اشعار مذهبی مربوط به مدینه

زهرا قیزی آیریلدی مزار شهدادن
غم قافله سی دوشدی یولا کرب و بلادن
.
محملده سالوب باشلارینا قاره حرملر
گئتدوقجا شتر زنگی حسین وای سسی سسلر
.
کلثوم باسوب سینیه عباس علمینی
لیلا آلوب آغوشه علینون کفنینی
.
بیردن دئدی قزلار بی بی گورسندی مدینه
زینبده حسین پیرهنین آلدی الینه
.
سسلندی او بیکس خانم ای شبه پیمبر
گل عمّووی پیشواز ایله گلدیم علی اکبر
.
غم قافله سی دوشدی بیابان آراسیندا
زینب اورگی لجۀ طوفان آراسیندا
.
محملدن انن وقته او بانوی مطهر
همیشه دوشوردوردی علمدار دلاور
.
بیر باخدی ساقا بیر صولونا اولدی پریشان
بس هاردا قالوبسان دئدی قوللاریوه قربان
.
سس وئرمدی عباس گلوب سینه سی درده
اندی یره محملدن

• چهارشنبه
• 1
• آبان
• 1398
• ساعت
• 15:01
• نوشته شده توسط
• ابوالفضل عابدی پور

در سبک : دولدوروب جهانی واحسین صداسی ... گلمیشم فغانه یانه یانه عمه ...
.
.
مرتضی اسکندری(ساعد زنجانی)
.
.
ای مدینه گلدی بختی قاره زینب
دوشدی پیچ و تاب روزگارِ زینب
.
یاندی قلبیمون باشی
قاندی گوزلریم یاشی
یا کریم و یارب (2)
.
.
.
.
اهل کوفه سالدی باشیمی بلایه
یازدی نامه مین مین شاه کربلایه
چکدیلر حسینی دشت نینوایه
.
ئولدی الده قارداشیم
قانه دوندی گوز یاشیم
یا کریم و یارب (2)
.
.
.
.
سو یولینی دشمن باغلادی حسینه
عرشین اهلی سینه داغلادی حسینه
روح انبیاده آغلادی حسینه
.
قیزلارون گوزی باخدی
چوللره فرات آخدی
یا کریم و یارب (2)
.
.
.
.
یاغدی کربلاده غم غم اوسته آلله
جان ویروب ابالفضل علقم اوسته آلله

• چهارشنبه
• 1
• آبان
• 1398
• ساعت
• 15:06
• نوشته شده توسط
• ابوالفضل عابدی پور

یارب بو شهره قافله ی غم گتورموشم
بیر عدّه سینی هم آپاروب هم گتورموشم
.
بیر عدّه سین ولی گتوره بیلمدیم بورا
علّت اودور کی حالیمی برهم گتورموشم
.
جدّیم رسوله بیلمورم آیا نه سویلیوم
شرمنده یم کی چوخ آپاروب کم گتورموشم
.
کرب و بلا چولونده داغیلدی جلالیمیز
بیر عدّه یاسلی، دوتماقا ماتم گتورموشم
.
قارداشلاریم ئولوبدی باشا قاره سالموشام
گوزیاشیمی نشانه ی علقم گتورموشم
.
زهرا آنامه هدیه بوگون قانلی پیرهن
ام البنین آنامه ده پرچم گتورموشم
.
ئولدوردولر حسینی سوسوز کسدیلر باشین
قارداش غمینده قامتیمی خم گتورموشم
.
یانّام ربابه یوخدی قوجاقینده اصغری
لای لای یئرینه، ای وای نی `دم” گتورموشم
.
اکبر ئولندن اولدی

• پنج شنبه
• 2
• آبان
• 1398
• ساعت
• 10:20
• نوشته شده توسط
• ابوالفضل عابدی پور

یارب بو شهره قافله ی غم گتورموشم
بیر عدّه سینی هم آپاروب هم گتورموشم
.
بیر عدّه سین ولی گتوره بیلمدیم بورا
علّت اودور کی حالیمی برهم گتورموشم
.
جدّیم رسوله بیلمورم آیا نه سویلیوم
شرمنده یم کی چوخ آپاروب کم گتورموشم
.
کرب و بلا چولونده داغیلدی جلالیمیز
بیر عدّه یاسلی، دوتماقا ماتم گتورموشم
.
قارداشلاریم ئولوبدی باشا قاره سالموشام
گوزیاشیمی نشانه ی علقم گتورموشم
.
زهرا آنامه هدیه بوگون قانلی پیرهن
ام البنین آنامه ده پرچم گتورموشم
.
ئولدوردولر حسینی سوسوز کسدیلر باشین
قارداش غمینده قامتیمی خم گتورموشم
.
یانّام ربابه یوخدی قوجاقینده اصغری
لای لای یئرینه، ای وای نی `دم” گتورموشم
.
اکبر ئولندن اولدی

• پنج شنبه
• 2
• آبان
• 1398
• ساعت
• 10:20
• نوشته شده توسط
• ابوالفضل عابدی پور

دور ایاقه بیر قبردن آنا
وار شکایتی زینبون سنه
بو سفرده سوقات کربلا
گتدیم اوغلوون کوینگین سنه
.
.
بو وفاسیز امّت سقیفه دن
حکم ظلم و جوری آلوبدولار
ئولدوروبله پیغمبر اوغلونی
یر گوگ اهلی حیران قالوبدولار
کوینگین بو حاله سالاندا گور
پیکرین نه حاله سالوبدولار
عرض ایدم اگر گوردوقوم غمی
بیر به بیر گلر چوخ چتین سنه
.
.
کربلایه گلدون بهشتیدن
غملی سینه وی داغلیاندا سن
قتلگهده آلدیم سَسون سَنون
وای اوغول دیوب آغلیاندا سن
جان ویرن زماندا حسینوون
قانلو گوزلرین باغلیاندا سن
سس چکوبله همناله اولدولار
ساکنان عرش برین سنه
.
.
بیر گیجه یانان خیمه گاهده
گَلدون آل طاهایه دیده سَن
زینبی یادوندان چخاتمادون
گوز گوتو

• پنج شنبه
• 2
• آبان
• 1398
• ساعت
• 10:31
• نوشته شده توسط
• ابوالفضل عابدی پور

ماه صفر تمام اولوب ای دل صفا گلور
شهر مدینیه ولی آه و نوا گلور

یثربده گویلره اوجالوب صوت یاحسین
سسلور بشیر تئز گلون اهل عزا گلور

زینب که چوخ جلالیله گئتمیشدی کوفیه
پوزقون تفاقیلن قیدوب دل یارا گلور

گئتمشدی یدّی قارداشیلان قوم و خویشلن
الدن وئروبدی هامّوسین اول بینوا گلور

ام البنیندن مواظب اولون دوره سین دوتون
دورد اوغلدان اونا غم بی انتها گلور

عباس و عون و جعفریلن فضلدن نشان
بیر اوخلی مشک بیرده که قانلی لوا گلور

صغرانی قویمیون گله چون گلمور اکبری
اصغرده یوخدی تا دیه درده دوا گلور

گلسه مریضه قیز دیه جک بس بابام هانی
عباس عموم هانی هاچان اول با وفا گلور

هاردا باجیم رقیه اونی گویلوم ایستیور
قلبه شیرین دیلیندن اونین چوخ صفا گلور

«زعفر» ادامه وئرمه داخی غملی صحبته
بیر جمله یاز که یثربه مین کربلا گلور

• جمعه
• 28
• آذر
• 1399
• ساعت
• 21:37
• نوشته شده توسط
• یوسف اکبری

نی کیمی ای اهل یثرب باشلیون شورونوانی
پیشواز آغلار گوزیله ایلیون آل عبانی

ایلدی شاه حجازی کوفیان دعوت عراقه
سالدیلار بودعوتیله ناله عرش نه رواقه
سویولون اولده کسدی بی مروتلر قوناقه
سودیدی یاندی سوسوزدان آل طاها گلستانی

روز عاشورمحرم اولدی انصاری حسینون
ظهر عاشوراده قالموب بیر جه غم خواری حسینون
سوکنارینده سوسوز جان ویردی سرداری حسینون
قلب عالم قلبی اولدی تیر محنتله نشانی

قالدی لشگر سیز کمک سیز عالمینون پادشاهی
آلدی هر بیر دوت طرفدن دوره سین کوفه سپاهی
بیر ایله لشگردن اولموب بیر نفر اولسون پناهی
قلبینی بیر تیر آلدی یاندیروب قلب جهانی

بیرحسینی کی اولوبدور جبرئیل فخریله دایه
گورنه حرمت ایلیوبلر نور عین مرتضایه
کسدیلر باشین قفادن ویردیلار نوک جدایه
آغلادوبلار مجتبانی یاندیروبلار مصطفانی

کوفه و شامون سپاهی ظلم ایدوبدی بی نهایت
ختم اولان ساعت شهادت ویردیلار فرمان غارت
اود ویروبدی خیمه گاهه کوفیان بی مروت
هر بالا قوش تک ایدردی قوخودان ترک آشیانی

تیر محنت قلب زار عترت طاهانی دلدی
آغلییون آل عبایه باشوزا کوللر الندی
عزتیله کوچ ایدنلر یثربه دل داغلی گلدی
داغلی دللرده بومحنت حک اولوندی جاویدانی

گور محنت لر ویروب یوز عترت خیر الانامه
ویردیلار بیر غل جامه ظلمیله بیمار امامه
ناقه اوسته دست بسته چکدیلر بازار شامه
کوفه ده زندان اولوبدی شامیده ویران مکانی

شامیده ویرانسراده یر ویروب آل امیه
نالیه گلدی بنات مصطفا نازلی صفیه
عمه سی زینب دییر کی غصه مرگ اولدی رقیه
جان ویروب توپراقلار اوسته الدی قارداشیم نشانی

زینبی بیر حاله سالموش گردش دور زمانه
مشگ تک زلفی آغارمیش قامتی دونموش کمانه
تیر محنتله ایدوبدی قلب زارین شانه شانه
تک به تک زینب گوروبدی هر غم کرب بلانی

قانلو بیر یاشل عمامه ایلیوب لیلا بهانه
سینه سینده داغ اکبر آغلور اوخشور یانه یانه
سسلنور حسرتده قالدیم ای اوغول سن تک جوانه
ایلدون لیلانی مجنون گزدی هر کوی وفانی

قاسمون آلقان اولوبدی طوی گونونده طوی حناسی
اولدی لیلا تک سریه درد وغملر آشناسی
دلده شیون گوزده اشگی باشدا دامادین قراسی
نو عروسی یانه یانه اوخشوری نوکد خدانی

شیونیله سینه داغلور اصغرین بیکس آناسی
جلوه گر دور گوزلرینده حلقینون پیکان یاراسی
چخمیوب چخماز یادیندان باغلانان ال مجراسی
راه چاره بوندا گوردی بیر زادا گلموب گمانی

اوخلانوبدی مشگ عباس ظلمیله کرب بلاده
خیمه ده عطشان اوشاقلار گلدیلر فریاد و داده
ناله ایلیور ام کلثوم قارداشی دوشدوقجا یاده
الده مشگی گوزده اشگی یاد ایدیر صاحب لوانی

عترت آل عبایه ایلسه هر کیم نظاره
بی تحمل جاری ایلر چشمه تک اشگین عذاره
اودلی دللردن آلار اود جسم و جانه قلب زاره
آتشین اهیله اودلار فرش وعرش کبریانی

بومصیبتده اچون باش باشه قاره باغلیون سیز
کاروان غم یتوشجک سینه غمدن داغلیون سیز
سس ویرون زینب سسینه بیر دویونجا آغلییون سیز
واحسینا وا اماما ناله سی دوتسون جهانی

یثربه گلدی یتوشدی کاروان درد ومحنت
بیر اوجادان آغلاشوبلار گوزلرینده اشگ حسرت
باشلارا توپراق سپوبلر اولدی هنگام قیامت
((تابع دین))خامه یازمور ختم قیل بو ماجرانی

• چهارشنبه
• 15
• بهمن
• 1399
• ساعت
• 22:04
• نوشته شده توسط
• یوسف اکبری

آنا زهرا . زینب نالان . د ید ه سی گریان
گلد ی دیداره
حسین.قالدی غملی.صحراده.گون.قباقینده
جسمی صدپاره

لب عطشان جان وئردی دلخسته
شهید اولدی حق کلام اوسته

قانلی طوفا ندا
قا لدی میداندا

بدن.باشسیزقانلی.طوفاندا.غرق.اولوبقاندا
قالدی میداندا
باشین ووردی نیز یه عدوان. قالدی.آل اله
غملی بحراندا
گوروب زینب سیره گون چیخدی.نوک.نی.ده
قانلی بیا باند
حرملرکول سپدیلرباشه .گوزلری دوشدی
قانلی رخساره

ئور کلرده غصه دا شلا ند ی
حر ملر د ه نوحه با شلا ندی

ائتدی غم طو فان
اولد ی با غریم قان

آچوب.ال.تا غارته لشگر عقد لی.وحشی
قوم کین پرور
هر الده افعی ایلان مثلی.پیچ.وتاب.ایلر
قمچیلر یکسر
بو طوفاندا زینب مضطر. غملی.بی یاور
نیلسین آخر
ربابین.قان.اولدی.گوز یاشی.غارته گئتدی
غملی گهواره

باشیم دوشدی آیری طو فانه
داغیلد ی قیزلار بیا با نه

دیل یا نا یا نه
گلد یم افغا نه

• پنج شنبه
• 10
• تیر
• 1400
• ساعت
• 13:54
• نوشته شده توسط
• یوسف اکبری

تاپوب نجات اِئله کی اَهلِ بیت زنداندان
کناره چخدیلا اوُل شهرِ شامِ وِیراندان

اَسیرلر اولوب آزاد یوزلرینده نقاب
نه وار اَیاقیده کُنده نه واردی قولدا طَناب

اوُتوردی اَهلِ حرم قاره پوش محمل دَه
هره سینون نچه برجَسته داغی وار دِلده

او حاجیانِ مصیبت کشیدهء اَیام
قرا لباسیله مِنایه باغلیوب اِحرام

قدم قدم یِریور ساربانی چوخ سنگین
عَزا نواسی اِیله سسلی دور دَوَه زنگین

اوزنگی لر سسی نه توقّوشور حَزین سسلر
ایکی سسون سسی بیر دَفعه یاحسین سسلر

دیارِ کرب و بلا اِیچره بانوانِ حریم
مطافِ شاهِ شهیدانه اِیتدیلر تعظیم

مدینه سمتی نه یول باشلادی قطارِ بلا
همان قراریله طِىّ مَنازل اِیتدیله تا

قالاندا بیر نچه فَرسَخ مدینه گورسندی
یانان اورکلره بیردن غبارِ غم اَندی

اِمام مُفترض اَلطاعه قافله سالار
وِئروب اِجازه او دم کاروانی ساخلادیلار

وُورولدی بیر اوجا خیمه یِئره به رَسم عَرب
گئچوب او خیمهء مَخصوصه اَگلنوب زینب

اِمام عابدِ بیمار او سیّدِ رَنجور
بشیری اِئیلدی شهرِ مدینیه ماُمور

گئدوب مدینه دَه خُرد و کُباره چَکسون جار
گلور عراقه گِئدن کاروانِ مُحنت بار

بو فکریلن که چیخان وَقته شهرِ یثربدن
چیخوبدی عمه سی زینب جَلال و شُوکتلن

گرک مراجعتی کُوچمگه مثال اوُلسون
اولاندا داخلِ شهر اوُزگه بیر جَلال اوُلسون

بشیر اَمرِ اِمامت له اَلده قاره عَلم
اوزی قَرا گینوب شهر اِیچی نه قویدی قدم

اِمامون اَمرینی شهر اِیچره اِنتشار اِئلدی
او گُوزلری که گُوزتلردی اَشکبار اِئلدى

دیلی دییوردی گُوزی آختاروردی صاق صَولونی
گوزتلیوردی اَبُوالفضلون اوُغلنون یولونی

رِموز محنتی بیربیر آچوب عیان اِئتدی
حسین آدین دِیمدی زینبی بیان اِئتدی

که اِی مدینه نون اَهلی بیلون اوُلون آگاه
قریب شهرده چادر قوروبدی آل الله

گلور او بانوی عِصمت مریض اِمامیله
چیخون قباقلارینا عزّ و اِحترامیله

نئجه گیدنده یولا سالمیش دوز عزّتیلن
ورود شهر اِئلیون غایت جَلالتلن

او زینبی که گئدوب تخت زرنگاریلن
گلور مدینه سینه تیره روزگاریلن

گئدنده گئتمیشیدی دودمانِ اَعلادن
ولی چیخوب گلور اِیندی خرابه ماُوادن

آپاردی وِئردی مِنادَه فَدالرین گلدی
چَکوبدی کُوفه و شامون بلالرین گلدی

سالاردی محملی سایه او چرخِ دَوّاره
فلک کجاوه سینون اوُرتوگون اِئدوب قاره

گیدون اونی گتورون وار خجالتی گلسون
آناسی فاطمیه وار اَمانتی گلسون

هر اول خانم که او خاتونی اِیلیور پیشوا
یُولوق یُولوق اِیلسون ساچلارینی پای اَنداز

طَعام و سُو آپارون پیشوازه فرصت دور
او خورداجا بالا قیزلاری طَعامه حسرت دور

آپارمیون قباقا شیر خواره طفل لری
دِگُل یانیندا ربابون او طفلِ صُود اَمری

اَدب گُوزتلیون آخر عَروسِ فاطمه دَن
گلین لره قباقا چیخماقی اِیدون قَدَغن

چوخ اِحترام اِیلیون اکبرون آناسینه
فلک قویوب اونی حسرت جوان بالاسینه

هیچ اِیستمزدی گوره لیلی دَهری اکبر سیز
او بینوا نئجه گورسون بو شهری اکبر سیز

پیامِ قاصدی شهر اَهلی دَرک اِیدن ساعت
اوجالدی عَرشِ بَرینه صدای وا مُحنت

مدینه شهرینون اَهلی تمام خُرد و کُبار
اوشاق بویوک هاموسی شهردَن اولوبلا کنار

عموماً اَگنی نه گئیمیشدی جامهء ماتم
بشیر قباقه دوشوب دور اَلینده قاره عَلم

یاخون لاشاندا هامی بارگاهِ اُردویه
نقدر عورتیدی آیرلوبدی بیر سویه

حسین حسین سسی اِئیدی عُروج نُه طاقه
او طول راهده زُلفلر توکُولدی پراقه

خلاصه سوز یازورام طُوله کِئچمسون مَطلب
قیامت اِئیدی همان وَقتیده خانم زینب

مدینه اَهلی حسیندن منه قالان تَرَکات
گتورمیشم سیزه بیر قانلو کوینگی سُوقات

آچوب او کُوینگی سردی اِیکی دِیزی اوُسته
آلوب زیارت اِئدن قُویدی اوز گُوزی اوسته

غرض مُقدمه نی سوز یتوردی بو اَمره
سوزون دالین دِیمورم اِختیاری وِئر صبره

واریدی مَحضرِ زین العباده بیر دسته
رجالِ شهردن امّا هامی ایاق اوُسته

حضورِ پاکِ اِمامتده باش اَگوب ناگاه
جنابِ جعفرِ طیارون اوُغلی عبدالله

اِجازه اِیستدی محرم سرایه بیر گِئتسون
عیالی زینبه تا تَسلیت اَدا اِئیسون

به امرِ حضرتِ زین العباد وَلیّ الله
مقامِ زینبه یوز دوندرویدی عَبدالله

دوروب کنارده گوز یاشینی روان اِئیدی
جنابِ زینبون اوز آدینی بیان اِئیدی

سلام اولا سنه اِی بنتِ مُرتضی زینب
رشیدهء عَلوی مظهرِ حَیا زینب

یارالی قلبوه بو جانِ ناتوان قربان
اِئشیدمیشم سنی ظلمِ عَدو سالوب جاندان

حضورِ زینبِ عُلیایه بو صدا یتدی
جوابینی او سلامون خانم اَدا ائیدی

خَمیده قامتیلن آهی لن ملالی لن
کناره چیخدی خانم خیمه دَن نه حالی لن

او خیمه سمتی نه دقتله اِیلینده نگاه
بیر عُورتی نظری نه گتوردی عَبدالله

قَرا لباس گیوب باشدا بیر قَرا مَعجر
او مَعجر آلتدا ساچین گیزلدوب او غم پَرور

سالوب اَشاقه باشین اوُندا علتی وار دور
بیله مشخص اوُلور که خجالتی وار دور

گیرنده زینب او زُلفی قَرا آپارمشی دی
مدینیه قیدنده او زُلف آغارمیشی دی

کمان کیمی بوکُولوب قَد و قامتی اَگیلوب
جمالی نه دییه سن رَنگِ زَعفران چکیلوب

قیافه سینده پَراکنده دور چوخ اَحوالی
اِئله ضعیفدو یوخدور تانین مالی حالی

تانیمادی دِئدی اِی عُورتِ غم آلوده
هانی علی قیزی خاتون ماتمِ آلوده

او بانوی حرمی اِیستورم اِیدم دیدار
حسین غمینده اونا تَسلیت اِیدم اِظهار

چکوبدی ضجهء جانسوز حضرتِ زینب
زَمانه گور منی سالمیش نه صورته یارب

گُوروم خَراب اوُلاسان اِی سپهرِ سُفله نواز
رَئیس خانه عَیالین باخار گُورر تانیماز

بو کَلمنی او خانمدان ائشیتدی عَبدالله
تعجب یله دِئدی لا اِلهَ اِلّا الله

حسین عراقه گیدنده جَلال و حشمتی لَن
هاچان سنی یولا سالدیم خانم بو حالتی لَن

او گُون او زینبی که سالمیشام یولا من اوُزوم
او زینب اوُلسون اگر کُور اولا گُورونجه گُوزوم

منی باغشیلا که یوخ منده ذَرّه ای تَقصیر
بیر اِیلده کیم گوروب اوُلسون رَشیده عُورت پیر

نه باعث اوُلدی بیله قامتون کَمانه دونوب
خانم دِئدی خبر آلما علی چراغی سُونوب

بیر اِیلدن آرتوق اولور روزگار کَج رفتار
توکُوبدی اوُستومه دنیاده هر مُصیبت وار

قیریلدی کَرب و بلاده هامی جوانلاریم
گتورمیشم اوزیمیله بو دور قالانلاریم

اِیکی بالاندا سنون قانینه اولوب غَلطان
دِئدی اوُلاردا اوُزومده حسینوه قربان

آغارماسون نئجه باشیم اِئشیت ندور مَطلب
او هِندون اوُغلی دِئدی کَلِّمنی یا زینب

اَلونده (یحیوی) بو کَلمه دَه دایاندی قلم
کِفایت اِئله داخی بوندان آرتوق اِیتمه رقم

• دوشنبه
• 29
• شهریور
• 1400
• ساعت
• 15:06
• نوشته شده توسط
• یوسف اکبری

سس دوشدی اُلوب قافله سالار مدینه
زینب گَلوری، باغلادی بازار مدینه

بُلدی پوزولوب خلق که پرگاری حسینون
شهر اهلی تمام اولدی عزاداری حسینون

شهرین در و دیوارینی کلثوم گورنده
قلبی دویونوب، قالمادی یاراسی بدنده
گویا دوتوب اوز سسلدی محملدن اَنَنده
گَل بیزلری سن بیرده قبول ایلمه یثرب
اوز اهلیوی عمرونجه ملول ایلمه یثرب

سن بیزلری عزّتلی موقّر یولا سالدون
اعزازیله منصور و مظفّر یولا سالدون
هاردا بیله محزون و مکدّر یولا سالدون
ایمدی دولانوب عزّتیمز ذلّت اولوبدور
عیش و فرح و عشرتیمیز محنت اولوبدور

سندن که گیدردی بو جلالی داغیلانلار
همراهیدی چوخ شیر صفت پیر و جوانلار
روبه لره صید اولدولار اول شیرِ ژیانلار
تک تک بویانوب قانینه، تک گَلمیشوخ ایمدی
قاره گون اولوب قاره لچک گَلمیشوخ ایمدی

اجماعیله شهر اهلی که پیشوازه گَلردی
اولماق لیقا واقف هامی بو زاره گَلردی
بو غملی دله بیر مُحنِ‌تازه گَلردی
هر کس که اولوب حالی یول اوستونده دوراردی
گوز یاشی توکوب باشینا توپراق سُووراردی

شوریله او حالتده که آغلاردی جماعت
ناگه نه گوروبلر که گَلور بیر نچه عورت
بیر بیرلرینه خلق ایلدی فوراً اشارت
سس ایلمیون عمّه لری گَلدی حسینون
بُلمولّه هله بد خبری گَلدی حسینون

کشف ایلیه بُلموردوله واضح جَرَیانی
ایوای دیوب آغلاردی بُلن سرّ نهانی
هاردِیدی او دل که اولا یارای بیانی
یوز قویدی هامی زینب اولان محمله گَلدی
زهرا قیزی کشف ایتماقا سرّی دله گَلدی

ای اهل مدینه ایدون ایولرده اقامت
هیچ بُلمیون آلُ الَّلهه اولدی نه قیامت
پیغمبریزون اوغلینی بیر آدلادی امّت
مهمان لیق آدیله چاغیروب کرب و بلایه
یالقوزلادیلار، گَتدیله پیغمبری داده

لیلانون اَلی شبه پیمبردن اوزولدی
باش پارچالانوب، چشمه کیمی قانی سوزولدی
قان قطره سی مرجان کیمی رخساره دوزولدی
ایمدی گَتیروب اکبرین عمّامه سین اَلده
اکبر یرینه قانه باتان جامه سین اَلده

بی جا دیمیون چوخ پوزولوب قاسم آناسی
نسگلدن اورکده وار اونون کاری یاراسی
داماد اَلینون طوی گونی قان اولدی حناسی
آرام دلی غارت اولوب صبری آلندی
بی چاره عروسین باشنا قاره سالندی

کیم بُلدی نلر اولدی ابوالفضلیم اُلنده
نه سالمیدی باشی، نه قولّاری بدنده
سیزده یوخ ایشیتماقه دوزوم شرحینه منده
بیر محشریدی آند اولا آللهه او ساعت
بلکه او قیامت بو قیامتدن علامت

غنچه کیمی باغری دولی قان اولدی ربابین
اوچ شعبه اوخا اوغلی نشان اولدی ربابین
غمدن بوکولوب قدّی کمان اولدی ربابین
بو سهلیدی گیتدی سود امر اصغر اَلیندن
بیرده گیدوب اوچ سنّیده بیر دختر اَلیندن

باش اولدی او قیز اُلماقی اصغر اُلیموندن
اشکین او اُلن گونده توکوب، آغلادی دشمن
یاندیردی بیزی ایلدی ویرانه نی مسکن
اوزدی اَلیمیزدن اَلینی شامیده قالدی
آغلاتدی بیزی، یثربه آغلار یولا سالدی

سرگرمیدی بیر بیر دیماقا دردینی باشدان
سونمَزدی مصیبت شرری گوزده کی یاشدان
آغلوردی دیدوقجا گه اوجا گاهی یاواشدان
بیر اوزگه طرفده نه گوروب ناله اوجالدی
بو ناله سسی تازه دن آرامینی آلدی

حسرتله باخاندا نه گوروب، گورمیه گوزلر
عبّاس آناسی فاطمه دور، گوردوقی مضطر
دوتموش بیر اوشاقین اَلینی سسلوری پِیدر
گورمور گوزوم ای اهل مدینه سیزی تاری
بیرجه یِتیرون زینبه بو زار و فگاری

زینب ایشیدوب بو سوزی توکدی یوزه قان یاش
سسلندی گَل ای غملری غملردن اولان باش
قربان گوزیوین یاشنا زینب اولا ای کاش
گَل گُل لریمیز سولدی خزان اولدی آنا گَل
دائم ایشیمیز آه و فغان اولدی آنا گَل

بو سوزده خانم فاطمه نون صبری آزالدی
قولّارین آچوب زینبینون بوینونا سالدی
ایوای دیدی اوّلده حسیندن خبر آلدی
فرمایش ایدوب سویله حسینیم هانی زینب
آرام دلیم نور دو عینیم هانی زینب

زینب ایشیدوب اسم حسین آتدی ملالی
بیر چشمه کیمی آخدی یوزه اشک زلالی
بو فکره دوشوب ترک ایلدی اوزگه خیالی
یوخ منده ملامت یری روحیم قوشی اوچسا
ا... نه دیوم قارداشیم عبّاسی سوروشسا

قربانی آنا عرض ایدوب آغلار گوزیوین من
عمرونجه سزادور ایده سن ناله و شیون
باشون ساق اولا اوغلون حسینین طرفیندن
شام اهلی آنا بی سبب اُلدوردی حسینی
یورقون یارالی تشنه لب اُلدوردی حسینی

بو سوزده اوجالدوب فلکه ناله و دادین
برعکس ایلیوب گوردی قضا عین مرادین
اوغلانلارینون هیچ بیرینون دوتمادی آدین
بُلدی ادبیندن بو سوزی صحبته سالسا
زینب پوزولار بیر به بیر اوغلون خبر آلسا

بیرده بویودی علّت بانوی مودّب
هیچ بیر دیمه دی نه گَلوب عبّاسیمه زینب
پوشیده دَگولدی اوزینه دلده بو مطلب
عبّاس ساق اولسِیدی بُلوردی هنریندن
بیر موده کم اولمازدی حسین زلف سریندن

حاشا دله بو سوز گَله بانوی حجیزم
یا فخر ایلیم هر ایکی دنیاده عزیزم
دورت اوغلوم حسینین قولودور منده کنیزم
ویرمیشدیم اودور اوغلیمی اول سروره قربان
هم قاسمه هم اکبره هم اصغره قربان

امّا دیدی ای نائبه ی حضرت زهرا
قربان دلیوه، لطف ایله سن وار بو تقاضا
بو خلقه بویور تا نفسیم وار منیم اصلا
گوگلومده نهال غم آلوب بُسلَمَسونلر
مِن بَعد اوغولّار آناسی سَسلَمَسونلر

هر کیم که منی سسلوری تک سسلیه خوشدور
یا فاطمه یالقوز یا اوغولسوز دیه خوشدور
قوی فاش ایلیوم بو سوزی بو سوز نیه خوشدور
زهرا کنیزیدیم، اوغولّار آناسیدیم
دورت اوغلوم اولان گونلر اوغولّار آناسیدیم

بو سوزده (شعاعیله) ایدوب( حافظی) شرکت
ختمینده ولی ایتدیلر باهم بیله صحبت
خوشدور ایلیاق بو سوزی یثربده قرائت
بو سویلدی یارب به حق حضرت یاسین
قسمت ایله بیر جمعیله، او سویلدی آمین

• شنبه
• 3
• مهر
• 1400
• ساعت
• 14:45
• نوشته شده توسط
• یوسف اکبری

کاروان شام ایدوب چون شهر یثربده مقام
ماجرای کربلا کشف اولدی بولدی خاصّ و عالم

حضرت عبّاس آناسی فاطمه امّ البنین
هر صباح و شام ایدردی ناله و داد و انین

سیل اشکیله ایدردی خانه ی صبرین خراب
یثربین عورتلرینه بیله ایلردی خطاب

ای مدینه اهلی بسدور دلده کی دردیم منیم
اولمیون راضی سماواته اوجالسون شیونیم

دردیمی آرتورمیون بسدور بو فریاد و انین
ایتمیوب هرگز مخاطب سیز منی امّ البنین

ایلینده سیز منه امّ البنین آدی خطاب
قان اولان گوگلومده قالمور طاقت و آرام و تاب

گوزلریمده ایلوری جلوه عزیز جانلاریم
یادیمه لابد دوشور جاندان گیچن اوغلانلاریم

واریدی دورت اوغلوم، آل حیدره منظوریدیم
افتخاریم واریدی امّ البنین مشهوریدیم

باشیمه دورت قاره امّا ایمدی بیردن سالموشام
ورد و ذکریم وای اوغول وای دور، اوغولسوز قالموشام

سیز منه بوندان صورا امّ البنین ایتمون خطاب
نه یوزیله سسلینده من ویروم بیرده جواب

هر کیمون اولسا نچه اوغلی جوان نازنین
رسمیدور اعراب اونون آدین قویار امّ البنین

سیز منیم بوندان صورا آدیمی یالقوز سسلیون
رخت قاره، سینه سی داغلی، اوغولسوز سسلیون

کاسه ی چشمیم نجه قانیله آیا دولماسون
زینبیم بیر سوز دیور اصلی اونون کاش اولماسون

ایلوری بیله روایت اول عزیزه محترم
ایلیوبلر اوغلومون سو اوسته قولّارین قلم

تا حیاتیم وار سزادور آغلیام من صبح و شام
اُلدوروبدور اوغلومی دشت بلاده اهل شام

ای مدینه اهلی بیله من ایشیتدیم بو سوزی
تیریله نابود اولوب اوغلوم ابوالفضلین گوزی

من ایشیتدیم کربلاده ظلمیله قوم عنود
آخِر عمرینده باشیندان ووروبلار بیر عمود

من ایشیتدیم اُلدوروبلر تشنه سردار اوغلومی
سرو تک قولسوز یخوب اشرار علمدار اوغلومی

من ایشیتدیم اهل کین ظلمینده طغیان ایلیوب
اوغلوم عبّاسی سو اوسته تیره باران ایلیوب

مین نفر دعواده اولسا افسر صاحب هنر
رسم دعوادور علمداری گوزتلر دسته لر

چون علمدار اُلسه سلطان حالی ایلر انکسار
ال تاپار دشمن علم یاتسا، هامی لشکر سینار

تابینون نعشینه دگمزلر بولون بو مطلبی
یخسالار آتدان ولی دوغرالّا صاحب منصبی

آه او ساعتدن او صاحب منصب اردوی شاه
صدر زین اوستن یخلدی، جراته گلدی سپاه

قلب فوج لشکر شامه زبس قویموشدی داغ
تیغ تیز الده هامی عبّاسی ایلردی سراغ

هر گلن بیر یاره ووردی آلدی اوندان انتقام
قالمادی سالم قاریشدی بیر بیره لحم و عظام

گوردولر بیر پرشکسته قوش کیمی جسمین خموش
ایتدیلر بی رحم لر صد پاره جسمین نیزه پوش

اوغلوم عبّاسین یارالی جسمین اعدا سویدولار
چون سپه سالاریدی یرلرده عریان قویدولار

باش سینوب، قولّار گیدوب، بیرق یاتوب، مشک اوخلانوب
اوغلوم عبّاسین وجودی قطعه قطعه دوغرانوب

اوج ایدوب اوغلوم حسینون عرشه واویلاسی
حشره دین قان آغلادور بو ماجرا من بی کسی

شرح حال حضرت امّ البنین اولماز تمام
هم حسینه هم ابوالفضله یاناردی صبح و شام

حضرت عبّاس چرخ عزّته بیر ماهیدی
نجم تالی اول مهه اوغلی عبید اللهیدی

گونده اول طفلین الی الده خانم امّ البنین
یوز قویاردی سمت قبرستانه محزون و غمین

مسکن ایلردی بقیعی گون قباقیندا مدام
چون فرات اشکین توکردی بانوی علیا مقام

کوچه دن هر کیمی گیچن وقته ایشیتسِیدی سسین
تاب ایدنمزدی، اوجالداردی فغان و ناله سین

والی یثرب که مروان جفا کرداریدی
مبغض شیرخدا و عترت اطهاریدی

بو عداوتله تعجّبدور او بی ایمانیدن
اول دنی بیر گون گیچوردی جنب قبرستانیدن

گوردی قبرستانیدن بیر سس گلور آرام آلور
کوچه دن هر کیم گیچور تاثیری قلبین پارچالور

سویلدی بو آغلیان کیمدور بیله فریاد ایدور
دوست و دشمن صبرینون سرحدّینی برباد ایدور

اول زنازاده ایدن ساعت بو طرزیله سوال
بیر نفر ویردی جواب ای والی عالی جلال

آغلیان بوردا ایدن صبح و مسا داد و انین
مادر عبّاسیدور، زوج علی، امّ البنین

اول زنازاده تاسّف قیلدی ایتدی آه و زار
بیر بیره ووردی الین، سسلندی الحق حقّی وار

خلق ایدندن عالم امکانی واللهی خدا
گورمیوب چشم جهان عبّاس تک صاحب وفا

خلق ایده مین بیله عالم گر خدای کائنات
مثل و مانندی ابوالفضلین گله هیهات هات

بو قراریله اُلونجه ایتدی آه و شور و شین
گاه ذکرین وا ابوالفضلا ایدوب گه وا حسین

آغلاماق سرحدّین عمرونجه بو خاتون یخمادی
گولمدی بیر گون یوزی، خاطردن اصلاً چخمادی

نچ نفرده بو خانم تک جان ویرونجه آغلادی
چخمادی خاطردن آغلار گوزلی سینه داغلادی

بیر علی اکبر آناسی بینوا لیلائیدی
دلده وردی وای اوغول وای، ذکر واویلائیدی

اکبرین طوی حجله گاهینده او بیچاره خانم
ساچلاری الده یوزون سورتردی دیواره خانم

سسلنوردی باشیمه سنسیز قرا سالدیم اوغول
ای عجب سندنصورا دنیاده من قالدیم اوغول

کاش سن نوش ایلین ساعت اجل پیمانه سین
درک ایدِیدی پیک رحلت بو بلا همخانه سین

ای گل اوزلوم گل کیمی باتدون لب عطشان قانه سن
ایلدون مجنون کیمی بو لیلینی دیوانه سن

نوجوانی هر کیمون اُلسه اوغول وای دور سوزی
کیم گوروب گولسون بو دنیاده اوغولسوزلار یوزی

بیرده خاطردن اُلونجه چخمادی عفّت مآب
اصغرین بی کس آناسی معدن عصمت رباب

گون قباقینده گیدوب هر گون آچاردی اوز باشین
وای حسینیم وای دیوب جاری ایدردی گوزیاشین

حالی ایلردی خواتین حرمدن سلب تاب
حالینه محزون اولوب سویلردیلر اولدون کباب

کولگه یرلرده خانم اگلش فغان و داد ایله
گون قباقینده آز اگلش ناله و فریاد ایله

اگلشوم سویلردی آخِر کولگه یرلرده نجه
گون قباقینده حسینیم قالدی اوچ گون اوچ گجه

اوز گوزومله اول شهین گوردوم من عریان پیکرین
بی کفن، عریان، یارالی، قانه غلطان پیکرین

هرقدر ایتسم بو خاتونین وفاسیندن رقم
آخِره یتمز قالار تحریریدن عاجز قلم

جانینی جانانی شاه کربلادن سیچمدی
جان ویرونجه آغلادی، اصلاً سرین سو ایچمه دی

سو گورنده دلدن ایلردی فغان و شور و شین
سسلنوردی سو کنارینده سوسوز اُلدی حسین

شیرخواره بیر اوشاق گورسیدی ایلردی فغان
سسلنوردی وای علی اصغر اُلیدی کاش آنان

سالمارام دلدن سوسوزدان اود دوتوب اودلانماقون
تا حیاتیم وار منی قان آغلادور اوخلانماقون

آچمادیم سوددن سنی، سینمده قالدی اللریم
حلّ اولا ممکن دگل قلبیمده کی نسگل لریم

قلبیم اودلاندی اوجالدی دود بو کانونیدن
وار سراغیم بیر وفالی غصّه لی خاتونیدن

چخمادی خاطردن عمرینجه همیشه آغلادی
باب عیش و عشرتی دائم یوزینه باغلادی

کیمدی بو صاحب جلالت ایلیوم آدین بیان
عصمت کبری نشانی زینب بی خانمان

شرح حالی حضرت زهرانی هر آن آغلادور
محنتی عصرین امامین متّصل قان آغلادور

وار گمانیم ایمدیده فردوسیده خیرالنّسا
ساچلاری الده توکر اشکین دیر وا زینبا

گوسترنده قولّاریندا تازیانه یرلرین
حالینی آشفته ایلر حضرت پیغمبرین

گوردی رویاده امام عصری بیر عالم سیر
عرض قیلدی ذکر ایدولّر روضه خوانلار بیر خبر

سن دیولّر جدّیوه دنیاده هر آن آغلاسان
بو سوزین وار اصلی آیی جدّیوه قان آغلاسان؟

جدّیوین هانسی غمی شاها موثّردور سنه
هانسی بیر غمده گلورسن صبح و شامی شیونه

حجّت ابن العسکری اول سائله ویردی جواب
قویمیوب کرب و بلا اوضاعی منده صبر و تاب

جدّیمون اوضاع عاشوراسینی یاد ایلرم
یاد ایدوب هر بیر غمین صبح و مسا داد ایلرم

اهل سن امّا سنی آگاه ایدوم بو مطلبه
متّصل قان آغلارام دنیاده عمّم زینبه

عرض ایدوب یا سیّدی هانسی غمینده آغلاسان
هانسی حال

• شنبه
• 3
• مهر
• 1400
• ساعت
• 19:41
• نوشته شده توسط
• یوسف اکبری

غم قافله سی قورتاریب امواج بلادن
زهراقیزی آیریلدی یم کرب و بلادن
هاجرایله بیل تنگه گلوب سعی وصفادن
آخرقییدوب یثربه چوخ زار و غم افزا
هرکیم سوروشوب گوردی نه ! سویلردی جمیلا
.
.
.
امابوسفرده خانمون قدی خم اولدی
گوندوز اونا هریاندا شب پرالم اولدی
مونس خانما هرگیجه لردرد وغم اولدی
هاردان ديوم آيا سيزه اي اهل تولا
الله اوزي عالمدي نه چكدي او دل آرا
.
.
.
بوغملی سفرده خانمون خیمه سی یاندی
غارت اولونوب معجری خرگاهی تالاندی
اوغلانلاری قارداشلاری القانه بویاندی
نهضتده شريكیدی خانم چونکه امامه
قول باغلی چکوبلر خانمی كوفه و شامه
.
.
.
زهرا قيزي الله نه قوجالميشدي ستم نن
قدي خم اولوب باشي آغارميشدي الم نن

• پنج شنبه
• 2
• آبان
• 1398
• ساعت
• 10:17
• نوشته شده توسط
• ابوالفضل عابدی پور

گلدی أو گون شامی حرم ترک ایده
أهل حیا یثربه ساری گیده

بوردا گرک شیعه فغان ایلیه
گلدی أو لحظه مینه لر ناقیه

هامی قییتدی گینه ویرانیه
اوخشادی ویرانه عزا خانیه

دوره لدی خیرداجا قبری زنان
ایلدیلر هاموسی آه و فغان

زینبه چوخ گلدی بو محنت گران
سسلدی ای زینبی آغلار قویان

یاتما قیزیم آچ أو قرأ گوزلری
چوخدی أو قاره گوزووه مشتری

گرچه اولوب قان جگریم آچ گوزون
واردی سنه خوش خبریم آچ گوزون

آی بالا یوللار آچیلوب دور گیدک
دور بو جفا مملکتین ترک ایدک

شامیده حامی بیزه چوخدی اویان
قورخما بالا حرمله یوخدی اویان

رحم ایله بو خانه خرابه اویان
رحم ایله بیچاره ربابه اویان

• سه شنبه
• 13
• آبان
• 1399
• ساعت
• 20:31
• نوشته شده توسط
• یوسف اکبری

زینبم گوز یاشلیام زهرا آنا قارداشسیزام
ئولدوروب اَللّرده فوج اشقیا قارداشسیزام
.
.
باشیمون سندَنصورا سایسیز بلاسیندن دیوم
کربلانین خوشدور اوّل ماجراسیندن دیوم
دشمنین اوغلون حسینه چوخ جفاسیدن دیوم
تشنه کَسدی باشینی شمر دغا قارداشیزام
.
.
قلیینه میدانیده اوچ شعبه لی اوخ ووردیلار
لازمیدی قیزلارین وورمیدیلار یوخ ووردیلار
هانسی قیز گوشواره لیدی دوتدیلار چوخ ووردیلار
من دیدیم رحم ایله یاندیم ای خدا قارداشسیزام
.
.
کیم منیم تک زندگی سینده بلا رنجین اوتار
عمرینه هرگون دیدیم قالما حسینیمسیز قوتار
خولینی شمری سَنانی عاقبت آهیم دوتار
گوجلیدور نالم واریم محزون صدا قارداشسیزام
.
.
شهر یثربدن چیخاندان چوخ م

• پنج شنبه
• 2
• آبان
• 1398
• ساعت
• 10:20
• نوشته شده توسط
• ابوالفضل عابدی پور

گئدورم کرببلادن اوره گیم قاندی حسین
اربعین باشه یتوب،موسم هجراندی حسین

دور دعاایله منی یثربه ساری گئدورم
ترک ائدوب انجمنی یثربه ساری گئدورم
تاپشیروب حقه سنی یثربه ساری گئدورم
آیریلیق فکرائلمه زینبه آساندی حسین

وطن اهلین گیدورم واقف اسرار الیم
آغلیام گوزلریمی اورداداخونبار الیم
دردووی خلقه دییب،خلقی عزادار الیم
بیللر غملی اوره ک تنگه گلوب قاندی حسین

زینبم من،بیلوسن عهدیمون اوستونده وارام
ایستورم کوینگووی یثربه سوغات آپارام
قبرزهراده گئدوب نوحه دیوب باش آچارام
ایندی زهراده سنون دردووه گریاندی حسین.

• چهارشنبه
• 20
• اسفند
• 1399
• ساعت
• 21:31
• نوشته شده توسط
• یوسف اکبری

یتیشدی روضۀ پیغمبره چو زینب زار
زبان حالیله بو نوع باشلادی گفتار
.
قسم بو قبر ملک پاسبانه یا جدّا
ذلیل ائدوبدی عیالون زمانه یا جدّا
.
بیزی وطندن ائدوب سالدیلار بلا چولونه
اسیر وئرماقا شمر و سنانه یا جدّا
.
فراته باخدی کسنده حسین باشینی شمر
فرات تک ائدوب اشکین روانه یا جدّا
.
آخاندا قانی حسینون او قانه باخدوقجا
حسین دئدیم اؤرگیم دوندی قانه یا جدّا
.
یوخ احتیاجی سنه عرض ائدم اوزون گوروسن
نه ایلمشدی حسین ساربانه یا جدّا
.
یزید مجلس ایچینده دانشدیراندا منی
دانشمادیم اَلَه سالدی بهانه یا جدّا
.
حسینوین باشنی قویدی پای تختنده
آجقلانوب ال آتوب خیزرانه یا جدّا
.
او وقته دین یخاسین ائتمه میشدی زینب چاک

• پنج شنبه
• 2
• آبان
• 1398
• ساعت
• 10:20
• نوشته شده توسط
• ابوالفضل عابدی پور

یتیشدی روضۀ پیغمبره چو زینب زار
زبان حالیله بو نوع باشلادی گفتار
.
قسم بو قبر ملک پاسبانه یا جدّا
ذلیل ائدوبدی عیالون زمانه یا جدّا
.
بیزی وطندن ائدوب سالدیلار بلا چولونه
اسیر وئرماقا شمر و سنانه یا جدّا
.
فراته باخدی کسنده حسین باشینی شمر
فرات تک ائدوب اشکین روانه یا جدّا
.
آخاندا قانی حسینون او قانه باخدوقجا
حسین دئدیم اؤرگیم دوندی قانه یا جدّا
.
یوخ احتیاجی سنه عرض ائدم اوزون گوروسن
نه ایلمشدی حسین ساربانه یا جدّا
.
یزید مجلس ایچینده دانشدیراندا منی
دانشمادیم اَلَه سالدی بهانه یا جدّا
.
حسینوین باشنی قویدی پای تختنده
آجقلانوب ال آتوب خیزرانه یا جدّا
.
او وقته دین یخاسین ائتمه میشدی زینب چاک

• پنج شنبه
• 2
• آبان
• 1398
• ساعت
• 10:20
• نوشته شده توسط
• ابوالفضل عابدی پور

بیله یازوبلا خارج شهر مدینه ده
بیر ماجرا که واردی لزومی کتابته

غم کاروانی اوردا که تا ایلدی نزول
بیر عده پیشوازہ گلوب قصد قربته

چوخلار گلوبله گورماقا آل پیمبری
یعنی که هر کسین ، کسی گلدی عیادته

بیرده گلوبدی همسری غم دیده زینبون
تا بو خبر یتیشدی او کان سخاوته

عبدالله اولدی خارج شهره روانه تا
گورسون جناب زینبی باخ بیر ارادته

چون وارد اولدى خیمیه ئوز زینبین گوره
ناگه گوزی ساتاشدی او زهرا وراثته

مشهور اولوب تانیمادی اوّلده زینبی
فریاد اگر یتیشسه بو موضوع صحته

آلدی خبر على قزینی گورمورم ندن
نه حادثه وئروب یوز اُو صدیقه سیرته

وئردی جواب ، وار بلی حقّون عم اوغلی جان
نا آشنا اولام سنه یر یوخدی حیرته

بیخود دگول قوجالماقیمون واردی علتی
روشندى عمق مسئله اهل فراسته

بیر نیم روز صحنۀ عاشور اولوب سبب
آفت یتوب او لطف و صفا و طراوته

بیر داغ دلدن اولسا اگر لاله داغدار
مین داغ گورموشم گنه باخ منده قدرته

صحرای نینواده یتوب آفت خزان
سن گوردوقون طراوته لطفه صباحته

دقتله باخ عم اوغلی همان زینبم ولی
غملر بهار عمرومی توش ائتدی آفته

طومار اولار بو یولدا نه لر گورموشم دیسم
آماج ایدوبله قلبیمی تیر شماتته

تا حسّ ایدوب او خیمه ده کی بانوی عفاف
زینبدی گلدی نطقه آخوب اشگی صورته

ایوای دیدی خانم نیه بو حاله قالموسان
نه گلدی بس او حشن جمال و وجاهته

آیا اولوب ندن او رَسا قامتون کمان
نه غم قرین ایدوب سنی مرگ و هلاکته

گویا دیدی سوروشما منیم سرگذشتیمی
بیر غملو ماجرادی که گلمز عبارته

بو قدر وار که نامه یازانلار حسینیمه
سیندیردی عهدی اولمادی پابند دعوته

بیر کاروان بلالی عزالی شکسته دل
نه قافله انیس ملال و مشقّته

واضح دیوم قالان بیزه زین العباد دور
اما نلر اولوبدی او کان شرافته

هرگز گتورمرم دله زنجیر صحبتین
یا خیمه لر یاناندا دوشوب نه ریاضته

«خوندل» قلمده سنده یورولدون یورولما یاز
قویما گنه مسلّط اولا فوتی فرصته

آلِ پیمبرین یولی حق شاهراهیدور
شاید بو یولدا یول تاپاسان راه جنته

• یکشنبه
• 25
• آبان
• 1399
• ساعت
• 17:46
• نوشته شده توسط
• یوسف اکبری

اهل یثرب من دیار کربلادن گلمیشم
دردیمه درمان آلیب خاک شفادن گلمیشم

پرچم نصر من الله یاتمیوب سینمده دی
سایه سینده هیئتیم وار نینوادن گلمیشم

برگ زرین شهادت یعنی عاشورا گونون
ثبت تاریخ ایلیوب قانلی منادن گلمیشم

افتخاریمدور مدال اعتلای نهضتی
آلمیشام فرمانده کل قوادن گلمیشم

درس آلیب حیدر آتامدان غیرت و ایثاری من
سالمیشام ظالملری تخت طلادن گلمیشم

گؤرموشم هم شامده هم کوفه ویرانیده
جور و طغیان مردم ظاهر نمادن گلمیشم

قوی دیوم من واقعات تلخ یوم الحزندن
آشکار اولسون سیزه ماتمسرادن گلمیشم

من دیوم سیز آغلیون زینب چکن محنتلره
هر مکاندا وار عزاخانه م عزادن گلمیشم

من گئدنده قارداشیم ٬ اوغلوم منه یولداشیدی
ایندی اما یوخ خبر بیر آشنادن گلمیشم

من گئدنده اکبریم وئردی اذان دوشدوم یولا
بی نصیب اولدوم نوای دلگشادن گلمیشم

من گئدنده قارداشیم ناقه سوار ائتدی منی
دلخوشیدیم بو شعفلی ماجرادن گلمیشم

حیف گئتدی عز و جاهیم شمره اولدوم دستگیر
شاکی ام بو سرگذشت نا روادن گلمیشم

من گئدنده بنذیوردی زلفلریم زلف شبه
بیر گون عرضینده آغاردی ابتلادن گلمیشم

آیریلانمازدیم حسیندن آیری سالدی روزگار
جسمدن روحیم گئدوب دارالفنادن گلمیشم

دهرده ام المصائب آدلانان زینب منم
آلمیشام بو رتبه نی خیرالورادن گلمیشم

صبح عاشورا علمدار حسین ٬ عباسیدی
حامل اولدوم پرچمه وقت مسادن گلمیشم

ملجأ اهل حرمدن کسدیلر امیدیمی
ال اوزولدی دامن مشکل گشادن گلمیشم

من باخوردوم تلدن قارداشیمون سوداسینه
چکمدی ال شمر دون پرور جفادن گلمیشم

خنجرین تا حنجره قویدی ملکلر آغلادی
کسدی بی وجدان حسین باشین قفادن گلمیشم

ای وطن یولداشلاری ٬ قارداشلاریم الدن گئدیب
یعنی زینب ال أوزوب هر بیر صفادن گلمیشم

عصر عاشورا که غارت حکمون امضا ائتدیلر
گئچمیشم گوشواره و زیب و طلادن گلمیشم

یورقونام اما باشیمدان شمره معجر وئرمدیم
چوخ جفا گؤردوم سنان بی حیادن گلمیشم

کوفه ده قارداشیمون باشین گؤرنده نیزه ده
یارمیشام باش منده سودای جدادن گلمیشم

بیر امانت تاپشیروب ویرانه شاماتیده
شام محنت قورموشام ویرانسرادن گلمیشم

سیز دیون ام البنینه چوخ پریشان اولماسین
وار سلامیم محضر صاحب لوادن گلمیشم

اوغلونون پرچم دوتان قوللاری دوشدی تپراقا
ساخلاسین عبداللهی الله بلادن گلمیشم

ای خدا (معروفه) قسمت ایله وصل یارینی
ئیلده بیر یول تا دئسون کرب و بلادن گلمیشم

• یکشنبه
• 25
• آبان
• 1399
• ساعت
• 17:50
• نوشته شده توسط
• یوسف اکبری

قبریدن دور آی ننه،زینب گلوب زار و حزین
اوغلوی اؤلدوردولر،اما گتوردیم کوینکین

کربلاده یوسفی اؤلدوردولر قوم دنی
گورسه دیر نه حاله قالموشدی،اونون پیراهنی
باشینی دالدان کسنده شمر،،بو سسلوردی سنی
بولمه دین نه حاله قالموشدی امامِ مسلمین

چکدیلر یثربدن آخر اوغلوی اهل عراق
تا عزیز مصطفا اول شهریده اولسون قوناق
میزبان نه میزبان،حرمتلری گوزدن ایراق
دوغریوبلار ریزه ریزه،کسدیلر حتی الین

ترک ائدنده یثربی،ای مادر خونین جگر
یدّی قارداشیملا ائتدیم فخریلن عزم سفر
گلمیشم اما نه گلمق،داغدیده دیده تر
گلمیشم اوغلی اؤلن،قارداش اؤلنن دل غمین

کربلاده کوفیان اؤلدوردولر قلرداشیمی
قویمادیم اهل ستم اما گوره گوز یاشیمی
اول سینخ باشی گورنده،منده یاردیم باشیمی
اولماسین نقصان شراکتده،بو زینبلن حسین

پیشواز ائیله گلوبدور قبریپه افسرده لر
خسته دور اهل حرم،یانمیش اورکلر سینه لر
دور گلوب اوغلی اؤلنلر،هم برادر مُرده لر
من گتوردوم قارداشیم عباس،قانلی بیرقین

کربلاده ایلدی بیزدن حمایت قارداشیم
تشنه لب قلب سپاهه سالدی وحشت قارداشیم
خیمیه سو چاتمادی اولدی خجالت قارداشیم
سسلدیم احسن ایوین آباد آنا امّ البنین

«صابرین» روحیندن آلدوم من بو اشعاره مدد
قدرتِ خامه م اولوبدور بو نوشتاره دو صد
حشریده قویما «فقیرین» یا رب اولسون حالی بد
منده یوخدور خیر عمل،لطف یا حیّ مبین

• پنج شنبه
• 30
• بهمن
• 1399
• ساعت
• 11:55
• نوشته شده توسط
• یوسف اکبری

امر ائدوبدی زین العباد آقا آل اله قراپرچم ای بشیر!
وئر مدینه نین اهلینه خبر گلدی کاروان ِغم ای بشیر!
ساخلاسونلا ماتم
آغلاسونلا باهم

سن کی شاعر اهلِ عشق سن شعریله یئتور اصل مطلبی
سؤیله کی کسوف ایلیوبدی گون باغریقان ائدوب ماه و کوکبی
قارداشی حسیندن صورا بیلون درد و غم قوجالدوبدی زینبی
سن گؤرورسن اُول غملی عمّه مین قامتی اولوبدورخم ای بشیر!

قاره گئی دولان شهرِ یثربی کوچه کوچه آه و فغانیله
توش اولاندا هر بیر محلّه ده مرد و زنله پیر و جوانیله
شرحِ حالِ آلِ پیمبری ایله گؤزده اشکِ روانیله
ایلسونله ابرِ بهار تک گؤزلرین اولار پُرنم ای بشیر!

دورما غملی دروازه ده داخی شهره ساری تئز اُول روانه سن
مسجدالنّبی ده یغیشسالار باخ جماعته یانه یانه سن
جمع ایچینده امّ البنینی گر گؤرسون آندیر اُول باغریقانه سن
قهرمان ابوالفضلیدن صورا ماتمه باتوب علقم ای بشیر!

یاد ائدوب ابوالفضلیدن او دم سن مخاطب ایله آناسینی
سؤیله گئیدیر عبداللّها قرا آچماسین باشیندان قراسینی
منتظر قالوب باخماسین یولا چون شهید ائدوبلر آتاسینی
ایله درددی دردِ یتیمیلیق،یوخ او درده بیر مرهم ای بشیر!

وئر خبر وفالی جوانلارا باتدی قانه اکبر گلنمَدی
سؤیله نازدانه اوشاقلارا اوخلانوبدی اصغر گلنمَدی
قیزلارا دیء ویرانه ده ئولوب بیر سه ساله دختر گلنمَدی
شامیده او تک قالماز عاقبت چون گئدر اورا عممّ ای بشیر!

اُول رقیّه نین قبری بیر زمان، عاشقان و زوّاریلن دولار
آغلیار یانایانه حالینه، عارفانه زوّاری کیم اولار
یاد ائدر او زهرایه بنزری، گؤزلری بولودلار کیمی دولار
اؤز ائوینده«سیّدبشیر»بیزه،اگلشوب دوتار ماتم ای بشیر!

• چهارشنبه
• 18
• فروردین
• 1400
• ساعت
• 19:28
• نوشته شده توسط
• یوسف اکبری

مدینه اهلی اولون با خبر گلور زینب
گئدوب جلالی اولوب دیده تر گلور زینب

ادب طریقتیدور پیشواز ائدون الان
قرا گئیون ائلیون دیده دن سرشگی روان
دیار کرب و بلاده اولوبدی درده نشان
فنا جهاندا اولان غملرون نشانی گلور
فغان و ناله ائدور دلده وار فغانی گلور

بهار عمرونه گویا اسوبدی باد خزان
جفا و درد و بلادن اولوبدی قدی کمان
گئدوبدی طاقتی یوخدور الینده تاب و توان
گلور مدینیه اما ئورکده غم گئتیرور
اولوبدی مونس غم قانلی بیر علم گئتیرور

نه واردی قاسمی نه قلبینین قراری قالوب
نه واردی اکبری نه آیری غمگساری قالوب
ئورک ائوینده فقط درد بیشماری قالوب
دیار غمده باتوب قانه جعفر و فضلی
حسین تشنه لب و قهرمان اباالفضلی

سااوبدی باشه قرا قرا قلبیده محن گئتیرور
اولوبدی قامتی خم غملرین علن گئتیرور
ئورک باشیندا خانم قانلی پیرهن گئتیرور
قدم آتاندا دئیور نور هر دو عینیم وای
که یعنی قانه باتان تشنه لب حسینیم وای

توکور سرشگین ئوزه اشک دانه دانه سی وار
ایکی قولوندا اونون نقش تازیانه سی وار
الی ئورکده قالوب قالوب غملی بیر نشانه سی وار
او غم نشانی حسینون قالان نشانه سیدی
بهانه گوزیاشینا الده کی بهانه سیدی

نقدری قارداشینا (سالک) آغلاسان کمدی
اونون مصیبتی دنیاده قطره یوخ یمدی
حسینون عاشقینه هر زمان محرمدی
همیشه واردی یری گلسن آه و افغانه
بجادی گوزده گوزون یاشی دونسه القانه

• چهارشنبه
• 12
• خرداد
• 1400
• ساعت
• 21:27
• نوشته شده توسط
• یوسف اکبری

مزارون اوسته آی ننه

باشی بلالی گلمیشم

باشیمدا قاره گوزده یاش

اورک یا رالی گلمیشم

اویان تسلی وئر منه

اورک یا را لیام ننه

بلا چو لو ند ه آی ننه

چکوبدی چوخ بلاباشیم

او غملی قتلگا هد ه

دونوبدی قانه گوزیاشیم

دونوب کمانه قا متیم

ئولوبدی یتدی قارداشیم

اورک یا رلی خسته جان

با شی قرالی گلمیشم

اویان تسلی وئر منه

اورک یا را لیام ننه

هجوم هر بلا د ه من

دایانمیشام باج آلمیشام

حسین ئولنده ئولمیشم

دیریلمیشم.قوجالمیشام

با شیما غملی کوفد ه

کی قانیدن تاج آلمیشام

دور ایله چا ر ه آی ننه

با شی یارالی گلمیشم

ا و یا ن تسلی وئر من

ا و ر ک ی یارالیم ننه

• جمعه
• 11
• تیر
• 1400
• ساعت
• 10:51
• نوشته شده توسط
• یوسف اکبری

گوردیلر یثربده بیر ناقه سوار
وارد شهر اولدی بی صبر و قرار

یثربین اهلین مخاطب ایلیوب
سسلدی ای امت بی اعتبار

روز محشر وای سیزون احوالیزه
اولمسوز بی عار و ننگ روزگار

ظاهراً مسلم ، ولیکن باطناً
دشمن آل عبایه جیره خوار

سیز او کسلرسیز ولی داوره
ایتمیسیز بیعت پوزوبسوز آشکار

درگه مولانی سیز یاندیرمیسیز
دخت طاهانی ایدویبسوز زخمدار

دویدوربسوز جانه زهرانی او گون
بولمیون بو ظلمی اصلا شاهکار

نصف شب قبره گیدوبدور فاطمه
حیدر کرار اولوبدور داغدار

هیچ دیدوز مولایه آیا تسلیت
اولدی مولایه بو نیسکیل جانشکار

کیم بولور آیا مزاری هاردادی
قبرینه گیزلینده گتدی قلبی نار

ساخلادوز یاخشی امانت دهریده
اولموسوز دینه عجب آیینه دار

ظلموزه دلدن یانوب قان آغلادی
حضرت پیغمبر والا تبار

دویمامیشدوز اوندا ظلموزدن یقین
بیرده ظلم ایتدوز جهاندا بی گدار

یوسف زهرانی میداندا قویوب
عرصه میدانیدن ایتدوز فرار

هیچ بولورسوز قالدی یالقیز شاه دین
قلب زهرایه گِنه سالدوز شرار

سو کنارینده سوسوز اولدوردولر
اهلبیت اولدی بویوک درده دچار

چکدیلر بزم شرابه زینبی
ایلسونلر بلکه، اول مجلسده خوار

چوخ مصیبت چکدی زینب شامیده
دشمنه عجز اِیتمدی اول با وقار

عاقبت یخدی یزیدی شامیده
آخر اولدی کربلایه رهسپار

قارداشین گتدی زیارت ایلدی
یثربه ایندی سالوب یول بی قرار

آیری بیر حاله قالوب دخت علی
خون دل رخسارینه ایلور نثار

سسلیور یولاردا، زار و دلغمین
قانینه غلطان اولوبدور شهریار

ایتمیوب بیعت یزیده، قارداشیم
قتلینه فرمان ویروب اول کین شعار

سو کنارینده حسینون باشینی
ظلمیله عطشان کسوب بیر نابکار

آغلادوقجا زینب اوز قارداشینه
آغلیور احوالینه هر رهگذار

باش آلوبدور یثربه نالان گلور
آز قالور باشه یتیشسون انتظار

زینب غمدیده نی پیشواز اِیدون
شهره وارد اولمیوبدور تا قطار

الغرض چاووش قورتاردی سوزون
بو خبر از بس که اولدی ناگوار

سر زنان، حضار شهری ترک ایدوب
شهریدن خارج اولوبلار دل فکار

گوردیلر ناگه او غملی قافله
روبروده اولدی یکسر آشکار

عترت طاهانی پیشواز ایتدیلر
خارج یصربده جمع بی شمار

ناگهان اول جمعیدن ناله کنان
همسر نامی صاحب ذوالفقار

دوتدی یوز ناگه بشیره سویلدی
گوندوزوم غمدن اولوب چون لیل تار

ناگرانم من حسینیمدن بشیر
بیر خبر ویر ای حسینه غمگسار

عرض اِیدوب اُلدی حسین فاطمه
چکمه یثربده او شاهه انتظار

هیچ دیمورسن ویر خبر عباسیدن
ایلیوب مدتدی که ترک دیار

نطقه گلدی سویلدی ام البنین
جمله مقصوده چاتوب اول جان نثار

واقفم عباسیمین کردارینه
قارداشین، بیر دم مگر گوزدن آتار

اَمدیقی سود اولسون عباسه حلال
بیر دم اولمازدی حسینیمدن کنار

سویلیردی جانینه قصد ایلین
نعشیمون اوستن گرک ایتسون گذار

زمزمه ایلردی دلده روز و شب
عالمی اولسون حسینسیز تار و مار

اوغلونون تعریفین ایتدوقجا خانم
زینب کبرای اولوردی اشکبار

ناله سی تا یتدی گوش جانینه
سسلدی ام البنین ، ای با وقار

جانیوه اولسون منیم جانیم فدا
آز زمان ایچره قوجالدوب روزگار

دل دیدی گتدی دله زهرا قیزین
سویلدی اولدوم عجب درده دچار

قانینه غلطان اولوب قارداشلاریم
اولمدیم بو غمده، قالدیم استوار

اولدی قسمت سرو قامت اوغلوا
کربلاده دشتینده بیر خیردا مزار

تا ایشیتدی بو سوزی ام البنین
آخدی گوزدن گوز یاشی بی اختیار

سسلدی عباس من ای وای منه
اود دوتار قلبیم بو محنتدن یانار

ایندی بولدوم، زینبین قَدی نَدن
تا اولوب، از بس چکوب رنج و فشار

باجینین بیر گونده گر بش قارداشی
اولسه واضحدور بوکر قَدین یخار

بولمورم زینب ندندور اولمیوب
صبر ایوب نبی زینبده وار

زینبه عمروم بویی قان آغلارام
ایلیوب غم لشکری قلبین حصار

چوخ مصیبت یوز ویروبدور زینبه
بو غم عظما ولی دلدن سالار

یار اولوب یاره ازل گون عشقیله
یار اودور هر دمده اولسون یاره یار

قلبینی تسخیر ایدوب حُب حسین
چوللره سالدی اودور عشق نگار

کیم ویروب عشق حسینه دلده یر
بوینونا سالدی مدال افتخار

بو حسینه جانیمی قربان اولا
ویرمیشم نوکر اونا دورت نامدار

فرصتی گَل فوته ویرمه ای (عتیق)
خدمت اِِیت بو عرصه ده اول رستگار

• یکشنبه
• 3
• مرداد
• 1400
• ساعت
• 12:20
• نوشته شده توسط
• یوسف اکبری

همسر نالان صاحب ذوالفقار
حضرت ام البنین با وقار

یثربه وارد اولاندا کاروان
پیشوازه چیخدی اما بی قرار

یوز دوتوب ناگه بشیره سویلدی
گوندوزوم غمدن اولوبدور لیل تار

ناگرانم من حسینیمدن بشیر
قالموشام مدتدی که یثربده زار

نطقه گل ویر بیر حسینیمدن خبر
اولمیا قانه باتوبدور شهریار

گلدی نطقه تا بشیر خوش سِیَر
عرض اِیدوب چَکمه او شاهه انتظار

سو کنارینده حسینون باشینی
کَسدی عطشان ظلمیله بیر نابکار

والهم آیا نَدن عباسیوی
آلمادون مندن خبر ای داغدار

آل خبر عباسیوی عرض اِیلیوم
اِیلیوب مدتدی که ترک دیار

نطقه گلدی نا زمان ام البنین
سویلدی کامه یِتوب اول جان نثار

واقفم عباسیمون کردارینه
سرّ مطلب مطلبوندن آشکار

کیم حسینون قصد قیلسا جانینه
نعشینون اوستَن گرک سالسون گذار

ویردوقوم سود اولسون عباسه حلال
قارداشیندان بیر دم اولمازدی کنار

زمزمه اِیلردی دلده روز و شب
عالمی اولسون حسینسیز تار و مار

اوغلونون تعریفین اِیتدوقجا خانم
زینب کبرای اولوردی اشکبار

یِتدی تا ام البنینه ناله سی
سسلدی ام البنین با حال زار

جانیوه زینب منیم جانیم فدا
آز زمان ایچره قوجالدوب روزگار

دل دیدی گَتدی دیله تا زینبی
گوردی زینب سسلنور ای دل فکار

قانینه غلطان اولوب قارداشلاریم
قلبیمه درد و اَلم سالمش شرار

اولدی قسمت سرو قامت اوغلوا
کربلاده دشتینده بیر خیردا مزار

تا ایشیتدی بو سوزی ام البنین
آخدی گوزدن گوز یاشی بی اختیار

یوز دوتوبدور حاضرینه سویلدی
اود دوتار قلبیم بو محنتدن کِرار

درد و غم گور نه قوجالدوب زینبی
قدینی تا ایلیوب رنج فشار

زینبین احوالینه قان آغلارام
لشکر غم، اِیلیوب قلبین حصار

بولمورم زینب نَدندور اولمیوب
انبیانین صبری تک زینبده وار

چوخ مصیبت یوز ویروبدور زینبه
بو غم عظما ولی دلدن سالار

یار اولوب روز ازلدن یارینه
یار اودور هر یرده اولسون یاره یار

قلبینی تسخیر ایدوب حُب حسین
چوللره سالدی اودور عشق نگار

کیم ویروب عشق حسینه دلده یِر
سینه سینده وار مدال افتخار

خوش منیم احوالیمه، دنیاده من
ویرمیشم نوکر اونا دورت نامدار

فرصتی گَل فوته ویرمه ای (عتیق)
خدمت اِِیت ال اللهه اول رستگار

• یکشنبه
• 3
• مرداد
• 1400
• ساعت
• 15:28
• نوشته شده توسط
• یوسف اکبری

آنا زیارتنون شوقی زینبی گتوروب
بقیعه یوز چووروب تا گلوب اوزین یتوروب

ازل سلامیله ویردی اجازه گوز یاشنا
دوروب دولاندی شتابیله قبرینون باشنا

دوشندی حسرتیله روضه مطهرینه
بلالی باشنی آچدی ال آتدی زلفلرینه

گلوب تموجه بحر محبت ایلدی جوش
لقای وصلی دوتوب قالدی بیر زمان مدهوش

اورک دویونمه سی قویموب قالا او حالتیلن
آیتدی زینبی گتدی مقاله رقتیلن

دئدی آنا گوزون آچ ، ختم اولوب زمان فراق
دوباره محضریوه گلمشم گوزوندن ایراق

قدیم خمیده لنوب ، قاره ساچلاریم آغاروب
گوزوم دوشوبدی ایشقدان ، بو گل یوزوم سارالوب

بو مشهور بیتی رحمتلیخ مرحوم آصف ، مدینه احوالاتیندا بویوروب ، خانم زینب(س) آناسینین قبرینده عرض ایلیر:

یتنده غم منه هر یرده گزلین آغلامشام
اوجادان آغلاماقی من بو قبره ساخلامیشام

او زینبم که منی عزتیله بسلردون
یاتان زماندا گلوب رافتیله سسلردون

آچوب گوزیمی باخاردیم سنه گینه بیر آز
یاتوب اویانمازدیم کیم سنه ایدردیم ناز

نه نوعی عرض ایلیم هانسی غمی گورممیشم
بو قدر وار آناجان ، ساقدی جانیم ئولممیشم

نجه بیانه چکوم ، چکدیقیم جفا چوخدور
دینمورم هاموسین چونکه طاقتیم یوخدور

ایلیم قبیلم الیمدن گیدوب ، ایویم یخلوب
گوزوم باخا باخا بیر بیر کمک لریم قریلوب

قاریشدی کرب و بلاده گوزوم یاشی قانه
یتشدی هر نه که غم وار بو بیر قوری جانه

او یرده من ایکی نورس جوانیدن گچدیم
الیمله یتمیش ایکی قامته کفن بچدیم

یاناندا خیمه لریم منده چوخ باخوب یاندیم
علی الخصوص گوروب بیر یتیمی اودلاندیم

دوتوب اتکلری اود ساق صولا باخور دولانور
گهی قاچور یخلور سس چکور دورور دایانور

منی باغشلا آنا چونکه غفلت ایلمشم
گلنده شام غریبانه من گورنممشیم

بو قدر ظلمیله اعدا یتشمیوب کامه
که عاقبت آناجان یولادی بیزی شامه

باخاندا نیزه ده من قارداشیم حسین باشنا
دونردی قانه سرشگیم آخاردی اوز باشنا

سنق کجاوه اوزوم خسته ، قولاریمدا طناب
گون ایسی سی یول اوزاق آج سوسوز اورک بی تاب

گورنده آغلامیشام قاداشیم اوشاقلارینی
که گورسه دوردیله هر دم قابار ایاقلارینی

بیری دیر قولومی ایپ کسوب آچان یوخدور
بیری دیر ئولورم هیچ منه باخان یوخدور

بیری دوشوب دوه اوستن یره منی چاغرور
بیری دیردی امان عمه جان باشیم آغرور

بو حالی شمر گوروب باخمازیدی گوز یاشما
گینه ویراردی عداوتله قمچیلر باشما

دوتوبدی شور سنی (آصفا) یازوب خامه
بو شام وقتی سوز آچدون مدینه دن شامه

• جمعه
• 5
• شهریور
• 1400
• ساعت
• 23:12
• نوشته شده توسط
• یوسف اکبری

به امر سید سجاد ، اهل بیت ملول
ایدوب حوالی یثربده بیر مقامه نزول

بویوردی تا ایده لر مجلس عزا برپا
او سرزمینده اولا تازه ماتم شهدا

او دم قورولدی سراپرده امام حسین
آچلدی ماتم ایچون چتر احترام حسین ع

گیدوب او خیمه پر شوره زینب نالان
بتول وارثی ام المصائب دوران

گتوردی ناله سی روح بتولی فریاده
بهشت عدنده اولدی فغانه آماده

بویوردی حاضر ایدون کربلا نشانه لرین
نظامیلن دوشیون آغلاماق بهانه لرین

یتوردی زینتینی مجلسده اتمامه
که قویدی صدریده بیر قانه باتمش عمامه

مرتب اولدی او یرده اساس ماتم و غم
گلوبله شیونه یکسر مخدرات حرم

ئولنلری هامی اوخشاردیلار به ناله و آه
نگوردوله که گلور پیشوازه عبدالله

یتوب کنارینه تا چادرون او کان ادب
ویروب سلام یویوردی هانی خانم زینب؟

ایشتدی تا بو سوزی زینبون قاچوب رنگی
مبدل اولدی بیر اوزگه هوایه آهنگی

او آغ ساچینه قرا معجرینه بیر باخدی
کمان قدینه دونوب باخدی گوز یاشی آخدی

بویوردی باجسینا اول بلاکش مظلوم
عم اوغلوموندی بو سس ، چاره قیل باجی کلثوم

منی بو حالتیله غفلتا اگر گورسون
مباد شدت غمدن اوزونی ئولدورسون

بو قاره معجری بو آغ ساچی ، بو قد کمان
اوزون قباقجه گیدوب بیر دلیله ایله بیان

اگر چه وحشتی چوخدور یواش یواش ایله رام
سنه باخوب منی گورسه بیر آز دوتار آرام

چیخوب قباقینه کلثوم با ملال و الم
ویروب جواب بویوردی سلام یابن العم

باخوب او غم زدیه چکدی قلبیدن بیر آه
گلوب کلامه بویوردی دوباره عبدالله

دئ بیر منه گوروم ای بانوی دیار تعب
هانی عراقه گیدن فاطمه قیزی زینب؟

ندندی من دیدیقیم گلمدی او کان وفا
بویور صریحنی یوخسا ئولوب او کان حیا

گجه گوندوز ایدرم ناله اشتیاقیندان
گوزتلورم گله بیرجه اوپم ایاقیندان

دئدی که صاقدی ولی آدی واردی بی جاندور
مدینه ده گورسن ایمدی چوخ پریشاندور

قبول قیل سوزومی دادیوه علی یتسون
یوخومدی تاب اگر صاقدی بیر گوروم گیتسون

قیتدی خیمیه کلثوم اشکبار و ملول
بویوردی زینبه ای دختر عزیز بتول

اگر چه ایمدی رضا ویرموسن سنی گورسون
ولی نه چاره عم اوغلون دیور اوزی گلسون

ایشتدی تا بو سوزی تازه دن اولوب بی تاب
کسلدی چاره سی آغلار گوزیله ویردی جواب

یانیمجا گل باجی کلثوم محنتیم چوخدی
دانشدیراندا منی ، سن دانش دلیم یوخدی

قرالیام نه دیوم من او زار شوهریمه
گیداخ یانیمجا باجی سن دانش منیم یریمه

هزار شرم و حیائیله زینب پر غم
چیخوب قباقه بویوردی سلام یابن العم

جواب ویردی علیک السلام، سن کیمسن؟
ندندی گلمدی زینب اولوم فدا اونا من

دئدی کناریده گزمه یاخوندی چون مطلب
گوتور حجابی یوزوندن یانوندادور زینب

دوشوبدی گوگلومه شرمنده لیق اودی یانورام
تانیمسان منی ، من بینوا سنی تانورام

تانمیسان منی بولمه فلک بیله دولانور
من ستم زده نی آغلیاندا شمر تانور

عمون علی قیزیام ، چوخدا ایلمه تکرار
منی بو حالیله چون گورمیوبسن عذرون وار

دئدی یقین که قالور دوست دوست یادینده
بو حال اوخونموری چون زلفوین سوادینده

عزیز فاطمه حیدر کیمی گلور نفسون
من آختارانسان اگر دوتقون اولمییدی سسون

هانی او چهره گلرنگ و عارض گلنار
هانی او طره شبرنگ و زلف عنبر بار؟

اولوبدی گل یوزون افسرده ایتمیسن ناله
مگر نولوبدی سنه ؟ قالموسان بو احواله

باشین سالوب اشاقه زینب حمیده صفت
جوانلارین طرفندن چکردی چون خجلت

دئدی عم اوغلی دیمه راه و رسمدن دورم
ایکی جوانون ئولوب منده خیلی معذورم

دئدی تکلم ایله ای نجیبه دوران
که باغریمی ایلیوب هجر محنتی القان

دئدی ندن گوزیوین نوری بو قدر آزالوب
دئدی گوزوم ایشقین آغلاماق الیمدن آلوب

دئدی ندندی اولوب گوزلرون بیله گریان؟
دئدی شهید اولوب قارداشیم حسین عطشان..

• جمعه
• 5
• شهریور
• 1400
• ساعت
• 23:14
• نوشته شده توسط
• یوسف اکبری

زینبون آیریلالی یثرب و بطحادن آنا
اولمیوب آیریلا بیر لحظه بلایادن آنا

قارداشیم باغلادی ب و شهرده بیر بار سفر
روشن اولدی منه آینده او معنادن آنا

گجه خائف یترقب سفرین باشلاماقی
سلب ایدوب تاب و توان عترت طاهادن آنا

کربلا دشتینه دوشدی گذری قافله نون
بیر اوزون شرح ملالیم وار او صحرادن آنا

اوردا جانانیله بیر بیع و شری ایتدی حسین
سود سرشار نصیب اولدی او سودادن آنا

ویردی حق اوسته هامی ماملکین ، جان نقدین
قیمتین آلدی رضای حق یکتادن آنا

گوردی دین ایلوری قان بذلینه احساس نیاز
گچدی اکبر کیمی بیر سرو دل آرادن آنا

آیریلان وقتده شوقیله حرمدن او جوان
آیریلوب تاب و تحمل دل لیلادن آنا

گتدیلر پیکر مجروحینی گوردوم من اوزوم
قرمزی قان سوزولور زلف سمن سادن آنا

قاسمین جسمنی نه حالده گوردوم دیمورم
بوله سن شرحینی مختصر ایمادن آنا

یری وار عمریجه آغلار قالا بیکس آناسی
چوخ چتین داغ جوان آیریلا ثکلادن آنا

ایله بیر حالته دوشموشدی اونون گل بدنی
طرح ترکیبینی پوزموشدولا ایذادن آنا

عطشین سوزشی بیر شدتیله حاکم اولوب
دوتدی هر نازلی بالا دامن سقادن آنا

العطش ناله سین افلاکه اوجاتدی بالالار
ویرمدی سو بیزه دشمن دولی دریادن آنا

سودی ، حقی ، آنامون اولسون ابوالفضله حلال
آفرین بیر ایله شیر صف هیجادن آنا

عطش عشق حسینیله یانوب ایچمدی سو
اولدی حیران هامی عالم او تولادن آنا

سوئی توکدی یره لب تشنه چخوب دریادن
اود یاغاردی او هوای شرر افزادن آنا

آبروئیله معارضدی گوروب آب فرات
آب روئیله سالوب آبی تجلادن آنا

بو سفرده نه دیوم من ، بیزه یوز ویردی نه لر؟
منطقیم عاجز اولار حل معمادن آنا

قیزلاریندان ایله آیریلدی حسینیم ، من اوزوم-
آرزو ایلدیم آیریلماقی دنیادن آنا

قلبیمه قویدی محبتله یدالله الینی
ایتدی آماده منی همت والادن آنا

کاروانیم یتیشن وقتده قربانگهه من
قصدیم اولدی یتیشم کامه او ماءوادن آنا

ساربانی ایکی دنیاده گوروم خوار اولسون
تار ایدوب گوندوزومی لیله یلدادن آنا

ایستدیم بیرده قویام قلبیمه قارداش الینی
حیف یاس اولدی امیدیم او تمنادن آنا

سرگذشتیم اسف انگیزیدی عرض ایتسم اگر
خاطرون درده گلر شرح غم افزادن آنا

کوفه ده قارداشیمون دیدینه گلمشدی مسیح
بازدید ایتدی اودور دیرده عیسادن آنا

قانلی باش معبد ترسایه قویان وقته قدم
گلدی الله سسی ناقوس کلیسادن آنا

چکدی بیر بزم شرابه بیزی جبریله یزید
گوردوم اوردا می و میخواره و مینادن آنا

اوج قدرتده اوزین گوردی او جبار زمان
انتقام آلدی سر وارث یحیادن آنا

خیزران الده ایچوب باده اولوب مست و خراب
دئدی هزیان اثر ساغر صهبادن آنا

شام ویرانه سی آخر بیزه سر منزل اولوب
اولمیوب قورتارا زینب باش او غوغادن آنا

مین خدنگ غمه بیر دل اولا عالمده هدف
اوندا مشکل قالار آثار ، شکیبادن آنا

اوچ یاشندا بالا گل غنچه سی ویرانه نشین
سنه بنزردی او قیز سیرت و سیمادن آنا

گتدی سن تک اودا جسمی یارالی قبر ایوینه
نسگلیم چوخدی او نیلوفر زیبادن آنا

حیف اولا اولمادی اوز شانینه لایق کفنی
سالدی بو غصه منی قدرت و یارادن آنا

هر قدر دیده خونباریله باخدیم یوزینه
دویمادیم لذت دیدار و تماشادن آنا

آخرین مرحله وصلده اوپدوم یوزونی
سیلدی اشکیم توزونی زلف مطرادن آنا

کوفه و شامی دولانماق منه آرتردی شرف
راضیم بو قدم بادیه پیمادن آنا

یوخدی (خوندل) ده لیاقت بو مسلمدی ، ولی
وار عنایت گوزی بو درگه والادن آنا

نقطه ضعفی بویوکلر گوزی گورمزله ، بلی
غمض عین عیب دگل دیده بینادن آنا

هر نه اولسا گنه اوستونده حسینون آدی وار
خوشدی گر اولسا کرم نوکره مولادن آنا

• جمعه
• 5
• شهریور
• 1400
• ساعت
• 23:16
• نوشته شده توسط
• یوسف اکبری

ایشتدولر گلوری شهره عترت طاها
دوشوبدی شهره او گونده عظیم بیرغوغا

واریدی شاه شهیدین علیله نازلی قیزی
قالوب مدینه ده آغلاردی هرصباح و مسا

ایشیتدی ناله و شیون صداسین عرض ایتدی
که جده جان دیگوروم شهریده ندوربو صدا

دیدی قیزیم که دیلر بو شهره واردی گلن
دیدی منیم الیمی دوت گیداق بحق خدا

گوراخ خبرگتورن وارعموم عمه لریم
آتام هاچان گلچاق اکبریم نه وقت آیا

گلوب اووقتیده بیرعده با حیا عورت
نه قصدیله که ایدیم من نجه او قصدی ادا

دولاندی باشینه عورتلرین بیری دالیدان
سالوبدی باشینه حسرتله بیرلباس قرا

ال آتدی باشینه صغراده زلفینی یولدی
اولوبدی اشکیله ممزوج او صورت زیبا

توکوبدی گوزیاشی رخساره عورتین بیریسی
دیدی آتان طرفیندن خانم باشین ساق اولا

غرض مدینیه وارد اولوب او غمکشلر
نه نحویله اونا قادردی قادر قهار

گلوبله روضه ی پیغمبره گوزی یاشلی
دوشوبله قبررسول استینه او دم بالالار

یانان دلیله خانم زینب عرض ایدوبدی بابا
اولوم بو قبریوه قربان ای شه ابرار

چوخ آرزو ایدرم بو حرم اولا خلوت
ولی بو وقتیده روضه نده واربابا اغیار

دگوبدی بسکه بابا کعب نیزه قمچی منه
او ظلمیدن بدنیمده وار ایمدیده آثار

دیوبدی درد دلین بسکه ایلدی شیون
نه زحمتیله اونی اوردان ایلیوبله کنار

بتول قبرینه گلدی یوزینی قویدی دیدی
ایشقلی گون گوزیمه ای آنا اولوبدورتار

قوناق آدیله بیزی کوفیان دعوت ایدوب
ازل بو حرمت اولوب سو یولونی باغلادیلار

بالالارین آنا لب تشنه جان ویروب نچه سی
بو نسکل حشره کیمی بل آنا بو سینه ده وار

گوزوم باخا باخا الدوردولرجوانلاریمی
حسین الینده سوسوز اصغرینی اوخلادیلار

سوسوز کسوبله قفادن آنا باشین بالاوین
گیدربو نسکلی گورسینه دن جهان تاوار

یارالی نعشی قالوب قوملاراسته اوچگون آنا
باشی جداده اولوب شهرشامه راه سپار

تمام اولان دگل (عاصم) بو غصه و محنت
نقدری یازسا قلم بولگلن گینه آرتار

• جمعه
• 5
• شهریور
• 1400
• ساعت
• 23:18
• نوشته شده توسط
• یوسف اکبری

ای مدینه عورتلری گلوب هر گجه گونوز داده آغلارام
سو یانیندا لب تشنه جان ویرن اوغلومی سالوب یاده آغلارام

وار یری اگر عالمه تمام اودلی آهیمیله شرر سالام
نه روادی که گلشنیم سولا ظلم الیله آخِر ملر قالام
وای منه دیولّر جفائیله کربلاده دوغراندی شیر بالام
یادیمه سالوب بیر به بیر غمین نی کیمی گلوب داده آغلارام

اُلدورنده عبّاسیمی عدو کربلاده صد حیف اولمادیم
غصّه دن خزان یپراقی کیمی شاخه ی مصیبتده سولمادیم
باش آچوب آنالار کیمی اونون نعشی اوسته من زلف یولمادیم
اود وورار فراق آتشی هر آن بو دل و بو اکباده آغلارام

نار حسرت ازبسکه اود وورار بو یانان دل و جسم و جانیمه
باخبر اولان یوخدی بیر نفر دلده کی بو سرّ نهانیمه
آغلارام سزادی بیر عمر قان تشنه جان ویرن نوجوانیمه
شاد اولام چتین بیرده یوز گوله، تا وارام بو دنیاده آغلارام

بولموسوز ابوالفضلیمی نجه بیر رشید مه رو جوانیدی
سرو قدّی واقعده زینت باغ گلشن و گلستانیدی
باغریقان بو امّ البنینیده سرو باغینه باغبانیدی
گلمیوبدی گلمز او سرو تک بیرده سرو ایجاده آغلارام

کربلاده عبّاس جان ویروب اوز وفاسینی قیلدی آشکار
فاطمه یانیندا آناسینی ایتمدی قیامتده شرمسار
چکدی داغینی سینمه ولی بیر بالا منه قویدی یادگار
اوخشارام بالامی اودا دیر دردینی بو ناشاده آغلارام

قویدی اوز یرینده نشانه سین اوز شبیهی شیرین سخن بالا
واریدی ازلدن رضایتیم جانی شاه دینه فدا اولا
بیر قبیلیه اکتفائیدی گر قالیدی مظلوم کربلا
یادیمه حسین محنتین سالوب متّصل بو ماواده آغلارام

آغلارام حسین تک گلوم سولوب جان ویرونجه من اشک ریزیم
چون اونون وجودی اولوب سبب بیله اهل عالم عزیزیم
یوخ اونا آنالیق لیاقتی گر قبول ایتسه کنیزیم
عزّتیم گیدوبدور، قرا گونه اولموشام من آماده آغلارام

بیرده من حسینسیز وجودیمی عزّتیله همدوش گورنمرم
باشه یتدی عزّتلی گونلریم روزگاریمی خوش گورنمرم
کاش اُلم داخی بو مدینه ده من حسین یرین بوش گورنمرم
مهربانیدی چون گوزوم قالوب ایمدیده او مولاده آغلارام

اوغلونون عزاسینده آغلاماق گرچه هر آنانین سزاسیدور
لیک اولوم ابوالفضلیمه فدا آغلادان منی بیر وفاسیدور
افتخار امّ البنیندور، دورت بالام حسینین فداسیدور
خدمتیله ایلوبدیلر منی سربلند عقباده آغلارام

بیر گورون بو بی کس آناسینون قلبیده نه اندازه صبری وار
سرّی واردی گوزیاشلی دیده مین بیله بارش همچو ابری وار
کربلا مسافرلری دیور اوغلومون گوزل خوردا قبری وار
یادیمه دوشور خوردا مرقدی صبر دل گیدور باده آغلارام

خدمتین حسینه تمام ایدوب دلده کی اولان مقصده چاتوب
ایله سرو قامتلی بیر بالام خوردا قبر ایچینده نجه یاتوب
اولمادیم او چولده گورنمدیم هاردا او درخشان مهیم یاتوب
فکر ایدنده حالین غم و محن یوز ویرر بوناشاده آغلارام

کربلاده زینب بیله دیور بیر مهمّ جنگ اتّفاق دوشوب
اوغلومون اولوب قولّاری قلم، صاق قولی صولوندان قاباق دوشوب
بولمورم ندور سرّی بس اونون قبری قارداشیندان اوزاق دوشوب
تا بدنده روحیم نه قدری وار جور و ظلم بیداده آغلارام

گرچه منله عبّاس آراسینا سالدی بو فلک حسرت وصال
یوخدی چاره امّا دوزم گرک، دوزماقیمدا بیر امردور محال6
چونکه روسفید ایلیوب منی امدیقی سودی ایلدیم حلال
باشیمی اوجالدوبدی تا صاقام من اونا هر اثناده آغلارام

صابرم ولی بیرجه نسگلی اوغلومون منه چوخ گران گلور
حالینه باخاندا یتیمینون دمبدم سرشک روان گلور
یوز دوتور منه سویلوری آنا مهربان بابام بس هاچان گلور
فرقتینده بیکس آتاسینون آغلوری بو شهزاده آغلارام

یوخ سوزوم مدینه خانملاری چوخ اوشاق آنادان یتیم اولی
خلقتینده گر اوز آتاسینا بنزیه اوشاق واردی چوخ یولی
واردی اوغلوم عبّاس تک نه چون بو بالاسینوندا اوزون قولی
هیکل ابوالفضلی گوسترور خلقتی سراپاده آغلارام

(ساعیا) تمام ایت گیلن سوزون طول ویرمه چوخدا کلامه سن
سوز یازاندا آز یاز ولی قوتار ویر همین کلامه ادامه سن
اولسا دلده هر نه حوائجون عرض قیل شه تشنه کامه سن
دی واریمدی بیر درد قلبیده من او درده اخفاده آغلارام

• جمعه
• 5
• شهریور
• 1400
• ساعت
• 23:20
• نوشته شده توسط
• یوسف اکبری