انواع اشعار حضرت قاسم (ع)

واردور آتامدان منیم قتلمه فرمان عمو
سنده آل امضا ایله ای شه عطشان عمو
باخ دل سوزانیمه
الدہ کی فرمانیمه

یتدی قباقجه گئدن قافله سر منزله
مندن اوتور نه روا، لنگه دوشه قافله
باخما آنام آغلوری نی کیمی گلمیش دله
علتی وار ائیلوری ناله و افغان عمو

ائتدی اصابت بوگون هرکسه فرمان عشق
ائیلدی اوز جاننی شوقیله قربان عشق
قورخور آنام اولمیام لایق میدان عشق
بو غم ائدوب باغرینی لاله صفت قان عمو

گئتدی عم اوغلوم، عموم، اولدولا تشنه شهید
قالدى قالان دل غمین اولدی گئدن روسفید
گل عمو بو فیضدن ائتمه منی ناامید
گلمیشم أمّیدیله ائتمه پشیمان عمو

بولمورم علّت ندور یالوارورام هر قدر
وئرمیری هرگز منیم نخل سرشگیم ثمر
منده شهید اولماقا یوخدی لیاقت اگر
بس ندی بو کتب اولان الدہ کی عنوان عمو

بوشلامارام دامنون ای شه عالی جناب
یا منه ده اذن وئر یاعموجان وئر جواب
قویمادی قلبیمده تاب دلده اولان اضطراب
ائیله کرم وئرگیلن رخصت میدان عمو

گئتدی علی اکبرون ائیلدی جان بذل یار
گئچدی باشندان تاپوب فیض حضور نگار
یاره دیمم لایقم ائیلیم ایثار ثار
اوغلون علی اکبره وئر منی قربان عمو

یوخدور آتام بی کسم ای شه بندہ نواز
سال اوز الونله کفن بوینوما قیل سرفراز
قویما بوقدری منی ائیلیوم عجز و نیاز
ساخلاما یول اوسته چوخ ای شه دوران عمو

سانما صغیرم عمو یوخدی توانای جنگ
باخما دوروب صف بصف زمرۀ بی نام و ننگ
قیلّام ائیله عرصه نی لشگر بیداده تنگ
شستیمه احسن دییر فرقۀ عدوان عمو

باک ائیلمم خنجر و نیزه و شمشیریدن
سن بولوسن کاملم من هامی تدبیریدن
بولمورم عذرون ندور بیر بئله تأخیریدن
یوخدی توان قالمادی منده داخی جان عمو

پنجۀ صیاد کین ائیلسه بند کمند
رم یمرم گر اولام چین کمندیله بند
اُف دیمرم شامیان دوغراسالار بندبند
زیر دم تیغده اولمام هراسان عمو

وئردی ره عشقده شوقیله بیر عده گام
کئچدیله جاندان بوگون قیلدیلا تحصیل کام
منده خوشام باش وئرم اولسون آنام شادکام
فاطمه دن چکمسون خجلت او نالان عمو

ای شه کفو و کریم باب امید نجات
سندن عمو حلّ اولور خلقه هامی مشکلات
گوشۀ چشمیله قیل عاصیه بیر التفات
ایسته بو وقفه اونی قبریوه مهمان عمو

• شنبه
• 30
• مرداد
• 1400
• ساعت
• 22:34
• نوشته شده توسط
• یوسف اکبری

قاسم آماده اولوب عرصه میدانه گئدور
نقد جان الده دوتوب محضر جانانه گئدور

ساقی میکده میخانه نی رندانه آچوب
محفل عشقی قلندرلره جانانه آچوب
یولی اولده نچه رند حکیمانه آچوب
نوبت باده یتوب قاسمه رندانه گئدور

ایله مست ایلوب او مخموری شراب ازلی
بند نعلینی آچیق قبضه تیغینده الی
جنگه فکرین متمرکز ایلیوب مثل علی
دیه سن یانماقا ئوز شمعنه پروانه گئدور

گوردی مولا بئله جنگه گئده بو طفل صغیر
تئز ایاقدان سالاجاق نیزه و شمشیر یله تیر
امرائدوب پیرهن اوستن سالا بیر برد حریر
اولا حافظ که ده خنجر برانه گئدور

لشگرین قلبین آلوبدی نظره الده حسام
ییخماقا پرچم فرماندهی نی ائتدی قیام
صفلری سندیرا لشگر اولا بی نظم و نظام
یول سالوب مرکز اردویه بو عنوانه گئدور

نوجواندور هله نورس بو جوان نبوی
باغ وحدتده آچان گلدی گل مرتضوی
هیبتدن یاغیری صولت و سهم علوی
قصد ائدوب عرصه جولانگهی مردانه گئدور

بیرجواندورهله رخساریده یوخ خطدن اثر
سنی اون دورت اولا اولماز ایلیوب عزم خطر
نه زره دن اثر اگیننده نه کیتفنده سپر
بی محابا قویوب اوز مسلخ عرفانه گئدور

لشکره ائتدی خطاب ای سپه کوفه و شام
قاسم بن حسنم حیدر صفدری بابام
جنگه اقدام ائلسم فکر ائده سوز الده حسام
یوز قویوب شیر خدا خندقه شیرانه گیدور

قوشونون کثرتینی آلمادی اصلا نظره
باخمادی قان توکن اللرده قلج نیزه لره
حمله اولدی او چولده سپه خیره سره
اود سالا ساعقه تک خرمن عدوانه گئدور

گوردی سعد اوغلی تاپوب یول قوشونا ضعف و خلل
چیخدی لشگردن آجیقلی او زمان سسلدی گل
هارداسان گورموسن ارزق ندی بو جنگ و جدل
کیمدی جولانه گلور عرصه ده جولانه گئدور

قوی قدم عرصه میدانه ئوزون اولما نحیف
جنگه روحیه سی افرادین اولوب گورنه ضعیف
سنسن آخر بو جوانه بیلورم عمده حریف
کیمدی سندن صورا بو جنگه دلیرانه گئدور

ارزقه گلدی بو سوز ویردی عمر سعده جواب
ندی فکرون بو عملدن منی ائتدون نه حساب
روبرو هاردا اولار جنگیده بیر شیخلیه شاب
هاردا بیر تازه جوان جنگینه پیرانه گئدور

اذن وئرسن بو کشاکشده سنی شاد ائدرم
جنگه اوغلا نلاریمی بیر به بیر ارشاد ائدرم
سنه بو طرزیله بو عرصه ده امداد ائدرم
کوره سن جنگه بو چولده نئجه فتانه گئدور

ارزق القصه عمر سعدی اودم رام ائلدی
مکریله فیصله وئردی ایشی اتمام ائلدی
بیربیر اوغلانلارینی جنگینه اعزام ائلدی
هربیری جنگه گلور دوزخ نیرانه گئدور

کوردی ارزق بو جوان علوی عاشق پاک
ائتدی دئرت اوغلونی بیربیر بو معارکده هلاک
بو مصائب اثریندن سینه سین ایلدی چاک
ئوزی آماده اولوب جنگه او دیوانه گئدور

چکدی بیر عربده آت ایسته دی میدانه سالا
قانینه قان ائده اوغلا نلارینون قانین آلا
آتادور نیله سین آخر نه که شیریندی بالا
بو گئدیش بیلمدی اما اجلستانه گئدور

روبرو اولدی او دم قاسیمله ارزق دون
دورت اوغول داغی اورکده ئوزی سر مست جنون
قاسمین گوردی الینده قالاجاق زارو زبون
بیلدی بو جنگ دگیل ورطه طوفانه گئدور

آلدی شمشیر اله ایلدی آهنگ جدل
اولدی ما بین ده بیر نئچه قلج رد و بدل
قاسم بن حسن القصه تاپوب ارزقه ال
پیکری یئرده قالوب صوتی بیابانه گئدور

سالدی قاسم یئره تا پیکر صد پاره سینی
کسدی هر سمتیدن اول فتنه گرین چاره سینی
گوردولر صید ائلیوب دشمن مکاره سینی
ارزقین الده باشی محضر سلطانه گئدور

محضر شاهه یتوب آتدی باشی مقدمینه
تا تسلی اولا سلطان ولانین غمینه
قاسمین سیر ائلدی حالتینه عالمینه
اوزگه عالمده گوروب جنگه او فرزانه گئدور

مبتلادور ئوزی معلومیدی سوز عطشه
سالاجاق سوز عطش باشینی مین کشمکشه
بیر قدح باده مسلم وئره اول لاله وشه
مست اولا ایندی که سر منزل جانانه گئدور

ساقی میکده عشق و محبت علنی
تازه دن مست ائلدی قاسم گل پیرهنی
دئدی بو باده ائله حاله سالار ایندی سنی
کیم ایچور نعره سی بو عرصه ده کیوانه گئدور

پیر رندان خراباتیدن اول باده پرست
رخصت آلدی اولا هم کاسه رندان الست
ال تعلقدن اوزبدی دیه سن عاشق مست
یول سالوب اودلی گلستانه خلیلانه گئدور

الغرض رجعت ائدوب رزمگهه جنگ ائلسون
تازه دن کفریله جنگ ائتماقا آهنگ ائلسون
وسعت عرصه نی دشمن لرینه تنگ ائلسون
جنگ ایچون باغلیوب امیدینی یزدانه گئدور

دایانوب مرکز میداندا دلیرانه دوروب
روبرو لشگر کفاریله مردانه دوروب
اودسالا خرمن جاهلره فرزانه سالوب
الده شمشیر ی یانور شعله سی کیوانه گئدور

جنگه اقدام ائلیوب نعره تکبیر چکور
کفری نابود ائده بی واهمه شمشیر چکور
حمله ائتسون قوشونا نقشه و تدبیر چکور
قطره تقصیم دوتوب جانب عمانه گئدور

ناگهان آلدی او دم دور برین قوم عدو
چیخدی صفدن او زماندا دئدی بیر حادثه جو
ایندی مشغولیدی نعلینی نون اصلاحینه بو
بئله فکر ایلوری گشت گل و بستانه گئدور

• شنبه
• 30
• مرداد
• 1400
• ساعت
• 22:43
• نوشته شده توسط
• یوسف اکبری

☑️بند اول

عروس کربلایم نوالی ام نوالی /۲/
اولوب عموغلوم اَلده عزالی ام عزالی /۲/

بو نه طویدی الله الله هامی دوره‌می آلیبلار
نه گولن نه ال چالان وار باشیما قرا سالیبلار

نه شاد اولان وار نه گول سپن وار/۲/
من تک عروسی کیم گورسه آغلار/۲/

وار دور یری یر گوی منه دیل داغلاسین لار/۲/
تازه گلین لر حالیمه قان آغلاسین لار/۲/

? ای وای عموغلی / ای وای عموغلی

☑️ بند دوم

عموغلی دور ایاقا بو زاری گوزدن آتما /۲/
دوزنمیرم باخاندا اماندی بئیله یاتما/۲/

نه سسیمه سس وریرسن نه منی دانیشدیریرسان
گوزوه فدا عموغلی بو غریبی یاندیریرسان

آرام جانیم سس وئر اماندی /۲/
هجرین ده قلبیم اوت توتدی یاندی /۲/

ایندی محبت شمعینی دیلده آلیشدیر/۲/
دور مبتلای عشقیوی بیرده دانیشدیر /۲/

? ای وای عموغلی / ای وای عموغلی

☑️ بند سوم

سپهر پیکرینده عجب ستاره لر وار /۲/
عموغلی سینَن اوسته هلالی یاره لر وار /۲/

مِی عشقی نوش ائدن نن رَه وصلته چاتیبسان
بویوا فدا عموغلی گورورم کی قد آتیبسان

رحم ائتمییبله بیر نوجوانه /۲/
زلفون بئلشدی توپراغه قانه /۲/

آهو باخیشلی گوزلره قربان عموغلی /۲/
گئتدین ولی قویدون منی نالان عموغلی /۲/

? ای وای عموغلی / ای وای عموغلی

☑️ بند چهارم

روادی محنتینده قانیله دیده دولسون /۲/
یانیب دییر حرملر طویون مبارک اولسون /۲/

بئله نیسکیل اولماز الله پوزولوب طویون اساسی
بویانیب دی قانه داماد اولوب اَلده قان حناسی

افلاکه چیخدی ای وای صداسی/۲/
دوندی عزایه طوی ماجراسی /۲/

هجران یِلی اَسدی خدا گل مثلی سولدوم /۲/
بخت اولدوزوم آخدی منیم قاره گون اولدوم /۲/

? ای وای عموغلی / ای وای عموغلی

• جمعه
• 24
• شهریور
• 1402
• ساعت
• 21:26
• نوشته شده توسط
• یوسف اکبری

اي پناه مشرقينيم ؛ درديمه درمان عموگل
آتلارين ايتدي اياقي ؛ جيسميمي شان شان عموگل

قاسم نو كد خدايم ؛ مجتبانين يادگاري
زاده شير خدانين ؛ گورملي باغ و بهاري
جود و احسان و كرامت ؛ مندن آلميش اعتباري
بو گولي پرپر ايدوللر ؛ داديمه الان عموگل

رحمي يوخدي كوفيانون ؛ من سليل مصطفايم
زاده ي شير خدايم ؛ نور چشم مرتضايم
يا كه داماد حسين و يادگار مجتبايم
جور و طغيان عدودن ؛ قلبيم اولدي قان عموگل

گلشن عشقون تماما ؛ كربلا دشتينده سولدي
گوللري دسته به دسته ؛ ظلم و جورين بادي يولدي
من سني بيكس گورنده ؛ قلبيمه غم غصه دولدي
دشمن غدار ايچنده ؛ سالميشام طوفان عموگل

لبلريم سولدي سوسوزدان؛ قلب زاريم پارچالاندي
درّ شهوارون عموجان ؛ دست ظلميله تالاندي
سينم اوسته سايسيزاوخلار ؛ زار اولان حاليمه ياندي
باشه چاتدي شكرلله ؛ ديلده كي پيمان عموگل

باشيم اوسته گل وليكن حاليمه چوخ آغلاما
اشكي گوزدن اي عموجان گول عذاره باغلاما
مجتبانين بونان آرتيق قلب زارين داغلاما
بوغريبي سن حساب ايت اصغره قربان عموگل

(آذرين) عشق حسيني ايله حاكم قلب زاره
آغلا هيئتلرده باغلا اشكوي قاره عذاره
سفره آل علي دن لحظه اي دوشمه كناره
سسله اولدي قانه غلطان قاسم نالان عموگل

• پنج شنبه
• 25
• دی
• 1399
• ساعت
• 09:24
• نوشته شده توسط
• یوسف اکبری

گوزون آچ ای دیزیمون طاقتی قاسم گوزون آچ
عموون چوخدی بو گون محنتی قاسم گوزون آچ

قان دوتوب گوزلریوی بسکه باشوندان سوزولوب
تللرونده دیه سن شدّهء مرجان سوزولوب
نیلیوم یوخدور علاجیم الیم ائلدن اوزولوب
توپراقا قویما گوزل صورتی قاسم گوزون آچ

گلسه میدانه بی بون زینب کبری نه دیوم
خیمیه حمل ایلیوب جسموی آیا نه دیوم
خبر آلسا سنی مندن آنان امّا نه دیوم
گوز تیکوبدی یولا بو مدّتی قاسم گوزون آچ

دور گیداخ خیمه لره سینه لری داغلیالار
باشوین یاره سینی عمّه لرون باغلیالار
تا دویونجا سنه بیر اوخشیالار آغلیالار
اولاجاقدی هامونون صحبتی قاسم گوزون آچ

وورولان جسموه ناحق بو قدر اوخدی بالا
ناز ایدورسن منه یا اینکه یاران چوخدی بالا
من آتایم سنه فکر ایتمه آتان یوخدی بالا
غصّه سی دلده آتا رحلتی قاسم گوزون آچ

بولوسن چوخدی بو صحرای بلاده محنیم
سنه باخدوقجا دوشور یادیمه هر بیر ئولنیم
آدی قاسم ولی معناده امام حسنیم
قارداشیم تک قولومون قوّتی قاسم گوزون آچ

بو کیچیک سنّیله سن غم گونی یولداشیمدون
عزّت و شوکت اولاد بنی هاشمیدون
جان ویرن زهریله یثربده کی قارداشیمدون
عموون خمدور اودور قامتی قاسم گوزون آچ

قویمادیم من سنی بیر لحظه مکدّر اولاسان
قارداشیم اوغلی منه غم گونی یاور اولاسان
اکبریم گیتدی الیمدن منه اکبر اولاسان
عموسون درده سالان فرقتی قاسم گوزون آچ

من دیردیم آناوی غصه دن آزاد ایدرم
اولی بیر گون آتاوین روحینی تا شاد ایدرم
دوتارام طوی سنه اعزازیله داماد ایدرم
ای قالان قلبده بو حسرتی قاسم گوزون آچ

یارالی باشی گوتوردی شه آلیب سینه سینه
باسدی آغوشینه نعشین یتوروب خیمه سینه
قاسمی گتدیله سس یتدی خانم عمّه سینه
سسلدی ای اورگیم طاقتی قاسم گوزون آچ

قویدی اکبر یاننا نعشینی باهم یاتالار
گوز یاشین خون دلیله بالا قیزلار قاتالار
اکبر و قاسم آناسی بیله یاسه باتالار
دیه ای مادرینون عزّتی قاسم گوزون آچ

تا یتوب نعشینون اوسته یره اوتدی آناسی
گوردی گلمور سانا جسمینده قلیج اوخ یاراسی
بو دلیله دیدی دل بلکه گوز آچسون بالاسی
(حسنی) یاده سالان غربتی قاسم گوزون آچ

• دوشنبه
• 10
• خرداد
• 1400
• ساعت
• 15:04
• نوشته شده توسط
• یوسف اکبری

یتیش دادیمه ای عمـــو جان
یخلدیم یوز اوسته من آتدان
آلوب دورمـــــی قوم عُدوان
گل ای جان جانان
یوخ قاسمون چاره سی دشت کرب و بلاده
اخیامه حمــــل ایت منی اکبرون تک عباده
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

اورک داغلیام مــــن حزینم
اولوبدور آتـــــــام دلغــمینم
یتیمم یـــــارالــی جَــــبینم
گـــــل ای مــــاه دینم
گل بیرده بوسه وروم گل یوزوندن عمو جان
آخر زمانیمـــــــدی بـــاشیم کَسر قوم عدوان
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

منــــــه اکبرون یولداشیدی
نه یولــداش منه قارداشیدی
بو غمده گوزی قان یاشیدی
عجـــــب قارداشیدی
اکبر اولندن صورا لذتی یوخ جهانون
مهمان گیـــدر اکبرن قاسم نوجوانون
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

عمــــو گل کی حالیم یاماندی
گوزوم گوزموری پارچا قاندی
منیم قتلــــگاهیـــم دومـــاندی
گل اشکـــــیم رواندی
گــل دادیمه تز یتیش من اورکدن غمینم
قالدیم بو آتلار ایاقینده خرد اولدی سینم
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

داغیلــــدی منیم عِزُّ و جاهیم
عمــــو یوخدی سنسیز پناهیم
چخوب گوگلره سوز و آهیم
آخان قان گواهیم
گل ناز ایله قاسمی چون یتیمم عمو جان
ای سن گلن یولارا قاسمون جانی قربان
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

گلوب قــــاسمی تاپدی بیردن
آلوبدور قــــــــوجاقیـنه یردن
دیدی وای بالام گیتــدی الدن
گولوم دوشــــدی دیلدن
ای قارداشیم یادگاری بالام لای گولوم لای
ای اکبـریمون نگاری بالان لای گولوم لای
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

گوزوندن منـــی آتمازیدون
قانون اشکه هیچ قاتمازیدون
یانیمــــــدا منیم یاتمازیدون
بالا یاتمـــــــازیدون
آچ گوزلرون دور گیدک خیمده چوخ فغان وار
دشمـــن باخـور یالقوزام یاتما سن ال چالان وار
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

بالا ســـاق یرین یوخ بدنده
علی تک ادب واردی سنده
اوزانمازدون هیچ من گلنده
یـــــارا واردی منده
دور قاسمیم گلمیشم باشین اوسته یارالی
سس ویـــر منه جـان زهرا ننم ای وفالی
((گل دادیمه ای عمو جان عمو جان عمو جان
فریادیـــمه ای عمو جان عمو جان عمو جان))2

• یکشنبه
• 20
• تیر
• 1400
• ساعت
• 16:36
• نوشته شده توسط
• یوسف اکبری

بیر الده نقدِ جان عمو، بیر الده فرمان‌ گلمیشم
اوز قتلیمه عنوان ایدوب بیر تازه عُنوان‌ گلمیشم

گلدیم حضورندن آلام ازّلده بیر اذنِ ‌جَهاد
رُخصت عمو جان ویرمدون اولدی ملال و غم زیاد
گَتدیم آتام فرمایشین پروردگاریم قیلدی یاد
مأیوس گتمیشدیم ولی شاد و‌ خرامان‌ گلمیشم

بو دست‌ خطّ مجتبی، بو من ‌بو دشتِ کربلا
بو روزِ عاشورا عمو، بو ازدحامِ اشقیا
ایله مرخّص جانیمی ایلوم رکابوندا فدا
محکومِ بیر حُکمم گرک ایلوم فدا جان گلمیشم

قویما بو غملی گوگلیمی چوخ درده گلسین شاد قیل
غم مکتبی ندن ای عمو بو غمکشی آزاد قیل
سن مرشدِ عشّاق سن، یول گوستروب ارشاد قیل
قوی منده اکماله یتوم، بو درسه چوخ دان گلمیشم

بو‌ گون بو‌ کوی عشقیده بیر نچه قوربان ‌ویرمی سن
بیر بیر حضور‌ِ حضرتِ جانانیده سان‌ ویرمی سن
آخر شهادت مژده سین ازّلده یکسان ویرمی سن
منده گیدوب اولماخ لیقا خاکی له یک سان گلمیشم

منده عمو قربانلی قا یوخسا لیاقت یوخ بو گون
یا اینکه زخم و ‌خنجرِ پیکانه یوخ طاقت بو گون
بیر اوزگه‌ منظوریم منیم غیر از شهادت یوخ بو گون
اذن شهادت ویرگی لن ایتمه پشیمان گلمیشم

لطف ائت کفن سال بوینوما قیل لایقِ جانان عمو
چوخ شایقم تشنه ویرم جانان یولوندا جان عمو
حالون منی دلتنگ ایدوب ای شاهِ مظلومان عمو
اولسون قسم بو جانیوه جانه عمو‌ جان گلمیشم

بو ‌گون ضیافت خانهء عشقه گیدنلر گیتدیلر
یولداش اولوب نچه‌ نفر جانان یولون طیّ ایتدیلر
باش ویردیلر نام آلدی لار عینِ مرامه یتدیلر
منده بو باشی ایتماقا شاباشِ جانان گلمیشم

بو گون عمو نه نوعی بو فیضِ فراوان دان گچوم
فیضِ شهادت تاپماقا چوخ مایلم جان دان گچوم
کوی وفاده جانویروم، اکبر کیمی جان دان گچوم
منده بو صحراده اولام جانانه قربان گلمیشم

ایله (شهابه) بیر نظر گر چه گنه کارم حسین
آخر سنون اولادیوه منده عزادارم حسین
شش گوشه قبروندن اوتور چوخ گونلر آغلارم حسین
حضّاریلن گورسم نولور بیر وقفه مهمان گلمیشم

• چهارشنبه
• 17
• شهریور
• 1400
• ساعت
• 23:10
• نوشته شده توسط
• یوسف اکبری

بو گجه من سنه مهمانم عمو
خیمده یوخدی سو عطشانم عمو

دیمدیم دردیمی اوز اکبریمه
نظر ایله قوریان لبلریمه
گلمیشم سو آپارام اصغریمه
بو اوزون قوللارا قربانم عمو

سو یولون باغلادیلار اهل جفا
قالمیوب گلشن طاهاده صفا
مشکی سال چگنیوه ای کان وفا
سولموشام گل کیمی خندانم عمو

منی بیرده عمو آغوشیوه آل
او اوزون قوللاریوی بوینوما سال
لطفیله حالمی بیر ایله سئوال
نیجه گور حالی پریشانم عمو

آنامون گوزلرینون یاشی آخور
یاندیرور آهله دنیانی یاخور
قاسمه اکبره حسرتله باخور
یانورام حالینه حیرانم عمو

قلبی یانسون سینمی داغلیانون
الی سینسون سو یولون باغلیانون
نولی حالی بالاسی آغلیانون
آنامون حالینه سوزانم عمو

نه روا من بو قدر غصه ییوم
اوتانوردوم سنه اظهار ایلیوم
دردیمی بس کیمه بو چولده دیوم
دردیمه طالب درمانم عمو

یانورام سوز عطشدن عمو جان
باخ سارالموش یوزومه حالمه یان
سنده بیر جام سویا گلسه گمان
ویر منه لایق احسانم عمو

چرخی ای کاش دایانسون فلکین
اصغرین توپراقا تیز تیز اوره گین
اونون احوالینه گریانم عمو

یغیشوب باشیمه قیزلار بو گیجه
العطش سسلر اوشاقلار بو گیجه
من اوزوم هیچ قوناقیم وار بو گیجه
من اوزومده سنه مهمانم عمو

اوجالور عرشه ندن ناله سسی
بونه غمدور باجیمون طوی گیجه سی
آغلاماقدان باتوب اصغر نفسی
بو غمه بو طویا حیرانم عمو

قانه دونسون بو فراتین سویونی
گور نه خار ایلدی قاسم طویونی
اوزوم اوخشاردیم عم اوغلوم بویونی
تشنه یم حیف اولا نالانم عمو

یری وار خون دلی اشگه قاتام
بو گجه هیچ منی دیندیرمور آتام
نه یوخوم وار باری بیر لحظه یاتام
گور نه مأیوس و پریشانم عمو

بیر شهین سن تک علمداری اولا
نه روا دور الی قوینوندا قالا
قیزلاری سوز عطشدن سارالا
نجه گور سر به گریبانم عمو

• چهارشنبه
• 18
• مرداد
• 1402
• ساعت
• 01:12
• نوشته شده توسط
• یوسف اکبری

☑️بند اول

دور عم اوغلی منی قویما نگران
نو عروسون اورگین ائیلمه قان

? بختیمین شمعی سونوب
طویوموز یاسه دونوب

☑️ بند دوم

من گرک ماتم اتاقین بزییم
آغ لباسی چخادیب قاره گییم
منی دیندیر گوروسن غصه لیم
نو عروسون اورگین قان ائلمه

? بختیمین شمعی سونوب
طویوموز یاسه دونوب

☑️ بند سوم

گوزون آچ گوزلریوین دردین آلیم
سنه قوربان منی تک قویما قالیم
دور اوتور تللریوی نظمه سالیم
نو عروسون اورگین قان ائلمه

? بختیمین شمعی سونوب
طویوموز یاسه دونوب

☑️ بند چهارم

اولار عالم منه هجرینده قفس
چکمرم بیرده من آسوده نفس
نیه وئرمیرسن عم اوغلی منه سس
نو عروسون اورگین قان ائلمه

? بختیمین شمعی سونوب
طویوموز یاسه دونوب

☑️ بند پنجم

یوخ سوزوم کی الیم الدن اوزولوب
یا بو گوز یاشیم عذاره سوزولوب
وای منه تللریوه قان دوزولوب
نو عروسون اورگین ائیلمه قان

? بختیمین شمعی سونوب
طویوموز یاسه دونوب

☑️ بند ششم

من دئدیم طوی توتاریخ خونچا گلر
طوی گونی باشیمیزا گول سپلر
قالمیشام ایندی فراقیندا ملر
نو عروسون اورگین قان ائلمه

? بختیمین شمعی سونوب
طویوموز یاسه دونوب

☑️ بند هفتم

چکرم اللریمی زلفووه تا
قانین اولسون الیمین اوسته حنا
گوزون آچ یوخ دوزوموم آیریلیغا
نو عروسون اورگین ائیلمه قان

? بختیمین شمعی سونوب
طویوموز یاسه دونوب

• شنبه
• 25
• شهریور
• 1402
• ساعت
• 14:04
• نوشته شده توسط
• یوسف اکبری

☑️بند اول

عمو یتیش هرایه
(نوالی ام نوالی)۲
آخیر قانیم ترابه
(یارالی ام یارالی)۲

نفسیم توشوب شماره
آزالیب توان عمو جان
گَل اوزون کمک لیخ ائیله
منه مهربان عمو جان

گَل قویما نارِ
(ظلمیله یاندیم)۲
رحم ائیلیین یوخ
(قانه بویاندیم)۲

جلاد الینده قالمیشام
(گل داده ایندی)۲
یوخ دور هواداریم یتیش
(فریاده ایندی)۲

? ای وای عمو جان

☑️ بند دوم

یارالی اولسا هر کیم
(گئدر اورک قراری)۲
گوروبله یوخ قراریم
(ویریبلا زخم کاری)۲

منه چوخ یارا دییبدی
ولی بیر یارام یاماندی
او یارا بیر عمر عمو جان
سنی غصیه سالاندی

بیر نیزه گلدی
(سمت هوادن)۲
حالیم پوزولدی
(توشدوم قوادن)۲

قرآن کیمی شیرازه دن
(بوردا چخیلدیم)۲
ظالم ویراندا نیزه نی
(آتدان یخیلدیم)۲

? ای وای عمو جان

☑️ بند سوم

بابام اگر قالیدی
(گلردی کربلایه)۲
سالاردی باشیم اوسته
(محبتیله سایه)۲

بولور اهل شام و کوفه
کی بابام دا یوخ یتیمم
شرر مصائبیله
یانیر ایندی داغلی سینم

گَل باشیم اوسته
(گور نه جدل وار)۲
بوردا قصاص
(جنگ جمل وار)۲

گَل نوجوان مجتبی
(ظلمیله سولدی)۲
سیندی دیشیم آغزیم عمو
(قانیله دولدی)۲

? ای وای عمو جان

• شنبه
• 25
• شهریور
• 1402
• ساعت
• 14:05
• نوشته شده توسط
• یوسف اکبری

☑️بند اول

طوی بساطی قورولدی کربلاده
قونشولار آغلادی بو ماجراده
واردی غم نن اثر غم لی هواده

برهم اولدی ظلم الیلن طوی اساسی
یاخدی داماد اللرینه قان حناسی

? قاسم ای وای ، قاسم ای وای

☑️ بند دوم

بیر طرف ده گلین قیز غمدن آغلیر
عمه سی بیر طرف ده سینه داغلیر
باشینه نو عروسون قاره باغلیر

سسلیر عمن قوربان اولسون بو ملاله
طوی گونونده قالدین آخر گور نه حاله

? جانیم عمه ، جانیم عمه

☑️ بند سوم

ای عزیزیم بورا دشت بلادی
قانیله غرق اولان کوی منادی
فرض اله اللرینده قان ، حنادی

اللریوه قان حنا قوی ، عمن اولسون
قاره گی ، طوی رختینی سوی ، عمن اولسون

? جانیم عمه ، جانیم عمه

☑️ بند چهارم

قارداشیم ایندی قالسیدی گلردی
قلبینی تیر آهیله دلردی
باشه تپراخ سپیب اشکین الردی

بیر طرف ده نو عروسی یاسه باتمیش
بیر طرف ده قان ایچینده اوغلی یاتمیش

? جانیم عمه ، جانیم عمه

☑️ بند پنجم

رسمدی طوی گونی خونچا بزلر
حجله گاهه گوزل گول لر دوزلر
باشینا بگ گلینین قند ازلر

عمه ن اولسون گول کیمین رنگین سارالدی
شمع وصلین سوندی ، آرزین دیلده قالدی

? جانیم عمه ، جانیم عمه

• یکشنبه
• 26
• شهریور
• 1402
• ساعت
• 22:24
• نوشته شده توسط
• یوسف اکبری

يتيش امداديمه اي بحر شجاعت عمو جان
دوشموشم دشمن آرا ايله حمايت عمو جان

گل عمو قاسموین قانه باتوبدی بدني
ایستیور ذبح ایلیه باشیمی بیر شوم دني
الیم الدن اوزولوب گوزلیورم ایندی سنی
گلمسون ايندي كسر باشيمي راحت عموجان

هر طرفدن آلوب اطرافیمی بو اهل جفا
لشكر خصميده يوخدور بلوسن شرم و حيا
یاره اوستن ورور اعدا منه السّاعه يارا
گل بو سايسيز ياراما ايله طبابت عمو جان

اکبری گوردوم عباده ایله دویدوم جانیما
گیتدیم اکبر یولونی منده بويا نديم قانيما
خوشدور ايندي گله سن ای شه عالم يانيما
کرم ائت خوا هشيمي ايله اجابت عمو جان

چوخدور عشقيم گله سن ديل سوزون ابراز ايليم
آلاسان دیزلرون اوسته باشیمی ناز ايليم
محضرونده پر آچوب جنّته پرواز ايليم
اوز قوجاقونده ايچم جام شهادت عموجان

مرغ روحيم پرآچوب جنّت و الاعلايه گئده
عشق والايه گوره عالم بالايه گئده
محضر حضرت زهرايله طاهايه گئده
گوزليور ايندي مني ختم رسالت عمو جان

عاشقم عالم آرا من سنه اي شاه زمن
عشقه خاطر ايلديم جانيمي قربان سنه من
گوگلوم ايستور باشيم اوسته عموايندي گله سن
سنی جان اوسته ایدم بیرده زيارت عمو جان

اولموشام ورطه ی طوفاندا عمو غرق بلا
اورگيم غمله دولوب باش يارا پيكرده يارا
بئله احواليله ديلدن ايدورم ايندي دعا
ایده الله سنه بو چولده حمایت عمو جان

من زره سیز ایلدیم لشگر کُفّاریله جنگ
ایلمیشدیم بو اُتوز مین نفره عرصه نی تنگ
یاره لندیم اولوب آغ پیرهنیم قرمزی رنگ
ایستیوركامه يته اهل شقاوت عمو جان

بو شهادت منيچون رتبه شاياندي عمو
ولي غمدن آنامون گوزلري گرياندي عمو
گوزي آغلار اوزي محزون اورگي قاندي عمو
ويرتسلّي ايده هجرانيمه طاقت عمو جان

يتديم آماليمه گل باخ بو آخان قانه عمو
فخر ايله هر ایکی دنیا بئله قربانه عمو
يتورآخونديني بير منصب شايانه عمو
گله ديداره ايده عرض ارادت عمو جان

• سه شنبه
• 18
• آذر
• 1399
• ساعت
• 23:55
• نوشته شده توسط
• یوسف اکبری

کربلا دریای ایثار و دیار قاسم است
وین دیار پر بلا آیینه دار قاسم است

این گلستان هر چه گل دارد ز دامان علیست
باغ ایمان بارور از شاخسار قاسم است

مکتب صلح حسن پرورد اینسان جنگجو
لشگر و سر لشگر دشمن شکار قاسم است

تا کَنَد هرزه علف ها را ز پهنای زمین
خرمن و داس اجل در اختیار قاسم است

بی امان شمشیر میزد نوجوان تشنه لب
نغمه الله اکبر این شعار قاسم است

پهلوانان در مصاف جنگ کردند اعتراف
جبهه رزم عدو تحت فشار قاسم است

روبه و شیر و عقاب و کرکس بام عدو
بال و پر بسته اسیر و در حصار قاسم است

این پسر با غیرتش تدبیر دشمن را شکست
بی زره پیکار کردن شاهکار قاسم است

نوجوان مجتبی خون داد و دین را زنده کرد
اهل دین تا بی نهایت وامدار قاسم است

از دل و جانش گذشت و دین خود را کرد ادا
زین سبب خیل ملائک پاسدار قاسم است

آتش عشق حسین بر قلب قاسم شعله زد
رهبر دشت بلا تنها نگار قاسم است

نیست تنها در دیار پربلای نینوا
اکبر و عباس و اصغر در کنار قاسم است

زینت دامادی اش خون گلوی خویش بود
حجله ی خونین به مقتل یادگار قاسم است

ای جوانان جان فدای این همه احساستان
قلب من مثل شماها داغدار قاسم است

پایگاه حفظ و نشر آثار عباسی معروفان

• سه شنبه
• 25
• آذر
• 1399
• ساعت
• 20:44
• نوشته شده توسط
• یوسف اکبری

فارسی

قاسم ای نوردوچشم ترمن
ای به دریای ادب گوهرمن
دیده واکن که نشستم به بَرَت
نشودفرقت تو باورمن
گل باغ وچمنم یادگارحسنم

تومه خوش رخ این انجمنی
سروبستانی و باغ و چمنی
درشجاعت چوعلی بی بدلی
درمتانت تومثال حسنی
گل باغ وچمنم یادگارحسنم

تورساقدی وهم شمشادی
سروباغ ادبی،آزادی
بالب تشنه و غرق درخون
به همه درس شرافت دادی
گل باغ وچمنم یادگارحسنم

تاصدایت به من خسته رسید
دل صدپاره ام ازغصه تپید
عمه بیش ازهمه کَس شدنگران
پیش چشمان ترم آه ڪشید
گل باغ وچمنم یادگارحسنم

ترکی

قاسم ای ماه دلارای حسن
لاله گلشن زیبای حسن
صورتوندن گوروور آی گوزه لیم
گوزلره جلوهٔ سیمای حسنــم
گل باغ وچمنیم یادگارحسنیم

قان آخوریاره لی پیکردن اوغول
آلمیشام من سنی اللردن اوغول
سن بیلورسن که بودنیاده بالا
سئچمدیم من سنی اکبردن اوغول
گل باغ وچمنیم یادگاحسنیم

ال ایاق چالمابالاقان سوزولور
قاندی یالولؤ مرجان سوزولور
سنده زهرایه قوناقسان یارالی
قالیرام تک،الیم الدن اوزولور
گل باغ وچمنیم یادگارحسنیم

ای بیکس عموون دال دایاقی
یارالی فاطمه نون اول قوناقی
عمووین جانی فداپیکرووه
گورسالوبدورنه حالاآت ایاقی
گل باغ وچمنیم یادگارحسنیم

آپاروب یاره لرون باغلیارام
غملی زینبله سینه داغلیارام
گرسنی آلساخبرعمه لرون
ویرارام باشیمه قان آغلیارام
گل باغ وچمنیم یادگارحسنیم

• دوشنبه
• 18
• اسفند
• 1399
• ساعت
• 22:09
• نوشته شده توسط
• یوسف اکبری

قاسمی آتدان سالوب فرقه ی عدوان عمو

تز یتیش امدادیمه من سنه قربان عمو

دوره می یکسر آلوب لشکر ایدور هلهله

رحمسیز اعدا بوگون - سالدیلا فرصت اله

سسلنورم الامان - ویرمه امان قاتله

گل سنی بیرده گوروم سونرا ویریم‌جان عمو

روز ازل اولموشام اکبریله هم قسم

یوخدی سوزوم‌جانیمی دینه فدا ایلسم

لیک بو صحراده من سن بولوسن بی کسم

یوخدی آتام دادیمه سسلیم الان عمو

لطف ایله بو صون نفس قاسمی بیر یاد ایله

لشگر آرا تاپ منی - غصه دن آزاد ایله

قاتل الیندن قوتار - گویلومو آل شاد ایله

قویما کسه تشنه لب باشیمی عدوان عمو

آتش حسرتده بو جان و دلیم یاندی گل

پیکریمون هر یری تیغیله دوغراندی گل

آتلار ایاخلور منی گوز دولوسی قاندی گل

جسمیمی پامال ایدوب سُمّ ستوران عمو

حالیمه یوخدو یانان عرصه ده تک قالمیشام

دست اجلدن داخی شربت مرگ آلمیشام

قان آراسیندا ز بس من ال ایاق چالمیشام

ًضعف ایلیوب دوشموشم قوش کیمی جاندان عمو

بولّم آنان گوز تیکوب یوللارا با چشم تر

باشه سالوبدور قرا - وای بالا وای سسلنر

خیمه ده شانشان اولان پیکریمی گورسه گر

وار یری لیلا کیمی آغلاسا - القان عمو

ای عمو جان "اکرمی" گر چه ایدوب چوخ گناه

نامه ی اعمالینی سر به سر ایتمیش سیاه

ایندی خجالت زده بیر سنی بولموش پناه

لایقِ شانون دگول سن اونی قووسان عمو

• سه شنبه
• 10
• فروردین
• 1400
• ساعت
• 12:10
• نوشته شده توسط
• یوسف اکبری

سالدیلارآتدان عموجان قاسمی دشت بلایه
یاره لر ایلور اذیت هارداسان تیز گل هرایه

گل عمو جان اوسته یم من
خسته یم من خسته یم من

جسمیمی آتلار ایاقی ایلیوبدی پاره پاره
کهکشان سینم اوسته یاره لر گلمز شماره
جان زهرا قویما قیزلار جسمیمه ایتسون نظاره
آز قالور نعشیم بوکولسون نعش اکبر تک عبایه

اِرباً اربا اولدی اکبر نهضت قرآن اوجالسون
منده اولدوم دینه قربان سیدی باشون ساغ اولسون
کیم سنه ایتدی اهانت جاه و اجلالی داغلسون
شاکرم منده یازیلدوم نهضت کرب و بلایه

قاسمه جان ویرمک ایندی گرچه شیریندی عسلدن
قادر الله شاهدیمدی قاچمادیم جنگ و جدلدن
اللرون قربانیم گل آل منی قوم دغلدن
اهل بیتی دعوت ایله باشیمون اوسته عزایه

خیمه لردن آیریلاندا اصغری گوردوم اوتاندیم
بی مهابا جنگه گیتدیم مرد و مردانه دایاندیم
سالدیلار آخر حصاره ووردولار قانه بویاندیم
یاره لر ایلور اذیت هارداسان تیز گل هرایه

• چهارشنبه
• 29
• اردیبهشت
• 1400
• ساعت
• 20:45
• نوشته شده توسط
• یوسف اکبری

قاسمون گلدی حضوروندن تمنایه عمو
وئراجازه یولانوم بوچوده هیجایه عمو

خیملــردن اوج ائدورافــلاکه واویــلا سـسی
تاب آلـوردلدن حریم حضــرت زهــرا سسی
یاندوررعــالملری اوغلــی اولن لیـــلا سسی
من نجه تاب ایلـــیوم بیربیله غوغایه عمو

واردی آتامدن دست خطیم ای شه والا مقام
ایلیــوب اونداسفــارش مظهـــر خیـرالانام
لذت دنیانی باشیمـــدان گــرکدی من آتام
تـز یتم دشت بــلاده شبه طـــاهـــایه عمو

ظـلم الیــله بحــرغم بوچولده طـوفـان ایلدی
چشمه ی اشگیم ستمله داشدی طغـیان ایلدی
اکبــرین صـدپاره جیسمی باغریمی قان ایلدی
گوزیاشیله اولدی ممزوج آخدی سیمایه عمو

• یکشنبه
• 10
• مرداد
• 1400
• ساعت
• 15:00
• نوشته شده توسط
• یوسف اکبری

فرزند سرافراز امام حسنم من
صحرای مواساتیده یا هو دینم من
جان بذلینه میدانه زره سیز گئدنم من
یوخ ئولمگه قلبمده اباء عاشقم عاشق

من بنده فرمان خداوند شکورم
آز سنیله داغلار بوئی آلامه صبورم
مصداق اذالشمس ام و باشدان باشا نورم
سینمدن آلور آیدا جلا، عاشقم عاشق

غیرت تانینوب جدیم علینون بیلگیندن
کفرون پوزولوب لشکری یاهو دئمگیندن
من کسب وقار ائتدیم حسینون اتگیندن
تاپدی هدفیم قدر و بها ، عاشقم عاشق

حق لشگرینون افسر خوش منصبی ام من
عزت یولینون سالک عطشان لبی ام من
فخر ایلیورم ، حیدری ام ،زینبی ام من
شیریندی منه شهد بلا عاشقم عاشق

آز عمریمی ویردیم باشا عزت قاپوسیندا
روحیم پر عشق آچدی سیادت قاپوسیندا
نفسیم ابدا گزمه دی ذلت قاپوسیندا
فخر ایلر آدیمدان صلحا عاشقم عاشق

هر بیر نفسه جان دیرم دلبره قربان
ناقابل اولان باش قوجالان رهبره قربان
خوشدور بلشوب قانه اولام اکبره قربان
شمشیره ائدم ناز و ادا عاشقم عاشق

لبیک دیوب رهبریمه کئچدیم ئوزومدن
شانیم تاننار دهر فناده بو سوزومدن
من عزم جهاد ائتدیم امام ئوپدی گوزومدن
هی باخدی منه ائتدی دعا عاشقم عاشق

• چهارشنبه
• 20
• مرداد
• 1400
• ساعت
• 20:57
• نوشته شده توسط
• یوسف اکبری

یُولا سالدون اَکبَری مَقتلَه مَنه تَنگ اوُلوب خِیم اِی عَمُو
آتاسیزدی قَلبی شِکستَه‌دی اِیلَه قاسِمَه کَرم اِی عَمُو

کُول اُولیدی نامه یازان لارون باشنا بَلایَه دُوشُوب باشُون
نَه اِطاعَت اِئتدیلَر اَمریوَه نَه غَمُوندَه اُولدولا یُولداشُون
قالانُون خیامیدَه بیر مَنم بیر ئوزون و بیردَه که قارداشون
اُودا مُنتظردی شَهادتَه اُولا قُوللّارى قَلَم اِی عَمُو

باخُورام بَلا چُولینَه قُوشُون گُورورَم که دُولدُوروب هَر یانی
اِیکی عالَمُون سَن اُمیدی سَن قُوشُونُون هانی کُمگُون هانی
اِئلَه قَلبیمَه هَیجان گَلوب قزیشُوب دامارلاریمُون قانی
نِجَه قارداش اُوغُلی دَوام اِئدَر عَمو اوُلسا قَدّی خَم اِی عَمو

دِئمُورَم مَصافِ یَزیدِیدَه عَملاً نَظیرهء اَکبَرم
وَلی حِیدَری نَسَبم نَبیرهء پاکِ فاتحِ خِیبرَم
نه اَسیرِ اَهلِ جَفا اوُلوب نَه قُوشُون کَمَندینَه دُوشمَرَم
پُوزارام نِظامِ سِپاهی مَن یِخارام بُو گُون عَلم اِی عَمُو

نَدور عِلّتی مَنی قاتمُوسان بُو بَلا چُولوندَه سِپاهُوَه
نَظر اِیله بیر آتاسیز گُلوب سِخلوبدی ظِلِ پَناهُوَه
عَمُو قارداش اُوغلی سُوزی قالوب مَنی قُوش غُلامِ سیاهُوَه
نه دَلیلَه قاسِمُون اَرزشی هامُودان اُولوبدی کَم اِی عَمُو

سَن اَمیرِ دِین اُولوالاَمر سَن مَن یِچُوندَه اَمرِ جَهاد اِئله
دِئمَه سِنّی آزدی یَتیمدِی یُولا سال اَنیسِ مُراد اِئلَه
آنامی قُوش اُوغلى ئولنلَرَه آتامُوندا رُوحینی شاد اِئله
بیر ئولُوم که نَعمت و ناز اوُلا اِئلَه مَرگیدَن نَه غَم اِی عَمُو

کِیمُون اُولسا مَعرفتی یَقین یِتیشُوبدی حَدَّ کَمالِینَه
چاتار اَرزشَه سُوزی صُحبتی نَه باخالّا سَنّ و نَه سالِینَه
گِیدورَم عَبادَه عَم اوُغلومُون باخُورام او قانلی جَمالِینَه
اُورگیم یانُور دایانانمُورام اوُلا جانوَه قَسَم اِی عَمُو

او گُونیکه زَهرِی اِیچُوب آتام اوُزومَه سَنی آتا بِیلمِیشَم
سِخلُوب پَناهُوَه اوُن بیر اِیل بُو بُویا گَلوب چاتا بِیلمِیشَم
قُوشُونُون داغلدی کِچَن گِیجَه دِئمه صُبحَه جَک یاتا بِیلمِیشَم
یُوزَه سیلِ اَشگیم اوُلوب رَوان گُوزُومی سِیلوب نَنَم اِی عَمُو

نِچَه اِیلدی اَکبرَه یُولداشام اِئلیوبدِی چُوخ مَنه اِحتِرام
کِیچِیگَم وَظیفه دِی حُرمَتِین اُورَگیمدَه دائمی ساخلارام
اُونی قَطعه قَطعه اِئدوب قُوشُون نِجَه یُولداشام هَلَه مَن وارام
نَه صَفاسی وار مَنه عالمُون سَنی اِیلورَم حَکَم اِی عَمُو

اُو قَدَر جَهادَه هَوس واریم که اوُچام مِنایَه پَر اِیستُورَم
نَه کُمان و تیر اَله آلمیشام نَه کَمند و نَه سِپَر اِیستُورَم
اوُلانی فَدا اِئدرَم سَنه نَه تَن اِیستُورَم نَه سَر اِیستُورَم
گرَک عِشقیلَه رَهِ عِشقَه مَن گُوتُورَم بُو گُون قَدَم اِی عَمُو

شُهدا سانندا چُوخ عِیب دُور مَن یِچُون گَلوب سانا یاتماسام
قانیمُون نَه اَرزش و قِیمَتی بُویانُوب اَگر قانا باتماسام
قُوشُولُوب عَم اُوغلوما خِیمه لَر قاباقندا یان یانا یاتماسام
پُوزُولوبدِی طُرّه لَری گرک اوُلا کَاکِلیم بِهَم اِی عَمُو

عَمُوجان قَسَم وِئرورَم سَنی بِشیگیندَه جان وِئرن اَصغرَه
آنامُون گُوزوندَه کی اَشگینَه بی بیمُون باشندا کی مَعجَرَه
تَهِ طَشتَه کِینهء جَعدَہ دَن تُوکُولَن اُو ریزه جِگرلَره
ئوزُومَه سَعادتُون آچ یُولُون مَنی اِیلَه مُحتَرم اِی عَمُو

نَظَریمدَه سُفرهء جُودوون بُو وَظیفَه دور نَمکین دُوتُوم
وِئر اِجازَه یُوخسا وَساطتَه آنامُون گَرک لَچگین دُوتوم
آنامُوندا دُوشسَه سُوزی یِره بی بیمُون گِیدیم اَتگَین دُوتوم
اوُنا باخماسُون اَلوی اُوپُوب نَجَفَه گَرک گِئدَم اِی عَمُو

• شنبه
• 14
• مرداد
• 1402
• ساعت
• 23:06
• نوشته شده توسط
• یوسف اکبری

ای اولان گل کیمی خندان
وای عم اوغلی وای عم اوغلی
طوی حناسی اولان القان
وای عم اوغلی وای عم اوغلی

عروسم
باشیما کولر الندی
بدنون قانه بلندی

بلمورم هانسی غمونده ایلیوم ناله و افغان
عمّن آغلور آنان آغلور بو نه طویدور سنه قربان
بو نه عالمدی اولوبسان طوی گونی قانیوه غلتان

عروسم
باشیما کولر الندی
بدنون قانه بلندی

گورماقا تازه عروسی شوق و ذوقیله گللر
قرمزی گل گوتوره للر حجله گاهوندا سپلر
بو نئجه طویدی گلنلر گوز یاشین گوزدن اللر

عروسم
باشیما کولر الندی
بدنون قانه بلندی

مجلس عیشیدی بلمم یا کی بیر بزم عزادی
نار فریاد و بکادن نه فلک یانسا سزادی
قونشولار بیر بیره سویلر بو قیزون بختی قرادی

عروسم
باشیما کولر الندی
بدنون قانه بلندی

تازه داماد اگر ئولسه اونا دلسوزلاری آغلار
سس چکر بزم غم ایچره هجله سین قیزلاری آغلار
نو عروس قاره گیونسه گویون اولدوز لاری آغلار

عروسم
باشیما کولر الندی
بدنون قانه بلندی

جسموین نقشی عم اوغلی پوزولان گلشنه بنزر
آغلیان بلبلی چوخدی هانسی بلبل منه بنزر
مجتبانون گلوسن سن هانسی بیر گل سنه بنزر

عروسم
باشیما کولر الندی
بدنون قانه بلندی

پوزولوب گلشن جسمون سارالوب غنچه دوداقون
باشیوین قانی سوزولموش قانه باتموش ال ایاقون
قتلگاهوندی عم اوغلی دئگوروم یا طوی اتاقون

عروسم
باشیما کولر الندی
بدنون قانه بلندی

آتش فرقته یانّام هر بلایه دوزرم من
قانلو باشون هارا گئتسه دالیسجا گزرم من
گر وطن قسمتم اولسا طوی اتاقون بزرم من

عروسم
باشیما کولر الندی
بدنون قانه بلندی

باشیوین درد و بلاسی کاش گلیدی من زاره
پیکرون یاره سی گلمز سانا مانند ستاره
بطنوه بیر یارا دگمیش منی ائتدی گونی قاره

عروسم
باشیما کولر الندی
بدنون قانه بلندی

«تابع دینی» دعا ائت غمی دلدن اولا زایل
چوخ سیخور گردش دوران ائدیری طی منازل
نه گوزل طرزیله یازدی سوزونی ایلدی کامل

عروسم
باشیما کولر الندی
بدنون قانه بلندی

• سه شنبه
• 17
• مرداد
• 1402
• ساعت
• 00:43
• نوشته شده توسط
• یوسف اکبری

عم اوغلی صبریم جالاندی
خانه­‌ی بختیم تالاندی
اووچیلارا اسیر اولدیم
دادیمه تئز گل آماندی
باغریم اولوب قان عم اوغلی
گوزلره قربان عم اوغلی
حیجله­سرا تالان اولدی
گلین‌لیگیم یالان اولدی
اوستومه آد قویوب گئتدین
دردین منه قالان اولدی
باغریم اولوب قان عم اوغلی
گوزلره قربان عم اوغلی
فلک سنه کمند آتدی
اولادی آرزیا چاتدی
سنین آدین دیله دوشدو
اما منیم آدیم باتدی
باغریم اولوب قان عم اوغلی
گوزلره قربان عم اوغلی
اورگیمده سوزوم قالدی
نه قلبیمده دوزوم قالدی
کج باخیب آیریلاندا سن
گوزلروندا گوزوم قالدی
باغریم اولوب قان عم اوغلی
گوزلره قربان عم اوغلی
چاغماغینی فلک چاخدی
گوگده بیر ایلدیریم شاخدی
چوخلار آیدینلیغا چیخدی
منیم بخت اولدوزوم یاتدی
باغریم اولوب قان عم اوغلی
گوزلره قربان عم اوغلی
سالدی منی بلا جاندان
ظلم و جفای دوراندان
بزندی توی گونو سنین
آغ کوینگین قیزیل قاندان
باغریم اولوب قان عم اوغلی
گوزلره قربان عم اوغلی
خوش گونو نیلیرم سن‌سیز
گول بئجرم درم سن‌سیز
چتین گوره ائل قبیله­م
زولفلریمی هورم سن‌سیز
باغریم اولوب قان عم اوغلی
گوزلره قربان عم اوغلی
داغیلدی ائللریم گئتدی
سویولدوم زیوریم گئتدی
سندن قالان نشانیدی
گلین‌لیک معجریم گئتدی
باغریم اولوب قان عم اوغلی
گوزلره قربان عم اوغلی
آهیم الوودان سئچیلمز
دردیم اورکدن بیچیلمز
سنده منی گوزدن آتسون
عشقون اورکدن کیچیلمز
باغریم اولوب قان عم اوغلی
گوزلره قربان عم اوغلی
کوفیه گلدی قطاریم
سارالدی گول تک عذاریم
قانلی باشون جدا اوسته
اولدی منیم هم جواریم
باغریم اولوب قان عم اوغلی
گوزلره قربان عم اوغلی
منه دشمن ال چالاندا
جان قویمادی غم بو جاندا
تاری بیلیر نه چکمیشم
نی ده باشون داشلاناندا
باغریم اولوب قان عم اوغلی
گوزلره قربان عم اوغلی
گلستاندا تکان بیتدی
گوزل یاریم گوزدن ایتدی
دویولمکدن یورولمازدیم
منی شماتت اینجیتدی
باغریم اولوب قان عم اوغلی
گوزلره قربان عم اوغلی
داشلانیب چرخین جفاسی
دردیمین یوخدور داواسی
هر یارایا مرهم اولسا
ساغالماز هئچ دیل یاراسی
باغریم اولوب قان عم اوغلی
گوزلره قربان عم اوغلی
اووچو کمانه اوخ تاخار
جیران قاچار دونر باخار
تانیش داشی اوخدان بتر
هم گوینه­در هم ائو ییخار
باغریم اولوب قان عم اوغلی
گوزلره قربان عم اوغلی
قیشده قوپار دومان یئردن
اورگ یانار یامان یئردن
کوسمگه حقلی‌سن مندن
کونول کوسر اومان یئردن
باغریم اولوب قان عم اوغلی
گوزلره قربان عم اوغلی
بلبل اوچار گوگه بیلمز
گول تیکانلیق سئوه بیلمز
آداخلیسی اولن گلین
هئچ قاپینی دویه بیلمز
باغریم اولوب قان عم اوغلی
گوزلره قربان عم اوغلی
غم منی زینهاره گتدی
آغ گونومو قارا گتدی
فلک قولومو باغلادی
مجلس میخاره گتدی
باغریم اولوب قان عم اوغلی
گوزلره قربان عم اوغلی
هامی یارین عزیز ایستر
گلین گئده­ن جهیز ایستر
گوزلروننان ایراق اولسون
دشمن منی کنیز ایستر
باغریم اولوب قان عم اوغلی
گوزلره قربان عم اوغلی
آخار سودا بالیق اوزر
آی باتاندا اولدوز سوزر
توی گورمین یاسلی گلین
کنیزلیگه نئجه دوزر
باغریم اولوب قان عم اوغلی
گوزلره قربان عم اوغلی
بو چرخ سفله و دنی
بلادن اینجیدیب منی
دشمن ائوینده گوزلریم
قورخا قورخا گزر سنی
باغریم اولوب قان عم اوغلی
گوزلره قربان عم اوغلی
باغلار قالیب سئل آلتیندا
سنبل سینیب یئل آلتیندا
باغریم قان اولدو آزگلنن؟
قانه باتان تئل آلتیندا
باغریم اولوب قان عم اوغلی
گوزلره قربان عم اوغلی

• چهارشنبه
• 18
• مرداد
• 1402
• ساعت
• 01:14
• نوشته شده توسط
• یوسف اکبری

یاتما بو چولده اوغول دور باغریمی قان ایلمه
هرنه وار دردون بیان ایت دیلده پنهان ایلمه

آچ گوزون دلبند مادر گلموشم گور نالیه
اوز دیلونله من آنایه سویله افغان ایلمه

باغبان تک سن گلی من بسلدیم شادان گورم
دورگولوم گول بوآنان پژ مده گریان ایلمه

مجتبادن درس آلوب اولدون بوگون دینه فدا
ای مه تابان من ترک شبستان ایلمه

عقده لر وار بو دیلیمده قانلی زلفون تک اوغول
عُقدَمی آچ باخماقونلا دل پریشان ایلمه

یاتموسان نازیله سن من زارو هم سرگشته وم
گل منی سر گشتۀ دشت و بیابان ایلمه

سسلورم سس ویرموسن ای قانه غلطانیم بالا
آتش غمده یانان بو قلبی سوزان ایلمه

لیلی تک مجنون ایدوب سالما منی بوچوللره
گل آناوی مبتلای درد هجران ایلمه

من دیردیم توی دوتوب قول بوینوا سالام اوزوم
بو گویول آباده سین دور یاتما ویران ایلمه

قلبیده وار آرزوسی هر آنا گورسون عروس
دورمنی یوسف کیمی یعقوب کنعان ایلمه

باخورام یاره لره گل کیمی اوخدان پرآچوب
باغ و گلشندی وجودون ترک رضوان ایلمه

هرگلون بیرعطری وارکاشانۀ دل دور بو تن
گل بو دل کاشانه سین سن لیل ظلمان ایلمه

ایت آنالیق حقنی بیر دفعه آچ بو گوزلرون
من باخوم سن باخ منه ترک سرو جان ایلمه

بیر نگاهونلا بالا دینجد منی چوخ خستیم
غرق دریای غم و اندوه و حرمان ایلمه

بیر باخوش باخسان بسیمدی گل محبت ایله باخ
من اسیرم کاروان یولاندی لنگان ایلمه

پیچ و خم وار شام و کوفه یولاریندا درد ورنج
آچماموش گوز سن روان شام ویران ایلمه

(عدلیه) بیر التفات ایله دیور چوخ قورخورام
یالوارور دادارینه محشر ده نالان ایلمه

• چهارشنبه
• 17
• دی
• 1399
• ساعت
• 19:25
• نوشته شده توسط
• یوسف اکبری

ای نوجوان قاسم اویان گلدیم هرایه
تاثیـر ائدوبدی محنتـون آل عبایه
آچ گوزلرون یاتما اوغول
دنیـانی آغـلاتما اوغول
گلدیم هرایه

اکبر کیمی گل پیکرون دوغراندی قاسم
جسمون سراسر لخته لخته قاندی قاسم
داده گلینجـه یولدا قلبیـم یاندی قاسم
یانـدی سینَم زهـرا ننـم گلـدی نوایه
ای یـادگـار مجتبـا
ایثـاریـوه جانیـم فدا
گلدیم هرایه

دست قضا باشیمه غم گلدی گَردی اَلوبدی
تیـر مصیبت بـو یـانـان قلبـی دَلوبدی
آچ گوزلرون بی کس عَمـون داده گلوبدی
نالم چاتوب یردن اوغول عرش خدایه
اوت سالدی دردون سینمه
گـوزیاشیـمی قـان ایلمه
گلدیم هرایه

ای یـادگـار مجتبـا یـاتمـا جـوانیم
پر پر اولان گل جسمیوه قربان بو جانیم
حلقـونده خنجر یاره سی آلدی توانیم
آخـدی بـوغـازونن قانیـن دشت بلایه
اوپجک بوغازون یاره سین
کسدی حسینون چاره سین
گلدیم هرایه

• سه شنبه
• 14
• بهمن
• 1399
• ساعت
• 20:27
• نوشته شده توسط
• یوسف اکبری

منی یالقیزلادی لشگر - ئولورم تز گل هرایه

مجتبی اوغلونی آلدی - قان توکن لشگر آرایه

الامان - یتیش امداده عموجان

ییخدیلار قاسمی آتدان

بدنیم گوزگوز اولوبدی - پیکریمده یارام آغلار

لطف ایدوب گلسن عموجان - دیرم تا هارام آغلار

بلورم خیمده ایندی - عمّم اوخشار آنام آغلار

الامان -سنه جانیم اولا قربان

ییخدیلار قاسمی آتدان

دیمورم تازه جواندی - قارداشون اوغلودی قاسم

دیمورم قانه بلندیم - وار ئولدومدن نه هراسیم

دیورم یاخجی قاریشدی - اکبرین یاسینه یاسیم

الامان - آلوب اطرافیمی عدوان
ییخدیلار قاسمی آتدان

دیمورم تازه عروسین - قاره‌می باشینه باغلار

دیمورم خرداجا قیزلار - منی مخیمده سراغلار

دیورم گلمسن ایندی - جسمیمی آتلار ایاخلار

الامان - گل حضورینده ویروم جان

ییخدیلار قاسمی آتدان

دیمورم طفل یتیمم - یانارام نسگل الینده

دیمورم زلفونی قیزلار - یولاجاخ تل‌تل الینده

دیورم قالدی باشیم گل - بیرنچه قاتل الینده

الامان - سسلورم دادیمه هر آن

ییخدیلار قاسمی آتدان

• سه شنبه
• 10
• فروردین
• 1400
• ساعت
• 12:15
• نوشته شده توسط
• یوسف اکبری

آچگوزون قاسم نورسته جوان
گــوهــر کـنج ولا یـاتمــا اویان
آغلیــورحالیوه غمدیده حسین
مجتـبی قارداشما روح و روان
ماتمــونده یانـارام
عالمه اود سالارام

واریری قـان اولابو دیده لــریم
توکوله عـارضه اشــگ بصــریم
باخــورام پیکــروون یاره سینه
اوج ائدورگوکلـره سوزوشرریم
نجه حمل ایلیــم اخیـامه سنی
ای اولان گل کیمی پـرپـر بدنی
ماتمــونده یانـارام
عالمه اود سالارام

داغـدوب آتـلار ایـاقـی بدنــون
پوزولـوب ظلمون الیله چمنون
ای غـــزال دل زهــرا نجه گـور
بوریوب هریری مشگ ختن نون
آغــلارام حالوه باخدوقجــااوغول
قان یوزوندن یره آخدوقجااوغول
ماتمــونده یانـارام
عالمه اود سالارام

ســرو گلــزار چمــانیم گوزون آچ
گوزلریم نوری جوانیم گوزون آچ
پیکرون نقشی منی ایتدی ملول
سینده دردگـــرانیم گـوزون آچ
قــانه دوندردی عــدو گوزیاشیمی
قاره پوش ایتدی حسن قارداشمی
ماتمــونده یانـارام
عالمه اود سالارام

اوف بـــوسپــــــه بیــــــــداده
ویــردیـلار یــاره دل ناشــــاده
حشره جک بومحنون یاندیراجاق
زرهـــون اولمادی بو صحـــراده
واریری آغــلاسا افــلاک و زمین
گلسه فریاده اوغول روح الامین
ماتمــونده یانـارام
عالمه اود سالارام

کوفیــان ظــلمون ائدوبدی علنی
‌ نیــزیه اوخلارا توش ائتدی سنی
آت چـــاپوبلار بدنون اوستــونده
آغــلادوبدور بوستـم فــاطـمه نی
گلـــر افغـــانه دئیــر وای بــالاوای
جسمی صدچک اولان ایوای بالاوای
ماتمــونده یانـارام
عالمه اود سالارام

اولـــدی همـــناله آنــان لیـــلایــه
اوج ائــدوب ناله سـسی غبــرایه
قالدی حسرت طویواحشره کیمی
واریری آهــــــــی چخـــا میــنایه
دیه قــان الده حنـــاسی بـالاوای
یاندیران غمـلی عــزاسی بـالاوای
ماتمــونده یانـارام
عالمه اود سالارام

اکبــرین داغـی آلـُـوب مندن امان
گوزیاشیم اولدی بواندوهیده قان
ســالمـا بــاری منی سن تــازه غمه
دورگئداخ خیمه و خـــرگاه اویان
آچگـوزون یاتما(جوانـــی)حسنون
یــاندیــران عــالمی داغ و محنون
ماتمــونده یانـارام
عالمه اود سالارام

• یکشنبه
• 10
• مرداد
• 1400
• ساعت
• 14:52
• نوشته شده توسط
• یوسف اکبری

اذن آلدی شه کرب و بلادن اله قاسم
سرعتله یتوردی اوزینی مقتله قاسم
سالدی قوشونین قلبینه بیر ولوله قاسم
سسلندی قوشون سیز نقدر ضد بشرسوز
خیرین قاپوسین باغلادوز آخر نجه شرسوز

سینسین ایاقوز وادی ظلمتده گزیرسوز
عقبانی قویوب چهرهٔ دنیانی بزیرسوز
کفریله وروب ال اله ایمانی ازیرسوز
فکر ایلمسوز درده گرفتار اولاجاقسوز
انسانلقی خوار ایلمسوز خوار اولاجاقسوز

اوضای خطرناک ده عامل به شر اولدوز
همرنگ و هم آهنگ گروه کُفَر اولدوز
باشدان ایاقا دین مبینه ضرر اولدوز
دین اهلی مگر دینیلن ایمانی ایاقلار
قرآن اوخویانلار نجه قرآنی ایاقلار

گمراه ایلیوبدور سیزی شیطان زمانه
اوز شیطنتیندن وروب اورگتدی بهانه
ظلمین تخمین اکدوز او اندازه جهانه
سولدوردوز عدالت باغی نی خاریله لشگر
دولدوردوز ایله یار ایوین اغیاریله لشگر

میدان آراسیندا دایانیب عصرین امامی
ارشاد ایله سین لشگر و سرلشگر شامی
گر آلمیاسیز شاه جهاندان بو پیامی
دنیاده نقدر عمر ایله سوز خوار اولاجاقسیز
السَز ده جهنم ده گرفتار اولاجاقسیز

آگاه اولون ای قوم جفا پیشه ایشوزده
اولسون گرک اولده بیر اندیشه ایشوزده
لازم دگول اوخ نیزه تبر تیشه ایشوزده
منطق له گلون پرچم حریته ساری
یاندیرمیا تا آتش ذلت سیزی باری

من نابغه سرباز شه ملک ولایم
بی واهمه رزمندهٔ صحرای بلایم
فخریم بودی پروانهٔ شمع شهدایم
عشقیم منی الان یتروب حد کماله
جان نقدی الیمده گیدورم بزم وصاله

قاسم دی "امین " عاشق ممتازی حسینین
غیرتلی دلیر عشقیلن سربازی حسینین
هم رنگ و هم آهنگ و هم آوازی حسینین
عشقین اوتونا یانسادا اوندا سونوم اولماز
عاشق ده الوم آیه سی واردی دونوم اولماز

• یکشنبه
• 24
• مرداد
• 1400
• ساعت
• 16:33
• نوشته شده توسط
• یوسف اکبری

مجتبی اوصافی یکجا حضرت قاسمده دی
لطف بی پایان زهرا حضرت قاسمده دی

قاسمی سالدی یولا تا خیمه گهدن شاه عشق
اولدوزونّان ایری دوشدی حسرتیله ماه عشق
اکبره گوندردی اولسون قاسمی همراه عشق
گوزلری گتدوقجا اما حضرت قاسمده دی

گوردی لشگر رزمگاهه گلدی بیررعنا جوان
نه جوان اون اوچ یاشیندا نوجوان قهرمان
نه جوان جدّی علیدوردهریده مرحب یخان
مرتضادن لاوالا حضرت قاسمده دی

دوردی بیردن باخدی بیرموروملخ تک لشگره
سسلدی سیزلر قلج چکدوز علی اکبره
توش ایدر قاسم سیزی ستیز حیدره
اکبراولدی تیغی حالا حضرت قاسمده دی

نوگل گلزارزهراتک امیریم وارمنیم
قطب عالم روح طاها تک امیریم وار منیم
یوخدی مثلی اختاریلسا تک امیریم وار منیم
اشقیا سسلندی غوغا حضرت قاسمده دی

شمع عشقیمدور حسین جانلاراونا پروانه دی
کیم اوزاق دوشسه بومولادن یقین دیوانه دی
یوخ دیمم دیوانه بلکه عشقیدن بیگانه دی
ای قشون عشق مصفّا حضرت قاسمده دی

• جمعه
• 29
• مرداد
• 1400
• ساعت
• 22:19
• نوشته شده توسط
• یوسف اکبری

شاه بیت از #سیامک_اشرفی

خدایا کیمدی بو حورایه بنذر

قرا زلفی شب یلدایه بنذر

#وفا_منافی?

عصا اعجازی ایلور خنجریلن
صفوفی هی یارور موسایه بنذر

#رضا_نادری?

اگر صورتده آختارسون مثالون
علی اکبر کیمی طاهایه بنذر

قیاس ائتسم گولونن آی جمالون
گوزللیک قطره دی ،دریایه بنذر

دئمه قولسوز قانادسیز بیر اوشاقدی
پر آچسا سهمیلی عنقایه بنذر

#فیروز_دولتی?

حسن دلبندیدی دریای شرافت
یریشده حضرت سقایه بنذر

بهار عشقیدور سیماسی اما
کمان قاشی شب یلدایه بنزر

دیمه قاسم ایا اوخشور غلطدی
دنن ای قاسم رعنایه بنذر

کریم اهلبیتین یادگاری
غلط سیز ثبت اولان املایه بنذر

رساله یازدی قانیلن ترابه
اودور کی سوزلری فتوایه بنذر

#سیامک_اشرفی?

کمان ابروسی همچون مد قرآن
جمالی جلوه طاهایه بنذر

گوروب موسی دئدی به به الهی
ستبر سینه سی سینایه بنذر

کشیده قاشلاری بو نوجوانون
السته وئردیگی امضایه بنذر

چراغ محفل شب زنده لردور
فروغ ماهه اوخشار آیه بنذر

#امیر_سلیمانی?

اوکَس که ایندی دَن اَزرَق یخاندی
یقینا عاقبت مولایه بنذر

اَجَل پیکی مینیبدور توسَنینده
کَأنَه هیبتی سقّایه بنذر

زبانحالِ شاعر یا که مداح
بودور که غیرتون دریایه بنذر

سنون تک باوفالردن دی قاسم
که عاشورا ده عاشورایه بنذر

#خرازی ??

جمال دلرباسی اهلِ عشقه
شبانگاهان مه زیبایه بنذر

آدی سر درب رضوانه یازلمش
نگین اوسده گوزل مینایه بنذر

گوزلیکده گوزل سیمای ماهی
خانم زهرا فقط زهرایه بنذر

#عبدالحسین_احمدی?

نشانی واردی حیدر دن قاشندا....
گزونن حضرت زهرایه بنذر...

هم احمد دی هم حیدر بو دلاور...
کریم امت طاهایه بنذر....

یازب هرکس جمالونن اوجالدی....
مقام آلدی شه والایه بنذر....

منافی جوهری آلدی حنادن...
قلم الده ید بیضایه بنذر.....

ید بیضا,دم عیسی, سنون دی...
کی وصفون شاخه ی طوبیه بنذر....

قیاس ادسم کرامتلن مرامون...
قیاس قطره و دریایه بنذر...

#پوریا_موسوی?

علی فر، غیرتون زیبا مثالی
کانّه شاه مه سیمایه بنزر

سکوت ائمته تلاطم ائت منافی
بو قاسم حسنی کرمنایه بنزر

#عبادی?

اگر چه یوخدی اندام رشیدی
ولی رزمینده اول سقایه بنزر

دییر بالدان شیریندی چون شهادت
بو سوز واالهی بیر امضایه بنزر

سپاه کفری سالمیش پیچ وتابه
بو قاسمدی یل لیلایه بنزر

کریم اهل بیتین یادگاری
یوزی هم سیرتی بابایه بنزر

خروش ایلر دیار کربلاده
بیاباندا بلی دریایه بنزر

• شنبه
• 17
• تیر
• 1402
• ساعت
• 19:47
• نوشته شده توسط
• یوسف اکبری

سالوب عروسینی قاسم نظردن آیریلدی
گورن دیردی مگر جان جگردن آیریلدی

مثال روح کسوب جسمدن علاقه سینی
و یا که اشگ در افشان بصردن آیریلدی

کمال حسنیله مهر منیر تابان تک
طلوع قیلماقا جیب سحردن آیریلدی

تصور ایتدی جهان اهلی قان توکن مریخ
رواق چرخده فوق قمردن آیریلدی

خزان هواسی یتن پر شکسته بلبلدی
چمنده غنچه نو خیز تردن آیریلدی

بیر آیری مشقه دوشوب عشق یاری ترک ایتدی
نگار لاله رخ و سیمبردن آیریلدی

یتشدی جانب معشوق اصلدن پیغام
یوزی شکفته لنوب جان و سردن آیریلدی

دلنده کلمه لبیک دلده یا محبوب
سرای فانی محنت اثردن آیریلدی

یول اوسته یوسف مصری قویوب زلیخاسین
وصاله حسرت ایدوب رهگذر دن آیریلدی

عروس باخدی دالتجا دیدی عم اوغلوم وای
نه ظلمدور فلک کینه وردن آیریلدی

جهاندا دوشمه سین هیچ کیم منیم قرا گونیمه
مقدر اولدی بو هجران قدردن آیریلدی

قویوب فراقیله کو کو زنان او سرو روان
مثال (قمری) بی بال و پردن آیریلدی

غرض او آهوی رعنای باغ بیت حرام
یتوب حضور امامه دوباره ویردی سلام

آچوب لسان فصاحت مقال گفتاره
زبانحالیله عرض ایتدی شاه ابراره

بهار فصلیدی گلزار نینواده عمو
عیاندی بارش نیسان دم هواده عمو

گلوبدی نالیه هر بلبل اوز گولی اوسته
ووروبلا زمزمه شوریلن نواده عمود

دیسم که غنچه گولم وقتدور اولام خندان
نثار عطر قیلام دشت کربلاده عمو

دیسن که بلبل زارم گرک ایدم پرواز
گزوب سیاحت ایدم گلشن ولاده عمو

نه بلبلم نه گولم دورموشام تماشایه
غم و مصیبت و دردیم اولوب زیاده عمو

سنوبدی بال و پریم سالمسان منی قفسه
روا دگور که قالام مجلس عناده عمو

گیدور رفیق لریم گلستان سیاحتینه
نه اولموشم نه ساقام قالمشام آراده عمو

بو گون منه آتالیق ایلدون ایوین آباد
یتور دوباره گینه مطلب و مراده عمو

منی آیرما علی اکبر جوانوندان
گیدوب اونا یتشوم عالم بقاده عمو

غرض بودور بویانام قانیمه قباقوندا
که تا آدیم یازیلا دفتر وفاده عمو

دیسونله خلق که بیر نامراد دامادی
طویوندا کسدیله قربان سوسوز مناده عمو

رواق عرشده فخر ایلسین امام حسن
گزنده قانلی باشیم ناوک جداده عمو

تمام ایدنده سوزون اول ستوده عالم
جواب ویردی اونا پادشاه حل و حرم

دیمه بو سوزلری ای برگزیده ناسیم
سنون فراقیوه یوخ طاقتیم جوان قاسم

مرخص ایتمه ماقیمدا سنی واریمدی غرض
گرک بو گون اولاسان اکبر جوانه عوض

بو غملی چولده گل اول نایب علی اکبر
اوغلسوزام منی قوی قبره ای وفا پرور

گلوب ترنمه اول عندلیب گلشن ناز
زبانحالیله عرض ایتدی ای امیر حجاز

یقین که اولملیم قوی اولوم قباقوندا
منای حقده کسیلسون باشیم ایاقوندا

سن اولماسان اوخیان ، جان ویرنده قرانیم
غمیم زیاده لنوب چوخ چتین چخارجانیم

بو آرزوده وارام من یتیم ولخسته
ویرنده جان آلاسان باشیمی دیزون اوسته

بودور منیم غرضیم امریمی تمامه یتور
اولن زمان گل اوزون نعشیمی آنامه یتور

غرض امام زمان شاه مذهب ملت
جهاده گتماق ایچون ویردی قاسمه رخصت

او نوجوان قمر طلعت و ملک سیما
قیتدی خیمیه قیلسون وداع آل عبا

دوروبدی خیمه سراده به دیده پر آب
زبان حالی بو مضمونیلن ایدوبدی خطاب

• سه شنبه
• 17
• مرداد
• 1402
• ساعت
• 00:44
• نوشته شده توسط
• یوسف اکبری

☑️ بند اول

عمو منی گل بو گیر و داریدن قوتار
گل اوزون منیم جنازمی آپار
داخی جسمیده توان یوخ دورام
ای منه قرار

گل کی راه چاره می
اهل کوفه باغلادی

نچه مین سواریله
جسمیمی ایاخلادی

? وای وای وای وای

☑️ بند دوم

عمو بو جنازم اوسته دشمن آت چاپیب
گوروسن کی قاسمین نه قد آتیب
داخی یوخ رمق بو نوجوانیده
خسته دی یاتیب

دای نفس چکنمیرم
مشکوله دوشوب ایشیم

گُل یرینه داش یاغیب
ای عمو سینیب دیشیم

? وای وای وای وای

☑️ بند سوم

بابا قورولوبدی بوردا طوی اساسی گل
اوجالیب دی عرشه وای صداسی گل
یاخیلیب دی اوغلوون جمالینه
قان حناسی گل

گوزلریم باخیر یولا
دشت کربلایه گل

طوی دوتوبلا قاسمه
دور بابا حنایه گل

? وای وای وای وای

☑️ بند چهارم

بابا یارالار سیزیلدیری من آغیرام
باشیمین قانین سرشکه باغلیرام
دوشوری نفسلریم شماریه
سینه داغلیرام

باشاباش بو پیکریم
نیزه اوخ یاراسی دی

کوفیان گلیب طویا
قاسمین حناسی دی

? وای وای وای وای

• جمعه
• 24
• شهریور
• 1402
• ساعت
• 21:01
• نوشته شده توسط
• یوسف اکبری