیشم – بیلمیشم – وار سلام آلان رضا
جان رضا – جان رضا – شاه انس و جان رضا

زائر اوزاقدان گلر – روح آلار هَوَسلَنَر
دلدن مقدّس آدون – عاشقانه سسلنر
واردی عقیدم اگر – کیم بو یولدا ئولسه ده
دگسه شمیمون اونا – جان تاپار نفسلنر

سندن عیسی آلار – روحیلن روان رضا
جان رضا – جان رضا – شاه انس و جان رضا

• سه شنبه
• 20
• آبان
• 1399
• ساعت
• 10:19
• نوشته شده توسط
• یوسف اکبری

به سبک(صحرا صحرا دویده ام)

ترکی

مولا یا ثامن الحجج
قربان اولّام آدیوا
محشرده یابن فاطمه
بو جمعی سال یادوا

عشقوندن یا اباالحسن
اولدوم دیوانه رضا
سن شمع بزم عشقسن
منده پروانه رضا

آدون نه گوزلدی سنون
تقدیره رضاسن آقا
من حاجی عشقم و سن
حج ّ فقراسن آقا
یا ثامن الحجج ( ۲ )

درگاه بی نیازوه
خادمدور حور و ملک
درمانده سائلم آقا
قیل چاره ایله کمک

حسرتدن گورنجه آخور
اشکیم رخساره منیم
حیف اولسون چاتموری الیم
قبر دلداره منیم

گلزاریوه چاتسا الیم
جناته ده ناز ایدرم
قبرین باشینا دولانوب
عشقیله نماز ایدرم
یا ثامن الحجج ( ۲ )

فارسی

مولانا یا اباالحسن
گشتم دیوانه ی تو
کی می شود که پرزنم
بر گِردِ خانه ی تو

عمری درسایه ی شما
طی شد شام و سحر
لطفی کن صبح جمعه ای
مهمانم کن به حرم

از عشق تو من چه کنم
ای شافع روز جزا
خون شد دل اهل یقین
در حسرت کرب و بلا
یا ثامن الحجج ( ۲ )

• یکشنبه
• 25
• آبان
• 1399
• ساعت
• 17:56
• نوشته شده توسط
• یوسف اکبری

سلام ای شهریار ملک ایران
سلام ای حجت هشتم رضا جان

سلام ای قبله دلهای عاشق
کنار سفره ات سائل فراوان

غریبم دردمندم بینوایم
تویی درمان درد بینوایان

همه حاجات خود را از تو خواهند
تویی مشکل گشای دردمندان

به فریادم برس جان جوادت
نباشم وقت جان دادن هراسان

قسم ویردیم سنی اوغلون جواده
آلیشدی قلبیم اولدی نار سوزان

الیم بوشدی ئوزوم قاره نظر قیل
شماتتن قوتار ای شاه خوبان

در این دنیای پر آشوب و بلوا
مرا یاری کن ای یار ضعیفان

مرا مادر (رضا) نامم نهاده
که باشم نوکر شاه خراسان

• یکشنبه
• 25
• آبان
• 1399
• ساعت
• 18:12
• نوشته شده توسط
• یوسف اکبری

سبک : ای ساقی ما سرمستان ....

ای ساقی بزم عرفان
اجلالوه عالم قربان
سنه ای رضا جان ٬ جان فدادی جان جانانسان
آقا سن طبیب دردمندان درده درمانسان
مولا جانم مولا جانم

ای اختر برج عصمت
ای طوسی ائدن چون جنت
گلور عطر و بوی باغ جنت بارگاهیندن
نجه ال چکیم من بو حریم جان پناهیندن
رحمت سن سن جنت سن سن
مولا جانم مولا جانم

گنبدده اسور پرچملر
عشقینله ایشیق محفللر
بو جلال و شوکت یوخدی والله باغ جنتده
اولا بیلمز هیچ گل گلستاندا بو طراوتده
آی تک تکسن سن گویچکسن

جانلار سنه قربان مولا
وئر دردلره درمان مولا
سنه من دخیلم حاجتیم وار ائت روا مولا
بو قدر مریض بی طبیبه وئر شفا مولا
احسان ایله درمان ایله
مولا جانم مولا جانم

هر ئیل گلرم پابوسه
ساللام یولومی فردوسه
وطنیمدن آیری من غریب طوسه مهمانم
نقدر وار عمروم نوکر شاه خراسانم
دلداریمسن غمخواریمسن
مولا جانم مولا جانم

آللام حرمین آغوشه
تا اخذ ائلییم بیر توشه
آقا ایسته الله بیزلره بیر کربلا وئرسون
آقامین او آلتی گوشه قبری خوش صفا وئرسون
سن بیل زهرا ایسته مولا
مولا جانم مولا جانم

پایگاه حفظ و نشر آثار عباسی معروفان اهری

• دوشنبه
• 24
• آذر
• 1399
• ساعت
• 14:33
• نوشته شده توسط
• یوسف اکبری

دئنن قلم او شَهِ ولانون عاشِقِیم
سفیرِ معرفت و صفانون عاشقیم
بو دهریده هامی بیر نگاره عاشق اولوب
سووینورم بونا من رضانون عاشقیم

درده درمان آقادی
روحه ریحان آقادی
صدقیلن اتگین دوت
کنزِ احسان آقادی

رضا جانم رضا جانم۲

فدا اولا جانیمیز سنون سخاوتیوه
مرام و غیرتیوه جلال و حشمتیوه
یانان اورک تلسور غم و محن نن اسور
بو جمعی ایسته آقا گلاق زیارتیوه

نه تاب و دوزومیز وار
دلده چوخ سوزومیز وار
احسان ایله بیزه چون
قبرونده گوزومیز وار

رضا جانم رضا جانم۲

• شنبه
• 29
• آذر
• 1399
• ساعت
• 23:02
• نوشته شده توسط
• یوسف اکبری

نه اولار منده گلوب طوسیده مهمانون اولام
نه اولار زائر دربار خراسانون اولام

نه اولار پنجره فولاده دوشه بیر نظریم
ئولممیش شاهد گلدسته و ایوانون اولام

نه اولار قوش ڪیمی من صحن و رواقینده سنون
پر آچوب شاهدگلزار و گلستانون اولام

نه اولار بیر دولانام باشیوه پروانه ڪیمی
هم یانوب عشقیوه هم شمع شبستانون اولام

نه اولار بیر دوشنوب پای ضریحونده آقا
گوزی یاشلی اوخیوب نوحه نواخوانون اولام

نئچه مدتدی سنون درگهوین سائیلیم
نه اولار بیرگئجه ده خادم ودربانون اولام

سنی زهرا جانی گل دعوت ایله طوسیده من
بیر گئجه ریزه خور سفره احسانون اولام

چکورم مرقدیوین حسرتینی صبح و مسا
قویما حسرت او گوزل قبریوه ، قربانون اولام

دوزدی من عبد ذلیلم ولی شیدا یم آقا
ایسته پابوسیوه گل قویما پریشانون اولام

• شنبه
• 6
• دی
• 1399
• ساعت
• 20:53
• نوشته شده توسط
• یوسف اکبری

موهبت خالق سبحان من
عزت پاینده ایران من
علت مقبولی ایمان من
نطق گهر بار تو قرآن من
جان به فدای تو رضاجان من

شاخه طوبای خراسانی ام
قبله من،کعبه ایرانی ام
اشهد ان لک جنات عشق
ای حرم ات جنت رضوانی ام
صحن عقیقت شده رضوان من
جان به فدای تو رضاجان من

اذن دخولم بده غوغا کنم
دیده خود نذر تو مولا کنم
دل بکنم از همه دلواپسی
تا به ابد شاه تماشا کنم
ثامن العشقی و تو سلطان من
جان به فدای تو رضاجان من

زائر تو سرور لولاکیان
خادم کویت همه افلاکیان
شاه نشین حرم ات یا رضا
مسکن مسکین وهمه خاکیان
ذکرسلامی تو سلیمان من
جان به فدای تو رضا جان من

دست قضا از همه جا رانده ام
در حرم ات زائر درمانده ام
چشم امیدم ید بیضای توست
زخمی هجرانم و جامانده ام
این تو واین دیده عطشان من
جان به فدای تو رضاجان من

ای کرمت ناب تر و بی بدیل
حجت برحق خدای جلیل
دور مرانم تو به این یک دلیل
زائر کوی تو ام از اردبیل
شهرپرازشور دلیران من
جان به فدای تورضا جان من

شهر پرآوازه پر افتخار
اذن دخولم شده در کوی یار
شهر ابالفضل وحسین یک کلام
هانسی گروهین بئله مولاسی وار
اولدی بولار دنیادا جانان من
جان به فدای تو رضا جان من

وا اسفا سینه پر از غم شده
ذکر لبم غصه وماتم شده
همچو قفس پهنه عالم شده
حال دلم یک شبه برهم شده
ای کرمت شیشه درمان من
جان به فدای تو رضاجان من

هرچه کنم صبح ومسا من تلاش
پرشود این زندگی از آه وکاش
جای همه وعده ناخوش تراش
دولت تدبیر وامیدم تو باش
گل بدهد تا که گلستان من

گر تو شوی دولت تدبیر عشق
نیک نمایی همه تفسیر عشق
ضامن من آیه تطهیر عشق
دست من و دامن تقدیر عشق
بسته دخیل از غم وحرمان من

ای که تو را عشق بدلخانه نیست
چون تو کسی عاقل وفرزانه نیست
باور من قصه وافسانه نیست
چشم امید تو به بیگانه نیست
معنی هر سوره قرآن من
جان به فدای تو رضاجان من

گر توشوی دولت خوشنام من
شهد شود غصه وآلام من
ختم شود نیک سرانجام من
فسخ شود فتنه برجام من
کاش شوی باز نگهبان من
جان به فدای تو رضاجان من

باهمه حال پریشانیم
گوش به فرمانم وطوفانیم
سیدعلی رهبر نورانیم
اذن ویره منده سلیمانی ام
قصه شود قصه جولان من
جان به فدای تو رضا جان من

• دوشنبه
• 8
• دی
• 1399
• ساعت
• 23:37
• نوشته شده توسط
• یوسف اکبری

سبک :ای قلم سوزلرینده اثر یوخ
سبک :ای مجاهد شهید مطهر
سبک :کاروان رفته منزل به منزل

درگهونده گدايم رضاجان
سائلم بي نوايم رضاجان
سن هامي خلقه ايتدون كرامت
منده بير آشنايم رضاجان

اي رضا اي رضا اي رضاجان
روحیوه شيعه لر جاني قربان

اي پناه دل بي پناهان
اي ولي نعمت ملك ايران
دعوت ايله گليم پاي بوسه
بلكه درديم تاپا اوردا درمان

اي رضا اي رضا اي رضاجان
روحیوه شيعه لر جاني قربان

باخ بيزه اي خراسان اميري
فضلوون يوخدي والله نظيري
بيرسنه تيكميشم گوزرضاجان
اولموشام منده عشقون اسيري

اي رضا اي رضا اي رضاجان
روحیوه شيعه لر جاني قربان

سن گل گلشن مصطفاسن
هشتمين كوكب اولياسن
سنله معنا تاپوپدي كرامت
چاره مردم بي نواسن

اي رضا اي رضا اي رضاجان
روحیوه شيعه لر جاني قربان

قويما بوقلبي يارسين جهالت
ايتمه بو غم اسيرين خجالت
حاليمه رحمتون شامل ايله
سنكي آهوني ايتدون ضمانت

اي رضا اي رضا اي رضاجان
روحیوه شيعه لر جاني قربان

ميزبانسان آقا خوب و زشته
هجروه ديل اولوب رشته رشته
ويرمرم آند اولا ذوالجلاله
صحنووي صحن باغ بهشته

اي رضا اي رضا اي رضاجان
روحیوه شيعه لر جاني قربان

اي دوتان عرش وفرشي صفاسي
مشهدين وار بهشتي هواسي
دعوت ايله گليم پاي بوسه
سنده دي هامي دردين دواسي

اي رضا اي رضا اي رضاجان
روحیوه شيعه لر جاني قربان

سينمي درد و محنت آلوبدي
نوكرون اوزگه حاله قالوبدي
صورتين ايسلادوب گوزياشيلان
ياده باب الجوادي سالوبدي

اي رضا اي رضا اي رضاجان
روحیوه شيعه لر جاني قربان

دعوت ايله مني پاي بوسه
تا گله (آذرين)سمت توسه
كربلانين جوازين قيل امضا
تا ويرام مرقد شاهه بوسه

اي رضا اي رضا اي رضاجان
روحیوه شيعه لر جاني قربان

• شنبه
• 27
• دی
• 1399
• ساعت
• 18:14
• نوشته شده توسط
• یوسف اکبری

به سبک (ای قلم...)

داده گل شیعه شام عزادی
فاطمه ایندی غرق نوادی
چکدیلرعرشه قاره ملکلر
ماتم جانگدازِ رضادی
اهل جنت دیوردیده گریان
یارضایارضایارضاجـــــان

ای صباایله عزم مدینه
وئرخبرتئزجوادحزیـــنه
گل شهیدائتدی موسی الرضانی
طوسیده،ظلمیله زهر کینه
گل بوغمده ائله آه وافغان
یارضایارضایارضاجــــان

چوخ دیَردی الهی غریبم
غملیم،زارومحنت نصیبم
سن یتوراوغلومی باشیم اوسته
صون نفس گورمگه،بی نصیبم
گلسه سویراو زاروپریشان
یارضایارضایارضاجــــان

یاندی زهریله یکسر فٶادیم
عاقبت باشه یتدی جهادیم
ئولَّم آسوده غربتسراده
باشیمون اوسته گلسه جوادیم
سویلیَردمبدم دیده گریان
یارضایارضایارضاجــان

زهرکینه منه وئردی دشمن
اولمادیم ذرّه ایذادن ایمن
گرچه غربتده تک قالدیم الله
قانه غلتان ولی اولمادیم من
شیعه سسلرمنی سینه سوزان
یارضایارضایارضاجــــان

غم اگرچه منی ائتدی خسته
یاره لی قوش کیمی پرشکسته
چوخ بلادهریده گوردوم اما
چیخمادی قاتلیم سینَم اوسته
سسلیورآهیله کون و امکان
یارضایارضایارضاجـــــــــــان

سرورم ایندی من عالمینه
دردیدن گلمیشم شوروشِینه
خوشدی آخرنفسده اوره کدن
آغلیام شاه عطشان حسینـــــــــه
ایندی اوخشور منه شاه خوبان
یارضایارضایارضاجـــــان

• چهارشنبه
• 20
• اسفند
• 1399
• ساعت
• 21:55
• نوشته شده توسط
• یوسف اکبری

گلدیم گینه زیارته یا امام رضا
گوزتیکمیشم عنایته یا امام رضا
باخدون بو بی لیاقته یا امام رضا

ای پادشاه ماسوا یا امام رضا
عشقون منی چکدی بورا یا امام رضا
آدون ویرر قلبه صفا یا امام رضا

من بینوایم/غرق خطایم/عبد ذلیلِ/کوی رضایم

علی موسی الرضا جان

من روسیه بیر نوکرم یابن فاطمه
باخ گور نجه دیده ترم یابن فاطمه
بیچاریم ایله کَرَم یابن فاطمه

ای محرم اسراریمیز یابن فاطمه
ای دلبر و دلداریمیز یابن فاطمه
ای غم گونونده یاریمیز یابن فاطمه

گلدیم نوایه/باخ بوگدایه/بیر تذکره یاز/کرب و بلایه

علی موسی الرضا جان

فرزند پاک مرتضا اَیهاالرئوف
سلطان مُلک اِرتِضا اَیهاالرئوف
یا ضامن آهو رضا اَیهاالرئوف

من گلمیشم دیداریوه اَیهاالرئوف
گوزتیکمیشم ایثاریوه اَیهاالرئوف
احسان ایله زوّاریوه اَیهاالرئوف

سن سن پناهیم/امّید گاهیم/ مولا نظر قیل /ای دادخواهیم

علی موسی الرضا جان

من (بیکَس) و درماندیم یابن مرتضی
بو علّته مشهد دیم یابن مرتضی
اوز دردیمی سنه دیم یابن مرتضی

ای معدن جود و سخا یابن مرتضی
گُل آدیوه جانیم فدا یابن مرتضی
سائل لری قووماز آقا یابن مرتضی

سن مهربانسان/آرام جانسان/بو قلب زاره/تاب و توانسان

علی موسی الرضا جان

• جمعه
• 29
• اسفند
• 1399
• ساعت
• 21:37
• نوشته شده توسط
• یوسف اکبری

عزت خراسانه وئرن - ئوز عزّتوندی یا رضا
مست ایلین حو‌ری لری - اول تربتوندی یا رضا

شاهان دنیا یکسره خادم دیلر درباریوه
جنّت چکور منّت باخا اول گلشن و گلزاریوه
یوسف ئوزی مشتاقیدی گلسون سنین بازاریوه
بازار عشقی گرم ائدن - گرمیّتوندی یا رضا

صحنونده زرّین گنبدون گوندن منوّر گؤرسنور
اقلیم عشقون کعبه دن مین دفعه برتر گؤرسنور
جنّٰاتُ تَجْری آیه سی اوردا مصوّر گؤرسنور
قرآن دین باغِ بهشت - ئوز جنّتوندی یا رضا

مستغرقانِ محنته سن کشتیِ امّــید سن
مشرک ده آدلانساخ بیزه سن جلوۀ توحید سن
گون چیخماسین قوی شرقیدن سن عالمه خورشید سن
هوری خجالت ایلین - گول صورتوندی یا رضا

کیم آتسا کویینده قدم عمرونده گئتمز راه کج
شوت ایلین جانلار سنی کسب ایلدی مین فیض حج
نور آلدی نوریندن او کی لطف ائتدون ای نور حجج
ظلمت دیلی روشن ائدن - حجیّتوندی یا رضا

سن مهر عالم گیر سن مدیونیدی دنیا سنه
حفظ ایلدون حق بایراقین بحران ایچینده یک تنه
بیز ده اودور باش اَگمروخ هئچ قدرته هئچ دشمنه
حیثیّت ایرانه وئرن - حیثیّتوندی یا رضا

قبرونده الله رسم ائدوب آرامشون سیماسینی
آدون ده تعریف ایلیوب نعماتینون معناسینی
بیر قطره لطفون دولدورار حاتم لرون دریاسینی
دریا حدودین سیندیران - چون رحمتوندی یا رضا

اعلام ائدوبدور مصطفیٰ در باب اول زیبا حرم
واجبدی جنّت هر کسه گر قویسا اول ملکه قدم
مشهده گؤردوم جنّتی من، صدق طاهایه قسم
اوددان بیزی محروم ائدن - ئوز حرمتوندی یا رضا

• چهارشنبه
• 4
• فروردین
• 1400
• ساعت
• 19:38
• نوشته شده توسط
• یوسف اکبری

ای شه ملک رضا،عطری باهار سنده دی
قول دا نه وار کی آقا،هر نه کی وار سنده دی

دیل گرک اوّل درِ،رغبتینی باز ائده
گؤرمقه شاهین یوزون،چشم دگر باز ائده
وار نئیی سندن صورا،بو ئورگیم ناز ائده
ناز ائله وقریله سن،ناز و وقار سنده دی

شعله ی شمعونله من،باشلامیشام اؤز سؤزون
اولماسا قابل اگر،سن ده یازیم من دوزون
گنبدیوون جنسی یوخ،بلکه قیزیلسان اؤزون
زرگر اندیشه سن،کامل عیار سنده دی

هر گئجه یه خاتمه،نور سحردن دوشَر
ایستمه‌سن سن،دعا،گئتمز اثردن دوشَر
عاشقیوه باخماسان،آنی دَیَردن دوشَر
آل بو دیلی شاد ائله،چونکه بازار سنده دی

واردی یقینیم گؤرور،چشمِ گدابین لرون
دوگمه‌میشم هر قاپی،ردّ ائلدیم مین لرون
اولمادی قسمت منه،سویله گویَرچین لرون
بلکه سالا یول بیزه،حقّه شعار سنده دی

شمعیوون اطرافینه،جمله یانان دیل گلر
فوجیله بولبول سنه،باخماقا ای گول گلر
رسمیدی سلطانلارین،قاپسینا سائل گلر
قفل حوائج لره،تکجه آچار سنده دی

جنّتیدن هر سحر،واردی سلامون سنین
تخت ولا سنده دی،چوخدی مقامون سنین
ئولسه ده شاعرلرون،واردی دوامون سنون
حق کیمی جاوید سن،آیتِ یار سنده دی

وصل اولان ای رحمتی،ذاتِ حقِ سَرمَده
چوخدی دوگن بابیوی،باخ بو کلان درصَده
وئر ئورگین حاجتین،بیزده گئلَخ مشهده
یئر گزن آواره‌یم،کُنج و قرار سنده دی

• چهارشنبه
• 4
• فروردین
• 1400
• ساعت
• 21:56
• نوشته شده توسط
• یوسف اکبری

آدین روحه صفادی یارضاجان یارضاجان
هامی درده دوادی یارضاجان یارضاجان
گدایوخ آقا بیزه ائت عطا سنه جانیم فدادی
ولا شاهیسن باشیم تاجیسن سنه عالم گدادی
علی موسی الرضاجان علی موسی الرضاجان(2)

سنون زیبا مزارین ناز ائدر کّل بهشته
خراسان تپراقین وئرمم آقا دِیرُ کِنِشته
سنون مرقدین گوزل مشهدین صفای خاک ایران
یوزه اشک اَلَر دییر شیعه لر گوزل آدیوه قربان
علی موسی الرضاجان علی موسی الرضاجان(2)

آقا ایله عنایت کربلانی عاشقانه
گِئداخ بین الحرمده آغلیاخ بیز خالصانه
گُل باغ ولاسن عزیز کبریاسن آقا ایله عنایت
گئداخ کرب وبلایه او دشت پربلایه ائداخ مولا زیارت
علی موسی الرضاجان علی موسی الرضاجان(2)

• پنج شنبه
• 26
• فروردین
• 1400
• ساعت
• 11:58
• نوشته شده توسط
• یوسف اکبری

1- ای صبا بیزدن آپار شاه خراسانه سلام
الی سیننده دئنن حضرت سلطانه سلام
قبله آرباطان

2- عرض قیل گلمیشم ای خسرو خوبان قاپیوا
آل سلامیمی منیم صاحب بو خانه سلام
علی برادری هریس

3- کعبه و مشعر و میقات و منا، سنسن آقا
اوناخاطر دیروخ حج فقیرانه سلام
زین العابدین سفیدگری

4- آقاجان ایله کمک ایرانی حفظ ایلمه گه
قیل بیریم صاحبیمز حافظ ایرانه سلام
چلنگری هریس

5- یوزوی گوی او غریبلر شاهنین درگهینه
دم به دم سویله ولینعمت ایرانه سلام
حیدری امند

6- باغ جنتدی بیزه صحن سرای حرمین
عشقیلن عرض ائدوروخ روضه رضوانه سلام
جابر بشیری آرباطان

7- الیمیز چاتمورآقاجنت الاعلی حرمه
دیروخ بیزده اوزاخدان گل رضوانه سلام
روزبه بخشایش

8- اقاجان قسمت اله بیزده گلاخ مرقدیوه
الیاخ عرض ادب مظهر خوبانه سلام.
رحیم سلیمانی زاده

9- گینه چم گلدی توتوب گوزلریم ایسلاندی اوزوم
ائدیر اما سنه بیرلحظه بو دیوانه سلام
یعقوب لطفی تبریز

10- کاش بیر لحظه مسیحا نفسین شامل اولا
آرباطان اهلینه سیزده چاتا جانانه سلام
ابوالفضل داداش زاده مشهد

11- چیرپنیر سینه ده قلبیم گله پابوسه آقا
دعوت ائت بیزده وئراخ بیرده رضاجانه سلام
شیخی اهر

12- بیلیرم منده لیاقت یوخ اولام سوی حرم
پس اوزاخ دان ائدیرم گوهر ایرانه سلام
حمید سلطانی

13- درد سن سن سنین عشقوندی بیزی درده سالان
ای طبیباسنه ،درده، بیده درمانه سلام
سید علی حسینی تبریز

14- دییرم مرحمتیله بیزده ایله نظر
بیزدن هر لحظه اولا ضامن جیرانه سلام
حبیب لامعی هریس

15- آسِتانونده ادبله دایانیب عاشقلر
احترامیله وئرللر سنِ جانانه سلام
ناصر حسین زاده آرباطان

16- نازلی آهویه اولان ضامن و عشقین سببی
باجسی فاطمه،معصومه ی ریحانه سلام
علی غنی بخشایش

17- یوخ بیزیم معشوقیمیز غیر خراسان شاهی
بیزلر عاشیقدن اولونسون مه تابانه سلام
اسمعیل پو آرباطان

18- وعلیکم! بو گویرچینلریله گوندریرم
من رضا! سویله ییرم آذرِبایجانه سلام
یک شاعر گمنام از جانب امام جواب سلام را داده

19- شاه ایراندی رضا، مُلکه ویروبدور عزت
ای صبا لطف ایله بیزدن، شه ایرانه سلام
محمد اکبری آرباطان

20- ای گل گلشن زهرا شرف آل رسول
میوه ی قلب نبی شاه خراسانه سلام
حسن وقاری کلوانق

21- سال منیم بوینوما زنجیر دمیر پنجره ده
دردمندم، چاغیروم شاه خراسانه سلام.
علی بدری ارباطان

22- سرکوینده او شاهین اله تعظیم بلیغ
ادب ارکانیله اءت روضه رضوانه سلام
الهوردی صادقی اهر

23- آقا جان بیز گلروک درگهووه هر لحظه
دیلده ذکر ایلیروک شاه خراسانه سلام
جلال مردانیان هریس

24- قسمتیم اولسااگر بیرده گلم پابوسه
سسلرم عشقیله سلطان غریبانه سلام
ابوالحسن طالبی

25- ای صبا بیزدن آپار حضرت زهرا بالاسی
صاحب جود و کرم شاه خراسانه سلام
اکبر اخگر بخشایش

26- ملجأ درماندگاندور حرمون یا ثامن
ای صبا بیزدن آپار ضامن دورانه سلام
محمد صادقیان

27- گل و گلزاره سلام، جنت و رضوانه سلام
صبح و عصر عرض ائدروخ مشهد ایرانه سلام
باقر ریاضی بخشایش

28- یابن الزهرا آ ناوون حرمتی عباسی یه ده
ویر اجازه چاغیرا صاحب احسانه سلام
عبدالوهاب عباسی اسکو

29- گنه گوگلوم قوشی او ملک خراسانی گزور
آلا تا وعده جنت شه رضوانه سلام
محمدرضا یوسفی آرباطان

30- هرکیم ایستر کی اولا طالب جنت آقا جان
بویوروبسان کی وئره خواهر سلطانه سلام
ابوالفضل داداشپو آرباطان

31- گلیرم گوز یاشینان حج فقیرای ساری
دئییرم شوکتیلن حج فقیرانه سلام
حامد روحی تبریز

32- مشهدين توپراقينى سرمه ائديب، چك گؤزوه ،
گؤزؤوين نورى چوخالديق جا دِء سلطانه سلام
محمود اكبرپور آرباطان

33- سیزسلام‌عرض‌الینده‌‌، سیزه ‌ناظردی آقام
دییر‌هر‌لحظه‌آقام سیز کیمی مهمانه‌ سلام
ابراهیم نورالهی قم

34- طوسه چاتمورال اوزاقدان یوزیمی دوندرَّم
سینه ده ال دیَرَم منده یانایانه سلام
روح اله اسماعیلی(منادی) آذرشهر

35_سن اماملار آراسیندا تاننان خلقه رئوف
رافت ایله دیرم صاحب احسانه سلام
حر محمودی

36_بیسوادم وره بلمم تشخیص بیتی مصرادن
گویلیم ایسترالیم شعریله مولایه سلام
جعفر سلطانی آرباطان

37_ یوخدی دنیاده اونون مهرو عطوفتده تایی
گوندرک عزتله صاحب عرفانه سلام
حسن بنایی

38_ اقاجان اولمادی قسمت که وصاله یئتیشم
پس نمروردن اولا جلوه ی جانانه سلام
محمود پور خیراله نمرور

39_ ای رضا (ع)سنده بیزه بیر نظر ایله کی گَلاخ
اِلیاخ عرض ادب شاه خراسانه سلام
امیررضا جوانی قم

40- ای کی حیرتده قویوب بارگهون دنیانی
سن امیرالامرا شاه غریبانه سلام
یعقوبعلی جمالی قم

41- قوزورا باش گویه اول وئرم اللهه سلام
سونرادا شمس شموش، شاه خراسانه سلام
محمد کشاورز کلوانق

42- جمکراندادئدی‌کی‌یوسف‌دوران‌،کی‌دئین
آپارا باد صبا یعقوب کنعانه سلام
مهدی داداشپور قم

43- گرچه آهو دییرم لیک گرفتارم آقا
ضامن اول تا کی دئیدیم ضامن جیرانه سلام
یحیی گوهری بخشایش

44- تا اورک دولسا کدردن نجه طاقت گتیریم
نجه آرام الییم غملی نهانخانه سلام
سلام سعید هلالی بخشایش

45- شهریارسخن وملک ادب پروردن
چون صبا قامتی تک سویله،ادیبانه سلام
بهلول داداش پور آرباطان

46_ سو ایچنده حرمینده یاده سالام باباوی
سوکنارینده باتان قانینه غلطانه سلام
حاج آقا دهقانی مشهد

47_من شفاعتده امیدم سندور یابن امام
مظهر لطف و عطوفت، گل ریحانه سلام
مرتضی شرفی قم

48_ قم دیارینده اولان کان کرمدور باجیسی
طوس ارضینده اوزی شاه غریبانه سلام
علی حاج اسدی تبریز

49_ هامیلار عرض ارادت یتیروب جانانه
بلکه بیزدن ده اولا سرور جانانه سلام
رسول تحفه نمرور

50_ هانسی شاهین مگر آیا بئله بیر دولتی وار؟
دئییرم منده اوزاخدان شه دورانه سلام
اصغر اسدی

51_ال سینمده آقاجان من الییرم تعضیم ،
ارباطانان دیرم شاه خراسانه سلام
یعقوب یوسفی

52_ کیمه سنن سورا من دردیمی اظهار اله ییم
ای بیلن سیریمی نا گفته رضا جانه سلام
حسین داداشپور آرباطان

• سه شنبه
• 21
• اردیبهشت
• 1400
• ساعت
• 15:07
• نوشته شده توسط
• یوسف اکبری

ولادت گونونده به لطف خدا
امام زمانه ائله اقتدا
خراساندا زائر لره همصدا
اوتانما الین آچ مثال گدا
دئنن یا علی بن موسی الرضا

بومولود مه پاره و مه لقا
ائلیکی ملبّس اولوب قنداقا
طلعلع ائدیب گون کیمین آفاقا
قدومی شرافت وئریب تپراقا
اگر واقعاً آختاریرسان شفا
دئنن یا علی بن موسی الرضا

اگر حاجتین وار روا ائتماقا
چتین دردین اولسا دوا ائتماقا
ئوزون نفس الیندن رها ائتماقا
امام زمانین دعا ائتماقا
بدون ریا فاقد ادّعا
دئنن یا علی بن موسی الرضا

بو گون بو قاپیا گلن سائله
عطا ائیلیلّر شهانه صله
بو احساندا قویمازلا گلسین دیله
عطا ایسته سن معرفت کسب ائله
گئدیب مشهده ایسته بیر کربلا
دئنن یا علی بن موسی الرضا

اورک یولّاریلان گئدن بنده اول
نه اغیاره یالوار نه شرمنده اول
امام رئوفه پناهنده اول
بویوکلر پناهنده دی سنده اول
بو سوداده ئوز نفسین ایله فدا
دئنن یاعلی بن موسی الرضا

آدی متّصلدی بوتون برهانا
که وابسته دی ریشه دن قرآنا
خانم فاطمه گوندریب ایرانا
مجوّز یازا جنّت رضوانا
بهشت ایسته سن التماس دعا
دئنن یا علی بن موسی الرضا

گلنده خراسانه بیر گون امام
گوروب شهرلرده بویوک ازدحام
نماز جماعتلر ائتدی اقام
ولایه اؤزون شرط اودیب والسّلام
اگر شیعه لیق دِینین ائتسن ادا
دئنن یا علی بن موسی الرضا

بو کشورده سانما غریبانه دی
که هر بیر لحاظینده شاهانه دی
بو ملّت پناهنده عنوانه دی
امام رضا صاحب خانه دی
آچیب اوزلره باب دولتسرا
دئنن یا علی بن موسی الرضا

فدایم اورکدن جوشان احساسا
ولایت سوزی نقل اولان اجلاسا
دعالرده کی لحظه ی حسّاسا
ولی افّ اولیدی بنی عبّاسا
ایله حالینه دلدن آه ونوا
دئنن یا علی بن موسی الرضا

بو دنیای پر فتنه و پر فریب
علی آلینه هر جفا گوستریب
ایچیب زهر کینه ولیکن غریب
باخیب کربلا سمتینه جان وئریب
که یعنی حسینه دوتاندا عزا
دئنن یا علی بن موسی الرضا

• چهارشنبه
• 29
• اردیبهشت
• 1400
• ساعت
• 21:48
• نوشته شده توسط
• یوسف اکبری

دلا مشتری اول ولا عشقینه
وئرر صادق عاشق بها عشقینه

حریم نگاره قویانماز قدم
اوکی قاتدی ریب و ریا عشقینه

خیالیم زبسکه پریشانیدور
سیزیلدیر اورک پیشوا عشقینه

الیمدن گئدیبدور ولی نعمتیم
قرا گئیمیشم مقتدا عشقینه

خراساندا قوشلاردا قاره گئیوب
دوتوبلار یاس اول باوفا، عشقینه

یئری واردی قان آغلاسا گوزلریم
علی ابن موسی الرضا عشقینه

منیم هرنئییم وار بو مولا وئروب
گره ک جانیم اولسون فدا عشقینه

(سرابی) ئولونجه توکر گوزیاشی
ائدر بزم غمده نوا عشقینه

• سه شنبه
• 11
• خرداد
• 1400
• ساعت
• 16:36
• نوشته شده توسط
• یوسف اکبری

پروردگار لم یزله بنده دور رضا
دنیاده همچو شمس فروزنده دور رضا

نور ولاسی ملک خراسانی دولدوروب
مهر و محبتی بوتون ایرانی دولدوروب
سهو ایلدیم نه ایرانی٬دنیانی دولدوروب
عطر وجودی کل دل و جانی دولدوروب
مهر عالمینده اختر تابنده دور رضا

عشق اهلینه مقدس حریمی صفا وئرر
گلدسته گنبدی دله آیری ضیا وئرر
بیماره بیر نظر باخا مولا شفا وئرر
دلدادگانه تذکره کربلا وئرر
ایرانیده حسینه نماینده دور رضا

چوخلار دیورله شیعیه مرد پرستیسوز
ایراد ائده نلره دیورم پست پستیسوز
سیز باده جفائیله دنیاده مستیسوز
دنیا سوزوندا اولسا اگر ورشکستیسوز
درک ائتمیسوزکی ئولمیاجاق زنده دور رضا

کور اولمیسوز جلالتینی گورمیسوز مگر
شأن و شکوه و شوکتینی گورمیسوزمگر
عشاق ایچینده عزتینی گورمیسوزمگر
مشهده‌ده کوی وحدتینی گورمیسوزمگر
تاحشراولونجا زنده و پاینده دور رضا

کیم گورمسه جلالتینی بد سرشتیدور
ویرانه دور سرای دلی خاک و خشتیدور
زنگالیله دولوب اورگی بسکه زشتیدور
هر گوشه‌سی حریم رضا نون بهشتیدور
جناتیدنده دهریده زیبنده دور رضا

• چهارشنبه
• 12
• خرداد
• 1400
• ساعت
• 11:48
• نوشته شده توسط
• یوسف اکبری

ای گل باغ ولایادگار مرتضی ( یاعلی موسی الرضا2بار)
جان ما برتوفدا یاعلی موسی الرضا یاعلی موسی الرضا
ای به دردم آشنا ( یاعلی موسی الرضا 3بار)
ای رضاجان ای رضا ( یاعلی موسی الرضا 3بار)

زادة خیر النّسایی صاحب لطف وعطا
نور چشم مرتضایی مظهر جود وسخا
عبد محبوب خدایی شیعیان را مقتدا
وارث آل عبایی یاعلی موسی الرضا
ای به دردم آشنا ( یاعلی موسی الرضا 3بار)
ای رضاجان ای رضا ( یاعلی موسی الرضا 3بار)

روزمیلاد عمویتان علیّ اکبر است
آنکه زیبا صورتش چون صورت پیغمبر است
خلق و خویش چون پیمبر بر جوانان سرور است
او ز نسل حیدر است و صفدر است و دلبر است
روز عیداست ای آقا، لطف کن عیدی به ما،
(یک جواز کربلا2بار)
ای به دردم آشنا ( یاعلی موسی الرضا 3بار)

ما همه مهمان تو، ماگدای خوان تو، جان ما قربان تو
درجهان سلطان تویی،بهرماجانان تویی ،جسم ما را جان تویی
مظهر جود و سخا ، یاعلی موسی الرضا
ای به دردم آشنا ( یاعلی موسی الرضا 3بار)
ای رضاجان ای رضا ( یاعلی موسی الرضا 3بار)

چوخ اوزاخ یولدان آقا ، گلمیشوخ دیداریوه
بیز هارا جنّت هارا ، گلمیشوخ دیداریوه
دردیمه ائیله دوا، گلمیشوخ دیداریوه
ای به دردم آشنا ( یاعلی موسی الرضا 3بار)
ای رضاجان ای رضا ( یاعلی موسی الرضا 3بار)

نیمة شعبان گلیر ، عالمه سلطان گلیر، عالمه سلطان گلیر
حضرت صاحب زمان، حامی قرآن گلیر، حامی قرآن گلیر
بیر آدی ابن الرضا،مهدی دوران گلیر،مهدی دوران گلیر
جان مهدی ای شها ، لطف کن براین گدا،یک جواز کربلا
ای به دردم آشنا ( یاعلی موسی الرضا 3بار)
ای رضاجان ای رضا ( یاعلی موسی الرضا 3بار)
ای به دردم آشنا ( یاعلی موسی الرضا 3بار)

• پنج شنبه
• 27
• خرداد
• 1400
• ساعت
• 15:48
• نوشته شده توسط
• یوسف اکبری

ای بارگاهِ اَقدسی دارُالشَّفا رضا
وی مَعدن عُطوفت و مِهرو وفا رضا

ایران سنیله شیعه لَره اولدی پایتخت
سن ائتموسن بو تپراقا قیمت عطا رضا

سن ایلَدون او مَرو بیابانلارین بهشت
سنله تاپوبدی مُلک خراسان بَها رضا

ای شاه انس وجان هامی مُشتاقیدور سنه
قبرونده واردی نِکهت کرب و بلا رضا

زَوّاروون مَشامینه عطر جِنان گلور
داخل اولاندا صَحنووَه ، ای مُقتدا رضا

دنیا تَعلُّقاتی بیزی بَنده چَکسَه ده
یاددان چیخار حَرمده بُتون ماسَوا رضا

اولدی دَخیل کیمسه گوزل بارگاهووَه
بی شُبهه آلدی دردینه سندن دوا رضا

بیزده دَخیلووک آقاجان یَابنَ فاطمه
شَه آستانینه گَلر هَر دَم گدا ، رضا

دنیایه سالدی بیر کرونا گور نَه وَلوله
هرکس اَمان گَزور ئوزونه ای شَها رضا

بو مملکت که هر یری مَنسوبیدور سنه
اولمیش همین بَلایه اودا مُبتلا رضا

نِسگیلدی بیزلَره حَرمون بوش قالوب آقا
بوینون قویوبدی چیگنینَه اهل ولا رضا

وئرم ایکی جوانه قسم یَابنَ مرتضی
بیلّم عزیزیدور سن ایچون یا رضا رضا

سن بیل جوان ئولَن نَنووین قاره مَعجری
سن بیل جوادووِین او جوان جانی یا رضا

رحم ایله قویما شمع عَزاخانه لَر سونه
ایرانیدن ئوزون ائله دَفع بَلا رضا

سیز اهلبیته ملّت ایرانین عشقی وار
حاجتلرین کَرمله سن ایله رَوا رضا

(نادر) قاپوزدا عمر بویی جیره خواریدور
حَقّ ارادت ایستیور اولسون اَدا ، رضا

• جمعه
• 11
• تیر
• 1400
• ساعت
• 18:15
• نوشته شده توسط
• یوسف اکبری

السّلام اى بارگاهى عالمون پيرايه سى
السّلام اى دوستانون معنوى سرمايه سى
اى امام هشتمين وى خسرو خوبان رضا
السّلام اى جمله بى يار و معينون دايه سى
اى حريم دلرباسى زائره دارالسّلام
وى محبّون وقت سختى نيكخو همسايه سى
سائلم اوز دوتموشام السّاعه باب رحمته
السّلام اى زهريله مسموم دينون پايه سى
بى جواب ايتمز امام عالمده اوز مخلصلرين
خوشدى گر دوشسه گدالر باشى اوسته سايه سى
ملجأ و امّيدميزسن گلمشوك درگاهوه
بوش يولا سالماز برين ئوز جدّينون همپايه سى
عاصى و شرمنده بير عدّه سلام ايلور سنه
گوشه ى چشمونله باخ اى نصّ قرآن آيه سى
طاير روحيم گزر دائم ضريحون دورينى
عالمه اعلان ايدر مأمون ظالم جورينى

نايل اولدى ظاهراً مأمون اگر آمالينه
هاردا دور باخسون شه والا تبار اجلالينه
جيفه ى دنيا او ملعونى عجب اغفال ايدوب
لعن ايدر اوز ياتديقى ير تا ابد افعالينه
مست ايدوب مأمونى گور نه تاج و تخت عاريه
غرق اولوب فاسق خيال و بى ثمر اعمالينه
دور تماشا ايله شاهون درگه و دربارينه
ايليور فردوس غبطه بو يرون اقبالينه
دسته دسته شوط ايدر زوّار قبر اطهرين
من بكا و او تباكا ايليور احوالينه
شعله ى آه محبّان اود سالوبدى عالمه
شورش و غوغا ايدرلر خصمون اضمحلالينه
حرمتى واجبدى هر ياندا غريب اولسا قوناق
گلمدى رحمون نيه بى سرپرست اطفالينه
مكر و تزويريله دعوت ايلدون مهمانوى
ناجوانمردانه سنديردون نيه پيمانوى

ياديمه سالدى بو سوز بر آيرى مهمانون سوزين
كربلا مهمانی سلطان لب عطشانون سوزین
میزبان گوردی کمینینده یاتوب روباه تک
شیر خواره اوغلینا اورگتدی پیکانون سوزین
شاهزاده اکبرین گتدی کفن پوش ایلدی
مکتب عشق ایچره تدریس ایتدی جانانون سوزین
سالدی بیر طوفان اعظم وادی عشاقده
گتدی ایجاده او یرده عهد و پیمانون سوزین
نخل ایمانی دیدی قانیله سیراب ایلیون
زمزمه ایلوبدور عبّاسه نیستانون سوزین
ال چکوب اهل عیالندن خیامه باخمادی
تاپشوروب اللّهه هر بیر دیده گریانون سوزین
ایتدی سرعتلن وداع بلقیس رو اطفالنی
زینبینه آندیروبدی لیل هجرانون سوزین
به "صفا" تاپمش قریحون گور نجه حد کمال
کلک زرّینون قویوبدور حسن شعره طرفه خال

• سه شنبه
• 5
• مرداد
• 1400
• ساعت
• 10:53
• نوشته شده توسط
• یوسف اکبری

سلطان دین موسی الرضا مهمان جاناندی
بو شبده خاک طوسیده شام غریباندی

زهریله مسموم ایلدی ماموم او مولانی
یخدی بو گونده اول دنی ارکان ایمانی
آغلاتدی هجرینده بو گون جمله احبانی
یاسه باتوب یر گوی بو گون چون بیت الحزاندی

زهر جفا روشن گونون چکدی شب تاره
گل تک سارالدی عارضی اولدی جگر یاره
ال سینده یرده یوزی باخ اول دل افکاره
حشره کیمی بو غصه دن دللر دولی قاندی

جنتده بو ظلم ایلدی زهرا گوزون آغلار
بو غصده پیغمبروحیدر سینه داغلار
غربتده کیم ئولسه غریب کیم گوزلرون باغلار
بو غمده نه تحت اسما فوق الثری یاندی

سویلردی عرشه اوج ائدر بو قلبیده زاریم
زهریله روشن گوندوزوم اولدی شب تاریم
الله جوادیم گلمدی کیمسه اولار یاریم
عرشه بو ناله اود سالوب اود دوتدی اودلاندی

سسلردی جان اوسته اوغول من انتظارم گل
زهریله یاندی لبلریم من زخمدارم گل
هجرانیوه یوخدور دوزوم من بیقرارم گل
گورسم سنی بو صون نفس جان ویرماق آساندی

آگاهسن الله منیم قلبیمده رازیمه
غربتده یوخدور بیرکسیم باخ بو نیازیمه
گوندر جوادی حاضر ائت دورسون نمازیمه
ئولسه آتا، اوغلی گلر بو رسم دوراندی

صدقیله کیم سسلر آدون حاجت روا ایلر
یا آند ویرسه اوغلونا دردین دوا ایلر
قبریندن اوتری «صادقی»آه و نوا ایلر
بیرده بقیعدور حسرتی ، هجرینده سوزاندی

• چهارشنبه
• 6
• مرداد
• 1400
• ساعت
• 20:21
• نوشته شده توسط
• یوسف اکبری

باشلاسام غم سوزونی مرغ دلیم زار اولماز
کیم گله بزم عزایه روحی بیمار اولماز

کیمسه الله یولونا گئتسه جهاندا حاشا
دام شیطان رجیمه بیل گرفتار اولماز

بیز حسین عاشقیوخ سوزلریمیز خنجردی
کربلا بیزلره جاندی بله دربار اولماز

ضامن آهو خراساندا یاتوبدی یارالی
سسلیه کیم بو اقانی دنیادا خار اولماز

شور و عشقی دوتوب هر یانی ورمیش زینت
عشقی رایجدی جهاندا بله بازار اولماز

سوزی کوتاه ایلیم اصل سوزه یول سالورام
یاعلی وردیم اولوب یازماقا قدرت آلورام

هیچ کیمسه غریب اولیکده رضا تک ئولن اولماز
مظلوم بو اقا مثلی امام زمن اولماز

دعوت اولونوبدی اقامیز شاه خراسان
بیلدی اقامیز گیتسه الینده رسن اولماز

قصر ایچره چاتوب صحبت ایدیب گتدیلر انگور
مامون کیمی بو دهریده پیمان شکن اولماز

تارف الیوب خوشه ی انگور او ملعون
تا میل ائده بو زهری، بیله زهر ییئن اولمار

میل ایلدی اما جیگری یاندی اولحظه
عرض ایتدی که ظالم بله زهردن لبن اولماز

یوز دوتدی بقیعه دیدی گل ای ننه زهرا
سن چاتمیاسان دادیمه جز سن گلن اولماز

سن ظلم اوتونا منده به زهره یانیرام گل
قلبی یانان اولماسا بو حالی بیلن اولماز

بیلمزدیم انا گر غریب ئولسه باشی اوسته
زولفون یولا آهیله و گوز یاش توکن اولماز

بیلمزدیم انا غربت اولارمیش بو قدر سخت
ال قوینودا کیم قالسا گلوب نازچکن الماز

طوفان زده دریا کیمی حالی پوزولوبدی
بو حالیده اوغلوم یانیمدا ندن اولماز

گه یول گیدوری بیر قدم و گه یخیلور تئز
هانسی ننه بو حالیده اوغلون گورن اولماز

سسلندی محمد بالا گل جان ورورم من
سن گلمیسن یاسه گلوب یا گیدن اولماز

بیردن دیدی مظلوم حسین نیلدون آیا
یالقوز قالانا دوزدی که هیچ غم یین اولماز

یرده سورونور مثل حسین کرب وبلاده
قلبی سوکولوبدور بونون حالین بیلن اولماز

واردور اورگیمده نقدر سوز باشا گلمیر
زینب نقدر سسلوری گل ، قارداشا گلمیر

بیردن دیدی ای مظهر ایمان ننم اوغلی
آچ گوزلریوی غمکش دوران ننم اوغلی

آز سینوین اوستونده سورون سینوه قربان
سینون یارالی، باش یارالی جان ننم اوغلی

دورما یاپیشان یوخدور ایاقه یخیلارسان
دنیا بیله ای کاش اولا ویران ننم اوغلی

وورمیش بوغازان نیزه سنانین الی سینسون
قویمور چیخا جان جیسمیدن آسان ننم اوغلی

بسدی ئوزیوی زحمته سالما باجی قربان
اوخلار ایلیوب سینوی شان شان ننم اوغلی

بسدی دا سورونمه سینوین اوسته حسین جان
بیچاره باجون جانیوه قربان ننم اوغلی

گوزله باشیوی قوزاما یردن داش آتولار
آنیوا دیوب داش توکولور قان ننم اوغلی

عباس نه اولاردی گله امدادیمه ایندی
باشیمه نه گلدی ائدم عنوان ننم اوغلی

گر اولماسا نامحرم الان باش آچارام من
حیف یوخدی بو یرده منه امکان ننم اوغلی

قارداش باجیلیق رسمی نه خوش رسمیدی قارداش
سن سسله باجی منده دیوم جان ننم اوغلی

دوتقون سسیله زینبیوی سسله دوباره
صوتون گتیره روحیمه ریحان ننم اوغلی

اوچ یاشدا قیزون ایستدی گلسون ولی ناگه
شمری گوروب اولدی پشیمان ننم اوغلی

خوش یات ولی گورسن ننمی سویلگینن که
ئوز یانینه قیلسون منی مهمان ننم اوغلی

دون قبلیه ساری سنه قربان یارالی ، تا
قاتل کسجک باش اوخی قران ننم اوغلی

سن گون سن حسین منده سنه بیر آخان اولدوز
اولدوز باتار آی اولماسا تابان ننم اوغلی

سینون یاراسی هربیری گوزدی اورگیندن
گورسن داغیلور کون و امکان ننم اوغلی

• جمعه
• 15
• مرداد
• 1400
• ساعت
• 20:00
• نوشته شده توسط
• یوسف اکبری

مروی که طور ایلیوب
غرق به نور ایلیوب
مهر رضادور که هر
قلبه خطور ایلیوب

گل نوهٔ فاطمه
بنزری وار خاتمه
درس کرامت وروب
روحی یقین حاتمه

ای شه خوبان رضا
قبریوه قربان رضا
قبریویلن جنته
دوندی بو ایران رضا

قربان اولوم خوانیوه
سفره احسانیوه
گوز تیکوب اهل جهان
لطف فراوانیوه

لطف خدا سنده دی
دار شفا سنده دی
بیرجه نگاهیله مین
درده دوا سنده دی

صاحب باب کرم
صحن و رواق حرم
قیل بیزه ده بیر نظر
ای هامی دان محترم

بیزده نجات ایستروخ
هم درجات ایستروخ
کرب و بلا شهرینه
برگ برات ایستروخ

عمری فنا دنیادا
ورمیشوخ الحق بادا
قبره گیدن وقتیده
سنده بیزی سال یادا

الده "امینی" کتاب
یازماقا ایلور شتاب
یولار ایچینده گوزل
بیر یول ایدوب انتخاب

• جمعه
• 22
• مرداد
• 1400
• ساعت
• 17:21
• نوشته شده توسط
• یوسف اکبری

السلام ای شه ملک خراسان رضا
وی منور مه عالم امکان رضا
نور پخش ایلوسن چهرهٔ دنیایه سن
سبط پیغمبر ای مظهر یزدان رضا

ای آدی رونق اهل کمال اهل دین
فخر ایدور ای شه دین هامی ایران زمین
نور سندندی ای ابن محمد امین
سنله مدهوش اولوب موسی عمران رضا

فقر لر کعبه سی جداً اولوب عرض طوس
اهل عالم سنه ایستور اولا پای بوس
دهمین نورسن خلقته شمس شموس
هشتمین نوبر خالق رحمان رضا

ملک ایراندا بیر دارالشفا سنده دور
اهل دنیا مریض اولسا دوا سنده دور
ایندی هر کیم تاپا حال و هوا سنده دور
سن آچوبسان بیزه سفرهٔ احسان رضا

سن بیان ایتموسن کلمهٔ یا هو آقا
روح سندن تاپوب هر جهت هرسو آقا
اولدون اولدم که سن ضامن آهو آقا
عهد باغلبدی بیر گبر و مسلمان رضا

گلسین آهو غرض صیادا وردون سن ال
یالواربسان حقه دوز چخا قول و عمل
گیتدی آهو گلوب ای شه شیرین غزل
یتدی پایانه اول عهدیله پیمان رضا

سن سراسر هامی کونه صفا ورموسن
صدقیلن با صفا عهده وفا ورموسن
چوخ مریض لر گلوب درده دوا ورموسن
ای اطبالره سایه لی لقمان رضا

بیرده گلمز سنون عالمه مثلون نقیب
گلدی هر کیم اونا اوّل اولوبسان حبیب
ای خراساندا درد اهلینه شانلی طبیب
من او نسخه یازان اللره قربان رضا

سن که اولدون آقا محرم اسرار دین
لطف ایله نسخه یاز اللری ای یار دین
قول وروخ اولاخ بیزده طرفدار دین
یار دیرینه میز شاه شهیدان رضا

شامه بی دین یزید کوفه ده ابن زیاد
یغدیلار مردمی وردیله حکم جهاد
کربلا ده عدو ایلدیلر اتحاد
اولدی مغلوب اودور لشگر قرآن رضا

ویردیلار اود شهین خیمه اجلالینه
باخ خانم زینبین باشدا عزا شالینه
اولمادی بیر یانان قیزلارین احوالینه
قالدیلار بی کس و واله و حیران رضا

قلبیم ایلر نوا دائماً آغلار یانار
لیک چوخلار اونی قلبیمه آسان سانار
سن "امین" ایتمه غم شعریوی هر کیم قانار
آغلار آغلار دییر جان سنه قربان رضا

• جمعه
• 22
• مرداد
• 1400
• ساعت
• 17:40
• نوشته شده توسط
• یوسف اکبری

ای رضا ای حامی قرآن سلام اولسون سنه
وی اولان قرآنه پشتیبان سلام اولسون سنه
آستانوندا یاتیر مینلر قوناقون صدقیلن
ای ایوی کاشانه سی رضوان سلام اولسون سنه

ای رضا ای دم ویرن عیسی مسیح مریمه
وی ایدن اجدادی غمزه ناز آب زمزمه
جان فدا اولسون سنه سن شاه سن بو عالمه
جان رضا ای جان جاویدان سلام اولسون سنه

ای رضا ای فجر صادقدن بیزه روشن یوزی
وی گیچن الله یانیندا قصدی قولی هم سوزی
هیچ یایلمبدور حریم دین دن یاتماز گوزی
ای امام ای روحیوه قربان سلام اولسون سنه

ای رضا ای هشتمین نور خداوند جلیل
اولموسان روشن ترین اهل جهانه سن دلیل
گر دیسم درگاهیوه خادم یارانمش جبرئیل
سن سن اسلامه ملک دربان سلام اولسون سنه

ای رضا ای نور مطلق سایه لی شمس شموس
مدفنون ملک خراساندور اوزون سلطان طوس
اولماسام من قبریوه مولا الونجه پای بوس
قلبمی ایلر بو غم شانشان سلام اولسون سنه

ای رضا ای قلبی غم دریاسینه تبدیل اولان
گلشن زهرانین آچقین گللری بیر بیر سولان
جدینین قانی یارالاردان آخان گودال دولان
حق اوزی ایتسین اونا دیوان سلام اولسون سنه

ای رضا ای جدی نقش اولموش او قانلی مقتله
بیر ایچیم شهد شهادت یاریدن آلدی اله
قوی دیدی شمرین جزاسی محشره قالسین هله
انتقام ایلر خدا اوندان سلام اولسون سنه

ای رضا انسان"امین" اولسا اونین محتاجیم
من غم مولا حسین بن علی آماجیم
کعبه عشقیمدن اوپسم منده کامل حاجیم
قویمارام الدن دوشه دیوان سلام اولسون سنه

• یکشنبه
• 24
• مرداد
• 1400
• ساعت
• 10:58
• نوشته شده توسط
• یوسف اکبری

گل اوغول طوسیده مظلوم اولورم
اولموشام گور نئجه مسموم اولورم
غم گونی غمخواریم اوغول
گل اوزون اول یاریم اوغول

گوزلریم گوزلیر اوغول ایمدی سنی
یاده سال بو قوجا وقتیمده منی
زهر وئردی منه مأمون دنی
گل اوغول طوسیده مظلوم اولورم

سالدی دیلد‌ن منی زهرین اثری
درک قیل سنده بو خونین جیگری
خوشدور اولاده آتا دردسری
گل اوغول طوسیده مظلوم اولور‌م

گلمدی یانیمه معصومه باجیم
آغلییئیدی من مسمومه باجیم
قالدی حسر‌ت منه مظلومه باجیم
گل اوغول طوسیده مظلوم اولورم

• جمعه
• 5
• شهریور
• 1400
• ساعت
• 11:34
• نوشته شده توسط
• یوسف اکبری

مشکلده یم اِی شاه خُراسان مَدد اِیله
ای پاک آدی هر دَردیمه دَرمان مَدد اِیله

یازسا قلمیم هر نَقَدر شأنیوه چاتماز
وصفینده قالار واله و حِیران مَدد اِیله

گلدسته لَرین نور سَپیر عرشیله فَرشه
عالم سَنه مُحتاجیدی هر آن مَدد اِیله

سن سن رِه حقّین آقاجان شرط و شُروطی
سن سن ائله ین مشکلی آسان مَدد اِیله

دنیا بویی ای شاه غَریب اَلغرباسن
درک ایله یه تا شأنیوی اِنسان مَدد اِیله

قوربان اولوم اجلالیوه ای ضامن آهُو
گلمیش قاپیوا بَندۀ نالان مَدد اِیله

دریای غَمین ساحلی یُوخ سَن توت اَلیمدن
هریئردن اَسیر قورخولی طوفان مَدد اَیله

هر گون مَنه قسمت اولا ای کاش وصالین
تا جان ائله یم عِشقیوه قوربان مَدد اِیله

(مدهوش) ائلییور شوق وصالین مَنی هر دَم
کویونده اولام هر گئجه مِهمان مَدد اِیله

• چهارشنبه
• 10
• شهریور
• 1400
• ساعت
• 15:05
• نوشته شده توسط
• یوسف اکبری

جانه گلوب دِل هجردن دیدارِ جانان آختارور
رَنجورِ عشقِ یار دور وَصلیله درمان آختارور

بلبل کیمی اِیلر نوا جور و جفای خاریدن
سر گشته چون پیکِ صبا صحنِ گلستان آختارور

تا شُعلهء رخسارینه یانسون یتشسون کامنه
پروانه تک هر لحظه دِل شمعِ شبستان آختارور

جامِ شراب لَعلینی خضره نشان وئر اِی گُوگُل
گورسن دِلِ ظلماتده گر آبِ حیوان آختارور

ترصیع اولا تا سا تکین اِیستر اوُپَه لَعلِ لَبین
اِیتسون فزون تا رونقین یاقوت و مرجان آختارور

دِل گل کیمی پژمرده دور جان جسمدن آزرده دور
دِل دلبر اِیستر هر زمان جان وَصل جانان آختارور

طورِ تَجلا دور جهان یوخ درکنه گوزده توان
بو نوری تا گورسون عیان دِل پُورِ عمران آختارور

تا دردین اِیتسون چاره دِل سرّین دِیسون دلداره دِل
بیچاره دِل آواره دِل شاهِ خراسان آختارور

حقّ نوری هر شام و سحر آفاقی دوتموش سر بسر
بو نوری اَمّا بی بَصر هر لَحظه هر آن آختارور

سویله دولانما عالمی اِیله خراسانه گذر
اوُل کس که اَنوارِ حقی هر گوشه هر یان آختارور

اِی حُجّتِ رَبّ الفَلق وی میزبانِ ماخلق
خوان نوال جودیوی سر گشته مهمان آختارور

هر کیمسه بیر اُمّیدیله درگاهیوه گلمیش شَها
شَه آستانینده گدا گُسترده بیر خوان آختارور

عالملره سن سن رَجا قبرون جهانه مُلتجی
بو قبری دلده اِلتجا اَربابِ حرمان آختارور

تنها نه خاکِ مدفنون زائر اِیدر کَحلِ بصر
قبرون طوافین شوقیله گردونِ گردان آختارور

گر چه تُرابِ مَرقدّون مُهرِ نماز اولموش ولی
بو بُقعه دَن هر اَهلِ دل مُهرِ سلیمان آختارور

صحن و رواقون منظری خُلده دِیمم وار بنزری
قبرون صفا و جلوه سین فردوسِ رضوان آختارور

حُولِ حریمون خاکینی اَشكیله اِیستر پاک اِیده
ابر بهاران من کیمی گر چشمِ گریان آختارور

گلدستهء درگاهوه اِیستر طراوت آرتیرا
چشمِ سحابیله فلک تقطیرِ باران آختارور

دور اِیلوری گردونی ده قُرصِ قَمر تا صبحدم
گویا طوافِ قبریوه هر لَحظه اِمکان آختارور

مین جان اولا اولماز شَها بیر دَم بهای وصلتون
بیجا دِگول نِطقُون دِئسم آیات قرآن آختارور

شَمع جَمالون جلوه سین اِی نورِ وجه كِبریا
اَفواجِ اَنجم سهلدور خورشید و کِیوان آختارور

اِیله عنایتله نظر هر کیم قویوب یوز قبروه
دَرمانده دور آشفته دور لطفونه سامان آختارور

زَهرا آنان جانی رِضا نُومید قِیترمه شَها
بو آستانه هر گلن توقیعِ درمان آختارور

سن بحرِ جودِ لَم یَزل، چون قطره زائر بی بَها
اوز رأفتون شامل اولوب تا قطره عُمان آختارور

وصفون فراتر ذکردَن مدحون فزونتر فکردَن
توصیفوه درمانده دل بُولمم نه عُنوان آختارور

گر چه غبارِ درگهون بالِ ملائک پاک اِئدر
اَمّا منیمده گوزلریم جاروی مُژگان آختارور

بو رُوضه نون هر چند وار مینلَر خوش اِلحان بلبلی
اَمّا باجون معصومه تک مُرغِ خوش اِلحان آختارور

اوغلون فراقینده سنون حالون حکایت اِیتماقا
صَحنِ گُلستاندا سَمن زُلفِ پَریشان آختارور

آگاه سن اَسراره سن بو آستانه هر گلن
سندن برات مدفنِ شاهِ شهیدان آختارور

هر چند واحد نور سوز آگاه سوز اَمّا اوزون
سیراب وَصلوندن اولان سلطانِ عطشان آختارور

(عابد) کیمی حاجت اَلین آچموش (فغانی) و (على)
هر تک تکی بو قَبردن مین گُونه اِحسان آختارور

• دوشنبه
• 29
• شهریور
• 1400
• ساعت
• 14:43
• نوشته شده توسط
• یوسف اکبری

هارداسان معصومه گل اود دوتدوم اودلاندوم باجی
دوغریب زهر جفا اکبادیمی یاندوم باجی
.
.
گل باجی هجران غمی قارداشوی دیلدن سالوب
صبریمی اوغلوم جوادین فرقتی اَلدن آلوب
نه بالام گلدی نه سن گلدون گوزوم یولدا قالوب
هارداسان معصومه گل اود دوتدوم اودلاندوم باجی
.
.
شیونیم عرشه اوجالدی گلمدون فریادیمه
قویدی حسرت عاقبت دشمن منی اولادیمه
من غریبم کیم یتر بو غربت ایوده دادیمه
هارداسان معصومه گل اود دوتدوم اودلاندوم باجی
.
.
چوخ سُوَردیم روز و شب اولسون سیزیله الفتیم
حسرتیم قالدی اورکده غربت اولدی قسمتیم
گوزلریم یولدا یوزوم توپراقدا آخر ساعتیم
هارداسان معصومه گل اود دوتدوم اودلاندوم باجی
.
.
آرزو ایلر هامی دنیاده جان آسان ویره
جان ویرنده باشی اوسته اهل بیتین سان ویره
چوخ سُوَر قارداش باشی باجی دیزنده جان ویره
هارداسان معصومه گل اود دوتدوم اودلاندوم باجی
.
.
باد ظلم اسدی بو یرده سولدی سرو گلشنیم
باخمادی بو حالیمه رحم ایتمدی اهریمنیم
آخر عمرومده یانان دلده اولوب وردیم منیم
هارداسان معصومه گل اود دوتدوم اودلاندوم باجی
.
.
سانما بو دنیاده پابند جلالم آغلارام
آخرت فکریله من پژمرده حالم آغلارام
یالقوز ایوده آرزومند وصالم آغلارام
هارداسان معصومه گل اود دوتدوم اودلاندوم باجی
.
.
نیلورم دنیانی من عزّت لباسین سویموشام
آل طاهانی وطنده دیده گریان قویموشام
چکموشم بسکه بلا بو خسته جاندان دویموشام
هارداسان معصومه گل اود دوتدوم اودلاندوم باجی
.
.
نچّه ایل دور گلموشم هجران اَلیندن داده من
ایچمدیم جام وصالوندان دولان پیمانه من
بولمه سن حالیم ندور گر باشیم اوسته گلمه سن
هارداسان معصومه گل اود دوتدوم اودلاندوم باجی
.
.
اختیاریم الده یوخ قید ملاله بستِیَم
چکموشم از بس غم محنت اورکدن خستِیَم
همدمیم یوخ لبلریمدن قان آخور جان اوستِیَم
هارداسان معصومه گل اود دوتدوم اودلاندوم باجی
.
.
سنده من تک درد و غمدن بیر زمان دینجلمدون
آتش هجرانه یاندون استراحت بولمدون
نامه یازدوم یولّادوم یول گوزلدوم سن گلمدون
هارداسان معصومه گل اود دوتدوم اودلاندوم باجی
.
.
درد هجرانیله بولّم ایمدی سینه داغلوسان
نامه مه باخدوقجا رخساره سرشکون باغلوسان
باشیم اوسته گورمه دیم قارداش دیورسن آغلوسان
هارداسان معصومه گل اود دوتدوم اودلاندوم باجی
.
.
حسرت اولدی باغ وصلیمدن گلوب گُل درمه دون
جان ویرونجه سسلدیم باجی منه سس ویرمه دون
حیف اولا قارداشوین جان ویرماقین سن گورمدون
هارداسان معصومه گل اود دوتدوم اودلاندوم باجی
.
.
گوردولر دلدن سالوب دور محنت غربت منی
ایلدی مأمون اوزی دربارینه دعوت منی
قویدی بیر ظلمیله اوز اولادیمه حسرت منی
هارداسان معصومه اود دوتدوم اودلاندوم باجی
.
.
یوخ سوزوم غربتده ئولماقدان اوزومده دلخوشام
وصل یاری آختاروردوم ای باجی هر صبح و شام
سن گلینجه قالمارام معصومه جان چوخ ناخوشام
هارداسان معصومه گل اود دوتدوم اودلاندوم باجی
.
.
نیسگِلیم چوخدی باجی قالدی اورکده حسرتیم
هر غمه فایق گلر دنیاده بیر بو محنتیم
جان ویرنده باشیم اوسته آچمادی باش عترتیم
هارداسان معصومه گل اود دوتدوم اودلاندوم باجی
.
.
رسم دور قارداشنا باجی علاقه مند اولار
قارداشین ناخوش گورنده ابر نیسان تک دولار
قارداش ئولسه باجیلار باشین آچار گل تک سولار
هارداسان معصومه گل اود دوتدوم اودلاندوم باجی
.
.
بو دیار غربت ایچره دلخوشام بیر مطلبه
نائل اولدوخ بیز ایکی قارداش باجی بو منصبه
من حسینه اوخشورام سنده بلالی زینبه
هارداسان معصومه گل اود دوتدوم اودلاندوم باجی
.
.
چکمرم غم غربت ایچره یالقوز ایوده قالموشام
من بیله جان ویرماقین مشقین بابامدان آلموشام
کربلا میداننی جان اوسته یاده سالموشام
هارداسان معصومه گل اود دوتدوم اودلاندوم باجی
.
.
اولدی اجدادیم رضا هر محنته منه رضا
باش و جانندن گیچوب دور خامس آل عبا
صون نفسده ورد و ذکریم کربلا دور کربلا
هارداسان معصومه گل اود دوتدوم اودلاندوم باجی
.
.
اولما راضی درد فرقتدن گلوم من شیونه
من سنون رخساریوه حسرت قالوم سنده منه
بیر امیدیله بولورسن نامه گوندردیم سنه
هارداسان معصومه گل اود دوتدوم اودلاندوم باجی
.
.
دلخوشام گر مدفنیم اولدی منیم بو ارض طوس
«پور بینا» و «رجائی» گلسون اولسون پای بوس
بو سوزی اوغلوم رجائی یازدی از راه خلوص
هارداسان معصومه گل اود دوتدوم اودلاندوم باجی.

• جمعه
• 9
• مهر
• 1400
• ساعت
• 13:27
• نوشته شده توسط
• یوسف اکبری