اشعار ترکی مخصوص امام حسن عسکری (ع)

ای اهل ولا مژده شه موتمن آمد
ازپرده برون گشت و مه انجمن آمد
یاران یاران میلاد مبارک ۲

آن لاله ی خوشبوی علی گشته هویدا
ازروی حسن، روی علی گشته هویدا
رخسارنبی، خوی علی گشته هویدا
یاران یاران میلاد مبارک۲

زدبانک طرب انس وملک عسکری آمد
بریک نگهش اهل سما مشتری آمد
آن پادشه مملکت سروری آمد
یاران یاران میلادمبارک۲

آغوشه آلوبدورآناسی سویلدی احسن
شور ایلدی حقه آتاسی سویلدی احسن
جنتده ده طاها باباسی سویلدی احسن
یاران یاران میلاد مبارک۲

صورتده هامی سسلدی پیغمبره بنذر
سیرتده یقین حیدر نام آوره بنذر
غیرتده ده واللهی سوسوز رهبره بنذر
ساران یاران میلاد مبارک۲

بوعسکریدی حجت خلاق جهاندی
مهدی بالاسی فاطمه نون قانین آلاندی
دین دشمنینون پیکرینه لرزه سالاندی
یاران یاران میلادمبارک۲

• شنبه
• 23
• اسفند
• 1399
• ساعت
• 16:10
• نوشته شده توسط
• یوسف اکبری

مژده اولسون یاران / گلدی جان جهان
یثربدن چخیبدی / بیر شمس درخشان

بیتِ ولایت اولوبدی گلشن
امام هادی گوزلرین روشن (۲)

یاحسن مولا یاحسن مولا(۳)

ماه دل آرادی / حجّت خدادی
یوسف گورسه سویلر / بو مندن زیبادی

منبعِ جود و سخاوت گلدی
سرو بُستان هدایت گلدی (۲)

یاحسن مولا یاحسن مولا(۴)

زینت گلشندی / گل آدی حسن دی
مجتبی تک بودا / حُسنی مُستَحسَندی
(مستحسن=نیکو،پسندیده)
وارث نام سبط اکبردی
ایکی دنیاده بیزه رهبردی(۲)

یاحسن مولا یاحسن مولا (۴)

فخر شیعیان دی / ناطق قرآن دی
باب گرانقدر / صاحب الزمان دی

(بیکَس) و افتاده لره یاور
کیم درده دوشسه گل آدین سسلر(۲)

یاحسن مولا یاحسن مولا (۴)

• یکشنبه
• 24
• اسفند
• 1399
• ساعت
• 20:19
• نوشته شده توسط
• یوسف اکبری

آل عبانین غلامی اولدوم /دنیاده ٢
غلام اولاندان جهاندا اولدوم / آزاده٢
مَرامیمی من دیله گَتورّم /چوخ ساده٢

عبدِ امامِ عسکری یَم
مَست و خُمارِ ساغَری یَم
تَذکره می زهرا یازاجاق
آل علینون نوکری یَم

سَرورِ عالَم امام حسن ع

(سَرورِ عالَم خوش آمدی)

مدینه نی روشن ایلییوبدی/ رُخساری٢
ایدوبدی زیبا، گوزل جَمالی /گلزاری٢
گلوبدی گویدن ملک لر اولسون/زَوّاری٢

خُلقی حَسَن دی، خَلقی حَسَن
عشقی اولوب بوینومدا رَسَن(طناب)
دردیوه درمان ایلیه جاق
آدینی گَر سن، سَسلیه سَن

گَرچه اورکده شیعه لرین وار/چوخ دردی٢
شیعیه زهرانین بالالاری /رَهبَردی٢
اهلِ ولانین بیر نَفری بیر /لشگردی٢

اهلِ ولا پیروز اولاجاق
ریشه ی کُفری سولدوراجاق
یوسف زهرا گَلسه جهان
عدلیله سَرتاسَر دولاجاق

خوشا او کسکی عشقِ ولانی /دوز بَسلَر
سیزه تیکوبدی گوزون جهاندا /(بیکَسلر)
دوشنده درده سیزی هرایه /تِز سَسلَر

دوت اَلیمی ای بَنده نَواز
قویما اولوم من اَهلِ مَجاز
منه بو جَمعیله لطف ایله
کرب و بلا و سامره یاز

• یکشنبه
• 24
• اسفند
• 1399
• ساعت
• 20:21
• نوشته شده توسط
• یوسف اکبری

شالِ عزا سالوب، بیز ایلروق فغان
جان وئردی عسکری، ماتم دوتوب جهان
یاصاحب الزّمان (2)

آهیله عالمی، داغلار بو شیعه لر
باشه ویروب، قرا، باغلار بو شیعه لر
سن آغلاما آقا! آغلار بو شیعه لر
سؤیلرله تسلیت، هم پیر و هم جوان

یاندیرماز هئچ بیر اؤد، زهر جفا کیمین
ئولدی غریب آتان، چون، مجتبا کیمین
غم دوتدی سامرا، کرب وبلا کیمین
رخساره ایلمه، گؤزیاشیوی روان

عشّاقه قیل نظر، ای شاه سرفراز!
گؤر، دیللرینده وار، بیر آیری سوز و ساز
بابِ کُباریوه، قیلدون اؤزون نماز
دوشدی خیالیمه، بیر محنتِ گران

دنیانی آغلادار، بو غصّه و محن
عزّتله دفن اولوب، مظلوم آتان حسن
اوچ گون قالوب حسین، بی غسل و بیکفن
باشسیز جنازه نین، غسلی اولوبدی قان

عبّاس عمون کیمین، وار پرچمون سنون
غیبتده حیف اولا، یوخ همدمون سنون
قلبونده حق بیلور، چوخدور غمون سنون
لب تشنه جدّیوه، آغلورسان هر زمان

«سیّدبشیر»ه باخ، ای پور عسکری!
آغلور بولود کیمین، ماتمده گؤزلری
عشقونده بانی دی، بو شعره «جعفری»(1)
سربازیووق سنون، ای شاه انس و جان!
ـــــــــــــــــــــــــــــ
( 1 ) به پیشنهاد دوست عزیزم حضرت حجت الاسلام آقای مسلم جعفری سروده شد

• یکشنبه
• 22
• فروردین
• 1400
• ساعت
• 21:36
• نوشته شده توسط
• یوسف اکبری

واردی بو گون نه قیامت بارالها سامراده
غصه دن قانه دؤنوبدی اشک زهرا سامراده

عالمی ماتم دوتوبدی عترت پیغمبر آغلار
ایلیور جاری عذاره شیعه لر اشک تر آغلار
غربت ائلده بو غریبه یئرلر آغلارگویلر آغلار
آهیلن سسلور ملکلر وا اماما سامراده

تیتریور عرشین ستونی ماسوا مغموم اولوبدی
ظلم وجور اشقیادن عسکری مظلوم اولوبدی
حضرت زهرا عزیزی زهریلن مسموم اولوبدی
عرش اعلایه اوجالمیش شور و غوغا سامراده

کینه سین معلوم ائدوبدی ظلمیلن معتزّ ملعون
قائم آل عبانی ایلیوب بو غصه محزون
وا ابتا سسلینده ناله ایلور چرخ گردون
مجلس ماتم دوتوبدی آل طاها سامراده

ای گوزوم قانیاش تؤک آغلا اول غریب مبتلایه
سوزش زهر جفادن اودلانوب گلدی نوایه
گه ئوزون دوتدی بقیعه گه دؤلاندی سامرایه
سسلدی گه واحسن گه واحسینا سامراده

ای گوزوم آغلا او شاهه قلبینه غملر قالاندی
غربت ائلده اهل کینه عزتین قهریله داندی
سبط اکبر تک ستمله دوغرانوب اکبادی یاندی
ئولدوروب اول شاهی کامه چاتدی اعدا سامراده

یاندی آخر لحظه لرده چون شرار زهر کیندن
آلدی بیرکاسه سو حضرت اوغلی مهدینون الیندن
اول سوا باخدی حسین وای سسلدی یاندی غمیندن
باشلادی سو روضه سی اول غملی مولا سامراده

وای دئدیم جدّیم حسینون لبلری یاندی سوسوزدان
بیرگلستان لالهٔ خوش منظری یاندی سوسوزدان
یاننام الله شیرخواره اصغری یاندی سوسوزدان
آغلارام ششماهه طفله جان دوداقدا سامراده

وار یئری عرشه بلند ائتسم بو قلبین سوز وسازین
جدیمون یاد ایلسم گر اول شهید سر فرازین
اللری اوسته او شاهین اوچ پر اوخ بیچدی بوغازین
قویمیوب قلبیمده بو غم ایندی یارا سامراده

ئوز دوتوب سسلندی مهدی ای عدالت آفتابی
روز موعودون سئویندیر عترت ختمی مآبی
اصغرین آل انتقامین شاد ائله قلب ربابی
موج ائدور بو غمدن اشکیم مثل دریا سامراده

• سه شنبه
• 4
• خرداد
• 1400
• ساعت
• 19:00
• نوشته شده توسط
• یوسف اکبری

گوزومده غم گتیرور موجه اشک دریاسین
دین زمان حسن عسکری قضایاسین

اولیدی کاش بو معموره روزگار خراب
ایدنده معتمد دون جفایه فتح الباب

ایدوب امام زمانین آتاسینی مسموم
او زهریله حسن عسکری اولوب بی تاب

موثر اولدی ز بسکه امامه زهر جفا
دوتوبدی رعشه وجود شریفی چون سیماب

گیچنده سال قمردن ایکی یوز آتمش ایل
اولوبدی جدینه ملحق وصی ختم مآب

ربیع الاول آیی, روز جمعه، هشتم ماه
بو شاه دینون اولوبدی منامی تیره تراب

بیله روایت ایدور اول شهین غلامی عقید
که مندن ایستدی سو اول سلالة الاطیاب

حضورینه او شهین آب مصطکی گتدیم
ولیک رعشه امان ویرمیوب اولا سیراب

قویوب یره دیدی سو ویر ایدوم وضو تجدید
امام عصر النده گتوردی کاسه ی آب

زمان صبحیدی ایتدی وضوسینی تجدید
نماز صبحی ادا ایتدی پور ام کتاب

دوباره آلدی اله آب مصطکی ایچسون
یتوردی لبلرینه خسرو سپهر غباب

ایدوبدی رعشه الی، دگدی کاسه دیشلرینه
صعوبتیله ایچوب سو شفیع یوم حساب

عطش حرارتینی سوندوروب تمام اولدی
بو شرح غم گینه الدن آپاردی طاقت و تاب

حسینه اولمادی بیر کیمسه بیر ایچیم سو ویره
دیه یارالیدی، قلبین عطش ایدوبدی کباب

بیله روایت ایدور بو سوزی ابوالادیان
اونون دلینجه ایدوب ثبت معتبر کتاب

دیر امام حسن یعنی اون بیریمجی امام
منی حضوره چاقوردی بو نوعی ایتدی خطاب

واریمدی بیر نچه نامه آپار مداینه سن
اوتوز گونون اولی نصفی سنه ایاب و ذهاب

گلنده شهره گوررسن قیامت عالمیدور
ایدوبدی چاک گریبان تمام شیخیله شاب

دولوب فغان و نوائیله شهر شامره
او دمده داعی حقی بول ایتموشم ایجاب

دیدیم آتام سنه قربان خدا نکرده اگر
بو ایش اولا، سنه کیمدی وصی، ویردی جواب

او کس که ایستیه سندن جواب نامه لری
امام مفترض الطاعه دور او عرش جناب

دیدیم بیر آیری علامت بویور، دیدی هر کیم
قیلا نمازیمی بولسون امام اونی احباب

دیدیم بیر اوزگه علامت، دیدی که همیاندا
ویره او کس که مطلائیله طلایه نصاب

خیال ایتدیم ایدم عرش هانسی بیر همیان
دوتوب وجودیمی رعب امام و بیم عتاب

مرخص اولدوم امام هدی حضوریندن
گیدوب مداینه قیلدیم مراجعتده شتاب

منیم مسافرتیم جمله چکدی اون بش گون
یتنده شهره نه گوردوم جهان اولیدی خراب

فغان و شیونیله سر من رآی دولودور
ملال بحریدی، مردم او بحر ایچینده حباب

امام رحلت ایدوب صحنیده ویرولر غسل
انا الامام دیور خلقه جعفر کذاب

دیدیم من اوز اوزیمه بو امام هاردان اولور
و حال آنکه قمار بازیدی ایچردی شراب

عقید گلدی دیدی ایتدیلر امامه کفن
نماز قیل دوزولوبدور صفه تمام اصحاب

نمازه جعفر کذاب ایلینده شروع
حقیقتین گونی یوزدن کناره چکدی سحاب

طلوع ایلدی دولت سرای والادن
صغیر سنیله بیر آفتاب عالمتاب

جبین گشاده و دندان گشاده، گندمگون
جمالی گون کیمی طالعدی، زلفی پرخم و تاب

گلوب وقاریله دوتدی عباسینون اتگین
بویوردی جعفره یاعم ایتمه بیله شتاب

آتام نمازینی قیلماقلیقا من اولایم
چکیل کناره، او بی شرم او طفله اولدی مجاب

نمازی قیلدی همان سید جلیل القدر
امامی قبره قویوب قلب پاکی اولدی مصاب

دونوب بویوردی منه ویرجواب نامه لری
او طفله رد ایلدیم، غائب اولدی اول مهتاب

دیدیم من اوز اوزیمه بو ایکی علامتیدی
منه گیدنده بویورموشدی شاه ذوالانساب

او گیر و داریده بیر دسته اهل قم گلدی
امام موتینی بولدی او باوفا احباب

سوال ایتدیله کیمدور وصی، دیدی حضار
امام قارداشی جعفر اولوب امام صواب

گلوبله جعفر کذابه تهنیت دیدیلر
سواله ایتدیله بو دللریله فتح الباب

بویور گوراخ سنه کیمدن گتیرمیشوخ نامه
نچه ویروبله بیزه ایله امره کشف حجاب

دوروبدی جعفر ایاقه تغیریله دیدی
مگر امام بولر غیبی یا اولوالالباب؟

غلام حضرت حجت چخوب او ساعتده
ایدوب امام زمان قولیجه او جمعه خطاب

ویروبدی نامه لری سیزلره فلان و فلان
منه آچوبدی خدا علم غیبیدن ابواب

امام مالیدی، واردور یانوزدا بیر همیان
مین اشرفی وار ایچینده به سان در خوشاب

ولی او کیسه ده اون اشرفی مطلادور
خیال ایدوبدیله من بولمرم چکوبله نقاب

او جمع سویلدی هر کیم که گوندروبدی سنی
اودور امام زمان بیزلره ملیک رقاب

گیدوب خلیفیه جعفر بو وضعی ویردی خبر
ایدوب خلیفه نی بو ماجرائیله اعتاب

خلیفه امر ایلدی حجت اللهی دوتالار
او دودمانه هجوم آور اولدی اهل عذاب

ایکی امام الن گون توکولدیلر ایوینه
حیالی عترتی توکدی عذارینه خوناب

بیری امام زمان صاحب الزمان آتاسی
بیری حسین او که قانیله شیبی اولدی خضاب

چکیلدی جار حسین الدی وقت غارتدور
توکولدی خیمه لر اوسته سپاه کینه مآب

سویولدی زینب کبری باخوب او حاله یانوب
صفیه عاتکه لیلا سکینه نازلی رباب

نه غارت،ایتدی قیامت قیام زهرایه
مخدراته بویون باقی اولدی قید و طناب

وورولدی سیدسجادبوینونا زنجیر
گوزیندن اولدی روانه سرشکی چون میراب

اوتوزلی قبره حسینی اولوبدی چوخ مشتاق
دوزت وسایلینی یامسبب الاسباب

• جمعه
• 7
• خرداد
• 1400
• ساعت
• 16:12
• نوشته شده توسط
• یوسف اکبری

توك يوزوه شوقيله اشك ترى
تاپدى شهادت حسن عسکرى

مهدى موعوده اولا تسليت
داير ائدك بزم غم و تعزيت
شركت ائدر اوغليدا با معرفت
واى بابا وايدور ديلينون ازبرى

وار خبر مستدل و مستند
زهريله مسموم ائليوب معتمد
بى كس امامى او خطاپو ولد
سالدى قوادن شه نام آورى

صاحب عصر ايليور اشكين روان
سامره ده سسليور اى شيعيان
معتمد ئولدوردى بابامى جوان
قويمادى رشد ايليه دين سرورى

گورمدى عمرينده فراغت آقا
سنّى اوتوز اولماميش ابن الرّضا
عالمى ترك ايلدى صبح عزا
يازدهمين برج ولا اخترى

آلتى ايل ارشاد ائليوب امّتى
حيف نزول ايلدى تئز دولتى
ايچدى جوانليقدا ئولوم شربتى
قبره گئديب قبله نما پيكرى

بير نفر اولمادى ديه دشمنه
نيليوب آخر بو امامون سنه
گتدون عيالين بالاسين شيونه
سيندى هماى شرفون شهپرى

عمرينون آخر لحظاتينده سو
سوز جگردن ائليوب جستجو
گتديله سو سيّد فرزانه خو
آلدى ايچه تا سونه دل آذرى

سو سؤزى آلدى اورگيمدن توان
سالدى حسينى ياديما بى امان
ايستدى سو وئرمديلر كوفيان
تشنه ويريب جان شهدا رهبرى

دشمن بى رحمده باخ كينيه
قويدى اياقين يارالى سينيه
دوشدى نفس تنگه همان ثانيه
فاطمه نون مهجه ى جان پرورى

آچدى گوزين شاه شهيدان او دم
سسلدى اى حضرت صاحب كرم
راضى اگر اولسون حسيندن نه غم
قان ندى شمشير اولا جان بسترى

يتميش ايكى يار فداكاريمه
خيمه ده آغلار قالان انصاريمه
رحم ائله محشرده عزاداريمه
آتش سوزانيدن اولسون برى

هر نه بلا گلسه رضايم خدا
يانميا احبابيمى قويما اوتا
يازديريب آدين بيزه نوكر "صفا"
عفو ائله يا رب منه بو نوكرى

نازلى رقيّه م دوشه چولدن چوله
خردا اوشاقلاريم آجيندان ئوله
هر نه حبيبيم منه بولگى بوله
شكوه يوخوم يانماسا عاشقلرى

كئچديم الهى هامى اطفالدن
اكبر شهزاده سيه خالدن
اصغر شش ماهه خوش اقبالدن
سنده گئچ عشّاق شه محشرى

• سه شنبه
• 5
• مرداد
• 1400
• ساعت
• 11:04
• نوشته شده توسط
• یوسف اکبری

ظلم دشمن الیوب محشر کبری بوگجه
مجلس غمدی دوتوب مهدی زهرا بوگجه

گل باغ چمن حیدری سولدوردی عدو
فکر ایدوب ریشه ی بو عترتی یولدوردی عدو
قلب مهدینی غمیله نجه دولدوردی عدو
باغلادی قاره باشا حضرت زهرا بوگجه

غم غم اوسته قالانوب سوز تاپا بیلمیر یول آلا
سالدی قدرتدن امامی بوگجه زهر جفا
سسلدی دیلده یتیش دادیمه ای نازلی بالا
گلمسن داده گلر حیدر و طاها بوگجه

زهر دشمن قانا دونسون اورگیم پیس سیخیلور
گوزلرین قربان اوغول اغلاما قلبیم دوتولور
سیل گوزون دوت الیمی چون یره بابا یخیلور
طاقتیم یوخدی بدنده بالا اصلا بوگجه

آغلاما آغلیسان صبر ائله آز آغلا بالا
کپریگین ایله قلم سوزلری یاز اغلا بالا
جان چیخاندان سورا تز قبریمی قاز اغلا بالا
چون که میزباندی منه سید بطحا بوگجه

الغرض غسل اولونوب اولدی کفن یاندی هامی
بش یاشیندا بالا قیلدی نماز اودلاندی هامی
گوردولر عسگرینون یاسینه گریاندی هامی
جوشلانوب حرمتینه موجیلی دریا بوگجه

دئیرم شکر اولا بو یاسه گئلن واردی اقا
تسلیت وئرمگیچون اهل وطن واردی اقا
دیل سوزون سویلگینن چونکه بیلن واردی اقا
جدیوه کرب و بلا اولدی مصفا بوگجه

قاچدی صحرایه طرف غمزده لر سرعتیله
چوخلاری قالدی ایاق التدا اوگون شدتیله
چکدی اوتدان چوخونی زینب ئوزی زحمتیله
فکر ائدم محشر اولوب دشتیده برپا بوگجه

یا امام زمنیم جانیمه گلسین محنون
تز ظهوره ایله که وار ایندیده لبیک دئینون
یوسف فاطمه گوندر گله تا پیرهنون
سن"خدایی" اورگین ایله مداوا بوگجه

• جمعه
• 15
• مرداد
• 1400
• ساعت
• 20:15
• نوشته شده توسط
• یوسف اکبری

آخور گُوزوم یاشی رُخساریمه چو ماء زُلال
اِئدن زمان حسنِ عسکری غمینده خیال

تَعجبم نیه بو چرخِ شُوم و کَج رَفتار
همیشه اَهلِ وِلانی اِئدوبدی غرقِ ملال

سالوب بلا و غمه هر اِمامی بیر بی دین
آلوبدی حقّین اَلیندن اِئدوب پریشان حال

بونوندا حقّینی غَصب اِیلدی بنی عَباس
اِئدوبدی غَصبِ خِلافت او شُوم کینه خِصال

بو ظلمه دویمادی آخرده مُعتمد مَلعون
اِمامه زَهر وِئروب اِئتدی صبرینی پامال

او زَهر اِمامی اَیاقدان سالوب مریض اِیلدی
یغوب اَعاظِمِ شهری او مُرتد و حَیّال

باخوب اَعاظمِ شهره دِئدی اولون شاهد
بو گُون مریضیدی بو سیّدِ خُجسته مَآل

بو ئولسه شیعه لری دوتماسین منی مَسئول
که من رضا دَگولم بار اولا منه بو وبال

مَعاینه اِیلسون دکتر اِیلیون اِمضا
بیلون که ئوز اَجلیلن ئولوب بو ذِی الاِجلال

طبیبی باخدی دِئدی ضعفی وار عَناصردَه
سو اِیستیندَه وِئرون مصطکی بونا فی الحال

او بَزمده اُمَرادن دوتولدی اِستِشهاد
صراحتیله او طوماری مُهر اِئدوبله رِجال

گلوبدی باشنون اوُسته عیادت اِیلماقا
اولوبدی ظاهراً اَفسرده باطناً خوشحال

اِمام آچوب گُوزینی باخدی قاتله یومدی
توکُوب جَمالینه گوز یاشنی او ماه جَمال

اِیکی اِمام گُوزین آچدی قاتلین گوردی
بیری بو شَهدی که اَحوالینی دِئدیم اِجمال

اِیکیمجی کَرب و بلا شاهی نورِ چشمِ بَتول
قتیلِ راهِ حقیقت شَهیدِ قوم ضلال

دوشوب یارالی وجودیله بیر چوخور یِرده
او قَدری قانی آخوب قانیله دُولوب گُودال

هوانُون اِیسّیسی یورقون یارالی سوزِ عَطش
گلن وورور یارا قانین بیلوبله بس که حَلال

حَزین حَزین دِیور اِی قُوم دوشموشم دِلدن
جگرلریم آلشوب اِی گروهِ بَد اَفعال

او دَمده اِیلدی اِحساس آغرلاشوب سینه
اِئشیتدی وار باشنون اوسته اُوزگه قال و مَقال

آچاندا گُوزلرینی گُوردی شِمرِ شُوم و شَریر
چخوبدی سینه سینه اَلده خَنجرِ قَتّال

بلالی زینب اَلیلَن دوتوبدی خَنجرینی
گُوزینده گُوز یاشی امّا اَلینده بیر دَسمال

دِیور او قَدری اَمان وِئر که باغلیوم گُوزینی
یاخیندی شَمسِ اِمات تاپا بو چُولده زَوال

دِئدی آنام باجی صَبر اِئت اَل آتما مَعجریوه
هنوز ئولمه میشم من ندور بو پُوزقون حال

اَل آتما خنجرینه یوخدی بوندا رَحم اَثری
خیامه گِئت داغیلار اِیمدی چوللّره اَطفال

(کریمیم) اوُزیمی سالمشام بو دَرباره
حسینه نُوحه یازوب آغلیام گرک مَه و سال

• دوشنبه
• 29
• شهریور
• 1400
• ساعت
• 15:21
• نوشته شده توسط
• یوسف اکبری

تیر الم کرده به دل نشتری
موسم ماتم شده بر عسکری

جنّ و بشر از غم او نوحه گر
سینه دران گشته و کوبد به سر

گرد الم بر دل قائم نشست
آب عیون بر رخ گلگون ببست

پور رشیدش شده صاحب عزا
گوید ایوای از این ماجرا

کاش جهان جمله هبا آمدی
این محنت بر دل ما نآمدی

بعد تو دنیای دنی چاه من
از تهِ چهْ رفته به مه آه من

هرچه محن بر دل نازت نشست
شیشهء جان سنگ عدویت شکست

خواست عدو حجّت حق بر زمین
پا نگذارد وَ نگردد مکین

لیک خداوند کند مایشا
کرد ترا فارغ از این ابتلا

جای تو اینک منم آن خوش خلف
هین منم آن وعدهء قول سلف

تا که جهان بوده و باشد چنین
مرد خدایست به روی زمین

آنچه در این دایرهء اخضر است
آل خدا بر خطِ آن محور است

نقطهء پرگار نباشد اگر
صفحهء کُنْ دایره باشد مگر؟

هین منم آن نقطه گهِ بی خلل
هین منم آن منجی نسل ملل

هر که ز من روی بتابد ز کبر
کلک قضا می کِشَدش خطّ ِ حبر

آنکه بخواهد که بیابد مرا
بر ره من خیمه زند مطلقا

نور چو خواهی که بگیری ز مهر
رُو به سُوی نور و ضیایش به مهر

باذن خدا شمس خدایم به خلق
کامده چون مهر‌‌، ضیایم به خلق

گر برود مهر پسِ میغ ها
از پس ِ هر میغ رساند ضیا

چهر مرا خلق نبیند به چشم
زانکه بیارد به یقین چشم، خشم

نور مرا نور دلان دیده اند
کان همه محرم شده بر دیده اند

وانکه دلش تیره چو چاه ظُلَم
از چه دوان دیدهء او از پیم؟

(دیو چو بیرون رود) از جسم و جان
روح و مَلَک جای کند آن مکان

تا نشود طاهرِ تن هیچ کس
گفت خدا خطّ ِ مرا لایَمَس

خطّ ِ خدا آمده ظاهر، کتاب
باطن آن سینهء ما مُستَطاب

پس بنگر خواهد اگر آن وضو
دیدن ما لازمه دان نور و ضو

نور دلم بر همه یاران رسد
بر همه یاران و به عدوان رسد

لیک از آن نور که بر یار رفت
در کنفم سایه گهِ غار رفت

نور که بر خیمهء عدوان رسد
در کنف رحمت رحمان رسد

آنکه شده سایهء غارم مقیم
جیره خوری کرده ز نور رحیم

چون تو شوی نور رحیمی طلب
همت خود همت ما را طلب

همت خود را بطلب ای فتی'
بهرهء تو نیست بجز ما سعی'

لیک اگر مهر نگیرد ز مهر
دست ترا، کی برسی کان مهر

چشمهء خورشید که شد ذرّه دوست
ذرّهء عالم همه در ظلّ ِ اوست

مهر چو تابد ز سما بر زمین
از اثرش سنگ شود چون (نگین)

• دوشنبه
• 29
• شهریور
• 1400
• ساعت
• 15:23
• نوشته شده توسط
• یوسف اکبری

جان اوُسته منی دَرک اِئله یَابنَ الحسن اوُغلوم
من گِئتمَلیم گَل منی اِیله کفن اوُغلوم

مندنصورا اَحکامه خُرافَه دولا جاقدی
باطل گِنه ده جنگه مُهیّا اولا جاقدی
دین گُلشنی ظاهرده اگر چه سولا جاقدی
اِیستر سنی تا گُل آچا پوزقون چَمن اوُغلوم

آرامیمی بو مُعتَمدون زَهری آلوبدی
بو گونده یتیملیگ باشووا سایه سالوبدی
تِز گَل که اُمورِ بو اُمَم یِرده قالوبدی
سن سن بوگونی عالمه صاحب زَمَن اوُغلوم

بیز هاشمیانیله چالیشماق دادی ظُلّام
ئوز بیتیمی زندان اِئلیوب دور منه حُکّام
تَحتِ نظرم اِئوده مُداماً سحر آخشام
چوخداندی بیزیم بیتی میزه یوخ گَلن اوغلوم

دوشدوم بو چتین وقتیده آیری تفاقیم نان
مَعلومیدی زَهرین اَثری دِیل دوداقم نان
اوُدور دِیوسن که توکُولور بو یایاقیم نان
تشنه اولار اَلبته بو نوعی ئولن اوُغلوم

یاندیم بالا سو وِئر دوداقیم قانه بویاندی
عَطشان لَبیلَه لِیک یاتان بَختیم اویاندی
زَهرا نَنَه مَه منتظریدیم که یوباندی
اَلسّاعه گلوب صاحبِ بیت الحَزَن اوُغلوم

سو صحبتی سالدی گنه دَه قلبه شَراره
دوشدی نجه گور ذِهنیمه ششماهه ستاره
اوچ پَر اوخی صیّادی وِران وَقت او شکاره
اَمدی اوخی صَحراده او غنچه دهن، اوُغلوم

صَیّادی او یورقون بالا تاپشوردی خدایه
جَدّیم قوجاقی مَامَن اوُلوب خوردا هَمایه
تا اَصغر آدی زینت اولا کَرب و بَلایه
عمریم بویی آغلاتدی منی بو مُحن اوُغلوم

• دوشنبه
• 29
• شهریور
• 1400
• ساعت
• 15:25
• نوشته شده توسط
• یوسف اکبری

بو غم نه غمدی گینه غملی ماجراسینه باخ
بلالی باشیمیزون تازه دن بلاسینه باخ

قوتولدی ماه محرّم صفر، یتیشدی ربیع
گیوبدی اگنینه زهرا قرا لباسینه باخ

بو آیدا جام شهادت ایچوبدی حجّت حق
دوشوبدی چوللره اوغلی بالا صداسینه باخ

گیدوب امام حسن عسکری بو دنیادن
امام عصریمیزون ناله و نواسینه باخ

سیزیلدوری الی بوینوندا چوللری دولانور
توکن عذارینه اشکین یتیم بالاسینه باخ

بنی امیّه ایدن ظلمی یادینه سالوری
گیدور قراری الیندن، غم و بکاسینه باخ

اولور نظرده مجسّم گهی بنی عبّاس
ائمّیه اولارین ایتدوقی جفاسینه باخ

همین که معتمده نوبت جفا یتدی
امامی ایلدی مسموم اونون حیاسینه باخ

جفا و ظلمین ازل پایه سین قویوب ثانی
جهاندا ثانی قویان بدعتین بناسینه باخ

ولیّ حق قاپوسین یاندیروب او بی ایمان
اوتانمیوب او دنی، حقّیدن خطاسینه باخ

ووروبدی اود ملک اذن ایستین قاپی یاندی
قاپی دالیندا قالان فاطمه نواسینه باخ

اوجالدی ناله صداسی چاغوردی گل فضّه
بو زار خونجگرین سقط اولان بالاسینه باخ

باتاندا سینمه مسمار محسنیم اُلدی
سولان بو غنچه گلین رنگ کهرباسینه باخ

اگر نصیب اولا (غمگینه)سامریاده
زیارت ایله مزارین حرم صفاسینه باخ

• شنبه
• 3
• مهر
• 1400
• ساعت
• 20:21
• نوشته شده توسط
• یوسف اکبری

________
بزن ای دل دری ____ رسیده دلبری
به دنیا آمده امشب امام عسکری

منّور شد جهان ____ صدا زد قدسیان
مبارک باشد این مولود الا ای شیعیان

جهان را سروری ____ عزیز مادری
بگو از عمق جان خود مدد یا عسکری

((مدد یا عسکری ،،،،،،،،مدد یا عسکری))
((مدد یا عسکری مولا مدد یا عسکری))
___________________________________
فدای مقدمت ــــــ دمم داده دمت
نظر کن جان مولا من رضایم بر کم ات

گل خیر النّسا ــــــ شده جشن ات به پا
رسان دستم شبی آقا به صحن سامرا

جهان را سروری ــــ عزیز مادری
بگو از عمق جان خود مدد یا عسکری

مدد یا عسکری ـــــ مدد یا عسکری
مدد یاعسکری مولا مدد یا عسکری
___________________________________
گلوب شوره جهان ــــــ دیور پیر و جوان
گوزون آیدین اولا مهدی ایا صاحب زمان

آدیندا وار صفا ـــــــ ویرر درده دوا
اگر بایراملیق ایستیرسن ایدر مهدی عطا

آچین بو اللری ــــــ چالین سیز بو دری
اورکدن سسلنین بیر یول مدد یا عسکری

((مدد یا عسکری ــــــ مدد یا عسکری))
((مدد یا عسکری مولا مدد یا عسکری))
___________________________________
یره رحمت یاغیر ــــــ حسن جانم چاغیر
دوروب بیر گوشده مهدی سنه شاید باخیر

گوزل احساسی وار ـــــ ید بیضاسی وار
به جز شیعه کیمین بیله گوزل مولاسی وار

آچین بوش اللری ــــــ چالین سیز بو دری
اورکدن سسلنین بیر یول مدد یا عسکری

((مدد یا عسکری ــــــ مدد یا عسکری))
((مدد یا عسکری مولا مدد یا عسکری))

• شنبه
• 17
• تیر
• 1402
• ساعت
• 16:44
• نوشته شده توسط
• یوسف اکبری

باتدی چرخ شرفین مهر جهان آراسی
عالمی ترک ائلدی شیعه لرین مولاسی

تنگ اولوب روحینه آفاق بو وسعتله، گلیب
خیلِ جمعیت آرا تنگه ، دلِ تنهاسی

او ولایت گویونون اون بیریمینجی گونشی
اولدی خاموش اونون پرتو روح افزاسی

ائیلدی محنتیلن عالم ناسوتی وداع
اوچدی لاهوته طرف قاف حقین عنقاسی

چون هراس ائتدی اونون فضل وکمالاتیندن
اونی مسموم ائلدی معتمد عباسی

گوردی وجه اللهی اول مرد جفا پیشه ولی
گورمه دی نور حقی دیده ی نابیناسی

ایله ییب زهر جفا رهبر مظلومه اثر
گون به گون برگ خزان تک سارالیب سیماسی

عاقبت ترک جهان ایلدی اول میرهدی
عرش وفرشی بورودی محنت وغم آواسی

سامراده ائله بیل محشر کبرادی بوگون
باشلانیبدیر بوگئجه نفس(زکی)نین یاسی

تشنه لر فیض وصالیندن اولوبدور محروم
جان وئریب محبس ظالیمده کرم دریاسی

حجت ابن الحسن عسکری ای صاحب عصر
ای کفایت ائلین عالمه بیر ایماسی

صبر وئرسین سنه آللاه بو غم عظماده
چوخ چتیندیر آتانین هجرت جانفرساسی

ساخلاسین حفظ و امانینده سنی حی غفور
گَل کی گوزلر یولووی جدوون عاشوراسی

روحِ سعدیِّ زمان شاد، شهودی کی اونون
وادیِ شعرده وار مرتبه ی والاسی

نه گوزل قاعده ی شعرله تصویره چکیب
اهل بیتین غم و دردین قلم شیواسی

سنده صرف ائیله گیلن طبعووی آل اللاهه
یوخسا وئرمزله هدر یازماغا بیر عباسی

• پنج شنبه
• 11
• دی
• 1399
• ساعت
• 15:11
• نوشته شده توسط
• یوسف اکبری

شیعه بو گون عزایه گل
حجــت حــق عـزاسی وار
غملیدی صاحـب الزمان
دیلــــده بابا باباسی وار
یاســـه باتــوبدی ماسوا
شیعه لرون نـواسی وار

زهر جفا ایدوب اثر ایتدی امامی بی قرار
تاب وتوانی قالمادی گوزلری اولدی اشکبار
مهدی صاحب الزمان قلبی اولوبدی داغدار
اشکی رواندی صورته دیلده بیوک بکاسی وار

معتمدین جنایتتی اولدی جهانه برملا
میل ایلیوبدی زهرکین دردینه اولمادی دوا
سسله دی گل آنا، حسن اولدی غریب سامرا
سالدی شراره جانیمه اود باشیمون بلاسی وار

گل آناجان چاتوب منیم زهر جفا دوداقیمه
پیک اجل آلار جانی ایندی گلر سراقیمه
تک قالی مهدی زمان قلبی یانار فراقیمه
یاندی جگرلریم آنا گل نجه گور یاراسی وار

غربت ایچینده گر ئولم مهدی بالامدی آغلیان
واردی اگرچه قارداشیم اولماز او سینه داغلیان
باغلا اوزون بو گوزلری یوخدی بو یرده باغلیان
منتظرم مدیندن سن گلسن صفاسی وار

ظلمونی اشقیا ندن بولدی منه آنا روا
خزانه دونروب منیم بهار عمرومی جفا
شام غریبانمدا گل ساخلا اوزون منه عزا
سامرده ایکی بالان دفن اولی غم بناسی وار

گونکیمی باتدی شاه دین کسدی او نورونی حسن
گلشن دینیدن سولوب شاخه گل سرو و چمن
سالدی بو شیعه قلبینه نسگلی درد و غم مِحن
آغلا گوزوم بو غمده سن آغلیانین جزاسی وار

گللر آچار بهاریده هر چمنون گلی اولار
غنچیه منتظر قالان عشقلی بلبلی اولار
مهدیسی اولسا هر کیمون سانماکه مشکلی اولار
(عدلی) اولوبدی عاشقی دلده بو ادعاسی وار

• پنج شنبه
• 11
• دی
• 1399
• ساعت
• 15:13
• نوشته شده توسط
• یوسف اکبری

سبک: زینبم جان اوستیم...

بوگجه صاحب عزا سن سن آقا یابن الحسن
تسلیت سویلور سنه اهل ولا یابن الحسن
تسلیت یابن الحسن (۲)

شهر غربتده آتون اولدی غریبانه شهید
اولدون ای زهرا گلی غربت ولایتده وحید
اول عمرونده دلده غملرون اولدی شدید
درد جانسوزه سن اولدون مبتلا یابن الحسن
تسلیت یابن الحسن (۲)

اُف اولا بو عالمه تازه واریدی بش یاشون
سیندی قلبون غصه دن آخدی جماله گوزیاشون
بش یاشیندیدون آقا درده دچار اولدی باشون
جان عزالی جانوه اولسون فدا یابن الحسن
تسلیت یابن الحسن (۲)

بیلمورم سن نه چکوبسن ای عزیز فاطمه
طاقت ایلوبسن اوشاقلیقدا بو جان فرسا غمه
واریری حشره کیمی ائتسون همیشه زمزمه
ای اولان دلده غمی بی انتها یابن الحسن
تسلیت یابن الحسن (۲)

واریری آهون آقا قلب جهانی داغلاسون
حشره جک قلبون داریخسون گوزلرون قان آغلاسون
شیعه لر بو غمده دائم باشه قاره باغلاسون
اولدی روشن گوندوزون لیل دجا یابن الحسن
تسلیت یابن الحسن (۲)

• پنج شنبه
• 11
• دی
• 1399
• ساعت
• 15:15
• نوشته شده توسط
• یوسف اکبری

حسنِ العسگری ای سلطان عالمین
نور چشـم زهرا ای مَهپاره حسین
بو مریضان عشقیوه فاطمـه بالاسی دَوانـی وئر
کـربـلا عـاشقـانیـنه بیـر بـرات کربوبلانـی وئر

شها بو غیرتلی اُمته مبارک اولسون ولادتون
امام قائم او حجته مبارک اولسون ولادتون

« مبارک اولسون ولادتون »

گلشن امامت غـرق شور و شِینیدی
بو آقا کی گلموش ماه مشرقینیدی
هم نام حَسندی غیرتده علی کیمی
نَـوة پیغمبـر ؛ دلبنـد حُسیندی

عرشیــان یکسـره علـی ابن هـادیَ مرحبـا دیـور
مهدی فاطمـه بو گـون عیـدیانـه عشاقـه پایلیـور

فلک دیور مرحبا حَسن- ملک دیور مرحبا حَسن
اسیر اولانـدا مُصیبتـه-اورک دیور مرحبا حسن

شها بو غیرتلی اُمته مبارک اولسون ولادتون
امام قائم او حجته مبارک اولسون ولادتون

« مبارک اولسون ولادتون »

سامراده قبرون جولانگاه عشق اولوب
گنبدون عشاقه جلوه گاه عشق اولوب
قربـان اولا جانیـم قبریـون ملالینـه
کی بلالی قبرون وعده گاه عشق اولوب

مدفنـون وادیِ شهیـدانِ غـرق ِ خـونِ زمـانیدی
گنبدون طاقه طاقه هفت آسمانه چون سایبـانیدی

بو عاشقـانه بهـانه وئر بهانـه بو عاشقانه وئر
سنی حسینون جانی آقا زیارتون عیدیانه وئر

شها بو غیرتلی اُمته مبارک اولسون ولادتون
امام قائم او حجته مبارک اولسون ولادتون

« مبارک اولسون ولادتون »

قبـریـوی وئـرانـلار زنازاده دور آقا
حَقوی دانانلار حرامزاده دور آقا
سن اوزون آقاسن شاهَنشاه عشقی سن
عاشقلـرون ازدم آقازاده دور آقا
آسمانـدا ستـاره لرنـن گـویی ایشخـلاندیـریب خـدا
بـاغ جنتـده تهنیـت سـویلیـوله زهـرایـه انبیـا

کی جشن میلادِ عسگری سُویُوندوروبدور پیمبری
جمالیـدن عین مجتبـا جَلالیـدن اولدی حیدری

شها بو غیرتلی اُمته مبارک اولسون ولادتون
امام قائم او حجته مبارک اولسون ولادتون

« مبارک اولسون ولادتون »

• جمعه
• 10
• بهمن
• 1399
• ساعت
• 17:11
• نوشته شده توسط
• یوسف اکبری

کوه صفا ،جودوسخامظهری
حجت حق بحر وفا گوهری
عرش ولانون مه روشنگری
سینه ی دژخیمه ویران اخگری
گوزلرینه خیل ملک مشتری
هر باخیشی یاده سالان حیدری
نورهدی یاحسن عسکری

یازدهم حجت حی ازل
صورت پیغمبره الحق مثل
شیرخدا مثلی اولان بی بدل
سوزلری شیریندی،عسلدن عسل
گریازیلا وصفینه مین مین غزل
واله ایدر خامه نی هم دفتری
نورهدی یاحسن عسکری

سینه سی وارسینه ی سیناکیمی
قامتی وارسرو دل آراکیمی
سرو دل آراندی طوبا کیمی
معجزی وار معجز موسی کیمی
مرده نی احیا ایدر عیسی کیمی
عاشق ایدر یوسف گل پیکری
نورهدی یا حسن عسکری

چشمه ی کوثرکیمی جوشانیدور
چشمه ندوربحر خروشانیدور
بحرخروشان ندی طوفانیدور
موریدی شاهلار، بو سلیمانیدور
شوقیله جبریل اونا دربانیدور
درگهینون بنده سی جن و پری
نورهدی یاحسن عسکری

مملکت حسنه اولان حکمران
وسعت الطافی کران تا کران
جدی کیمی فاتح هر امتحان
وصفینه آواره قالوبدور زبان
دامنی دانشگه صاحب زمان
بو بجروب مهدی نام آوری
نور هدی یاحسن عسکری

شیعه ایشیت محنتینی داده گل
هشت ربیعی گینه سال یاده گل
گی قره احرامووی فریاده گل
ماتمینه ساده و افتاده گل
ساده گل افتاده گل آزاده گل
یاشلیدی مهدی آقانون گوزلری
نور هدی یا حسن عسکری

وااسفا اولدی عیان کینه لر
زهرجفا ایتدی اوشاهه اثر
دوشدی نفس تنگه آلیشدی جگر
سسلدی ای مهدی والا گهر
گل باشیم اوسته اولورم، دیده تر
تیتردی مهدینون اودم دیزلری
نورهدی یاحسن عسکری

سسلدی ای تاب و توانیم منیم
جلویه چیخ ماه نهانیم منیم
آغلاما ای روح وروانیم منیم
ای سبب عزت وشانیم منیم
آزقالورایندی چیخا جانیم منیم
داده چاغور فاطمه ی اطهری
نورهدی یاحسن عسکری

خوشدی ملاقاتیمه طاها گله
شهرنجفدن بورا مولا گله
الده کفن یاره لی زهراگله
یا حسن اول ماه دل آراگله
کرب وبلادن شه والا گله
پنج تن آدی دیلیمون ازبری
نور هدی یاحسن عسکری

گرچه من الان بالا جان اوستیم
یاره لی قوش تک بیله پربستیم
غملرایدوب زارمنی، خستیم
خسته ده اولسام گینه وارستیم
کرب وبلاشاهینه وابستیم
یاد ایده رم الده اولن رهبری
نور هدی یاحسن عسکری

قانلی بیابانیده عطشان حسین
حقه ایدوب جانینی قربان حسین
ایلمدی سستی پیمان حسین
تاکه اولوب قانینه غلطان حسین
فاطمه معناده دیدی جان حسین
منده گرک سسلیم او سروری
نورهدی یاحسن عسکری

ای شه دین درگهووه خادمم
چوخدی قصوریم بیلوسن نادمم
خاک ره یار، علی الدایمم
سفره ی جودوندن آقا (ناعمم)
منتظر خسته دل "قائمم"
گوزلیورم رهبر نیکو فری
نورهدی یاحسن عسکری

• چهارشنبه
• 20
• اسفند
• 1399
• ساعت
• 22:21
• نوشته شده توسط
• یوسف اکبری

معتمد ظلمونده طغیان ایتدی یا صاحب زمان
عدنده زهرانی گریان ایتدی یا صاحب زمان

بر ستم ایتدی آتان حقنده اول ظالم سِیر
زهریله مسموم ایدوب آخر او شاهی تخم شر
یاندروب یاخدی وجود نازنین سر بسر
خانه ی ایمانی ویران ایتدی یا صاحب زمان

طاقت و صبر و قرارین آلدی الدن ظلمیله
نور عین مصطفانی سالدی دلدن ظلمیله
آیری سالدی بلبلی گلشنده گلدن ظلمیله
دشمن گل-خاری خندان ایتدی یا صاحب زمان

ایله یاندوردی آتان قلبین او زهر جانستان
گل کیمی سولدی سارالدی اول امام انس و جان
نطقدن دوشدی دایاندی سیریدن شمس زمان
دین اوین بو ظلم تالان ایتدی یا صاحب زمان

آرتروب سوز عطش درد و ملال و محنتین
شدت زهر آلدی الدن اختیار و طاقتین
سلب ایدوب جسم شریفیندن امامین قدرتین
تا سوسوزلوق باغرینی قان ایتدی یا صاحب زمان

ایلیوب احضار عقیدی اول امام خونجگر
ایستدی بیر جرعه سو شاهنشه جنّ و بشر
ایلدی حاضر غلامی کاسه ده بیر مختصر
ایچدی اما دردی طغیان ایتدی یا صاحب زمان

یوز ویروبدور حجة اللهه او دمده اختلال
عارض شمس هدایتده بروز ایتدی زوال
تاپشوروب اسرارینی بیر بیر سنه باتدی هلال
جاننی اسلامه قربان ایتدی یا صاحب زمان

سن ادا ایتدون نمازین عزت و اجلالیله
کفن و دفن اولدی آتان نعشی اوگون اعزازیله
شهر سامرّا دولوب یکسر فغان و دادیله
شیعه نی بو غم پریشان ایتدی یا صاحب زمان

محضر جاناندا روح اقدسی تاپدی قرار
جان ویروب جانانه حسرتله شه والاتبار
بو مصیبت آلدی شاها لیک سندن اختیار
گوزده اشگون مثل باران ایتدی یا صاحب زمان

قورتولوب دفن امری یوز ویردی بیر اوزگه ماجرا
دودمان رحمته بیردن توکولدی اشقیا
قصد غارتله هجوم آور اولوبلار بر ملا
ظلمه باخ اولقوم نادان ایتدی یا صاحب زمان

آلدی غارت قصه سی بو غملو گوگلومدن توان
یادیمه دوشدی بلا دشتینده قوم کوفیان
اوندا که جدّون حسین ظلمیله ویردی تشنه جان
فکر غارت حمله عدوان ایتدی یا صاحب زمان

گوردی سعد اوغلی حسین قان ایچره اولدی غوطه ور
ویردی فرمان لشگر اولسون خیمه گاهه حمله ور
ظلم اودی آلرسوله دلدن اولدی شعله ور
هلهله اشرار دوران ایتدی یا صاحب زمان

بولمورم نه حاله قالدی اهل بیت مصطفا
ال آچاندا غارته غارت گران بی حیا
زینبه اولدی پناهنده حریم کبریا
کوفیان اطفالی ترسان ایتدی یا صاحب زمان

اود ووروب اشرار اودم یاندی جفائیله خیم
ایتدیلر غارت اثاث بیتنی قوم ظُلم
اضطرابه دوشدی عمّن زینب مریم شیم
ناله چون نی اول پریشان ایتدی یا صاحب زمان

یا ولیّ الله (شعانون) نطقنه ایله نظر
سائل دربار جدّوندور همیشه غم چکر
هانسی سائل - سن کیمی شه درگهندن بوش گیدر
لطفوه امّید اونالان ایتدی یا صاحب زمان

• یکشنبه
• 7
• شهریور
• 1400
• ساعت
• 00:04
• نوشته شده توسط
• یوسف اکبری

شرار عشقووه گر، یانماسام قرار اولماز
بهشتی وعده وئرور، بئیله بیر شرار اولماز
.
دوزولسه کیپریگوین نظمی تک بوتون اوخلار
گوزوم سپر قیلارام بیر اوخون کنار اولماز
.
او گوزلرین قاداسین من آلیم شرابین وئر
دگرلی ساغریووه من کیمی خمار اولماز
.
دولاندیر ئوز باشووا وئر منه تصدق تک
او تار زلفووی کی، لیل اونا نهار اولماز
.
او زلفیدور که منی ساخلیوب بو درگهده
کیم اوندا دامه دوشوب روزگاری تار اولماز
.
خزانه دوندی یازیم آغلادیم گجه گوندوز
یازین بولودلاریدا من تک اشکبار اولماز
.
بو جان سنونکیدی گل ، بیر یول امتحان ایله
سن ایسته سون گوزلیم جاندا اختیار اولماز
.
بو درد عشقه گولوم چاره هئچ طبیب ائتمز
که مین طبیب

• پنج شنبه
• 24
• بهمن
• 1398
• ساعت
• 08:44
• نوشته شده توسط
• سید محمد حسینی

شرار عشقووه گر، یانماسام قرار اولماز
بهشتی وعده وئرور، بئیله بیر شرار اولماز
.
دوزولسه کیپریگوین نظمی تک بوتون اوخلار
گوزوم سپر قیلارام بیر اوخون کنار اولماز
.
او گوزلرین قاداسین من آلیم شرابین وئر
دگرلی ساغریووه من کیمی خمار اولماز
.
دولاندیر ئوز باشووا وئر منه تصدق تک
او تار زلفووی کی، لیل اونا نهار اولماز
.
او زلفیدور که منی ساخلیوب بو درگهده
کیم اوندا دامه دوشوب روزگاری تار اولماز
.
خزانه دوندی یازیم آغلادیم گجه گوندوز
یازین بولودلاریدا من تک اشکبار اولماز
.
بو جان سنونکیدی گل ، بیر یول امتحان ایله
سن ایسته سون گوزلیم جاندا اختیار اولماز
.
بو درد عشقه گولوم چاره هئچ طبیب ائتمز
که مین طبیب

• پنج شنبه
• 24
• بهمن
• 1398
• ساعت
• 08:44
• نوشته شده توسط
• سید محمد حسینی

شرار عشقووه گر، یانماسام قرار اولماز
بهشتی وعده وئرور، بئیله بیر شرار اولماز
.
دوزولسه کیپریگوین نظمی تک بوتون اوخلار
گوزوم سپر قیلارام بیر اوخون کنار اولماز
.
او گوزلرین قاداسین من آلیم شرابین وئر
دگرلی ساغریووه من کیمی خمار اولماز
.
دولاندیر ئوز باشووا وئر منه تصدق تک
او تار زلفووی کی، لیل اونا نهار اولماز
.
او زلفیدور که منی ساخلیوب بو درگهده
کیم اوندا دامه دوشوب روزگاری تار اولماز
.
خزانه دوندی یازیم آغلادیم گجه گوندوز
یازین بولودلاریدا من تک اشکبار اولماز
.
بو جان سنونکیدی گل ، بیر یول امتحان ایله
سن ایسته سون گوزلیم جاندا اختیار اولماز
.
بو درد عشقه گولوم چاره هئچ طبیب ائتمز
که مین طبیب

• پنج شنبه
• 24
• بهمن
• 1398
• ساعت
• 08:44
• نوشته شده توسط
• سید محمد حسینی

ترک ایدوب مظلوم آتان دنیانی یاصاحب زمان
قورتولوب زندان غمدن جانی یا صاحب زمان

معتمد ظالم سنی بیر عمر مهموم ایلدی
جدّیوین حقّین الیندن آلدی مظلوم ایلدی
عاقبت ویردی او شاهه زهر مسموم ایلدی
اوج ایدوبدور گویلره افغانی یا صاحب زمان

ایستدی ائتسون ئوزیندن رفع تهمت مکریله
دوتدی استشهاد کذبی مطلبی گلدی اله
یعنی بو سیّد ئوزی ناخوشدی ممکندی اُله
ایتدی مدرک بیر نچه امضانی یا صاحب زمان

جمع ایدوب اعیان شهری مکریله ئوز باشینه
جدّیوی گلدی عیادت ایتماقا ئوز باشینه
آچدی باشین ظاهراً رخصت ویروب گوزیاشینه
کیم گوروب بو حیله ی شیوانی یا صاحب زمان

گوزلرین آچدی امام عسکری زار و حزین
صاق صولا باخدی گوروب ئوز باشی اوسته قاتلین
چکدی بیر آه آغلادی کشف ائتمدی درد دلین
دولدوروبدور دیده ی گریانی یا صاحب زمان

یادیمه دوشدی بو یرده بیر موثّر غائله
بیر امامینده گوزی دوشدی ئولنده قاتله
اود دوتوب یانّام ئولونجه آغلارام بو نیسگیله
یاده سالدوقجا شه عطشانی یا صاحب زمان

شمر ظالم دلده کینه، الده تیغ پر شرار
صدر مکسور حسینه چخدی ائتموب ننگ و عار
سنگدل دشمن، آغور چکمه، سوسوز هم زخمدار
لرزه دوتدی عالم امکانی یا صاحب زمان

شه گوروب سینه آغورلاشدی دوشوب تنگه نفس
مرغ دل دوشدی فشاره آز قالور سینسون قفس
گوزلرین آچدی دیدی خوش گلمیسن ای بوالهوس
عشقه باخ گور عاشق شیدانی یا صاحب زمان

یاخشی گلدون گل بو غمدن راحت ایله جانیمی
باشیمی تیز کس یتور تکمیله بو نقصانیمی
شکرُ لِلَّه زنده ائتدیم قانیله قرآنیمی
بیر او قاندور ساخلیان قرآنی یا صاحب زمان

باغریمیز قان اولدی بو محنتده یابن العسکری
شیعه نین شاها نه قدری عجّل اولسون ازبری
اهل حق قالموش شماتتده اولوب باطل جری
دولدوروب جور و جفا دنیانی یاصاحب زمان

• سه شنبه
• 13
• آبان
• 1399
• ساعت
• 12:59
• نوشته شده توسط
• یوسف اکبری

مهدیِ صاحبْ‌زمانین بیر غم عظماسی وار
گوزلری یاشلی، دیلینده ذکر واویلاسی وار

صون نَفَسلرده دوتوب یوز قبلیه ساری حَسَن
گه دیور یامهدی گاهی ذکر یازهراسی وار

زهریله مسموم اولوبدور چون امام عسکری
اهلبیتون سامرا شهرینده بزم یاسی وار

شیعه‌ده اولدی شریک غم امام عصرینه
اگنینه قاره گیوبدور اشک و آه و واسی وار

وئرمگه باش ساقلیقی ئوز دلبر و دلدارینه
دائما دیلده شعار ناب و پُراحساسی وار

مهدی‌جان باشون ساق اولسون غم یئمه چون شیعه‌نون
هرمکاندا کربلا، هر گونده عاشوراسی وار

ثبت و ضبط ایلر یقیناً بی‌ریا خدمتلری
قائم آل عبانین دیدهٔ بیناسی وار

(فیضیا) یوخدور غمی بو دهریده هر کیمسه‌نین
یوسف زهرا کیمین بیر شاه بی‌همتاسی وار

مرحبا پس شیعیان مرتضا اقبالینه
حضرت مهدی کیمین مولاسی وار، آقاسی وار

• شنبه
• 24
• آبان
• 1399
• ساعت
• 19:29
• نوشته شده توسط
• یوسف اکبری

ای صاحب زمین و زمان عیدیانه وئر
وی حجت خدای جهان عیدیانه وئر

روز ولادتی آتاوین عید شیعه دور
عید ولادته آقا جان عیدیانه وئر

صوت حجازیلن یره سپ عطر معنوی
سویله مناره لرده اذان عیدیانه وئر

چیخ بام کعبه دن بیزه وئر مژده ی ظهور
بیر خطبه اوردان ایله بیان عیدیانه وئر

آل ذوالفقاریوی الیوه کربلایه گل
لیلائیلن ربابه عیان عیدیانه وئر

لیلایه منقذین باشینی وئرگیلن صله
اما ربابه دلده فغان عیدیانه وئر

ایسته او دادگاهه گله شمر و حرمله
اولده شمره وئرمه امان عیدیانه وئر

دستور وئر قصاص ائلیه شمری حرمله
اوچ پر اوخیلا ایری کمان عیدیانه وئر

قیلسین نشانه حرمله شمرین بوغازینی
قاتل الیله قاتله قان عیدیانه وئر

اصغرده گلسه باخماقا شمرین قصاصینه
اوّل او شیرخواره سودان عیدیانه وئر

شمرین باشین هدیّه قیلوب گوندر عمه وه
زینب قدین او ایتدی کمان عیدیانه وئر

قالسین او چولده حرمله اصغر اوزون رباب
اول قاتله او یرده گران عیدیانه وئر

اصغرسرین سو،حرمله شمرین قانین ایچه
اوز ظلمینین حدودی اولان عیدیانه وئر

ایله جزای عدله یتور شاد اولا رباب
"زعفر" دیه امام زمان عیدیانه وئر

• سه شنبه
• 4
• آذر
• 1399
• ساعت
• 12:37
• نوشته شده توسط
• یوسف اکبری

بو گجه گلدی ولایتدن سُلال حیدری
عالمه یعنی قدم قویدی امام عسکری

نوریلن ایتدی منّور عالمی بو گل وجود
بار دیگر آخدی کوثر عالم اولدی کوثری

اوز قدومیلن جهانی عنبر افشان ایلدی
گلستان و هر چمندن گلدی بوی عنبری

حضرت هادی ایوی اولموشدی جنّتدن نشان
سایه سالموشدی او ایوده چون ملائک شهپری

وارث علم امامت دور شجاعت چون علی
آفتاب معرفت دور انبیانون مظهری

سورۀ والیل دور زولفون پریشان ایلسه
سورۀ والشمسدن معنا جمال انوری

عادتی احسان و وردی حق سجایاسی کرم
رهبر کلّ جهان هم شیعیان جعفری

بو قدم قویدی جهانه تا گتورسون بیر بالا
حضرت مهدی آدوندا ما سوانون رهبری

نام نامیسی حسندی قامت و روئی حسن
تاجدار اِنمّادن یادگارِ دیگری

خُلق و خوئی مصطفی دور هم آنا خیرالنّسا
نرگس خاتونه احسن اولدی مهدی مادری

بو صلابتده شجاعتده همیشه یکّه تاز
خادم درگاهی اولموش حوریان و هم پری

سامراده چون شهید اولدی گوزل بیر قبری وار
زایر اولسون ایستوری ناهید و زهره مشتری

آیه آیه کُل قرآن وصف ایدوب بو گوهری
آستانینده ملک لر ایلیوللر نوکری

مادح درگاهی دور (عدلی) یازار مدح و ثنا
گه زبان فارسیلن گاهی زبان آذری

• جمعه
• 12
• دی
• 1399
• ساعت
• 23:09
• نوشته شده توسط
• یوسف اکبری

آغلا شیعه چون بوگون صاحب زمان قان آغلادی
جان ویروب مسموم آتاسی عرش رحمان آغلادی

بیروجودیکه اولاافلاک علمه آفتاب
تزغروب ایلوب ندندی گل یوزه چکدی نقاب
آلدی آغوشه اوگل تک پیکری تیره تراب
قلب عالم مهدینی ایتدی پریشان آغلادی

بیر وجودیکه اولا اسلامه عزت سایه سی
تاپدی استحکام اونیله ملک دینون پایه سی
هجری واقع اولدی قرآن اهلینه غم مایه سی
تا قیامت وارگوررسن اهل ایمان آغلادی

بیروجودیکه اولا باغ سخاوتدن ثمر
شعشعه سالسون شعاعی عالمه مثل قمر
زهرکین آیاروادی جانینه سالسون شرر
هم امام وهم رعیّت هرمسلمان آغلادی

بیروجودیکه اولادریای تقوایه گهر
جدینون احکامنی ایتموشدی گون تک مشتهر
ایرمی سگّز سنّید یدی ایتدی عقبایه سفر
قویدی بو اهل وفانی دیده گریان آغلادی

ایتدیلرغسل وکفن اولماز بیله مظلوم امام
قارداشی جعفرگلوب قیلسون نماز ایتدی قیام
گوردولرنور ایچره گلدی مهدی صاحب مقام
بو آتام مسموم اولوبدی ایتدی عنوان آغلادی

جعفره مانع اولوب قیلدی نماز مهدی اوزی
قائم اعظم منم آندوردی تابولسون سوزی
بش یاشیندا من امامم کوراولا دشمن گوزی
قبره قویدی اوز آتاسین قلبی سوزان آغلادی

گرچه ترک ایتدی جهانی شاه دین اسمی حسن
شیعه لر اولدی فراقینده اونون غرق مِحَن
قالمادی جسمی حسین تک لیک بی غسل وکفن
دفن ایدن صاحب زمان و اهل قرآن آغلادی

پیکری قالدی حسینون اولمادی غسل وکفن
ایسّی قوم لار اوسته یاتدی اوچ گجه شاه زمن
نه الی وار نه باشی سانسیز یارا دیموش بدن
گوردی زینب قتلگهده جسمین عریان آغلادی

آه اوساعتدن گوروب دور زینب بختی نگون
فلک امیدی اولوب مستغرق دریای خون
وارسپهرپیکر ینده یاره انجمدن فزون
باشی اوسته ایلدی فریادو افغان آغلادی

سویلدی باشون هانی ای جانیمه جانان اولان
ای شه ملک امامت قانینه غلطان اولان
کیم سنی سالدی بوحاله دینینه قربان اولان
اولدی گوزلر اشگیدن ابر بهاران آغلادی

جمعه دور ماه ربیع مهدی اولوب صاحب عزا
گوز یاشین رخساره باغلور سسلوری ایوای بابا
نوحه دِی بیز آغلیق دللر دونوب (عدلی)قانا
هیئت اهلی خانه صاحب اولدی نالان آغلادی

• شنبه
• 13
• دی
• 1399
• ساعت
• 23:33
• نوشته شده توسط
• یوسف اکبری

شیعه بو گون عزایه گل
حجت حق عزاسی وار
غملیدی صاحب الزمان
دیلده بابا باباسی وار

یاسه باتوبدی ماسوا
شیعه لرون نواسی وار

زهرجفاایدوب اثرایتدی امامی بی قرار
تاب وتوانی قالمادی گوز لری اولدی اشکبار
مهدی صاحب الزمان قلبی اولوبدی داغدار
اشکی رواندی صورته دیلده بیوک بکاسی وار

معتمدین جنایتتی اولدی جهانه برملا
میل ایلیوبدی زهرکین دردینه اولمادی دوا
سسله دی گل آنا حسن اولدی غریب سامرا
سالدی شراره جانیمه اود باشیمون بلاسی وار

گل آناجان چاتوب منیم زهرجفا دوداقیمه
پیک اجل آلارجانی ایندی گلر سراقیمه
تک قالی مهدی زمان قلبی یانار فراقیمه
یاندی جگرلریم آناگل نجه گوریاراسی وار

غربت ایچینده گر اُولم مهدی بالامدی آغلیین
واردی اگرچه قارداشیم اولماز او سینه داغلیین
باغلا اوزون بوگوزلری یوخدی بویرده باغلیین
منتظرم مدیندن سن گلسن صفاسی وار

ظلمونی اشقیاندن بولدی منه آنا روا
خزانه دونروب منیم بهارعمرومی جفا
شام غریبانمدا گل ساخلا اوزون منه عزا
سامرده ایکی بالان دفن اولی غم بناسی وار

گونکیمی باتدی شاه دین کسدی او نورونی حسن
گلشن دینیدن سولوب شاخة گل سرو وچمن
سالدی بو شیعه قلبینه نسگلی درد وغم مِحن
آغلا گوزوم بو غمده سن آغلیینین جزاسی وار

گللرآچاربهاریده هرچمنون گلی اولار
غنچیه منتظرقالان عشقلی بلبلی اولار
مهدیسی اولسا هرکیمون سانماکه مشکلی اولار
(عدلی) اولوبدی عاشقی دلده بوادعاسی وار

• شنبه
• 13
• دی
• 1399
• ساعت
• 23:35
• نوشته شده توسط
• یوسف اکبری

در آهنگ : دوست دارم كه دستهاتو داشته باشم

هامی دنیا بوگیجه گلشنه دوندی
قلبیلردن غم اودی شکراولا سوندی
یره گویدن انوری حوری و غلمان
قاریشوب بیربیرینه جنیله انسان
گلدی گللرین صفاسی
صاحب زمانین آتاسي
تبریک حجت خدایه
گلدی عسکری جهانه
اولسون مقدمی مبارک

بلبلی دعوت ایدوب باغه بنفشه
بوگونون بساطینه چکولله نقشه
سنده آماده ایله بزم صفانی
دعوت ایله بویره صاحب زمانی
گلدی گللرین صفاسی
صاحب زمانین آتاسي
تبریک حجت خدایه
گلدی عسکری جهانه
اولسون مقدمی مبارک

بوگلن باده عشقیله خماردی
عسکری دورلقبی هیبتی واردی
شیعه نین قلبی صفاتاپدی اونیلان
گلدی درمانده لرین دردینه درمان
گلدی گللرین صفاسی
صاحب زمانین آتاسي
تبریک حجت خدایه
گلدی عسکری جهانه
اولسون مقدمی مبارک

• سه شنبه
• 23
• دی
• 1399
• ساعت
• 22:31
• نوشته شده توسط
• یوسف اکبری

یرون مژده گل باغ و بهاره ... بو غملی روزگاره
دلِ افسرده و بیحال و زاره ... دینن گولسون دوباره
وصال ياري ویر مژده نگاره ... گلیر یار بو دیاره
خرامان گلدی بلبل بیشه زاره ....بيله سويلور هزاره
گلیر دردلر دواسی//// گلیر دیللر صفاسی
دیون تبریک اولون شاد //// گلیر مهدی آتاسي
مباركدي مبارك

جهان روشندی نور عسکری دن .... جمال حیدری دن
زمين گلشن گل پیغمبری دن .... او خبره گوهری دن
اوجالدی مرحبا حور و پری دن .... زحل دن مشتري دن
گلیر دردلر دواسی//// گلیر دیللر صفاسی
دیون تبریک اولون شاد //// گلیر مهدی آتاسي
مباركدي مبارك

اولوب گویدن یره حوری سرازیر... تولا اولدي تعبیر
اولوندی آیه آزادی تفسیر... آچيلدی قفل و زنجیر
اولوبلار همنوا صیاد و نخجیر ... ايدون بیرجمله تحریر
گلیر دردلر دواسی//// گلیر دیللر صفاسی
دیون تبریک اولون شاد //// گلیر مهدی آتاسي
مباركدي مبارك

دوشوب اعدايه لرزه سطوتيندن ... كمال و همتيندن
آليب قدرت الهي قدرتيندن ... جلال و حشمتيندن
جهان مرعوب اولوبدي هيبتيندن ... وقار و صولتيندن
گلیر دردلر دواسی//// گلیر دیللر صفاسی
دیون تبریک اولون شاد //// گلیر مهدی آتاسي
مباركدي مبارك

• سه شنبه
• 23
• دی
• 1399
• ساعت
• 22:33
• نوشته شده توسط
• یوسف اکبری