انواع اشعار حضرت قاسم (ع)

☑️ بند اول

کربوبلاده یوم بلاده قورولدی الله
بیر طوی اساسی

طوییدی بولمم یا دم ماتم عرشه اوجالدی
ناله صداسی

اهل حرم داده گلدی اشکیله ایسلاندی گوزلر
سالدیلا تازه عروسون باشینا بیر قاره معجر

وای قاره گییب تازه گلین
گورمدی ماه عسلین کرب و بلاده

وای اورکلره دولدی محن
سولدی گُل باغ حسن کرب و بلاده

? آه و واویلا آه و واویلا / آه و واویلا آه و واویلا

☑️ بند دوم

رسمیدی طویدا تازه عروسه قونشولار الده
گول گتیرل‌لر

چکل‌له قیزلار ناز و عداسین حجله اتاقین
گوزل بزل‌لر

ولی بو طویدا گلنلر دیده دن اشکین الیردی
گول یرینه گوز یاشیله نیسکیل اتاقین بزیردی

وای تیر جفا قلبی دلیب
اهل حرم یاسه گلیب کرب و بلاده

وای لوای ماتم ورولوب
نوحه بساطی قورولوب کرب و بلاده

? آه و واویلا آه و واویلا / آه و واویلا آه و واویلا

☑️ بند سوم

آه او زماندان تیر مصیبت قلبِ عروسِ
مضطری دلدی
خیمه سرایه تازه جوانین قانه بلشمیش
پیکری گلدی

آلدیلا نعشین آرایه قاخدی نوا نه سمایه
عروس نالان او دمده بو نوعی گلدی نوایه

دور آتش عشقه آلیشاخ
عم اوغلی باهم دانیشاخ یاتما یارالی

دور فرقتین آرامیم آلیب
آرزیلاریم دیلده قالیب یاتما یارالی

? آه و واویلا آه و واویلا / آه و واویلا آه و واویلا

☑️ بند چهارم

گوروسن عم اوغلی طوی گونی بختیم اولدوزی باتدی
باب غم اولدوم

قونشولار ایچره گئتدی جلالیم دوندی دونرگم
بد قدم اولدوم

غم لر ائوینده مریضِ عشقیوی قویدون عم اوغلی
فاطمه ی بینوادن اولمیه دویدون عم اوغلی

دور آیریلیغا یوخدی دوزوم
آغلیری هجرینده گوزوم یاتما یارالی

دور بیرده منیم گویلومی آل
قوللاریوی بوینوما سال یاتما یارالی

? آه و واویلا آه و واویلا / آه و واویلا آه و واویلا

• جمعه
• 24
• شهریور
• 1402
• ساعت
• 21:04
• نوشته شده توسط
• یوسف اکبری

☑️ بند اول

عروس کربلایم عم اوغلی
عشقیوه مبتلایم عم اوغلی

باخ گوزومون یاشی سیله دونوب غمدن
سالدی منی آیری قوم جفا سندن

سینمی غمدن داغلییرم من
نعشیوین اوسته آغلییرم من

? جان عموغلی جان عموغلی / جان عموغلی جان عموغلی

☑️ بند دوم

باشاباش جسمین قاندی عم اوغلی
قلبیمین باشی یاندی عم اوغلی

کیم سنی بو حال بی رمقه سالدی
یاره لرون تنده طاقتیمی آلدی

آچ گوزون ای دردیمین دواسی
گوزلریوین من اولوم فداسی

? جان عموغلی جان عموغلی / جان عموغلی جان عموغلی

☑️ بند سوم

بو نه طوی دی قان اولوب حناسی
یاسه دونوبدی طویون اساسی

حالیما بیر یاندا آغلاشیری قیزلار
سوز و نوائيله آغلیر اوغول سوزلار

قونشولارا علت غم اولدوم
ایندی دییللر بد قدم اولدوم

? جان عموغلی جان عموغلی / جان عموغلی جان عموغلی

• جمعه
• 24
• شهریور
• 1402
• ساعت
• 21:06
• نوشته شده توسط
• یوسف اکبری

☑️ بند اول

نوعروسم طویوم یاسه دونوبدی
شمع وصلیم جفائیله سونوبدی
سالدی جور فلک باشیمه قاره
هاردا من تک گلین قیز گورونوبدی

نینیرم تابیرام دردیمه چاره
آخیب بخت اولدوزوم مثل ستاره

? آه نی کیمی غرق نوایم
من نو عروس کربلایم

☑️ بند دوم

رسمیدی طوی گونی خونچا بزللر
گول سپیب آیینا شمعدان گتیرللر
بی گلین دوره سین قونشولار آلار
شاد اولوب گول دییب گول اشیدللر

بوردا اما پوزولودی طوی اساسی
عروسون قان اولوب الده حناسی

? آه نی کیمی غرق نوایم
من نو عروس کربلایم

☑️ بند سوم

هجر الی یاریمی مندن آلیبدی
بلبلی لاله دن آیری سالیبدی
بیرده گولمز یوزوم قاره گون اولدوم
سینه دن آهیم عرشه اوجالیبدی

بو فراقی اینانمازدیم اوزومده
بوتون آرزی لاریم قالدی گوزومده

? آه نی کیمی غرق نوایم
من نو عروس کربلایم

☑️ بند چهارم

حقلی ام گلسم آهیله فغانه
بلشدی اللریم طوی گونی قانه
نه شاد اولدوم نه گولدوی یوزوم الله
آغلییب باشلادیم غملی ترانه

قلبیمه آیریلیخ غم اوخی ساچدی
نه گوردوم بخت ائوین نه ایاق آچدی

? آه نی کیمی غرق نوایم
من نو عروس کربلایم

• شنبه
• 25
• شهریور
• 1402
• ساعت
• 00:05
• نوشته شده توسط
• یوسف اکبری

☑️ بند اول

دیار کربلاده گلیب دیللر نوایه
نوا هر غملی دیلدن چیخیب طاق سمایه

اورک ده بذر ماتم حرم اهلی اکیللر
سراسر حجله گاهه قرا پرچم چکیللر

دییللر فصل اندوه و بکادی
عروسی یِ یتیم مجتبی دی
یانیر سسلیر عروس قاره معجر
عم اوغلی طوی دی یا بزم عزادی

? عم اوغلی جان عم اوغلی

☑️ بند دوم

ندن ای ماهه بنذر بئله یورقون یاتیبسان
غریبم من عم اوغلی نیه گوزدن آتیبسان

اویان شمع وفانی گینه دیلده آلیشدیر
منیم قلبیم سینیخدی منی بیرده دانیشدیر

اولوبسان گول کیمی خندان عم اوغلی
داغیلمیش جسمیوه قربان عم اوغلی

نه گوردوم طوی نه گوردوم بخت اتاقی
حنا اولدی الیمده قان عم اوغلی

? عم اوغلی جان عم اوغلی

☑️ بند سوم

بو سینم ده عم اوغلی یانیخلی بیر دیلیم وار
بولور الله بو دیلده نقدری نیسکیلیم وار

بوییدی دیلده آرزیم حنا بندان اولیدی
گلییدی آینا شمعدان لبیم خندان اولیدی

ولی بخت اولدوزوم آخدی بو چولده
نه آرزیم وار عم اوغلی قالدی دیلده

نه گون گوردوم نه گوردوم خونچا گلسین
عم اوغلی طوی گونی قان وار الیمده

? عم اوغلی جان عم اوغلی

☑️ بند چهارم

بو درد بی دوایه اولونجان آغلارام من
غمینده باشه شال عزانی باغلارام من

روادی سسلیم من ای اللرده اولن وای
سولان ظلمیله عطشان گل باغ حسن وای

خوشا اقبالیوه کامه چاتیبسان
رضای حق اوچون قانه باتیبسان

گئدنده رزمه بو بوی دا دَییردین
سنه قوربان اولوم نه قد آتیبسان

? عم اوغلی جان عم اوغلی

• شنبه
• 25
• شهریور
• 1402
• ساعت
• 00:28
• نوشته شده توسط
• یوسف اکبری

يالقوزام گل عمو هرايه مصحفون اولدي آيه آيه
يوخ داخي جنگه استقامت گلميشم ديلدن التجايه
گل عمو؛ يخديلا يئره شمشادووي
گل عمو؛ وحشيلر ويرور دامادووي
عموجان گل //// عموجان گل

قاسمم مجتبي نشاني نهضت عشقوون جواني
خصم دون قانه غرق ايدوبدي آيت عشق مجتباني
تئزيتيش ؛ داديمه عموجان ئولورم
تئزيتيش ؛ حي داوره جان ويرورم
عموجان گل //// عموجان گل

لبلريم خشك اولوب سوسوزدان ويرميور جرعه سو بو عدوان
كوفي چوخ بي مروتيميش من تكم چوخدي قوم شيطان
تك گوروب ؛ لشگر جفا پيشه مني
ئولدورير ؛ قاسمي بوعدوان دني
عموجان گل //// عموجان گل

داديمه الان اي عمو گل من سنه قربان اي عموگل
جيسميمي آتلارين اياقي ايلدي شان شان اي عموگل
ئورگيم ؛ تنگ اولوب عموجان سنيچون
دادلي دي ؛ چون ئولوم عسلدن منيچون
عموجان گل //// عموجان گل

داديمه تئز يتيش آماندي كربلا دشتي جان آلاندي
دشمنيم ايلمور ترّحم دورت طرف نيزه اوخ ويراندي
يوخ وفا ؛ شام و كوفه اهلينده عمو
گورميوب ؛ ديدة جهان بيله عدو
عموجان گل //// عموجان گل

• چهارشنبه
• 24
• دی
• 1399
• ساعت
• 10:08
• نوشته شده توسط
• یوسف اکبری

اي گل مجتبي گللرين صفاسي
قاسم مه لقا درديمون دواسي
گول يوزون ايلدي عالمي گلستان
دوتدي عرشي بوتون حوريلر صداسي
عالمي قدوميندن روشن ايتدي قاسم
ديللري بوگون والله گلشن ايتدي قاسم

آچدي گللر سنون عشقوه چمنده
گولدي شوقيله باغلاردا ياسمنده
طره نازوي يللر ايتدي افشان
سنبل اوينار نجه باغدا يل اسنده
نغمه تك اوخور آدوي قمري غزلخوان
مات اولوب سنون عشقووه آهوي خرامان

مست اولوب عاشقان جام و ساغروندن
حظ آپاردي حسن لعل لبلروندن
چالدي لايلاي سنه شوقيله سريه
دم به دم اوپدي چون قاره گوزلروندن
سويلدي ننون آي منيم شوكت وقاريم
باشدا عزت و جاهيم ؛ تاج افتخاريم

بير گون اما گلر صحنه بلاده
قان دوتار گوزلرون دشت كربلاده
اولماز اوندا آتون دادوه يتيشسون
آغلار احوالوه اوندا ماسواده
اشقيا او ماواده قانووه بويالار
آتلار اياقي آلتدا جيسمووي قويالار

• چهارشنبه
• 24
• دی
• 1399
• ساعت
• 10:09
• نوشته شده توسط
• یوسف اکبری

(در آهنگ : ای سرزمین من ای نازنین میهن)

آچ گوزلريـن قاسـم امداديـوه گلـديم
ياتما بئلـه اوغلـوم فرياديـوه گلـديم

منـي اي تنهـا قويان قاسم
سنه جان قربان اويان قاسم

بالا لاي لاي لاي بالام لايلاي

گُل پيكرون اولمـوش باشـدان باشا يـاره
قلبيم داريخـدي گَل بير منلـه گفتـاره
آچ گوزلـرون سَس وئـر بو شاهِ بي يـاره

نجه تنگه دوشدي انفاسيم
ئولـورم ياتمـا اويان قاسم

بالا لاي لاي لاي بالام لايلاي

قويدون مني يالقيـز بو شُـور و بلـواده
آغلــور ملالينـده جنتـده زهـراده
اكبـر كيمي قانـه باتـدون بو صحـراده

باشا باش گل پيكرون قاندي
بـالا ياتمـا قلبيـم الولاندي

بالا لاي لاي لاي بالام لايلاي

تپراقـلار اوستونـده ياتمـا بئلـه خستـه
سانكي اولوب جسمون ميداندا گُل دستـه
دَگموش بو جسمونـن يـاره يـارا اوستـه

داغيلان اعضايهَ ئوزوم قربان
گوزون ياشينه گوزوم قربان

بالا لاي لاي لاي بالام لايلاي

بو جسمه اَدنالر پيكـان ساچـوب اوغلوم
جسمونـده يارالره لالـه آچـوب اوغلوم
قانين آخوب اُلقَد رنگون قاچوب اوغلوم
بو نه نوعي استراحتدي
بدنون زخم و جراحتدي

بالا لاي لاي لاي بالام لايلاي

• سه شنبه
• 14
• بهمن
• 1399
• ساعت
• 19:59
• نوشته شده توسط
• یوسف اکبری

چوخ تلاش ایتدوم یخام، قلب سپاهین بیرقین
بو بیاباندا پوزام کفّار کوفه رونقین
اولمادی ممکن یخلدوم ای شه اهل یقین
گَل عمو امدادیمه جلاد الینده قالموشام

موج ایدوب بحر بلا، میداندا داشدی گل عمو
دورت طرفدن اوستومه دشمن ال آشدی گل عمو
قاسمه امداد ایدن پیکاندی داشدی گل عمو
اوخلانان آهو کیمی صیاد الینده قالموشام

آز قالور عمروم گونی باتسون ایا صبح ازل
قاسمون درک ائت عمو، درک ائتمموش پیک اجل
پیکریم آتلار ایاقی آتدا قالدی داده گل
گَل گؤ نه اوضاعیدی، بیداد الینده قالموشام

حَنجریمده خنجر قاتل، اوزوم زار و فگار
ال قباقه ویرماقا باعث اولوبدی اضطرار
دوغرانوب بارماقلاریم ای شهریار تاجدار
دورت طرف نامردیدی، بدزاد الینده قالموشام

گوردی لشگر یوخدی اگنیمده لباس جنگ عمو
ایتمَدی اهل جفا، جدّیمدن عار و ننگ عمو
دورت طرفدن ویردولار تیغ و خدنگ و سنگ عمو
گل عمو امدادیمه جلاد الینده قالموشام

ایستورم یالقیز نه من، ای عمّ عیسی دم دمون
آرزو ایلر هامی جان تاپشوراندا مقدمون
قاتیلیم سویلر شماتتله چاغور گلسین عمون
لطف ایله گل باشیم اوسته، یاد الینده قالموشام

• دوشنبه
• 27
• بهمن
• 1399
• ساعت
• 09:35
• نوشته شده توسط
• یوسف اکبری

ای قاسم خونین کفن اوغلوم خداحافظ
لای لای یلِ گُل پیرهن اوغلوم خداحافظ

کرببلاده کیم سنه بو حاله سالدی
الدن قرار و صبریمی بالمرّه آلدی
طوی دوندی یاسه آرزو،دیللرده قالدی
طوی کوینکون اولدی کفن،اوغلوم خداحافظ

دور گور نجه تقدیریمیز بیر گوندی چوندی
سیندی بئلیم گوزیاشلاریم القانه دوندی
شمع امیدیم یِل اسوب بو چولده سوندی
مندن اولوب مونس مُحن اوغلوم خداحافظ

سندن صورا تک قالموشام بو چولده قاسم
نه قارداشیم وار نه بالام بو چولده قاسم
اعدایه اولسام دستیگر یوخدی هراسیم
ای یادگار پنج تن اوغلوم خداحافظ

رحم ائتمدی احوالیوه قوم ستمگر
زولفون بویاندی قانیوه قان اولدی لبلر
سُمّ ستوراندا قالوبدی جسم اطهر
ای تشنه لب جانین وئرن اوغلوم خدا حافظ

جسمین سراسر ای بالا اوچ پرلی اوخدی
گلمیر شماره یاره‌لر از بسکه چوخدی
هیچ بیر شهیدین سن کیمی آلامی یوخدی
یاره ویروبدی هر گلن اوغلوم خداحافظ

خوش حالیوه سندن عمون ائتدی عیادت
سایخ سالوبدی باشیوه شاه ولایت
جان وئردون آسوده اوغول جانانه راحت
ناکام اؤلن طوی گورمین اوغلوم خداحافظ

• دوشنبه
• 4
• اسفند
• 1399
• ساعت
• 23:08
• نوشته شده توسط
• یوسف اکبری

قاسم یخیلوب مقتله امدادیمه تز گل
یالقیز قالوب اللرده عمو دادیمه تزگل

گل گور منی لشگر عمو نه حاله سالوبدی
سیمرغ شرف دورینی زاغن‌لر آلوبدی
باخ پیکریمه آتلار ایاقینده قالوبدی
جان اوسته‌یم ای شاه جنان،دادیمه تز گل

داش نیزه ویرانلار منه،جدّیمنن اوتانمور
دورت دوره ارازیلدی بیری حالیمه یانمور
قانه دولوب آغزیم،دیلیم آغزیمدا دولانمور
قائل دگی حرمت بولار اجدادیمه،تز گل

باشدان گئچیب عشقینده من اهدافیمه چاتدوم
بو لذت دنیانین عمو داشینی آتدوم
لبیک دیدیم امریوه من قانیمه باتدوم
گل قویما دوشه اَل هله جلادیمه،تز گل

اولسون قسم عباسه ایا شاه ولایت
اکبر گئده قاسم قالا هیهات،سلامت؟
بالدان منه شیریندی رکابینده شهادت
قوی فخر ائلسین مادریم اوز آدیمه تز گل

ای شمس شرف نیّر اسپهر امامت
مین دفعه منی دوغراسا بو قوم شقاوت
عشقینده سنین لا دئمه‌رم بحر شرافت
سون لحظه‌ده لطف ائیله‌سن سن ارشادیمه،تزگل

باشیم گئده باش اگمرم ارباب ظلامه
اوللار کی آتور اوخ پسر شاه أنامه
آماج ائلرم قلبیمی هر تیر و حسامه
زینب دئه احسن بو چیچیک خادمه تز گل

آت دیرناغی سوکدی سینه‌می یوخدی گلایم
الله اوزی عالمدی بلیّاته رضایم
من اصغر شش‌ماهه و عباسه فدایم
قاسم یخیلوب مقتله امدادیمه تز گل

• دوشنبه
• 4
• اسفند
• 1399
• ساعت
• 23:09
• نوشته شده توسط
• یوسف اکبری

گَل عمو/یتیش هرایه/دوشوب بَلایه
یارالی قاسم

گَل اوزون/گور بیر نَحاله/قالوب عموجان
بَلالی قاسم

سالدیلار /منی اَیاقدان
یَتیمِ حَسَن ویرور جان
اَکبره /خاطر یوبانما
او گَلَن /یوللارا قربان

واریم چوخ جراحَت/یاخیندی شهادت
باشیم قالدی جَلّاد اَلینده

بو نامَردِ اَرذَل/کَسور باشیمی گَل
قالوب آهو صَیّاد اَلینده

عمو گورسَم سنی بیرده
جان ویرّم آسوده
تز گَل عموجان داده

اولور دینه قربان قاسم
ذَرّه یوخ هَراسیم
تز گَل عموجان داده

من مهمانم اَکبریوه

یارالار/سالیب اَیاقدان/عمو جمالیم
سولوب سارالیب

جسمیمی/آتلار اَیاقی/پامال اِیدندن
قَدّیم اوجالیب

خیمه ده آنام گوزَتلور
عیبی یوخ بِلِیدی تَقدیر
شَهدیدَن شیریندی ئولماق
قان شَراب، ساغَری شمشیر

خدا ایتدی احسان/اولام دینه قربان
عم اوغلوم کیمی پَرپَر اولدوم

یتیشدیم مَرامه/سَنون تَک امامه
خدا لطف ایدوب یاوَر اولدوم

نولور گول یوزون گورِیدیم
من صورا ئولِیدیم
تز گَل عمو جان داده

منی اَکبَردن آیرما
حَسرتله یاندیرما
تز گَل عمو جان داده

من مهمانم اکبریوه

• جمعه
• 22
• اسفند
• 1399
• ساعت
• 17:19
• نوشته شده توسط
• یوسف اکبری

نور آلور گل جمالوندن جمالوندن
کیچیلور داغ جلالوندن جلالوندن
وجهی وجه الحسن قاسم
نور چشم حسن قاسم
آغلاما یات آغلاما یات بالام لایلای

گل آچوب گل جهان عین جنان اولموش
گللر آلتدا اوجا داغلار نهان اولموش
لاله اوستونده بلبل نغمه خوان اولموش
اوخیور عشق حالوندن وصالوندن
گوزلیم سن ئوزون گُل سن
سن فرحبخش بلبل سن
آغلاما یات آغلاما یات بالام لایلای

گوزلیم سن وقاریم اعتباریم سن
نوگلوم نازنینیم افتخاریمسن
ئوز گلوم ئوز بهاریم سن نگاریم سن
ئوپرم مه جمالون اوسته خالوندن
دولودور گوزلرون سوزدن
اوخونور سوزلرون گوزدن
آغلاما یات آغلاما یات بالام لایلای

بیر گولومسون جهان یکسر بهار اولسون
روح آلوب گلستانلار لاله زار اولسون
غم هماسی ئورکلردن کنار اولسون
بیر گون آخر یانار قلبیم ملالوندن
منی گوزدن آتان گونلر
قان ایچینده یاتان گونلر
دیرم یات دیرم یات بالام لایلای

• پنج شنبه
• 5
• فروردین
• 1400
• ساعت
• 16:07
• نوشته شده توسط
• یوسف اکبری

سس توشوب میدان رزمه نوجوان قاسم گئدیر
مجتبی دردانه سی، شیر ژیان قاسم گئدیر
صولت و سیرت علی دور، جان ستان قاسم گئدیر
بیشه ی شیران دن دور، پهلوان قاسم گئدیر

عمه سی زینب باخور قارداشینون دلبندینه
جاری ائتدی اشکینی قاسم ووران لبخندینه
عرض ائدیب ای عمه زینب من فدا اوللام دینه
سس توشوب میدان رزمه نوجوان قاسم گئدیر
مجتبی دردانه سی، شیر ژیان قاسم گئدیر

ای اون اوچ سننینده دین حقه قربان مرحبا
عاشق و دلداده ی شاه شهیدان مرحبا
ای قیزیل گول مثلی جسمی اولموش القان مرحبا
سس توشوب میدان رزمه نوجوان قاسم گئدیر
مجتبی دردانه سی، شیر ژیان قاسم گئدیر

الله الله ووردولار چوخ یاره اعدا قاسمه
عالم معناده قان یاش توکدی زهرا قاسمه
آغلادی گویده علی و شاه بطحا قاسمه
سس توشوب میدان رزمه نوجوان قاسم گئدیر
مجتبی دردانه سی، شیر ژیان قاسم گئدیر

• سه شنبه
• 21
• اردیبهشت
• 1400
• ساعت
• 15:35
• نوشته شده توسط
• یوسف اکبری

ای وفا ملکنون شهریاری

نینوا دشتینون تاجداری

تئز یتیش دادیمه ای عموجان
.
گئتدی الدن حسن یادگاری

قاسمی آلدی دشمن ا ر ا یه
گل عمو گل عو گل هرا یه

تئز یتیش داده ای شاه خوبآن

دو شموشم دامه صیاد الیند

خیمه لرده یوبانما اسیرم

رحمسیز قوم بیداد الینده

پیکریم گئتدی آت دیرناقیند

کاکلیم قالدی جلاد الینده

گل اجل باشیم سالدی سایه
گل عمو گل عمو گل هرایه

گل اجلدن قاباق سال عمو جاج

باشیمه سایه، دل کامین آلسین

جان وئرنده.گوروم.گول.جمالون

گوزلریمدن صورا نور آزالسین

یارلی باشیمی آل دیز اوسته

قوی.باشیم اوج عرشه اوجالسین

وئیر بها زاده ی مجتبا یه
گل عمو گل عمو گل هرایه

لطف وون سایسینده عمو جان

اون بیر ائیل فخریله دالدالاندیم

جان عمو سسلدیم جان.ائشیتدیم

اکبریله وطنده دولاندیم

تا رکا بینده تاپدیم سعادت

قانیمه حق یولوندا بو یاندیم

چاتد ی درد یم بو چولده دوایه
گل عمو گل عمو گل هرایه

• چهارشنبه
• 9
• تیر
• 1400
• ساعت
• 13:47
• نوشته شده توسط
• یوسف اکبری

اللرینده ظلمیله قان اولان طویدا طوی حناسی عم اوغلی جان
گر آچیلسا آچ قانلی گوزلرون گوزلریم ضیاسی عم اوغلی جان

هر بلا و درو و غمی منه کلک اقتضا ایلیوب نصیب
باغ عمریمه جور و ظلمیله صرصر خزان و ستم اَسیب
تازه کدخدانی گوروبدی کیم نوعروسه قربان عدو کسیب
سن کیمی فدانون گرک اولا کربلا مناسی عم اوغلی جان

شعلهء شرار غمونده من هر زمان گرک سینه داغلیم
بیر دگول اقلّی یاران سنون زلف مشک سائیله باغلیم
بولمورم سنه یا اوز حالیمه شوریله ایدم ناله آغلیم
نوعروسیون اولدی ظلمیله قاره طوی لباسی عم اوغلی جان

نوعروسی گورماقه رسمیدور حجله گاهه قیزلار هامی گلر
دسته دسته شادی ایچون گلوب اللرینده گُل باشینه سپر
منده عکس اولوبدور ولی بو ایش هر گلن یوزه گوزیاشین الر
ایلییَر نوا حالیمی پوزار ناله و نواسی عم اوغلی جان

باشون اوسته آچ گوزلریوی گور ایمدی من نه احواله قالمیشام
لاله تک بو داغلی دله سنون یاروی گوروب داغ آلمیشام
قرمزی اولار شال نوعروس من ولی باشا قاره سالمیشام
باشدا واردی سندن ازل علی قارداشیم قراسی عم اوغلی جان

اوزگه فرض ایدورسن عم اوغلی جان گوزلریوه من گلمورم تانیش
نعشیوی کناره آلام گرک باخماسا آنان گیتمیم یانیش
قوی سیلیم قانون قانلی لبلرون حالیمی سوروش منله بیر دانیش
غملی قلبیمین محنتین آزات من دلون فداسی عم اوغلی جان

سن عموم حسن یادگارسان هم بابام حسین جان نثاری سان
ناز ایلمه اوتلی قلبیمین طاقت و توان و قراری سان
عمه لر آنان باجیلاریون نور دیدهء اشک باری سان
آل حیدرین تک به تک گیدوب قلبینین قواسی عم اوغلی جان

ایلورم نظاره وجودیوه زخم تیغ تیزیله یاره دی
جلدسیز دوشوب گوئیا یره مصحف خدا پاره پاره دی
شرح ایدور فدک ماجراسینی پیکرون اونا استعاره دی
یاد ایدور بتولین قباله سین جسموون نماسی عم اوغلی جان

سرو تک گورنن فتاده بو قامتی قوپوبدور قیامتیم
اولموشام پریشان ز بس گیدوب دست غمده یغمایع طاقتیم
هر قدر گر عمر ایلسم اولار مین ایله برابر بو ساعتیم
تازه بیر بلایه سالوب منی باشیون بلاسی عم اوغلی جان

آسمان عشقیمده ای منیم ظلمیله باتان بختیم اولدوزی
من سنه منیم حالیمه ولی نالیه گلور مرتضی قیزی
معجریم قرادی دیمه دیور عمم ایله قانیله قرمزی
الده تا او معجر اولا سنه آغلاماق اساسی عم اوغلی جان

چوخ زماندی یعقوبی عجزیله یوز قویوب سنون بارگاهیوه
گوز تیکوب بو محمودیله سنون بیر عنایت گاه گاهیوه
سویلییَلّه قولیمجه هر زمان گلسلر اگر حجله گاهیوه
طوی اتاقی ای ظلمیله اولان محفل عزاسی عم اوغلی جان

• جمعه
• 1
• مرداد
• 1400
• ساعت
• 20:43
• نوشته شده توسط
• یوسف اکبری

اذن میدان وئر عمو منده گئدوم اکبر کیمی
حقی اثبات ایلیوم تا شبه پیغمبر کیمی

وار آتامدان نامه الده قویمیام قوم پلید
حجت حقی مبادا ایلسون بیرگون وحید
امر ائدوب یا محضرونده قاسمی اولسون شهید
یا دولانسون باشیوه ای شمس دین اختر کیمی

خیمه لرده دوزمرم لیلا سالا باشه قرا
قاسمون اما آناسی ائتمیه داد و نوا
گل آنامی ایلمه مخیمده لیلادن جدا
قوی دئسون ایوای بالام وای لیلی مضطر کیمی

عجزیله درگاهیوه من گلمیشم چون مستمند
گرچه سن راضی دگورسن قاسمه یتسون گزند
خیمده وئردی آنام بیر پهلوانی دستبند
بوش یولا سالسان منی سوللام گل احمر کیمی

گرچه سنیم آزدی اما چون شجاعت بیزده دی
فن رزمه آگهم علم و درایت بیزده دی
اوز آتامدان ارثدور تا کی شهادت بیزده دی
قویمارام صدمه یتیشسون دینیمه صفدر کیمی

قاسمون سال بوینونا لطفا عمو بیر آق کفن
قلبیمی یاندیردی اکبر داغی ای شاه زمن
انتقامین قوی آلوم کفاریدن بو چولده من
حشری برپا ایلیوم خیبر شکن حیدر کیمی

گوردی یوخ چاره حسین امر ایلدی ای بی بدل
دیدگاهونده شهادت امری« کیف فی المثل»
تا دیوب شیرین دیلیله « عمی اهلا من عسل »
گل دوداقوندن ئوپوپ آچدی قولون شهپر کیمی

قاسمی آلدی قوجاقه سینه سین بیر داغلادی
میندیرنده مرکبه باخدی دویونجا آغلادی
آلدی بازوبندینی محکم قولوندا باغلادی
گئت دئدی اللهه تاپشوردوم سنی اکبر کیمی

رخصت آلدی تا عموسیندن او گون اول نوجوان
مرکز میدانیده گون تک اولوب نوری عیان
لشکر کوفه گوروب رزمه گلور شیر ژیان
مجتبایه بنذوری نطق ایلیر اول سرور کیمی

یاد ائدوب اول کلامینده او حی داوری
شاد ائدوب جنتده هم زهرانی هم پیغمبری
بیر شجاعت گوستروب شوقه گتوردی حیدری
مرکبین اوسته دایاندی مالک اشتر کیمی

ایلدی اول چولده قاسم آیری بیر غوغا بپا
کیم مقابل اولدی شهزاده ائدوب فورا دوتا
ارزقین اوغلانلاری تا اولدی لشکردن جدا
بیر به بیر روبه لری ئولدوردی شیر نر کیمی

ارزق شامی اولوب اول حالیده چوخ خشمگین
آلدی بیر نیزه اله بیر تیغ تیز سهمگین
سسلدی من ایلرم زهرا بالاسین شرمگین
ایلرم ایمدی خزان گلزارینی صرصر کیمی

مرکز میدانیدن اولدی او ملعون آشکار
بو خیالیلن که شیری ایلیر روبه شکار
بیر سیاست ایشلدوب تا ارزقه اول نامدار
خم اولوب ارزق بو شمشیرون چکوب آذر کیمی

ارزقی نصف ایلیوبدور تا هدف گلدی اله
لشکر کفاره قاسم سالدی آیری ولوله
ایله بیر دشت بلا ایچره اولوبدور زلزله
ایلدی اول عرصه نی دشمنلره محشر کیمی

ارزقی ئولدوردی اخیامه گلوب اول نوجوان
العطش دیلده دییردی ای عمو جان الامان
عاقبت بولمم نه اولدی ایلمه « شیدا » بیان
سولدوروبدور قاسمی عدوان گل پرپر کیمی

• جمعه
• 8
• مرداد
• 1400
• ساعت
• 10:41
• نوشته شده توسط
• یوسف اکبری

ای حسن قارداشیمین مظهری قاسم
اکبرین همدل و هم سنگری قاسم

(برگردان)
الیوه سلاح آل اوغلوم
بوینوا کفن سال اوغلوم
گیدوسن شهادته

سن منیم نور دو چشمان تریم سن
قارداشیمدان صورا نور بصریم سن
دیزلریم طاقتی قلبیم هنریم سن

قلبیم از بس که گورورسن دولی قاندی
خیمه باشدان باشا آه و الاماندی
ایندی بیر شربه سویون قیمتی جاندی

دردیوی هر اورگیندن قانان آغلار
حالیوه من کیمی قلبی یانان آغلار
وای اوغول سسلر الونجن آنان آغلار

سعدین اوغلوندا اوغول عاطفه یوخدی
قلبی آهندی اونون کینه سی چوخدی
اوستوه حمله ایدن نیزه دی اوخ دی

کربلا دشتی دولی درد و الم دی
ایندی همدم عمو وه غصه و غم دی
دشمنیم چوخ کمکیم عده سی کم دی

ختم پیغمبره بنزر بالام الدی
دلده قرآن کیمی ازبر بالام الدی
لیلیه بند دل اکبر بالام الدی

بلبولوم آیری دوشورسن بوداقوندان
ناله لر قوزانور عرشه اتاقوندان
گَل اقلّی اوپوم اول گُل دوداقوندان

من دیدیم بیر سنه طوی حجله سی قورام
مجلسونده آتا بهریندن اوتورام
نیلمک چاره ندور سینمه ویرام

غملی دیوانین "امینی" یازار آغلار
ذکر ایدر آدیوی اشکین یوزه باغلار
صبح و شام سینهٔ پر دردینی داغلار

• یکشنبه
• 24
• مرداد
• 1400
• ساعت
• 17:56
• نوشته شده توسط
• یوسف اکبری

خرابات بلا دولموش غریبه بوی قاسمدن
دوشوب پیرطریقت حیرته یاهوی قاسمدن

مرادنامراد ایلوب مریدین ذکریدن محروم
قیروب زنارینی چلتارخونینون ایدوب مقسوم
گزورکشکولی اللرده عجب معلوم ونامعلوم
مخضب پوستین اولموش مهیا موی قاسمدن

قوای خمسه سست اولدی آلشدی خرمن رابع
اولوبلارصوت سفلایه تماما علویان سامع
عروس حجله گاه غم گورنده بختینی لامع
فلک چوگانی شرمنده اولوبدور گوی قاسمدن

وصال یارقصرین سیل خون افسوس اولا یخدی
دل شهزاده نی طعن رعیت زاده لر سخدی
محبت آبنوسی تا کمان هجریدن چخدی
خجالت چکمدی هیچ دیده ی آهوی قاسمدن

کمال وصلیده دلداریله عهد ایلدی عاهد
نجه عاهدکه اسرارلقایه برترین شاهد
اوخ آتماقه حسینه استخاره ایلین زاهد
ایدیدی استخاره کاش او دم گیسوی قاسمدن

نزول ایلوبدی ارواح رسل دشت غم افزایه
کلیم و آدم و داوودونوح اوز قویدی قتلایه
گلوب چرخ چهارمدن باخون احوال عیسایه
اولوب دیوانه دیر عشقیده مولوی قاسمدن

کلیم حق عصاسین سیندران فرعون سنگین دل
مصمم اولدی ائتسون طورحق اعجازینی باطل
بساط ننگ سحرسامری بسط اولدی بی حاصل
آسیلدی قلب عالم طره ی جادوی قاسمدن

دوشنده زینیدن ناگه عرضدن جوهر آیرلدی
حروف عشقیدن بیر درز عینیله سر آیرلدی
بعیدالفعل تک تا قرب دلدن دلبر آیرلدی
اوپوبدور ذات ذرات وفا زانوی قاسمدن

چاغوردی مرشدعشقین مریدباوفا داده
قلندرمثلی سالدی صورت مقصودینی یاده
غریو و های وهوی محتسبدن اولجاق افتاده
آچیلدی خانقاه کربلا یاهوی قاسمدن

الایاٱیهاالساقی بودم مخموری درک ایله
شراب وصلیله میخانه ده مهجوری درک ایله
الا ای خسرو خاور شب دیجوری درک ایله
تمنایه گلوب شمع فلک سو سوی قاسمدن

چکیلمیش صفحه حسنومده رسمه جدول ابجد
یارا(هوض)آخان قان(سعفص)و قاشیم خط ممتد
الف با بولمین قومه نه حاجت مشق یا و مد
بو امی امت ایتمورکسب حکمت روی قاسمدن

بنات النعش آرا دوشدوم نفسدن نجم بطحاتک
مه حسنوندن آلدیم جزرو مد عشق دریاتک
آنام خوشدورنوایه چوخ گله پیوسته لیلاتک
سلام ایله او مام ناتوانه سوی قاسمدن

بو قان ایچره یاتوب ضعف ایلماقدا اوزگه عالمدی
بو بزم وصلیدور اسراریاره یار محرمدی
قباقیمده تماما قدسیانون قامتی خمدی
أو ادنا طاقی گورسنموش مگر ابروی قاسمدن

اسوربادمخالف شمع عمری ایلوری تهدید
وصالون شوقی لیک ایلور دوام عشقیمی تمدید
منه هرنیزه وردوقجا دییورظلم اهلی بی تردید
خموش اولدی عجب بیر شمعیده مشکوی قاسمدن

فنون شعره دارا هرکس اولسادرک ایدرهرآن
شه کونینه شاهانه گرک مرقوم اولا عنوان
قسم حقه بو (شمس شاب) ویرمورعرصه ده جولان
فقط سعی ایلور اخراج ایتمسونلر کوی قاسمدن

• یکشنبه
• 11
• مهر
• 1400
• ساعت
• 19:09
• نوشته شده توسط
• یوسف اکبری

☑️ بند اول

عمو تئز گل هرایه
توشوب باشیم بلایه
چیخیر آهیم بو خسته پیکریم دن نه سمایه

سینیب بال و پریم گل
آخیر اشک تریم گل
آپار بو قانه باتمیش جسمیمی خیمه سرایه

گل باغ حسن چوللرده ظلمیله سولوب گل
عمو باشیم سینیب دی گوزلریمه قان دولوب گل)۲

آخدیخجا قانیم تپراغا تاب و توان مندن آلیر
واویلا
من سسلیرم داده سنی اهل شقاوت ال چالیر
واویلا

? گل دادیمه یاندیم عمو جان

☑️ بند دوم

عمو صبریم تالاندی
دیلیم اوت توتدی یاندی
یتیمم قالمیشام جلاد الینده گل اماندی

بو قومون رحمی یوخ گل
ویریلار نیزه اوخ گل
تراب اوستی منه بستر لحافیم لخته قاندی

چخیب شیرازه دن جسمیم گمانیم یوخ دوایه
منیم ده نعشیمی اکبر مثالی ییغ عبایه)۲

بیر یاره لی آهو کیمی دشمن منی دامه سالیب
واویلا
تک قالمیشام جسمیم عمو آتلار ایاقیندا قالیب
واویلا

? گل دادیمه یاندیم عمو جان

☑️ بند سوم

عمو یوخ الده چاره
ساییلماز تنده یاره
آخیر قانیله دولموش گوزلریم مثل ستاره

بابام بیرده گلیدی
بو قلبیم دینجلیدی
گوریدیم مه جمالین جان وئرن وقتده دوباره

دییدیم گل بابا قاسیم دوشوب دام بلایه
ولی گلسن بیر آز دا سو گتیر کربوبلایه)۲

بیر جرعه سو اولسا بابا اهل حرم کامه چاتار
واویلا
غمدن رباب آزاد اولار سیراب اولار اصغر یاتار
واویلا

? گل دادیمه یاندیم عمو جان

☑️ بند چهارم

بابا یوخ دور دوزوم گل
واریم دیلده سوزوم گل
یانان زهر جفادن جسمیوه قربان اوزوم گل

حنا قاندور الیمده
بلا وار مقتلیمده
دوشوب باشیم فشاره باغلانیر آخر گوزوم گل

ویریبلار کاری بیر یاره بابا یاندیم آلیشدیم
دورام بیرده ایاقه اولمادی چوخلی چالیشدیم)۲

بیر نیزه گلدی سمتیمه الله بولور اولدی نلر
واویلا
عمم منیم احوالیمه مخیمده گوز یاشین الر
واویلا

? گل دادیمه یاندیم عمو جان

• شنبه
• 25
• شهریور
• 1402
• ساعت
• 00:08
• نوشته شده توسط
• یوسف اکبری

قاسم بن حسنین کیم آدین عنوان ائیلر
اونا مظلوم آتاسی لطفیلن احسان ائیلر
دردی اولان دوتسا اگر حضرت قاسم اتگین
بونی بیلسین کی آقا دردینه درمان ائیلر

کربلاده دولانیپ گونلر اولوپ عاشورا
اکبرین نعشی گلیپ عرشه چاتیپ واویلا
گوردوقاسم کی باتیر قانینه هر دم شهدا
عزم میدان ائلیوپ عرض ائلدی یامولا
جانینی عاشق اولانلار سنه قربان ائیلر

ویر اجازه بو زمان منده گئدیم میدانه
من یتیمم عموجان رحم ائله بو نالانه
اذن ویر قاسمه اکبر کیمی باتسین قانه
چوخلاری کامه چاتیپ منده چاتیم جانانه
سنین اذنین منه بو مشکلی آسان ائیلر

قاسمه باخدی آقا گوردی هلالی قاشینی
سای سالیپدی یوزونه یاده سالیپ قارداشینی
قارداش اوغلون آلیپ آغوشه توکوپ گوز یاشینی
بویوروپ گئتمه آنان غصه دن افغان ائیلر

نوجوان سان بوجهانی نیه باشدان آتاسان
اکبریم قانه باتیپ سن نیه قانه باتاسان
حیف دی سن گوزلیم قبریده باشسیز یاتاسان
دشمنیم گول یوزووی قانیلن الوان ائیلر

وارسفارش منه عرض ائتدی آتامدان بوگونه
دوشر اونداکی حسین ایشلری اوغلوم دوگونه
عمووی قویما کی دشمن گوره تکدی سویونه
قاسمه لطف ائله سن خدمتین اعلان ائیلر

اذن آلیپ آخیری شهزاده جهاده گیتدی
قدرت و صولتینی دشمنه معلوم ائتدی
او اون اوچ یاشدا بالا همتینی گورستدی
گوردولر قاسمی میداندا نه طوفان ائیلر

• دوشنبه
• 31
• خرداد
• 1400
• ساعت
• 18:03
• نوشته شده توسط
• یوسف اکبری

آغلا گوزوم حسینه ، ابوالفضله؛ اکبره
داغلان دلیم مصیبت ششماهه اصغره

فریاد ائله امام حسن یا د گا ر ینه
آت.دیرناقیندا.جسمی.گئدن ماه منظره

الله رضاسین آل نظره آغلا قاسمه
زهرا بو غمده مشتر یدی دیده ی تره

شاید ائله بو بزمده حا ضردی فاطمه
شک ایلمه بو مطلب پر فیض بر تر ه

چوخدور ثوابی.قاسمهگوز یاشی توکمگین
آغلا اون اوچ یاشیندا جوان دلاوره

سس.قوش.آناسی فاطمه نون.غم.نواسینه
خوش دور یتیمی یاد ائلمک اهل باوره

سال یاده بو یتیمی که در یتیمیدی
صرافسن گل آغلا بو قیمتلی گو هره

سیندیردی کوفه اهلی بوقیمتلی گوهری
آت دیرناقیندا یاخدیلا گول پیکرین.یئره

سسلندی هارداسان عمو تئز گل هرایمه
آز قالدی روحیم ایلیه پرواز گو یلره

تئزگل کی کاکلیم عمو جلاد الینده دی
وار کینه اهل کوفه ده اولاد حید ره

تئز گلمسن هرایمه ای شاه تشنه لب
دیداریمیز عمو ، قالاجاق روز محشره

چوخ گویلوم ایستیورکه بوغملی زمانده
بیرده وئرم گذارشمی غملی رهبره

گل آل بو غم گذارشین اما چوخ.آغلاما
گورسن سوکوبدی سینه.می.نیزه.اوخ.آغلاما

• چهارشنبه
• 9
• تیر
• 1400
• ساعت
• 13:46
• نوشته شده توسط
• یوسف اکبری

☑️ بند اول

گلدی میدان جنگه شیر تک
حضرت مجتبانین دلبری

ولوله سالدی چون رزمگهَ
دوشدی بیر بیر یره کفار الی

یوز دوتدی دشمنه شیر عرب
سسلندی لا فتی الا علی

الله اکبر ای قوم کافر من شیر شرجم
مرد دلاور ذکریم یاحیدر

? حیدر یا حیدر / حیدر یا حیدر

☑️ بند دوم

طوفان مجتبی مین غیضیله
اسدی ارکان دشمن آشدیلار

بیر بیر نعره چکن افرادیلر
یاهوی قاسمیله قاشدیلار

چوخلار تسلیم اولوب دی قورخودان
ابزار جنگی بئلدن آشدیلار

الله اکبر ای قوم کافر من شیر شرجم
مرد دلاور ذکریم یاحیدر

? حیدر یا حیدر / حیدر یا حیدر

☑️ بند سوم

قاسم یوز دوتدی فوج لشکره
سسلندی پور حیدر دور آتام

ذکر هیهات و من الذلتی
فرمان حقدی هر یانه سالام

اوللم من ذلته باش اگمرم
گلمیشم اکبرین قانین آلام

الله اکبر ای قوم کافر من شیر شرجم
مرد دلاور ذکریم یاحیدر

? حیدر یا حیدر / حیدر یا حیدر

☑️ بند چهارم

تیغی چکسین غلافیندان کیمین
باشیندا جنگ و رزم احساسی وار

بئيله فکر ائتميين آز دور یاشیم
تیغیمده مرتضی غوغاسی وار

منده اکبر کیمی اولسام شهید
مولامین حضرت عباسی وار

الله اکبر ای قوم کافر من شیر شرجم
مرد دلاور ذکریم یاحیدر

? حیدر یا حیدر / حیدر یا حیدر

• جمعه
• 24
• شهریور
• 1402
• ساعت
• 21:11
• نوشته شده توسط
• یوسف اکبری

اي يوزي گون مثلي تابان ؛ نيزه اوستن جان عم اوغلي
باخ من زاره گوز آلتي ؛ گوزلره قربان عم اوغلي

آي مثالي راس ني دن ؛ عالمي روشن ايدوبسن
بو بيابان كويري ؛ صحنه گلشن ايدوبسن
قانلي گيسولر يوزونده ؛ مثل بيرجوشن ايدوبسن
ياخشي گورسنمور جمالون ؛ چون دوتوبدي قان عم اوغلي

كيم سني بوحاله سالدي ؛ اي گل باغ محبت
هيچ ياراشمور طوي گوننده ؛ تازه داماده بو خلعت
تللري قاندان محنا ؛ نيزه ده ايتسين اقامت
نازيلن باخ نوعروسه ؛ قانيلن الوان عم اوغلي

لاله تك قانه باتوبسان ؛ اي گل باغ پيمبر
ظلم اليلن سن سنوبسان ؛ شاخه شمشاد حيدر
من مريض عشقون اولدوم ؛ غملرونده نازلي دلبر
بير فقط سن سن جهاندا ؛ درديمه درمان عم اوغلي

رحم ايله بو دلغمينه ؛ زلفووي توكمه عذاره
قوي گوروم قاره گوزوي ؛ قاره زلفون چك كناره
بو غريب و بينوايه ؛ نيزه اوستن قيل نظاره
چيخدي نه تئز بس يادونان ؛ عهديله پيمان عم اوغلي

من كيمي بير قاره بختين ؛ حالينه دريالر آغلار
طوي لباسون هرگورنده ؛ نوعروسون قلبي داغلار
طوي اتاقون باغلي قالدي ؛ سولدي بو ماتمده باغلار
بير عمير سن سيز جهان دا ؛ تاپمارام سامان عم اوغلي

(آذرين) گونده قان آغلار ؛ سن قالان احواله قاسم
چوخ يانار بو غصه دن كي ؛ چاتمادون آماله قاسم
رحم ايده حاشا بو دشمن ؛ زيور و خلخاله قاسم
چون سويالار نوعروسي ؛ رحم سيز عدوان عم اوغلي

• پنج شنبه
• 25
• دی
• 1399
• ساعت
• 09:26
• نوشته شده توسط
• یوسف اکبری

ای منیم بختیمی قاره ایدن اوغلوم گوزون آچ
ماتمینده باشما کول سپن اوغلوم گوزون آچ

وار عجب منظره سی، جسموین ای سرو کنار
باشا باش یاره دی گویا گل آچوب باغ بهار
جسموین گلشنی طاقتلری دللردن آلار
(گوزون آچ ای گل باغ حسن اوغلوم گوزون آچ)

گتورر نالیه بو حالون امام حسنی
بطنوی پارچالیوب نیزه ایله قوم دنی
ایلیوب خانه زنبوره مثل تیر، سنی
ای ستاره ساینی سان ویرن اوغلوم گوزون آچ

بویانوبسان باشا باش قانه اوغول لاله کیمی
بورویوب صورتوی قرمزی قان هاله کیمی
بو منم گوز یاشی ایثار ایلین ژاله کیمی
توکورم گوز یاشیمی دیده دن اوغلوم گوزون آچ

اُلومونله بو منیم قلبیمه گور نیلمدون؟!
دِیَن اولماز که اورک طاقتینی پِیلَمدون
ایوین آباد اولا شرمنده منی ایلمدون
آناسین مقترن فخر ایدن اوغلوم گوزون آچ

طاقتون طاق ایلیوب طاقتیمی آلدی عدو
سنی توپراقه منی قاره گونه سالدی عدو
بلمدی دلده بو غم تیری مگر قالدی عدو؟
یاتما بیله ای ایاقدان دوشن اوغلوم گوزون آچ

دور بو وضعیله اوغول توپراقا سن باتما بیله
نو عروسی غم هجرینده چوخ آغلاتما بیله
خلعت عیشوی گیی عالمی سن آتما بیله
قانلو پیراهن عشقین گِیَن اوغلوم گوزون آچ

یاخشی آغلار گوزیله قویدون اوغول فاطمه نی
نه علاج ایلسون آخر بیله گوردوقجا سنی
طوی اساسون دوشنوب، دور اوغول آغلاتما منی
حجلهء عیشینه ای تیز گلن اوغلوم گوزون آچ

آهیمیله بو فنا ملکنی برباد ایدرم
خانهء محنت و درد و غمی بنیاد ایدرم
نعشوی گوررم اوغول ناله و فریاد ایدرم
ایدرم خیمه نی بیت حزن اوغلوم گوزون آچ

طوی اساسی قورولوبدور سنه لیک آغلور حرم
گوزونون یاشنی هی عارضینه باغلور حرم
عالمی ماتمه چکدی، فلکی داغلور حرم
گور بو احوال پریشانی سن اوغلوم گوزون آچ

نوعروسین بالا بوندانصورا احوالنه وای
بولسه هر کیم بیله حالی، دیه جاق حالنه وای
ظلم اَلیله پوزولان حجلهء آمالینه وای
ای عروسین ایلیین ممتحن اوغلوم گوزون آچ

طوی حناسی قویولوب اَللریوه قاندان اوغول
قره معجر توکولوب دوروه هر یاندان اوغول
قیز گلین باش یولوری سیر اولوری جاندان اوغول
بیله طوی بیله عزا یوخ گورن اوغلوم گوزون آچ

قاسمین حجله سینه صرصر ظلم اَسدی نگین
رشتهء عمرونی مقراض اجل کسدی نگین
گر قبول ایتسه اوزی بیر بو سوزون بسدی نگین
ای منیم بختیمی قاره ایدن اوغلوم گوزون آچ

• چهارشنبه
• 12
• خرداد
• 1400
• ساعت
• 15:59
• نوشته شده توسط
• یوسف اکبری

موج ائدور بحر بلا. غرقهء طوفانم عمو
تئز یتش.دادیمه ئوز قانیمه غلطانم.عمو

سنه قربانم عمو
سنه قربانم عمو

آلوب اطرافیمی بی شرم و حیا اهل جفا
بیری.خنجر بیری ششپر وورورای.شاه.ولا
پیکریم آتلار ایا قینده دی ای میر هدا

یتش امدادیمه ئوز قانیمه غلطانم عمو
سنه قربا نم عمو سنه قربا نم عمو

آخرین لحظه ده ای میر هدی شاه کر م
گویلیم.ایستیر.او.دلارا.یوزیوی.بیرده.گورم
ایاقون.آلتاخوشام.مین.دفه قربان.کسیلم

آخرین لحظه ده دیدا ر یوه خوانم عمو
سنه قربانم عمو سنه قر با نم عمو

قویما گوز یولدابودلخستنی امدادیمه.گل
دم آخردی عمو دادیمه گل دادیمه گل
گوزلیورجان سنی،جان.چیخماقافریادیمه گل
منی سیراب ائله دیداریوه عطشانم عمو
سنه قربانم عمو سنه قربانم عمو

رهبریم حقدی من حقه طرفدار ئولورم
مکتب عشقده اکبر کیمی بیدار ئولورم
دلخوشام دینیمه ،قرآنیمه.دلدارئولورم

قانلی میدانیده قر با نی قرآنم عمو
سنه قربا نم عمو سنه قربانم عمو

من جهاد ایلمیشم،دین و شرف زنده قالا
بویانام قانیمه من ، پرچم اسلام اوجالا
بو شرف پرچمی عالم باشینا سایه سالا

کمترین فدیه ی حریت و ایمانم عمو
سنه قربانم عمو سنه قربانم عمو

پیکریم گئتسه ده آت دیرناقی آلتندا اگر
داغ هجریمده آنام قالسا بو صحراده ملر
گوزیاشی.قانه دونوب.آخسادا.هر.شام.و سحر

وافی عهدم و مست می پیمانم عمو
سنه قربانم عمو سنه قربانم عمو

• پنج شنبه
• 10
• تیر
• 1400
• ساعت
• 12:55
• نوشته شده توسط
• یوسف اکبری

عمو نخل حیاتی یولموشام گل
سولان گللر مثالی سولموشام گل
آخوب قان چشمه چشمه پیکریمدن
اوزومده تپراقا نقش اولموشام گل

یولومی باغلیوبدور شوم لشگر
امان ورمز منه قوم ستمگر
زبس که سانجلیبدور سایسیز اوخلار
عمو اوغلوم تک وجودیم اولدی پرپر

خوشام گر اولموشام قرآن فداسی
مسلم دور و لیک عدوان جفاسی
امامیم سن سنه قربان کسیلّم
رضا اولسان اولار الله رضاسی

امان الله آدامسیزلیق الیندن
یانور قلبیم یتیملیک مشعلیندن
اوتانیرام دیوم بی کس آناما
آیرلماسین قرا لچک گلیندن

ایله قویدوم پریشان قارداشیمی
سیلن اولماز یوزومدن گوز یاشیمی
اوزون گل داده یالقوز قالموشام من
یوبانسان ذبح ایدر دشمن باشیمی

سور بلبل بهار اولسون باغ اولسون
باغین دورت بیر یانی قارلی داغ اولسون
قباقیندا منی قربان کسوللر
تصدق ور باشون آخر ساغ اولسون

• پنج شنبه
• 21
• مرداد
• 1400
• ساعت
• 13:01
• نوشته شده توسط
• یوسف اکبری

________________________
قاسمم من قاسم گل پیرهن

دلبر و دلبند و دلدار حسن

مرگ کامیمده منیم اَحلی عسل

نو جوانلاره اولوب عشقیم مَثل

من حسین بن علی سربازیم

اکبرین همرزمیم همرازیم

کفر و تکفیر و نفاقه غالبم

دوغرانام بو یولدا مین یول طالبم

قوی داغیتسین جسمیمی آت دیرناقی

قالماسین آغلار رباب آخشام چاقی

سینمی اوخلار گرک دلسین منیم

رهبریم قالسین سلامت یوخ غمیم

حق یولوندا هر نه گلسه یوخ سوزوم

والله اکبر قانینی آلام ئوزوم

من گرک دریا کیمی طوفان سالام

ازرقین اوغلانلارینان جان آلام

نسل. آینده گرک تاپسین یولی

ال یزیده ویرمسین دوشسون قولی

قاسمم من میوه ی قلب علی

نو جوانلارا پیامیم وار ولی

سالمیون الدن ولایت دامنین

ایلیوب هر عصریده دشمن کمین

سن وساله باخمیون آگاه اولون

مثل قاسم بنده ی الله اولون

دشمن خونخواره فرصت ویرمیون

ای جوانلار الدن عزت ویرمیون

کربلا پیغامینی مندن آلین

ظالمی آتدان تراب اوسته سالین

بو پیامی آلدی قاسمدن چوخی

سگیز ایل جنگین کتابین گئت اوخی

جامه ی عشقی جوانلار سویمادی

پیر عرفانی بولار تک قویمادی

باش وجاندان گیچدیلر جان وئردیلر

بهر ناموس و وطن قان وئردیلر

ایستی قوملار اوسته اخدی قانلاری

تانک وتوپ آلتیندا چیخدی جانلاری

جان وئرن ساعت ائشیتدیم سوزلرین

باغلیان اولمادی آغلار گوزلرین

گوزلریم قربان او قانلی باشلارا

رحمت اولسون بو اخان گوزیاشلارا

بو رشادتلر مگر یادان چیخار

خانه ی کفری آخان قانلار یخار

آفرین جانان گیچن قارداشلارا

داعشین نسلین کسن یولداشلارا

باخ دمشق و کربلا صحراسینه

(محسنین) بی سر قالان اعضاسینه

باش ویروب اربابی تک بو قهرمان

عشقینه احسن دیدی کل جهان

گل گئداخ ایندی بلا میدانینه

باخ حسینین دیده ی گریانینه

قاسمین باشین آلوب دامانینه

آغلیر اللرده ئولن قربانینه

گه دیور قارداش حسن گل دادیمه

کوچه جریانی دوشوبدی یادیمه

• شنبه
• 17
• تیر
• 1402
• ساعت
• 17:15
• نوشته شده توسط
• یوسف اکبری

آتدان دُوشَندَه قاسِمِ گُل پیرَهَن یِِرَه
اِئتدِی رَوانه گُوز یاشینی پَنج تَن یِره

زَهرا و مُرتضی و حَسن جَدّی مُصطفی
باطِندَه نازِل اُولدِیلا قاسِم دُوشَن یِرَه

ظاهِردَه گَلدی خامِسِ آلِ عَبا حُسین
آلِ عَبا یِغیشدِی او بِیتُ الحَزَن یِرَه

صِدِقِیلَه قاسِمَه دُوتا هَر کِیم عََزا یَقِین
بُو پَنج تَن گَلر او عَزادار ئولَن یِِره

آلِ عَبایَه سُوگُلی دُور چُون بُو نُوجَوان
آلِ عَبا گِیدر بُو جَوانی سُووَن یِرَه

یُوخ اِحتیاج اَدِلَّه و اَثباتَه پَنج تَن
اِیندی یَقین گَلوبدیلَه بُو اَنجُمَن یِرَه

صاحِب عَزا بیو رَسمیدِی آغلار گُوزی سُووَر
زَهرا گَلر مُحبّلَر اَشگین تُوکَن یِرَه

گُوز یاشلارِین ذََخیرَه اِِیدَر رُوزِ مََحشَرَه
قُویماز سِر شگِ تَر توکُولَه دِیدَه دَن یِرَه

بُو بَزمِیدَه علی اوُتوروب، چُوخ مُودَب اوُل
باخما حَقارَتیلَه علی اَگلشَن یِرَه

سال یادِیوَه او وقتی که صَد پاره جِسمِیلَه
آتدان یِخیلدِی قاسِمِ گُلگُون کَفَن یِرَه

سَسلَندی اِی عَمُو ئولورم گَل هَراییمَه
قُربان یارالی جانیم عَمُو سَن گَلن یِرَه

آلدی سَسین خیامِیدَه گَلدی غَریَب اِمام
دُوشمُوش یارالی گُوردِی او گُول پیرهَن یِرَه

فَریاد او وَقتدَن که حُسین تاپدی قاسِمی
دِلسیز دُوشُوب نَه گُوردی او شیرِین سُخَن یِرَه

ماهی کِیمی چالور اَل اِیاق قانلُو دِجلَه دَه
سُورتُور گُوزل یُوزین او سُوسُوز جانوِرَن یِرَه

قارداش بالاسین اِیلَه گُورُوب دِلدَن اوُدلانوب
آتدان اوُزون سالوب او شَهِ مُمتَحَن یِرَه

گُوردی شِکار اِیدوبدی خَطا دِیدَه اُوچیلار
دِلسِیز دُوشُوب مِثالِ غَزالِ خُتَن یِرَه

مِیدانی قانلو جِسمی اِیدُوب رَشگِ گُلسِتان
گُویا تُوکُوبلَه یاسَمَن و نَستَرَن یِرَه

خَنجرلَریلَه قَطعه به قَطعه اُولوب بَدَن
پاشیدَه دور دِیرسَن عَقیقِ یَمَن یِرَه

اوُل سَروِ بُوستانِ بَتُولی جَفائیلَه
یِخمِیش یارالی دَستِهء زاغ و زَغن یِرَه

اَلوان اُولوبدی قِرمِزی قانیلَه پِیکَری
اُوراقِ لاله تَک تُوکُولوب بیر چَمن یِرَه

خُونین شَفَقدَه ماهِ سِپهرِ حَسن قالُوب
قانلو بُولوددا دُوشمُوش او وَجِه الحَسن یِرَه

قان دِجلَه سیندَه سَنگِ جَفادَن حِصار وار
گُویا که داش تُوکُوبدی گَلن هَر گِیدَن یِرَه

گَلمَز یارا شُمارَه نِجُومِ سِپهر تَک
دُوشمُوش بیر آسمان تَک او سیمِین بَدَن یِرَه

باشی آخُوب بُوغاز گُورُونُور قُرصِ ماه تَک
رَخشاندی نُور بَخشدِی سیبِ ذَقَن یِرَه

بُلبُل دانشدُیرُوب گُلینی گُوردی دِینمُورِی
خَندان دُوشُوب یُوز اُوستَه او غُنچَه دَهَن یِرَه

یِردَن گُوتُوردی قانلو باشین باسدی باغرِینا
قُویدِی یُوزین او سینَه دَه اُوخلار تِیکَن یِرَه

آلدی قُوجاقَه نَعشینی حَملِ خیام اِیدَه
قُویدی دُوبارَه یأسیلَه شاهِ زَمن یِرَه

اَشگیم مَجال وِیرمُورِی عَرض اِیدُوم عِلَتین
بیردَه گُوتُوردی قُویدی دُوبارَه نَدَن یِرَه

چُوخدُور یاراسی گُوردی بَدَن قَطعه قَطعه دور
قان چِِشمَه سی رَواندی چُو سِیلِ دَمَن یِرَه

یا اِینکه شَه اِیشیتدی اِمامِ حَسن سَسین
قُویدِی اوُغول جَنازَه سینی تازَه دَن یِرَه

آخَر گُوتُوردی سینَه سینَه باسدی جِسمِینی
حَمل اِیلدی شَبیهِ پِیَمبَر دُوشَن یِرَه

چُوخ زَحمتیلَه گََتدی خِیامَه جَنازَه سین
جَمع اوُلدی دِلدَه نالَه حَرِیم اَگلَشَن یِرَه

آلدی آرایه اَهلِ حَرَم قانلو پِیکری
گُوز یاشی تُوکُدی آلِ شَهِ مُمتَحَن یِرَه

مَجرُوح صِیدی گُورسَه آنا آنّینی ئوپَر
جانیم فَدا اِلهی سَریَه ئوپَن یِِرَه

آلنی گُورُوب یارالیدی ئوپدی بُوغازینی
قویدی سُوسُوز دُوداقِینی خَنجَر بِیچَن یِِرَه

• شنبه
• 14
• مرداد
• 1402
• ساعت
• 23:05
• نوشته شده توسط
• یوسف اکبری

☑️ بند اول

سس توشدی تازه بَی اله قان نان حنا یاخدی یاخدی
طوی شعمی سوندی قیزلارین گوز یاشلاری آخدی آخدی

قاسم چاتیب آمالینه وای نو عروسون حالینه

اهل حرم غرق غم و اندوه و آلام اولدولار
سسلندیلر بو بَی گلین آخیرده ناکام اولدولار

? واویلتا واویلتا طویدی و یا بزمِ عزا

☑️ بند دوم

بو طوی نه طویدی بولمورم گُل توش اولوب خاره خاره
کرب و بلا دامادینین جسمین ده وار یاره یاره

دامادی قربان ائتدیلر زلفون پریشان ائتدیلر

دشت بلا ملکی اولوب قربانگه کوی منا
آغلیر عروس ، آغلیر حرم ، عرشه چیخیب آه و نوا

? واویلتا واویلتا طویدی و یا بزمِ عزا

☑️ بند سوم

اهل حرم قلبین خدا تیر بلا دلدی دلدی
تا حجله گاهه قاسمین گل پیکری گلدی گلدی

نه خونچا نه نقل و نبات نه شاد اولوب گولدی بنات

تنها عروسون دوره سین هاله مثالی آلدیلار
زینب الیله باشینا بیر قاره معجر سالدیلار

? واویلتا واویلتا طویدی و یا بزمِ عزا

☑️ بند چهارم

داماد آناسی طوی گونی اورک باشین داغلیر داغلیر
اوز اوغلونون یاره لرین بیر بیر اوپور باغلیر باغلیر

سسلور اوغول سس وئر منه بی کس آنان قربان سنه

گَل سینه‌مه اولسون آنان توپراخلار اوسته یاتمیسان
بوکدون آناوین قدینی اما اوزون قد آتمیسان

? واویلتا واویلتا طویدی و یا بزمِ عزا

☑️ بند پنجم

قارداش بالاسی اولسه گر عمه لری نئیلر نئیلر
قارداشین آغوشه چکر آه و فغان ائیلر ائیلر

زینب او دریای محن سسلندی گل قارداش حسن

اوغلون گییب طوی جامه ‌سین حالیم پریشاندور حسن
گَل خونچا باهم یولیاخ قلبیم دولی قاندور حسن

? واویلتا واویلتا طویدی و یا بزمِ عزا

☑️ بند ششم

آز قالدی قلب زارینی تیر محن دلسین دلسین
اذن اولدی پابوسه او دم تازه گلین گلسین گلسین

توکدی عذاره گوز یاشین ای وای دئدی آچدی باشین

سویلوب عموغلی نه گوزل قرب وصاله یتمیسن
زولفون کیمی بو زولفومی گور نه پریشان ائتمیشن

? واویلتا واویلتا طویدی و یا بزمِ عزا

☑️ بند هفتم

دور بیرجه خواب نازدن یاتما سنی تاری تاری
بیمار عشقم گویلوم آل دیندیر منی باری باری

دور زولفوی نظمه سالیم عموغلی‌جان دردین آلیم

دور باخ تانیرسان گور منی بیر اوزگه حاله قالمیشام
رخت عروسی گییمَمیش باشه قراوی سالمیشام

? واویلتا واویلتا طویدی و یا بزمِ عزا

☑️ بند نهم

مهر و وفا آخیر یولون بو دشتیده آزدی آزدی
کِلکِ قضاده بختیمی بختی قرا یازدی یازدی

آرزیلاریم اولدی سراب اولدوم عجب خانه خراب

نه سپدیلر گول باشیمه نه چکدیلر گولدن گلاب
آغلیر منیم احوالیمه کلثوم و لیلا و رباب

? واویلتا واویلتا طویدی و یا بزمِ عزا

• جمعه
• 24
• شهریور
• 1402
• ساعت
• 21:08
• نوشته شده توسط
• یوسف اکبری

☑️بند اول

عمو گل نار ظلمیله
بلا دشتینده اوتلاندیم
ییخیلدیم مرکب اوستوندن
قوا گئتدی یارالاندیم

عمو گل دادیمه
یتیش فریادیمه
گل ایندی باخ منیم
قد شمشادیمه

? عمو جانم عمو

☑️ بند دوم

آخیر قانیم تراب اوسته
آلیبدی دورمی لشکر
منی تنها تاپیب دشمن
قالیب اللرده بو پیکر

اگر اولسا مجال
باشیما سایه سال
نفس دن توشموشم
منی اللرده آل

? عمو جانم عمو

☑️ بند سوم

چکیب قان پرده رخساره
گوزوم گورمور سپر یوخدی
منی درک ائیلیین ایندی
قلج دی نیزه دی اوخ دی

آخیر قان تازه دن
جفای نیزه دن
تنیم قرآن کیمی
چخیب شیرازه دن

? عمو جانم عمو

☑️ بند چهارم

علاوه تیر غم بوردا
دل بیتابیمی دلدی
ایاخلاندیم دیشیم سیندی
ضعیف اولدوم عطش گلدی

دیلیم یاندی عمو
گتیر بیر شربه سو
یارامندان قان گئدیر
امان وئرمیر عدو

? عمو جانم عمو

• شنبه
• 25
• شهریور
• 1402
• ساعت
• 14:03
• نوشته شده توسط
• یوسف اکبری